珠江酒家

营业中

休息中

Happy Friday，今晚去食下小炒，要夠鑊氣個隻!想試幾年既珠江酒家今晚終於黎拜訪一下!!一入門口，姐姐問有冇訂枱呀?(我心諗:唔通又食佢唔到)。好彩係冇訂枱既情況下，佢比一個鐘我地!一個鐘冇問題，最緊要有得食....(出面咁熱，幾大就幾大喇!!)拿拿林叫野食! 蠔爽、金沙墨魚咀、咕嚕雞、椒絲腐乳通菜加多支青島，兩個人四味夠晒喇!!食物都算快手，先黎墨魚咀，用左咸蛋黃一齊炸，更加香口鬆化👍咕嚕雞，超夠鑊氣，連青椒都好好食!!蠔爽，d蠔好肥美，略略炸過，加埋d爆過既蔥粒食，好正!!又係配啤酒一流!!椒絲腐乳通菜，好大碟，通菜好爽口，醬汁撈得好均勻，又係正!!總括，大碟又好食，難怪咁多人喇!!

因為男友喜歡食中菜，亦因為有朋友介紹所以今次選擇左呢間～只係兩人食，所以只叫左一個辣子腰果雞軟骨同埋涼拌花甲～加個靚仔就夠飽～涼拌花甲係一個好合適的前菜，酸酸甜甜，花甲亦無乜沙，好乾淨～加埋青瓜爽爽脆脆好開胃～～雞軟骨建議如果唔食得太辣既叫佢小辣～因為都幾辣下，但又辣得好鬼刺激XD所以我地係無叫佢要小辣既～雞軟骨粒粒味道都均勻，唔會一啲好咸一啲無味～但如果平時食開淡味既人會覺得咸～但個人同男友來講就覺得好好味～

想食小菜又不想在寒風之中坐大排檔……又逼又要等位。說穿了就是懶惰兩字，而連打電話訂座都可以懶的話，要找美食更是難上加難。左問右問，友人說出了這家店子的大名，有點出乎意料的推介。酒家，想起的就是點心、飲宴、聚餐……但我想要的是舊式一點，街坊一點的去處啊。半信半疑之下再自己搜搜，咦！這格局……正合我意。　　「歡迎光臨，樓上雅座」－－那是小時候看九十年代的電影才多見的情景，我自己就少接觸。唯獨去茶餐廳小廚時會偶爾上一上，不過這也可算是逐漸消失的香港特色啊。　　當然所說的雅座並不是什麼金碧輝煌有氣派的壕位。但這邊看來夠闊落，而衛生狀況不錯，亦非油煙味重，周圍黏笠的店子。不意外地牆上貼滿了多張特別餐牌，寫著的菜式名堂跟正式常有款是不同的。有著大大小小的變化，不僅僅有餐牌上印著的六七十款小炒（雖然都已經嚐不完）。　　潮州蠔爽　$108是友人特意推薦的菜色，老實說我真的沒有聽過這名堂。蠔餅就食唔少，只是經常不夠酥脆香口，或是油膩濕淋的過分可怕。這次的蠔爽就不像蠔餅一樣下漿煎成一大塊，反而是一粒一粒分開上。蠔肉份量完全對得住價格，在我角度而言，要知道在香港有幾多性價比恰好的店家？鹹香酥脆，未有滲油，僅

距離上次食珠江已經係幾個月之前嘅事喇! 好懷念佢個漲卜卜蠔爽, 所以今次特登約了一大班人再嚟食過!環境依舊, 菜式亦依然~可惜味道已經不再…幾個月嘅掛念, 換到嘅只係失望兩個字。招牌潮州蠔爽 – 原本應該要漲卜卜, 好似每一粒都有生命一樣, 會好爽…可惜, 蠔爽一到外貌已經彻底失望, 原本漲卜卜嘅蠔仔去左邊? 點解會感覺濕透嘅賣相?一啲都唔再爽脆,包面嘅麵粉濕笠笠, 個爽字消失得無蹤無影喇…平時好似有生命嘅蠔仔變得頹氣,糊糊嘅口感…失敗!但更失望。 涼拌花甲 – 個酸辣汁撈得唔均勻, 一啲偏酸, 一啲又偏辣! 青瓜唔夠新鮮爽脆, 花甲肉偏瘦小, 唔肥美，間中仲食到有沙！ 黃金豆腐 – 炸得唔夠乾身, 外層唔脆, 內層豆腐唔夠嫩滑, 有啲食緊豆腐卜嘅感覺, 最奇怪係蛋黃應該均勻地包好個豆腐面先正常, 但蛋黃漿同豆腐係分開左! 黃金主題何在? 仲有意思咩? 薑蔥魚腩煲 – 魚頭冇乜肉食, 魚雲亦好細件, 而且仲有啲腥, 雖然用左好多薑蔥, 但都辟唔到腥味。 辣子田雞 – 少少麻又帶少少辣, 味道都算可以, 但離正宗嘅辣子處理煮法仲差好遠, 賣相唔靚, 炸得唔夠香酥,

我...本身只會去d比較光鮮, 裝修舒服, 同埋廁所一定要乾淨企理既食店但係最近,好多朋友都發現左d 小鋪同埋推薦比我, 叫我必要去一次, 因為d食物可以令我唔記得其他既標準。佢地帶左我黎東江酒家, 門面可能好舊冇咩特別, 但上網一search都知道佢幾有名, 好多人飯聚都會黎,而且係需要早d訂台。入到土去, 又真係幾舊既裝潢, 不過又未到一個讓我即時想走既地步, 因為佢唔係好污租個d。 坐好之後就開始欣賞貼滿係牆上既餸名, 開始幻想一下佢係d咩, 同埋係openrice之前睇到既相做配對。我地叫左好多好野食:1) 蠔爽第一次食呢樣野, 而係openrice大家都極力推薦, 我想講, 佢成碟餸既份量真係好多,每一粒都好脆好入味, 而且蠔既大小差唔多, 唔會話比d細蠔你攪到只食到炸漿! 2) 黃金鮮魷成世人, 成左好多次鮮魷, 咩避風塘, 咩椒鹽, 咩白"卓", 真係比呢一碟俘虜左! 佢外面佔滿左咸蛋既脆漿, 少少既咸蛋沙, 一口即溶, 之後就到戲玉啦!平時既鮮魷大家都覺得佢係爽口, 不過佢竟然係好似棉花糖咁, 雖然厚, 但非常非常軟熟! 食完一夠又一夠, 真係停唔到!3) 胡椒豬肚湯豬

農曆新年前想和朋友來吃，一來約不成，二來幾次打來都Full Booking,越食唔到越想食，是日把心一橫，6點半殺入去，要求7點半前交枱，完全無問題。幸好漏了「蠔爽」，根本食唔曬，兩人埋單約$340，3碟加兩碗飯同汽水，會再來

近來的天氣，用上日記的單字「晴」、「陰」、「雨」好像已經太過乏力。用上「春」、「夏」、「秋」、「冬」才更為傳神吧？近來的天氣反常得讓人不知所措，今天穿上短袖，明天就要圍上頸巾，北京更是陰霾滿地，以後大家可以不用再憧憬有生之年到一轉火星，買張機票到北京，風沙狂暴，人在城市人在野無別，狂奔到馬路，那裹有人，那裹有車，那裹就是火星。有群友人的聚會永遠都是佬的聚會，可怕程度甚至令我們不會想像過攜眷出席的可能性，無論各位已是稱得上事業有成，或幸福美滿也好，吃的都永遠是他們口中所謂的Fucking Chinese Food，永遠的藍妹，永遠的青島，幸而在香港地這種地方並不匱乏。在茘枝角和塘尾道的交界，是香港著名的唐樓「雷生春」，在其斜對面便是此程的目的地，珠江酒家。看過了間中掛單子陵的食評，才學會「罨耷」(Up Dup)這個詞彙，當真學海無涯，不過如他先說，這的確是對這所餐館最好的形容詞。一家酒家能跟隨着地區成長數十載已甚不容易，一磚一瓦，幾乎都保留了當年的氣味，麻甩味甚重，證明白駒過隙的除了裝潢，還有這裹的斑斕塵垢。兩層的舖面，發黃的磚牆、滿帶錯字的彩紙，一切簡陋如斯，摺桌和舊椅、瀟湘與寒磣，正

<麻甩>呢個廣東話, 專指某類型人士, 真係形容得~好~貼~切! 可是大家未到這階段, 没有這般人生閱歷, 只能勉強說是<麻甩仔麻甩女>.　今日朋友坐皇崗巴返到太子, 建議到這家晚餐. 這餐廳真的很古舊大排檔格局 ~ 昏暗的燈光, 貼在牆上的手寫菜單, 一目了然. 幸好是與相識多年的好朋友聚舊, 而非男女約會. 所以這就是麻甩仔麻甩女的晚餐. 既然是朋友推介餐廳, 當然交由朋友發板點菜啦. 涼拌花甲 花甲堆砌成花形, 下有青瓜墊底. 餐廳如此有心机地把花甲排靚靚, 算是有心思了!看到面層的特制醬料, 有唐芹, 辣椒, 蒜, 蔥及芫茜, 都是好大路的涼拌調味料. 辣味是以麻辣為主. 花甲肉味較清,  沒有沙，配上重味醬料, 即是變為配角了. 下方的青瓜好清甜爽脆，青瓜醬汁帶酸辣，算是重口味美食 。胡椒豬肚雞煲 大大盤胡椒豬肚雞煲, 放在GAS爐以文火加熱, 慢慢地就會聞到陣陣胡椒味, 看到黃澄澄的雞油浮面了, 紅棗又煮到脹卜卜, 胡椒豬肚雞置於火上加熱多時, 胡椒味好出, 湯底雞味很出. 可是雞胸肉已經煮到鞋曬. 香辣的胡椒湯底暖胃, 食完果陣熱辣辣的感覺

下班收到老公的電話，說今天晚飯由他作主。我知道，又是我倆尋幽探祕的時候了。於太子會合，向深水埗方向走，走了十分鐘仍未到達「目的地」。直至眼前出現了雷生春，心裏也大概猜出個所以來，果然老公在一家老式酒家面前停下腳步。假如我是個港女，此刻一定會嘀咕: 這是甚麼鬼地方? 可我是個不折不扣的懷舊控，眼前的老舊酒家，勾起小時候上老式酒家的回憶。七、八十年代的飯店格局，平實的門面，甚或帶點陳舊感，而門前冠上帶點土氣的名字 - 珠江酒家。 走進店內，紙皮石地板、大圓桌、閣樓雅座......一副老式酒家格局。樓上雅座已滿，下層食桌不多，搭桌在所難免。及後全店滿座，生意好得不得了，搭桌已是見怪不怪了。裝潢欠奉，牆身貼上七彩A4手寫菜單，反而成為飯店內的一道風景線。只要細讀菜名，不難讀出個趣味來。像「潮陽來不及」是怎樣的甜品? 「紅炆野山猪」是真野猪沒錯嗎?不過，初來報到，還是安份一點好。先上桌的是道涼菜，涼拌花甲($108)。聽說是酒家的名物，上桌時已是先聲奪人，花甲層層曡出一朵蓮花之態，俗氣中又帶點心思，想不到老式飯館也來這擺盤的玩意兒呢!花甲是新鮮的的貨色，爽彈鮮甜而且無沙，冰得夠凍，以陳醋川椒、麻

要死在餐桌上的朋友，相約他聚舊。愛吃的笨安妮當然嚷着要一起去！(￣▽￣)~*其實是怕他們會斷背誤X）但聽到朋友說要到珠江酒家吃飯，安妮第一件事就是想到打退堂鼓，因為安妮早已聞說珠江酒家的招牌菜便是炸！炸！！炸！！！去挑戰珠江酒家，就是要跟自己的皮膚過不去⋯⋯當然為怕他們斷背誤X）最終都去了⋯⋯珠江酒家的位置很好找，就在「雷春生」對面。而珠江酒家的裝潢就像舊式的茶樓，走進去，就像時光倒流，乘着時光機回到老香港。（忘了為店面拍照）三個人，點了五個菜，是因為有人早已打算打包回家孝敬父母親(*′▽`)現在要開始介紹了～～～第一道登場的菜式！燈燈燈櫈！「金沙黃金鮮魷」！聽到菜名就知道是黃金蝦的朋友，也不過是鮮魷拉油再與鹹蛋黃一同快炒的菜式，可以有多特別？沒想到放進口裹，驚喜就大了。首先，能夠切粒的魷魚，究竟要多大隻？應該是無敵魷魚王吧！然後，魷魚的口感極為鬆軟，若不是它散發着陣陣魷魚的獨特氣味，實在令人難以相信這顆煙韌版的綿花糖是魷魚粒。「金沙黃金鮮魷」絕對是不得不點，不得不向大家推介的菜式。然後來的便是「福建蜆湯」～愛喝「胡椒豬肚湯」的朋友絕對會愛上它！珠江選用的不是蜆，而是花甲，所以都不怕有

朋友帶黎呢度食，面門唔睇好，非常老舊嘅傳統舊式酒家，格局好簡陋，本來真係無乜興趣。真係估唔到咁旺場，野食仲好好味，唔些牙唔得。主打小炒、海鮮、香口小食，菜式夠特別。黃金墨魚咀:外層蛋黃很香脆，墨魚咀好爽口潮州蠔爽:入口外層香脆，內裡蠔肉不乾身，加青蔥拌炒，估唔到蠔都好鮮甜炒花甲:醬料好惹味，花甲非常新鮮山東流亭豬手:白雲豬手配帶酒香嘅蒜醬油冰梅金沙骨:金沙骨骨少肉多，鬆軟入味，啖啖肉，醬汁帶微酸香梅味，不錯金銀蛋莧菜潮陽來不及:拔絲炸香蕉，香蕉甜，炸粉唔厚，非常好味食嘅野好驚喜，味道仲好好。但的確好香口又重口味，其實唔太健康，間唔中一次好啦。

離別是傷感的，重聚是歡喜的。在外走了很多個月，回來見見朋友，多累也不計。尤其是多年結識的老友舊同學，對我而言，極之珍惜。無事相約，結伴在珠江酒家吃吃。因事遲宜，到時朋友在吃一碟口水花甲。惹味蒜香，微辣而花甲彈性質感。心花放，只是底下青瓜欠入味而已。再點蠔爽，粒粒脆口有汁。蠔嫩不韌，蔥花鹽點綴，全晚最好。反而豉油皇鵝腸失色。鵝腸未拖乾水，不爽，有欠乾脆。肥甘香不足，豉油皇味欠奉。底下芽菜還較好，不如加點餐廳惹味香辣的辣椒油伴吃。本想點家鄉蝴蝶腩煲，但來了豬雜蝴蝶腩煲。中份量已夠四人吃飽。蝴蝶腩足料，越煲越好，肉腍帶爽脆。喜愛吃中芹，爽脆而有獨特香味。豬雜中以竹腸的彈牙與糯口最好。說是清湯腩，少了白鹵水，湯底似豬骨煲火鍋湯底較多。配菜中除中芹外，蘿蔔也不失色，吸引湯中味道，好味。後再來一個蝦醬通菜，可惜趕收工的樣子。菜先水煮，原味流失不夠，還要未收水。蝦醬不夠，鮮味惹味不出來，只剩脆口菜質。老實說，要說一流小菜，難以服眾。但一口街坊地道，這個可真認同，而且朋友聚會還是旨在見面。不貴的消費，基本的格局，可以吧！

上次就一行幾人嚟到珠江, 今日心血來潮同朋友兩丁友再嚟食過~心中已經諗定兩個人唔會食到好多嘢, 最多揀三個餸就算喇!由於撞正星期日,又冇BOOK位嘅情況下…結果要等位…足足等了30分鐘…苦等了肚仔喇。好彩門口位置有櫈留俾客人等位坐,都唔使企得太辛苦。肚餓餓,喺呢樣又想食嗰樣又想食的情況下…結果都係揀咗4個餸…呢次真係眼寬肚窄喇…負責招呼嘅姐姐真係好友善,呢個要即時讚一讚^^睇下今日叫咗咩餸先!有必叫嘅”潮州蠔爽”呢個真係食一次讚一次! 蠔仔肉漲卜卜, 麵粉沾得好薄,鎖住蠔汁之餘,食起上嚟好實在,特爽呀!!椒鹽魚腩全都係魚腩位置,冇夾雜到多餘嘅其他部位,所以冇乜魚骨!仲要啖啖肉!麵粉亦係沾得好薄,食起上嚟好香好酥!加上椒鹽嘅蒜香辣感!正到暈呀>_<咸魚土魷煎肉餅味道確係唔錯,肉質夠鬆唔會老,土魷份量多,唔會食唔出有土魷存在, 加上咸魚嘅咸咸香香, 味道相當夾, 用上煎嘅方法,將肉汁鎖實,拎嚟飯真係一流。唯一就係豬肉太肥喇, 而且仲見到有豬皮粒出現,感覺好油膩…明顯比其他遜色喇。九菜花大豆芽少咸肉純粹係想食九菜花加大豆芽,咸肉太肥的確唔會食…成個餸都少出咗農村菜嘅味道, 而

久聞珠江酒家麻甩格局 , 菜式挑戰健康而聞名 , 終於有機會比我試到了 ! 同家父兩人六點幾去到 , 一入門口有一女士就問有冇訂位 ? 我答冇呀 !咁佢就睇睇本訂位薄 , 之後就問我七點半交枱得唔得 , 我就話梗係得啦 ! 入到去已見有一家人在開飯中 , 女士安排一張樓梯底大枱比我地 , 坐低之後就睇牆上如揮春嘅菜式 , 好多都好吸引 , 例如金沙黃金魷魚啦 , 涼拌花甲啦 , 豉油皇鵝腸啦 , 椒鹽墨魚咀之類都好想食 , 奈何只有兩個人 ,同埋呢到碟頭頗大 , 所以只點了潮州蠔爽 , 勝瓜浸蝴蝶腩 , 豉油皇炒麵三樣 .潮州蠔爽隻隻都好大粒 , 蠔味足 , 得兩個人食的話略嫌有D漏 ,勝瓜浸蝴蝶腩 , 清清地 , 呢個時間食瓜好合時 , 蝴蝶腩家父好喜愛 , 密密食 , 帶點豬肺味嘅蝴蝶腩有D有筋膜位嘅地方煙煙韌韌 , 十分好味 !豉油皇炒麵係用粗麵黎炒 , 色澤較淡 , 味道適中 , 唔會過咸 ,因碟頭大好足料及蠔爽比較漏嘅關係 , 兩個人係食唔哂嘅 !   今次得兩個人食唔到太多野 , 下次一定約齊好友再戰珠江 !( 一路食時見到訂左枱嘅客人沿沿不絕咁黎到 , 可想而知此店係好受

位於太子雷生門附近的珠江酒家，初到貴店便感受到強烈的懷舊古董味。設計好簡陋，地方也不算大，但卻感覺相當親切！好有回到過去的感覺哦～一行幾人入門後便直上二樓，樓梯好窄，相當難行下⋯牆上貼滿各色菜名，驟眼望都已經好多選擇，每道菜名都好吸引眼球，一下子都變了選擇困難了～好！直接介紹下以下幾款小菜先～涼拌花甲：好開胃嘅一個前菜，青瓜好爽口，花甲肉亦顯肥美，小小辣加上小小麻，超正！！再嚟多碟都可以ko佢^_^潮州蠔爽：唔好齋睇啲蠔以為細粒，其實啖啖肉，而且新鮮唔腥，麵粉用量適中偏薄，令到蠔仔炸出嚟更加酥香，漲卜卜肉汁保留得好好！而且完全不用沾醬共食，主角蠔仔已經可以獨當一面，味道可以用啱啱好嚟形容。黃金鮮魷：呢個鮮魷賣相好特別，正正方方，size如瑞士糖一般，麵粉沾到好薄，加上濃濃嘅蛋黃漿，包裹住一塊新鮮爽彈嘅魷魚塊，每口size都啱啱好，咸甜適中，好味！姜蔥魚雲煲：魚頭當然新鮮啦，用上鐵皿上菜，存溫較長～姜與蔥嘅味道，剛好辟去魚本身所帶嘅腥味，真係好魚魚魚呀！鱻！百花蜜京都骨：大大件，百花蜜重，甜甜的，味道也不錯吧～椒絲腐乳通菜：味道不錯，但略嫌煮得過熟，口感唔夠爽。蝴蝶腩：豬嘅一部分，但略為