滿粥順德粥底海鮮火鍋

营业中

休息中

收工黎新蒲崗呢到食飯，mikiki 對面成條街都好多野食。 友人推薦呢間粥底火鍋，晨早book 訂位，好彩book左，因為去到都full 曬。原來佢有分幾個時段，六點、八點咁。每次都會比你食兩個鐘，完全夠曬。一黎到就叫左五款打邊爐料先，之後店主就拎左好多款海鮮黎。仲逐樣講番淥要幾耐時間😋貼心係有計時器，等你唔駛唔記得拎番海鮮上黎。用粥水淥海鮮完全食到海鮮嘅原味，一試就試到海鮮係咪新鮮。一黎整左個蝦食，唔駛點豉油都咁鮮，零雪味。另推鮑魚，好爽好彈牙，不過如果佢幫我去埋膽就好啦，懶得整😂魚放落去三分鐘就食得，不過我地太忙食緊其他野唔記得左，店員仲幫我夾起，話滾耐左就會肉散曬，果然肉係勁滑個種，少少骨，不過d骨好易夾走。滾滾下店員就同我地講煲粥唔應該咁嘅色，可能鮑魚膽穿左，佢地勁好幫我地換左新粥水。墨魚滑，出面有d 墨魚滑入面冇墨魚成份，呢到有粒粒墨魚。第一次粥底邊爐，粥入面有南瓜芋頭 菜脯個d。平時麻麻南瓜但都覺得好味喎仲有甜品，會唔會太滿足🤣

近幾日天氣突然又轉冷，所以是日決定跟朋友去打邊爐~ 因為友人與我其實狼好幾次也想試一試某連鎖店之粥底火鍋，順理成章今次就試一試這家位於新蒲崗的滿粥順德粥底海鮮火鍋。他們有開兩個時段，6時與8時，我們訂了6時但卻遲到了！嘩一入內餐廳已幾FULL，所以大家有興趣來記得要預先book位了～看看餐牌，晚上就是這個$198套餐包括：7款時令海鮮5款火鍋自選配料4款蔬菜1款粥1甜品這是全包價，已包加一與醬料費。如覺份量不足夠，大家也可以追加海鮮，飲品亦可另外再點。在牆身上上已寫上了食用方法以及落鍋的先後次序，我們就參照住啲steps 將所有美食分3 round KO! Round 1 坐下後，店員很快就奉上3層海鮮塔最頂層有有鮑魚，蚌、中間有肉蟹，最底則是大小蜆魚蝦等等。每檯還有一個計時器，為你計算着每款海鮮烹調時間，很精細哈哈。Round 2 食畢所有海鮮後，店員先將南瓜，芋頭及粟米配料放入鍋內烹調，隨後第二步就到我們早前選好的5款火鍋自選配料上場了。我們選了肥牛，牛丸、魚滑、蟹粉蝦子丸以及炸魚皮再加上附送的娃娃菜，第2 round 火鍋開動!牛肉肥瘦適中，魚滑也很新鮮Round 3 食完邊爐，

上星期去食lunch ，我地一共有4個人食。見到佢lunch 可以叫海鮮麵餐。大約$40-$60 一個人啦等左大約15-10分鐘 ，其實已經比較慢。食物個樣一般啦，味道一個字差差差我叫既係拉麵。分量又少，又碎。湯底味道又淡又沒味。其實同沒落調味粉沒分別。D職員只係掛住玩電話 完全唔理食客。係到傾計玩電話。差差差其實我未試過一間新開既鋪頭會差成甘。我真係未試過。我可以話俾各位聽唔洗試完全唔掂。一定唔會再光臨。

朋友睇完TVB馬家個飲食節目，好有興趣去滿粥試下個海鮮粥底火鍋，我當然會拍住上，一齊去開餐啦！個餐包括7款海鮮，另加五款食物7款海鮮包括蝦，蟹，多寶魚，鮑魚，大蜆，沙白蜆及一款蜆，枱面有食法介紹和附上計時器，介紹每款海鮮要淥多久！首先，食咗個蝦先，都幾大隻！每人有兩隻！之後再淥蟹，啖啖肉，正！下一款食鮑魚，好鮮甜！之後就分別食三款蜆，各有千秋！多寶魚就好滑，冇諗過可以斬件食！至於5款跟單食物，我們選了午餐肉，墨魚滑，嚮鈴，金菇菜同冬瓜片我哋另外加錢叫了一隻瀨尿蝦，只不過＄98，但好大隻，好多膏，好好味呀！另一款加＄叫的是牛肉，我哋叫咗碟細牛，好有肉味，兩個人剛剛好！兩個人同時係臉書讚好，會送一罐可樂，而且店不收加一服務費，抵食

好友生日飯聚，一行幾人決定近近地約在好友屋企附近，食完順便上佢屋企玩~~~好友建議食滿粥，未試過，大家都舉腳贊成!週末餐廳都幾FULL, 要預先book 位，如walk in可能要等好耐餐廳內部比較狹窄，我們一行7人已好像佔了餐廳的1/4位置了，也不會太有位置可放袋及外套之類，建議大家要輕裝上陣餐廳是每位計，不加一、不收醬料費，食兩小時有1款沙律+7款時令海鮮 (餐廳指定)+5款自選配料+3款時蔬+1款海鮮粥+1款精美甜品是日的7款時令海鮮肉蟹、基圍蝦、鮑魚、大蜆、沙白、細蜆及魚類，感覺都幾豐富，已經幻想到之後個粥係會有幾正同鮮味接着就是5款 自選款根據我師奶仔的精打細算性格，當然是參考這些品種的散叫價，看看怎樣叫才最抵我們選了 墨魚滑 (推介)、肥牛、豬腩片、鮮淮山同娃娃菜連海鮮都可以追加，不過飲品就要另點選好了便上粥底了~~原來用來打邊爐的是先用粥水，到最後才放粥膽呢6個人好像是給了2碗，則一碗是3人份量?海鮮塔來了!!3層高，我只看到鮑魚及大蜆在跟我招手~~~小蜆類則用小碗盛着肉蟹方面，每人包半隻蟹，也有少量蟹膏這碗是蝦，因為D蝦太生猛，一定要蓋上，否則就周圍彈了粥底火鍋的食法先

天氣凍最啱打邊爐第一次食打完邊爐會食粥嘅七種時令海鮮，有鮑魚，大細螺，蟹，魚蝦，沙白幾大隻基圍蝦鮑魚好爽口，因為佢有教你每樣唔同嘅海鮮煮幾耐，包你食到啱啱熟嘅，唔會老肉蟹幾大隻！一早砍開做一半，手腳都砍開左，食嘅時候就方便好多，都會提供鉗比你鉗開食肉重口味人至愛呢兜野！葱莞茜同蒜(走辣椒),3樣特多混埋加豉油，食咩都要點佢！！食完海鮮就點其他菜，有肥牛，芋頭南瓜粟米呢d邊爐必備大茄哩啡至愛墨魚滑！牆上寫左食法/落鍋嘅先後次序食完邊爐，戲肉黎啦用返d湯底煮粥，加一碎好淋好淋嘅飯，再加隻蛋我地加左好多葱同莞茜落去鐘意重口嘛食到好飽平時最後加麵，呢度加粥，好搞笑

好耐無嚟新蒲崗, 十年前的新蒲崗, 除咗係舊樓區, 重係超舊既工廠區, 但自從2011年起好了太子道東那個新樓盤後, 便忽然變得十分現代, 尤其是內面的那條景福街, 舊店不是轉手就是大翻新, 變得新潮甚有風格.一月頭的天氣, 仍然廿五、六度, 今星期忽然轉凍, 晚間氣溫跌至十四、五度, 最啱打邊爐, 下午到舊朋友公司吹水直到放工, 順便就在公司對面的小店火鍋, 小店六時才開門, 我們五時五十五分到達, 先在門口打量一下..., 一堆...應該是明星合拍照片, 我逐一研究..., 但... sosad...,  我好似一個都唔識蹯...., 老友即時彈一句: 阿伯, 你幾歲呀? ... 只供應一款套餐, 包括了前菜沙律、七款海鮮、五款火鍋配料、三款蔬菜和甜品, 最後用火鍋完成的湯做成海鮮南瓜粥, 每位$198, 這個應該都是市場價, 之前係油尖區都見過咁上下的粥底火鍋, 但這店比較慷慨, 不收加一, 也不收醬料費, 即登出來的$198就是總價, 做法夠晒大方得體.坐低, 落單..., 第一樣..., 一定係啤啦.... 藍妹, $34, 比大排檔價略貴, 但火鍋店出售, 可以理解, 個人

朋友仔話想食粥底火鍋，由於喺星期五，比較出名嗰幾間都full 咗，於是上網搵搵到呢間晌比較偏僻嘅滿粥…一早打定咗電話BOOK枱，佢話有位，8:00pm，於是一嚟到唔洗一陣就有位呢到每位198包加一，包海鮮、又有幾樣打邊爐料，有菜，當然重點就係最後個粥喇，仲有埋小甜品提供添，不過就唔包飲品，另外亦都有啲星級火鍋料畀大家叫喇海鮮方面有蜆、蝦、蟹、鮑魚，樣樣都好鮮甜，同埋員工都好細心成日提我哋唔好overcook，令到啲海鮮出嚟時啱啱好，無過火，好爽( 啲蝦上到枱時仲跳，攪到走蝦>.<)另外有好多種火鍋料，有黑椒丸、響鈴、鮮淮山等，味道都唔錯，朋友另外叫咗個手切肥牛，亦都好鬆化，入口即溶咁，不錯不錯其實食最晒所有嘢都已經好飽，但點都要食下個粥，當你吃晒之前啲嘢，員工就會幫你整粥，加飯同材料，個粥有番之前吃過嘅料嘅味道，有少少海鮮味，而個粥都好清，唔鹹，我同朋友每人吃咗一碗都飽，但呢到好好，可以畀你將個粥打包返屋企，最終成為我最後早餐，再一次回味雖然地點就偏啲，不過味道搭救，都抵番晒

好久都無去過新蒲崗這區了, 這區都變化很大, 除了有大型屋苑外, 周邊都開了不少有誠意及特色小店, 加上天氣凍了不少, 經朋友介紹下, 今晚就跟友人來試吓滿粥嘅粥底火鍋.牆上掛有不少手Q版火鍋及餐具, 都很別緻.店鋪以粥底海鮮火鍋為主打, 所以都有簡單介紹. 坐下來後店員都很殷勤地向我們介紹店鋪主打一人海鮮粥底火鍋餐, 只需$198.00, 包括預設7款時令海鮮及自選5款火鍋配料, 聽落都很吸引, 所以我們就選了兩個海鮮火鍋餐.每張餐檯上都放有客戶需知及介紹粥底烹煮海鮮順序及預設時間計時器, 方便客人參考之用.首先到來是一鍋順白色的粥水以用來烹煮首輪海鮮.隨後店員送上預設7款時令海鮮火鍋配料, 一層一層的放在銀盤上, 看似英式下午茶那樣.海鮮火鍋料都很新鮮, 有多寶魚、基圍蝦.多寶魚肉質軟滑.基圍蝦大隻爽口彈牙.鮑魚鮮甜美味.仲有大、細蜆同沙白.大蜆肉質口感較好且很鮮甜, 相對沙白較細少, 個人認為質感就無咁好了.肉蟹膏不多, 但很鮮甜.我們將近食完所有海鮮後, 店員隨即將預設好的南瓜、芋頭及粟米放入鍋內烹煮好後. 我們就可隨即烹煮自選配料.自選配料有醬爆貢丸、墨魚滑, 貢丸彈牙, 味

因為有朋友在黃大仙附近的寫字樓工作, 就近佢放工時間在此餐廳預約一枱兩人打邊爐。(如來此餐廳最好是預先訂位才肯定有位的)。餐廳的打邊爐方法程序有其自己特色, 因為它的鍋底是米粥水, 另外餐廳已經為顧客印有一個打邊爐的時間程序放在每張枱上, 所以每次放食物落火鍋滾熟的時間可以用在枱上的計時器提醒食客在適當時間進食, 不會過時, 這樣所有海鮮食材都熟得恰到好處, 食落口亦都係新鮮,爽脆, 咬在口內好似仍然跳下跳下咁樣。 所以任何淥熟的食物都係很可口, 新鲜彈牙。全程都不會有肥膩的感覺, 可見餐廳很用心營運。最貼心的是最後送上雪米糍一粒, 令食客甜在心頭地離開。

之前喺廣州食過粥底打邊爐， 同朋友講開佢話屋企樓下開咗一間粥底打邊爐， 於是走咗去新蒲崗同朋友一齊試下， 舖頭細細間但係新裝修都坐得好舒服 海鮮鍋係人頭計…… 每人$198 包咗海鮮五款及自選7款火鍋配料 ，份量唔夠可以追加配料而價錢都唔貴， 我哋加咗 一份魚皮餃一份蔬菜都係每份十幾蚊 飲品都係十二蚊罐。蝦蟹鮑魚都好新鮮好鮮味 貝類好大隻好多肉， 店員好細心咁同我哋講解每類食物嘅烹調時間， 每張枱都有計時器 依次序時間就能食到最好味嘅，除咗主要嘅海鮮仲有蟹籽丸、 墨魚滑、 花之丸、 肥牛、黑豚肉…… 全部都好好食， 食到尾聲店員就會 幫我哋落南瓜粟米到粥底裏面，滾一陣就有一碗熱辣辣 超濃海鮮味嘅海鮮粥。

在工業區覓食是一個新奇的體驗 平日很少會來新蒲崗這區 但偶然的一次到訪 我跟朋友在這裡找到出色的美食😋在冬日當然想吃火鍋之類暖胃的食物 剛好路過這家名為「滿粥」的海鮮火鍋店 我喜歡它的名字很有創意 而且菜單上的食物很吸引 店鋪裝潢也不錯 頗有格調😁在我們坐下不久 店員便端上沙律前菜 這個沙律配有千島醬 味道很特別 為青瓜、生菜和番茄增添另一番風味 也讓我們胃口大開👍🏼其後又為我們預備了店內特製的醬油和調味料 讓我們自由調配多少份量的蒜蓉、辣椒🌶、蔥和芫茜 我個人喜歡多點蒜和辣味的醬油 於是自行放了更多蒜蓉和辣椒在豉油內 自訂出來的醬油十分美味～ 第一道主菜是七款時令海鮮 店員為我們端上一個精緻的海鮮架子 架上有鮑魚、基圍蝦、沙白/小蜆、大蜆、魚和蟹 賣相十分吸引 這店提供的蟹真的很大隻 而且肉質鮮嫩 十分肥美 我們把海鮮分批下鍋 每種海鮮只需數分鐘便能食用 雖然鮑魚和蜆也很新鮮甜美 令我們食慾大增 但在眾多海鮮當中 我最喜歡蝦和蟹 基圍蝦十分鮮甜 而且肉質鮮美 十分爽口彈牙店員很貼心 還為我們提供鉗來剪開堅實的蟹殻 這是我征服蟹鉗的成果 蟹鉗內真的充滿鮮美多汁的蟹肉😁～吃過海鮮後 店員

新蒲崗對我們來說是個工業區，沒事都不會去。碰巧有點事要跟朋友去這區，完了後就在附近找晚餐。見到一間名為滿粥的店：黑色的店面給人一種很pro的感覺，時值冬季，我們決定一試，看看滿粥能否滿足我們一走進去就見到一個大電視在播k歌，店內充滿聖誕裝飾，周遭的桌都坐滿了食客，蒸氣從每個鍋中升起來。這就是小店的好處，給人很warm的感覺。每個店員都很親切和幽默，面上帶著笑容，能感覺他們都很享受他們的工作，很希望能跟客人多交流，成為朋友。我們坐下來後，看到的餐廳內部環境：店內桌子不多，一個晚上招呼不了很多客人，但店長顧及食客的舒適度，沒有增加桌椅。很快，店員送上一碗特式沙律：裡面有青瓜，很清新爽口，蕃茄酸度剛好，生菜很新鮮，配上千島醬，不是每個地方都有，吃完超級開胃然後店員端來這個：我們剛開始不知道這是怎麼回事，後來才發現是讓我們為醬油調味。有蒜蓉、莞茜、辣椒和蔥，我們每樣拿了一些，再加上醬油。後來店員說這醬油是特製的，難怪食物蘸上後這麼鮮味7款時令海鮮包括肉蟹、鮑魚、大蜆類、沙白、細蜆類、魚類：還有基圍蝦：每張桌子都有一個計時器和一張指示，教我們放不同食材的次序。其實也不用指示，店員很主動走過來替我

今日約了舊朋友吃飯， 朋友想吃特別啲菜式。 聽說有人話新蒲崗有間可以火鍋又有粥吃嘅舖頭， 舖頭不算太大但係食物睇落好新鮮， 店員介紹我哋兩個人吃海鲜煱， 煱裏有蟹，蝦，鮑魚，蜆和魚仲有 北其貝。 最好是有人教埋你什麼時間吃先最好吃。 嘩9分鐘後就可以食蟹肉質好新鮮，其後吃蝦之後最like鮑魚也吃得。 其次當然唔少得火煱一定要食嘅牛肉，魚蛋等……， 最後重頭戲是吃海鮮火鍋粥 味道一流因為加埋海鮮味道以及好多配料一齊吃, 所以今次吃到非常飽。

今日兩口子齊齊去滾，海鮮果然又靚又鮮味，早知訂位時order多啲。最欣賞是小小一間火鍋店，侍應卻都非常細心有禮，定時定候過黎幫手烚海鮮，包唔會過火。尾段煮粥之前，又將南瓜粒等壓碎，融入粥底之中。全程斯文又有笑容，讚！上枱唔單止個粉紅㷛靚，個勺同夾都係新潮矽膠款，比不銹鋼高一班。鍾意個㷛嘅話，仲可以托舖頭訂返個添！