一鍋瘋 (已結業)

唔係用粥黎打邊爐，咁樣超易燶底，係打完邊爐加爛飯滾一陣變粥，稀杰自行決定啦$198/位有海鮮/黑毛豬/好多唔記得係咩既丸同菜已定好既2人份量組合，2人可以自行選6款食材湯底一人一鍋有甘荀/粟米/椰子/紫薯/菠菜湯，叫左甘荀同粟米，打到尾個湯都無咩味，海鮮新既，但唔夠靚，又係無咩味，豬/牛不過不失，拼盤分量夠食既，爛飯煮粥可以無限添果日無book位坐2人枱有d辛苦，好椅底有個籃裝野，唔係全程攬住個袋食

近日網上介紹呢間海鮮粥底火鍋～4款湯底粟米,椰子,甘筍,紫薯(仲有新推出既菠菜)都以蔬菜煮成,湯底創新且非常健康~走進餐廳就聞到好香紫薯/椰子味,有兩層上面有間VIP房,平面檯上已裝上電子爐,方便清理又省位。下層有一排吧檯位,可坐5人,每人對正有一個獨立電視,絕對是電視汁撈飯,正呀!!!沙律前菜不馬虎,新鮮既3-4種菜,青瓜,蕃茄仔,芝麻醬也撈均沙律!!👍🏼店員細心介紹食法～自選配料每人可選3款我地既紫薯同菠菜湯底~先食海鮮盤,蟹,貴妃蚌,蜆,花甲,鮑魚,海蝦,全部非常新鮮很鮮甜呀!!所有蜆貝一開殻我就會撈上來食,這個食法是最能保存它們的鮮嫩度才食到海水鮮甜肉汁~海蝦有蝦膏呀~肉質爽口彈牙,蝦頭有膏香我就放返落鍋慢慢熬,一人一鍋的好處呀,哈哈鮑魚應爽得爽應淋滑得淋滑!蘸一點醬油更顯鮮味!!蟹蓋有蟹膏呀~~~太吸引了~仲有蟹身與蟹鉗一絲絲鮮甜既肉~食完海鮮盤就會送上蔬菜盤(已配有幾款菜,一口丸,兩款餃,豚肉)與自選的料,份量好多呀!豚肉,肥牛好肥,入口味濃又嫩滑,一點也不柴口!午餐肉厚切有豬肉絲!!紫薯湯底能帶出食物鮮甜味又不會影響食物既味道!好特別菠菜湯底唔會有肥膩感覺,非常健康,我覺

超凍的天時，火鍋自然比平時更令人喜愛。大大個海鮮盤，加特色湯底，這套餐絶對是很好的性價比。一人一鍋是一個好的賣點，因為城市人的身體真的變弱了，一人一鍋的感覺衛生很多，而且可以各人有自己喜歡的湯底。這裡的特色湯底是將湯料攪碎，完全溶入湯中。這個菠菜湯底是今期特色，滲着淡淡的菜味，不會腥，不錯。令一個特色是有「高枱」的設計，單邊向牆可以邊吃邊看電視。讓這裡成為一人或二人用膳的好地方。再多一個新潮特色是這裡會先有一個沙律作頭盤，吃火鍋來說真的是第一次，用料新鮮，為新鮮的食品展開弓序幕。不過都要有一些「傳統」的食法，就是調味架。但這裡的調味很精選，只有最重要的蔥、蒜及紅椒。其實食材夠好，調味也不需太多吧。主角來了，二人份量的海鮮盤，每樣食材都很新鮮，甜美。個人特別喜愛這鮮鮑魚，很爽口，很有海鮮味，好吃。而吃完這海鮮盤後，已飽了一半。之後還有不同的食材，這些食物也不失色，當中的午餐肉質素不錯。最後不能錯失的是粥底，用粥餬加入火鍋的精華中，有鮮淡淡的菜味及海鮮味，沒有一點遺和感，超好吃。

打邊爐嘛，湯底好重要，習慣了重口味的我，這晚去到一鍋瘋來個無味精自家熬製的蔬菜湯底。跟著4個步驟，就可以吃到集海鮮精華的靚粥啦﹗ 先來個新鮮沙律菜開胃一下。無味精自家熬製的4色蔬菜湯底，選用泰國香米，熬製3小時後隔去粥米，再加入蔬菜湯底，有椰子粥水、粟米粥水、甘筍粥水、紫薯粥水，期限的菠菜粥水。我和朋友商量後，決定點甘筍和紫薯粥水，一橙一紫，好靚呀! 先呷一口湯，確是自然甜味清香。配料非常之多，有6款生猛海鮮，特選配料有美國黑豚肉；的的骰骰迷你拼盤，及從30款配料中自選3款。說真的，非常飽肚。迷你拼盤包括迷你4小丸、2款迷你餃，一口一粒，既像吃不完似的，又吃得過癮；另再有3款新鮮蔬菜。 海鮮有鮑魚、蝦、蟹、3款貝殼類，新鮮美味，豐富了粥底，想不到與甘筍粥水也蠻搭配的啊!  朋友吃自選的肥牛，我就吃美國黑豚肉，一點也不賴，肉質富彈性，甜美且鮮嫩， 美味。 配料吃得七七八八了，就可以加入南瓜粒、芋頭粒、粥膽一同煮成粥。  聚集了海鮮的精華，非常的鮮甜綿滑，就像吃蒸海鮮後那些精華粥底一樣。 現在天氣這麼冷，打邊爐是不二之選啊﹗而且價格實惠，吃到飽﹗

今個星期天氣凍冰冰，打邊爐正是最佳選擇！這是繼通菜街後，另一家分店，新開業不久。按照餐牌上的指示，就可以吃到最佳的風味啦！另外，還有數十款自選配料任君選擇。我要的是紫薯，朋友點的是新口味 - 菠菜，顏色就鮮，但呷了一口，味道卻是淡淡的，店員說愈煮就會愈濃。有沙律菜開開胃先。海鮮拼盤有鮑魚、貴妃蚌、花甲、蟹、海蝦和蜆，這裡是二人份量，非常豐富！嘩！太誇張了！蟹膏橙黃色，多到流出來，絕不欺場！蟹膏口感較實，非常甘香，而且肉質鮮甜，值得一試。貴妃蚌好彈牙。抵讚的是，整個海鮮拼盤都好新鮮，其實只要海鮮夠新鮮，即使簡單灼一灼，已經很鮮美。另外，鮑魚擦洗得一乾二淨，清除所有內臟，同時已預先將肉離殻，方便食用。套餐還包一個迷你拼盤、美國豚肉、蘿蔔、粟米、雞脾菇，另外還有自選配料，我們點的是牛丸、蒿筍、肥牛、雲吞、包心芝士丸及響鈴。美國豚肉涮完後，肉質頗有咬口，個人覺得比肥牛更高質素。至於丸類方面，質素都令人滿意。唯響鈴不夠香脆。吃完所有火鍋配料後，壓軸出場的就是南瓜粒、芋頭粒及粥底啦！店員會先幫忙將南瓜粒及芋頭粒加入湯底，煮至軟腍了，隨即加入粥底。粥底吸收所有精華後，綿滑鮮甜，幾飽都忍不口一口接一口

今日去咗旺角行街 之後就去咗西洋菜南街度搵嘢食 經過呢間一鍋瘋 我記得佢喺facebook有人介紹過 於是就攞張籌 點知行開咗一陣返嚟已經過咗籌號 又要再等過 崩潰 呢度198/位 係食海鮮同自選配料火鍋嘅 唔係任食 海鮮真心幾新鮮 有鮑魚大蜆鮮蝦貴妃蚌同埋蟹 鮑魚同大蜆貴妃蚌都好新鮮 不過蝦同蟹就有少少梅 同同埋走肉 呢兩樣就明顯差啲 不過咁嘅價錢都ok 我係紫薯湯 蟹加紫薯湯底煮完會有啲綠色分泌物 超嘔心 每人可以揀三樣火鍋配料 食肉獸就梗係揀咗好多肥牛 不過份量都唔係好大 油花一般 牛肉味道一般 佢仲會配咗一啲丸類同埋蔬菜 份量都幾豐富 整體嚟講都算飽肚 不過試一次就夠啦

一直都很想來這家店打火鍋！聞說有紫薯、粟米和椰子鍋底吸引得不得了！終於決定帶屋企人來一嘗！印象最深刻的是紫薯和菠菜湯底！愛好椰子的人應該也會相當滿意椰子味的湯底，因為吃起來真的很入味、很滋潤！紫薯，期間限定-菠菜迷你拼盤(4款小丸子及2款一口餃)，美國豚肉，時蔬(蘿蔔，雞脾菇，娃娃菜，粟米)分量來說真的非常夠，反而覺得娃娃菜可以更多！喜歡雞髀菇和粟米！海鮮盤6款即劏海鮮蜆花甲蚌鮑魚蝦蟹扇貝最喜歡這裏吃火鍋的其中一個原因就是每一件海鮮都有時間指示，你根本不用花太多精神去檢查海鮮熟了沒有，自己簡單計時就可以吃到充滿鮮味的海鮮！然後還有鮮美一流的湯底！最後，服務員為我們添了一些南瓜粒，芋頭粒，再為我們添了粥，加入紫薯鍋底！精華通通通跑岀來，超濃郁我要給一百分！❤️ 特別愛吃玉子豆腐，鯪魚滑和響鈴！海膽丸也蠻有驚喜的！熱騰騰的汁通通爆出來！蟹粉包自家製 竹庶茅根 $48/渣$198/位

This Hotpot restaurant was on my list for a long while and was definitely a big hit when their purple sweet potato, coconut and spinach soup bases went viral! Came here on a weekday’s evening and had corn and coconut as base. It wasn’t as rich as thought but the congee added at the very the end definitely brought us to ultimate satisfaction! So flavorful! Especially after we added in all seafoods to boil in the pot that made it ended up so enticingly rich! $198/person 自選粥底粟米，椰子海鮮盤6款即劏海鮮蜆花甲蚌鮑魚蝦蟹扇

今日跟亞囡去油尖旺做一日潮媽，感受一下時下年青人的喜好。行了整日有點累，係時候晚餐了，亞囡帶我去了一間好有特色的火鍋店，特色在於鍋粥底。一人一鍋有五款味道可選，紫薯，粟米，甘筍，椰子和季節性的菠菜。我選擇咗椰子，味道清淡有點椰香。亞囡那鍋是粟米，顏色鮮黃真係好似平時飲開的粟米湯。海鮮拼盤有肉蟹，貴妃蚌，花甲，蝦，鮑魚和蜆。全部海鮮真係好新鮮，肉質嫰，鮮甜。煮過海鮮，湯底變得鮮甜得多。美食不要停，配料陸續上檯。蔬菜有窩筍，蘿蔔，紹菜，生菜，雞脾菇，丸類有魚蛋，墨魚滑，蝦丸之類，有餃子，有雲吞，好豐富。肉類有肥牛和黑豚肉，兩款肉都好軟腍，肥瘦適中，最適合打邊爐。食完邊爐我己飽了九成，還有粥呀！淨餘的湯底，混入南瓜和芋頭粒，再加飯糊，慢煮，一鍋美味的粥完成了。亜囡那鍋顏色好靚，成鍋粟米南瓜粥咁。好綿好鮮甜好正，飽都唔捨得唔食曬佢

見到介紹有一大盤新鮮海鮮打邊爐好吸引，除左海鮮仲有唔同既配料可以揀，見到都好似好多野食，最後仲可以食埋粥，於是就去試一試。行經門口已經見到有兩大盤Sample放左係度，真係幾大盤，新張開業期間原來只係$198一個人，如果真係足料又幾抵食。牆身設計左好多海鮮圖案，有魚有蟹好有色彩，有卡位坐得舒服啲，不過去到已經無哂坐係中間就有少少迫喇。有哂食法俾你睇，每樣海鮮話哂你知大約要等幾耐就食得，咁你跟番個時間就唔會恰到過哂龍喇。叫完之後當然就要先混醬，豉油都走唔甩係辣椒蒜同蔥，之後仲會送上麻醬沙律做前菜。揀左椰子同菠菜湯底，菠菜湯底黎到成個都係綠色，飲落比較淡身，椰子真係聞到超清香，飲落椰子味都幾香濃。一黎到真係大大盤，張台都差啲放唔落，入面總共有六款海鲜，有鮑魚花甲海蝦蜆貴妃蚌同成隻蟹，下面放上好多冰保鮮。寫好哂每款要煮幾耐咁就跟住做喇，見到啲蜆身都好乾淨，就咁淥兩至三分鐘就食得，入面乾淨無沙都唔錯，細細粒但係每粒都幾飽滿。花甲就大大隻，都係十分乾淨，呢樣真係好欣賞，試過有啲見到個樣都已經覺得好污漕，淥到打開口就食得，入面都係好大隻夠抵食。愈食愈大隻去到貴妃蚌，見個樣都好靚，食落仲係覺得啖啖肉

橙，黃，綠，紫，白，任君選擇，講緊係湯底。天然食材做出不同湯底，打完邊爐後再做美味鍋粥，這是今天我的新玩意....啊啊！只是$198自選粥底，包海鮮拼盤，黑豚肉，迷你拼盤，及每人三款自選配料。首先我們選了限定版綠色的菠菜湯底和紫薯湯底。好美的顔色噢！兩款分別嚐了一口，紫薯感覺綿綿粉粉的囗感，好清啖，至於菠菜就不太突出，但肯定湯底不含味精，健康之選。先來海鮮拼盤有蜆類，貴妃蚌，鮑魚，蝦和蟹。枱邊會有插圖說明每樣海鮮所需時間，免得類似我不懂烹調的人過份㷛煮浪費食材。好新鮮，蝦隻還在跳呢！爽脆彈牙。蟹隻肉厚好鮮甜，啖啖滋味，可惜每人得半隻！鮑魚鮮嫰，軟腍有嚼口。其餘貴妃蚌和蜆類一個字形容「鮮」。食過海鮮後，自選的配料，黑豚肉和迷你拼盤一次過呈現眼前，大堆頭喔！嚟個時候的湯底變得好鮮甜。打邊爐第一時間放牛牛，卷曲一塊看似細小但原來好大塊的，肉質好軟熟，牛脂香味濃厚。黑豚肉帶點臊味。丸類，餃子類有多款，質素中規中矩啦！自家製的墨魚滑有鮮味，不錯。菜蔬嫩綠新鮮。中途店員前來，會加入南瓜粒和芋頭粒在湯底內，待我們食得七七八八後再加入米糊㷛煮，一鍋美味的粥就成事了。嘩....好鮮甜，剛才打邊爐的精華突

很久沒有吃火鍋了！與朋友去完朗豪坊，找間店吃火鍋，見到門外花牌，知道這間食肆開了不久，一於捧下場贈興。一人一鍋正合我們，感覺衛生，我揀了粟米湯底，有好多海鮮，又有好多肉丸，蔬菜，餃子，最後仲有粥。首先，侍應俾你揀蔥蒜等做醬油，然後送上胡麻醬沙律一個，清爽的蔬菜令人好舒服，胃口大開。一大盤海鮮放在你面前，真係好澎湃，(圖中所見是兩人份量)，口水流了！肉蟹～都有膏，雖然不多，肉夠結實，好新鮮，好鮮甜。鮑魚～煙韌，彈牙。中蝦～唔黐殼，代表夠新鮮，爽甜。大蜆～好生猛，仲噴水，好甜，好鮮味。沙白～細細隻，愈食愈好味。扇貝～好大隻，肉厚特別好味，建議不要淥大耐，會縮水同韌，剛剛熟就好。其他配料又是一大堆，仲可以在餐單揀三樣，我揀咗魚片頭，餃子同肥牛。肥牛～雖然不是和牛，油花不多，肉味都不錯。餃子～自己包的，過得去。豚肉～豬味濃，夠薄，快熟。魚丸，肉丸，墨魚丸～普通無特別。雞髀菇～新鮮，無異味。魚片頭～爽，爽，爽！娃娃菜～索晒湯的精華，好味！蘿蔔～清熱，要食！最後，侍應給我們南瓜粒，芋頭粒，杰米糊，用來加在湯煮成粥，食埋成身暖晒。

天氣凍凍，想食火鍋好耐，終於在抵受不了寒冬下跑去食火鍋，同事介紹公司附近呢間新式打邊爐好正～ 標榜無味精、無色素，湯底有4款選擇，粟米、甘荀、椰子、紫薯，是日試了椰子和甘荀，湯底很清甜。6款時令海鮮（蟹、鮑魚、蝦、貴妃蚌、花甲、沙白），海鮮很新鮮，很鮮甜，而且很貼心，有說明教你海鮮要煮幾分鐘才最好。食完海鮮馬上就有特選配料：黑豚肉、魚蛋、蝦餃、墨魚丸、豬肉丸、幾款蔬菜，以及自選配料，肥牛、雞脾肉、墨魚滑。黑豚肉唔洗講，真係好好味！肥牛都夠嫩滑，較肥美。墨魚滑超香滑，味道很好，必點之選👍🏻雞脾肉，超嫩超有雞味，不添加調味料，但都唔會有雪藏味，抵讚！其他丸類都好好味，份量唔算小，食唔曬已經超飽。最後可自行決定是否加粥煮。店員會先加入南瓜粒和芋頭粒，之後再加入米飯，最後攪拌成粥。由於太飽，我就無試到粥了，煮過海鮮以後湯底非常好喝，真係超飽超抵食又好好食！

聖誕假期不能外遊，少不免也要與夫人凑熱鬧，欣賞燈飾，行商場購物，然後吃個寫意晚餐，自助餐、臘味飯得不到娘子的青睞，因她想試這種一人一鍋。一人一鍋其實最大優點是衛生，而且自主性高，喜歡吃甚麼，先後，完全依自己，隨心隨意，湯底有好幾款，粟米，菠菜，紫薯，甘筍，椰子，主要是顏色和味道的分別，我選了較特別的紫薯。每位$198的價錢，已包括海鮮盤和配料盤，另在三十款配料名單內再選三款，我選了肥牛，墨魚滑和雞髀肉，最後還有粥。每人先來一客沙律清清味蕾，芝麻醬惹味，菜蔬清爽，也不錯。看看海鮮盤有甚麼種類？鮑魚，中蝦，沙白，扇貝，肉蟹，大蜆，相當豐富，紫色的湯底顏色奇特，待湯滾後，先放扇貝，煮三分鐘便可吃，味道鮮味，中蝦要煮四分鐘，肉爽甜彈牙，鮑魚，因肉厚，要煮六分鐘，煙韌彈牙，很滋味，沙白約2-3分鐘便熟，細細隻，卻很鮮甜，大蜆很新鮮，無沙，然後留肉蟹至最後，蟹蓋有些膏，很香口，蟹肉很鮮甜，也很多肉，惟蟹殼經紫薯煮過變成青藍色，帶點魔幻，但味道正常，一於少理。吃過海鮮盤，接著端來配料盤，同樣是大堆頭，極之豐富，有餃子，多種肉丸、魚丸，豚肉，蔬菜等，質素很好，另外選的肥牛，墨魚滑和雞髀肉，雖說是一人份

<冬天暖笠笠 打番個特色湯底邊爐先>😍🍲喺油麻地砵蘭街新開左間特色粥底邊爐 <一鍋瘋>望望下先發覺就係之前fb勁多人擺上網嗰間 紫薯 甘筍湯底 仲要粥底邊爐😉 甘凍既天氣 好彩黎得早仲有位 原來佢係一set set俾 一人一鍋 每人可選湯底 每位198 蚊 可以有好多野食點一開始會有芝麻醬沙律食 <每位 198 特色粥底邊爐>😍 首先湯底 可點 紫薯🍠 粟米 🌽甘筍🥕椰子🥥 仲有菠菜🌿 我同朋友點左 紫薯 同甘筍😃個人覺得食海鮮類 丸類 菜類會適合d 😆甘筍湯底好香甘筍味 飲落唔算濃 帶有少少甜香 而紫薯湯底味道偏濃甜度高 🍠 個人覺得食肉會襯d 😍<海鮮拼盤 >跟據當日季節有6 種海鮮 今次有 花甲 鮑魚 蜆 🐚貴妃蚌 蝦 🦐膏蟹🦀首先外表美觀排得好靚 😀 每一樣食材都好新鮮 可以想像到係師傅每日新鮮入貨 而我好欣賞 喺枱側邊 同埋喺menu入面都有提示 究竟每一樣海鮮係要煮幾耐 甘樣客人唔會over或者under cooked d食物 甘先食到海鮮既鮮味 😁 我尤其鍾意彈牙既鮑魚 同好多膏既甜膏蟹都係my favou