陶源酒家

营业中

休息中

果日同屋企人路過尖東 爸想食中菜 就去左陶源。 門口好殘舊咁，食評又一般， 但爸想食唯有試下。 入到入邊裝修都靚。一試先知係好野， 係我最近食過最好既酒家， 好過稻x多多聲。 燒肉(推介) 超好味， 脆到呢，燒肉fans岩晒。 仲有個炸大蝦球， 酸酸甜甜岩晒我。 叫左五個菜，款款都唔錯。值得再去。 唔錯既中菜。

今天放工後和媽媽爸爸一起去晚飯, 因為自在尖沙咀, 食店都很有很多~ 媽媽說今天工作辛苦 所以要吃好一些! 在尖東走着走着, 發覺原來有陶源酒家! 媽媽一向很喜歡這個集團的茶樓, 所以我們就入去找位食飯~ 坐下後, 發覺他們正在做黑松露皇牌南非鮑魚餐 價錢雖然有點少貴, 不過菜式多樣化, 而且現在還有八折 原價750元, 現在只是每位568元, 都還可以吧~ 菜式上共有七款 分別有 滬江素鵝.冰燒三層肉 黑松露高湯金勾翅 古法扣南非5頭鮑魚拌玉掌 魚子醬蛋白蝦球 秘製小欖乳鴿 響螺盞泡田園蔬 頁貢品葛仙米杏仁茶 另外套餐還包括每人一位法國紅酒或鮮橙汁一杯 坦白說, 份量相當多, 吃飽後我都坐了一陣子才能消飽~ 總體來說, 我覺得質素非常之不錯!! 全都好好好味! 滬江素鵝.冰燒三層肉 燒肉真的很脆口!細細件好容易食! 素鵝都炸得好脆, 層塊充滿口感! 黑松露高湯金勾翅 無得輸! 湯底很鮮味, 金勾翅不惜工本, 份量夠多, 入口充滿口感, 我相信是我吃過最好的翅! 古法扣南非5頭鮑魚拌玉掌 鮑魚大大隻, 以鮑汁來炆, 入味又充滿口感, 啖啖肉好回味! 玉掌都軟綿綿

香港作為國際大都會，可以隨時享用世界各地的美食，但中式餐飲文化依然是其中的主流，尤其每次和大班舊同學/同事，又或與家人飯聚，都會選擇到中式酒樓用膳，就是喜歡那種圍埋一張圓枱的溫馨感覺。今天與老友飯聚，大家都不約而同選擇吃中菜。剛好酒家現正做一個皇牌黑松露南非鲍魚餐優惠，以八折$568 就可以享用：滬江素鵝、冰燒三層肉黑松露高湯金勾翅古法扣南非五頭鮑魚伴玉掌沙律蝦球秘制小欖乳鴿上湯泡田園蔬貢品葛仙米杏仁茶每人敬送: 法國紅酒一杯或鮮橙汁一杯星期一至日晚飯散座供應滬江素鵝、冰燒三層肉👍👍👍👍這個前菜包括兩件素鵝和三件冰燒三層肉。素鵝外皮炸得酥脆，饀料加入肉碎、冬菇粒和馬蹄粒，不同口感的材料令素鵝成為一個開胃的前菜。三層肉的外皮鬆脆，三層肉中的肥瘦均匀，一口放入口內，脆脆的外皮與肥瘦相隔的三層肉形成一種強烈的口感對比。黑松露高湯金勾翅👍👍👍👍👍一上枱，部長已提示先喝幾口原汁原味的翅湯先，才加浙醋吃魚翅，還提示我們要用筷子夾起一梳梳的金勾翅來吃，食魚翅食到好似食麵一樣，真的很誇張，魚翅份量真的很足。湯底更加是鮮甜，由於魚翅本身是沒有味，所以全憑湯底的味道帶起味道，每一口湯都食得出高湯的火喉，又

媽媽一直都很喜歡陶源的雞湯翅所以訂了生日飯在這吃，但不但激怒了她，整家人都不想再來。所有套餐都有食材無貨，整個餐廳缺乏店員，店員態度也差又唔憂做咁。話佢對優惠不清晰，問左15分鐘都搞不清楚優惠條款，仲串我地叫我地自己打去辦公室問。嘢食亦無之前嘅水準。龍躉腩好似食豆腐咁不知所謂，翅又唔好食，上完隻雞就等左成個鐘先上到飯同甜品。成間餐廳其實都得幾枱客人，都等咁耐。個甜品紅棗糕上到黎仲要又甜又蒸過龍。成餐最好食係我地自己帶去的生日蛋糕！一d都唔值，普通酒樓都無咁衰。真係無下次😤

今日同爸爸食飯, 想食黃油蟹, 都驚季尾無得食, 所以專登續間問下有無先, 打嚟依間問話有, 咁我就即刻訂位! 嚟到個男部長話無蟹叫我地轉第樣, 我話我打咗嚟問有先嚟㗎! 個男部長話其實今日4點已經通知咗每個訂咗位㗎客人無蟹, 咁我話無人通知過我, 隔離個女部長即刻講"馮小姐吖嘛! 打咗兩次俾你啦! 你無聽之嘛!" 我話電話都無響過, 根手俾個電話通訊紀錄個部長睇, 個女部長即轉態話可能炒錯電話, 之後走咗去😑唔緊要....都算!之後落單個個仲攪笑, 漏單之餘仲九唔搭八:我: 個餐燉湯係咩湯?女部長: 廚房燉湯我: 即係咩呢?女部長: 都係個D啦(...)我: 咁有無得轉其他湯?女部長: 你想飲咩湯吖? 除咗個翅之外都可以選擇, 豬肺湯個D囉! 我: 咁好啦! 就豬肺湯(嚟到變咗第二樣, 問返個女部長)女部長: 吓! 乜我無講咩...轉頭走咗返嚟話: 餐個湯係無得轉㗎! 今日係咩就出咩!我: 我地問咗你話有得轉㗎喎...女部長: 係無得轉㗎! 我無講過可以轉喎! (............)嚟到依到真係忍唔住爆咗粗! 最後個男部長都轉返豬肺湯俾我地, 但係成餐飯都食到一肚氣! 其實所有

公司團年飯，諗住陶源都算有d名氣試下。實在無諗過咁既價錢難食到咁，鮑魚硬過咩，魚翅杰撻撻、連荷葉飯都爛飯仔咁！最慘服務態度差，一開始起菜三四個菜一齊上，我同侍應生講，咁上菜咩都凍晒，出慢d好喎，佢竟然話有人擺酒，無辦法慢慢出....我比咁既價錢你估大排咩！埋單竟然細數單唔比我睇，重叫我入咩VIP下次有折，我話唔洗客氣啦，無下次！今時今日咁既質素，咁既服務態度，點可以做得好，包房既都唔該比個醒目d既長工，搵個炒散既招呼，飲紅酒比隻普通飲茶玻璃杯，點同客黎😤😤

雖然大家都是陶源，但原來環境和食物都相差得很遠點心精緻，賣相吸引真係想款款都要齊價錢雖然略貴，但物有所值燒腩仔，皮脆肉嫩的的骰骰，賣相和味道都絕對相稱別有洞天鴛鴦脆皮腸，真花了不少心思替它改名軟軟的外皮包著脆皮，再包著虾膠，口感跟味覺都絕對令人回味無窮，有新意有創意翡翠虾球煎米，虾球晶瑩爽嫩，米粉亦煎得香，可惜米粉比較油和淡，有少許失望但整體也算不錯P.S.這裡環境清靜，絕對是傾計嘆茶嘅好地方，還可以電話訂位

筆者趁週日和家中細細到科學館遊玩，成行前先在對面陶源酒家享用午膳。一行四大三小，被安排坐於十二人枱，坐處固然寬敞。加上餐廳裝潢新淨，用餐環境理想。美食方面以點心為主，普遍水準都算不俗。手拍青瓜拼海蜇：麻香脆口的涼菜。笋尖原隻鮮蝦餃：部份蝦餃皮不完整，蝦肉爽口。濃雞湯野菌千層腐皮：野菌款多足味，雞湯掛滿千層腐皮份外好吃。不見天韮皇鮮蝦腸粉：皮薄通透，蝦菜皆爽。懷舊蜜汁叉燒酥：出品熱辣酥香，味道不錯。抹茶旋風奶皇包：抹茶味比預期清香濃味，比一般奶皇包特別。上湯灼菜心：選料翠綠，甜感中規中矩。一哥叉燒：口感比預期韌身，一般。濃湯元貝泡米線：湯汁味道一般，米線過腍，元貝聚底分佈不均。

月頭公司去尖東陶源食晚飯，一入商場已感覺。。。有冇搞錯呀，去埋啲靜英英嘅商場，仲要响地牢。我哋揾咗好耐先揾到間酒樓。間酒樓整咗好多間房，我哋坐咗其中一間。一開席就上奶豬，但其實係乳豬來的。全晚最好味已係乳豬了 ，跟住個伙記响我哋後面分鴨掌鮑魚(強調係鴨掌唔係鵝掌)，但佢分咗成兩個字先分完 嚟到我面前已經凍哂 然後食完後點解等咗3個字都未上菜呢。。。。原來伙記又响度好努力咁分緊翅(心諗點解未上炸嘢就上翅呢).又是者伙記又分咗兩個字先上翅。當然食落口只係微暖。碗翅唔熱都算嘞，點知飲落口原來味道同吏雲新清雞湯係一樣味 咁奇怪我都係第一次 於是我只用筷子夾咗啲翅食就算了。之後上嘅餸菜係西芹炒双䂜，呢味餸冇特別。然後係扒豆苗，豆苗咬落去全部都係渣 跟住上魚，魚係養斑，過熟兼冇味！咬咗一啖就算！之後上炸雞，我夾咗雞翼，所以好難唔好味 但我同事話佢夾嗰舊脾係冇味嘅。。。。總括全晚嘅餸菜及價錢而言係--味道差勁！價錢絕對不值5千幾蚊圍囉！我去稻香用千五蚊已食到同樣嘅嘢同同樣嘅馬虎味道！好彩唔駛我俾錢，如果唔係我實即場鏟爆！仲有，服務我哋嗰啲伙記，憑佢哋嘅服務態度肯定係臨時工嚟。全晚都冇主

又到大閘蟹季節啦！今次同朋友仔團購陶源既大閘蟹set，每位$298 加 10%，都算ok抵食。個set話有8道菜，首先出場係燒腩仔+腐皮卷，燒腩仔皮好脆，一層肥一層瘦咁食落唔膩，腐皮卷都好鬆化，入面既冬菇、筍等等既餡都好爽甜，唔錯。跟住就係遼參出場，佢用南瓜湯既配搭又幾得意喎，遼參好爽，唔係jam住個口果種，南瓜湯粉得黎又唔笠口喎，加埋d薏米增加口感，我覺得唔錯，幾好味。再黎就係鮑魚扣鵝掌，個汁都幾濃幾香架，鮑魚同鵝掌又唔覺有咩特別，係普普通通果隻，飽魚都算大架啦！鵝掌亦炆得夠林同入味，都算幾好啦！食到呢度都覺得唔錯，呢個價位有呢d質素算ok啦！好啦，到蟹仔出場啦！今次個set有2隻公食，岩哂我，我中意食公多d (笑)。講真都幾細隻，不過呢個價錢我唔要求太多，而且2隻都爆膏架。中意食公既膏，因為覺得香d，同埋jam住個口，停留喺味蕾上耐d，可feel耐d個香味 (爆)，d肉就有d鞋，不過咁細隻都好少肉食啫 haha...(￣∇￣)嗱...都算多膏架，都有3-4匙羹仔膏食下架，算係咁啦！(笑)仲有扒龍躉，個汁偏濃香，龍躉都好厚肉鮮甜，倒埋d麵撈汁，岩岩好夠味，可能我重口味啦，朋友話個汁好

星期六是家庭樂的重要日子聽朋友介紹陶源下午茶做18蚊大中小點而且味道不俗，好似值得試下駕車前往尖東安達中心泊好車後便到東海商業中心地庫陶源拎位由於不設訂枱，所以只能在門口拎票等位下午茶時段設於2點，但要留意的是3時會Last Order。不過重點在於品嚐食物，一難得週末當然同屋企人嘆下午茶啦！鮑汁雞腳 鮑汁味濃但雞腳未算稔，花生大大粒，還好紅米珍珠雞雖然由紅米製成，但未見增加香味口感，一般峰巢芋角外酥內軟，芋香味濃，實屬佳品跟我最愛龍皇的芋角能一決高下香茜牛肉球有肉味，軟稔。水準以上瑞士汁炒牛河鑊氣夠，一上枱香噴噴，牛河迷不可不試牛肉大大塊，唔駛問自動波比埋余均益辣椒醬讚！叉燒包水準以上，皮薄多料，佳！叉燒腸皮薄多料，軟滑，滿意！韮菜水晶餃一般貨色，沒有什麼特別千層糕老婆最愛，一般水準一家四口，埋單312，9個點心1個炒河。坐得舒服，不吵不迫，茶水不過不失待應、傳菜姐姐態度友善。食物製作速度快，一次過9大碟上枱咁滯。下午茶錢10蚊位。可以接受啦，值得再去！

實說實話，小女子並非生於名門望族，故對$3880一餐深感特別，不禁分享。事先聲明，由於工作關係，這餐也是免費的，太滾動鳥，很想要吧XDXD先來一粒超級大帶子，神呀真是他媽的鮮甜，爽口之餘醬汁猶如湧泉四射，要邊食邊爆粗先能將心境道破！而燒肉外皮亦非常香口，外脆內軟，感覺恰到好處，不太油膩，但個人比較喜歡食肉，咁切法有點兒不夠皮耶～輪到巴之閉魚翅，超級粗身，部分有我打直半隻手指尾咁粗，好爽口，不過魚翅本身其實都冇咩味，反而食一口就令我聯想矛盾的環保問題，感到難受。（純粹個人問題）十頭鮑，好厚肉好飽肚，但同帶子一樣都係果Ｄ汁，比較上來我更喜歡帶子鮮甜。好多，好豐富，咁大個人第一次食咁多燕窩，真係覺得自己成個公主咁，鳴啊～不過食完我又變返一個庶民。今餐驚喜絕對是甜品，三樣都好味，特別是朱古力蛋糕，香滑而不膩，散發濃烈的可可味。總括：最好味是帶子，燒肉和甜品。其他普通，但絕對稱不上難食，中上吧。3880帶我進入一個從未想像過的世界，現場氣氛浪漫，有真人唱情歌及音樂伴奏。我看起來窮酸，亦唔多食貴野，所以叫我比較都難，實說實話。離開時有點空虛，因為我根本不屬於那個世界，大排檔的熱鬧也許令我更自然吧。

幫媽咪慶生！好開心細佬訂到間梗房！非常闊落豪華嘅房！三個細路有張大梳化當遊樂場！仲叫侍應開張麻雀枱比佢哋當積木玩！六點幾到！叫三個小食墊胃！海蜇鴨舌、燒腩仔、藍莓醬鮮淮山，三樣都好味！尤其係個淮山！無唸過可以用藍莓醬！味道又夾！似係西式甜點！人齊然後到訂咗嘅菜，先來前菜六小碟：海蜇、雞爪、青瓜、雲耳、素鵝（即腐皮卷）同鴨胸全部都好味！酸酸地！天氣熱，食啲涼拌菜好開胃！然後上燉湯！今晚係「金銀花燉白肺」好清好滋潤！仲有雞爪可以加餸！主菜有：帶子珊瑚蚌炒西芹：帶子大大粒！無雪味！珊瑚蚌爽口！西芹無筋爽口！正！名門雪影蝦球：即係炸雀巢，入面放件菠蘿同蝦球！加沙律醬！小朋友一定鍾意！蝦球好爽！又大隻！我就覺得太多沙律醬蒸花尾躉：新鮮無煎過籠！全條清晒！蒜香炸子雞：皮脆肉嫩！正蛋白瑤柱炒飯：正常上湯雲吞：正常甜品有：大壽包：蓮蓉好滑！配埋全個蛋黃！蛋黃出晒油！好正！生果盤：新鮮！木瓜雪耳糖水味道正常！唔會過甜！而且木瓜挖成球狀！浮响度好靚！因為女士小孩多！所以只係叫六個菜！份量剛好又唔使打包！侍應服務好好！由到場至走都好殷勤！勘茶換碟！三隻馬騮都好開心！人未齊叫前菜又比我們在大梳化食！好像hig

團購到期日，所以訂左位留了隻乳豬，一到步，晚市時段只有3，4 台客人，環境寂靜，完全不像酒樓般熱鬧，但裝修間局都較為高級，有點似到了酒店用餐，服務員都站在一旁準備隨時候命，我們先點乳豬，不消10分鐘，乳豬已上，看來比想像中好，急不及待品嘗，雖然不夠熱，但皮薄而且燒得很脆，皮下脂肪適中，有肉，乳豬底已塗了乳豬醬，故在脆皮上沾糖吃，味道剛好，砂糖使脆皮更脆，有驚喜，想不到團購也有如此水準，不錯！另外，還點了一份廚皇炒飯，同樣很快上菜，廚皇炒飯配料有炸乾蔥，西蘭花，瑤柱，紫菜等，炒飯粒粒分明，但因為炒飯已用很多油來炒，再配炸乾蔥未免太過油膩，所以我把全部挑走才吃，味道不過不失，不過下次應該不會再點。團購還送甜品2客，榛子拿破倫，甜品十分迷你，但其中一份底部有少少濕，應該也在雪櫃放了一段時間，味道仲算合格，個人認為若選用其他甜品較好、因榛子與拿酥皮都較濃味熱氣，只有伴碟的士多啤梨能起乳豬解膩，消滯的作用，若能配以清甜的甜品效果會更好。總括而言，乳豬屬水準之上，百多元就能品嚐這乳豬，十分抵吃，團購好像還在銷售中，愛吃乳豬的朋友絕不可錯過，其他食物味道尚好，但價錢偏貴，一碟炒菜也要上百元，相信是這

叔叔生日，老人家始終最愛中菜！在朋友極力推介下，我們選擇了在陶源食晚飯慶祝！餐前小食：接下來是朋友一早推介必食的雞煲翅：本來我們想吃麵包蟹，但經理溫馨提示，我們四個人，如果吃麵包蟹，實在太多了！經理推介我們吃龍蝦兩食！蛋白龍蝦及薑蔥蝦腳！龍蝦十分新鮮！肉質爽脆甜美！還有清蒸老鼠班仔，火喉控制得宜。最後，慶生日，當然唔少得壽包！每個壽包內，都有全個咸蛋黃的！實在太飽了，壽包帶回家蒸熱再慢慢嘆。