蝦棧 (已搬遷) 新店位置

好少會見到一間用蝦煲做主題的餐廳，我叫做蝦煲，其實係各式各樣不同口味煮法的蝦料理。再加上台灣特式食品，足夠吸引滿場食客。鹹蛋黃蝦($208)6隻大頭蝦都包裹著咸蛋黃芡汁，份量好多所以味道好濃郁，濃味到我地點左一碗白飯，加上咸蛋黃食十分滋味。蝦每隻都好多肉好大隻，而且好新鮮，食啖好鮮味，加上咸蛋黃煮完後更加惹味。小食拼盤($58)小食拼盤有枝豆﹑溏心蛋和麻辣雲耳。個人十分喜歡麻辣雲耳，因為有好香又刺激的花椒油的香味，加上微酸的醋香，味道調得剛好，而又令人十分開胃。糖心滷蛋滷得好入味，食落仲帶有甜味，而且蛋都煮得好滑溜。麻辣臭豆腐($78)雖說是臭豆腐，但一點都唔臭亦唔算太麻，反而係好香滷水味，仲帶有微辣調味更加開胃。臭豆腐食落似凍豆腐質地，將醬汁的香味都吸收晒，好入味。水蜜桃雪葩($68)水蜜桃雪葩是整個都可以食的，將水蜜桃中間挖空，再加入好豐富足料的水蜜桃雪葩，每啖都十分清甜水蜜桃味道。連果肉都可以食埋。南瓜雪糕($68)可愛的小南瓜中間挖空，又放返濃味的南瓜雪糕落去，食落味道濃到好似用南瓜肉打成的雪糕一樣。食得好滿足既一餐。仲有好多種口味煮法的蝦都仲想試，下次一定會再試下其他款式。

上次係太子酒吧街食飯，看見一間很特別專門賣蝦煲的餐廳，喜歡食海鮮的我一早就決定要一試。這天放假，想不想走太遠，反正這家餐廳在家附近，便決定一試。MENU類種唔算多，主打蝦煲。不過蝦煲的選擇就有好多，每樣都好似好吸引好想試。醉雞卷($88)好精緻的一道菜，望落似係雞脾肉，食落都好滑好香。用上清甜的酒浸住，食落更提起雞的香味。而醉雞卷的杞子亦好清甜，同醉雞卷味道好夾。羽衣甘藍($98)最近好流行食羽衣甘藍，不過我都是第一次食，食落質地好粗身，但菜味很香。而且加上杞子同蒜蓉去炒，味道更加豐富。椒鹽蝦($188)一煲有6隻大頭蝦，加上蒜頭和椒鹽炒得好香。把蝦頭打開，每隻蝦都有滿滿的蝦膏。肉質食落好結實彈牙，加上椒鹽的香味十分惹味。不要以為6隻蝦份量好小，因為每隻都好大好多肉，加上蝦煲的椒鹽醬汁實在很適合伴飯食，所以2個人分其實都好足夠。魯肉飯($58)魯肉飯還配上半隻滷蛋，魯肉煮得好香好多汁，伴飯一流。椰子雪糕($58)用椰子殼裝著的椰子雪糕，好滑好香椰子味。芒果雪葩($58)同樣鮮甜芒果味，又估唔到這裡無論雪糕都雪葩都可以做到咁濃郁好味。

星期六咁休閒 喺旺角個頭行完街就決定去太子搵下野食地膽就話我知呢頭有間舖專食蝦 好正架於是我就跟左佢去啦由於時間尚早 所以黎到仲有位！不過我見隔離幾張枱都reserved 所以有興趣既朋友可能都要book定枱呀！眼見佢個魚缸啲蝦咁大隻咁生猛我都急不及待要叫返鍋啦！幾經辛苦 終於決定叫咸蛋黃蝦佢每隻蝦都好入味 又大大隻爽口彈牙好食到連個殼都想吞落肚再黎叫左兩隻溏心蛋 都整得幾好架然後叫左個油麥菜清一清個菜炒得唔錯仲好嫩口！而且仲配埋啲魚仔唔錯架！由於唔想食飯 我地就再叫左個黑麻油雞雞都好滑好嫩好入味 仲食得岀佢好用心拎左酒去辟味野飲方面叫左薄荷梳打 一杯柚子 一杯菠蘿兩杯都唔太甜 好清新架最後甜品方面叫左菠蘿雪葩同椰子雪糕餐廳勁有心思用左菠蘿殻同椰子殻黎裝住椰子雪糕岀面真係好少食 佢做得好滑而且好香！十分推薦大家叫呢個！

近排見到呢間餐廳咁受歡迎 ，一直都好想搵機會試下 。今日約咗朋友去太子附近食 ，我梗係趁機試下啦。蝦棧餐廳環境唔算大 ，但都幾乾淨企理， 坐得幾舒服。我同朋友分別叫咗烏龍茶同火龍果梳打。烏龍茶同平時飲到嘅都冇乜分別， 火龍果梳打就幾特別， 味道唔會特別甜， 有淡淡嘅火龍果同薄荷味， 非常清新。去蝦棧就梗係為咗食蝦煲喇， 喺咁多款口味嘅蝦煲之中， 我哋揀咗呢個鹹蛋黃蝦煲， 貪佢係出面冇咁多地方食得到。 蝦煲嘅蝦非常新鮮同大隻， 蝦頭入面仲有好多蝦膏。 蝦用鹹蛋黃煮成， 蛋黃味都幾重， 食落非常惹味。醉雞卷 已經去咗骨， 賣相非常吸引。 對比起出邊嘅醉雞， 呢度既醉雞酒味較重， 非常入味。台灣場有兩款口味， 紅色嘅就較甜， 應該係蜜糖味， 黑色嘅就應該係墨汁味。 兩款口味各有特色， 夾埋側邊嘅蒜片食，非常有特色。蒜蓉炒高麗菜 非常有鑊氣 ，食落又有淡淡嘅蒜香，送飯一流。食完咁多嘢食 ，就梗係唔少得飯後甜點啦 。呢度既甜品都幾特別 ， 都係以生果為主題， 我哋就分別叫咗 柚子雪葩 同椰子雪糕。有啲雪葩食落酸酸咪咪咁， 味道好真實， 但係分量就較少， 有啲唔抵食。椰子味雪糕有好香嘅椰奶味， 味

朋友介紹下得知太子有間專門食蝦既鋪頭，就過黎試下啦！叫左2個蝦煲，奶油蝦同咸蛋蝦，極推薦咸蛋蝦！好入味，仲有好多咸蛋碎！奶奶蝦亦好香台灣香腸，有原味同墨魚，比較特別最吸引既係飯後甜品- 番薯雪糕，番薯味好重 好似食緊一個真既番薯咁😇臨走前經過個魚缸，原來呢到既蝦係即叫即係缸到拎出黎，好新鮮！

之前看電視得知 這邊開了一間台式蝦煲專門店 難得在花墟買完花，就特意過來試試看 餐牌相信最吸引就是蝦煲，口味選擇也多有胡椒蝦、奶油蝦，檸檬辣蝦、椒鹽蝦、麻油蝦、三杯蝦 酸辣蝦、鹽焗蝦連香港限定口味避風塘蝦跟鹹蛋黃蝦也有 另有不少小食跟鍋物蒜蓉高麗菜，清脆爽口很有媽媽的味道非常期待的胡椒蝦即撈即煮，非常新鮮煲內共有六隻大頭蝦，胡椒味香濃蝦肉鮮甜彈牙，很惹味 不過一客只有六隻，覺得不便宜每次見到台式香腸都會忍不住點想不到會有墨魚腸，中間帶點墨魚粒，以蒜片夾著一起吃沒有不好食的理由醉雞卷酒味很濃，濃到帶點苦味 重點是雞肉不夠滑嫩這個有點失望服務員雖然忙，但也非常有禮跟帶笑容更不時過來加水~太子花園街233-235號偉雄大廈地下A舖

✿╮❤╭✿ ✿雜感女生 好味日記✿ ˚*•✰。蝦棧．吃蝦兵團。✰•*˚ ✿✿舌尖上的太子✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 朋友深知我是作為海鮮重度沉迷者 告訴我最近，太子開了一家專門吃蝦的店子 深入小巷中尋找，於大路旁出現 自家有養蝦大缸，蝦子新鮮活潑 脆炸黑白卷 亦即是黑白墨魚卷，黑白兩款顏色 包括了墨汁墨魚滑和淨墨魚滑，兩者都擁有香脆的外層，入口鬆化 內裡的墨魚滑而彈牙，配上泰式辣醬，爽！ 奶油蝦 一鍋8隻，大大的頭，香香的膏 入口見殼肉分離易，還特別界開了蝦身 令奶油的香氣深入蝦肉，香嫩鮮甜 底層的洋蔥更是精華，不可錯過，最香濃最入味 醉雞卷 醉雞卷的花彫香氣濃郁，味道香香的 作為一道家常冷盤，特別甘醇可口 羽衣甘藍 想不到這裡還有超級食物，羽衣甘藍 自從在日式食店吃過後念念不忘 因為口感脆脆的，而且有豐富的抗氧化營養素，維他命A、C、鈣質、纖維 店家以上湯烚出鮮甜味，特別爽脆，很適合養生之士 柚子雪葩+菠蘿雪葩 一定必試！超新鮮，充滿鮮甜的果汁 每一口都像吃水果一般，入口即融，透心

太子食新餐廳， 見到門口已經有個大缸，養滿曬大頭蝦，真係要食餐勁嘅。先黎胡椒蝦， 一鍋六隻，睇住師傅喺個缸到拎上嚟， 新鮮度滿分， 上枱熱辣辣，胡椒味香濃 ，味道上面層次更加豐富， 大頭蝦蝦膏有夠多，可惜驚膽固醇高， 唔係食多份都仲得。鹽燒豬肋條轉牛仔骨， 同我想像嘅有少少出入，本身以為鹽燒會係比較乾身， 原來都見到仲有汁， 要嚟撈飯一流。一口炸豆腐， 豆腐外表炸到脆卜卜， 食落又唔似平時嘅硬豆腐，八卦一問之下 ，原來係台灣千葉豆腐真係估佢唔到， 味道一流。薄荷柚子梳打， 柚子味香濃， 梳打夠氣，唔係太甜。薄荷火龍果梳打， 最估唔到係用紅火龍果新鮮打汁，酸酸甜甜，超易入口。南瓜豆腐雪糕， 來到上檯已經好吸晴，原個南瓜上， 打開入面咁多雪糕，已經值得嫁，又甜又香又不失豆味，夠晒香濃。

之前聽我朋友話，來太子一間專食蝦嘅餐廳，試過話覺得好好味，今日我同朋友放工過來呢邊食個飯，享受一下Friday night。估唔到食小菜，都咁旺場，果然名不虛傳！入面見內竟然係咁活生生的取材方式！夠新鮮！醉雞卷我朋友一坐低，就馬上睇中左個醉雞卷，聽個名我仲以為係最醉雞外面有層炸皮，好似春卷咁，原來係將醉雞件卷埋，再切好一片片，淡淡酒香，肉雞味軟滑彈牙，而且可能因為啲肉卷實左，中間啲雞肉份外firm，有趙口。糖心滷蛋滷水味幾夠，中間糖心蛋黃，滑溜溜。黑椒牛仔骨本來想食豬肋條，可惜已經賣晒，店員誠意拳拳推介我哋試吓黑椒牛仔骨，反正我哋兩個都幾鍾意食牛仔骨，不妨試吓。上菜時，個賣相係比我想像中靚的，除咗牛仔骨，仲有洋蔥同埋黃色紅色的椒絲，除咗好睇，其實都好好食，因為黑椒味好香，醬汁好夠味，啲椒絲炒到好爽，加左黑椒味，有更加刺激的味道。胡椒蝦引頸以待嘅胡椒蝦終於上菜了！八隻蝦排列得好靚於熱鍋中上枱，胡椒香撲鼻，我哋兩個都唔想沾污隻手，都嘗試用口咬開啲蝦殼食蝦肉，由於蝦殼沾到胡椒同埋醬料嘅成份最多，嗰種胡椒嘅香氣刺激到令人感動的地步！蝦本身好新鮮，啲肉有好夠厚，十分之彈牙。連蝦頭我都唔放過。樹子

睇完唔同媒體介紹，呢間以蝦做主打嘅台式餐廳， 特意跑到太子去試一試。一入門口, 右手面放著一個養著大蝦嘅缸，d 蝦隻隻都生猛，即叫即煮。餐廳唔算大，形狀成長條形，但室雅可需大， 裝修都幾簡潔整齊， 感覺唔錯 。打開份menu，選擇困難症又發作，蝦煲$188 壹個，個個蝦煲都想試，奶油蝦，檸檬蝦 ，胡椒蝦 ，但怕眼闊肚窄，最後點左檸檬蝦。又 order埋在市面餐廳不常見嘅樹子冰菜，再加多杯火龍果梳打。火龍果梳打，火龍果味好出，加上薄荷味清清地，幾好飲下。成晚最期望嘅時刻，主菜檸檬辣蝦 出場，好香蝦味帶埋 清清地既青檸味，D 蝦連殼切開挑埋蝦腸， 有兩隻蝦都幾大，都算多肉 , 浸d蝦肉入d 酸汁, 好好味, 蝦頭仲有蝦膏, 無令我失望。d汁少少辣酸，好正好開胃，真係淨淋汁都食得落碗飯。蝦得6 隻，唔多夠喉，成30 幾蚊一隻蝦都幾貴下。冰菜在香港不常見，樹子更加未見過，簡簡單單的清炒冰菜，像小梅子嘅樹子，特顯出清淡冰菜的脆甜。呢次食唔曬咁多選擇，下次又可以再來食其他口味嘅蝦煲。

每次一提起太子，相信大家第一時間一定會聯想到花墟，不過其實除咗「花」之外，太子都有唔少美食。早幾日睇 TVB 搵食飯團，得知花園街開咗間台式蝦煲專門店「蝦棧」。據說店裡的蝦煲，源自台灣，全部用上大頭蝦入饌，而當中最常見的款式，就包括有胡椒蝦、奶油蝦等。由於未嘗過大頭蝦煲，所以這晚下班後就特意過來一試。拉開趟門，店內地方細小，分成兩個用餐區，近門口處設有三數張四人檯。再往內走，入面空間不大，座位打直排開，以二人方桌為主，感覺有點逼狹。見時間尚早，店裡食客不多，立即揀個靠牆嘅單邊位坐下來。翻開摺頁式嘅餐牌，有蝦類、肉類、飯麵類、小食、鍋物、時蔬、甜品、飲品及特飲，選擇唔算特別豐富，不過蝦煲就有成 10 款，除了先前提過嘅胡椒蝦、奶油蝦外，仲有檸檬辣蝦、麻油蝦、椒鹽蝦、三杯蝦、酸辣蝦、鹽焗蝦，同埋兩款專為香港人而設嘅避風塘蝦和鹹蛋黃蝦。既然一心為吃蝦煲而來，當然要先點個大頭蝦煲，再加幾款台式小菜。趁蝦煲未到，先去近門口嘅養蝦缸細看，隻隻蝦都活生生，而且即撈即煮，未食已先興奮。馬上開餐，先來一客港式限定嘅鹹蛋黃蝦煲 ($208)，煲內共有 8 隻大頭蝦，隻隻蝦都大大隻，外層蝦殼沾滿鹹蛋黃蓉，賣

曾經睇雜誌介紹過呢間餐廳，趁着近日天氣轉涼，就想去食下蝦煲。一入到餐廳，就有一缸新鮮海蝦，坐低左之後聽老闆介紹啲蝦係即叫即捉。我哋叫咗兩個蝦煲，一個奶油蝦，一個鹹蛋黃蝦。奶油蝦煲一上就香氣撲鼻，奶油味極重，有啲似cabonara嘅味道，啲大頭蝦啖啖肉，又入味，連墊底嘅洋蔥都充滿着奶油味。個鹹蛋黃蝦老闆話係香港口味，啲鹹蛋黃茸痴晒係蝦殼上面，食嘅時候可以食到每一啖都有鹹蛋味，非常惹味。我哋仲有叫咗個台式香腸，特別嘅係佢有一種香係墨汁腸，有豬肉乾嘅味道，配上蒜頭食一流。再嚟就係臭豆腐，佢嘅臭豆腐冇我地想像中咁臭，但係食落口都係一樣惹味，加上鴨血，係非常之台式嘅小食。佢最令到我哋意想唔到嘅就係個番薯雪糕，舊番薯雪糕番薯味超級濃，好似真係食緊舊蕃薯咁！

阿妹又回港玩一個月，熱愛台灣的她，已經半定居於台灣，反到香港，依然要食台灣菜，回港第一餐，她選了這家以蝦為主題的台灣菜<蝦栈>~餐廳為於太子警署附近，不難找~遠處就看到餐廳搶眼發光的招牌，上面印有一隻卡通蝦圖案，挺有趣~餐廳不算大，但座位寬敞~牆上掛有她們招牌菜的相片~店裡放著一個養著大頭蝦的魚缸，即叫即撈即煮~黑白墨魚 $98店員推介的新菜式，墨魚滑以腐皮包裹著再去炸，黑白墨魚各四件，食落外皮脆卜卜，內裡墨魚滑鮮味彈牙~醉雞卷 $88雞脾肉去骨卷起再切件，食落啖啖肉~入味富酒香，味道帶甜~溏心鹵蛋 $15鹵味夠香夠入味，蛋黃溏心效果好好，絕對想encore，可識怕膽固醇，只好忍忍口，少吃多滋味啊~奶油蝦 $188一份有8隻大頭蝦，size算大隻肥美，每一隻都有膏，蝦肉食落本身沒有調味料的味道，只會吃到蝦本身的鮮味，要剝殼後再點煲內的奶油汁料才有味~奶油汁香滑惹味，加入了洋蔥同煮，洋蔥煮得淋透，吸收了醬汁及蝦的精華，好應該用來送飯吃樹子冰菜 $98冰菜在市面的食店不常見，這裡的是簡單的清炒，味道清淡，特顯冰菜的爽脆與清甜~雪皅 $58/$68最後我們點了雪皅分享，南瓜與

朋友介紹太子開左間台式蝦煲，好似都幾出名，就book左呢間黎試下喇。位置係旺角警處附近，行5分鐘左右就到，都算幾易搵。因為book左枱所以唔洗等位，不過再夜小小都見多人，都要等多一陣先比有位，因為舖面唔太大，唔算多枱，所以最好都係book定唔洗等咁耐。我地4個人叫左2款蝦煲同埋幾款台式小食。蝦煲揀左奶油蝦同埋咸蛋黃蝦。奶油蝦係台式風味，煲底放左洋蔥，洋蔥同蝦吸晒奶油香味，好濃郁嘅奶油香。 而咸蛋黃蝦係港式風香，放左3隻咸蛋黃落去壓碎起沙，再留番小小粒，食落去好香，好野味之餘仲好有咬口。記得食蝦要食晒殻d汁，剝完殻再點煲入面嘅汁，所有精華都要食晒佢😋一煲有6隻蝦，老闆親自係店入面個魚缸到拎佢地試黎，即叫即整，保證新鮮。小食方面叫左台式香腸，佢有傳統個種紅色台灣腸之外，仲有中間黑色個款，老闆話係墨汁腸，中間亦有墨魚肉粒，配埋蒜頭食真係好好味。另外叫左個麻辣臭豆腐，佢冇香港d 臭豆腐咁臭，不過都有淡淡臭味，食落去麻辣味重，除左豆腐仲有腐竹同埋豬紅，全部都吸左麻辣湯，咬落去湯出番黎，正👍🏻食台灣野點少得魯肉飯，除左魯肉飯仲有一個魯肉鮮蝦湯米粉，係用左台灣新竹米粉，再加左魯肉碎，湯用左鮮蝦湯，成

我M佬就超鐘意食海鮮，特別係蝦！不過，我家A姐係唔煮海鮮㗎，話難洗，又話腥，又話郁郁吓好驚，所以有機會出去食飯，通常都會食海鮮。今日見到呢個以蝦為主打嘅餐廳，即刻拉埋A姐去試吓先得！胡椒蝦一入門口就見到有個大缸養蝦，隻隻都好生猛好新鮮！一煲上嘅胡椒蝦有6大隻，隻隻都手掌咁大，好鮮甜又多蝦膏！而且同胡椒味非常夾，胡椒味好香，值得推介！一口炸荳腐外脆內軟，最重要係唔會好油，而且荳腐好滑，好好味。醉雞卷一個屋企都整到嘅醉雞卷，但功夫其實都唔少，聞落味道好濃，但食落就好淡口，好彩雞夠晒滑，加番分。脆炸黑白卷黑白卷即係墨汁墨魚滑同埋淨墨魚滑，入面仲有好多墨魚粒粒，口感一流，我就比較鐘意墨汁嗰款，因為好濃味；至於A姐就話淨墨魚滑多一份鮮味，其實真係各有各好，一樣咁好味！（記住Like同Share畀朋友）