文記海鮮飯店

营业中

休息中

叫左:芥菜豆腐魚頭湯,椒鹽肉排,豉椒炒大蜆餐前小食最好味,菜圃做得好好鹹香野味,叫左兩碗.芥菜豆腐魚頭湯:開頭飲都幾好味,但飲到中間變左好鹹,鹹到完全唔飲得.椒鹽肉排:味道太淡,肉太硬太乾,一般.豉椒炒大蜆:蜆幾大隻,味道都算鮮味.豉椒味濃夠野味,不過有幾隻都變變地味,小心食好D.整體:今次失敗之中嘅失敗.希望唔好再差落去啦!

在紅磡工廠區搵食, 放眼望去滿眼都是茶記, 但要找一家吃的東西同付出價錢成正比的實在不可多得, 紅磡街市上主要有兩家大排檔經營, 這個月去了3次這間”文記”, 通常午飯時間上來都是大把位任座, 同樓下那些茶記要企喺度等位, 真的是天淵之別, 這裡整體感覺較為中式, 沒有咖啡奶茶供應, 只有例湯付送, 但也不要小看這例湯, 看似很清徹但其實內裡都有不少湯渣, 煲湯用的豬肉都是骨頭或者一些瘦肉, 所以湯面不會一層油, 味道亦很清淡但同湯料相比這才是正確的味道, 介乎滚湯同煲湯之間的味道, 即使你係一個人來他們還是會給你一大碗例湯, 只要留意照片那個湯碗同飯碗的size比較就會察覺湯碗是如何的"大" !還有這裏師傅係好明顯知道自己要做一個怎麼樣的菜, 每一個菜應該在他腦內一早已經有一幅照片儲存着, 而且他亦明白什麼樣的菜應該是有些什麼顏色, 並非只是隨隨便便煮出個菜就算,第一回合: 豉椒排骨炒河, 就咁睇就知道OK啦, 有紅有綠有白有黃被一個淺啡色的獻汁包住, 份量是標準嘅大排檔SIZE, 排骨都有番咁上下多, 個獻汁幾出色,第二回合: 豉油皇炒麵, 這是一個齋, 因為完全沒有放任何肉在裏面

好久冇食大排擋,專成到來回憶.叫左:京都肉排,椒鹽鮮魷,涼瓜炆班腩餐前小食都好好味,菜圃做得好好,叫左待應要左兩碗.京都肉排$50:肉排入味,好淋身,酸甜香口,洋蔥野味,送飯一流.椒鹽鮮魷$68:份量十足,鮮魷新鮮,炸得好脆,入口彈牙,椒鹽味十足好香口,必食之選.涼瓜炆班腩$55:個汁有小小過鹹,但都好野味,班腩大大件新鮮又有魚味,涼瓜炒得香口,而唔會有草醒味.這樣簡單的一餐都唔錯呀!

明火枝竹羊腩鍋，好多羊腩呀 ﹗幾個月前試過 lunch 羊腩火鍋後，一直念念不忘。有馬蒂、竹筍、枝竹、大蒜、等等。主角羊腩啖啖肉，足料無呃秤，肉嫩入味又夠腍，Lunch 整個羊腩煲，爽透呀 ﹗送埋大大碟生菜，好味道。多謝 Ivy 陪我癲，哈哈。美國雪花肥牛，我想要同上次一樣既本港手切肥牛架，但 lunch 仲未有呀 ﹗可能琴晚賣晒啦，無上次咁好運。今次啲肥牛好碎、牛味淡、薄薄的沒趙口、肉質都滑既，失望了。

一人有一個夢想 ﹗但今日大部份由琪琪發版，同事們等等啦 ﹗臘肉炒芥蘭，琪琪點既第一碟送，好香喎 ﹗多年以前層經食過，但我一向都唔會點既食物，估唔到食落又幾好味喎 ﹗芥蘭色澤翠綠又爽脆，配上臘肉分泌既油脂，非常香口，好味好味 ﹗菜脯涼瓜炒蛋，琪琪點既第二味送。上次叫過，今日同事要添食。炒蛋好香又熱辣辣，只係味道略為咸左少少啦。雖我不愛涼瓜，但依碟煮得一啲都唔苦，可能鹽味加菜脯既咸辣味已經蓋過苦味。粟米斑塊，琪琪點既第三味。不過不失啦，炸粉多了點，都炸得香口，粟米汁正常味道，無咩特別，撈飯不錯。沙嗲肥牛粉絲煲，琪琪點既第四味 ﹗比想像中好食好多倍，而且比一般食開既香辣，唔會得個甜字。粉絲發得剛好，口感滑溜又嚥靭，難得 ﹗好怕粉絲過腍又爛。肥牛夠嫩口，雖則已全熟，但都唔會鞋。椒鹽鮮魷，係我揀架 ﹗每次食都好滿意，肉質鮮嫩彈牙，薄薄一層炸粉炸得乾爽香口，配埋喼汁好開胃，要密密食先得呀。生炒骨，梁公子既至愛 ﹗比坊間一般甜酸咕嚕汁濃郁，似有傳統山渣成份，足料無欺場。豬肉味濃，肥瘦適中，外脆且內嫰，滿意 ﹗

各同事一人一個送，夠公平喇 ﹗白飯魚炒蛋，Anson 兄點既。第一次食，蔥花炒得夠熟，好采我免強頂得住陣味。白飯魚本身無咩味，蛋炒得好香，兩樣撈埋相得益彰，好味。粟米斑塊，Yvonne 姐點既。炸得棉不硬，口感幾好，食落都有點魚味，只是略厭咸了點。麻婆豆腐煲，我點既菜。豆腐呎碼較大，裡面微暖，未算燙口，口感唔夠滑。表面略為炸過，唔知係為左快啲？定係香口啲？味道似乎掙左啲啲，香辣情度不足，味道還過得去。青瓜蝦米粉絲煲，Akei 姐點既。賣相不太討好，試一試先，比想像中好味好多，估唔到粉絲滑、青瓜青甜，good ﹗咸蛋蒸肉餅，其實我唔多鍾意依度既咸蛋肉餅，應為肥肉較多，口感又鬆散，豬肉味偏淡，要落豉油添味。而且咸蛋唔夠靚，全無蛋黃油，仲有點解蛋白咁少既？去晒邊呢？又未至於話難食，都可以架，但係可以再好啲囉。

例湯，好少可熱辣辣，飲完都唔知係咩湯，淡淡肉味同瓜味囉。椒鹽鮮魷，細塊左好多又碎，味道香口、口感鮮爽，都好味。菜普涼瓜炒蛋，咁大個仔都食過菜普一兩次乍，同事話係醃蘿蔔黎架，涼瓜不苦，應該話係無味先真，但我都係唔多喜歡食，最後我只係揀蛋食，其他飛晒。京都豬扒，不過不失，食左都唔記得。椒絲腐乳通菜炒牛肉，勁淡口，食唔到腐乳味啊 ﹗通菜有點老，又粗糙又靭。

年多沒光顧文記了, 回想從前的水準, 於大牌檔算是中上的, 價格亦相宜, 但今次再來有點失望, 食物差了, 服務態度又為惡劣這一碟紅腸鮮魷味道並無不妥的, 但送上來的時間我們已提出沒點這個, 店員就說是送的, 當吃到一半老闆走過來看一看我們點菜單, 大聲跟老遠的伙計叫道: "這一碟你送錯地方了!" 一邊低頭在我們的單上面加上這道菜...問也沒有一句就強加了一碟沒有點的菜~此時正跟友人興高采烈地交談才沒有找老闆算帳, 但這樣的態度實在反感韭菜豬紅味道淡了一點, 豬紅的質感亦不夠結實, 很容易散掉生腸很爽脆, 很想比較跟龍鳳廚房那個比較好吃這個白灼對蝦全晚焦點, 對蝦體積雖小, 但味道異常鮮甜, 蝦頭的膏亦都甘香, 這不是時常能吃得到了, 很恩惠猶豫中還是點了這個粟米斑塊味道中規中矩, 略為不夠熱只是先一晚在牛記品嚐了百試不厭的粟米鮮斑塊, 這一個當然被比下去了綜觀整晚的食物質素也是可以接受的, 但服務真的差了很多, 除了上面老闆的"自動加單"外, 店員服務不週, 我站在魚缸前想詢問各海鮮價錢, 但每一個經過的員工都詐作聽不到的行過, 此晚六時未到煩忙時間也如是, 需要改善一下咯~

是日例湯，唔知咩豬骨冬瓜湯。每次啲湯都唔係熱辣辣架，只係微暖，佢地驚倒瀉淥親食客？定係想我地可以飲得快啲呢？湯唔熱邊好飲架，您估我依家飲緊意大利同西班牙凍湯咩 ﹗唯有當水飲囉。最正係張相，超有動感 ﹗琵琶豆腐，亞琪姐點既名菜。一放上枱熱住食都唔錯，色香味美，外脆內嫰，好味道。但一凍左就勁咸，啲芡琼到一劈劈，扣分 ﹗要趁熱食晒佢先呀。鮮茄炒蛋，新同事騰尼點既，家常小菜。蛋不老又夠滑，味道酸酸甜甜，撈飯 GOOD。其實唔落洋蔥同蔥都得，因為我唔食架呢，哈哈。椒鹽豬扒，梁經理點既，夠鑊氣又炒得香口、味道濃郁剛好，唔會過咸，口感未算太硬，都滿意，全餐最好食。椒絲腐乳通菜炒牛肉，即椒腐通牛 ﹗依味我點既。鑊氣就有喇，仲炒得好乾身，唔會水汪汪，保持通菜翠綠，炒功了得。但係淡口左少少，腐乳味同辣椒味都不足，菜鮮爽，好 ﹗滑牛醃得夠味又夠腍 ﹗

紅磡街市熟食檔數埋都無十檔，同大埔幾十檔真係差得遠 ~ 文記係依度其中一間食小菜、碟頭飯店，而且係最大規模既一間 ~ 出品同服務都過得去啦 ~ 我最愛打邊爐，早午晚或宵夜都可以，任何時段都喜迎 ~ 今日相約位同事食午飯，我開玩笑式話去打邊爐，意想不到佢一口答應，話洗咩驚呀 ~ 哈哈，好呀，有膽色 ﹗街市熟食檔格局，無咩特別，空氣流通，四圍倘算乾淨。侍應阿姐阿哥們服務殷勤，敬業樂業，對工作有熱誠，抵讚 ﹗豬骨合掌瓜湯，是日例湯，已試過多款唔同既例湯，但佢地全部味度及顏色都一樣架，真係好特別，無味精要讚好。頂級手切肥牛，估唔到大排檔有此貨色，依碟野都要成百幾蚊港紙架，不過物有所值。見肉色深紅，已養得夠熟，雪花均勻，肉質必會軟棉及肉味鮮活濃郁。將厚切肥牛放入熱騰騰羊腩煲中拖四五下，五成熟即啪入口，完全無錯，超濃郁既牛味、肉汁豐盈、鮮甜可口，食到唔可以停低。雖厚切，但肉質絕對軟棉滑溜，就算十成熟都不改其高品質，必食 ﹗枝竹羊腩煲，雖然依度既羊腩煲唔能夠講得上特別好食或突出，但非常足料，無搵笨呃秤，仲有一大籃菜送添。羊肉有排、有背、有腩、有皮、有骨，配搭平均，都好老實配料鮮枝竹都唔少，索晒羊肉湯

天氣好冷凍，一入到熟食中心，見到好多枱係度打邊爐又或明火羊腩煲呀，勁吸引 ~ 但無奈地 lunch 唔夠時間打邊爐呢，同事們亦不感興趣，又有同事唔食羊，連羊腩煲都幻滅 ~ 無緊要，返工無計啦 ~ 食小菜，一人叫一款，食完急急腳返公司 ~粟米斑塊，嘩 ﹗一咬落去嚇親，好膠吓喎，啲粉又厚又靭，同塊魚既厚度差不多，唔掂、好差噃，炸粉多過魚。涼瓜炒魚鬆，味道麻麻地，仲以為魚鬆即係一粒粒細細架呢，原來只不過係魚滑煎成魚餅再切片之麻，咸而不鮮，整體味帶甘，不苦，鑊氣欠棒。蒜蓉炒白菜，都係麻麻地，鑊氣欠棒，雖則大火略炒可保存維他命及營養，但白菜唔夠甜，唔夠熱，稍為生左啲，口感爽得黎偏硬。椒鹽鮮魷，估唔到最好食係依道菜，炸得香口、鬆化、金黃色，口感爽夾嚥靭，配喼汁同起，好開胃，不停咁食。蘿蔔牛腩，啲蘿蔔都唔甜既，有酸味，平價貨，炆得唔夠耐，唔入味而且口感硬。牛腩都唔錯，炆得夠腍又入味，撈飯一流。金銀蛋菠菜，又係咸蛋，無咩特別，皮蛋咸蛋撈菠菜，菠菜好新鮮。京都肉排，酸酸甜甜，好味。咸蛋蒸肉餅，味道同口感都算滿意。但好多肥豬肉，較鬆散，雖然加肥豬肉會更香，不過太多了吧，肉同肥膏比例不好，令到豬肉味不足，而

12月5日（星期日）晚，是日相約了鄒氏伉儷吃晚飯，適逢吃飯前各有各精采，鄒氏伉儷又去享受單車郊遊樂，而我和女友就去健身中心做運動。最初鄒太提議去食她至愛的$XX任食日本料理，因早前爽約而不敢斷言拒絕，暗地裡默默另覓其他心水選擇，豈料做完運動之後，竟收到鄒生來電說改了去紅磡食羊腩煲，感覺極度震撼之餘亦連忙說好，於是就和女友坐過海巴士前去紅磡市政大廈，我們來到時鄒氏伉儷早已坐下來恭候。因早已說好吃羊腩煲，我們一坐就點菜，冷不防鄒太再加一碟炸芋頭，既然如此我就順勢加多一碟肥牛，一於吃著羊腩打邊爐。等了約十分鐘，羊腩煲隆重登場！當然還有附送的時菜。今年吃了數次羊腩煲，發覺部份食肆的羊腩煲份量明顯比以往少但價錢反增，但這鍋的份量倒是不少且價錢合理。待羊腩煲滾起後，便急不及待吃了一塊羊腩，發覺入口非常嫩滑軟腍，而且肉味甚濃，不用醮腐乳醬已經很美味，加上整鍋羊腩肉多骨少，相信這裡的羊腩煲是我們今個冬季吃過最好的！我和女友估計這裡是由樓下直接取新鮮黑草羊肉，所以說祇要用料新鮮，烹調功夫不用太花巧就已經很好吃；炸芋頭切得頗厚身，放落羊腩煲內滾一會，食落既有芋頭的粉香又吸收了湯汁的精華，難怪能夠得到鄒太的

與Honey再來紅磡街市熟食中心搵食，不過今次我地就唔係去兩合，而選擇咗文記，皆因Honey未食過。上到去七點鐘左右，客人唔算多，所以好快就有位。眼見餐牌有好多選擇，有好多嘢都好想食，但有好多嘢都唔食得 (((因為兩個都喉嚨痛)))，最後揀咗以下食物︰ 蠔仔粥 (大)︰其實一開始食個蠔仔粥時覺得唔算好差，但係食到一半時就覺得個粥咸咗啲。我會覺得同區嘅新忠記整食比較好食。 豉汁蒸白鱔︰食第一舊時，已經將舊鱔兩面都點哂汁，但就覺得個味唔係好夠。到食第二舊時，都有將舊鱔點滿汁再加埋蔥花同吃，但個感覺就唔同哂... 好食好多。但係總括嚟講，個汁都係較淡。 酥炸小棠菜︰呢個就依舊出色，係全晚最好食嘅。 清炒油麥菜︰真係好清，完全食到油麥菜本身陣味，不過好可惜嘅係... 有啲菜已經開始爛，但都完全冇『過濾』過至落獲炒。真係... 唉！ + 我覺得今次比起上次與小弟嚟食時差咗，下次都係去番兩合會比較有保證！

小學到中學時期,我家住在紅磡區,所以對紅磡的一點一滴也特別擁有很多回憶.還記得小學時期,爸爸特別喜歡帶我們到文記大排檔食飯,這時文記是為於紅磡消防局隔離的大排檔其中之一,這大排檔在10多年前已全部清拆,而文記大排檔便搬到紅磡市政街市2樓的熟食中心,還記得剛搬去的頭幾年,我和我的家人間中也有去支持一下,但自從10年前搬離紅磡區,我們已經很少機會再去了.今天的星期日,媽媽沒有煮飯,爸爸突然靈機一觸,便見意到紅磡文記食飯,就是這樣,今晚我和爸媽轉程搭車到文記.還記得上一次到文記食飯,已經是08年前父親節,還記得這一次,我們一家四口也同樣覺得,食物的質素真是退步了,看看兩年後的今晚,可否保留著10多年前的水準,還是再一次令我們失望呢?今晚來文記食飯,只有爸爸媽媽和我,我們三人也很民主的,每人選擇一個小菜,爸爸很快地揀選了,他在打冷檔最喜歡的1)鹵水拼盆還記得10多年前來過文記,也order了這一個鹵水拼盆,但記得當年碟子大一點,碟子上的鹵水拼盆也是滿滿的,但今天的鹵水拼盆碟子細了,價錢就加了價了.不過,雖然是加了價,但味道總算不錯,特別是魷魚夠爽口,豬腸夠入味. 不錯.2) 沙拉骨沙拉骨,是母

因為想同我小弟賀生日嘅關係，所以就上嚟搵吓有乜好吃！但咁啱佢生日正日唔得閒，所以就預早同佢食餐飯！咁啱俾我搵到文記，睇過之前啲評論都唔錯，一於決定同佢去試吓！雖然人就只得兩個，但係怕星期六會勁多人，所以六點半左右已經去到。上到去唔算好多人，但都已經見到有兩三枱客差唔多吃完 (((估唔到仲有人早過我地食晚飯))) 我地叫咗四樣嘢，包括︰1) 酥炸小棠菜 2) 蠔餅 3) 福建炒飯 4) 蒜茸少西蘭花酥炸小棠菜 --- 之前見有人講過話好食，所以叫嚟試吓啦！嘩 ~~~ 真係好好食，連我小弟都話好味！蠔餅 --- 又係見有人講過話好食，所以都叫埋嚟試！不過呢個蠔餅就...... 唔啱我地食囉！我會比較鍾意食油麻地興記果個蠔餅！雖然唔多好味，但唔想太浪費，所以我地都食咗大半！同埋食完之後都覺得幾『熱氣』，如果怕『熱氣』而又想試的話，可以試吓叫佢地唔好整咁燶！福建炒飯 & 蒜茸少西蘭花 --- 我小弟係果種冇飯落肚唔得果種人，而且叫咗兩樣『熱氣』嘢嚟食，冇菜食始終唔係幾好，所以我地就求其揀咗呢兩樣！味道就同出面好多食肆差唔多，所以都不用多說吧！下次再去試埋個椒鹽鮮魷至得！