明記海鮮潮州菜館 (天保大廈)

营业中

休息中

有部分朋友住係荃灣區，加上大家都幾鍾意食打冷，星期五夜晚放工後飲下酒，再食住野呎吹水就岩哂。明記已經係第二次幫襯，雖然環境唔算太衛生，但食物勝在幾夠鑊氣。加上可以同朋友吹水吹好耐，都算好坐。石鍋啫通菜通菜顏色青嫩，口感爽脆新鮮。以石鍋盛載幾有風味，放得耐通菜都係熱辣辣。椒鹽鮮魷魷魚上嘅椒鹽味夠重，好治味。炸粉唔會太厚，炸得唔會太耐，香口酥脆。煎蠔餅蠔餅係打冷必備，酥香不太油膩，點上醬汁令蠔餅更增加少許鮮味。滷水三拼（豬耳、豬肚、墨魚）豬耳爽脆，豬肚口感頗軟韌，墨魚有嚼勁。炒排骨呢款菜式唔記得咩名，印象中係醬汁炒排骨個類。排骨肉質軟稔，送飯一流。

今晚的晚飯在荃灣「明記」，一間主打潮洲美食~~打冷~~的專門店。三人行，每人楝一款心儀菜譜，結果，炸物佔優勢：黃金魷魚$128、脆皮炸鮮奶$88、明記荔枝骨$108、白飯$14。黃金魷魚，肉鮮且爽，脆漿卜卜脆，大家都很喜愛。我很久沒有吃脆皮炸鮮奶，熱氣騰騰的大大塊炸鮮奶，有著無比的吸引力，外脆內軟綿，啖啖奶香！明記荔枝骨，甜酸的排骨吃來很開胃，幫助化解炸物的油膩。「明記」還奉送鹵水拼盤一碟（中）：有鹵水豬肉片、墨魚片、腸紅、豬大腸、鵝腸、鵝腎片和大豆芽菜，鹵水拼盤好味道，墨魚片、鵝腎片與鹵水豬肉片都夠爽脆。真係估不到三碟餸都份量很足，還有免費奉客的鹵水拼盤，為免浪費，我們不要餐前小吃：魚乾仔和鹹菜，雖然有加一小費，但沒有收茶錢，人均消費$129，好食又抵食。下次要約齊朋友打冷，一嘗潮洲打冷風味啦！

同屋企人食飯，因為長輩都鍾意食中菜，有時候會去明記食潮州菜。明記嘅菜式好大份，有時都見到好多年輕人聚會嘅時候去食。小店入面有圓枱、有卡位，今次坐卡位有啲迫迫地，空間唔係咁寬鬆。今次都點左好幾個小菜：滷水三拼（滷水墨魚、滷水大腸、滷水五花朒）（$108 ）正宗潮州味道，墨魚片好爽👍🏻菠蘿生炒骨（ $78 ）酸酸甜甜，外面嗰浸生粉唔厚，送飯一流，食完一件又一件。魚香茄子煲（ $70 ）夠穫氣，茄子唔會散開晒淋啤啤，又係送飯之選。雜菌炆伊面（ $88 ）中規中矩，同一般嘅伊面味道差唔多。石鍋啫芥蘭（ $78 ）芥蘭好爽好清甜，好多醬汁。

荃灣有好多大排檔，小菜同潮州打冷地方。一直都知道明記開左一段時間而風評好壞參半，不過朋友喜歡當然要去一去啦。平日晚上只坐滿半場，最有趣嘅事係在座全是年青人。豉椒蒸白鱔賣相唔太掂，再加上可能白鱔本身唔靚，食落只有嫰而不滑，汁味過濃，遮了本身鱔肉味。椒鹽鮮魷魷魚爽口，外皮鬆脆，椒鹽味道不會過鹹。呢碟係當中最好食的一碟。豬紅不過不失。蠔餅雖然夠脆口，但蠔份量並不多，全部都係漿粉為主，啖啖都係粉漿味… 雖然區內名氣不俗確實帶點失望。

已經吾知第幾次黎明記食喇！呢到既菜好多樣都好好味 食過返尋味拉埋一堆朋友黎試更好 可以食多幾款菜！今次我地幾個人試左幾味餸都好好味！首先係每次都會叫既桶蠔～熱辣辣又入味～滷水拼盤都係吾錯的～豆腐同墨魚最吸引～仲有炸魚餅好彈牙荔枝骨係今次既驚喜！潮式蠔仔粥係每次食潮菜必點，呢間都吾會令你失望的！不過略為覺得攬菜豆角香口就香口但咸左少少～呢到野食都大大碟的，價錢都適中正常，感覺更加抵左！荃灣有兩間分店 兩間其實好近 一間無位即行去第二間就得整體今次都係吾錯的～會再黎！

家人突然在荃灣話想食蠔餅, 荃灣有唔少打冷舖但又唔係間間都有得食蠔餅, 上網睇到推介明記, 嚟到店員話乜蠔都有得食, 就馬上上樓了。蠔餅果然超脆超香, 果然係聞名不如見面, 就是有點"插"口, 樓上地方大也容易找。 卤水鵝片$138 有啲UN潮式蠔仔餅$88 沙嗲牛肉炒芥蘭$98 比較普通招牌炒米粉$98 都唔錯~ 蠔仔肉碎粥$58 大大粒蠔仔, 美味!

近年出街食飯都係去一啲連鎖式食店，今日忽然醒起好耐無打冷，腦海就出現了“明記”，因為以前同朋友食過，記憶中係ok嘅，所以就不作他選，坐車去荃灣食返餐“好嘅”。由於6點左右到，唔駛等位，點了 #黃金鮮魷＞夠份量好味 #豉椒炒蜆＞夠份量但涼的，明顯係一早煮好 #啫啫芥蘭＞夠份量但完全唔覺有啫啫feel #炸餅＞夠份量味道唔錯，但餅底太厚 #水煮牛肉＞聞到麻辣味，食落極少辣，唔掂。總括來說，一試無妨，但不要抱期望，當一般食店便可

星期日同屋企人行完山，就黎到明記食晚飯，我因為未食過呢間，以為啲餸好似平時大排檔咁細細碟，所以六個人就叫左七碟餸，點知，上菜時很意外，好大碟，心諗，一定食唔晒。不過唔理咁多，食左先，食落好好味呀，碟碟餸都好正，我最愛炸黃金魷魚，好香，好好味好難忘，下次再去一定會再叫另外我屋企人話炸大腸都好味，不過我自己無食過，因為我唔食腸我地仲叫左水煮牛肉，因為我之前未食過水煮牛肉，見個賣相我驚會好辣，但原來食落唔算好辣，不過個口食完有啲麻麻地，但都好食嘅仲有蠔餅，好足料，好多壕，而且好脆脆最後真係食唔晒，下次都係叫人頭數減一，呢間啲餸真係好大碟

尋日食國金唔好食嘅糖水之後，今日唔憤氣，同朋友食完飯之後一定要搵返間糖水舖食返個糖水！今次去咗荃灣嘅名既，路德圍出晒名勁多糖水食，夜麻麻都超多人，其實間間我都覺得差唔多。今日就去咗呢間明記試吓囉！我好低能，唔知點解成日以為明記係歌星舖，我以為係方皓玟開架，因為佢叫小明呀嘛，但其實好似冇乜關係！睇怕係我諗多咗。今次我食嘅其實只係好普通嘅楊枝甘露但係非常足料，真係我諗我未食過咁多了嘅楊枝甘露！芒果係食到最底都仲有架，仲有好多嘅碌柚，同埋好重嘅奶味！我個人鍾意食買嘅，所以OK。如果你麻麻哋花奶咁你就要同佢講聲啦！唯一唔可以嘅就係，真係都幾唔好坐囉，因為間舖好細，不過今晚都唔係好洗等，所以都OK。同埋開頭時候帶位嗰位姐姐有少少燥燥地，不過講多兩句其實佢都有禮貌嘅，所以算啦！值得一試嘅。

咁朋友約埋一齊食飯，大家意見多就好難諗食乜，咁最後就決定去食好耐都冇去食既明記。咁我地一入去等左一陣就有位，之後叫左個脆皮牛腩，椒絲腐乳通茶，椒鹽茶樹菇，啫啫雞煲同埋鹵水拼盤。咁個鹵水拼盤不過不失，都夠入味，份量都有好多，而且入面有好多我最中意食既鵝腸，都清得好乾淨。椒絲腐乳通菜就夠獲氣，好食過一年前我地黎食果陣，今次食得出啲通菜同腐乳既味混和一齊。啫啫雞煲不過不失，但雞既份量少左啲，但豬潤既份量都幾多下，最緊要係啲豬潤入味同唔苦。椒鹽茶樹菇比我既感覺係送酒一流，炸得好乾身，同埋都仲食到茶樹菇既味，而且佢既份量仲要係超多，有機會我都會再叫黎食。脆皮牛腩，咁今次我地第一次叫黎食，咁佢比我地既印象都係唔差既，外貌好睇，做到外脆內軟，牛味都充足，只係食落去果下冇乜驚喜，真係一舊有脆皮既牛腩。

本人和丈夫一直都想試試明記的食物，終於在年初六晚上試試。上到一樓樓上，見裝修簡單有大排檔的風味。心想一試無妨，待應照呼水平基本。我們叫了清蒸鮑魚仔，蟹肉荳苗和滷水鵝片。旁邊的食客越來越多，很有熱鬧氣氛。食物很快便到了，一看⋯咦，為何鮑魚仔是無殻的？蒸熟後在碟上轉來轉去，一入口，感覺很硬，完全無鮑魚味，只有雪味！ $58 一隻，只是感覺到是不新鮮的「彊屍」鮑魚。之後的荳苗十分老身，非常多纤維。另外的滷水鵝片比較鹹，只能配白粥。埋單$530，平心而論，水準低於正常，實在不值這價錢。第一次光顧也是最後一次，水準有待進一步改善。

17/4， 是日放假與弟共晉晚餐，原一心想打邊爐去開麗都任食，可惜今晚冇蝦，細佬蝦癮發作，無蝦不歡，左諗右諗後就近去明記食打冷，叫小菜及海鮮，叫左墨魚，炒硯，啫啫芥蘭，同主菜蒜蓉開邊蒸中蝦，一碗潮洲粥及一枝嘉士伯後的總埋單價$390，全晚最好食當然係主角海中蝦

因為之前一路都好食 突然響一年前的一個晚上失左水準 細問下廚房轉左人 之後無再幫襯今晚 同個朋友慶祝生日再試多1次看看鹵水什拼...味道不過不失..不會偏甜或咸"獅堪" 朋友話好中意呢個"獅堪" 因為有陣陣酒香....佢強調自己整都冇咁入味...魚香茄子煲,微辣...茄子入味之外又足料 叫個白飯送一流....淡淡的wasabi配豬扒......好入味...好特別...炒花甲...個汁好香好濃..花甲有肉夠大..唯一美中不足係好多花甲都唔唔開口 蒜容開邊蝦..正...勁多蒜...個底D粉絲索晒..好入味..如果粉絲再多D仲正...另外沒有入鏡的通菜煲....都係有椒絲同蒜粒...多左d白飯魚仔同蝦米...而且石頭燒...可以keep到個菜嘅溫度...熱辣辣...!韮菜豬紅 豬紅入味 帶點微辣 惹味

食左幾次打冷, 呢間味道真不錯，價錢不貴, 比我地平時打冷的大排檔或簡單菜館, 呢度坐得好舒服呀, 係酒樓格局. 有幾款套餐,如A套餐是浸蚬/ 炒蚬，配鵝片拼盤$198 , 炒菜也夠大碟.  咸茶&花生好好味, 咸菜係有一次偏咸左d  , 螄蛤更一絕, 味道咸淡剛好,又新鮮. 

完成今天的快閃行山，已是夜晚六點多近七點，幾個好友也在新界附近，便約好一起吃個便飯，最後選了荃灣的明記，去到門口才知道在同一條街開了新舖，雖然廚房的出品應該不同但也不妨一試。有些友人要遲到，便先點第一輪菜慰藉肚餓的人，這裡是打冷加小菜，所以點了紅腸墨魚，紅腸正正常常而墨魚爽口也吃得過；印象中沙薑雞腳用的雞腳通常比較大，這裡的是少一點的，雞腳沒什麼特別但覺得沙薑的味可以重一點。潮陽盬水炸豆腐夠熱夠脆已立於不敗之地，只是豆味不算重，唯有沾多一點醋來釣味；荔枝醬燒排骨仔應該是生炒骨的變種，味道跟生炒骨差無幾，吃著肉的部份真的不多，不過也酸甜惹味。豬油渣蝦乾生炒菜心苗炒得不錯，菜心苗幼嫩有不俗油香，而這個雖是菜類，但加上豬油渣肯定邪惡度爆升，而且豬油渣沒切粒而是一整條橫陳菜心當中，就算不吃它只吃菜也肯定吃到油渣味；一同上檯的炸九肚魚粉漿有點厚，但因夠脆和魚肉嫩滑所以也吃可以一吃；普寧豆醬燒雞是第一輪中比較不濟的菜式，普寧豆醬下得不夠也煮得不入味，雞沒有燒過的感覺，肉也過熟自然是比較粗糙。第二輪追加的有潮州也有飽肚東西，豬紅入口是爽口一類，而味道只是一般，感覺是煮豬紅的汁不夠濃凡關係；炒麵線出來