Ambrosia Oyster Bar & Grill (已結業)

我唔逼 , 我唔趕生有時 , 死有時食飯要慢慢享受 太座忽然說要帶我上 isquare 28 樓去吃午餐 , 聽她說午餐的價錢是很抵食 , 我又怎會掃她的興呢！ 踏進餐廳立刻被一道從外面射進來的陽光所刺眼 , 原來餐廳的環境是很明亮 , 靠近窗外一看差不多可以看盡全個尖沙咀及對岸的風景 侍應安排的座位是可以給我們一邊吃午餐一邊看風景 , 多迷人！ 午市優惠的生蠔盤是賣 98 元三隻 , 188 元六隻 , 如果需要轉烤焗蠔另多加 30 元烹調費 ~ 今次廚師為我們送上三種蠔 , 分別是左邊的南澳 Coffin Bay , 中央的塔斯曼尼亞 , 和右邊的美國熊本蠔 ～ 當中的 Coffin Bay 生蠔更是國際聞明 , 出名又肥又甜～ 塔斯曼尼亞蠔的肉質豐厚 , 入口首先有海水味 , 慢慢甜味會滲出來 , 口感豐富～ 熊本蠔原產於日本 , 味道鮮甜 , 肉質柔潤 , 略帶金屬的 aftertaste ～ 頭盤要了色彩豐富的 意大利手摘蕃茄沙律伴水牛芝士雪糕 ～ 一隻碟上擺滿豐富食材包括有羅勒、醃酸洋蔥、松子仁、不同顏色品種的蕃茄 , 伴食的有水牛芝士雪糕及 25 年意大利陳醋珍珠 ,

要在繁華的尖沙咀裏靜靜地吃午餐 , 我想 ... 直至恰巧在 Openrice 裏讀到一則廣告 , 是的 , 唯有人望高處 ... 不知道 iSQUARE 國際廣場 28 樓 ... 這地址夠高嗎 ? 廣告說這間 Ambrosia 正在推出成人每位兩百多元的假日半自助早午餐 , 吃足三個半小時還包括每人可享用 3 隻當造生蠔。 再者在有限時段更設有「一折食Brunch」大驚喜 , 詳情請自行瀏覽官方 FB。如此的吸引又怎可能忍耐到假日 , 因此特別在某一個中午走上 28 樓吃個午餐。 從外觀去看並沒有甚麼特別 , 只要踏進餐廳便發覺是另一番天地 , 天清氣爽 , 窗外景物多麼美 ! 餐廳的座位設計是把景觀用盡 , 無論是二人世界或是一家大小 , 進餐時無需雙眼對望 , 大家都可以看著美景吃個便飯；相信在煙花燦爛的時刻 , 沒有人會忘記。 餐前麵包 午市特設 生蠔拼盤 , 3 隻只售 $ 98特別於點菜時交由廚師發辦 , 他為我們揀選了兩隻澳洲蠔及一隻美國蠔 , 由右至左分別是 美國的熊本蠔 ( 細細的一隻卻有肥美肉質及清甜的味道 )、中間是帶脆身口感的澳洲塔斯曼尼亞生蠔 ( 入口

 正當苦惱緊想搵個地方同朋友們星期六舒舒服服食個lunch傾下計，但自己又要番工放1點，去酒店食lunch buffet又太趕，食tea又等太晏先有得食，咁岩就發現Ambrosia出左個brunch既semi-buffet，時間真係fit到不得了! 仲要有生蠔食~ 即時雙眼發亮gogogo!!!!其實之前都去過ambrosia食過好幾次dinner，夜晚景靚已經不在話下，日頭都一樣咁靚咁舒服! 一邊對住咁正既景，一邊飲住杯sparkling wine同朋友們傾下計，咁既星期六真係過得好寫意~野食方面，雖然係得頭盤同甜品任食，但都好足夠食到我飽到差啲食唔落主菜…食埋主菜之後我真係食唔落晚飯...凍蝦杯~ 值得一試! 夠曬fresh!唔好話我食麵包好浪費quota…因為我覺得佢既牛油真係好好味!! 哈哈~~其實佢仲都鵝肝toast…只係我唔食鵝肝無試到!最期待既生蠔出場啦~~~ 佢既生蠔從來未叫我失望過…今次都依然keep到好好食，次次食親都係咁鮮味! 食完餐個3隻澳洲蠔，大家都忍唔住再加錢叫埋佢既法國蠔食，堅係好得!! 真心建議大家咩調味料都唔好亦唔駛落，直接試下佢啲蠔既鮮味!主菜都算大

放假想搵間餐廳食brunch, 最好係環境舒適同有nice view, 可以relax下。😁見倒呢間餐廳有semi buffet, 只係$298，就同屋企人黎試。我地四個人，每人可以喺六個main course入面揀一款，我地叫左Rissoto, Mini beef burger, grill chicken同French toast大家share。燒雞肉質好滑，比想像中好食，因為唔想食太多肉，試左French toast上面加雪糕，都幾refresh。之後甜品仲可以任食，啱晒我D鍾意食甜品嘅人。😁最開心係一邊食一邊見倒無敵海景，仲見倒中環摩天輪，即刻有晒holiday mood😍 300蚊左右有晒味覺同視覺享受😆下次都會再黎。

電話Book既時候講明13個大人4個小朋友，仲問有無BB櫈，有booster seat, 寫deposit form時候都寫到明13個大人4個小朋友，去到竟然話"無喎你地無request wo!" 算～當係communication problem, d態度好唔可以好d? 寸到爆！仲有，book左11:30，你就1134先開閘，人地求其一間普通餐廳都會早d開準備啦！都算！我地食lunch你俾個dinner menu我地！你俾個心落去做得唔得呀？！仲有個間「vip房」係經過一間雜物房先入到去，你地對d "vip"真係特別優待喎！

KsMeow近來跟朋友聚會食飯，除了考慮餐廳因素外，還要看看那里的精靈活躍指數。位處尖沙咀iSQUARE的《Ambrosia Oyster Bar & Grill》正好滿足大家，假日Brunch包一份主菜、三隻即開生蠔及任吃自助頭盤跟甜點；而且還是捉精靈熱點，讓友好抓緊每個捕捉/補給機會（笑）頭盤區選擇不少，如：爽脆的「沙律菜」、以玻璃瓶盛著的「醃酸菜」、豐潤的「鵝肝醬多士」、油香滿溢的「西班牙火腿」、爽鮮的「大蝦杯」、甘香的「煙三文魚配忌廉及黑魚子」等。當天的「生蠔」以愛爾蘭及澳洲產為主，三隻即開生蠔，蠔殼里仍保留著海水，吃起來餘韻更為良久。主菜選擇頗多，「炭燒牛肉漢堡」烘得香脆的包包，塗上厚厚的一層牛油，內里夾著新鮮的蕃茄、洋蔥及滿有肉汁的漢堡扒，跟金黃薯條同吃，超邪惡！各款甜品賣相精美，再呷一口香啡，享受假期的Happy Moment！感謝欣賞 KsMeow 小分享！

經過成個星期的忙碌，星期六lunch緊是要同班姊妹搵個好地方relax 下。今次就揀左係i square 28樓的ambrosia。點解揀呢度，睇下個景就唔使再多講啦。今次我地食brunch，包每人三隻生蠔，一道主菜，另外頭盤同甜品就是自助形式，想食幾多就攞幾多。講真，以三百蚊唔使的價錢有生蠔，頭盤，主菜同甜品，就算其他地方都無，更何況是有海景的i square。CP 值真是好高。另外，加108就可以free flow 紅白餐酒同 sparkling 我地當然唔會執輸啦。好啦，唔再講$。講下食物，今日供應的是澳洲生蠔，唔算好大但蠔味超重。頭盤方面，有各式冷盤，沙律，湯同麵包，我個人最欣賞的就是查麵包的牛油，真是超好味。主菜我揀左fish and chips ，都算是水準之作。成班人食住野，飲住酒，嘻嘻哈哈咁過一個下午。

星期六放假,更係要搵個靚景,食返個Brunch先至係relax.而呢間位於I-Square 28樓的蠔吧扒房餐廳就岩哂我啦,可以一邊對住個維港靚景,一邊食野,真係一級的享受.至於食物方面,生蠔十分新鮮,鮮味十足,可惜Brunch每人只有3隻,如果可以每人多3隻就好啦!甜品有好多款,係任食架,但我已經食唔到咁多,所以影得幾款.頭盤&Salad 亦都係任食,其實佢似Semi-Buffet 多過Brunch,款式眾多,最重要係有我最愛既Parma Ham!!主菜其實有6款,但係我地得4個人,叫咗Gill Chicken,Risotto,Mini Beef Burger, French Toast,而我就叫咗個chicken 黎食,個chicken嫩滑又juicy,係西餐個chicken要煮得嫩滑唔容易的.所以總括黎講,呢間餐廳絕對值得一試.

以前來過這裡食晚餐, 已經好欣賞佢地嘅生蠔, 仲有體貼的服務同一流景觀. 今次約埋朋友一齊來試 Weekend Brunch, 邊傾計邊享受美食同大藍天維港景緻.Menu 包三隻新鮮生蠔, 今日係Tasmanian 和 Coffin Bay. 我們還後加了半打肥美法國生蠔 XD.前菜有Appetizer and Dessert Buffet, 精緻得來有驚喜, 個扭紋條好值得推介.主菜有差不多十款選擇, 這個炭燒牛肉漢堡份量十足, 漢堡有成吋厚, 炭燒嘅味道好有特色! 整個套餐298元加一, 相當抵食!!

回望過去幾個星期留下的飲食足跡，發現多半約會都選了一些坐得相對舒適的地方，因男友工作辛苦，工時長又忙碌，能遷就到的見面時間變得少之又少，其實吃些什麼並不是重點，我倆只是想舒舒服服無限時地吃個午飯，而不知這由可時開始變得奢侈。經過較幽暗的玄關踏入餐廳，首先映入眼簾的是那270度維港美景，即使我們在香港土生土長欣賞過無限次但仍會禁不住讚嘆它的美；一張張梳化椅上面放滿帶有古典味咕𠱸，配上白色桌布，有格調且點到即止。而我們在到達前三十分鐘才致電留位，沒想到也能安排到窗邊位置，坐得更是稱心。不少餐廳在星期日也會以Weekend brunch作招徠，提供的食物多了但價錢同時令人卻步；欣賞這兒星期日的午市菜單和平日的一樣，可選只有主菜的輕怡午餐，或是頭盤加主菜的滋味午餐，兩者皆包括甜品和餐茶，對於胃口不大的人可是個福音，而更令人驚訝的是午餐價錢只是由$88起跳，最貴的龍蝦售二百多，伴著令人百看不厭的美景，整體比想像中相宜。Bread Basket (Complimentary)暖呼呼的麵包籃和冰凍的牛油在下單過後一同奉上，有兩款外貌不同的餐包和數塊薄片狀的脆脆，其溫度為它加了不少分數，挺有麵粉香，塗

從朋友口中聽說口碑好食物有質素, 最後同老公決定係呢間餐廳渡過我們的相識2週年紀念飯. 原本book左晚上 730 pm 但因為我們早到了, 於是打電話去問可否早一點入座, reception二話不說改成了 700 pm入座, 值得一讚!由於入座時天還亮著我們想先觀賞一下景色, 侍應們都非常有禮貌地照顧著我們的需要, 例如會先比水同麵包給我們當小食, 非常周到! 上菜時間: - 水牛芝士番茄沙律 (呢個水牛芝士大廚將芝士整成ice-cream既口感, 食材新鮮, 非常特別!)-Duo de Foie Gras (呢個真係一定要食, 好味到形容唔到)-Coffin Bay(好creamy, 有驚喜)-Lobster Soup(超足料, 好濃既龍蝦味)-慢煮安格斯牛(剛剛好, 表面煎過非常香牛濃的味滲透出來)-慢煮三文魚(食過咁多三文魚中最好食最鮮味, 因為慢煮關係, 保留了魚的肉汁在內)最後我們品嚐埋個甜品把今晚的晚餐完美地畫上句號.呢間餐廳比我感覺非常好, 一定會介紹朋友食.

相約中環朋友食晚飯, 想去遠D, 揀咗尖沙咀。友人諗起食生蠔, 非 isquare 28樓既 Ambrosia Oyster Bar 莫屬 。好彩有訂位, 可以坐到窗口位  雖然兩pair人坐落有點迫, 但這個「情侶廂座」實在無敵, 個view靚, 海景無遮無擋, 加兩張座椅背著窗口都無問題!幾個月無來, 打開menu一看, 完全唔同咗!!! 生蠔選擇依然多, 頭盤主菜更豐富, 但最 capture 到我地班數人 (做開銀行、會計, 對數字當然特別敏感!) 嘅目光, 當然係價錢! 竟然平咗一、兩成!!!聽經理話新來了韓國生蠔, 無喺外面見過, 大家也亦未食過, 當然先來半打。呢隻韓蠔 golden pearl, 大大隻, size 絕對唔輸蝕俾法國蠔, 但索價不貴, 每隻只是$68。隻蠔夠哂 meaty, 入口甘甜, 有淡淡 mineral 餘韻, 有驚喜! 緊接是少不了的法國生蠔 la lune。法國蠔果然是法國蠔, 縱使不夠當造, 但一口吃下去, 海水味十足! 有蠔香! 令人彷彿一下子飛到法國 非常新鮮! 正!  最後是澳洲 Sidney rock 生蠔。肉質同樣厚, 海

這一個下午要跟幾位友人吃午飯，幾位友人都是對飲食有要求之人, 當然要找個交通方便的地點，坐得舒適，食物有質素，又要有特色的地方，友人就提議來這裡。來到的時候是正午十二時,這裡的大單邊海景，論環境絕對是無敵，而且室內空間寬敞舒適,剛好這天天色極佳，看著藍天白雲，自然光由落地大玻璃窗透進室內，給人的感覺是光猛舒服，進入店內侍者說座位已安排好了，就走進用餐的地方,安排了單邊位置的六人座位給我們, 可以邊吃邊欣賞維港兩岸的景色。大家坐下來, 先點飲品, 個人選了sparkling wine, 味道清爽怡人。店員送上的麵包籃是簡簡單單的小圓包及脆皮，烘得熱熱的, 塗上些牛油也是好吃。來到這裡怎可不吃生蠔, 先來一個新鮮生蠔盤，包括了三款生蠔, 是日的就是Kumamoto、Tasmanian和 Coffin Bay, 由檸檬擺放的位置以順時針方向吃，由最淡味的生蠔開始食, 然後漸漸食到最濃味的生蠔, 生蠔都是新鮮無比，入口盡是海水的鮮味，也算不錯。再來兩款頭盤, 色彩豐富的意大利手摘蕃茄沙律伴水牛芝士雪糕, 用上意大利的紅、黃色蕃茄,味道清甜而且多汁, 面頭鋪上水牛芝士雪糕, 口感滑溜帶有芝士鹹味

九龍尖沙咀國際廣場食肆林立，選擇眾多，要找到一間無論環境與食物質素兩者俱佳的餐廳，亦非難事。好像這天我與友人聚會的這間蠔吧扒房餐廳，便是其中之一。這餐廳位於國際廣場28樓，樓層雖不算太高，但地方闊落開揚，陳設典雅而有格調，餐廳一角擺放著的一部白色三角鋼琴並非只是裝飾，每晚八時至九時都有樂師彈奏，而且可讓客人一展身手。好像這天，我與友人用餐期間，便有一位鋼琴高手一時技癢即場彈奏，水準之高，與職業樂師相比亦不遑多讓。兩面落地玻璃外面對著尖沙咀、維多利亞港和港島一帶的無敵景色更是這餐廳最吸引的地方，這天天氣晴朗，藍天白雲的，能見度極佳，在這餐廳中對著美麗的景色吃飯，特別感到心曠神怡，身心舒暢。要是在晚上前來吃飯，坐在餐廳中向著落地玻璃的二人情侶座位，維港迷人夜色，兩岸璀燦燈火，一覽無遺，盡收眼底，又是另一番的美麗風景。一籃子麵包先行送上，各款麵包水準極高，應脆的脆，應軟的軟，而且又夠熱度，塗點牛油之後，更加美味。這兒既是蠔吧，不吃生蠔怎麼也說不過去吧！這兒的「生蠔盤」（Oyster Platter）（$98/三隻）共有三款生蠔，分別是來自美國的 Kumamoto、澳洲的 Tasmanian和

同相識20多年嘅朋友食lunch,當然要搵一間坐得舒服又有靚景嘅餐廳，係open rice見到呢間餐廳嘅相，即刻吸引住，好彩有訂位，所以可以坐係對住海景嘅枱，對住咁靚嘅海景同裝修，整個人嘅心情都放鬆哂！😍