砵砵車仔麵 (已結業)

經常有朋友說起開業一段時間在元朗鳳琴街的砵砵車仔麵，讚它選擇多，料靚，水準高 仲鬼咁抵食。 今日就讓我同朋友會會它，試試再定案。這季節先來杯sell潤得來無添加的菊花露及洛神花茶，讓清甜滋潤一下我。環看鋪頭四四正正，菜單分類清楚，井井有條。 單車仔餸就分左三大類，足足有三十款餸。其中有D我從沒有諗過會位列車仔餸一類，咩咁非ㄧ般，咪就係話梅豬手、香茅豬扒同辣汁豬肺喇。其中豬肺真的是驚喜中驚喜，咁多功夫的餸，真是第一次見作車仔麵餸，仲見到有似白鑊煎過的痕跡，信心大加，厚切加微辣汁，超正。梅話豬手，日式片件裝的切法，另味道更易滲透，甜甜酸酸的話梅味好開胃。香茅豬扒，入味，嫩滑。二人特別選單人的份量，以便多試幾款餸，但那麵底不欺場，份量好足。湯同麵底各有六款揀，湯有辣，唔辣外仲有雲南酸辣，如此用心的，抵讚。清湯底加咖哩汁，不太辣但很惹味，米粉不知是那牌子，好滑且質感QQ的，好有口感。食那秘制冬菇時，有種衝動想入廚房問傅父怎可以煮冬菇到咁滑口及入味。五香牛腩不是鹵到黑黑那種而是淡淡牛肉色的清湯腩，好好味。聽到伙記介紹熟客說餃子是店每清晨自家包的，就即點哂三款來試食，各有特色，尤其是這裡原創的白榨

今晚見涼涼地，就去左食車仔麵，諗完食完個人都暖D！呢間都好就腳，十分之近西鐵站，行10分鐘左右就到，地方唔太大不過勝在環境算係幾乾淨。兩個人食就叫左兩碗車仔麵、兩碗花膠碗仔翅同4隻柚子蜜雞翼，野飲就叫左個特別D既脆脆阿華田。車仔面就叫左粗麵配牛腩汁，餸就揀左自家製榨菜水餃、魷魚、花菰同豬排。最欣賞既係佢既花菰，大隻得黎十分之厚肉而且忟得好入味，咬落仲係Juicy既。魷魚亦都好夠味而且唔會太難咬開，而豬排係沾上薄粉而炸得好鬆脆香口，份量亦都好夠！榨菜水餃唔會太厚皮，不過不失。食車仔麵最怕係麵好淋身，呢間既粗麵保留番爽身既口感，大啖食仲可以吸埋湯汁！整體黎講算相當唔錯！至於花膠碗仔翅就好驚喜，入面有手掌大既花膠，平民既價錢都可以補充到骨膠原，而且入面都好足料，入口好厚身，唔會好稀！柚子蜜雞翼炸得好脆，雞肉keep到係嫩滑，配埋個柚子蜜汁唔會咁heavy，感覺清新！

今日入元朗探朋友，順便喺附近搵野食，見到個名幾得意就決定食呢間。一入到去，個女仔就即刻招呼我哋坐低，都幾殷勤。呢度嘅車仔麵，麵底每款$8，最少要揀三樣餸，如果淨餸嘅話最低消費就＄30，另外仲有唔同嘅小食可以揀，所以車仔麵嚟講都算多選擇。我叫左個幼麵配麻辣肚絲、五香牛腩、秘制冬菇、芹菜木耳餃、韭菜餃加雲南酸辣汁。個人最欣賞肚絲、牛腩同冬菇：肚絲爽口惹味，牛腩唔會太肥，夠腍又入味、冬菇厚肉又軟滑。天氣咁乾燥，我梗係叫多個洛神花蜜潤一潤，不過味道稍為淡咗少少。朋友就叫左粗麵配香茅豬扒、蟹籽包、魚皮餃同豆卜加腩汁。 佢話個粗麵既掛湯能力唔錯，又夠爽口；豬扒好香口；魚皮餃鮮甜又彈牙。小食方面，阿里山茄子個汁酸酸甜甜好開胃，如果可以炸得再香脆少少就好啦；柚子蜜雞翼就非常香脆，而且仲有肉汁，唔會過乾，配埋個柚子蜜汁簡直係正。我哋食到七七八八嗰時，人開始多，但店員唔單只無催我，仲好好禮貌咁叫我哋唔使急。雖然呢間車仔麵價錢方面唔算特別平，但勝在選擇多又好味，同埋服務都幾好，大家入元朗都可以去試下。

今日和朋友來到這間車仔麵，想不到這裡的食物完全有意外驚喜。這裡的環境乾淨整齊，通道很寬闊，而且還分有男女洗手間，對街坊食店來說可是非常加分！店員嘅服的態度都很好而且細心，我和朋友都有選擇困難症，我們想了很久，他們都沒有催促我們的意思，整個用餐都很舒服。我們點了店員推薦的花膠碗仔翅，一碗的份量足夠分比兩人食，而且非常足料，花膠超級大條！以$30嘅價錢來看，性價比很高！我們還點了他們的阿里山茄子，茄子非常入味，醬汁酸酸甜甜，是不錯的開胃菜。而香茅豬扒還可以，雖然外皮脆口，但是吃完感覺很膩，香茅味不夠。至於主角的車仔麵，我們點了河粉，餸菜選了話梅豬手、五香牛腩、南乳腩肉和豆卜，配辣汁。整體來說都不錯，話梅豬手和五香牛腩都非常入味，但是對喜歡辣味的人士來說，這個辣汁的辣度完全不夠，要自己另外加辣油。飲品方面，我們點了柚子蜜和洛神花茶。柚子蜜很普通，但洛神花茶很推薦，有花香味但是不太甜，味道很清新。

2018年第一日的假期，決定與友人親一親大自然，到南生圍走走，順便專程去試一試最近很多人推介的「有心意車仔麵」。由元朗西鐵站行過嚟，只需5分鐘腳程，簡單易搵。店內職員態度親切友善，裝修簡潔，光線充足，給人舒服乾淨企理的感覺。坐低之後，職員先介紹一些特色推介以後，會給你一個足夠的時間慢慢選擇，絕對不會令你覺得匆匆忙忙，像催促你盡快用完的感覺。讚！像傳統的車仔麵一樣，落單紙上有8種麵底，30種餸菜，6款湯底，任君選擇，特別一讚的是他們有甚少見到的雲南酸辣汁！友人選擇了秘製冬菇、鮑汁蘿蔔，五香牛腩，滷水雞翼，滷水翼尖，菜底配咖喱汁：秘製冬菇是食咁多間車仔麵以來最肥口多汁，最有心意的冬菇鮑汁蘿蔔夠林、入味、冇渣五香牛腩多到令人擔心會否蝕本滷水雞翼和翼尖都非常入味而我選擇了辣汁豬肺、麻辣肚絲、豉油王粉腸、話梅豬手、五香牛筋、鮮韭菜餃、油麵配雲南酸辣汁：辣汁豬肺夠味得來唔會太辣，非常嫩滑，一試難忘麻辣肚絲放入車仔麵天衣無縫豉油王粉腸都值得一試話梅豬手醒胃而不膩五香牛筋非常彈牙鮮韭菜餃皮薄餡靚另外我們再加點兩個小食：手拍青瓜和拍蒜鎮江雲耳，用作餐前小食，而蒜味愛好者的我覺得，拍蒜鎮江雲耳不容錯過。最

車仔麵係香港其中一樣特色嘅食物，港九新界都好多人開車仔麵檔， 基於成本問題大多數食材都係倚賴中央廚房形式攞貨， 間間都一樣唔係太行就係來來去去果幾樣. 機緣巧合下身喺體育館附近搵到呢一間車仔麵檔， 成個環境唔逼夾，攞起餐牌睇一睇有幾樣覺野覺得幾得意， 「梅子豬手」「鮑汁蘿蔔」「辣汁豬肺」睇落可以一戰， 不過最吸引眼球莫過於佢餐牌上面寫住有「足料花膠碗仔翅」 我唔會執輸叫咗一過嚟試吓. 全部小食又靚又好食，好吸引！ 花膠碗仔翅好快就到左，好奇攞隻匙羹打撈一下睇吓有咩料， 一不起上嚟嗰條花膠又長又厚身，仲要勁多瘦肉同素翅， 嗰種足料嘅程度係由你食晒成碗碗仔翅每一啖都係好足料， 仲要好大碗，唔係講笑呢碗野我真係叫多咗一碗自己食，唔同FRD分. 之後就叫車仔麵，我碗車仔麵就叫左梅子豬手，魚皮餃，鮑汁蘿蔔， 我FRD個碗就叫做咖喱魷魚，冬菇同油菜， 首先要講咩講佢個車仔麵份量真係好多你絕對唔需要擔心食唔飽， 無論麵嘅份量同餸嘅份量都好多，梅子豬手有三隻大大隻咁多， 入口好重梅子味一啲都唔溜，蘿蔔真係好入味大大嚿又多汁， 咖喱魷魚好入味好香咖喱味，冬菇大大，我同老婆食完都覺得好飽好滿足！

剛進入店舖時，感覺十分整潔，與其他車仔面相比，這間店十分清潔。而且風格獨特。除外，店舖也給我們先試食一碗碗仔翅，足料花膠碗仔翅，味道適中，男女老少也適合。而且花膠嫩滑，分量十足。十分推介，價錢實惠， $30 抵。車仔麵點了五香牛腩，鮑汁蘿白，魚皮餃，豬紅粗麵，腩汁湯底，只是$44，十分抵。而且粗麵，爽口彈牙 口感十足。豬紅與蘿白，煮得啱啱好， 唔會一夾就散，口感都唔錯 （推介豬紅）。五香牛腩及魚皮餃也十分惹味。腩汁湯底，雖然略鹹但是十分惹味整體的性價比十分高，十分滿分有7.5分環境光猛整潔，員工都十分友善整個過程都十分享受而且愉快。

一開始，走進去那間店的時候，有人很客氣地問我多少位，並且安排我們坐下，十分地有禮貌。而且在我們點單的時候，他很耐心地向我們推薦一些這店的招牌菜。例如碗仔翅和雞翼等等，這個態度是十分地好。說到食物，我們一開始就叫了花膠碗仔翅。這個碗仔翅香滑可口，而且有花膠的黏性，口感一流，加上麻油的話，那味道似乎有不同層次的變化。還有那個柯華田爆脆，這其實是個飲料，外面看起來很華麗，喝起來的口感也不差。那些碎塊就會在你口中，混合了那些柯華田的味道，需要你輕輕地嚼嚼下，這是一種新的體驗。還有一些附和在車仔麵的食物，例如雞翼，貢丸，魷魚和餃子等等。油面吸收了其他食物的味道和他家獨有的酸辣湯。油面得味道更是讓我難以忘懷。

係人都知元朗出名多好野食，不過今日得2個人，一於就試呢間聽過好多人讚好既車仔面啦。一入到去見到餐廳環境都唔錯，唔會好似其他車仔面店咁迫。見到佢牆上而貼左好多皇牌必食推介，而我地就揀左呢個茄子。阿里山茄子 佢擺碟擺得幾靚，望落好吸引呀。而食落都好出色，味道酸酸地，食完十分開胃。車仔麵佢d餸樣樣都好吸引，我就揀左雞翼，豬手，蘿蔔，豬紅。而麵底方面就揀左米粉，腩汁湯底。食落湯底好夠味，但又唔會太咸岩岩好。最出色既係豬手呀，十分入味又有口感。而蘿蔔都索哂湯底既汁，食落唔會太硬好好味。雞翼都整得好入味，值得一試。而朋友就揀左冬菇，魷魚，白榨餃，香茅豬扒麵，湯底就揀左沙嗲，睇落都好吸引喎。試左一舊魷魚，勁入味又唔會太硬，食落好惹味呀。值得一提既就係呢個香茅豬扒，佢用碟另外分開上唔怕淋哂。而且夠熱辣辣，食落外脆內嫩仲好多肉汁，必食推介！花膠碗仔翅一上台就比埋支麻油，落左更加香更加好味。入面有肉絲，粉絲，冬菇絲。當然最重要既係主角花膠啦，花膠大大舊，而且好有口感。食完感覺補充左勁多骨膠原，皮膚又好左啦。呢度有好多唔同既特色飲品，我就揀左呢杯華田脆爆。飲落好特別，杯華田夠濃味，唔會好似平時d餐廳溝好多水

​ 黎元朗探朋友，可能天氣凍，特別容易肚子餓。 係鴻運中心附近逛了逛，有很多食店， 當中有間店個名叫『砵砵車仔麵』，覺得又幾得意， 裡面又幾多人，於是我地決定去試一試呢間野。 我地坐係度，店內雖然唔大，但坐落都相當寬闊， 空間舒適嘅。 呢碗翅非常足料，大大碗，舊花膠成隻手掌咁大， 而且爽口彈牙，而粉絲粗實，口感十足，加d胡椒粉上去, 辣辣的，醒胃之餘，成個人都暖粒粒曬，真系必點之選。 ​另外我點左一個河粉配腩汁，雞翼，白蘿蔔，豬扒及梅子豬手。 碗麵湯底夠熱，腩汁亦非常野味。雞翼好夠味，那些蘿蔔夠淋又無渣，不錯。 砵砵車仔麵 地址 元朗鳳琴街15號鴻運中心地下59號地舖

元朗都有好多車仔麵，食過好出名的幾間，我覺得名過於實，幾年前都ichiban，會掛著排隊都要食，但而家只係覺得一味死辣，又貴喎，加埋七十幾元一碗，算吧啦，反之發現這家小店，坐得舒舒服服，食得出佢用心煮，又有雲耳青瓜小食解辣，最喜歡佢個話梅豬手，甜甜酸酸吾係甘多地方有得食，鮑汁鳯爪又係出面食好鬼貴，吾同排骨鳳爪果D，大腸就一定要得先可以叫好味既車仔麵，係考牌之作，當然合格啦，最怕果D死臭冇味果D，希望成日黎吾洗等位啦！😂

有好野梗係要開心share！元朗砵砵車仔麵真心誠意推薦大家幫襯下，感受下咩叫人情味！哩間車仔麵係野食正，老闆娘更正！話說之前行過見到哩間野，本住試吓味嘅心態入去食，結果有幾正喎！我叫左好多餸麵，大概有六七樣餸，勁大碗，淨係個賣相都好吸引。一場黎到唔知食咩好，梗係要試吓佢嘅招牌小食。老闆娘好熱情，見到我唔知食咩好，都會過嚟推薦翻。咁我就要咗雞翼尖，麻辣豬肚絲，滷水雞翼，牛筋，水餃，沙嗲粗麵。每一樣餸都做到好出色，尤其是係雞翼同雞翼尖，好入味，連骨都想吞埋落肚哈哈😄！同埋一定要試吓麻辣豬肚絲，好夠辣！惹味之選，鍾意食辣真係要試吓！

今日去左元朗一間車仔麵食野, 間鋪個名好趣致, 叫砵砵車 仔麵.朋友話食得車仔麵就食平民街坊野, 如果你都係咁唸就錯啦.... 第一時間睇到佢餐牌有個二人餐, 118二人餐有足料花膠碗仔翅?! 立即叫啦.見到實物真係好足料, 食左一淡之後, 個口好似有層膠漿住個口, 花膠都好入味, 仲又長又大條, 成條花膠長過我隻手阿!!!! 仲要唔係酒樓果種無味花膠上菜先掉果花膠果種, 睇黎個碗仔翅都好比心機整, 淡淡都有瘦肉線, 呢個碗仔翅真係唔止無投訴, 仲要大大碗, 兩個人都夠食阿, 唔似某出名糖水鋪30蚊得果丁咁細碗!   車仔麵既餸都有成三十款選擇, 除左二人餐,仲叫左一個柚子蜜雞翼好快都上齊曬, 二人餐其中一樣叫阿里山茄子, 係凍食既有少少酸酸地甜甜地, 入口好鬆軟, 同平日食既茄子好唔同好有新意, 香茅豬扒都厚身有咬口好重香茅, 係你一咬入口就爆到成日香茅味果種, 仲要大大份份量十足. 佢個柚子蜜雞翼真係好正, 雞翼皮炸到鬆脆裡面肉汁滿, 咬入口同柚子蜜好夾, 成碟我一野食晒!  車仔麵一個就有雞翼尖, 冬菇, 菜心同梅子豬手, 另一個就梅子豬手,咖喱魷魚, 菜心同麻辣肚絲, 雞翼尖同

車仔麵的環境乾淨企理，配料齊全，並且提供CCTV，可以觀察到店外的環境，這是方便駕駛人士即使將車停泊在店外，也可以看到，十分安全，可以安心享用車仔麵。順便一提，這裡的洗手間十分乾淨，一間食店能夠連洗手間也保持乾淨，相信店鋪要求的衛生程度也不會低，也可以令顧客更加放心食用。店裡服務員十分有禮貌，只是樓面員工有些不足夠，當繁忙時間，容易令顧客等待時間有點長。店的招牌菜—花膠碗仔翅很足料，有兩塊大大的花膠，而且不會感覺到腥味,也十分彈呀，一開始熱辣辣地食，只需落麻油，已經很香，挺好吃的，之後再加胡椒粉和醋，也會更加好吃，整體來說花膠碗仔翅又足料又美味，值得一試！車仔麵很特別的是這裡可選的湯底具有平時外面車仔麵有得湯底，例如清湯、腩汁，沙嗲汁、咖喱汁等外，還有雲南酸辣汁，而且有各式各樣的配菜任君選擇，其中店聲稱的非一般必食推介的豉汁皇豬粉腸好好吃，不會苦苦的,平時出外食豬粉腸真的好怕吃到苦澀味，用豉汁皇烹煮，十分惹味。另外其他配菜也十分真的推介，例如辣汁豬肺、鹵水豬大腸，鹵水雞翼等，也很惹味，而且分量不少呢！不論你點了多少配菜，都會每一種配料給足你。還有蘿蔔也很清甜，雖不需加醬汁湯底已經夠味，

呢間餐廳開咗一段時間，今日喺附近行街所以就決定晚餐就試吓呢一間餐廳。 見到門面寫住「懷舊創新、製作認真」更加吸引左我地❤。 呢間餐廳賣點多配料選擇🍴，而且原創白榨餃之如餃子是親手逐隻包，值得一讚👍🏼！客人最少揀三款餸 ，餸菜列明有幾個推介；非一般的食推介、超惹味推介、車仔麵推介和六款湯底揀選， 另麵底方面更有七款選擇😲。 見到咁多選擇即刻有選擇困難症但係唔緊要店舖有列明王牌必食🤗，見到有鳳爪、茄子、雲耳、青瓜、雞翼、香茅豬扒 ，當中有幾款王牌必食都是冷盤的。 我同朋友用餐後😋餸菜有六款推介：豬肺、話梅豬手、豉油王粉腸、鮑汁蘿蔔、南乳腩肉、秘製冬菇 …多個菜餸種類多目不暇給，如有需要加辣汁可向店員提出 。另外我哋叫咗個油菜，份量多。👏🏻👏🏻👏🏻值得一食冇介紹錯嘅係花膠碗仔翅😲❤必叫，碗仔翅裏面有花膠唔係任何車仔麵餐廳都有 ，而且最大驚喜嘅係兩大舊花膠十分足料😌，而且碗仔翅中有足料豬肉絲、冬菇絲、木耳絲和素翅... 欣賞呢一間店舖款款餸菜新鮮，食材十分入味就知落過功夫❤