陶源酒家

营业中

休息中

端午節大夥兒應節, 在這裡享受豐富晚餐, 要了一個買一送一套餐, 頗为超值.1.  嬈肉+腐皮卷, 燒肉皮脆, 肉汁豐富, 腐皮卷內有多種素菜, 口感層次非常好.2.  紅嬈翅, 大大塊的魚翅, 好有滿足感, 面上加了黑松露碎, 同魚翅並不配合.3.  蝦球蒸疍白, 蝦球新鮮爽口, 蒸疍白比較"老", 如時間控制得好就完美了.4.  鮑魚扣鵝掌, 鮑魚味鮮甜, 個鮑魚计亦非常濃, 鵝掌亦炆得夠火喉, 不錯.5.  乳鴿, 鸽本身比較細小, 咬落並沒有肉, 失望.6.  螺片魚湯浸菜, 螺片薄薄, 容易入口, 非常鮮甜, 魚湯味濃, 幾乎全部渴光.7.  最後是甜品葛仙米杏仁茶, 聽聞葛仙米是非常珍貴而營養偭值高的一種海澡類, 但本人覺得与杏仁茶並不匹配.整体是不錯的套餐.

家庭聚餐，開飯於灣仔陶源酒家。因手執優惠卷一張，可用$284一位的價錢享用一份黑松露南非鮑魚餐。是晚菜式如下：滬江素鵝拼冰鎮三層肉：素鵝酥香脆口，三層肉外脆內軟富肉香。黑松露高湯金勾翅：黑松露香氣淡薄，金勾翅質素一般喇，份量足，高湯湯底質感過杰，用上清雞湯會更理想。古法扣南非五頭鮑魚伴玉掌：鮑魚較腍度對辦，鮑香亦合預期。鵝掌炆得夠腍夠入味，蠔油鮑油水準上佳。魚子醬蛋白蝦球：賣相不俗，魚子醬食味不突出，蝦球無乜味，蛋白質感白滑，味道不錯。秘製小欖乳鴿：雖乳鴿外皮淋汁後不再脆，但整體食味仍算不錯。相對平日吃的乳鴿，這隻乳鴿略為瘦削，鴿肉不多。響螺盞泡田園蔬：響螺片口感稍稍韌了少許。田園蔬用上皇帝菜，食味較突出及獨特，當然此款菜又不是人人喜歡。貢品葛仙米杏仁茶：未吃過的葛仙米，屬海藻類食材，聽聞頗有益，質感有點似較硬身的雪蛤膏。杏仁茶杏香滑度中等，風頭亮點還是被少吃的葛仙米蓋過。相較以往水準，食物質素看似有所提升。服務方面，還是有不少進步空間，店員還是有點hard-sell！

我們12人去吃 晚飯，不知道哪里去了，所以才选 陶源酒家，因靠近海边，在湾仔旁边，晚飯后可去看10/1烟花。 給我們寫了一個菜單。有龍蝦，炒螺片， 售價為3600，沒有魚翅或其他特别贵的东西， 都是鸡，素菜 。有老有小，不想再转其他酒楼。 取消了龍蝦，改为炒菜心， 就變成2960。最后，大失望 ： 1）很长很长的名字，有鱼和翅2个字，最后是一个蘸粉焖的大鱼鳍，而魚沒有味道，顯然是放在冰箱已久，肉質是死实的。2）炒海螺片， 也是很多漿粉， 难吃；3）炸子雞， 皮是不脆的， 里面是半熟的，有多于1/3的雞骨还是有血的。4）此外，他們很热心的推销汽水， 餐前小吃。6:45， 没有一个客人， 7:30， 才有20%满，你可猜陶源酒家的受欢迎程度。 最后，我們需要支付3700 （包括4老3小），我想就算这顿饭是免费的， 我也不要来，浪费我的时间。

午市吃點心午膳，發覺各方面水準皆差了很多。舉手頗耐無人理，結賬也需很多時間。加上價錢不平，食物質素下降，應有一陣子不再光顧。蝦餃：賣相對辦，餃皮厚薄恰宜，蝦肉餡料味道不俗。瑶柱菜苗水晶餃：水晶皮夠通透，但同時一夾即散，味道一般。炸兩：外皮不滑，炸兩香脆度還算過得去。鮑魚雞粒酥：酥底很實很硬，食不出有鮑魚喎！豬頸肉：香度口感皆不夠水準。奶皇包：不流心，味淡。小籠包：無湯汁，no good。芒果布甸：口感偏軟，正常口味。

情人佳節,絕大部份人都認為西餐/扒房....CANDLE DINNER + Romantic songs 先夠浪漫應節!但唔知大家會唔會都有以下同感...去到餐廳原來過百PAIR情侶陪你一齊慶祝!地方迫+嘈!由於餐廳太忙所以經常出現miss order.service唔夠完善!食品都係千篇一律...而且質素一般!以上都可能出現係平民至中價餐廳!不過高消費餐廳都不外如是.除左環境.服務好小小!原本高消費.....可能會變成其高消費餐廳!而且仲要早十日八日Reserve table!今年.我就帶女朋友試試出名食鮑蔘翅肚既陶源酒家!最初都只係打算唔洗同人迫,食中餐新鮮D!而且食物質素有保證!誰不知喜出望外,所以真係要推介一下!一入門口.服務員都面帶笑容招待入座!仲主動有我地坐Window side !餐前小菜+果汁 即時送上 !原來中菜廳都一樣有CANDLE DINNER + Romantic songs ....仲Dim 暗左D燈!都幾浪漫架!因為客人主要一pair pair...空間感又夠大!除左情人節餐,MENU上既食品都照做!有別一般餐廳!趁火打劫既銷售模式!不過見套餐真係幾底食.有

慕名而到陶源晚膳慶祝老爹壽辰，可惜極為失望。乳豬 --- 過份肥大，侍應即場用剪刀剪成每件約3x10cm，每件體積之大，就連我這後生的吃來也有點困難，更何況是其餘半數老人家們? 放到嘴邊時陣陣焦味送鼻。再入口腔，舌頭即發出警告信號，極鹹之至!天麻魚骨湯, 古法煎魚, 菜苗, 腐皮卷, 牛柳粒 --- 又是鹹, 鹹, 鹹!炸子雞 --- 又乾, 無雞味, 嗅油益!壽包大大的, 中間有蓮蓉及蛋黃, 可是蛋黃沒有香味, 品質一般.其他都別提了.全晚唯一稍為ok的是紅豆莎, 唉!只此一次, 絕不推介.

今日黎飲茶，星期日呢度靜靜地，呢間係鮑魚專門店，咁梗係要食它的鮑魚系列點心啦．我們點了蝦餃，鮑魚燒賣，鮑汁叉燒包，鮑汁鳳爪，羅白絲酥餅．蝦餃，蝦餃皮很薄，蝦亦幾爽口．不過有點油膩，隻餃有油滴出黎的，可作改善．鮑魚燒賣，呢度一碟有六隻，有花生薦底，花生都炆得淋晒入味，呢度ｄ鮑汁濃淡適宜，幾香的鮑魚味，鳳爪夠淋，幾好味道！可以encore!羅白絲酥餅，除了利苑之外，呢度都算做得好味道，個酥餅炸得非常香脆，面頭的酥皮都好鬆化，內裡的羅白絲又香軟好味．吳錯唔錯．呢度飲茶，每人都要約$120, 相比之下，都係去紫玉蘭抵ｄ．

到了灣仔的陶源喝早茶，在幾枱阿婆之間坐下，叫了點心幾個包括：鮑魚燒賣、流沙飽、水晶餃、煎腸粉和手拍青瓜拼海蜇。水晶餃一籠三隻，餃皮是名符其實的半透明，隱約看見裏面的冬菇、'久菜'、蝦米和肉條等等；咬下去饀料口感豐富，餃皮非常薄和不會黏口，吃下去有清新的感覺。手拍青瓜和海蜇份量十足，海蜇切得粗粗的，咬下去很彈牙，青瓜以辣油和蒜蓉調味，味道不錯。流沙飽自然不能與無敵的新興食家相比，不過也算不錯的：至少飽身軟淰但不會只是空氣，而流沙饀雖然不流，但也不會瓊住；有一點顆粒的感覺，不會太甜和太漏，比起外面的所謂死實實流沙飽強多了。鮑魚燒賣賣相不錯，黃黃的燒賣上放著深紅色的鮑魚片；燒賣皮很薄，豬肉餡不會只是肥豬肉的油淋淋，鮑魚自然不是真鮑，但很入味和嚼感十足，整體來說是好吃的，令人吃不停手。煎腸粉賣相和我預期的不同，像一塊塊的煎餅多於一條條的腸粉。夾起來才發現原來是底面不一的，底煎得極香脆，而面則只是像平常腸粉般軟淰；點些豉油、甜醬和麻醬一起吃，口感和味道都很豐富，先是蒸腸粉皮的幼滑，後是煎腸粉的香脆，又甜又咸的十分不錯。吃過點心，再追加一客桂花紅豆糕。因為部長的小錯誤，我們白花了十多分鐘等一客只是

早兩個星期在大喜慶食完生日飯，今次轉到陶源為老爸慶祝生日。來這兒的原因，不是他們的服務(不提也罷)，是因為家人喜歡這裡的雞湯翅。雞湯翅最正的是雞湯香味濃郁並帶有翅的膠質。通常我會叫一個白飯，可以想像有雞湯的香，有翅的彈牙，加上粒粒白飯的咬口，很何等的滴足呢! 至於煲完湯的雞，千萬不要當可有可無的餸，因為佢竟比佢地自家製的炸子雞滑! 真的要試試!今次因為多人一齊食，所以點了雞鮑翅套餐，12人用，4680。查實我們不想點 套餐，for some reasons, 同樣食雞湯翅，散叫的比套餐煮用心仔細得多。今次，不幸言中。燒乳豬，好肥。一入口全是肥膏。平常食又熱又脆。鮑魚配姑, 得，好得。Surprise! 記得上次食唔夠林，好難切。今次好林，好入味，有鮑的鮮甜﹔旁邊的姑姑沾了鮑魚的鮮味，wonderful! 好味到我uncle想食多隻。但我想話，依味已經係是晚最正的了。雞湯翅。平常一窩雞湯翅，約四至五人，一人一碗，有時還可refill 些小。今次分湯的時候, 竟然得半碗!!! 一問之下服務員回覆因為你們多了兩位。心為之氣結! 雖則說我們多了兩位客人，但翅可以細份些，又怎可不夠湯呢???

因同事雖然今天生日但她安排了大假，故便提早一個星期到陶源訂下一個子母盤桃昨天去取，用作在公司跟同事提早慶生之用。訂貨時店長賀先生跟我及另一個同事邊畫著圖邊說，子母盤桃的大桃內藏不了 12 個小桃，故提議在內放 6 個，其餘的就放在外邊伴著大桃。因為我們都不大清楚整個子母盤桃的大小，店長這麼說也應該錯不了吧？所以我們便聽他的，跟他確認過大桃小桃的數量及位置之後，付錢過錢拿回單據就離開。臨行前店長還叮囑我們早些打個電話來，好讓他們提早把盤桃蒸好。到昨天，同事已提早 15 分鐘致電陶源，說 15 分鐘後便會前去取盤桃。去到酒家店長竟然拿出一個還沒有蒸過的盤桃出來給我的同事！同事跟店長說之前已致電說會來取為何你沒有蒸，他便說員工大概是弄錯了然後匆匆拿回去蒸熱。白等了十多分鐘後盤桃終於蒸好，小桃只可算是暖但大的那個竟然還是冷的！同事當然立即問店長，但店長竟回覆說：「這個是裝飾來的。」「那上次你說內裡會有小盤桃的呀？」「我們的母盤桃內不會放小桃的，一向都是這樣。」氣得同事著火想要退回盤桃，但慶祝生日怎能沒有了它呢？不過氣還是難下，所以就向出納的員工問有沒有投訴方法，但得到的回覆是全酒家最高級的就是

今天晚上同屋企人去食飯,我們共6人去左灣仔陶源,因為好耐無去過! 點知...個部長(王x勤)寫左個menu俾我地:1. 乳豬仔一隻(免費送的)2. 燉龍骨湯3. 西芹炒珊瑚蚌4. 蒜蓉粉絲蒸蟶子5. 蒜香鷄一隻6. 枝竹炆班翅(班的鯕位)7. 旦白杏仁茶8. 生果及椰汁紅豆糕就係以上幾個menu,就食左共 $2,150 各位覺得值唔值呢? 連翅同鮑魚都沒有?!!以上所有都只係普通野,但都收呢個價錢...簡直離譜!!!!!蒜香鷄 - 個王姓部長極力推介隻蒜香鷄, 點知脾位都係"鞋"到咬唔到, 同番個部長講, 佢竟然話:隻鷄係走地鷄,好多運動量喎,所以咁"哽"係正常喎,咩道理呀??結果,食淨大半隻~旦白杏仁茶又係失晒水準, 好似溝左好多水咁, 一d都唔好食其他全部餸都只係麻麻地, 完全唔會有一個餸覺得好味的! 就係$2,150食4餸1湯, 質素又差, 簡直搵笨!服務方面, 人手都好足夠, 但你想叫d侍應都要等好耐, 但只係得幾張檯有客囉......最後, 埋單個張單只係列出: 餐價,茶芥,加一 , 想check單都check唔到, 又逐樣餸列價錢, 好狗好似搵笨咁囉, 又費事同佢嘈啦,

我在中環和灣仔陶源吃過無數次午餐, 晚飯係第一次.每次飲茶, 陶源例牌hard sell湯和荷葉飯; 今晩 hard sell 的是$888盆菜. 雖然我有hard sell 的心理準備, 但是每次也覺得很厭惡.一坐下, 部長問要唔要盆菜, 我話唔要; 我哋看完餐牌, 打算點菜, 部長又問; 我覺得很煩擾, 大叫88蚊也不要盆菜.縱然盆菜喻意盆滿砵滿, 很有意頭, 但我實在十分抗拒,我有10個不吃盆菜的理由:1.上面的大魚大肉都是高脂肪, 高卡路里, 或高胆固醇的食物.2.下面的蔬菜或蘿蔔，吸飽了濃汁, 即係高鹽, 高糖 或 高調味, 也不健康.3.餐牌圖片只供參考, 難以估計真正食材的質數. 4.通常表面的食材很精緻, 裏面的是否對辦就要看情况而定. 5.食物已經煮熟, 只是再番熱, 給我不太新鮮熱辣的感覺.6.若盆菜番熱得唔仔細, 細菌滋生, 容易肚痛.7.我不喜歡幾對筷子在盆菜內 撩吓撩吓. 8.我有數次吃盆菜後皮膚敏感的不快回憶. 9.Don’t put all your eggs into one basket or 盆菜. 如果這盆菜不好吃, 就十分浪費. 分別叫幾個小

此局是一局與家人臨時拉夫的一局，最後也變成了媽媽慶生局的第二回合。今天來的目的，就是為了要吃它們的鮑魚魚翅餐，原價要五百八十八元，現在推廣價也要三百二十八元一位，但其實在某些渠道中，可拿到此餐的優惠券，最後是折扣到每位二百一十八元，比原價便宜了一半，就可享用又有鮑魚又有魚翅又有海參的一頓晚飯，看看質素又如何。也比家人早到，先吃點涼菜吧，是一點漬鹹了的芥菜絲、菇絲及雲耳絲等，吃起來涼口而鹹淡適中，比吃熱氣的花生更好。家人來了就可以起菜了，先來的是御前二小品，分別是一哥叉燒及青瓜海蜇，又真的看看一哥叉燒有沒有西苑的成龍叉燒咁好呢？叉燒夾起一件來看，是標準的半肥瘦，很不錯，吃起來也是豐腴而有咬口，而且其邊皮的位置是燒焦了一點的，跟西苑的又真是挺相似，好吃！但其肉味及蜜味還是未及西苑的好；另外的海蜇有咬口，有彈性而不會如橡皮擦般韌，青瓜清涼爽口，而且拌勻了辣辣的醬汁，吃起來刺激開胃，當頭盤來吃當然不錯。接下來已是第一大的主角了，是黑松露燴魚翅，加黑松露在翅湯內，也真的是第一次見，但坦然要翅好吃，其實上湯才是重點，今天的湯也是做得恰如其分，有濃濃的金華火腿及雞味，是一碗很好的雞湯，是吃翅成功的第

幫襯咗陶源已經好耐，但真係睇住佢越做越差！今日更係食到一肚氣！坐落當然係先洗杯碟，但因為佢無容器，通常都係要靠伙記倒。但等咗差唔多15分鐘，n咁多個伙記經過，都居然無人理我地！好啦，到落咗單，上菜真係超慢！而且份量真係一日一日咁縮水。招呼更係下降到不能接受ge地步！n咁多個人走來走去都唔加水，到加水又連茶壺都無埋！到叫人嚟問都無人理！尤其係o個幾個黑西裝ge男人，完全係當你透明！最好笑ge係今日見到上電視賣廣告個阿叔，un-un腳咁坐係一樓，我都唔明老闆咁巡場有咩作用！？伙記係走來走去好似好忙咁，但究竟忙咩呢？兩個黑西裝阿叔執一將枱，一個粉紅衫肥阿嬸同個細路玩，都無人理我地舉手叫人，唉... 難怪我每個星期都睇住佢越嚟越少人...難唯我屋企人仲日日去飲茶，又剛剛幫襯佢地買咗月餅...已經叫咗佢地唔好...其實自從我地轉移陣地唔再幫襯佢食晚飯，d黑西裝阿叔已經開始黑面，我已經唔係好想再去，而家食完今餐後，我就立定決心咗唔會再幫襯佢！！我睇佢地可以hill幾耐！

點解D食評寫得咁差,再睇睇日子,原來已經係很久之前的事la,唔通之前真係咁差,而家做左有線電視節目就改進左?其實我去過這間酒家飲茶冇10次都有8次,佢D點心真係唔係咁差wor,昨晚因為有優惠券所以去試佢個鮑魚魚翅餐,原價$588 而家做推廣價$288,我有優惠券所以每位$218,餐前佢仲送左柸檸檬汁,套餐有:高湯黑松露燴翅.......高湯味道唔錯,上面有D黑松露菌碎,食唔到有乜味,小小蚧肉, 小小花膠,花膠夠淋,最差就係D翅,食到翅骨,勝在夠熱. 蠔皇鮑魚伴玉掌.......鮑魚係用鮮鮑來炆的,炆得未夠淋,玉掌就夠淋,最好就是個蠔皇汁. 築地蒲燒鰻魚..........燒得唔錯,外脆內嫩 頭抽煎大虎蝦...........正,蝦肉爽口彈牙,頭抽(野)味 蟲草花泡翡翠...........翡翠係芥蘭苗,有D唐芹,味道唔錯. 瑞士釀凰翼..............正,裏面釀左