蜀客 (已結業)

蜀客呢間餐廳裝修算好靚, 環境舒服, 服務都十分好.出面就望到海, 算係唔錯.胡辣牛肉(198$) 牛肉份量比想像中多, 底係芽菜, 牛肉有小小花生醬既味, 偏咸,整體呢間餐廳所有菜都有小小偏重味.呢個味道好濃, 所以我覺得呢到點菜一定要點白飯送,如果只食菜會有小小濟. 牛肉好滑, 筷子都難夾既地步, 牛肉有點甜. 整體如果送飯, 平衡感岩岩好!推對可以一試!糖醋里脊肉(188$)味道都係偏重, 但送飯就岩岩好, 偏甜, 肉感係外皮小脆內面係鬆軟, 醬汁好入味, 口感都好正, 豬肉黎講唔硬同易咬好緊要, 因為個肉身比較厚,如果唔夠鬆軟會變到好難去咬.但呢到充分發揮左大廚功力, 易入口!宮保蝦球(268$) 餐廳推薦的菜式, 一食個鮮味就係新鮮食材, 口感好彈牙爽口, 味道有小小偏咸,都係偏重味小小, 小小酸會令到人開胃小小更想食更多.雜醬麵(68$) 原本試下用黎代替飯, 但係本身味道都好好, 但因為食物偏濃, 個雜醬麵都濃味, 所以代替唔到飯去中和返D重味.不過只論雜醬麵本身係好食, 撈麵類既食法, 雜醬既味道岩岩好夠重, 唔洗加任何調味都好好食, 麵有小小彈牙係我中意既口感!整體價

一直想試位於K11 Musea嘅「蜀客」，呢度主打四川菜，今日同朋友嚟尖沙咀行街，終於有機會一試。裝潢高端優雅，仲可以欣賞維港景色，環境一流。鮮椒海鮮𣿬 $138採用新鮮花椒製作的冷盤，海鮮方面選用了緬甸白蝦、南澳帶子、迷你八爪魚，味道微酸泛辣，果然係有名的成都開胃涼菜！成都辣滷龍蝦(每隻) $488呢款龍蝦係招牌菜之一，選用「二荊條辣椒」，辣度溫和，香氣濃郁，啖啖龍蝦肉，爽口彈牙，非常推薦。麻辣香滷花螺 $148花螺爽嫩新鮮，酒醇而不嗆，陣陣麻辣香，令人不自覺食完一粒又一粒！乾鍋田雞腿 $160田雞腿厚肉肥美，調味出色，以辣椒 、姜 、蒜、蔥等炮製的乾鍋味道香口，惹味非常。酒釀湯丸 $38一咬開，芝麻餡傾瀉而出，完全是幸福的感覺☺️黃糖豆腐花 $38中國茗茶(香片) $20/位今餐「當代川菜」令人相當驚喜，完全體現出「麻、辣、鮮、香」嘅川菜精粹，稱得上係一場色香味俱全嘅品味盛宴，嗜辣的朋友肯定一試愛上！

位於尖沙咀K11 Musea 呢一間中菜餐廳 裝修豪華寬敞而且直望海景 除咗食嘢仲可以放鬆 lunch選擇好多 又可以選套餐或者大餐牌 我哋叫咗Lunch Set-前菜揀咗夫妻肺片 個醬汁同夫妻肺片好夾 少少辣但又唔會搶咗肺片過味 肺片個厚度啱啱好唔會太厚又唔會太薄 食落去口感啱啱一啖過勁開胃蒜泥白肉-賣相精緻 完全係有心機之作 仲要有麵配埋一齊食多款嘗試 雙重口感 酸辣海鮮羹-濃郁惹味 唔會比個酸辣搶晒本身海鮮嘅鮮味成都回鍋肉-好有鑊氣 唔似一般川菜得一個辣字 肉質淋稔 宮保雞丁-雞丁估計用雞俾肉做 因為非常嫩滑 配埋腰果真係非常之襯 超級好味鮮椒海鮮匯-用咗麻辣汁估唔到同海鮮有好夾喎 又係一個令人開胃嘅餸菜成都辣滷龍蝦-呢個龍蝦埋相不得了 好有心機 專登幫你切開兩邊分兩碟上 估唔到呢個汁同龍蝦有幾match 原來除咗芝士 清蒸 都仲有好多唔同煮法紅糖糍粑-呢個甜品好好食 有輕微炸過 令到成餐飯有完美嘅句號

朋友講開在尖沙咀有間吃辣不錯，除了辣仲有不辣選擇，十分岩我們食小辣的人，今日就和朋友午餐過來吃飯，這裡空間感十足都十分舒服，待應好快手比茶同小吃，吃完前菜小食，待應會告訴上牛肉先，因龍蝦即煮，服務態度十分好。 首先來的是鮮椒海鮮匯見到海鮮(帶子，白蝦和八爪魚)十分吸引，海鮮好鮮甜配上帶點醋香和辣椒香十分惹味，底部還有配菜十分爽口。另一款小菜成都辣滷開邊龍蝦朋友介紹來吃，所以今日都專登叫，來到開了邊用2隻碟剛好可以我們一人一邊，表面有花椒好香，醬汁食到有麻辣香，且仲有八角味，不同的味道配合再加上爽口龍蝦沒想到那麼好吃，層次分明而辣度又不會太強食不到龍蝦鮮味。 因吃了2款辣，就選了款不辣的菜式京蔥黑蒜牛肉，好香口，黑蒜味都濃，牛肉有口感十分軟熟。麵都不少選擇，我們就叫一份成都擔擔麵和甜品酒釀湯丸一起分享。麵幾彈牙而且湯底醬汁味濃帶點辣。甜品湯丸好軟熟入面芝麻濃又香，酒釀味不錯。

第一次來到K11食飯，當然要選擇間有海景的餐廳享受一下。呢間蜀客專門食四川菜，所以餐牌上的菜式都充滿川菜風味，惹味而帶有香辣的口味。首先有鮮椒海鮮匯同埋雲腿燉花膠；前者係一道用上鮮椒、醬油、香蔥等香料炮製的前菜，加上有鮮蝦、帶子、魷魚等新鮮海產，既食到海鮮鮮味以及彈牙口感，同時亦有四川風味，係一道非常出色的開胃菜。而雲腿燉花膠就滋潤得多，有大件件的花膠，充滿骨膠原，男士女士飲都啱晒；而且老火燉煮，湯品濃而不咸，清晰滋潤，一人一客就最啱。而今日的主菜，當然就係呢客泡椒蒜香龍蝦，原隻大龍蝦本身已經啖啖肉，肉身白淨，鮮味亦相當濃郁，再加上大量花椒、蒜蓉醬汁去烹調，絕對係回味無窮！最後仲有擂沙湯圓做甜品，軟滑的芝麻餡料，細細粒，一啖一粒啱啱好，係一個唔錯的作結

K-11 Musea近來成為我經常行街食飯睇戲的好地方，近海有露台那些食肆更是我的首選，今晚和3位同事一齊來蜀客吃川菜，無論是環境和食物也令我們非常滿意。店子裝修高尚雅緻，燈光柔和， 寬敞舒適，落地玻璃飽覽維港景色，步出露台180度維港景緻， 更是盡入眼簾，香港真是太美了!鮮椒海鮮匯$138~海鮮方面有帶子，蝦和墨魚，非常鮮甜爽口，再配上葱， 蒜粒、紅椒，西芹粒和麻辣帶酸的醬汁，真的非常開胃惹味，作為前菜小食非常合適。雲腿菜芯燉花膠$188/位~天氣乾燥，飲番碗花膠燉湯真是最滋潤不過。材料有花膠筒，金華火腿和白菜芯，湯頭十分清和甜，花膠筒口感腍滑，膠質豐富，好滋補啊!宮保蝦球$268~蝦球都幾大隻，肉質彈牙爽脆，味道集麻，辣，酸，甜於一身，好惹味!伴碟還有大葱，蒜，腰果和西芹。脆皮蔥油炸子雞$288~以新鮮雞油泡而成， 工序繁複，雞皮炸得又薄又脆，肉質嫩滑鮮味，肉汁豐富，非常美味!酸菜桂魚$428~以2斤幾新鮮桂花魚起肉，再加入芽菜酸菜和萵筍，湯汁酸酸辣辣，胡椒味頗濃郁。因以比較大條的桂花魚起肉，所以肉質較爽脆，皮的膠實亦豐富，好彈牙，正!鮮炒時菜$128~白菜非常爽甜，份量亦多，清炒

今天慶㊗️ anniversary, 搵間靚靚餐廳嘆吓，老公仔又鍾意食辣所以就揀咗呢一度。呢度入到黎真係好靚，好舒服，全落地玻璃望住維港。 座位非常之闊落。 裝修非常之高雅，一入嚟就知道係高級餐廳。但係睇吓餐牌價錢又唔算10分高昂，尤其是泡椒蒜香龍蝦🦞， $3xx 全隻龍蝦其實非常抵食。龍蝦肉鮮甜彈牙，唔算好辣。鮮椒海鮮匯， 呢款前菜非常開胃少少酸小小辣，各樣海鮮都有非常豐富。宮保蝦球份量都唔少，蝦肉超級爽口彈牙。 紅燒王子鴿皮脆肉亂，鴨肉juicy, 龍蝦之外呢一個係我首選。

六點後病毒出沒 唯有同朋友中午食個景色飯開心一下 總括所有野食俾其他川菜相比較鹹同油，水煮魚配油麥菜真係好似飲緊啲油落肚同吸哂啲鹹味，好難入口。最好食既菜竟然係牛肋條，入口好腍油脂都平均。 但每道菜分量無眼見多。最後可以食返個紅糖糍粑中和下因為真係好鹹值得讚既係有部份菜式設計為一人分量， 例如擔擔麵，疫情咁嚴重的情況下大家唔使分來分去露枱bar位相對較chill，可以望到海景， 可惜限聚令下未有機會enjoy下。相對服務而言，各員工都nice好服務， 但係編排位置上可以再好啲，有改善空間。

餐廳充滿中式宮庭感覺，華麗的裝潢，樓底極高，以蓮蓬吊燈及素竹屏風點綴，風雅脫俗，坐擁醉人海景，典雅十足。由前菜到甜品，每款擺碟優雅別緻，令人食慾大開。鮮椒海鮮匯 $138是馳名的成都開胃涼菜，用上傳統醬汁和多種辛辣蔬菜熬成: 醬油、醋、辣椒和韮菜等，泡製不一樣的海鮮風味。選用緬甸白蝦、南澳帶子及和迷你八爪魚，白蝦爽滑彈牙，吸收了醋汁，微酸泛辣，鮮味加倍提升。帶子綿潤且厚，醬油香中沁出麻香，提振食慾。 宮保蝦球 $268宮保蝦球擺盤精緻，色澤赤紅明亮，讓人垂涎欲滴。蝦球被醬汁包裹著，以花椒慢炒烹出香味，再放入蔥、姜、蒜等爆香，是魅力四射的配搭。蝦球結實、彈牙，非常新鮮，經過油泡後，口感更爽脆，酸甜芳香，微辣宜人。即使平時我不愛辣，也喜歡這份甜中有辣! 腰果炸後金黃色，酥脆十足，今人回味。香煎蓮藕餅 $168蓮藕餅煎至兩面金黃焦脆，薄脆蓮藕片夾合著肉餅，豬肉味香濃油潤，加上蔥花調味，有家的感覺。爽脆中帶肉香，清新而不滯膩。瑤柱海鮮豆腐羹 $88/位豆腐羹香甜，拌勻一絲絲雪白的瑤柱，令人胃口大開。瑤柱的鮮甜都滲進豆腐中，豆腐滑嫩、順喉，純樸豆香中帶鮮味，清新吸引。 頭抽乾炒牛河 $138即叫

中午12點嚟靜靜哋，坐得好舒服，雖然走高檔路線，裝修和餐桌佈置都係冇乜特別。先開一壺茶，剩係得香片，冇其他可以揀。硬食一小碟酸醋蘿蔔，成為$25，又冇乜特別，其實呢啲咁傳統港式酒樓嘅硬食做法，今時今日應該改變下⋯⋯Menu都幾厚，好多款式，有辣有唔辣，兩個人點左六碟菜，經理都已經俾咗個signal我話夠囉。 上菜好似變魔術咁，轉個頭已經係咁一碟一碟係咁上，失望嘅係第一碟先上咗亁鍋茶樹菇，而唔係另外兩碟前菜，不過茶樹菇炒得又靚又香，油係多咗少少，不過我都覺得好好食。前菜方面，鮮椒海鮮滙比較突出，面頭嘅鮮椒切得好幼細，汁調校得好好，冇蓋過海鮮嘅鮮味，係一個幾出色嘅冷盤前菜。 主菜方面，每樣都做得甚有水準，可見廚師嘅功架，宮保蝦球炸粉唔會太厚，乳鴿醃得好香，又嫩又脆，炸得好乾身，酸菜鮭魚，肉滑，夠份量，不過湯底偏鹹，所以飲唔到啲湯囉！感覺有啲浪費，走嘅時候經理問到都有同佢哋反映，其實呢度食物大致上對本人來講都比較偏鹹，但係整體上食物真係做得出色。服務都殷勤友善，只不過係上菜上得真係太趕，又想趁熱食，有啲壓迫咁，共坐咗50分鐘就完成咗一頓豐富嘅午餐囉！因為用app book，所以覺得有點兒超值

K11呢個新商場真係好靚，爸媽第一次黎，就book左呢間中菜同佢地食，因為仲可以望到海景裝修得好靚好西式，仲有吧枱，但原來食中菜，呢種反差我好中意！燈光又浪漫，同情人黎食都好值得！我叫左個涼菜鮮椒海鮮匯，酸酸辣辣，侍應介紹原來單單個汁就用左二十種新鮮辣椒蔬菜熬制，難怪味道好獨特，加埋我中意既海鮮（南澳帶子、緬甸白蝦及和迷你八爪魚），個底仲有萵筍，爽脆入味啊！然後係蒜蓉蒸蟶子，有四大條，好新鮮，蟶子好肥美，唔會有沙，上面d粉絲索晒所有汁嘅精華，海鮮迷一定要叫！話明我係海鮮迷，見到宮保蝦球當然要叫，蝦球係緬甸香蝦，肉質鮮甜爽脆，總共8大件，好大隻！味道少少接近咕嚕肉，但唔酸，反而係甜辣，配上辣椒同乾花椒，炸好蝦球後配上醬汁，好開胃，出面好少食到，連腰果都好香脆。最後叫左個回鍋肉炒飯，粒粒分明，好多回鍋肉係面頭，自己可以撈均，就會更入味，唔辣的，但好香，會令人引唔住一碗接一碗食，分量都唔少。最後當然要食碗甜品先完滿意，出面d冰粉只有黑糖，但呢間餐廳d冰粉有好多料，除左底有黑糖，仲有山渣、提子、花生！冰粉仲唔會好唏，所以好有口感，要一人一碗先滿足.總結係一定會回頭，價錢以呢個景呢個食物質素，加

今日跟客戶在K11 Musea 品嚐川菜餐廳的環境真的很屈機，落地玻璃對著維多利亞港！而且室內設計別緻，用中式荷葉為題，以大自然的顏色加上柔和出色的燈光配合出型格設計組合，坐椅也十分寬闊舒適，商務接洽一流。餐廳內設有酒吧，想必沒有疫情下，可以坐上吧枱跟調酒師chit chat一番鮮椒海鮮匯 ($138) 這道菜很開胃哦~ 新鮮爽滑的南澳帶子、緬甸白蝦及和迷你八爪魚，用上了薑蔥、麻油、豉油、醋、辣椒和韮菜調製，感覺似川菜跟粵菜crossover, 有點微辣又能把海鮮的鮮味提升。泡椒蒜香龍蝦 ($488 /1)超愛這道菜! 龍蝦的肉質很爽實，餐廳已經幫助開件，很方便食用爆出蒜泥香味而不感覺油膩，而我很欣賞大廚在節瓜上放上龍蝦肉，再澆上蒜泥汁，層次分明、齒頰留香，應該是這餐廳必食系列吧乾鍋田雞腿 ($160)很喜歡這道菜！喜歡吃田雞的人真的要試！田雞應該是爆過鍋走了油，上面包了一層好像四川BBQ獨有的孜然粉及五香粉等, 外層香脆，肉質細嫩，麻辣鮮香。乾鍋的特點是口味麻辣鮮香，慢慢煸炒入味的乾香的滋味非常誘人，光是聞著那個味就會讓唾延三尺，孜然味濃而不太辣。碧綠脆瓜北寄貝 ($138)用熱水淥

嚟過K11 Musea都知道呢個商場格調高，充滿藝術感，所以呢度嘅食肆都有返咁上下水平，今晚有幸黎蜀客食飯，梗係要好好享受下。黎之前睇食評知道佢有個無敵大海景，不過今晚嚟到已經俾人坐咗個張枱，唯有食完飯臨走去觀賞下啦，如果真係可以坐喺度望住個海食，真係成件事浪漫十倍啊！其他位置冇海景，不過都坐得好舒服，張枱之間有一定距離，地方相當寬闊。晚市除咗散叫，都有二人餐和四人餐等等，二人套餐有四款，雖然呢度係食川菜，不過都有一個餐冇乜辣嘅菜，我哋就揀咗呢個每位$468 （加一），由頭到尾一共有十道菜，相當豐富，雖然價錢係每位計，不過基本上都係一碟碟咁上，除咗湯和麵。頭盤有椒鹽豆腐粒、頭抽珍菌和韮香桃仁，豆腐粒外面香口、裏面軟滑，豆腐本身味淡，不過外面有啲椒鹽未，平衡得啱啱好，呢個相當好味。頭抽珍菌相對豆腐就濃味得多，有唔同嘅菌類，非常惹味可口。至於個合桃都做得唔錯，對於我呢啲本身唔係好鍾意食合桃嘅人，都覺得佢味道OK，韭菜味唔會好濃烈，食落清清地但係又有咬口，係幾好嘅頭盤。今晚嘅湯係淮杞響螺燉老雞，相當足火候，每款都有淮山杞子螺肉和雞腳等，熱辣辣好好味。拎個四個熱葷包括蔥爆鮮蝦球、魚肚伴菜心、京

今日同朋友嚟咗蜀客食飯，地方好寛敞舒適，係放鬆傾計嘅好地方。嘢食方面，食材優質新鮮，廚師手勢都好到家。雖然係川菜，但辣度調整到香港人完全食得到，唔使怕辣。呢個泡海鮮有我最愛嘅帶子、八爪魚及蝦，八爪魚彈牙鮮味，蝦都係鮮甜彈牙，少少辣，一般香港人都食到，還有爽口的西芹片，中和一下。宮保蝦球：大大個蝦球十分彈牙，醬汁非常濃烈又帶少點麻感，好鍾意呢個，十分推介。呢個椒鹽豆腐材料簡單，但絕對考功夫，炸得一啲都唔熱氣，外脆內滑，十分抵讚。魚肚伴菜芯，我地當花膠咁食，大大片，仲淆到入晒味，一啲腥味都冇。響螺敦雞湯，真材實料，清甜，有啖啖螺肉，熱熱哋飲落肚最滿足。京蔥蒜牛肉都係比較濃味。鮮蘆荀大棵但嫩，用上湯淆到入味，幾清新。整體感覺都非常好，服務到位，味道一流！值得再黎。

之前跟內子逛K11Musea看見此餐廳裝修漂亮，心中想着有機會可以來試一試。今日突然心血來潮想到吃午餐，一如所料欣圖軒冇位，不久之前又試了夜上海，於是終於來了。目測餐廳內所有枱應該都看到海景，裝修也相當不俗，環境方面滿分無懸念。接着接待員拿來餐牌，卻看不見在餐廳門口看到的午餐餐牌，於是詢問午餐餐牌，拿來後說了兩次其他套餐抵食啲。其實午餐餐牌同普通套餐餐牌價錢相差甚遠，當然吃的東西並不一樣，但是滿滿hard sell的感覺。最後開了茶、點了午市「快餐」套餐：開茶只有香片一個選擇，但係茶葉好香，內子讚好👏。前菜有青椒皮蛋、四川口水雞，兩樣都唔錯，皮蛋是流心👍，份量不大，作為前菜是可以的。主食就點了四川牛肉麵及牛肉綿羊米粉，名字不一樣不過湯底及肉是一樣，論味道沒甚麼特別，綿羊米粉比想像中口感比較焾，不是筆者杯茶。甜品就點了冰粉及芝麻湯圓，冰粉唔算特別，芝麻湯圓反而有點驚喜，都算唔錯。直至到呢一刻筆者覺得總括來說是不過不失，味道方面算是不錯，餐廳環境也不錯，只是hard sell情況比較令客人不舒服。想不到去到埋單的時候，總數為$288，計埋加一差不多，就給信用卡支付。但是回來簽名的時候，總數