砵砵車仔麵 (已結業)

今日難得友人放假，而我們又十分喜歡吃車仔麵，於是到了這間砵砵車仔麵嘗試一下。幸好過了中學生吃飯的時間，店內人潮減退，一入到去，位置寬闊空敞，佈置簡單，挺乾淨企理。一坐低，店員便很快手地招呼我們入座，並介紹我們吃這裏的招牌花膠碗仔翅，我們先點了一碗花膠碗仔翅（$30），再看一看這裏的餐牌，這裏的車仔麵餸最少選擇三款，淨餸最低消費＄30，麵底每款$8，餸的價錢分為＄14 、$10、＄8，價錢十分合理，另外仲有二人套餐，自家製即炸嘅餃子，有第一次見嘅自創白榨餃，同埋其他小食。我同友人都諗住留肚嗌多啲車仔麵同埋食碗仔翅，於是冇嗌其他小食了。車仔麵的麵底選擇與其他店差不多，共有六款，有：油麵、幼麵、粗麵、河粉等等。湯底有六款，仲有少見嘅雲南酸辣汁。而配料方面卻有很多選擇，張點單紙有成30款選擇!! 我睇到嗰時都嚇親，選擇多到我嘅選擇困難症又出嚟啦我和同行的友人都十分肚餓，最後我嗌了五個餸一麵配沙嗲汁湯底，油麵跟雞翼尖、蘿蔔、咖喱魷魚、滷水豬腸、冬菇，全部都係經典嘅車仔麵組合。友人就嗌左河粉配咖喱汁湯底，有滷水雞翼、五香牛腩、五香牛筋、南乳腩肉同自創白榨餃。落完單好快就上咗碗花膠碗仔翅，上菜時配上

元朗是有名的覓食聖地，多少港九人花個多小時車程也要慕名前來，食肆之多身為半個元朗人的我吃了多年也還沒能吃遍。今天朋友讓我帶他去嘗嘗地道一點的餐廳，說起地道除了冰室、茶樓，再數大概就是車仔麵了。現在車仔麵已經買少見少，大多都被雲南米線、麻辣燙等取代，在選擇不多的情況下找到了這間砵砵車仔麵。遠遠已能看到門口有個大的坐地招牌寫著「足料花膠碗仔翅」，還是限量供應的，應該是招牌菜，就碰個運氣看看有沒有。店面不算大，但比起其他元朗食肆來說很四正企理，不會太逼迫。店員都很熱情，一見我們進店就招呼我們坐下，然後推介有什麼好吃的，我們點了一碗碗仔翅，她也體貼的給了我們兩個小碗方便分吃。碗仔翅因為預先煮好的關係，下單後很快就上菜了，我們還在寫下單紙，店員主動叫我們趁熱吃，吃完才慢慢點其他的，這點也很難得，因為做生意的都寧可客人快點吃完快點走，難怪店裡的客人大多都是老街坊，做的大概就是口碑。碗仔翅果真份量十足，兩大塊花膠，入口滑溜彈牙，滿滿的粉絲、肉絲、木耳絲，每一口都能吃到湯料，口感豐富，加上醋和麻油味道更能提昇。輪到今天的主角車仔麵，我選的是香茅豬扒、白榨餃、鮮韮菜餃、秘制冬菇和時菜，湯底是清湯，清甜不

之前已經聽聞呢間新開的車仔麵好好味，今日難得約埋朋友到坊，未入門口已經比佢的金柒招牌吸引，加上鋪頭口頭蟬：懷舊創新，制作認真，更加令人想立刻就試試首先一坐下，老闆就介紹招牌花膠碗仔翅，哇！大大舊花膠真係比足料嫁！而且個翅非常豐富，之後點了必食推介的話梅豬手，超級入味，而且豬手炆得好淋，食過番尋味，食完再食，之後嘗試另一推介辣汁豬肺，又係另一非常入味的配料，再加上雲南酸辣汁，酸中帶辣非常開胃之後就試老闆娘親自包的原創白榨餃，是出面吃不到的味道，正好配合鋪頭的口頭禪，最窩心是老闆在湯底比了很多菜，朋友點了一個辣汁湯底，給我試了一口，那個辣醬真的令人回味無窮，辣得好過引！最後試了亞厘山茄子🍆，開頭以為是熱的，吃下去原來是涼的很特別，加上秘制醬汁非常吸引最後飲品方面飲了洛神花蜜，味道很清新配上淡淡花香，總括而言食物水準非常高，有別於一般的車仔麵，值得一試！

創新車仔麵朋友們台灣遠道而來,指定想食香港傳統又正宗的車仔麵.點解今次唔去元朗好出名既永X呢? 以下落黎我將會慢慢講你知. 香港懷舊小食----碗仔翅 對,就是這個原因,一間店可以滿足朋友們幾個願望.花膠碗仔翅, 最上層用的是素翅,口感彈牙爽口,令整碗翅增加不少層次感,冬菇的香,木耳的脆,還有真正足料大大件花膠.其實碗仔翅最重要就是湯底,做湯底的芡汁要厚薄均勻,我可以大膽的講市面上9成的食店也掌握不來. 芡汁太多的話，變了糊狀好難入口; 芡汁太薄，配菜掛不上芡，起不到收汁亮油的效果。這裡就可以做出一碗出色的翅,真心說一句~~很難得.細心看看收銀櫃附近 “WIFI”. 車仔麵店有WIFI提供!!! Amazing!!!為求試盡不同的款式,3個人點了2碗麵加十幾個餸.油麵:不會太油膩,亦煮得啱啱好話梅豬手:好小麵檔會有豬手食, 好新穎的話梅豬手鹹鹹酸酸的,肉質焾滑而帶嚼勁,那片豬皮不得了,吸收了滷水汁的精華又爽脆,彈牙,非常冶味!!,豬手亦無豬騷味, 骨膠原剛好補充這幾天的腳骨力呀!!!香茅豬扒:炸粉唔會太多,入味,如果厚切就更完美牛腩/牛筋:牛腩正! 炆得夠腍,入味; 牛筋必食,膠質好重

琴日新界地區得幾度，懶得係屋企煮飯就同friend出街食。想搵d平靚正又可以快d食完既野食，即時霖返起之前經過鳳琴街見到新開既車仔面。【環境】同其他車仔面食檔相比，哩間係裝修上應該落多咗小小功夫，一入到鋪頭覺得雖然細細間但好乾淨整齊。有一面墻上用咗幾塊懷舊牌仔寫左必食推介，每張臺仲擺住一個小裝飾物。D臺唔會擺到好密雜，坐起身都算幾寬敞舒服。【服務】一行到去門口老闆就好熱情咁請我地內進坐低，拎餐紙俾我地劃想食咩。唔知係咪幾兄弟一齊合夥既，大家有講有笑氣氛好好。食完老闆仲好客氣笑住叫我地下次再幫襯。全程服務都幾好，有種賓至如歸既感覺。【食物】去到一定一定要order必食既超級足料既花膠碗仔翅！小店門口其實已經有個好醒目既牌寫咗，而且價錢30蚊一碗超級親民！雖然唔貴，但拎上到黎好驚喜，一碗入邊有兩大舊花膠！我見幾乎每臺都有order碗仔翅，咁凍既天一邊食翅一邊等麺超正啊。車仔面雖然普遍，但哩間d送都幾特別。有甜酸齋、南乳腩肉、話梅豬手、麻辣肚絲、鮑汁蘿蔔等。每樣送都只系十蚊左右，但數量都幾多而且每樣都系大大舊。話梅豬手特別推薦，整到好入味。

🐽嗚呀好耐無食車仔麵啦😭今次同元朗既朋友仔試下呢間新開既車仔麵店先！開頭都諗平時食開廿幾三十蚊碗車仔麵嫁喎😳咩事呢碗車仔麵要咁貴😕食落就知原因啦！👅巴打車仔麵（$68）巴打車仔麵包一個麵底同指定左既6個餸😗簡左腩汁，個咸度岩岩好！辣汁豬肺幾爽口而且無內臟既腥味👍🏻話梅豬手最吸引！豬手好骨膠原好軟淋，有微微既酸甜味，話梅味再重啲就更正啦🙈豉油皇粉腸亦都無咩腥味而且算幾入味，個外皮帶點彈牙，不過我個人就食唔慣🤓鮑汁蘿蔔唔洗講都知索哂啲湯汁，南乳腩肉幾香幾鬆軟，係略厭肥左啲🤣祕制冬菇最有驚喜！呢到用既唔係普通細粒個啲黑蚊蚊既冬菇，老闆話呢啲係大花菇😙呢隻菇勁大塊好厚身！咬起黎超彈牙，雖然無平時啲菇咁索味，但幾中意呢隻菇味夠香濃😋👅自選車仔麵麵底同餸逐樣計錢😀簡左咖哩汁，幾香濃惹味😋粗麵超爽口！有我中意既酸齋，咖哩魷魚好彈牙😗個香茅豬扒幾大塊但厭唔夠味，都鬆軟但唔夠香口同油左少少😕👅花膠碗仔翅（$30）老闆推薦我地試下呢個碗仔翅，真係有兩大舊奶白色既花膠而且幾滑幾爽口🤗碗仔翅都夠味但杰身啲就更好啦～👅菊花露（$12）見到即刻雙眼發光即刻嗌！幾清甜潤喉☺️🐽呢到啲餸係幾高質同少見啲，亦睇得出好有誠

今日入冬至凍 即刻唔想自己煮野食帶媽媽去樓下食車仔麵😆😆一坐低睇餐牌見到二人套餐好抵食 但因為兩條友都食唔到咁多 所以決定散哎份量超多車仔麵 啱哂啲胃口大的人士們😂😂呢個睇落超正 但今次無試到 😭 下次要跟餐叫叫左個招牌花膠碗仔翅一黎到就見到非常足料 仲有舊大花膠若隱若現超大舊花膠😍😍 碗翅味道好有層次 木耳雞絲粉絲啲味道夾到岩岩好👍👍加少少醋帶出成碗翅既香甜之後自己再叫左碗四餸車仔麵好多選擇😛😛有話梅豬手 腩汁蘿蔔 大冬菇同時菜加粗麵話梅豬手個味酸酸甜甜 好開胃😁😁冬菇同蘿蔔都非常入味！湯底腩汁鮮甜😆加杯柑桔蜜 見到佢係用柑桔皮加蜜整成 好有誠意墻上皇牌推介好有中國功夫的味道👍👍雖然小店一間 但都係不少街坊的選擇 得閒可以黎拎碗碗仔翅外賣番屋企食🤣

叫咗個4餸外賣：河粉翼尖豬紅牛筋蟹籽丸腩汁外賣合共收$45返到屋企，見到份量都ok，翼尖有8隻，豬紅有7-8粒，蟹籽丸都有2粒，牛腩... 咦？變咗豬皮嘅豬皮$8牛腩$10喎，但重點唔係收多$2，而係... 我！唔！食！豬！皮！外賣係一個碗上下隔分湯嘅，牛腩汁都ok，唔太濃但亦唔會無味，其他餸都正常，係個翼尖賣相唔靚，好多瘀血，望落亦唔似滷水，但味道正常嘅。一直都想試佢個「足料花膠碗仔翅」嘅，不過下次先啦

今日路過見到好想食車仔麵，望入去坐得都舒服所以決定食佢。話梅豬手韮菜餃雞翼尖粗面(腩汁)湯底既清甜加上腩汁，甜得黎好香牛腩味，令粗麵完全能吸收湯底鮮味豬手有驚喜喎，彈牙爽脆，口感十足，而且加入話梅獨有既甜酸味，醒胃之餘唔膩。小店亦有得散叫薄薄既餃子皮包著自家制韮菜餡係心機啲，結實得黎充分將肉汁鎖住，韮菜無果種洗唔淨既澀味柚子蜜雞翼柚子蜜既酸酸甜甜，加埋脆卜卜既雞翼，提起了胃口和雞翼的鮮味。而且柚子蜜味完全與雞翼的味道融合起來，十分配搭，因此推介，是必食之選！

這天和媽媽一起來了家附近的砵砵車仔麵吃個快飯。這家車仔麵店好像都開了有段時間，一直都想試試看。本來想點一人一碗車仔麵，但偶然間看到有二人餐。二人餐也包括了頗多食物，而且價錢不貴，於是我們便選了這個套餐。首先，每人有一杯健康滋潤的飲料，我們都點了一杯菊花蜜。很快地，前菜便端上來了。這份阿里山茄子味道真的不錯，味道酸酸的，相當開胃，而且也和茄子很搭，是一個不錯的涼菜。然後，便來了一碗碗仔翅。這碗碗仔翅和平常吃到的非常非一般，因爲入面有大大片的花膠，相當足料！而且碗仔翅也鮮味十足，稠度剛剛好，散點也不過$30，實在划算。然後我們點的4送車仔麵和小食香茅豬扒也來了。這碗車仔麵的分量的確十分大，一個人要吃完實在有難度，幸好是二人分享，所以還好。我點的送是南乳豬腩肉，話梅豬手，豆卜，原創白榨餃，配腩汁油麵。每一份材料的分量也很慷慨，味道真的不俗。當中南乳腩肉很入味，而且肉質很軟很嫩。話梅豬手也很不錯，味道酸酸的，而且豬手也很軟，骨膠原感滿滿。小食香茅豬扒也很惹味，煎得香脆，但内裏保持肉汁，不錯！最後我們走的時候都捧著肚子，因爲實在太飽了！所以這個套餐真的很抵吃，而且分量絕對足夠二人享用，實在不錯。

車仔麵腔的我，平時行過砵砵車仔面都好想試下，今晚終於有空一試。款式都幾多和特別，除了一般可以食到的豬皮魚蛋，仲有一些原創手作餃子，南乳豬腩肉，豬手，豬肺…《咖喱魚蛋芝心丸韭菜餃油麵(腩汁)》首先，咖哩魚蛋口感十足，好好「咬口」！而且咖喱(汁)相信無論吃不吃得辣的人都會愛上它！因為它的辣度適中，不會太辣亦不會不夠味，十分推介！其次，芝心丸仍然能保持流心的狀態，熱度剛好，亦係好食之選。韭菜餃很「juicy」，用料新鮮，是必點之選！最後，油麵少肥膩感，加上油麵與腩汁味道非常襯，美味。菊花蜜(凍)菊花蜜不會太甜，而且散發著淡淡菊花的幽香，是健康美味之選。

元朗的確是一個美食相當多的地方，食物種類多籮籮，而且好多都是隱世食店。今日元朗地膽朋友就帶我去一間食車仔麵，最吸引到我我就是30元的花膠碗仔翅！先點車仔麵：《南乳腩肉 鮮韮菜餃 五香牛腩 香茅豬排》配豆漿豬排有驚喜，炸得非常鬆脆，沒有太多粉，肉汁被鎖住很入味；而牛腩煮得夠軟腍，陣平牛肉香味，而且份量不少；南乳腩肉是比較少見的一款配料。一點都不油膩，同樣是很入味（別放涼才別）；韮菜餃是自家包製，好有心機既小店！當然要點《足料花膠碗仔翅 $30》十一份足料的碗仔翅，大大片花膠，仲有2片，味道亦好十足，好濃好香的花膠味，而冬菇香亦慢慢滲出。碗仔翅質地食落不會有粉漿，亦不會因為攪拌而變稀。《柚子蜜雞翼》雞翼大隻，而且外層非常鬆脆，配合埋有柚子的蜜汁，口感倍增之餘令雞翼帶多份濕潤感，雞肉熟度剛好，尚算入味，不過可以更好。

屋企附近新開佐間車仔麵，小店環境光猛企理，坐得舒適。望下menu，平時食開車仔麵嘅麵類選擇都有(麵底$8)，公仔麵外仲可以加錢轉岀前一丁，適合一d有d要求嘅客人。配料反而睇到砵砵車仔麵有心思嘅地方，分咗非一般必食推介($14)、超惹味推介($10)、車仔麵推介($8)，價錢各有不同，但每個類別都有值得一試嘅配料。例如話梅豬手、麻辣肚絲、豉油王粉腸、辣汁豬肺呢d都在麵檔比較少見，屬非一般必食推介。甜酸正齋、滷水大腸、五香牛腩都是超惹味推介。至於車仔麵推介不只有魚蛋、豆卜，仲有滷水翼尖、鮑汁蘿蔔和自家製水餃！至於湯底除咗有清湯、腩汁、沙爹汁，愛辣之人仲可以揀咖喱汁、辣汁同雲南酸辣汁！兩個人其實仲有二人套餐，都好豐富呢！真係好多想試！可惜剛剛病好，惟有選得清淡，好彩都仲有唔少選擇。揀佐原創白榨餃、芹菜木耳餃、秘製冬菇同新鮮時菜。唔食得辣嘅我當然選清湯。首先要一讚清湯，果然好清甜，調味恰到好處唔會太鹹，而且飲得岀冇落味精！白榨餃即係白菜加榨菜，第一次食，原來兩種睇落風馬牛不相及嘅材料味道都幾夾，榨菜鹹香令味道更為有層次。芹菜木耳餃味道都有驚喜，健康足料！菜心賣相都幾靚，如果份量多d就仲好啦！秘

家人回鄉，放工後懶得煮食就到樓下的麵檔解決晚餐。小店主打車仔麵，只見配料選擇多樣化之餘，不少也很特別，岀面麵檔較為少見。除了一些經典選擇如：魚蛋、豬皮等，非一般必食推介中，如：話梅豬手、豉油王粉腸、辣汁豬肺等都是自家岀品，另外我喜歡的甜酸齋也有提供！最少需要選擇三款餸，麵類選擇不算多，加$3點了岀前一丁，麵質彈牙不會過淋，配上必備的麻油，特別滋味。豉油皇粉腸入味軟腍，甜酸齋酸甜醒胃。叫我驚喜的反而是平凡的鮑汁蘿蔔，蘿蔔味道清甜，吸收鮑魚汁的鮮味，令甜味更加提升！而湯底選擇亦多樣化，愛辣之人還可選辣汁（辣度有3要辣椒！）、雲南酸辣汁及咖喱汁，可惜我不嗜辣，但選擇的清湯底亦很滿意，沒有其他麵檔的死鹹，味道清甜。洛神花蜜也有住家的感覺，蜜糖的甜與洛神花的酸平衡剛好。在這寒冷天呷一杯熱飲特別暖胃。值得一讚的是小店服務非常好，亦有了解食客的意見，看得出有心經營。雖然餸料價錢定價偏高，但食物質素亦算中上，絕對會回頭。

鐘意食車仔面既我，朋友仔就推介我去元朗既呢一間砵砵車仔面喇，餸菜方面都好多比較特色，價錢相宜，最緊可以食下多啲唔同既款式！紙仔之外，亦都有其實餐牌可供選擇架花多眼亂既我，就試下咖哩魷魚，冬菇，原創白榨餃（榨菜，旺菜）芹菜木耳餃 豬紅。鮑汁蘿蔔 加咖哩汁小時候很喜歡跟媽咪到茶樓吃車仔豬皮魚蛋蘿蔔，但現在已經好難吃得到，想不到可以在砵砵車仔麵尋回，真是開心！蘿蔔好入味，比較爽口；咖哩魷魚份量算多，而且爽口彈牙，配合咖哩汁，十足街頭美食；最喜歡這裡的冬菇，又厚又大隻，而且是花菇，炆得入味，是我在車仔麵店中吃過最大又入味的一間。要介紹一下砵砵車的水餃系列，全都是自家製，較欣賞白榨餃，食落榨菜味濃而旺菜清淡，兩者互相平衡，下次真是要試試韮菜餃。吃完車仔麵，點杯特飲華田爆脆，真是爽，華田味的薄脆片很有口感，亦令整杯更香濃！