蜀客 (已結業)

第二次嚟，不過今次係食晚飯，喺某個app訂枱，6:00pm嚟到，三人一行安排咗望到海景嘅枱，先來一壺茶，在開支白酒，慢慢睇吓Menu食乜好。上次日頭嚟，有外邊射入嚟嘅natural lighting，感覺上夜晚氣氛柔和好多，雖然裝修冇乜特別，不過地方算係舒適嘅。今次先揀咗幾個前菜，因為知佢上菜上得好快，三個前菜轉個頭就已經上晒枱，豆腐外脆內滑，燒茄子上面嘅醬亦都好夾，合桃嘅口感好特別，再加上好鮮味嘅蔥油，簡單一道菜都好好食。服務都幾好，啲服務員都好attentive，又唔會太過騷擾，之後再點兩個菜，再配支紅酒，茶樹菇上次都食過，依然咁好食，炒得好香，五花腩好靚，一啲都唔覺得肥膩，有入口溶嘅感覺，切碎左梅菜唔會太咸，係一道幾出色嘅菜，每碟嘅菜嘅份量都有返咁上下，最後仲有好驚喜，經理問我哋係咪K11 member... 之後就送多支紅酒俾我哋！完全免費！雖然當晚都有唔少顧客，原本個半鐘後要交枱，不過我哋都坐咗好耐，飲飽食醉，有app優惠又有免費紅酒！超值！滿足！

如題!!! 又貴又唔好食, 完全唔知佢賣點係咩野?! 我地6個女, 我地叫左個2人套餐，另外再加約5個餸, 2個甜品! 水煮魚 - 跟2人餐, 成鍋魚係得5塊, 因為係跟餐, 所以我地忍耐, 睇下酸菜魚先! 只係味道又唔香, 又唔辣! 酸菜魚 - 散叫嘅, 同樣成鍋魚係得5塊, 真係懷疑佢當餐咁上?! 而且似係倒左成支醋落去煮咁! 回鍋肉 - 又干又咸 ! 大腸 - 都叫有D麻味四川冰粉 - 面灑左一ja花生喺面，大家覺得麻麻地.... 最好食應該係果碟餐前粟米粒! 最後埋單要 $3000  , 見到抵食有4星? 仲有63個好評, 真心唔明!!! 

冰粉很好吃辣菜也很好吃，很川菜。環境非常好，陽台上正對灣仔會展中心，夜景很不錯。沒折扣的話小貴。點了四人套餐，人均400左右。人多可以多點點兒不同菜式。3pm - 9pm有Lamei Hour，喝杯小酒不錯喔

K11 muse的餐廳質素普遍都不錯，呢兩年都常常幫襯入邊唔同的餐廳。早前老闆請食飯，book左K11muse蜀客的包房。餐廳環境開陽，裝修別緻，全海景，特別是包廂裡面的裝修很優雅，給人耳目一新的感覺。夜幕降臨的時候邊食飯飲酒邊觀賞夜景也是一流。店員服務態度很好，當晚負責人也入來詢問用餐意見，整體用餐感覺很舒適。我們點左好多餸，味道很正宗，發揮了川菜的麻、辣精髓，當晚品嚐的菜式太多，不能一一盡錄，以下分享印象最深刻的幾道菜。無論是涼拌菜還是水煮系列水準都非常出色。

一次去獲贈1張$500蚊能源入咗剛剛坐定, 一隻小強率先駕到遊走枱面打招呼, 此地不宜久留, 即走!行到一半見到經理, 話俾佢知, 木無反應, 好似見怪不怪.  咁嘅環境, 咁嘅服務, 一定冇下次!

今次係第二次光顧呢間四川菜喇，第一次係大約三、四個月前，嗰次試嘅套餐係每位計嘅，有酸菜魚我覺得好好食，所以一見到有半價套餐即買。個套餐份量真係好多，不過就覺得無第一次咁好食但又唔差咁啦。不過以咁嘅價格食到咁多款式，而且服務好好就已經係超值如果下次再有半價套餐而又改吓菜式嘅我應該都會再試

見呢間餐廳有$88加一既午餐，咪去試下。侍應仲提醒我有D飲品要收錢，我咪只系話飲水，以為飲水唔使加錢啦掛。拒地既味道系唔錯，而且有海景睇。點知埋單個陣見到張單要加收茶錢同小食，然後侍應系度狡辯話呢兩個item寫左系主餐牌既最後一頁，所以最後要成百五蚊...🌚大佬你地要收呢兩個item，咪系午餐個menu寫出黎lor。你地用呢種低莊既方式賺錢，賺得個五十蚊，之但系搞到自己誠信破產☹️奉勸大家真係去食飯既話，要問清楚有無隱藏收費！後記：通過電郵投訴後，餐廳已經退翻茶芥錢，不過都希望拒地之後可以直接將呢筆錢寫落lunch menu啦...

非常喜歡 K11 Musea 這個商場，所以今日又來覓食，並與疫情期間少見的媽咪同行，她向來不到川菜館，我們反刻意選了蜀客，她想見識一下，反正吃甚麼她都只會淺嘗。 走綿陽口味的，講求並非麻辣，而是香辣中保持鮮味，所以我亦點了不少海鮮。 夫妻肺片 $108名字媽咪非常熟悉，原來他從來未吃過，這兒的夫妻肺片是牛舌配牛柏葉，混合豐富的醬油及紅油、灑上白芝麻及花生，紅海中的夫妻肺片片片大而薄，粑糯入味，中度麻辣頗滋味。蒜香花甲 $138是一道辣的涼菜，面頭鋪滿蔥花及辣椒粒，配合蒜香醬汁。 花甲粒粒肥美鮮嫩，入口幼滑，煮至剛熟，咬落有汁。黃湯燉魚肚 $188今日的精華，醇厚的高湯香濃滋味，回甘之濃甜悠久不散。配合份量十足、燉至軟而保留咬口的大片花膠，幸福滋味盡在不言中，骨膠原萬歲！ 香辣膏蟹  $468菜牌上的首頁乃今日特價優惠，一只膏蟹原價$680，現在六九折，精明的消費者，懂得揀啦！ 賣相如辣子雞般紅辣椒滿溢，沒有仔細研究是同一款辣椒還是混合了不同品種或者有否燈籠椒，看來是一款稍紅一款稍橙的長身辣椒，配合大量青蔥同炒，醬汁濃郁。香惹椒香，膏蟹新鮮肉彈，非常掛汁，蟹膏豐腴味美。 香辣度適中沒有

這天約了朋友去尖沙咀午膳，朋友無辣不歡，我則是吃辣BB班，怎麼辦？最後選了在K11 Musea的「蜀客」，餐牌有辣有唔辣，悉隨尊便。蜀客有個很大的酒吧，可惜我們午後有工作，不能喝酒，所以只能遠觀了。來吃午餐也不錯，落地玻璃窗讓陽光滲進來，感覺舒服。店員為我們送上餐前小食，全部一粒一粒，好香口，究竟是甚麼？細問之下，原來是炸荷蘭豆和蠶豆，還是第一次這樣吃荷蘭豆，脆卜卜又幾得意。香芋鴨方 $188除了主餐牌，餐廳還有一本鴨料理餐牌，眾多菜式之中，我們選了這道「香芋鴨方」，面頭像是素鵝腐皮，炸得香脆，裡面是芋蓉與鴨肉，吃時蘸一下酸甜汁，感覺有點像吃芋頭魚，加了鴨肉更添香氣與口感。泡椒蒜香開件龍蝦 $488我喜歡吃海鮮，這道泡椒蒜香龍蝦是餐廳的招牌菜之一，簡直是不二之選。下單時可選開邊或開件，我們兩條大懶蟲當然選後者。新鮮龍蝦啖啖肉，鮮甜彈牙，泡椒蒜蓉汁惹味又不會太辣，人間美味。小米粥泡桂花魚片 $288魚片小米粥上桌時黃澄澄的一大窩，顏值極高。小米夠正氣，魚片滑溜無骨，粥內有不少薑絲，飽肚又美味。四川冰粉 $38中式甜品之中，我最喜愛的就是四川冰粉了，口感像啫喱，冰冰涼涼，加上山楂、花生、葡

12月要清假, 我同好友去TST 影燈飾. 聖誕樹~所以黎到K11 MUSEA, 點知比我地誤打誤撞黎到食川菜既蜀客~入面裝修靚, 環境舒適, 空間又寬敞~~仲有海景!!坐低先黎小食同茶！小食係香酥蠶豆同豌豆, 食落香鹹又酥脆可口, 唔錯~~點左鮮椒海鮮匯 ~入面有南澳帶子, 緬甸白蝦及同迷你八爪魚，食落鮮嫩、爽滑、彈牙，仲愈食愈開胃!   另外叫左個成都辣滷龍蝦 ~採用來自四川花椒、麻椒、乾辣椒，配以八角、桂皮、小茴，白芷等天然香料製成滷水汁。龍蝦肉質很實在，已經開左邊，味道麻辣鮮香、層次分明、齒頰留香，唔錯！宮保雞丁，食落好嫩滑，配埋瓜，腰果，少少辣，好食！大蒜炒牛肉，大蒜有益，食落爽口，牛肉亦軟腍唔會硬，食落牛味重~OVERALL 真心好食, 同朋友過左一個愉快既下晝！

天氣轉涼，就會想食一些熱辣辣的食物，上次同朋友提起呢間川菜，終於約埋一齊嚟試吓，餐廳嘅設計好有心思，亦好彩俾我哋坐到近窗邊位，能夠欣賞著維港景色。椒燒茄子🍆（$88），茄子口感軟滑，配上特製的辣椒、醬汁，作為前菜十分惹味。辣子肥腸（$168），無論是視覺或味覺都帶來衝擊，肥腸的脂肪比例剛剛好，炸得外脆內軟，帶着濃郁的麻辣香味。椒香牛肉（$248），食得出選用了安格斯牛肉，肉嫩甘香，浸了湯內已久，依然保持著質素。椒香牛肉裏面亦加入了蒟蒻絲，取代一般粉皮、粉絲之類，入口更爽脆。小米粥泡桂花魚片（$288），甘香的小米粥，好有媽媽煮既嗰種味道，加入了桂花魚片，啖啖肉之餘，亦令小米粥更香甜。四川冰粉（$38），口感好似啫喱，表面灑上脆片、提子乾，酸酸甜甜，幾清新。酒釀丸子（$38），丸子裡面有黑芝麻蓉，配上糯米酒、桂花，清香得來，又帶來溫暖嘅感覺。我們亦發現餐廳外邊有個露台，可以同朋友傾吓計之餘，又欣賞面前呢片靚海景色。

這天朋友相約一同於尖沙咀吃飯，餐廳位於尖沙咀的新型大型商場之內 ，鄰近地鐵站，地理上還十分方便 ，餐廳主打的美食就是四川菜， 當中我相信有啲朋友會怕辣， 但餐廳也有 其他選擇。更沒想到這裏還有經濟又美味的午市套餐。前菜是一個驚喜之作，香脆可口，帶點酸味，十分開胃，真的不錯。這絕對是一個老少咸宜的美食， 豆腐外皮炸得香脆可口 ，最重要一口一粒，吃起來十分方便 ，完全不會擔心，外觀方面的問題。炒飯 ，驚喜之作，餡料極多 ，味道豐富又濃郁。

蜀客是是時尚的川菜館，在 K11 Musea ，裝修設計高雅 ，環境舒適，空間寬敞。景觀開揚，落地玻璃窗透出醉人的維港景色。還有露台座位，打卡和相聚聊天都是一流。鮮椒海鮮匯 $138~蜀客最受歡迎的菜式之一，由經典成都涼菜鮮椒雞演變而成。揉合川菜醬汁與粵菜口味的海鮮。當中的南澳帶子、緬甸白蝦及和迷你八爪魚，鮮嫩、爽滑、彈牙。成都傳統醬汁以廿多種辛辣新鮮的蔬菜熬制而成。麻辣而酸的醬汁以醋、醬油、辣椒、韮菜、香芹、葱花等熬成。香辣而提鮮，十分醒胃!宮保蝦球 $268 ~緬甸香蝦，爽彈鮮甜。配香脆腰果和爽脆西芹，再伴以茂玟紅花椒和石柱紅辣椒乾，辛香麻辣，相當惹味。而且色彩亮麗，提升了蝦球的顏值。雲腿菜芯燉花膠$188/位~ 冬季喝花膠燉湯最合時，滋陰養顏。湯底配金華火腿和白菜芯，清甜潤肺，火侯十足。花膠非常腍滑，骨膠原豐富，入口融化!酸菜桂魚$428~酸菜魚的酸味相當夠，湯底有胡椒香味，辛香而順喉。以兩斤多的桂花魚，與較大條的比較，相肉質鮮甜嫩滑，膠質更豐富。與酸菜、芽菜及萵筍，配合得很美味。 清炒時蔬$128 ~ 白菜嫩綠爽甜，簡單清炒更顯蔬菜的新鮮。脆皮蔥油炸子雞 $288~雞皮金黃香脆

碧綠脆瓜北寄貝 $138北寄貝非常新鮮爽口彈牙，青瓜鮮甜爽脆！佢嘅醬汁少少麻同少少辣，唔好辣嘅人都應該好鍾意食，作為開胃菜一流。夫妻肺片$108聽就聽得多，都係第一次食。牛展切到好薄，然後配上佢秘製嘅麻辣醬汁，另外仲有手肚，每一口都好爽口，一啲內臟嘅怪味都冇，好好食。酸菜桂魚 $428呢一個酸菜桂魚睇落去好似唔太辣，原來食落去係好辣！不愧為專做蜀菜嘅餐廳。啲桂魚份量好多，而且肉質鮮甜，配菜仲有芽菜，酸菜等等。由於個醬汁非常香濃，所以肥妹仔特登叫咗一碗白飯嚟食。酸菜血旺$168酸菜血旺即係酸菜鴨血，但係佢個名好好聽。佢嘅鴨血同我一般食開嘅鴨血好唔同，佢係好嫩滑，入口即溶，超級好食。泡椒蒜香開件龍蝦 $488佢嘅龍蝦應該係澳洲龍蝦，超級大隻！佢嗰醬雖然話係泡椒味，但係有少少甜甜酸酸，似泡椒溝埋甜酸醬。而佢嘅蒜味亦都非常之濃郁，直頭食到一粒粒蒜粒。龍蝦肉非常爽口彈牙，佢泡咗油再同個汁一齊煮，每食一啖都非常滋味。煎焗花椒膏蟹 $680呢一場簡直就係海鮮同埋花椒嘅盛宴呀！呢一隻膏蟹先唔講佢非常之肥美，啲膏爆出嚟！就講佢啲花椒，應該將佢煉成油，然後每一口蟹肉都浸在花椒油中，食落去個嘴唇係又麻又辣，

今日嚟到呢度食川菜, 餐廳嘅位置真係一流，完全望到晒成個維港海景，而且環境雅緻，格調高級。雖然係中菜餐廳，但呢度有埋水吧，食完飯可以叫杯嘢飲，係露台出邊一路嘆一路望海景！睇餐牌見呢度嘅菜式種類好多，花多眼亂，樣樣都想食😂 店員服務好熱心推介我哋一啲招牌菜，最後前菜要咗好多人都點嘅鮮椒海鮮匯、口水雞、同埋椒鹽豆腐。有別於一般嘅口水雞，呢度嘅口水雞加入左花生醬混合於辣油之中，所以無論聞定食，個味道都特別香，雞肉都好嫩滑。鮮椒海鮮匯係一個冷盤，裡面有帶子、蝦同八爪魚，醬汁係辣椒、蔥與豉油等醬汁調製，鹹辣味道與海鮮十分相配，食起來惹味又開胃！椒鹽豆腐香脆嘅椒鹽外皮包住軟滑嘅豆腐，好食到停唔到口！店員特意提醒呢道菜一定要趁熱食，因為冷卻後會影響外皮嘅香脆度。宮保蝦球 呢個擺盤好西式！蝦球真係好大粒，而且極之爽口彈牙，本來以為宮保係辣味，但呢道蝦球嘅甜酸味較重，唔係點食到辣嘅人就最適合！乾鍋手撕包菜手撕包菜加入了乾辣椒、薑蔥等配料落油炒，炒得好有鑊氣，五花腩肉與椰菜都十分惹味，食起來亦不覺油膩，水準好高！回鍋肉炒飯一片片嘅五花腩肉肥瘦均勻，充滿油香，炒飯粒粒分明，炒得入味，份量亦好多！紅糖糍粑微微