火井火鍋海鮮飯店 (已搬遷) 新店位置

大除夕夜，我們當然要好好慶祝一番。是夜打邊爐慢慢嘆來準備迎接倒數。適逢港島線西開始投入服務，我們選擇去西環食完可以再去中環倒數一舉兩得。一早已經訂枱7時前都已有很多人在開餐中，可能大除夕夜很多人和我們一樣想法打邊爐後準備去倒數。我們一行三人，雖然這裡牛肉出名但我們都不食牛所以叫了招牌湯底、脆肉鲩、菜肉餃、韮菜餃、墨魚滑、蝦滑、響鈴、生豪和菜籃。先來招牌湯底內有雞腳、粉腸、番茄、芹菜、酸菜材料豐富好味道。墨魚滑和蝦滑都好爽口，餃子大大隻好足料，脆肉鯇和生豪都好新鮮，特別是響鈴口感一絕。港島西線通車後這裡應該人流變得流多咗，希望可以繼續保持質素。

對火井最深嘅印象就係佢有啲其他火鍋店好少見到嘅食品，好似田雞扣，大禿參，花膠王，駱駝峰咁，有啲仲可能唔係人人都知係乜嘢，好似豬王喉同牛波子咁。不過我哋都係食大路嘢，所以只係叫咗個豬王喉，豬王喉本身冇乜味道，就只係爽脆而已。我以前都叫過駱駝峰同豬天梯，不過亦冇乜特別，駱駝峰主要就係好似一片好肥嘅肉不過食落唔會有好肥膩嘅感覺！食嘢嘅味道好睇心情，心情就受環境影響。火井唔係以環境地方做賣點，但係今晚一坐低就已經覺得悶焗，抬頭見到開咗風扇而冷氣出風微弱，個伙記就話室內外溫差大我哋先覺得悶焗，但其實今晚有成廿度，一啲都唔算冷！我哋10個人被安排坐一個三面都係墻嘅角落，坐喺呢三面嘅都係椅背靠墻，要起身挾嘢都唔易。就呢兩點就令我成晚都食得唔爽！坐低先叫啤酒，伙記話要夠凍就藍妹，仲有冰桶，但係由頭到尾叫咗8,9枝啤酒都係倒出嚟冇幾耐已經唔凍，加上比較悶焗，飲飲吓仲覺得啲唔凍嘅啤酒有啲酸酸哋！叫咗一個招牌鍋(伙記話一定要試)同一個冬瓜瑤柱鍋，鍋裡面已經有好多材料，剩番用嚟打邊爐嘅空間就少咗，但係裡面嘅料好似雞腳,豬皮,粉腸,冬瓜咁都要到半路先至夠入味夠淋！個招牌鍋除咗啲材料組合幾特別之外，味道仲冇個冬瓜

今日去左西環火井打邊爐，我想特別推介牛肩肉同花蝦，仲有九菜餃。個九菜餃親手每日新鮮包仲有好多料超好食。個花蝦係可以生食架好新鮮而且啖啖肉。仲有佢個招牌煲，超級足料個湯底煲到最後超級好飲。仲加埋牛肉同九菜餃d鮮味真係好想去食多幾次。超推介。

火井火鍋，可能係全世界最好食既火鍋。呢間餐廳唔單只用料正，湯底也絕不馬虎。識叫一定係叫火井招牌火鍋做開頭，如果食到辣的話一定要試下個麻辣火鍋，食完真係會辣到識飛LOL 不過好抵讚的係佢的麻辣唔單只係淨麻或者淨辣，兩者的味拿捏得好好，加上食落好香！講完個湯底，講下d火鍋配料先。講火鍋配料，火井可以算講得上係世界級，尤其係牛類方面，有幾特別都有，無論係牛波子、牛歡喜，所有特別而又食得落肚都有得你叫！另外無論係蝦滑、魚滑等都非常出色，因為食落真係好滑，其他地方的火鍋配料都冇咁正架！食得火井既你，記得一定要叫番枝啤酒啤啤佢，咁先夠過癮！呢度係逐碟計，預每人消費250蚊到，不過野食真係超高質，絕對物超所值！不過希望佢會盡快推出任食優惠啦！我會再黎幫襯架！！！

鍾意打邊爐一定食過火井吧?火井招牌鍋, 勁多材料, 蕃茄, 豬粉腸, 枝竹, 雞腳等等, 超入味, 一定會飲返碗湯!招牌牛頸脊, 牛肉味超濃, 勁好味, 食完返唔到轉頭!生蠔好肥美好鲜甜.雞子, 正常, 無乜特別.鵝腸正呀~ 夠肥美, 打邊爐真係一流到無野講.脆肉脘魚, 正常, 無乜特別.墨魚滑, 夠滑, 夠鮮味, 吸埋湯底好正!冰豆腐吸晒湯底, 有幾好味唔洗講啦~韭菜餃, 超好味WOR, 包得好好, 餡都好正!論野食真係無野好講, 必定再食!

我是看到電視節目介紹這裡的火鍋見到一枱的餸同鍋底真係有見到都流口水的感覺打邊邊其實一定要人多先好辦事但由於西環偏遠同埋組團是需要時間等唔切了~已在只有兩人情況下膽粗粗的去打一打感恩還有一人肯熱死辣辣的情況下同我去打邊爐如果大家知道創業係邊就好容易搵到火井是轉彎其中一個後行深處好神秘喲見到餐牌有不少特別打邊爐材料列如竹苼讓波波 - 原來係讓波子,小女子就不敢試了必食推介中有好多都好想食不過你知道我們只有2人所以鎖定了牛頸脊當然少不了的就是招牌火鍋經過伙計的介紹黎多個墨魚滑拼蝦滑太令人期待了一見到瓦煲上就已經夠開心而且現時很多都用電子爐但火井這是很好火氣的火爐 - 正!另一樣令我很喜愛的是無限加椒絲(不用另加$) 岩晒嗜辣的我火井招牌火鍋湯底 - 真係好正,湯甜多料!依個湯底揀直係一個餸,內有枝竹/雞腳/豬皮/粉腸/蕃茄,而且湯很夠味,很甜由於火氣十足,所以好快就已經大滾而且湯料好快食得,只是雞腳還未夠"林"要再煲下特級手切牛頸脊$188 - 真係好有質感,好有牛味,細細塊但咬勁十足,真係值得一試雙拼-蝦滑/墨魚滑 - 正!怪不得伙計一直推介,因為真係必食推介好彈牙,應該真係好用心機打出

這間位置偏僻的街頭火鍋小店，說它是「驕傲」也不為過，除了曾被不少報紙周刊報導過外，也是不少「玻璃之城」校友的心頭好。十多年前第一次來「火井」，是成班同學天寒地凍地在街邊「拾下拾下」，怎會不滋味？「招牌鍋底」$98每枱必點的招牌鍋底，有大量番茄、枝竹、芹菜、粉腸、雞腳、豬皮等，全是下欄貨，卻能滾出甜美湯頭，而且加料後愈滾愈甜。另點的沙嗲拼芫茜皮蛋湯底賣 $68，是蠻划算。「墨魚滑 / 蝦滑 / 腐皮」$78 / $78 / $38這三道是必點之物！墨魚及蝦滑的用料是相當新鮮，打得起膠彈牙，而且鮮甜度十足。炸腐皮是近年火鍋的人氣食物，放在湯中淥三秒即起，跟住呢樣做唔使教啦。「深海魚翅仔 / 鱔片 / 桂花蚝」$168 / $90 / $88用魚翅打邊爐是頗有霸氣。魚翅仔本身味淡，純靠湯底餵入味，學特首話齋：「湯底好，魚翅好；魚翅好，湯底更好」。另外點了 XXXL 的美國桶蠔 ($250)，絕不會大而無蕩，肥美度很嚇人。「安格斯牛肉 / 本地手切肥牛」$218 / $188打邊爐怎能不來牛肉？手切肥牛牛味濃，口感更佳，價錢也較划算。選邊樣你識㨂啦！「鮮雞 / 羊肉片 / 芝心牛肉丸 / 滑牛

一行三人去火井打鞭爐！招牌鍋，好多材料，有雞腳，蕃茄，枝竹，豬粉腸，超多材料，湯底愈滾愈入味，忍唔住飲了碗湯招牌牛頸脊，叫了大碟嘅，牛肉普通，無乜味道，有黑邊，應該不太新鮮，由於第一次去食所以無得作比較，但聽後邊枱同個侍應姐姐話今晚嘅牛不太新鮮！墨魚滑鮮味，冰豆腐索咗湯超美味 ，鱔片切得很薄，尚算可以！最驚喜係韭菜餃，好好味，多菜少肉，好鐘意食！

我愛打邊爐!「火井」給我一吃難忘的印象!由於是晚太開心之故,忘了把「佳餚」拍攝下來…有點「美中不足」!我們四人點了:1.招牌煱底: 有枝竹、粉腸、雞腳、蕃茄、中芹…料多、湯又濃,正!2.牛肉三併: 牛肉粒、牛舌、牛月展…夠新鮮,正!3.手打肉丸、漿爆魦魚丸、響鈴、草鯇骨腩、羊肉片…都係嗰句…正!4.魚下顎 - 我的定點必食推介! 魚肉完全沒有「泥味」、肉嫩滑,極品!5.新鮮豬月展肉 - 好食到"dom"一聲,必食!加上蔬菜、汽水、啤酒…埋單每人約二百元左右;以她的出品、用料,我認為「超值」,至少…現在我還懷念她的魚下顎、新鮮豬月展肉呢!

一場大雨過後中環氣溫驟降! 同事今晚建議食煲仔飯、打邊爐、醉雞鍋...多多意見最後還是選擇了一大班人熱熱鬧鬧圍住個爐「打邊爐」!!!!中環人打邊爐第一時間想起西環的「火井火鍋」。是晚雖然沒有大Sir請食飯，但依舊大魚大肉，無他，一大班人最緊要食得開開心心 今晚所選的火鍋湯底 及 配料如下﹕火井招牌鍋﹕ 很懷念的味道，每次必選，最後必定會飲返一碗湯~正!! 馳名醉雞鍋﹕ 足足有半隻雞係裡面，冬天打邊爐呢個湯底無得彈!! 招牌牛頸脊﹕ 每次黎食D牛肉味都咁濃郁，上一牒清一牒!! 食極都唔夠喉!! 脆肉脘魚﹕ 新鮮夠脆...牛脷柧﹕ 唔清楚係牛既咩位置，不過又幾好食wo!! 喜出望外!!雞子﹕ 同事最愛雞子，我就麻麻囉 鵝腸﹕ 肥美鵝腸~賣飛彿!!魚翅仔﹕ 打邊爐都要有翅，夠豪!! 但魚翅本身冇味，要靠湯底餵味(個人建議用醉雞鍋湯) 墨魚/ 蝦滑﹕ 火鍋必食，呢樣唔使教啦。爽甜田雞扣﹕ 好補呀，哈哈我鍾意! 鮮甜!生豪﹕ 肥美兩個字已經夠晒照!!!豬潤﹕ 呢個我麻麻，益晒同事

若干年前, 明報周刊的一篇報道, 令我一直好想去西環神秘地火井吃火鍋。事實上, 沒有甚麼神秘可言, 只是位置偏僻難找而已。火井中的翁記仍在, 又開了一家添飯小廚, 熱鬧了不少, 而火井火鍋呢, 到底它能夠屹立不倒至今, 有甚麼「把炮」呢?先點了招牌鍋底, 夥計說這幾乎是逢人必叫的湯底, 一看, 有大量番茄、雞腳、粉腸、枝竹、豬皮等, 雖盡是便宜貨, 但很聰明 ----- 我去吃任飲任食火鍋, 必先叫番茄, 因為可以令湯味濃和稠一些, 再加冬菇、薯仔、粟米、蘿蔔等去滾就更佳了。而火井這個招牌鍋底, 本身似有肉骨頭熬的味道, 當然, 要吃到中途才感到味濃了。食物方面, 牛頸脊實在一般, 牛脷瓜反而更出色, 濃味一點, 又不鞋口, 份量又夠多。金菇洗得很乾淨, 沒有黑斑, 而且滿滿的一碟, 令人讚賞。雞子用少量花雕酒浸著上桌, 滾完吃時, 依然有著淡淡的酒香, 出面未必肯這樣做, 畢竟雞子不是人人敢吃呢。芝心墨丸就平庸了一點, 芝士不多, 墨魚丸的味道不突出。似乎, 芝心系列裡最佳的配搭應為牛丸, 而做得最好的是東榮。火井未必算很出色, 而且不是大牌檔feel, 但也值得一試的, 它用傳統的

同事請食飯，拉大隊去咗火井打邊爐，同事早已訂咗位，所以去到唔使等就有得坐嘞~一坐已叫了招牌鍋及鯊魚鍋，招牌鍋都好足料吓，有蕃茄、蔥、支竹、豬皮、蘿蔔、雞腳等，湯底味道ok，不算太濃，但個人認為雞腳可能煲得唔夠耐，蠻韌的~至於鯊魚鍋離我有一段距離，所以全程冇咩試過~同事跟住叫了滿桌都是食物，有特級手切肥牛($148/碟)、鴕鳥肉、墨魚滑、蝦滑、筒蠔、竹蟶子、象拔蚌刺身、冰豆腐、脆肉鯇、粟米、油麥菜、炸魚皮、黑栢葉、豬皮、山根、韮菜餃、豬王喉、花雕浸水魚等等........除咗食嘢之外，打邊爐當然要啤啤佢啦~最驚喜的是:筒蠔，很肥美，很鮮蠔味，而且仲好爽口!竹蟶子大大隻，放落鍋中稍稍一焯至變鬈，即可撈起食用，食落又鮮又甜，又好肉，一試難忘~象拔蚌刺身，很大隻，每一片都大大片，有一定厚度，食落都係嗰句，又鮮又甜，不過最重要係勝在夠大隻，肉夠厚，有口感~花雕浸水魚，水魚骨膠原豐富，最啱女士美顏之用，我都係第一次食打邊爐嘅水魚，用質很嫩滑，亦富彈性，只是花雕味稍嫌不夠。不過，一樣係好味的~其他食物如墨魚滑及蝦滑都是好好味，鮮得嚟又夠彈牙~手切肥牛確是新鮮，亦很有牛味，只不過份量略嫌少了點~炸魚皮

今日返工已經諗緊夜晚同班老友去邊食飯，有乜好食? 廣東人當然最愛就係打邊爐!! 今次老友建議去西環石塘咀甚有名氣既老牌名人火鍋店「火井火鍋海鮮飯店」。第一次黎感覺唔錯，鋪頭貼左好多雜誌食評，仲有明星相，原來電影「千杯不醉」都係呢到取景，有D熟悉既感覺。開飯啦~打邊爐第一件事選湯底先!! 老友拼死堅持要選「招牌鍋」湯底，見佢咁堅持就試下啦。「招牌鍋」 - $68個鍋，但我睇到既有有蕃茄、芫茜、蔥、蒜、支竹、豬皮、蘿蔔、雞腳等，勁足料!! 個鍋煮落原來仲勁入味~正!! 好有驚喜 招牌牛肉 - 老友話呢到D牛肉最出名，當然要試，呢牒招牌牛肉無令我失望，牛肉味濃郁夠新鮮，今日認真有食神，同老友叫左兩牒，一人一牒都唔夠喉。墨魚滑 - 伙記介紹，幾彈牙，唔似行貨。冰豆腐 - 呢個係必食!! 冰豆腐個口感好特別 唔知點形容，同個湯底好夾。粟米&油麥菜 - 普通火鍋料，冇咩好講，不過老友話想食就叫啦。鮮鯇魚腩 - 新鮮味濃!! 今晚食得好痛快，伙記服務態度ok，介紹D食物都好滿意。下次一定會再黎試下其他特別D既材料!

11-1-2010 12度的夜上寒冷天氣, 我要去打邊爐, 寶湖百幾蚊一位已經試過, 不用說, 所以不再食返餐好D的吧, 所以6:30的時候打電話來訂位, 8:30入坐, 某某的原因, 我8:00已到了, 老細叫我坐住先, 幾好的服務我第一次黎, 希望食到美味的一餐, 之後望望周圍的菜牌, 價錢相當貴, 雖然唔係我比錢= = 招牌鍋 我在決定什麼湯底的時候, 問問呀姐, 呀姐話: 招牌鍋抵食, 跟住我相信她, 叫了一個, 個鍋料真係十足, 好多料好多料, 而且好入味 $68 牛四寶(牛頸脊,牛脷柧, 牛肉粒, 牛x) 呀姐介紹話牛四寶乜都有, 上碟好靚, 牛肉新鮮, 但係份量超級的少, 牛頸脊超薄,煲完得尾指咁大塊, 但細細塊都好有牛味, 牛脷柧口感超好, 但食唔到有什麼味道, 牛肉粒可能是頭頭尾尾, 超細粒 慘了,我來錯店了嗎?? 價錢相當貴呀 $228 珊蝴蚌 非一般的珊蝴蚌, 我還吃到有海洋的味道, 超超超超新鮮, 我食珊蝴蚌最美味的一次, 但份量好少, 價錢不平 $68 魚片 沒有吃, 朋友說是不錯的. 份量又是很少的, $?? 魚滑/蝦滑 超彈牙, 好新鮮先做到的,

昨晚我哋三個女仔約咗去打邊爐，其中有個朋友話食過呢一間，覺得唔錯，所以決定再試，我哋一早己經訂咗位，大約七點去到，冇乜人，原本佢比個門口位我哋，不過我哋要求坐入面，佢都肯比（服務都算可以），到大約八點半就已經滿坐。以下就係昨晚食嘅嘢：招牌鍋（$68）湯底有好多料：雞腳、粉腸、酸菜、蕃茄、豬皮、枝竹（感覺好似唔 match，但係原來好好味，仲有就係佢哋加親都係湯而唔係水，所以食到最後連湯都飲晒。）牛頸脊（好似係 $185）因為我哋要特級個隻，好好食，我估比牛肉仲好食墨魚滑（唔記得幾多錢）好好食，好有墨魚味，咬落去唔會覺得只係得麵粉，真係好好食冬瓜豆腐雙拼蘿蔔粟米隻拼呢兩樣其實係要單叫，不過伙計好好人，肯比我哋咁叫，值得一讚，識變通炸魚皮唔夠脆，放咗落湯就大件事唯一唔好嘅係冇其他熱嘢食，亦冇送酒嘅小食（例如：雞腳、花生），如果有埋呢啲小食就真係好啦！啊！仲有一樣值得一讚嘅係洗手間，唔好睇佢門面舊舊地，好舊式，但係個洗手間都好乾淨，好坦白講，打邊爐一食幾個鐘，如果洗手間唔乾淨就好大件事，點忍呀，所以呢間嘅衛生唔錯。