蔦 (Closed)

試的是149的醬油味拉麵，湯底有別其他日本拉麵店，比較清，帶黑松露的濃香，溫泉蛋做得很好，叉燒也有別其他傳統日本拉麵店，應該是慢煮的，鮮嫩無渣專門到了東京本店試試同一款麵，JPY1100，比香港便多了，湯底方面有小小分別，但相差不大，感覺香港店的海鮮味更突出，而叉燒方面，本店是有兩種叉燒，除慢煮個款還有一片是燒的，不過覺得唔算出色，而溫泉蛋做的非常普通，香港店的出色好多，面方面日本店的更爽口，總的來講，日本店的優勢是價錢便的，品種都多好多，但香港店都做得好出色

今次點左佢個招牌醬油拉麵，即管睇下有咩料子會得到米芝蓮評審垂青🤷🏻‍♀️原來，每碗醬油拉麵都加入黑松露醬同松露油，食落味道有更多層次，係幾特別既，唔係一味咸，不過我係重口味人，都係鍾情濃厚湯底多啲🙄－叉燒屬於較瘦既豬肩肉，口感好嫩完全唔嚡，可惜一碗拉麵只跟一片叉燒👉🏻👈🏻 麵條屬於幼身拉麵，粗幼度同一蘭差唔多，不過個人認為麵質唔夠彈牙，甚至有啲過淋既感覺⋯⋯至於半熟蛋🥚，我覺得係成碗麵既亮點，好流心兼好入味，有水準👍🏼－總括黎講，攞星呢啲野，虛名黎姐，嚇我唔到既😂食過一次就夠啦⋯⋯⋯⋯

如果這家拉麵可以評為米芝蓮一星的話，我覺得米芝蓮欠一蘭、一風堂、武藏、豚王一個二星。新出的味增湯很咸，menu上註明湯底裡有洋蔥栗米，但實際幾乎沒吃到。叉燒比較乾、瘦肉部分太多。米芝蓮一星的門檻已經這麼低了？

同朋友行開尖沙咀見到間野寫住米芝連就諗住去試下一入到去凳都未坐就要係企係門口落單仲跟手收埋錢，感覺麻麻，驚死你走數咁落單時冇得比你選擇拉麵的軟硬度亦都冇得比你揀湯底配料要加啲咩，減啲咩純粹睇圖落單 覺得一間米芝連既餐廳，沒太著重客人的需求錢都比哂，當然都沒有服務可言吧店員跟手擺低個拉麵就走，唔會問你有冇其他需要同朋友分別叫左個鹽醬同醬油叉燒拉麵湯底得個咸字，完全冇好濃郁個種feel好似飲緊味精湯咁叉燒味道尚可，都算幾大塊，厚薄適中隻溏心蛋反而唔錯，好食食到好口渴，間餐廳沒有免費熱茶（要+$15杯）食完對呢間野真係冇乜好感所以寧願食完快啲走出去買野飲第一次專登上openrice寫食評真係忍唔住，極之失望

第一間銅鑼灣鋪岩岩開時 排隊排左成大半個鐘。他地既湯頭係用雞同魚介煮出黎 嗰次係第一次食呢種甘清既湯 記得味道都唔錯今次係附近行街 經過見冇乜人等 就入去再食 又係一樣，首先落左單比左錢 再係一邊等位 大概5mins左右就坐底左店內大概廿幾個位 圍住個open kitchen 兩個師傅每次一齊整四碗麵，大概十分鐘就有野食醬油味肉叉燒拉麵叉燒係偏瘦既豬肩肉 比較健康麵條係屬比較幼身既蕎麥麵大家睇下 對比上次同今次啲相 今次個湯顔色深好多，食落都鹹左勁多記得第一次食係好清香 淡淡黑松露味 味道好平衡今次個湯既鹹味完全將鮮味同松露香味蓋過唒隻蛋又係太鹹 而且有d過熟食完碗麵勁口渴 拉麵黎講，其實個人覺得濃厚d既湯配拉麵會好食啲，但男友話想食所以陪佢 估唔到今次個水準差左甘多差唔多成百五蚊一碗麵 已經唔係好值而且師傅完全做唔到水準 未必有下次

下午時份到來吃下午茶 好在不用排隊入店後要在收銀處先點餐 然後坐下店裏位置不大 大概三十座位當然海港城店會比較多是旅游客吧台位置可以看到廚師在制作美味的拉面配料先來放叉燒在碗裏 再放上高湯 最後就是拉面湯底不是一般的猪骨湯 而是用了大量海鮮制成的配料可是非常新鮮 口感較一般香港吃到的拉面清淡所以喜歡重口味的食客可再作考慮我這個是Shio拉面但這店Shoyu口味非常有名下次可以試一下 值得一再支持Keep up the good work, cheers!

今天下大雨，估唔到這家米芝蓮拉麵店不用排隊，立即入內試試。這兒同銅鑼灣有些不同，有一款限定拉麵提供（味噌拉麵）而銅鑼灣是沒有的。拉麵定價由$98-$149， 口味方面有醬油、鹽味同味噌。醬油味玉拉麵$113這拉麵湯十分清，淡淡的曰式醬油味道，透著黑松露醬的芳香，而那黑松露的味道同酱油湯底幾夾，有著高湯的淡雅，即使飲湯也不覺得油膩。而叉燒就只有薄薄一片，感覺太瘦了，有少少鞋口。拉麵是幼身的，掛湯力十足，可是沒有那種煙韌的口感，也沒有軟硬度或多油少油的自由選擇。但有網民說這麵的卡路里是比較少的，說實話這拉麺真的似上湯拉麵，唔油膩。味噌味玉拉麵$113這限定版真的叫人大失所望，湯底呈棕紅色，味道真的比較咸，除了咸以外，感覺有少少味噌味同少少辛口。這湯底相對剛才的比較油，叉燒同樣的得一片，同樣的有點吃瘦肉。唯一可取的是那味玉：味玉煮到流心狀，無論旦白旦王都十分入味，認真唔錯。不過以百一蚊吃這拉麵有點不值，無論這味噌湯底及叉燒都麻麻地。若果要試，還是醬油味好一點。

獲得米滋蓮一星的蔦，我會推介其麵條，而且一定要加多個白飯，雖然都要$18，但吃完麵再將白飯放入形成湯飯，口感絕對不錯。蔦在尖沙咀海港城開分店，分散了銅鑼灣店那條長長的人龍，店子我一向主張兩至三間分店就最好，品質有管制之餘不失個別店舖的獨特風格。蔦的其中一個特色是先要排隊，然後點餐付款後才可入座，我對於這種方式感到太友好，除非你非常熟悉蔦的所有食品或飲品，加上尖沙咀分店員工亦會自動為排隊中的食客派發餐牌，所以就會出現新客排到隊頭，員工作一個簡介，之後才發現要先付錢後入座，再在餐牌上揀選食品，然後才付錢取收據就座，浪費了少時間，或者換過另一個講法，這就是米滋蓮高級場的氣派。另外蔦的另一個特色是廚房與食客的距離非常近，食客可以在近距離看到煮食情況，這是好壞參半的設計，廚子與客人有溝通，廚房的表演被客人看到，但是由於於太多客人關係，廚工往往受到干擾，不太集中。廚工分為兩組，由於座位是圍成一個圈，各自招侍自己那邊半圓的食客。兩位煮麵師父我較欣賞，特别是專心弄鬆麵團及揈煮麵水的功夫。由於尖沙咀分店有限定店鋪麵款味噌，於是當然揀味噌拉麵，只要叉燒的已經$134，一生起碼豪氣一次，加多一隻味玉蛋

我個好朋友話海港城開咗間米之蓮有星嘅拉麵，所以我哋一齊就去睇下係咪咁好味。入到去，佢地要我地首先要齊人，然後要俾完錢先可以企埋一邊等有位。老實講如果唔係佢話有米之蓮，我係一定唔會等。等左好耐之後，終於啲嘢食嚟啦。個湯好清囉，嗰塊肉呢好薄囉，整個麵對我來講，一覺得隻蛋係幾好味囉。個麵嘅味都幾特別，不過好細好細囉啲份量。如果一個普通成年男人應該一定要加份量囉！真心嘅，個湯底清清地，都幾好飲加上有多重黑松露其實都幾特別嘅。不過我係唔會再去食囉，又貴又唔係特別好好食。肉呢其實雖然好薄，但係個味係幾好食。不過唔特別值得一去囉！經過食下應該可以嘅。所以總括嚟講其實一般啦。塊肉都好香好似煙燻過咁，幾特別。但係冇佢講到好似米之蓮咁咁值得一食囉！

五點幾同朋友經過海港城，咦之前先話銅鑼灣又排隊又米芝蓮，咁快開到黎仲要唔駛排隊喎！即刻走入去食個early dinner先入到去全部係Bar seat,一係對住個cooking counter一係對街境。首先會有個receptionist比menu你睇，排隊落單俾左錢就會有人帶你坐低等食。值得一提係我同友人兩個入去睇緊menu落單，之後就有強國遊客衝入越過我地話要食，結果就打尖仲企喺落單位慢慢磨，最後仲入座先。客人唔識排隊，做server或者receptionist冇理由唔識處理姐？我地叫左個類似豚角煮，但用嘅係安格斯牛肉配特製洋蔥醬(好似係)，另外一人一碗醬油玉子拉麵。呢個好似係48$左右，整體唔錯，但又未去到好食到要encore或者有驚喜嘅地步。主角醬油玉子拉麵($118)出場。個湯好清好香，聞到多種複雜香味嘅味道。啜返啖先，個湯冇典型d醬油拉麵咁重口味咁heavy。再撈埋上面嘅黑松露醬，薄荷葉同洋蔥絲食，係好香好fresh好舒服。隻蛋係十級溏心，好慶幸自己落單果時有追加返，個蛋黃一入口就化哂喺條脷上便除左叉燒薄同d侍應扣d分之外，其實唔錯嘅。

幾個月之前，知道<米芝蓮1星> 拉麵店登陸 香港 登龍街，已經好想去試下 ! 結果.…..忘記了 =( 。今日從朋友口中，知道在尖沙咀海港城 開新店 。就 9秒9去試下 .店的位置: 在行人路旁邊可以看到。 熙來攘往的人潮進入 海港城"Seen and to be Seen" ! location & location 好有蘭桂坊feel 有趣!有趣 !問咗靚女 店員Grace,米芝蓮一星係邊一碗麵, 佢推介咗#鹽味义燒玉子拉麵 味$98…及 推介”骰仔肉”,期間限定#味噌拉麵#鹽味义燒玉子拉麵:店員一放下會下, 一陣清香。 先試一口湯，溫度比一般拉麵店燙口- Like ! 。 有即叫即煮的風味 ，湯 頭 用了很多菌菇 及雞肉去 淆湯 。入口舒服,夠香甜 .  鹹味均勻，100 Likes ! 相比 其他日式拉麵店 用麵粉做, 麵條使用蕎麥做, 的口感稍有不同在香港來說是比較少有的.  溫泉蛋: 好好味! 流心效果口感一流 !!. 真 真 真 真 真 堅好味.. super like.骰仔肉:  初看似 ”白賴哂” ,白烚肉一舊?!… 竟然…超好食..  嫩滑 ，無渣，

尖沙咀最近開了一間米之蓮一星的拉麵，抱著一試的心態去試試，中午時間排隊的人不算太多，大約等了15-20分鐘之後便有得食。排隊的時候店員已經俾咗餐牌我揀定想要的拉麵款式。一路排隊去到收銀處的地方的時候店員便幫我購買了拉麵的票，再行去另外一邊等入坐，坐低之後再給票比店員拉麵便會送上。我揀了味噌味玉拉麵，味噌湯底比較濃，除了叉燒一片，加埋紫洋蔥，味玉蛋，粟米粒，芽菜，辣醬，牛肝菌磨菇油，西洋菜等配料，食落去沒有比想像中好食，可以叫做中規中矩。流心蛋都算幾好食。

聽聞海港城新開左間係銅鑼灣排隊都排唔到嘅拉麵店，呢日lunch夠鐘即走，來到店門口約有10多人在排隊，是次lunch任務就係食拉麵，點都要排！！說時遲那時快，其實排隊唔係排太耐，我哋由排隊、到俾錢、到等入座坐低埋都係半個鐘（店員收完錢後會安排你去企另一條隊，之後就好快入座啦）。坐低後將小票交俾吧枱師傅，望住佢整呀整，不消5分鐘已經整好滿熱辣辣嘅拉麵～我order咗醬油湯底，$118嘅價錢有一大塊叉燒同糖心蛋，仲有條筍乾添⋯老實說真係好貴⋯糖心蛋係perfect的，如果另加要＄15一粒；醬油湯底清得來微鹹，醬油湯底係有黑松露醬的，香就不在話下，但唔知係黑松露加熱後定係醬油嘅關係，湯底有小小苦澀味，都接受到嘅；師傅整嘅時候加左一小茶匙麻油，即刻令成碗湯底提升（原來出前X丁麻油麵真係偉大嘅發明！）；拉麵麵質幼得黎幾彈牙，我學習網上嘅「拉麵說」，整碗拉麵係10分鐘內完成令到麵質唔會因熱湯而變淋唔知係咪我食得太急，完成碗面飲咗好多湯都未有滿足嘅感覺⋯幸好我係排隊果半個鐘已經觀察完，一碗拉麵碗深麵淺，所以保險起見，我叫左個迷你骰子肉飯（$35），細細個試下味，果然冇令我失望！骰子肉其實同叉燒肉差不

本來打算經過看看情況再決定試唔試，8點左右去到，見到店內有大把位，而排隊只有幾個人，滿心歡喜咁行埋去啦，點知原來係先排隊落單比錢，然後再排隊入座結果都等左差不多成45分鐘聞落係幾香，可能係D黑松露醬既原因試左一啖湯，幾清甜，但可惜越食越口乾叉燒薄到透明，同埋我諗佢地以為我叫既係$113既醬油味玉拉麵，比少左3塊叉燒我囉$12一塊薄到吹得郁既叉燒，感覺上好唔抵以$149呢個價錢來講，係其他地方，有可能食到2碗添！一心諗住米芝蓮應該唔會太差啦，點知都係中伏！

掛着金光閃閃的米其林招牌，剛剛入驻海港城的蔦拉面，今天下午剛到時，不用排隊，直入，點了招牌的醬油拉麵和新店新的味噌拉麵，醬油拉麵，湯底淡淡醬油香還算不錯，溏心蛋做得不錯，味噌拉麵就有進步的空間，唯一的敗筆就是拉麵和湯不能完美的結合，面是完全不吸湯的直面，以這個價格來說偏小貴