心夜來潮 (已搬遷) 新店位置

行過見呢間野勁多人，連舖外都擺滿枱，一於等埋一份食佢先。餐牌唔多野揀，但好多樣野都未聽過，想試哂喎，好彩有細size揀，等我試多幾款先。先叫罐王老吉解下渴。菜茶，有菜心，荷蘭豆，花生，炒米，蝦米，臘腸等，好多料。所有材料切碎，泡上湯，好似滿滿一碗嘅特式湯飯咁，味道特別，口感十足。牛雜鍋，有蠟燭喺鍋底加熱，香味濃郁，牛雜軟淋入味，唔錯呀。醬滷鴨，非一般潮州鹵水鴨，用上醬油煮成，鴨肉嫩滑。手打牛丸，牛丸爽口但似乎平平無奇，食唔出有咩特別？！XO醬炒腸粉，腸粉炒得乾身，鹹鹹辣辣幾惹味。小米餃，有點蒸太久了，皮厚且糊了，入口有强烈蝦米味。豬油渣炒菜心，菜心翠綠清甜，唔錯。手士捻面猴，個名好特別呀，一塊塊粉皮咁樣嘅野同鹹菜，冬菇，魷魚等同煮，湯頭濃郁，吃罷十分暖胃。無估到要細份都好大碟，兩個人叫太多啦，飽到爆 味道還不錯但每一味也略鹹了點，可能要配返白粥食。

聽Whatsapp Group的朋友說他最近去了旺角一間小店吃潮州菜，價錢公道，去開附近可以一試，但不必專程到訪。這間名為心夜來潮，所有店員(可能某些是老闆吧)都是年輕人，主打潮州菜，但先說總結，食物不是正宗潮州菜，但價錢較便宜，可以接受。大部份食物也是$30多元，但選擇不多，餐牌亦有文字詳細介紹部份菜式。鍋燒肉，即與炸豬肉差唔多(又不能說是豬扒)，頗香口，肉不鬆軟反而煙韌，沾泰式辣醬吃更惹味。可是部份「肉」只有脂肪而沒有肉。。。。。。牙籤雞就是簡單用牙籤串著的炸雞塊，香脆熱騰騰，一口一件，也是沾泰式辣醬吃的。吃潮州菜必然要吃鹵水鵝，既然沒有，便吃醬鹵鴨。醬汁味道以鹹為主帶微微的甜，與鴨頗搭配，唯一不足是鴨件切得太碎，失去質感。醬汁豬手的醬汁也是以鹹為主，豬手軟腍頗入味，而且啖啖肉。可是醬汁應調得甜一點吧。其他菜式就如一般家常便飯的一樣，味道一般沒什麼特別，亦無什麼大道理；醬醃螄蚶是生吃的，但由於未煮熟殼亦沒有打開，店方說只需用力以手指在中間剥開，但由於我與友人也打不開，跟店方說也沒有提供協助，那索性不吃了。看見旁邊那桌說不錯，而我卻沒得吃。。。。。。手打牛丸頗爽口彈牙，質感不錯，味道

一直都想來試下食呢間，但有次來太夜關門，有次又落雨，今日仔仔又夜左食飯，所以就來食了，來到店面比較小，只有幾張枱，環境有點污穢甘haha，我們只是叫左個菜茶同沙窩粥諗住試下，平平地食沙窩粥的選擇，但我會因為他的菜茶已當宵夜來食過haha

位於旺角塘尾道既「心夜來潮」，從朗豪坊行過去都只不過係5分鐘左右，裝修有少少似一間客棧，就好似無記拍古裝片果D咁。未食過潮汕菜既我，最近係OPENRICE見到咁多位既好評，決定要黎一試。平日7點3到達，鋪頭已經有唔少人食緊野啦，店舖唔算大，室內同露天既座位大約有30個左右。醬醃生蝦: 蝦肉有彈性，亦頗有鮮味，不過味道有D濃，配飯食會比較好。正宗汕頭手打牛肉丸: 係香港好少可以食到有呢種水準既牛丸，牛丸好有咬感，咬落去仲好香， 仲有陣陣牛肉汁滲出。巨型脆香手打魚蛋: 好似網球咁大既手打魚蛋炸起之後再切片，味道好鮮，炸過之後雖然有D油，但都好鬆脆，值得一試。鍋燒肉外脆內軟，可惜味道一般，無咩特別。小米餃: 小米餃原來係係鋪頭門口既一個蒸籠到棻既，米餃肉餡爽口彈牙，餃皮比較黏韌，咬落去會有少少汁流出黎，口感有D似魚皮餃，加埋蠔油同埋小店自家製既辣椒醬味道真係一流。潮式XO醬炒腸粉: 炒腸粉加入左蝦米、魷魚乾、芽菜仔做配菜，落左潮式XO醬之後，炒得好香又唔會太乾，味道濃而不辣。擂茶: 本人從未試過呢種茶，都係好奇想試下見識下，擂茶裡面有花生同芝麻，再係上面舖滿炒米，賣相都OK既，但係一飲落口，

香港，也有美味的宵夜，比較喜歡的，是潮式的。精緻、好味！！與男人大帝去了旺角，食宵夜，兩個人人少少，黎到「心夜來潮」食「打冷」式宵夜。跟一般潮洲打冷不同，這裡的是古舊裝飾，份量少一點，就二人打冷，同樣可以食多種不同款式。醬醃螄蚶HK$36平時食螄蚶，都是以白灼居多，而這裡是用上自己調製的醬汁去醃，很適合喝著啤酒去食。不旦食到螄蚶的鮮與甜，更食得到醬汁的咸香與惹味。食一口，餸一啖粥，最夾不過了！醬鹵鴨HK$68這一碟的醬鹵鴨，同樣是以自家製的鹵醬去做。入味非常，每一口都有醬汁的甘香。鴨被鹵得入味而肉嫩鬆化，入口半溶狀，老人家無牙都可以食得到。原隻醬醃膏蟹HK$88起用上新鮮膏蟹去做的，同樣是自己製醬汁去醃。韓國醬蟹食得多，潮式的還是頭一次試。醬汁的入味程度比韓式的更甚。小小的蟹，膏量不俗。偏咸，不宜單食，用作餸飯餸粥就是一流！那種咸香與甘，比起韓國醬油蟹多了一重感受。這裡的膏蟹粥可以因應自己需要，點大小不同的膏蟹以及拼上不同的海鮮材料。可以是鮑魚、可以是元貝、可以是花膠、可以是蟶子、或是其他海鮮肉類。總之小的要HK$150，大的要HK$280起。砌夠數就可以了！即叫即煲，因應客人所點去做

今晚去咗心夜來潮食飯，呢個溫度坐室外就最舒服嘞呢度有坊間小見嘅潮汕菜，一於試吓先一嚟到就飲個擂茶先，裡面有芝麻、炒米粒同花生架，從來未飲過，都幾特別豬油炒菜心，見到豬油就即刻決定食佢，雖然就話用豬油炒不過一啲都唔油菜心新鮮夠甜又夠脆巨型脆香手打魚蛋，咁大粒嘅炸魚蛋真係未食過大得嚟都好彈牙，味道唔錯原隻醬醃膏蟹，韓式醬油蟹就成日食，原來潮汕都有醬醃膏蟹味道比較重口味，偏咸，但係撈埋粥食就啱啱好味道好鮮甜，加埋啖啖蟹膏真係好正潮汕砂鍋粥，淨係要咗蟹同瑤柱個粥已經好鮮甜隻蟹大大隻啖啖肉，好滿足呀呢度好多人架，想食就要請早嘞

有次無意中經過就行左入去試 >.<''好細間, 裝修都還好, 幾別緻但坐得唔太舒服=.=太差了定係太家鄉食物, 真係好...... 好細份的, 細細隻蠔, 好在得幾隻啫好咸, 咸到喊/_\仲有個牛雜啦, 係非一般的牛雜, 咖哩又唔似咖哩, 又甜甜地~真係抱歉, 又係唔啱自己口味添浪費了 

最近和朋友密謀合作大計，所以特意相約晚飯，打算一邊吃、一邊聊。選這家的原因純粹是因為朋友工作的地點在附近，所以才順便過來，沒想到食物比想像中驚喜。雖然身為潮州人，可是回鄉探親的機會極少，只有小時候在潮州住過一陣子，對於菜式的味道記憶依然停留在那個時候，因此我不太分得出正宗的潮州菜到底是什麼味道，但如果一吃入口有種「以前的味道」，那大概就離「正宗」不遠。心夜來潮位於旺角和奧運之間，別看店舖不在大街，其實它的旺場程度不比地鐵站附近的餐廳低。今天坐室內位置，拍照的時候忘記調白平衡，所以照片看起來顏色怪怪。菜式的選擇不比坊間餐廳多，但每一款都相當吸引，而且價格合理。每道菜式上面都會有一段介紹，一邊點菜一邊了解潮州菜式的故事。肉丸在家鄉很有名，現在回鄉都會吃到。一頁一菜，這種餐牌倒是第一次見。牛雜鍋，以小火鍋方式上桌，利用明火保持整個鍋的熱度，重點是材料份量非常豐富，而且每一塊牛雜也煮得入味，不知不覺就吃完。XO醬炒腸粉，光是看到每一根腸粉和配料都均勻地沾上醬汁，便可猜到炒的時候絕不吝嗇，鑊氣和用料十足。不過略嫌腸粉中間沒有味道，小扣分。小米餃，有點像粉果的外皮，內餡是豬肉，不過不失。菜茶，材料

自從某天路過這不起眼的小店子後，便對它產生興趣，到後來在電視節目中看見有關它的介紹，對這間小店的興趣就更濃了。直到日前，終於一試。這晚我來得早，在小小的店子內坐下的時候，才不過六時半左右，再等待一會，等老婆仔也來到了，揭開設計甚有金屬感，圖文並茂，幾乎對店內售賣每款菜式都有詳盡介紹的餐牌，點了幾味特別感興趣的，便正式開餐。這兒售賣的食物款式其實不太多，但大多數都是坊間不易吃到的地道潮州小菜食品，既少有，也甚有特色。「原隻醬醃膏蟹」（$88）是吸引自己前來的原因之一。這與韓國「醬油蟹」有異曲同工之妙的潮州醃蟹，鹹鮮味極濃，蟹膏軟滑如脂，肉質猶如啫喱似的蟹肉也令人一試難忘。配以白飯或潮州粥，最好不過。店中另一道十分多人叫來吃的菜式是「招牌牛雜窩」（$88）。這牛雜窩分大小兩種，大的$128，小的$88，這晚我們只得夫妻兩人，當然是吃小窩，再加$12換來青菜一桶，便有肉有菜可吃了。這以秘製醬汁經兩個多小時煮成，再加上牛骨湯底炆上數小時而成的牛雜窩，以明火滾著上桌，裡面的牛肚牛雜入味非常，份量也不少，吃極都好像還有似的，味道雖稍為濃治，但確是滋味。「醬鹵鴨」（$68）味道甚佳，醬汁濃郁得來不會

心夜來潮～呢排好似人氣急升，一於去食！位置唔算大偏僻，門面好有宵夜feel,大光燈爆光，遠遠都見到你啦！膏蟹聖子江瑤柱砂窩粥，粥底好棉，d蟹膏同粥水乳交融哂，啖啖都鮮味到暈左～仲有聖子都係好鮮甜，江瑤柱肉係睇得好清楚亦食得到，唔會hea人，好掂！呢排天氣涼番少少，食呢個宵夜真係不得了！記住，食砂窩粥係要等嘅，因為係即叫即煮店員好有禮貌，朋友好肚餓追左兩次都仲笑住答你請等一等啦

心血來潮，晚上一行五人想吃點宵夜。在Openrice上看到了各位的好評，於是就走到這裡來。這間舖據說是一位年輕人開設的，菜式是跟媽媽學的地道潮州菜，慢慢闖出名堂。店舖不算大，連露天地方大概可以坐三十多人。由於露天地方已滿，我們只好坐在店舖內。但店內的空間有點窄，餐桌與廚房距離很近，加上空氣不流通，油煙味很大。用餐後可感覺一陣油煙味黏著自己。餐牌是有用心設計過的，每一頁也有仔細介紹。我也很欣賞店家所選的食品種類，很地道的，但又不是傳統的打冷。整間店好像只得一個服務員，所以我們都看到她「滿場飛」。更恰巧是有一枱客人的單出錯了，服務員的臉色更一幅不爽。興許中秋節一個人跑全場已經忙不開交，我們也盡量已最快的速度點了菜。由於是宵夜，我們五人點菜也是以淺嚐為主。我們還點了三個白粥，最後承惠$168。這間舖絕對是誠意之作，價錢也十分划算。

今日特別想食潮洲菜，所以上openrice 睇下旺角附近有咩好野介紹，這間位於塘尾道，旺角mtr 行過去不算太遠，只需5至10分鐘，尚算方便，於是同男友到這間店試試。蒲入店內，是開放式廚房，裝修比較特色，牆身復古。 醬鹵鴨 68元鴨的肉質嫩滑且肥高平均分佈，再淋上秘制醬汁，味道香而濃郁，非常入味。菜茶 30元這道菜名比較特別， 以多款的時蔬菜為主，配料有粉絲，乾魷魚，蝦米，豬肉等等的材料，面層鋪了炒米粒，花生等，份量十足，配以骨湯底，食落感覺好清甜入味，時菜鮮嫩，而且湯底非常濃郁，十分低食。小米餃 20元小米餃以一口為主，肉餡爽口彈牙，咬落還有少量的汁液流出，口感煙煙un un ，有點似魚皮餃。 經濟實惠，埋單每人都是幾十元， 上菜算快，下次想食潮洲菜都會再選擇佢。

旺角。黑夜除左凌晨坐紅van由旺角去大埔其實都仲有好多好野食 XD不過話說呢間野個位都算隱藏少少係旺角街市後面，不過通常有返咁上下既隱世小店都要係呢D 地方見本menu直覺話我知呢到應該食過下夜粥 其實我開本野個下真係期待有句：欲練神功，必先...雖然無呢句野 =3=不過話晒都係潮州野，應該有返一兩件"架己冷"(註："架已冷"正解應該係自己人) 跟手叫左個潮汕砂鍋粥、醬醃海膽、XO醬炒腸粉醬醃海膽($28 + $8/飯)其實一睇呢個都知唔係就咁當餸食 =P(你估食海膽刺身咩)潮洲菜比較偏強烈既味覺有食開打冷既朋友應該都明呢個醬醃海膽都係比較偏咸(就咁食左下)所以係即係正常同返飯一齊食個醬加埋飯就平衡返個咸度，即係易入口左加上有花生，個口感會豐富返唔會得海膽同飯，有返咬頭呢個就醬醃海膽自己都夠送晒飯食 潮汕砂鍋粥其實呢個都有少少意外因為以前食開既潮洲粥都係稀粥無諗過原來潮洲菜入面都有砂鍋粥而且唔算味道濃烈今次個砂鍋粥入面有膏蟹面D 膏就煮到出晒黎 XD成個變左黃黃地，但又唔會油有淡淡地既蟹味，不過重點係呢到個粥底靚綿綿地，又唔係煮爛晒D 米，煮得幾靚XO醬炒腸粉 ($38)話說食完仲有

其實我地對一些特別的菜式都有興趣，早在之前已經有留意一間食粥和特色小食所吸引。今次終於找了朋友一行3人去試食。去到比心目中細同迫，其實不太舒服但都試下食品質素再看。總結其實係有驚喜成份。絕對係個粥。招牌牛雜鍋（＄88）加菜（＄12）：牛雜不多，但牛雜汁好香同濃，送飯不錯選擇。蘿白入晒牛雜味好好味。菜吾叫好多，偏少份量。潮汕沙鍋粥（＄150）另加材料錢：粥底夠香夠綿同香茜超多，配料係每款加再上去，最後我地叫了蝦，聖子和蠔仔之類，希望變為一個海鮮粥。本來一心諗係蟹粥，但待應都好老實話現在不是旺季，所以蟹偏細隻肉不多。海鮮夠新鮮好甜加上粥底和有火係底，所以好快比我地3個KO左一大煲粥。手工面腍候（＄30）：配料多（豬肚，蝦米，䓤），湯底吾咸可以飲晒。面腍候第一次食，覺得似刀削面，口感好而吾會淋，份量都多，只係細碗其實2個人分都好飽肚。脆香手打魚蛋（＄32）：講真吾覺手打魚蛋，口感欠奉。炸得太老好乾身。加了醬都吾覺得特別好味道。所以3個人都最後仲留到1﹣2舊係度冇人食。而這個價錢得6舊黎講太少。總結：這店我覺得選擇不多，可以推介是潮汕沙鍋粥和手工面腍，其他只作一般。如下次再來只吃潮汕沙鍋粥就足

哩間心夜來潮，只做晚市！如果好食嘅食物，又駛乜一定要開足9-12，只係做晚市都夠做！心夜來潮專門料理傳統中國潮汕菜色，風味十足！除此，碟碟份量精巧，食幾多咪叫幾多，唔駛浪費！心夜來潮直頭推倒城中的飲食消費模式，細細件，又抵食，勁呀！重點潮式料理推介：潮汕原隻醬醃膏蟹！不得了！如果你唔鍾意河鮮味，你會覺得好腥，但如果你接受到，你會好鍾意哩種味覺，咸咸的，入口即溶的蟹膏。如果你怕太咸，可以一口飯、一口蟹膏，肯定震撼你味蕾啊！醃味仲有哩幾款：另外，鹵水鴨相當出色，鹵水並不蓋過鴨味，兩者味道互為相融。另一個重頭戲係：潮汕砂鍋粥。個可以自行選擇配料，好入味啊啊啊啊啊啊啊啊啊！還有菜甫蛋，加飯食，讓你有回家的感覺！此店除了是潮汕菜，享膳後，暖暖感覺在心頭，這可能是廚師向我們傳達的情感，把他家鄉出色的菜餚送到你嘴邊，讓你感受他美好的心意。真小姐尊敬你啊！