蝦棧 (已搬遷) 新店位置

入到嚟感覺呢度好舒服，佈置同坐位都有家嘅感覺😝 之後我地嗌左避風塘蝦、羽衣甘藍、麻油雞，全部都好滋味，好想再去食呀！避風塘蝦（呢個味原來係香港限定）有濃濃嘅蒜香味，加上啲蝦大大隻，真係好滿足😋特別鍾意羽衣甘藍呢個菜，最好奇心驅使下而且好少地方有呢道菜㗎，加埋用枸杞煮，加上少少蒜蓉帶起羽衣甘藍嘅味道，又煮得入味，羽衣甘藍索晒啲蒜汁，加上煮嘅時間啱啱好，唔會太淋又保留少少咬口，滋味又健康。小食：「香煎麻油黑白卷」剛炸起熱辣辣的，白是普通魷魚，黑是加了墨汁既，特別香口又真係未食過，好有驚喜！最後上嘅係「黑麻油雞」，煮得好入味，薰香撲鼻！拌飯一流😋😋😋食到好飽好飽，好滿足，每道菜都係誠意之作，職員好有禮貌，好想返去再食🍴

上星期去了太子和朋友食飯, 路經一間食"蝦"既鋪頭, 店名叫"蝦棧"覺得好特別!因為它們的鋪面放了大大的魚缸, 入面放左好多大蝦啲蝦隻隻都大大隻,而且好生猛又精靈心想一定要找機會試試終於尋日有機會試啦~表哥係美國回來, 咁佢請客, 梗係帶佢去食啲新野啦! 黎呢度都係想食生猛靚蝦! 叫左個避風塘蝦- 炒蒜極之惹味! 蝦是超級大隻, 肉質好爽好彈!!!惹味既炒蒜黏在生猛靚蝦度, 一煲有6-7只大蝦, 百來二百元我覺得好抵! 另外叫左個魯肉鮮蝦湯米都好好好好食!!!! 魯肉好香好滑, 咪睇少佢係肉碎但一啲都唔鞋!湯底好鮮味, 米粉都好有彈性, 再加上一隻大大的蝦, 以hkd 68來說, 真係好值得一試~我下次又去食先~黑白卷- 呢個都好好食呀!!! 黑白是指尤魚和墨魚, 內層釀滿又脆又香口又惹味既墨魚/尤魚, 入面仲有好多墨魚粒, 好有口感!! 外皮用上腐皮來炸, 炸得相當香脆, 而且入口又唔肥膩, 一炸好就上桌, 熱辣辣香噴噴又脆卜卜, 不能不食! 最後點左個菠蘿雪芭- 原個小小菠蘿上桌, 可愛度滿分!! 打開菠蘿蓋, 內有好新鮮既雪芭~~雪芭味道不會太酸, 口感相當清新,

每次去親台灣，我都好鍾意食胡椒蝦，果種胡椒香同辣勁，真係連續食幾隻都得。原來太子開左間以台式蝦煲做主打嘅餐廳：蝦棧。重點當然要食蝦啦，眾多口味之中，我就揀左胡椒蝦（$188）。真係每隻蝦都有蝦膏，而且勁入味，既有辣度亦有胡椒香，拍得住台灣質素！正！台式香腸（$88）有墨汁、原味同蒜味香腸三款，仲有生蒜片，一齊食好味d! 蒜蓉高麗菜（$78）蒜蓉同杞子下鍋同高麗菜一齊炒，估唔到係香甜而又有蒜香架wor!香煎墨魚黑白卷（$98）有落墨魚汁就係黑色，冇落墨魚汁就係白色，無論黑色白色，都好彈牙喔！油鹽水北寄貝（$128）北寄貝唔係好大隻，但好鮮味！咬一口就爆晒汁！個湯似胡椒湯，辣辣地勁惹味，冬天飲完暖晒胃！薄荷檸檬梳打（$38）

雞煲嚟到香港之後，大受歡迎，唔少食肆都在天氣凍時供應雞煲。幾個月前，一家以蝦煲為主的餐廳落戶太子，食過嘅人都讚。餐廳位置唔算旺，附近店舖客人都唔多。不過，我發現到訪當日，即使是11月頭的星期一晚上，也有唔少客人專程去食。看來，除了雞煲，今次蝦煲有看頭了！蝦煲是用大頭蝦，在店外已經看到餐廳的魚缸內的生猛大頭蝦，據說大頭蝦難養，只能活一兩日，所以需要每日入貨。要好味，更加要即劏即煮，客人下單後才撈起，夠曬新鮮好味！ 雖然餐廳為了迎合香港人口味，推出香港地區限定的避風塘蝦及鹹蛋黃蝦，不過我們都覺得要嘗原始的寶島味道，所以堅持選了「胡椒蝦」。另外亦點了其他小菜，如一口炸豆腐、黑白卷、樹子冰菜和菠蘿雪葩作甜品。 胡椒蝦 $188一上檯，未開蓋，已經聞到好濃胡椒味。一開蓋，胡椒味勁「攻」鼻，賣相都十級靚同吸引，真的沒想過吃蝦都能有這種驚喜。 原煲上檯的胡椒蝦有8大隻，每一隻都差不多有手掌咁大，一睇就知啖啖肉。一拎起，胡椒味勁香，蝦殼都已經好搶味，正！摵開殼，見到勁多蝦膏，蝦肉實正，食落爽口彈牙又鮮甜多汁，係我食嘅最惹味嘅大頭蝦。 今次第一次食胡椒蝦，食完之後真係發現原來胡椒味同蝦原來好夾！男朋友見

由細到大都好鍾意食蝦，唔少朋友仔都知道。所以今次個朋友就帶咗我去太子一間以蝦為主題的餐廳。睇嚟係年輕人開的小店，門面都幾有特色。一推門就會見到有個大魚缸，裏邊係清一色的蝦、蝦、蝦！座位都幾新淨企理，一坐低店員亦馬上奉上紫薯酥作前菜。原來佢哋係以蝦作乾鍋，乾鍋口味有成十幾款，目不暇給。朋友仔話最好食係奶油蝦同埋鹹蛋蝦，但我就想試吓新野，揀咗避風塘蝦。蝦鍋一上枱嚇親我哋，原來係成個煲湯煲咁大，唔好以為係煲仔菜嗰種煲仔。八隻大蝦整齊排列，全部都都均勻地沾上醬料，一入口好惹味。再咬落去，就是蝦的鮮味，大頭蝦仲有唔少蝦膏添！一場黎到食台灣菜，少不免滷肉飯同青菜。兩樣小菜的份量都唔細。醉雞卷都幾有驚喜，唔知點解佢哋可以做到無骨的效果，啖啖肉令人好滿足。醉雞的酒味夠香夠濃，雞髀亦有雞味，唯一不足係質感稍為硬左少少。最後亦有一個精彩環節，就係我最鍾意的番薯雪糕。番薯雪糕味濃，好似成隻番薯食入口咁，總唔會令我失望。估唔到呢間小店都有得食。我亦試咗一款新味道，就係南瓜雪糕。南瓜雪糕的size驚人，努力左15分鐘都唔能夠完成，建議搵多個朋友仔分享。

最鐘意就係食海鮮啦！朋友介紹話太子有間食蝦煲既，決定要一試一黎嗌住d小食先，溏心蛋，切開一半上，蛋黃入味，仲有少少流心效果台灣香腸，切到一片片，有兩種味道，香口惹味，好有台灣既風味，係配啤酒既好小食醉雞捲，賣相好精緻，一上菜已經聞到好香嘅酒味，雞卷做到好結實，但咬落去雞肉仲好滑，味道唔會話太濃郁，仲食到好香嘅酒味終於到咗主角出場啦，佢依度蝦煲下都有好多選擇，花多眼亂，我同朋友最後決定叫咗奶油味，每隻蝦都好新鮮大隻，真材實料，奶油醬汁加左好多洋蔥令佢更香，兩個人食一煲啱啱好最後甜品嗌左椰子雪糕同埋菠蘿雪芭，兩樣都好好味，特別係菠蘿好清甜，食多兩個都冇問題！

朋友介紹有間喺花園街近界限街，食大頭蝦菜式嘅舖頭，揸車都好方便，因為呢度相對旺角靜，附近都有好多咪錶位，店外裝修以藍白色為主，喺呢條街都幾突出幾鮮明，而且睇到水族箱入面全部都有大頭蝦，隻隻都好生猛！餐牌頭版主要係大頭蝦鍋，有好多味道選擇，而我地揀咗胡椒蝦，醉雞卷，麻辣臭豆腐黑椒牛肋骨，大腸面線，麻辣雲耳。店員隨即就係水族箱內將啲大蝦逐隻撈起，跳跳扎，就拎入廚房lu。先上嘅係冷盤醉雞卷同麻辣雲耳，聞到好濃厚的花雕味，仲有鼓寒氣添，雞肉入晒味，而且仲係雞髀肉，慢慢品嘗就會越食越香花雕酒味，而雲耳夠新鮮夠爽口，幾醒神。麻辣臭豆腐，呢個鍋味道似曾相識，內裏有凍豆腐豬紅等，臭豆腐配合埋呢個麻辣湯，其實真係好啱重口味嘅我。跟住就嚟主角上枱了，大蝦烈陣排好，整隻外殼已經沾上胡椒汁，超級香，蝦頭膏勁正，因為熟度啱啱好，肉質極嫩滑，估計火喉控制非常講究，呢個蝦果然無介紹錯。黑椒牛肋骨入味得非常，其實又係白飯嘅好拍擋。奈何叫咗大腸面線，只好講好食過台灣阿x，可能因為其他餸都比較濃味，但依然食到面線同大腸保持應有水準。呢度嘅蝦肉鮮味十足，仲有咁多款煮法，有機會下次又可以試下其他味。

今晚同朋友慶祝生日，搵左間專門吃蝦嘅餐廳吃佢至愛嘅蝦蝦蝦。蝦棧，就等我地試下佢有幾棧先！一入門口，就見到個水缸，嘩! 好多蝦，好生猛呀! 唔好意思我地要食你喇!一坐底，就有驚喜喎。老闆送左碟小食比我地，餐前小食，一般都係凍冰冰，但係呢碟係熱辣辣，新鮮炸起嘅一口紫薯酥細細粒，外面脆，裡面煙煙靱靱，唔錯嘅前菜！一路食一路點餐！麻辣雲耳小麻辣，麻味夠香，雲耳爽脆，個麻味好特別好驚喜!一口炸豆腐見隔離幾枱都食緊，咁就梗係試下啦，外層脆卜卜，中間keep到夠滑！本身炸豆腐調味較淡，個人比較鍾意食鹹，嘗試唔點汁，加少少鹽，好香口跟埋個甜醬汁，味道好夾喎！醉雞卷呢個必食，酒味香濃，啖啖肉，中間夾雜少少軟骨,好有啖口，食一碟係唔夠喉! 羽衣甘藍做沙律就食得多，蒜炒原來都係唔錯嘅選擇蝦主打嘅蝦，有成10款，最後投票揀左鹹蛋黃丶避風塘。鹹蛋黃個汁，加埋D蝦膏好邪惡，但又真係同個蝦好夾喎。D汁同蛋黃仲可以撈飯食，好邪惡，好好味呀！避風塘蝦就濕左少少，無想像咁香口，味道唔錯，如果可以乾身啲就不得了喇！今晚餐飯實在太豐富喇，我地食到Lam Lam 脷，朋友都話好滿意！明天又要努力做運動喇！

平時同朋友食飯，唔係日本野就係泰國嘢，再唔係就西餐，食得多都悶悶地，難得今次朋友搵到間新野，話係食蝦煲一於試吓。醉雞捲，好香酒味，唔會太甜，雞皮好薄，所以食落唔會好肥膩。台灣腸拼盤，一款係墨魚腸，令一款就係平時食開嘅台灣腸，墨魚腸幾好食。食台灣野，要整返隻糖心蛋做前菜，蛋黃做到流心效果，都幾入味。到主角蝦煲出場喇！蝦煲都有幾多款式，花多眼亂，最後決定試奶油蝦煲！分量用重量計算，今次就有八隻蝦。每隻蝦都幾大隻，而且蝦膏好香，奶油味都好出色，除咗蝦之外，襯底嘅洋蔥都好有奶油香，好好食👍🏼除咗蝦煲之外，呢度嘅甜品都幾特別，我哋就叫咗個菠蘿雪芭同埋椰子雪糕，分別用菠蘿同埋椰子殼上。菠蘿雪芭好清新，椰子雪糕就幾重奶味，兩樣我都幾鍾意食。

其實我知老爸很喜歡吃蝦，但因老媽不能吃蝦，他一人吃得幾多呀！？又唔想老媽有得睇無得吃，所以他較少機會吃，要忍口！最好時機就是等全家人回家吃飯，他便會買斤蝦灼下，不過...要約齊一家人回家就難啲，諗諗下...真係有點不孝！為了氹返他（其實老人家就好似小朋友，係要氹，哈！）決定今晚帶他去一間主打蝦煲的小店撑枱腳。小店主打食蝦，而logo就是一隻可愛的大蝦，很具代表性。趟門而入，便看兩大個蝦缸，養着很多隻又肥大又生猛的鮮蝦，看來今晚可大飽口福。店子裝潢簡約平實，牆身只掛了幾幅菜式相片，並不花巧。地方不大，預設有了四張二人枱、四張四人枱和一張六人枱，座位不多，但擺放得整齊企理，都坐得幾舒適。看看餐牌，選擇不算多，共有八大類，分別有蝦類、肉類、飯麵類、小食、鍋物、時蔬、甜品和飲品，每類都有幾個選擇，當然蝦類是最多款式可揀。******************************一安坐後，店員便隨即送上餐前小食，仲話是今日才開始實行送贈，真好運，哈！是日是炸紫薯波 ($0)，雖是免費，但也毫不吝嗇，一客有六小粒，份量都不少，還要挺美味。每粒紫薯波 圓碌碌，炸得乾身，吃落完全沒有油膩感，還要外脆

說到大頭蝦我的first impression其實是泰國，於香港甚少餐廳會有大頭蝦相關的菜式。來蝦棧的主要原因是吃大頭蝦，但卻得知晴天霹靂的消息，蝦已售罄。一場來到，唯有硬著頭皮照吃吧。醉雞卷 ($88): 以我所知的做法便是以雞髀扒捲錫紙再以牙籤定型，花雕酒味夠濃，雞卷入味，雖然味道不錯，但肉質稍欠滑嫩。香煎墨魚黑白卷 ($98): 一種煮法，兩種口味，腐皮香脆不油膩，墨肉爽彈但味稍淡，沾甜酸醬剛好。北寄貝: 鮮甜而多汁，乾淨無沙，一絲不掛，雖然無多餘調味，但光是鮮味已足夠。薄荷柚子梳打 ($38): 雖然只是普通柚子蜜加梳打水及薄荷葉，但整體配搭蠻不錯，幾refreshing蕃薯雪糕 ($68): 未吃過的都應該加以淺嘗，雪糕的蕃薯味香甜而不會過於甜膩，相當可口，最後連蕃薯肉都可以食埋。

友人特愛吃蝦， 為了他的生日， 我在網上左找右找， 居然給我找到了這家吃蝦的專門店！ 蝦棧就在太子， 地理位置非常便利， 主打來自台灣的蝦煲與各種台式料理。 甫進店便看見大大的「蝦缸」， 一隻隻大頭蝦尺寸不小！ 店裡的招牌蝦煲都是從缸中即撈即煮， 保證新鮮！ 店面不算大， 白牆身配木桌感覺溫馨。 十來桌7點多都已滿座， 好受歡迎！ 餐牌設計寫實與可愛並存， 食物由小食到蝦煲、肉類、飯、時蔬、鍋物等一應俱全， 連甜品跟特飲都有提供， 一條龍服務。 墨魚黑白卷煎得金黃， 分別用上墨汁墨魚滑跟淨墨魚滑， 表面香脆，裡面的墨魚滑超彈牙， 趁熱吃墨魚味更濃！ 台式香腸有墨魚腸跟豬肉腸兩款， 豬肉腸香甜有肉汁， 墨魚腸裡面有粒粒墨魚鮮味十足， 配蒜片一起吃辣辣的惹味又下飯。 蝦煲款式有十款之多， 最後選了椒鹽蝦， 即點即製上桌時還冒著熱氣， 椒鹽香慢慢散發， 令人食指大動~ 肥美大蝦頭部藏有不少蝦膏， 雪白蝦肉鮮嫩滑溜不會「死實實」， 火候控制得恰到好處。 吸啜蝦頭時也會吃到沾在殼上的椒鹽， 友人說這蝦咸香熱辣得連咀也麻了， 還是忍不住一隻接一隻的吃， 吃貨萬歲！ 吃完椒鹽蝦急需解辣， 薄荷柚子梳

去完花墟就與朋友在附近揾食，見到放了大頭蝦的水缸，幾特別，蝦是即撈即煮，能食到真正很新鮮的蝦。前菜我們點了麻辣雲耳，因為朋友前幾日捐了血，說雲耳能補充鐵質。麻辣香味十分開胃，雲耳爽口又不會太辣。溏心滷蛋，滷水味重，入味，推介。 一口炸豆腐配以甜醬。大大件，皮脆，豆腐很重豆味，質地很結實之餘食落竟然有點似魚蛋或魚腐。樹子冰菜，用了蒜頭來炒，其實第一次食冰菜，一直以為只可以生食，原來炒了都仍然十分新鮮爽脆，質感很得意，樹子則有點似梅，其實兩種食材都是第一次接觸，店員說冰菜可降三高，是健康可口的一道美食。葱油雞好味推介！炸了的蒜和葱淋在雞上，雞的肉質嫩滑，十分入味，而汁則帶甜，我們點了半隻，但因為太好味決定食清碟不留來打包。主角胡椒蝦十分香胡椒味，蝦身細，但蝦頭大而且頭內的蝦膏勁多，而且甜而香滑，應該是因為新鮮的原故，蝦肉很彈牙。甜品控的我點了賣相很靚的南瓜雪糕，相機食先，南瓜味重，好味！蕃薯雪糕則有淡淡的甜薯味，幾得意。

I have been looking forward to this restaurant since I saw all these different prawn dishes.As well as prawns, they serve other Taiwanese fare as well.Ordered the chili and lime prawns because the pairing of chili and lime never fail.The taste was fiery with a tangy lime flavour which had a Thai twist to it.Next were healthy kale cooked with garlic and wolfberries.They pretty much taste like Chinese kale but with more leafy parts.As a stinky tofu lover, I ordered the spicy stinky tofu with blood

老公好鍾意食蝦，佢朋友知佢鍾意食蝦介紹佢食呢間蝦棧😆我地趁今日放工過花虛揀植物，順便去食個晚餐。一入餐廳就見到個缸養住好多大大只既蝦😆餐廳吾算大，但都光鮮企理👍🏻。我地揀左輪之後揀左個小食拼盤店員話今日既小食拼盤轉左做滷水雞腳，雞腎同糖心蛋雞腳滷得夠入味，雞腎好爽口👍🏻話明蝦專門店，蝦既煮法有好多種，老公咁鍾意食蝦，我由佢發板，佢都揀左陣😅佢最後揀左特別d既奶油蝦，因為我地都未食過👀呢個系原鍋上個，保持到個溫度，一放上台已聞到好香奶油香😍蝦都算大條，而且好細心見到蝦身開左刀，應該系清理左條蝦腸同可以入味d👍🏻蝦肉爽口，撈埋個汁，一流！我地忍吾住叫左碗白飯撈曬d汁來食🙈🙈😆炒油麥菜炒得夠爽口，而且吾似平時果d咁油，可能因為不是用豆豉鯪魚炒的原因。黑麻油雞煲呢個又系原鍋上，熱辣辣的，感覺好補身😆雞肉算嫩滑有雞味，雞件份量都好多，但如果麻油味再重d就重正啦😊。菠蘿雪芭造型夠特別，都有菠蘿味。餐牌