Su Casa (已搬遷) 新店位置

今晚去石門吃飯，旺區的人流回流到社區，做街坊生意的餐廳生意也不錯。餐廳門口提供了不少消毒酒精供客人消毒雙手、衣物和鞋底。餐廳面積不小，格調明亮活潑，青綠色和淺綠色的座椅相間，配搭雲石桌面，整體光潔清新。餐廳的選擇很多，有沙律、前菜小食、生蠔、意粉、肉扒等，我們各自點了一些菜式。⭐️招牌蠔湯$68蠔湯入口鮮味十足，配上香脆的烤多士，正好墊墊肚子。⭐️香煎鴨肝配多士$88鴨肝大小適中，稱不上份量十足，但對得起價錢有餘。柔嫩的鴨肝配上烤多士，一柔一脆的配搭反而有驚喜，多士中和了香滑的油脂，味道不錯。⭐️龍蝦意粉$268龍蝦的擺盤很吸引，意粉入口濕潤且有龍蝦肉增加口感，龍蝦肉也很爽脆，令人滿意。⭐️紐西蘭肉眼扒$248肉眼肉汁略為收乾，嚐一口，粉嫩的肉扒入口鬆化，肉味濃郁。⭐️凍果茶$36入口冰涼清新解渴，是酒精意外的選擇。⭐️心太軟$68最後是心太軟，蛋糕外面烤得香噴噴，戳下去，溫熱的朱古力流心緩緩流出，嚐一口，滿嘴的朱古力香味令人滿足，還可以配搭冰涼的雪糕，很美味！▫️餐廳才是水準不錯，而且價錢也相對平易近人，怪不得生意不俗。

好開心石門近幾年開咗好多新餐廳，作為鄰居嘅我終於唔洗走到去市中心食飯。今晚約咗媽咪食西餐，如果有睇開我啲食評，其實我好少食西餐。因為無乜邊間特別吸引，仲要價錢一般都偏貴。但喺石門嘅Su Casa推翻咗我對西餐係貴夾唔飽的錯誤觀念！雖然每碟食物的單價都唔算平，但每樣嘢都好大碟！食物一上檯，大碟到我哋呆咗。食到我哋好飽！！早知叫少啲嘢食啦😂再加上食物質素不錯，整體就性價比非常好啦！首推招牌蠔湯，每一啖入口都充滿蠔味但又唔會腥，蠔同忌廉又出奇地配合，creamy得嚟唔會太膩。加拿大龍蝦意粉，唔止賣相靚，味道都好好。龍蝦原隻上，肉質鮮甜而且蝦鉗啖啖肉。意粉配上香濃龍蝦汁，略帶creamy好惹味。脆皮燒德國咸豬手配酸椰菜好有份量，兩個大人食都夠有突。烤香咗的咸豬手好香口，脆皮入口卜卜聲，不過略嫌豬手偏咸，如果配啤酒就一流。酸椰菜醃得剛剛好，開胃得嚟亦能中和返豬的咸味，好夾！飲品我同媽咪都叫咗菠蘿奇亞籽特飲，唔會太甜，酸酸地好開胃，配上Superfood奇亞籽，纖維豐富又有益，鍾意飲甜嘢而又想健康的人可以一試。甜品叫咗心太軟，需時15分鐘左右所以食到中後段要order啦。熱辣辣上檯一篤開有流心，合

聖誕節嘛，當然要跟朋友見見面，幾個沙田媽媽不想走太遠，便來到京瑞吃好西!Su Casa 地方闊落，除了晚餐、a la cart，還特設兒童餐，竟然還供應生蠔呢，買一送一，或3隻生蠔配白酒，我已鎖定下次要再來呀!這晚我們點了招牌蠔湯$68，甫放下時，以為是磨菇湯，但嗅覺告知我確實是蠔湯，重蠔味，若加入一兩隻完整蠔隻，會更加完美。脆炸黃金軟殼蟹$88，依然可清楚看到蟹膏與蟹肉，一口咬下，就像那鹹蛋黃炒蝦球的口感，入口先是融化又甘香，接著是香脆多肉的軟殼蟹，不錯不錯!原隻加拿大龍蝦意粉$128，無花假，真的是原隻龍蝦，肉質爽彈鮮甜，意粉軟硬度適中，當中有龍蝦籽，增添口感，醬汁亦是剛剛好，沒多沒少，推介。脆皮燒原隻德國咸豬手配酸椰菜$228，皮脆帶點煙韌，豬手調味剛好，咸香中仍有那肉香，杰身薯蓉同微酸酸菜都做得好好，消油膩又不嗆喉。最吸睛的甜品，有燴車厘子金寶脆脆配雜莓及雪糕$78，敲碎面層的杏仁餅，煙燻蘋果木味隨即飄出，再拌勻所有材料，粗略估計多達20粒燴車厘子，酸酸甜甜的，好好味，沒有apple crumble般飽滯。

每次同仔仔去完石門學野都好鐘意係呢邊食野，今次去呢度，位置唔算好顯眼，但環境都唔錯。一坐底，職員就主動拎顏色同畫紙俾兩個小朋友填顏色，所以今餐真係食得好清靜😄今日叫左以下，一家四口食。招牌蠔湯 $68 Creamy 鮮甜，好香蠔味，但一啲都唔腥。香煎鴨肝多士 $88 鴨肝剛剛熟，油香味好正！小虎蝦冬陰公意大利飯 $128冬蔭公味唔算重，少少辣，中和左Risotto 嘅膩，唔錯！炭燒紐西蘭肉眼 $248我地order 7成熟，但變左10成，有啲韌。牛味其實幾香，如果唔韌應該會好好食，而且配菜都好豐富，有蘆筍、西蘭花、蕃茄、小粟米等，啱晒我呢啲鍾意食蔬菜嘅人。原個日本蜜桃雪葩 $68 呢個真係大愛呀！😍😍 好清甜好香嘅桃味，食多5 個都唔怕肥呀！我地仲叫左2份兒童餐 $68 x2 落單後就俾左張票小朋友去扭蛋，兩個豬仔勁開心😃A餐有芝士通心粉，士多啤梨藍莓C餐有茄汁粟米雞粒意粉，魚形餅兩個都有橙汁同芝麻沙律，分量都好多，兩個小朋友都食唔晒，然後繼續填色，我地大人就可以慢慢食。整體來說，我都幾滿意呀！作為家長，好多時食飯都以考慮小朋友為先，呢度有得食兒童餐，又有得扭蛋、填顏色，大人可以好好享

今日過嚟呢邊見完個vendor已經接近六點鐘收工時間，所以直接就放工無返公司喇～喺附近兜下兜下期間，見到呢間幾靚幾有feel嘅西餐廳，就叫寶寶今晚入嚟呢度同我食晚飯😝路線好方便❗️佢放工搭「東鐵線」再轉「馬鐵線」就嚟到最近餐廳嘅石門站喇🤓 方便到出咗石門站，行一分鐘就到啦🙈 搶盡地理環境優勢😆餐廳坐位好闊落👍🏻 仲全場都係梳化黎添😍所以坐邊度都一樣咁舒服☺️餐廳全晚都播住輕快音樂🎶整體環境令人心情舒暢愉快😙今晚我哋冇嗌到set dinner, 叫咗單點，因為見到main menu嘅菜式太吸引🤤🙈招牌蠔湯飲落非常重而濃香嘅蠔味🤩 飲到d 粉粉地嘅感覺，應該係溝咗d南瓜蓉入去，未飲過蠔湯的我表示驚喜😆 好特別👍🏻 值得一試❗️煙三文魚配蕃茄莎莎蕃茄莎莎入口清新怡人❣️帶洋蔥味但唔算濃烈，食落d 洋蔥小粒好爽脆💕 大大片三文魚夾住d 蕃茄莎莎一齊食，又fresh又開胃😋德國鹹豬手豬手皮超香脆❗️入面嘅肉醃得好入味❣️生熟適中，咬落有質感有嚼勁👍🏻啖啖肉大滿足🤩最神奇嘅係香脆豬手皮就算凍咗都唔會變硬晒，除咗溫度之外，口感同熱辣辣嗰時食係差唔多🤓寶寶大讚❣️而我就非常鍾意個薯蓉☺️ 香滑細緻得嚟帶淡淡嘅芝士味，

位於石門o既呢間西餐廳，樓底好高，開揚度高，以綠白色為主調，帶點田園氣息；因應就o黎聖誕，掛上o左少少節日裝飾。除o左有長檯方便一大班人之餘，仲有d 圓形卡位，俾我地坐得親密d sweet sweet……餐廳有多個國家多種生蠔，其中六款仲做緊買一送一。雖然我地無叫到，但仍然試o左客招牌蠔湯($68 未加一)。個湯呈灰綠色，質地creamy 濃稠，蠔味尤其重，相信幾足料熬製，鮮甜之中唔會過鹹。跟湯搭上一小片蒜蓉法包。前菜諗過叫parma ham 配哈蜜瓜定煙三文魚，最後都係決定嗌碟煙三文魚配蕃茄莎莎($78)。滑滑o既smoked salmon，上面o既莎莎醬以蕃茄、洋蔥粒等同香草製成，整體味道酸甜，口感清新。朋友鍾意鋸扒，點o左一份炭燒紐西蘭肉眼($248)。大塊厚身，聞落好香炭燒o既bbq 味！外面燒成吸睛o既橫紋，裡面因為叫medium rare，自然十分鬆化。佢無其他餐廳整通常連帶一大舊肥膏，果真啖啖肉。一啖咬落去，牛穌味遊走齒頰之間，大滿足！塊扒下面有住薯仔、露荀、粟米仔等o既配菜，仲附上黃芥辣，辣度甚高……龍蝦汁海鮮意大利飯($168) 一如menu 圖中所示，都算幾多餸，有

每一個小朋友，對兒童餐都情有獨鍾😍阿仔亦唔例外，點左個兒童Boy餐👦🏻 嘆下薯條飲下橙汁，就可以擁有自己嘅小世界🌎女人30一枝花🌹你同意嗎😍？今年生日去左石門Su Casa和家人吃生日飯，可以簡簡單單聚首一堂，已經好幸運😇首先上了一客 #招牌蠔湯 ，鍾意食蠔嘅我，呢碗蠔湯絕對無得彈👍🏻 綿綿密密嘅鮮蠔味，飲左幾多隻蠔落肚呢？前菜係 #帕馬火腿配哈蜜瓜，天作之合。亦勾起我第一次食Parma Ham嘅回億，意大利某個休息站。主菜時間到，率先捧上原隻加拿大龍蝦意粉，賣相十分奢華，味覺十級享受！龍蝦肉非常新鮮，意粉沾上濃濃龍蝦汁，怪你過分好食😋一餐生日飯，食勻全世界！隨即送上紐西蘭炭燒肉眼扒，軟淋多汁，炭火味濃，惹味香口，一件不留！話咁快食完兩餸一湯，不可以錯過呢到朱古力心太軟！細細切一個V位，朱古力湧現，小心唔好lak親嘴💋生日飯點少得Birthday Cake，其實我不介意只有一件Tiramisu，正所謂年年有今日，歲歲有今朝丫嗎😆 食到尾聲，職員捧左部扭蛋機黎。原來叫兒童餐可以扭蛋，扭呀扭，到底有咩驚喜禮物呢🎁 食左咁耐，原來呢餐飯嘅主角係阿仔😜 祝你快高長大、身體健康啦😘石門Su Ca

自從比悠姐知道咗我們賣甩佢去咗任食雞煲後，佢嘈住要再帶佢出去食，that's why就出現咗星期一無程程去食親子餐廳的機會了。由於樂悠爸於沙田附近工作，經佢同事介紹知道有間隱世親子餐廳位於石門港鐵站隔離約5分鐘路程，有好味兒童餐供應，完全符合悠小姐要求，於是上星期放工就帶埋悠姐去享受一下啦~一到店面外面望入去已覺非常舒適，可能是平日關係，餐廳人不多，不過闊落的環境就算爆場也一定不會感到焗促擠迫，我們一家三口被安排坐梳化位置，悠姐知道有兒童餐食，未坐低已經喊著要點，而老娘得知新鮮生蠔做緊買一送一優惠，唔洗講已即點了加拿大嘅Galiano生蠔，$58兩隻好抵啊!! 生蠔上枱後不單開得完整還保留了本身嘅海水，原汁原味的，超級正點! 🤤多得餐廳準備了圖畫及顏色給煩音兒童，不然老娘都不能好好享用我的生蠔✌🏻當我品嘗完鮮味生蠔，悠爸才剛點好菜（男人點菜真係好慢，佢聲稱樣樣都好似好正，唔知點揀）我們點了以下幾樣：悠大小姐：兒童餐B - Fish & Chip樂悠爸媽：前菜: 招牌蠔湯 + 黃金軟殻蟹主菜: 加拿大龍蝦意粉 + 紐西蘭肉眼扒甜品: 原個桃雪芭 (極度推介)悠大姐的兒童餐，唔講只睇相都睇

萬聖節呀!雖然香港氣氛麻麻，但始於要食飯嘅，一家三口近近地行去京瑞廣場搵嘢食，有咗比卡豬之後，食飯嘅地方一定要舒適闊落，行過呢度喺門口哥哥仔已經好有禮貌招呼，再睇吓環境，座位大到可以放埋BB車，唔使諗喇就呢度食我地嘅萬聖節晚餐，睇餐牌食物種類都算多，仲有幾款兒童餐添，交俾太座話事，先嚟呢度嘅招牌蠔湯，嗜蠔者一定會超滿足，成碗湯充滿蠔味，第二度從未飲過，當然呢度仲有其他餐湯嘅，因為唔係全部人都喜歡蠔；小虎蝦沙律用料超新鮮，沙律菜真係冇得呃人，小虎蝦上碟係微暖，睇到係用心去整，唔係一早煮好冷藏好，等客人點菜就上嘅貨色，用心；呢度嘅特飲菠蘿有機亞奇籽綠茶係我至鍾意嘅味道，微酸而帶甜，清新醒胃；兒童餐太座點咗炸魚薯條粟米配芝麻沙律加橙汁，唔知係咪因為用架車車做餐盤，比卡豬竟然搶住食，少可少可；到主菜上喇，有我地最愛嘅德國咸豬手，呢度配上酸椰菜，又係第一次食，估唔到咁好食，首先食哂嘅係酸椰菜，哈哈，豬手皮夠脆而肉質不硬入味，唔使點芥辣都夠味，美中不足係我覺得今次我呢隻太細了；最值得推薦嘅係呢個日本帶子菠菜忌廉天使麵，食麵好似食緊菠菜咁嘅感覺，食哂豬手先食都食哂可想而知好味程度；飽到捧住個肚，但甜

沙田石門真係開左好多餐廳。今次同朋友去完馬鞍山剪頭髮，就過左黎食Dinner。係石門食晚飯的好處就係少人，基本上所有餐廳都唔洗排隊。今日介紹的餐廳就係係馬鐵站行5分鐘到就到，無論住係附近，定住新界的我，都非常方便。餐廳跟餐的飲品除了奶茶咖啡外，仲有菠蘿有機菠蘿奇亞籽綠茶都係免費的餐飲。(我見餐廳內個個都飲呢個，我當然唔執書試埋一份)。呢杯果茶的味道香甜又富有奇亞籽的咬口，仲有冷暖選擇，真心不錯。餐餐有個細細的蠔吧，所以除了有生蠔就享用外，佢們的蠔湯亦係招牌菜之一。呢個蠔湯鮮而唔腥，入口會感到滿滿的鮮味，我「蠔」不猶豫地飲曬成碗了。紐西蘭肉眼排燒得香口，雖然係肉眼，但肉味都濃郁。牛排雖然唔大，郤非常厚身。相比下，我會想要好似咁的厚牛排，多過大塊的薄牛排，因為肉汁才可以鎖得更好。我們的牛排要了Medium五成熟，切開血水唔多，肉質Pink Pink剛剛好。牛排旁的薯菜，係薯粒上灑上七味粉，令整體更惹味。黃金軟殻蟹的份量都幾大，而且都幾厚肉。炸粉我覺得厚左少少，同埋鹹蛋黃碎舖面，食的時候大部分都跌晒落黎，如果同牛油炒一炒應該可以更香。鴨肝野菌扁意粉係我的就Best Pick！意粉汁唔係白汁罐

今日同老婆去左石門搵食，京瑞一二期都有好多食肆，到最後揀左呢間西餐廳。老婆獨愛既雲石枱面，而且座位都幾舒服。菠蘿有機奇亞籽綠茶，清甜夠哂解暑，又有健康既奇亞籽。招牌蠔湯，整溶哂啲蠔肉，賣相似蘑菇湯，飲落有超濃既蠔味。脆炸黃金軟殼蟹，熱辣辣既軟殼蟹好香，再有層香脆既炸皮，極邪惡！炭燒紐西蘭肉眼，5成熟既肉夠哂腍同好夠肉味，完全唔洗點醬都好好味。鴨肝野菌扁意粉，啲白汁完全上哂喺意粉到，每啖都有濃濃既白汁。朱古力心太軟配雪糕，即焗所以好熱，入面朱古力醬冒住白煙咁流出黎。

石門揾食，見到呢間裝修不錯，幾有情調，價錢亦合理。平日晚上，都唔少人架。招牌蠔湯 $68超濃郁蠔湯，飲得出好足料，應該用了蠔肉做成蓉，每啖都十足蠔味。旁邊的蒜蓉包亦係香脆好味的。蠔控必試！小虎蝦沙律 $88沙律顔色鮮艷，夠曬吸引。主角虎蝦有略略煎香，更加香口。另一特別之處係加入左香橙片，即刻開胃左。軟殼蟹天婦羅乾蕃茄意粉 $138欣賞佢既乾蕃茄，令意粉香味提升不少。而意粉的軟硬度亦控制得啱啱好，索曬D汁，酸酸地幾開胃，份量亦好足。而軟殼蟹亦好大隻，每人半隻都好夠食。唔會感覺「乾爭爭」。紐約西蘭肉眼扒 $248牛扒七成熟，肉質唔錯，亦煎得幾香。有牛味，有口感，對得起呢個價錢。牛扒下面亦墊左不少菜菜，有西蘭花、露荀、粟米仔、薯角等等。種類多亦好食。燴車厘子金寶脆脆配雲呢拿雪糕 $78俾佢個名吸引左，好奇心驅使下，叫左來 try 1 try ! 又幾靚喎！驟眼睇，仲以為係生態瓶 。有沙、有石、有花、仲有小蝴蝶。睇得出，真係好有心機整架。味道亦唔錯，脆脆其實係曲奇餅碎，mix 埋雪糕同燴車厘子，好味的服務亦不錯，侍應有禮貎，主動加水同換碟，抵讚的。

石門的小清新西餐生活需要一點新鮮感。所以我地鍾意試吓新嘅餐廳。好想食扒所以就去左石門呢間新開既Su Casa嘅西餐廳。餐廳行田園清新風，以綠色為主打，牆上佈滿樹葉，讓人感覺大草原。🥢招牌蠔湯$68質感好綿滑，估計用左鮮蠔去打成蓉，所以啖啖都係蠔蓉，味道鮮甜。🥢白酒羅勒忌廉紐西蘭青口$88好多忌廉汁包圍住青口，而且每隻都好大粒，好鮮甜！🥢招牌菠蘿奇亞籽綠茶滿杯菠蘿果肉，味道清新。奇亞籽又健康，呢杯必叫！🥢炭燒紐西蘭肉眼扒$238食物賣相吸引，份量足！目測估計有7-8安士重。為左保存肉汁叫左medium。 廚師控制火力細心，牛肉真係岩岩5成熟，切開呈粉紅色，肉質岩岩好！另外薯仔都炸得好脆，值得一讚。🥢龍蝦汁海鮮意大利飯$128味道不俗，飯粒吸飽醬汁，味道濃厚後，而且海鮮份量充足，還有青口同墨魚，為呢道Risotto增加口感。每碟菜的份量都好多，所以食完都好飽。不過甜品賣相太靚，引唔住叫左個。本本如為得個樣！原來味道都好得，雪糕冰凍透心，奶味濃郁，開心果cake又好特性，甜品為呢個晚上劃上圈滿句號。石門而家愈開愈多餐廳，但性價比高的，真的要試過物知。呢間好岩一家大小去食👍🏻

就到新年啦！食團年飯係必需嘅，前排同老爺奶奶食咗上海菜團年飯，今日我地一家就去咗食西式團年飯！我地一早 book 咗枱，18:00 嚟到，冇咩人！門口好大，好易就搵到！我地兩大兩小，店內有bb凳提供，仲有小童餐具，真係好細心。店內有兒童餐提供，有 A, B, C 三個餐，呢個係兒童餐 A，有胡麻沙律，茄汁粟米雞粒意粉，仲有魚形魚餅，魚餅好好味，爸媽都搶住食，配埋橙汁，小朋友至愛！兒童餐C，一樣有胡麻沙律，仲有媽媽至愛芝士通心粉，芝士味好重，好正！都係配橙汁！大人就先嚟個前菜：香煎鴨肝配多士，好夠熱，配埋多士一齊食，個口感一流，好味到想再食！另外點少得湯呢？要試梗係試招牌蠔湯啦！好重蠔味，嶠爸好鐘意食蠔，啱哂佢！飯精一定要食飯，龍蝦汁海鮮意大利飯，好多海鮮好足料，配埋龍蝦汁，熱辣辣送上嚟，配搭得好好，正！主菜平時通常揀牛，今次一於試新嘢，食雞。燒原隻去骨美國野春雞，因為係即燒關係，所以要等半個鐘。好嘢係值得等嘅，個雞熱辣辣上枱，配埋香料，啖啖肉好好味！飲品我地又係揀「凍檸檬茶」，茶唔會好苦，清清地幾好！甜品一：燴車厘子金寶脆脆配雲呢拿雪糕，打碎塊餅，入面就會有啲煙出嚟，好好玩！我平時都係