奈良上釜 (已結業)

同呢個朋友食飯有度好，佢次次都會肯同我試新餐廳，唔怕撞板🤗今次就去左食釜飯。之前聽過呢間餐廳好多人排隊，所以有少少期待。入到去，第一個感覺，有啲逼。雖然我地唔係講啲咩秘密，但係個人黎講唔太鍾意聽到隔離講啲咩😂我地嗌左一人一個釜飯，share食，有貴價既奈良七盛釜飯，同相對較平價既縵魚釜飯。可能一分價錢一分貨，奈良七盛釜飯係好食啲既，鮮甜啲。不過都稱唔上bling一聲嗰種好好食。我覺得縵魚釜飯麻麻地既另一個原因，可能係我始終都係鍾意燒縵魚既香味。Overall黎講，覺得呢間野名過於實。

話說，A姐去完澳洲話要減肥，不過我無見佢食少咗嘢囉！仲話突然好掛住銅鑼灣奈良上釜嘅鮮味釜飯，就算有碳水化合物都值得！今次我哋叫咗期間限定嘅櫻花蝦櫻鯛鮟鱇魚肝釜飯同奈良七盛釜飯。兩個套餐都跟茶碗蒸、冷豆腐配日式胡麻醬同白蘿蔔漬物。豆腐嫩滑，豆味濃郁，同日式胡麻醬好夾，加埋木魚碎，非常開胃；茶碗蒸十分足料，有蝦、蟹肉、三文魚籽、冬菇、黑松露同鳴門卷，口感豐富，鮮味滿足！櫻花蝦真鯛鮟鱇魚肝釜飯薄切真鯛刺身，師傅刀法高超，真鯛薄薄一片，點埋柚子醋，好清新！套餐仲有煲到奶白色嘅鯛魚湯，鮮甜美味，仲有元貝同滑豆腐，無得彈！今晚嘅主角終於到啦，一打開釜飯，蒸氣馬上噴出嚟，好香呀，真係流晒口水！裏面有真鯛、鮟鱇魚肝同埋櫻花蝦！先將真鯛夾起，就將鮟鱇魚肝、櫻花蝦同飯拌勻，再放入飯碗中慢慢品嚐！真鯛肉質鮮嫩，入口鮮甜！食到最後，唔好miss焦味十足嘅飯焦呀！奈良七盛釜飯奈良釜飯配三色刺身，帶子厚肉鮮甜；三文魚肥美油脂重；赤海蝦彈牙清甜。奈良七盛釜飯同樣原鍋上枱，揭開木蓋，陣陣鮮味！有蟹肉、海蝦、鮑魚、三文魚籽、冬菇、白木菇同三葉！海蝦爽口彈牙；鮑魚鮮嫩彈牙；蟹肉清甜。（記住Like同Share畀朋友）By

一直知道呢間餐廳近排好受歡迎成日大排長龍，但今晚係平日見竟然唔洗等好耐就決定一試！招牌好有日式風情夜晚7:30左右去到，我地等左約15分鐘先有位場內有點擠迫，但未至於會令人受不了點左呢度最出名嘅蟹盛釜飯，男友將蟹蓋打開好好笑蟹蓋下係成隻蟹嘅精華-蟹籽蟹膏同蟹肉將所有材料撈埋一齊食啖啖都有蟹既鮮味，釜飯本身無咩味道，所以全靠蟹肉鮮味帶出味道松葉蟹茶壺蒸配料絕不欺場，有蟹籽、香菇同埋松葉蟹鉗，好鮮甜，忍唔住好快食完跟餐既三隻松葉蟹腳，蟹腳背面本身已經切開一個小長方形,方便食客進食,非常貼心。另外蟹腳天婦羅夠脆又唔油膩，值得一讚男友點左呢個餐廳主打之一： 奈良七盛釜飯釜飯裡有大海蝦，一隻鮑魚同少量蟹肉，都算係鮮味十足既配搭甜蝦好鮮甜，其他刺身有淡淡魚油香跟餐嘅茶壺蒸竟然有黑松露，味道意外地夾，另外仲有魚子，十分奢華漬物有白蘿蔔好開胃埋單每人約300，但食到咁多海鮮同其他野其實算好抵，等遲下無咁多人時會再黎幫襯

五月初與朋友同遊日本，遊歷京阪少不了一訪奈良，除了即製麻糬聞名遐邇之外釜飯同樣是奈良著名名物，雖然等候時間冗長，但是加入高湯烹煮而成的飯粒香軟入味，加上煙韌微脆的飯焦確是令人難以忘懷。其實早於旅行之前已經聽聞香港奈良上釜的鼎鼎大名，但對釜飯一無所知的我固然不感興趣，價錢的高昂更加使人卻步。旅行後對奈良釜飯念念不忘，然而香港有售釜飯的餐廳卻是寥若晨星，奈良上釜似乎更是唯一一間釜飯專門店，思量一番後還是決定到奈良上釜一解思愁。餐牌上除了釜飯之外更有蕎麥麵及其他小食選擇，琳琅滿目的菜單圖文並茂，比起奈良志津香白紙黑字的簡潔俐落多一份奢華，而價錢同樣多一份「奢華」——相比奈良志津香的釜飯貴出一至四倍不等，但單以招牌奈良七盛釜飯比較，這裡的材料用上志津香沒有的鮑魚及三文魚子，始終價格高低並不能確實相提並論，但客觀而言這裡的釜飯價錢偏貴亦是毋庸置疑。奈良七盛釜飯 ($288)這款釜飯材料包括海蝦、蟹肉、鮑魚、三文魚子、冬菇、白本菇、三葉，而志津香的則有海蝦、蟹肉、星鰻、春雞、牛篣、紅蘿蔔、冬菇、竹筍、山芹菜，看起來奈良上釜的的確比較矜貴；不過材料份量就比志津香細得多，吃到一半已經只剩下米飯，但志津

最近熱傳的釜飯，聞說要排隊一小時，冒險踏入 上釜鳥居，探討結界後的美食。幸好排了半小時就可以入座，難得接近廚房，透過玻璃窗看到廚師努力製作的過程，一個個UFO排列整齊，應該話是釜飯鍋才對吧。釜飯是日本傳統鍋飯，以米、高湯及各種食材放入鍋中，用木蓋封面煲煮，米飯吸盡高湯與食材的精華，聽到都已經覺得吸引。我們點了奈良七盛釜飯 和 極上釜飯，還有冷物、前菜、漬物、茶碗蒸、煮物、味噌湯及水果，非常豐富。冷物有三點刺身，刺身有點微暖，解凍時間的掌握要改善。味道不過不失，牡丹蝦嫩滑甜美。用小竹盤放置 前菜小物，別緻可愛又帶有日式氣氛。漬物醃得入味，爽口又可清一下味蕾。前菜是麻醬凍豆腐，水潤嫩滑又香芝麻味，加上木魚絲味道更豐富。茶碗蒸熱辣辣，蒸蛋做得夠嫩滑，味道清淡帶出食物原味，材料頗多，有鮮味入口卜卜脆的三文魚籽、爽彈蝦肉、鮮甜蟹肉及菇菌香味的黑松露。煮物是燉魚，醬汁濃郁卻不膩，甜甜地帶柚子的清香，可惜魚肉較乾較鞋。主角的釜飯終於來了，附上味噌湯及水果，木蓋下的美味真令期待。打開木蓋立即飄來鮮香的飯味，好像精華都化成香味傳入鼻中。用矜貴的食材，包括原隻鮑魚、松葉蟹肉、三文魚籽、海蝦、冬菇、白本菇等

最近潮興吃釜飯，見幾個飲食網站和周刊都有介紹銅鑼灣一間釜飯專門店，有次路過食店，更見到大排長龍，正所謂羊群心態，見到那麼多人排隊，總覺得錯不了的，所以就找一天可以早放工，跟友人一同來試試。＊＊＊＊＊＊＊＊＊＊＊＊＊＊＊奈良上釜以神社造形作門面，在食店雲集的登龍街仍能吸引路人的眼球。平日晚上七點前門外已經有一條小人龍，店內更已座無虛值，興幸只等了半小時就能入內。之前提到，奈良上釜是一間釜飯專門店，釜飯有點像香港的煲仔飯，但製法其實大相徑庭，最大分別是前者會把米飯、上湯和食材放入鍋內，過程中，釜飯和食材是一起煮熟；而後者則是先煮熟飯，再放上食材同蒸。我和朋友都是為釜飯而來，所以即使有喬麥麵套餐選擇，我們二人都選了釜飯套餐，價錢由$128至$288。釜飯套餐都包括漬物、煮物、冷物、前菜、茶碗蒸和味噌湯。前菜以木盤奉上，令吸睛度up up up。潰物酸酸的非常開胃，蘿蔔非常爽口。冷豆腐都幾滑。茶碗蒸內有三文魚籽、鮮蝦、日本魚蛋和冬菇，比平常的茶碗蒸更多料，蒸蛋入口香滑。前菜有三色刺身，雖然不算待別新鮮，但都幾厚切。油豆腐口感軟綿，吸滿湯汁非常juicy。奈良七盛釜飯($288)食完所有前菜，釜

三八婦女節，相約好幾位姊妹出來銅鑼灣飯聚！ 我們一行四人走到拉麵街之稱的登龍街！想坐得久又想有傾有講，不會選擇食到滾水淥腳的拉麵店！反而找了一間供應日式釜飯的小店 <奈良上釜>！登龍街可說是日式食肆競爭激烈的街道，單是拉麵店之多，相信這是鶴立雞群的一間吧！門面很搶眼兼特色！以黑紅色日本鳥居的設計，左邊有個自動開合兼不停噴白煙的巨型木釜飯碗裝飾！狀甚有趣！ 等候一會兒才安排入坐！小店內是實而不華的簡約和風裝潢！木色系的餐桌椅跟店子橙色天花板很襯色！ 恰巧！最近一集【馬家開飯】介紹這裡，因此得知原來這是香港最第一間釜飯專門店！ 選用日本茨城縣的米！雪白晶瑩，入口煙韌有彈性！怪不知跟食開的日本珍珠米有所不同！店員先送上餐牌及茶杯，茶杯上印有十二金釵圖案！有理無理姊妹們飲杯...茶！其實！這裡樓面缺乏人手， 勝在店員很勤快又有禮！值得一讚！主打：釜飯及蕎麥麵，餐牌上有各款釜飯套餐 (價位 $128~$288) 及蕎麥麵套餐 (價位 $108~$148) ！ 還有天婦羅及其他單品小食以供選擇！有姊妹想點期間限定蟹盛釜飯定食，怎料要預訂！我們不想四人都點釜飯，打算點一份蕎麥麵，怎料

A姐：M佬！前面火燭呀！快啲走呀！M佬：傻豬！白色煙唔係火燭啦，去睇吓咩事先！就係咁，我哋就行去睇吓發生咩事！原來喺餐廳 — 銅鑼灣奈良上釜Kamameshi — 門口放咗一個大大個嘅釜飯碗，仲噴緊煙添！我哋去日本都未食過釜飯，既然一場嚟到，就同A姐成個大鄉里咁試吓釜飯啦！連A姐都唔識嘅釜飯，其實姐係日本版嘅煲仔飯，大家又知唔知係點整架呢？其實就係將米啦、上湯啦、食材啦，全部放入鍋中，再蓋上木蓋燜煮，所以出到嚟啲米飯係完全吸收晒上湯同配料嘅精華！奈良七盛釜飯喺釜飯製作過程中，先上前菜、沙律、煮物同三色刺身。前菜有醃物、醃蘿蔔、麻醬豆腐同蒸蛋；煮物就有冬菇煮南瓜；而三色刺身就有油甘魚、吞拿魚同甜蝦。其中最驚喜嘅係蒸蛋，除咗夠晒足料，有蝦肉、蟹肉、三文魚子、冬菇同黑松露之外，個蛋係滑過A姐塊面呀！今晚嘅主角一終於上台，打開七盛釜飯，個種鮮味真係好pure，再數數有邊7樣嘢先：包括有蟹肉、海蝦、鮑魚、三文魚子、冬菇、白木菇同三葉。嘩！睇見都流晒口水！由釜飯𢳂落個碗度，記住加埋三文魚子，我食喇！成碗飯嘅味道好鮮，但重口味嘅朋友或者會嫌淡，但佢嘅賣點正正就係原汁原味，食到尾嘅話，仲有焦香味十足嘅

今日和太太往奈良上釜食dinner, 餐廳門口很特別, 門面餐廳特地造成「鳥居」, 好有特色。我們點了奈良七盛釜飯和牡蠣釜飯。奈良七盛釜飯($288)材料有醬油調味的南非飽魚, 海蝦、手拆松葉蟹肉、冬菇、白木菇和三文魚子, 鮑魚好彈牙,有鮮味；海蝦好鮮甜；手拆松葉蟹肉肉質好滑；冬菇和白木菇好新鮮爽口；三文魚子好鮮甜, 好新鮮； 釜飯米粒分明, 吸收食材精華, 好味；另外釜飯配有白蘿蔔、木魚豆腐、茶碗蒸、味噌湯和水果, 白蘿蔔入口清甜；木魚豆腐豆腐好滑, 木魚好香口；茶碗蒸份量十足, 材料豐富, 入面有魚子鮮味非常、蛋蒸得好滑, 入口即熔；味噌湯好香濃；水果有哈蜜瓜和士多啤梨好清甜新鮮。太太order的牡蠣釜飯($178)廣島蠔隻隻飽滿, 好新鮮鮮甜、有昆布, 配上木魚,蝦和蟹上湯煮的飯, 更顯鮮味味道豐富, 食到底也有飯焦, 口感似鍋巴, 鬆鬆脆脆, 飯焦金黃, 香脆, 有微焦香,十分滿足。餐廳環境好有日本餐廳格局, 座位舒適, 釜飯好美味,食物新鮮一流, 值得一試的餐廳。

香港的日式料理店真的五花百門, 但數到日本傳統的鍋飯, 反而才是近來新興的一門。專門食釜飯的“奈良上釜” , 選擇了銅鑼灣登龍街這殺戮戰場開業。旋即成為人氣長龍店,若不是訂了座, walkin 的話恐怕要等到天荒地老, 不過仍有食客勇於挑戰, 足足等了一個多小時才能入座呢! 不過訂了座亦未必能夠即時入座, 要齊人才放行。店門以紅色巨型鳥居裝飾, 甚為誇張搶眼, 而店前放了個活動裝置, 不時自動打開鍋蓋, 噴出煙霧來, 單是這樣已於熙來攘往的登龍街成功引人注意。 內裡陳設裝修較為簡潔, 猶如飯堂, 靠入面的一道玻璃屏風更可以窺探廚房的運作。空間不算寬敞, 加上翻檯的次數, 坐得未算很舒服, 而且進餐設有限時, 所以安坐後還是快快選擇。 餐牌內當然是主打提供釜飯, 前後有十二款, 選擇未算多, 勝在食材吸引, 除此之外, 還有天婦羅、蕎麥麵等的提供, 不過在場的食客通通都是選嘗釜飯。 上菜流程亦不怠慢, 一道緊接一道。 釜飯製作需要10-15分鐘, 落單後先來前菜、 煮物、 蒸蛋、醃蘿蔔和刺身開開胃。用木架盛載而上的前菜, 加上精緻的器皿, 吸引度都頗高。 前菜 - 伴有麻醬和木魚

釜飯者，即日本傳統鍋飯也，是以獨立小鍋，加入高湯、料理 酒和油等製作而成，感覺有點似港式煲仔飯，但風味就各有千秋了。在日本奈良，釜飯是日常傳統的主食之一，師傅會預先熬煮好湯汁，備用放涼讓湯汁更出味，每次收到order便將湯汁放入小鍋煲煮米飯約15分鐘，讓湯汁的味道融入米飯當中，之後再在飯上面放上時令新鮮食材，蓋上木蓋將之蒸熟，讓米飯盡吸鮮味精華，入口鮮甜充滿飯香，美味至極。早前在網上看到原來現在在香港都可以食到釜飯了，皆因一位香港有心人誠邀了日本製作釜飯的著名大廚擔當小店的顧問，在銅鑼灣開設了在港第一間的釜飯專門店，難得在屋企附近，當然相約朋友去試下以解口舌之慾啦。位於銅鑼灣登龍街這人氣地段，門口以搶眼的紅色神社鳥居為裝飾，展現出濃厚日本風情，餐廳內的佈置亦以木色為主，面積不算大但勝 在簡約舒服，頗具心思。打開餐牌，選擇不算太多，一行十二款由全素菜的五目釜到招牌奈良七盛釜的釜飯套餐，有齊漬物、煮物、冷盤、刺身、茶碗蒸、味噌湯、釜飯和生果，十分齊全，筆者們點了奈良七盛釜鈑及三種盛釜飯。奈良七盛釜飯，是以海鮮為主題的一款釜飯，前菜以傳統日式木盤上枱，很有日式鄉土風味。漬物為日式醃漬酸蘿蔔，