新斗記 (Closed)

我覺得新斗記係一間值得排隊等半個鐘既酒樓黎, 而且等應服務好周到, 經常為我地換碟, 照顧到我地需要, 讚得一讚葱香蒸龍躉, 葱粒再加埋蒸魚豉油令味道會慢慢滲入魚肉內，令入口感覺更佳, 龍躉的魚腩脂肪肥美肉質嫩滑，是整條魚中最好吃的部份, 成條魚好快畀我地拆骨清晒所有肉了! 百花釀蟹鉗, 這一個菜式係我喜歡的炸物之一，蝦肉的鮮甜，經炸過後的甘香，真的很美味。呢蟹鉗包到很大隻，滿口是鮮甜的蝦味，再加上新鮮的蟹鉗肉，真的是絶配, 點一點醋黎食, 鮮味提升芝士焗波士頓龍蝦, 再配伊麵底, 價錢只係298蚊, 非常之抵, 分量非常多添! 味道好，波士頓龍蝦又啖啖肉，伊麵吸盡芝士龍蝦汁精華，好飽好夠食!

新斗記係我近期中菜至愛, 食物質素高佢出左係化皮乳豬, 烤到表層有芝麻皮, 肉軟嫩帶Q感, 酥中微帶硬脆口感，令人驚豔。點點砂糖，好似係食緊焦糖脆片一樣美味生炒排骨，色、香、味俱全, 不但顔色好看，而且美味可口。豬排骨表面炸到酥脆，再裹上一層亮麗的糖醋番茄醬，酸酸甜甜的味道可增加不少食慾, 甜酸排骨還加入菠蘿一起炒，不但能增加整道菜的酸味及果香味，而且也能中和排骨的油膩感。食左咁多肉, 當然叫個菜平衡飲食, 有高湯既加持, 菜非常JUICY, 爽脆!最後仲有糖水送, 有紅豆沙同木瓜雪耳揀, 我地都要左特別清潤的雪耳, 都幾清甜, 夾雜爽口既雪耳, 食埋糖水就完滿啦!

屋企人生日，當然要食好啲啲。 屋企兩老最鍾意食粵菜，所以同佢哋食飯我多數都會去茶樓叫餸食飯。 朋友介紹我新斗記嘅食物質素唔錯，而且符合屋企兩老嘅要求，有茶飲，有餸食。 先來一碟小食... 🐽招牌即燒乳豬🔥（$148/例牌） 乳豬是店內推介的，一場來到，點可以唔試吓？例牌份量嘅乳豬一份有六件，乳豬外皮燒得非常香脆，像薯片一般香脆。應該乳豬的欲也非常香滑，絕不鞋口，非常好吃，真是名不虛傳。 🦐碧綠蝦籽柚皮（$98） 爸爸最愛的蝦子柚皮這裏居然也有得吃呢！柚皮炆得又腍又滑，配上嘅芡汁亦都非常好吃，旁邊還有幾棵菜心，清翠爽甜。 🐷生炒上肉排（$98） 生炒上肉排就是我們平日吃到的咕嚕肉，味道酸酸甜甜，香脆可口，肉排香而軟滑，好吃！ 🍆漁香茄子煲👅（$88） 茄子煲上桌時還是炸炸聲的，香味傳到四周。茄子炆的非常腍滑，而且配上的肉碎和調味非常足夠，滲透在每一條茄子上，非常入味。 🍲生滾潮式蠔仔粥（$128） 蠔仔粥分量非常多，別人可分到兩大碗！蠔仔粥用了非常充足，有蠔仔、肉碎、香菜、蔥花等非常香口，吃前加上胡椒粉味道更好

今日黎銅鑼灣做野，第一次發現Holiday Inn 旁邊有一整幢餐廳，又係時候發掘下好野食！《淮生杞子螺頭燉雞腳湯 $168》秋冬季節當然要飲多啲湯滋潤一下！見到呢個螺頭湯有3-4人份量先$168，真係飲得過。湯既味道清甜，唔係飲完會好口渴既味精，而侍應哥哥將湯渣分開再放到碟上，咁就可以食埋湯中好粉既淮生。《乳豬 例牌 》新斗記最出名既乳豬，點可以唔食？乳豬皮肉分開，皮夠香脆，真係脆到想買一份番屋企做小食！點埋醬汁真係食到停唔到口。肉方面估唔到咁有口感！乳豬肉嫩滑中帶嚼勁，每件都好好咬，難怪乳豬係呢度既招牌菜。《粟米大魚塊 $158》由細到大都好鐘意食粟米班腩，因為啲汁都係好好味。呢份大魚塊可以話係食過既最高質之一，堅係件件都好大件，魚同粟米汁分開上，咁就唔怕香口既魚會淋曬。魚肉好滑溜而粟米汁中有好多粟米粒粒，送飯一流。《馬拉糕 $28》我最愛既馬拉糕！呢度既馬拉糕非常合我心意，夠軟綿，有蔗糖味。《家鄉魚鬆炆米粉 $98》炆米粉份量原來咁多，至少分到6-8碗。當我地兩個女仔食左上面咁多野既時候，淨係一人食到一碗～

來到銅鑼灣新斗記，必叫當然係遠近馳名既燒乳豬啦~!!前菜叫左手拍青瓜，蒜香味十足，青瓜爽脆清新胃口大開！栗米魚塊亦係招牌菜之一，粉漿薄薄唔會厚！加上再有栗米汁加持仲更加好味即叫即整香脆好味。芝士龍蝦伊麵~芝士味香濃芡汁做到非常到位龍蝦肉爽嫩而且肉厚龍蝦份量多到心心眼另外再叫左個豉油皇炒麵， 炒麵炒到非常乾身沒有油膩感覺 味道唔會太鹹， 又有鑊氣真係考到廚師嘅工價估唔到還有枝裝汽水。。特別好飲乳豬皮真係夠哂脆口，唔會因為放得耐而變得太淋！燒既火口剛剛好，唔會有焦黑情況出現~皮香肉滑既乳豬真係百吃不厭

銅鑼灣時代廣場對面有間新斗記在2/f, 上到去多人排隊，不過等左一陣就有位了！店員服務態度都好好~坐底就睇睇食什麼啦~見到出名食乳豬，所以我地就決定左叫份乳豬了！ 乳豬皮真係燒到脆到不得了！！仲要唔會有油膩感覺。乳豬醬蘸黎食仲更加惹味。真係皮脆肉嫩好好味。可說是吃過最好味的頭三間餐廳！！薑葱美國桶蠔煲熱辣辣上台，一煲有大約6隻，每隻都唔會縮到細細隻！仲保持番厚肉~厚肉嫩滑多汁！鮮味入味！有薑葱加持好味呀！生炒骨一講就知考廚師廚藝既餸菜，呢度亦做得相當出色。甜甜酸酸外層肉質香脆，送飯一流！啖啖肉唔會有太多骨！唔錯呀！最後有送糖水木瓜雪耳，幾濃郁又唔會死甜！非常有心思。

老媽子說過每次很想試試新斗記的茶市，但實在抽不到時間於中午跟她喝茶，所以唯有訂枱吃晚飯。是日老火湯 $128是日老火湯是赤小豆煲粉葛豬𦟌湯，正合漸涼的天氣飲用。湯味濃郁，而且能嚐到煲溶了的粉葛，好喝。乳豬（例牌$144）乳豬仔燒得平均，而且脂肪少，令薄薄的乳豬皮入口更加香脆。肉很都很嫩滑入味，蘸上乳豬醬就更惹味。梅子子薑蒸魚雲 $128魚雲配有酸酸甜甜的梅子醬汁十分惹味開胃，魚雲份量很多，佈滿整整一隻大碟。魚雲肉多又厚，魚肉又嫩滑，配上紫薑更添惹味！蝦子柚皮伴鵝掌 $168鵝掌彼大隻有肉，而且夠入味，喜歡吃鵝掌等朋友不要錯過！柚皮厚而燉得夠軟稔入味，而且蝦籽很提味。這道菜很難在一般中菜館吃到，這裡又弄得很美味，值得一試。薑蔥魚頭煲 $128魚頭用薑蔥爆香很惹味。而且魚頭大、肉多，膠質豐富，魚肉嫩滑。

今晚帶婆婆出外吃晚飯，選擇了這家位於銅鑼灣假日酒店的芝士蓮推介「新斗記」，因為它的乳豬很出名，而且亦有舊式餸菜，婆婆一定很滿意。$10/茗茶 花生$5/位 《是日老火湯 $128》赤小豆煲粉葛豬𦟌湯粉葛煲至半蓉，加上豬𦟌提味，湯味香濃而不膩，赤小豆亦有去水腫的功效，覺得特別適合女士飲用。《乳豬（例牌$144，1/4隻$188，半隻$358，全隻$698）》這是例牌份量。乳豬皮如薯片般的薄脆香口，而且一點不油膩，味道口感一流，當然是招牌。《啫啫雜菜煲 $78》熱烘烘很夠鑊氣， 職員再將雜菜炒兩下後蒜香撲鼻，雜菜亦嫩，很惹味。《金瑤琵琶豆腐 $88》豆腐拌有獻汁菜心和瑤柱。豆腐鬆軟入味，當中混有冬菇粒更添口感。唯菜心有點硬，老人家吃得較吃力。最後職員還送我們紅豆沙糖水呢.

Happy Friday，這夜，相約老爹吃飯兼吹水。他說，想吃一口脆乳豬，就去了銅鑼灣的「新斗記」。茶芥每位$15，水滾茶靚，配以懷舊公雞的餐具，教人精神為之一振。 老爹，每每外出用餐，總愛點來啤酒。這夜，要了一枝健力士黑啤$25枝。 一老一嫩，吃量不大，先點了兩款前菜刺激一下味蕾。爽口帶蒜香鹹香的手拍青瓜$38，著實是開胃前菜也。 溏心皮蛋酸薑$38，晶瑩剔透且略帶Q彈的蛋白，與溏心粘密的皮蛋黃，蘸上砂糖，再加一片爽嫩清香的酸薑同吃，既可中和皮蛋的鹼水味，又大大豐富了口感和食味。 碧綠賽螃蟹$98，乃把蛋白炒至香滑細嫩，「新斗記」特別之處乃混入了鮮嫩蝦粒，增添鮮味和口感。 香煎蓮藕餅$98，一客有八件，對兩人來說，真的有點兒過多了。煎得金黃的蓮藕餅內，除了少量切得細碎的蓮藕粒外，大部份是半肥瘦的豬肉。個人而言，還是喜歡爽口蓮藕多，豬肉份量相對較少的蓮藕餅。 引頸以待的招牌即燒乳豬$148/例牌，來頭不少，曾得到米芝蓮星級推介。乳豬份量不多，但一看見乳豬皮上的大小均一的氣泡，就知豬皮是脆卜卜的。「新斗記」的乳豬，廚師上枱前，把乳豬皮與豬肉之間的脂肪去掉，乳豬件的皮和肉是分開的。

今晚同一班好友聚會，去到銅鑼灣找食，選擇太多，真係有選擇困難症，商討了一輪，最後去了新斗記。叫了一個八人套餐，有幾款小菜，就中西蘭花炒石斑，八花鮮蝦餅，貴妃雞，上湯野菌浸波菜，更有最負盛名的金牌即燒乳豬，以及招牌豉油王炒麺。小菜普普通通，但招牌乳豬一定要推介，現場即燒，上枱熱辣辣，乳豬皮非常香脆又不太肥，肉香，現場烤製果然不同，美味可口，不用10分鐘，我們就成功 KO 咗成碟！另外一款，看似簡單，但非常考工夫的昰豉油王炒麵，彈牙，芝麻香，夠味，只是賣相一般，如果廚師可以加返小小伴碟，好食之餘，又好睇，就very good la!

在時代廣場見完客後，跟同事去了霎東街智選假日酒店的新斗記食晚飯，七點多到達已經幾乎滿座。全部碗碟都印有新斗記的LOGO。先點了個小食沙薑雞腳，雞腳用鹽水煮過，而且煎去指甲迫出雞油脂，所以完全唔肥，外皮軟腍，幾乎入口即溶，醮上沙薑更能提升咸味感。再點了最出名的乳豬，乳豬皮脆肉嫩，乳豬皮下脂妨全部剔掉，只剩下燒得香脆的豬皮，乳豬肉嫩有肉汁，沒有豬腥味，啖啖肉。籠仔荷葉麵醬蒸魚雲，麵醬的咸味癖除了魚雲的魚腥味，加上清新的荷香，令魚雲除了有麵醬咸香，亦都有荷葉的清香，兩者互補長短。臘味崧扒枸杞，臘腸及冬菇切粒很打個芡汁淋在枸杞面，枸杞本身帶點苦澀味道，而臘味的咸香味道較重，兩者濃味的配在一起，雖然味道不錯，但感覺不太和諧，如果配上豆苗，味道必定更佳，這味菜完全是設計用來送飯。碧綠蝦籽柚皮，柚皮共有三片，表面灑上了蝦籽，柚皮炆得非常入味，應該是用雞湯及蠔油燴過，又軟又腍而且完全去除了柚皮的苦澀味，每啖都鮮味無比，連醬汁都要用來撈飯，這些功夫菜真係買少見少，真係要慢慢品嚐。瑤柱蛋白炒飯，炒飯粒粒分明，瑤柱味濃，油份不多，炒得非常爽口。最後送埋紅豆沙做甜品，紅豆煲得很腍，有少許蓮子，不會太甜。總結食

由星期一做到星期五，已經得返半條人命，終於捱到放假，緊係要出去食餐好既慶祝一下。位於時代廣場後面的新斗記，佢地既乳豬遠近馳名，所以絕對要一試。一坐低就開了壺鐵觀音，連帶著奉上一碟花生，成為茶芥$20/位。有廚師推介的菜餚，價錢都是由$90起。先來一碟乳豬例牌，乳豬皮肉分開，皮下油脂盡去，只剩下燒下鬆脆的豬皮，咬落去似兩層豬肉紙一齊咬的感覺，非常香脆而且薄身，乳豬肉嫩滑有肉味，但不會太咸。之後再點了一個椒鹽白飯魚用來送酒，炸得非常香脆，即使放到最後都不會腍，粉醬很薄而且咸味適中，送酒一流，真係食到停唔到口。金瑤琵琶豆腐，琵琶豆腐其實是用鯪魚肉溝豆腐，再炸成圖形狀，之後再淋上瑤柱芡汁，豆腐軟腍帶點魚肉味，完全唔腥，瑤柱味很香，整個芡汁不會太杰及起粒粒，味道不咸，菜心很青綠及鮮甜爽脆。胡椒豬肚大蜆湯，整窩約有六至八碗，胡椒味道香濃但不會太辣，豬肚煲到很淋，湯底呈奶白色，加上蜆肉一起，蜆肉的海鮮鮮味增添在湯內，令湯更鮮甜。生炒上肉排完全無骨，外層炸得香脆，即使沾上了醬汁，依然不會腍，酸酸甜甜的味道令人食慾大增，每粒肉排體積都比平時吃的細粒，應改名叫一口肉排。最後送上紅豆沙，有我最喜歡的蓮子，紅

今個月係爸媽結婚三十週年紀念，所以一於去慶祝一下！先來一個招牌即燒乳豬，乳豬皮非常鬆化，外脆內軟，我未食過咁好食嘅燒乳豬！之後再來一個小食，椒鹽豆腐粒，豆腐細細粒，炸到脆卜卜，椒鹽又惹味，唔錯。太耐冇食牛仔骨，一於叫番個，黑椒牛仔骨煲，牛仔骨原煲上，好夠鑊氣，仲「沙沙聲」，好重牛肉味！除咗肉，仲有叫海鮮，就是係香煎鮮蝦餅，蝦餅好彈牙，仲煎到金黃色，恰到好處。呢度有我想食好耐嘅傳統手工菜，碧綠蝦子柚皮。柚皮食落完全冇苦澀味，又冇渣，配埋鮑汁，口感好好。我呢個食肉獸，一定叫番個，生炒上肉排，即係生炒骨，肉質夠juicy，酸甜味好夠，有質素！呢間新斗記果然名不虛傳呀！

燒乳豬對於廣東人來說有著一種特別的情意結，由於賣相得體、紅皮赤壯意頭好，所以無論壽筵喜酌均少不了它的份兒。近年有多間食肆都以不同做法的燒乳豬作招徠，有米豬、炭燒奶豬等各有千秋，今次筆者與家人來到一間同樣以即燒乳豬而馳名的中餐廳食晚飯，位於銅鑼灣智選假日酒店 2樓，毗鄰時代廣場，交通方便，裝潢雖不算氣派堂皇，但地方尚算寬闊整潔，座位間一點也不算擁擠，環境氣氛舒適自在。數數手指已多年未有在此店用膳，想不到幾年間已在港九新界開設了六間分店，還挾著米芝蓮推介的名銜，版圖愈益擴展的同時，不知道質素又能否維持水準呢？先點來兩道前菜糖心皮蛋酸薑，糖心皮蛋真的每瓣也是流心的，味道濃香Creamy，蛋白亦呈啫喱狀，沒有濃烈的阿摩尼亞味，配上粉紅色的酸薑同吃，微甜少辣，軟彈爽脆，清香濃厚，兩者不愧為最佳拍檔，有時真的不能不佩服我們中國人的飲食大智慧！鹵水豬腳仔，小小的豬腳仔鹵得皮軟肉嫩，鹵水的味道完全滲透其中，還帶有淡淡的玫瑰露清香，是一道不錯的下酒前菜。接著到主角出場傳統的廣東燒乳豬有著兩種製作方法，分別為光皮和沙皮乳豬，光皮燒烤成品較硬脆，而沙皮則較鬆化，兩款口感均有其捧場客。而由於沙皮乳豬口感酥脆，

當我仲喺荃灣住嘅時候就有見過呢間酒家，但都未有機會去試。反而今日同朋友飯局就揀咗位於銅鑼灣假日酒店嘅新斗記真係有緣千里能相聚。原來即燒乳豬係呢度嘅招牌，但例牌點樣即燒呢，不過最重要都係好食鬆脆入口即化嘅乳豬皮，享受緊脆口嘅同時有帶有豬油嘅甘香，真係唔錯薄薄沙皮夾有一層油脂，又確係油而不膩金瑤琵琶豆腐，豆腐做得比較普通，但個瑤柱汁就做得好好，好多地方做出黎係得個名有金瑤，但呢度嘅師傅就將個汁煮出一股瑤柱香。生劏龍躉倆食都係$398，喺銅記食到真係唔算貴，而且食材新鮮翡翠炒班塊清蒸頭腩，份量都足夠4-5人食用生炒上肉排，即係咕嚕肉，酸甜醬岩岩包住炸香左嘅肉排，又酸又甜又脆---精,好味碧綠川椒雞，平時都係喺潮州菜館食到，估唔到呢度都做得好好，除左菠菜葉炸得略肚，其他無論雞嘅口感同汁嘅香都做得好好椒鹽鮮魷，如果可以再炸得脆啲就更好最後有糖水送，但眼濶肚窄真係滿意