影片
港铁铜锣湾站 E 出口, 步行约4分钟
继续阅读
电话号码
35430099
65026365 (WhatsApp)
开饭介绍
严选来自世界各地的高质时令食材，制作一系列精致的刺身、日式铁板烧等佳肴，让你细味食材在不同烹调方式下所展现的鲜味。
继续阅读
营业时间
今日营业
12:00 - 15:30
18:00 - 23:00
星期一至日
12:00 - 15:30
18:00 - 23:00
以上资料只供参考，请与餐厅确认详情
有关奖赏计划
今次黎到瀧宴食晚餐，一入到門口已經feel到呢度嘅氣派。餐廳裝修好有格調，啲燈光同埋佈置都好講究，最正係可以睇到大廚喺鐵板燒區即場表演套餐由前菜開始已經好出色，白子滑如豆腐花，火炙吞拿魚個外層燒到香香地，入口即溶，配埋海膽醬嘅大蝦更加突出咗海鮮嘅鮮甜刺身拼盤新鮮到爆，特別係拖羅肥美得嚟又唔會覺得漏，秋刀魚同依咗目都係時令嘅精選，個個都肉質爽彈。海帶蜆肉湯就清甜開胃，飲完感覺特別舒服。香草牛油帆立貝燒得外脆內嫩，蘸埋牛油香草醬真係絕配。原隻澳洲鮑魚嫩滑得黎又夠彈牙，個醬汁香濃惹味。鵝肝係我至愛，外皮煎到金黃酥脆，裡面仲係半熟狀態，配埋自家製醬汁，醬汁酸甜適中，完全中和咗鵝肝嘅漏膩。宮崎和牛就更加冇得頂，油花分佈均勻，個大廚火候控制得好好，煎到外面微微焦香，入面仲保持粉紅色最後嘅蟹肉炒飯香噴噴，飯粒粒粒分明，蒜香同埋蟹肉嘅鮮味完美配合。炒什菜爽口清新，平衡返成餐嘅豐富。最後嘅柚子雪糕酸甜清新，幫你將成個味蕾reset返。呢餐嘅精緻程度同用料都幾高級，雖然價錢唔平，但係絕對值得，特別啲服務都做得好好，想食靚嘢慶祝或者同重要人物見面都啱曬！
继续阅读
銅鑼灣糖街Sugar+商廈落成一年，樓齡十分新，裡面有數間高級餐廳，自己中意食鐵板燒，今次就試咗瀧宴日本料理。自家製醬汁煮南非鮑魚自家製醬汁味道有少少辣，南非鮑魚質感軟腍，醬汁都令鮑魚好入味。季節刺身三款刺身有鯖魚，伊佐木，拖羅，鯖魚同伊佐木魚味濃郁，拖羅魚質肥美。金鎗魚腩手卷 同平時食開手卷吾同，師傅用上醉蔥餅代替紫菜，而且事先師傅已調味，金鎗魚腩蓉有入口即溶感。海鮮茶碗蒸茶碗蒸估唔到幾有驚喜，裏面有大量蟹肉，食材好新鮮，蛋味香濃。季節吸物大蜆湯蜆肉新鮮冇沙，湯品清潤，味道自然。野生生猛龍蝦龍蝦配以日本綠茶粉，味道比一般龍蝦清新。龍蝦肉爽口清甜，蝦膏味道令人難忘。香煎鵝肝伴自家制醬汁煎鵝肝做到吾腥，油脂豐富，自家製醬汁香甜。美國頂級牛柳有厚燒同薄燒，厚燒相對口感豐富，薄燒薄薄的一層亦品嚐到淡淡牛肉味。煙肉香蒜炒飯炒飯粒粒分明，加上煙肉粒令香氣更提升。是日精選甜品白桃啫喱清新解膩。
继续阅读
最近工作壓力太大，今日俾自己放縱吓，放一日假抖抖，今日晏畫行經銅鑼灣，記得曾經mark低過一間好想試嘅日本鐵板燒就在銅鑼灣糖街，於是走去試吓呢間嘅午餐先。一入到呢間餐廳，俾佢個無敵兼居高臨下嘅景色吸引住對眼球👀，可以望到全維港景色兼整個維園景，淨係個景已經加晒分喇。今日試食咗個$488午餐，足足有9道菜，呢個價錢極為吸引。➰ 季節前菜 （煙燻吞拿魚沙律）兩件厚厚兼肥美嘅吞拿魚刺身，既有濃濃嘅煙熏味，再配以師傅自家製嘅蒜蓉醬，同埋同埋炒製過嘅紫洋蔥，提升咗口感層次，使到味道更加豐富。➰ 季節刺身二款 （深海池魚+吞拿魚赤身）深海池魚肉质鲜嫩，口感细腻，而吞拿魚赤身則带有淡淡的油脂香。➰ 精選壽司2款 （伊佐木壽司 + 鯛魚壽司）伊佐木壽司口感細膩，魚味濃郁，帶有魚油的芳香，滑而不膩。而黑松露鯛魚壽司同樣係肉質滑嫩，加埋黑松露的香氣嘅融合，口感極為豐富，層次分明。➰ 香煎法國鵝肝師傅把鵝肝煎到外焦里嫩，口感细腻，油而不腻，搭配埋意大利陳醋汁的酸甜，能中和鵝肝嘅油膩感，再加埋師傅特別醃製過嘅日本黑豆，口感甜甜哋，更可解膩。➰ 香草牛油帆立貝師傅用少許牛油把帆立貝煎香，肉質夠鮮嫩，口感好Q彈，再配以師傅特製嘅海苔汁，而海苔汁嘅味道令到整體口感更加爽口。➰ 野生大虎蝦師傅用牛油把沙巴大虎蝦煎到好香口，而蝦肉夠曬鮮甜味美，蝦頭好香脆兼好多蝦膏，牛油味又夠香濃。➰ 美國頂級牛肉師傳選用咗頂級美國牛柳，把牛柳煎到5成熟，肉質夠晒彈牙多汁，重有好香嘅牛肉味添，再配以師傅自己炸嘅蒜片，再加埋岩鹽，簡直好味到難以形容。➰ 鐵板炒飯配海帶麵豉湯呢個炒飯好多配料，包括有櫻花蝦、蔥粒、蒜粒、蛋等等，師傅把飯炒到好香，而且夠乾身兼粒粒分明，食落口感好豐富。而海帶麵豉湯夠晒熱，兼料子十足。➰ 炒雜菜師傅用咗芽菜、椰菜、青蔥同埋紫洋蔥嚟炒，再撈埋師傅自家製嘅蒜蓉醬嚟食，夠晒香口兼惹味。
继续阅读
⌇瀧 宴 日 本 料 理“ 🍱 “ Lunch Set ( $ 4 4 8 )瀧宴日本料理Lunch Set呢個價錢有9道菜，包括刺身、壽司同鐵板燒，超級大滿足🤩當日季節前菜有豆腐沙律，刺身有黑木魚同吞拿魚刺身，黑木魚香氣濃郁🎏然後精選壽司係依左木、池魚壽司，師傅已經為壽司調味，將魚嘅鮮味帶出🍣 接住到鐵板燒食物，首先有野生大虎蝦，非常有牛油香味，口感彈牙🍤 跟住係香草牛油帆立貝，底部有海帶汁襯托帆立貝嘅鮮味😋 下一道菜香煎鵝肝伴自家醬汁，睇到鵝肝係非常大！但唔會覺得膩😉 然後到牛嘅部份，食左米國頂級牛肉，厚燒同薄燒都試左，平時偏好厚燒嘅我覺得包住蔥嘅薄燒都非常出色，另有岩鹽同蒜片調味🥩 然後有炒什菜配自家製蒜蓉醬，蒜蓉醬味道好邖出！最後係鐵板櫻花蝦炒飯配麵豉湯完結美滿嘅一餐😋餐廳位於銅鑼灣Sugar+ 26樓，有落地玻璃飽覽維園同維港景色，光線充足，室內裝修亦有心思✨總括而言呢個午餐非常滿足，食物環境都好滿意，師傅亦細心解釋每一道菜，非常推薦👍🏻🦞瀧宴日本料理銅鑼灣糖街25-31號Sugar+ 26樓🍞#foodraah_cwb
继续阅读
今天來到位於銅鑼灣的瀧宴日本料理慶祝紀念日，我們點了$880一位的套餐。首先送上的是餐廳自家醃製的漬物，有蘿蔔和青瓜等等。前菜是汁煮南非鮑魚，入口相當軟腍，鮑魚下方鋪了件蘿蔔，蘿蔔吸收鮑魚精華，相當入味。第二道菜是季節刺身，分別是深海池魚，秋刀魚，和拖羅。刺身相當鮮味，都不用蘸鼓油，山葵。第三道菜是吞拿魚米通壽司，吞拿魚蓉下面放了米餅，上面雪花似的是鹽。第四道菜是海鮮蒸蛋，蒸蛋當中有不少的蟹肉，所以蒸蛋十分鮮甜。第五道菜是湯，湯中有兩顆飽滿且鮮甜的蛤，還有紫蘇葉和海帶，湯的份量剛好。第六道菜是龍蝦，坐在鐵板前面看着師傅親自烹調菜式，龍蝦在鐵板上還是活動的。龍蝦膏和龍蝦肉分開烹調，最後再歸集一起，龍蝦肉彈牙鮮味，配合龍蝦膏甘香可口，可以再來一份嗎？🤤第七道菜是香煎鵝肝，師傅介紹這是用上了意大利的黑醋和日本的黑豆，黑豆甜甜的，鵝肝蘸上意大利黑醋，稍稍中和了鵝肝的油膩感，幸福感滿滿。😋第八道菜是美國頂級牛柳，這道菜當中的牛柳，師傅分了兩種做法；第一種就是切好兩小件煎熟，第二種則是以薄片的形式捲上蔥花再煎熟，旁邊伴碟的蒜片配上牛肉卷味道相當出色，無論是那一種做法，牛肉的味道都相當突出。第九道菜和第十道菜分別是煙肉香蒜炒飯和炒雜菜。炒飯炒至粒粒金黃，雜菜是炒豆芽，可以撈上蒜蓉醬一起吃，第十一道菜是冰粉，可以選蜜桃味或者葡萄味，為一餐畫上完美句號。
继续阅读