牛気 (希慎廣場)

营业中

休息中

有左BB之後，唔知點解好鐘意食牛~可能本身鐵質唔夠，本能反應知道自己要多吸收鐵質~XD於是開始久不久就去搵靚牛食。行街去開銅鑼灣，見到牛氣 Nabe Urawa在希慎開左分店，記得上次去過尖沙咀分店，環境味道都好回味，再去新分店試下~~~~~~當晚是平日晚上，所以唔洗等位就可以進內。入去時要先選食咩餐~因為大肚嘛，當然想食好D~我要食最靚的牛肉！哈哈~~所以要了最貴的極上澳洲和牛+海鮮餐，每人$388~老公想食辣，所以加了$20要了一個鴛鴦湯底，我就食我最愛的甜醬油湯。一開始店員就把所以食物都送到桌上~每樣小小試下好無味再叫~雞同豬~海鮮都是老公食了~佢話都好新鮮，特別係鐘意大海蝦，好鮮甜。挪威三文魚刺身大大厚切，食得出是新鮮的味道。第一碟牛是最優質的極上澳洲和牛，份量重手，見到已經閃閃眼，因為雪花紋好靚！入口牛味濃又甜，牛脂比例均勻，口感好正。另外湯底已夠味，不用任何醬汁都已經非常美味。食過極上澳洲和牛，再叫上另外三種，包括：極上牛肩肉、嚴選澳洲和牛、嚴選美國牛肩肉。當中美國牛肩肉係最有咬口的，而最滑有化開感覺的是極上牛肩肉~感覺好像食緊軟棉的牛肉，好味。睇下火鍋配料，有呢D：(呢粒

雖然是中秋，卻是半點秋意也沒有，走在路上，依然是汗流浹背，氣溫整天徘徊在30度左右，女孩子背心短裙尚好，散熱快，在下「豬肉榮」身形，真是穿少一點都怕給人白眼。 好彩香港的商場多，冷氣足，假期天一家大細逛街倒不算難受。 其實已步入秋天，不少食肆已有火鍋供應，反正都是把冷氣開得強勁一點，再來兩罐啤酒，問題不大。 中午時段走在銅鑼灣，就算是食車仔麵都要排隊，把心一橫，往樓上舖轉。 原先想上12樓睇睇，但估不到另有乾坤，對上兩層只靠扶手電梯的樓層，會有更加多的食肆。 早前曾光顧過牛氣的尖沙咀店，地點適中，質素不錯，原來近月已靜悄悄地在希慎廣場插旗。 論門面及裝潢，比起老尖店是更勝一籌，基本湯底有北海道昆布湯、蕃茄濃湯、博多豬骨湯、三文魚味噌湯、昆布辛口地獄湯、韓式辛味泡菜湯、壽喜燒（另加HK$10）或棉花糖湯（另加HK$20） 。 顧客更加可以另加HK$20，在湯底中放入新鮮波士頓龍蝦頭，店員會先用牛脂肪及洋蔥炒香，再注入豬骨湯，最後落龍蝦頭，講認真，湯底由頭到尾都鮮甜到不得了，絕對值得一試。 因為可以點取餐牌上所有食物，一

喺誠品訂左本書成個月終於都有得攞啦！急急腳跑去希慎，買完書之後梗係想搵個地方嘆下本書啦！最方便就係上樓上搵食，如果由地下上13/14樓搭電梯真係有啲兜兜轉，不過誠品跟住上兩層扶手電梯就好快到以我呢個正宗香港人嘅排隊心態，梗係邊間多人就去邊間呀！一眼望落去牛氣最有人氣睇埋個Menu啱晒我心水，我見叫最貴個餐係無限時間任食，wow 如果慢慢食幾個鐘一定可以睇晒本書 haha同店員表明左我要最貴嗰個 $388 餐之後佢就即刻送上龍蝦頭一個，落㷛炒然後加湯，就成為咗美味嘅蕃茄龍蝦頭湯底然後第一碟就係送上最優質的極上澳洲和牛份量十分之重手，一眼望落去已經見到雪花紋靚到不得了，牛脂比例均勻放落熱湯滾兩三秒已經食得，入口即溶我哋全部試晒四款靚牛，個人幾喜歡極上牛肩肉，同埋全部牛肉都好新鮮，肉味濃郁，口感柔滑除咗領牛之外仲有靚海鮮，虎蝦真係勁大隻，而且入口鮮甜又彈牙再加埋日本帆立貝真係番晒本而我老爸就最鍾意挪威三文魚刺身，新鮮甜美，佢話一食就知係高級質素，果然其他普通放題冇得比咁話喎食到飽飽地出去行個圈，其實仲有好多蔬菜，丸丸同埋粉面。有我最鍾意嘅韓國飲品同埋好特別嘅羅漢果水，清熱解毒食咗到七成飽，係

離開左香港一段日子，最掛念的就是香港任君選擇世界各地的美味。香港地揾食，平有平食，貴有貴食，但一定唔會難食得去邊！ 今次翻來，梗係要對自己同五臟腑好啲啦。今晚同朋友的聚餐選擇左 “牛氣”！位於希慎廣場十四樓，才新開一個多月。 話明要食好啲，所以揀左 378 蚊任食套餐，包括四款澳洲和牛，各類海鮮同挪威三文魚刺身。(圖左上角）餐廳環境樓底高，二人卡位張枱都好大，有足夠位置擺放美食，整體感覺坐得舒服，環境亦很乾淨。門口放左易拉架，清楚睇到各套餐收費，包左啲咩食。同場加映，午市都有放題，係銅鑼灣的打工仔不妨一試！湯底上之前，梗係要走個圈，睇下有咩好野食。下圖為甜品。有和菓子，泰式椰汁黑糯米等等，自助沙律。仲有自助雪糕機，可以配搭不同 toppings! 火煱配料方面應該有的都有。推介的係黑色的墨魚丸，好彈牙。仲有蟹棒，金菇，魚旦等。唔怕無得揀，只怕你無甘大食。lol飲品方面有多款罐裝飲品，也有熱茶同咖啡機，即磨咖啡好香！仲有湯，白飯（左上），可以配日本咖喱（左下），肉醬（右下）又得。仲有牛肉炒飯（右上）。重頭戲黎啦。店員推介波士頓龍蝦頭湯底。個龍湯頭足足有我個手掌甘大隻！上左個鍋之後店員仲會

尖沙咀同旺角都有試過但如果係港島 又想食牛気又未必會想過翻九龍 但依家就可以解決呢個問題位於銅鑼灣希慎廣場 位置方便 職員向我介紹個新湯龍蝦豬骨湯由於岩岩出 每日都限量供應先用牛脂起鍋 然後放入龍蝦頭 龍蝦頭新鮮大件 煮一陣就加入香濃既豬骨湯 慢慢將龍蝦既鮮味䆁出黎 新鮮既龍蝦湯就煮好出黎 吾似其他用龍蝦膏用水開出黎 呢個比較香同鮮牛小排厚度適中 雪花均衡 冇話好多肥膏 牛小排就算煮得耐都吾會老 而且好有牛味 中意食牛既朋友一定要揀呢款 豬肉我建議輕輕涮兩三秒就已經食 免得太老 雞肉就好嫩滑海鮮方面 大蝦好彈牙 元貝大大粒 鮮魷好爽口 由於個餐跟海鮮同三文魚刺身 要求三文魚俾到腩位都做得到 好滿足Buffet Bar有好多配茶 隨自己中意 任君選擇 特別推介蜂巢豆腐 將龍蝦湯既鮮味索曬 好正沙拉龍蝦丸又係必食 吾係間間都有呢款丸供應 仲有大量甜品 飲品 熱食 任你食總括黎講 環境舒服 職員服務態度好好 成日問我洗吾洗追牛肉 清理碗碟速度快手 下次黎到銅鑼灣一定會再揀牛気

一直都有食開旺角間牛氣, 不過開始覺得果邊質素好似無之前咁好. 見銅鑼灣希慎開左新店就過黎試下, 地方環境比旺角寬敞衛生, 不過確實入坐時那位哥哥有點過分hard sell比較貴的套餐, 當我們最後選擇最178那款, 他確實黑了我們一下面不過入到去, 其他的服務人員態度尚算不錯, 牛的質素雖然是普通質素, 但品質很好👍🏻👍🏻其他食物配料選擇也很多, 亦十分乾淨企理, 希望他們可以保持水準, 下次也可以試下比較貴的套餐👍🏻👍🏻

牛氣正到由旺角食到尖沙咀再到銅鑼灣！朋友聚會，沒特別去想食什麼，自自然然會去牛氣（真心fans！） 我喜歡牛氣比同類餐店乾淨，牛肉質素高，加牛快不漏單，而喜歡海鮮的更開心，因為這裡的海鮮新鮮又大份！湯底選擇多，人氣之選是永遠的壽喜！海鮮拼盤，海蝦長過手掌，蠔拳頭般大！一樣是任食，食翻本無難度！個人心水是蝦和帶子，質素比不少海鮮火鍋高！回來看看主角牛肉！銅鑼灣以無限時任食招來，$388一位，牛肉是最高級的極上澳洲和牛，一涮即食，無渣滑溜溜，牛味濃，超高級享受，不試可惜！一碟十多片，四人吃了十盤左右已經飽到走不動（苦笑）牛氣的牛切得夠大片，涮起來不會變得太碎，吃起來份外滿足！牛以外還有不少火鍋配料，refill快，環境光猛乾淨，醬料也齊全，只是上等牛根本用不上醬料嘛！飲品選擇極多，也有熱茶提供。不想糖份超標，就飲得健康一點補償吧（苦笑）甜品吧，有西瓜味和香芋味軟雪糕，配料極多，想起多年前很受歡迎的乳酪雪糕店，可以在牛氣尋回惜日情懷（笑） 滿意度爆標的一餐！

來到週六，補記國慶日的開心時光：當日上教會後，一家人先到舊友婚禮觀禮，之後來到銅鑼灣希慎廣場14樓，趁國慶大擦 Shabu Shabu 牛肉放題！  前後到訪旺角雅蘭中心及尖沙咀 The ONE店，感覺都不錯，這次開到來銅鑼灣中心地區，90分鐘的放題不過$188起，絕對是港島區食客的福音啦～ 當然，$188只有美國牛肩肉、巴西雞腿肉及美國豚腩肉放題，想吃好一點，可選$258美國牛小排放題／$298美國牛小排 + 海鮮放題；預算再寬鬆的，可盡情品味$328澳洲和牛 + 海鮮放題／$388極上澳洲和牛 + 豪華海鮮放題。國慶日吃好點，我們這晚擦和牛好了！  先看看 buffet 選項，包括自助軟雪糕機，當晚有西瓜及香芋味，前者非常麻麻，香芋卻非常好吃，我連吞兩碗！軟雪糕可以碗上，也可以甜筒上，配料包括栗米片、可可米、棉花糖、彩虹糖碎等，另外還有朱古力碎、爆爆珠、Mochi、朱古力醬及士多啤梨醬等。  接下來還有紫米露、自助沙律吧（包括好吃的日本小紫薯！）、中華沙律、味付螺肉、芝麻八爪魚，以及甜點的紅豆麻糬、香蕉冰糕、泰式椰汁糯米飯等～ 另一邊還有沙律菜、壽司以及薯仔沙律，之後就來

I love the hotpots here because there are other options other than beef.This branch is bigger and better on the Island side with a better buffet selection.The signature candy floss maker is also there as well.Hotpot options:When I ordered, they offered this new lobster head option so I ordered that because I love lobster tomalley.I could also smell spicy Sichuan hotpot in the air because this was on the secret menu for tourists.I was so glad I got the lobster because after a while the lobster ma

聽聞希慎廣場新開了餐廳，就趁不用OT約朋友去試試。一坐下，侍應就介紹有一個龍蝦湯底，每天是有限提供的，我們來得早，還有貨。我們未試過龍蝦湯底打邊爐，就試試。首先來了一個這樣沒有湯的湯底，侍應在我們面前炒呀炒的，然後再加入龍蝦頭，最後才加湯。我們選了和牛+海鮮，和牛大大塊，入口嫩滑，正！海鮮也很新鮮、鮮甜。所有食物都可以再添，真擔心老闆究竟有冇得賺？其他蔬菜、丸類、魚滑、烏冬、麵、飲品、甜品、咖哩飯等等等等，好多選擇，全部都是自己出去拿的，推介魚滑、黑色墨魚丸、芝士流心丸、忌廉鮮奶！最後我們裝了一碗飯倒入龍蝦湯底裡，嘩～ 鮮甜到不得了，我們顧著吃，都忘了拍照。吃完其實已經好飽，但又怎可以放過甜品？有棉花糖機、自己裝雪糕，還有很多其他蛋糕、焦糖燉蛋、紫米露等等等等，總之又是很多選擇。好滿足好滿足～ 真的很值得推介，侍應個個笑容滿面，尤其門口的姐姐仔笑得最甜！將來有什麼聚會一定會再來！

呢座廣場樓上開左好多唔同食店, 行經呢個舖位見門口放滿花藍, 應該係新店開張, 門口笑容燦爛既姐姐熱烈招呼介紹再望下呢個燈箱...........哦...原來係食日式火鍋放題剛岩肚餓指數甚高, 放題?! 岩數喎!  食店面積都幾寬敞, 以黑色為裝修主色, 比人種型格及幾高檔次感覺, 坐得都幾舒服!呢度既套餐由$178 - $378, 而選擇套餐($288)已經可以包埋海鮮類湯底8選1, 由清淡既昆布到濃味既壽喜燒 (加$10)都有, 驚喜發現有個棉花糖湯底 (加$20), 好夠創意!係我地諗緊要邊款湯底好之際, 侍應口頭推介呢個用先爆香龍蝦頭蕃茄再加湯煮返滾, 等佢一路滾起, 龍蝦頭中既膏同油就會滲出黎, 當然先飲頭啖湯.............嗚......好香龍蝦味呀, 果然無介紹錯 (每日供應10客咋, 點選最貴價果2個套餐仲可以無需另加錢, 但要比錢都係$20姐......抵比喎!)除了肉類及海鮮類係落單送上, 其餘火鍋配料如菜, 菇, 丸, 烏冬麵類等都係自己拎碟出去拎, 種類咁多, 究竟我可唔以試晒呢到每樣配料呢?! (哈...哈........)唔想火鍋咁悶?  可以去拎

Nabu Urawa causeway bayBuffet type of hotpot. Meat is refillable, they will only serve the refill when you ask for a refill. They offer different meat set menu. I chose the cheapest one (3 items in the menu namely us beef, pork and chicken) since I was alone that time. There are also set where it has 4 different kind of meat and 4 different kind of seafood.The items on the buffet table can be found on the pictures I posted. There are also salad and dessert (mochi, ice cream, thai coconut rice),

趁假期又有時間出去飲飲食食，當然要搵D有質素美食慰勞一下自己咁辛苦工作回報，今期行開銅鑼灣又俾我見到有我至我食物牛肉，而且仲係任點任食啱晒我地呢D食肉獸，仲未講食乜佢就係火鍋，而火鍋店位於希慎廣場14樓去到門口見到招牌就會知呢道專食牛，除咗牛肉仲有其他肉類款式俾你選擇，而且都有幾款套餐價錢俾你揀，咁當然價錢越貴就可以食到更多口味，為咗奬勵自己當然會點最貴呢款極上澳洲和牛+海鮮放題，係餐單上以有13款不同種類食物仲可以無限添加，又可以係自助區揀選其他食物，而湯底係波士頓龍蝦頭配豬骨湯，湯底夠晒鮮甜，係得呢個套餐才有呢個湯底送湯底揀咗就到配料，我當然先點咗我最鐘意嘅食物牛肉，而且牛肉都有4款口味選擇，分別有極上澳洲和牛，嚴選澳洲和牛，美國極上牛小排，嚴選美國牛肩肉，而且肉質脂肪平均各有不同，食落都會有D比較，我個人就較喜歡澳洲兩款牛，肉質嫩滑肥美油脂濃，食落啖啖肉之餘越食越滋味，仲可以encall一番除咗牛肉外，海鮮同刺身必定要點，先來嚴選大海蝦，海蝦大隻肉質爽口鮮甜，日本帆立貝爽口又彈牙，日本廣島蠔鮮嫩滑溜，紐西蘭青口肉質夠鮮，加拿大翡翠螺爽滑，最後梗有挪威三文魚刺身肉質肥美又厚切，又估