Explorer Fusion Restaurant (已結業)

見到openrice晚餐甘多好評 一心唸住午餐都吾差得去邊 點知希望愈大失望愈大 午市有自選意粉或魚生飯 仲有2個套餐可以揀$88 我同同事都叫左香草海鮮扁闊條麵 （餐廳當時無闊條麵 要轉意粉） 海鮮只有三隻青口（略咸）三隻細蝦（略老）同埋一隻帶子（無味）..麵勁dry 無咩汁 完全係無得再普通既普通 吾值$88呢個價 不過唯一好少少 係個倒湯（南瓜湯）味道幾好..其他同事叫魚生飯 自選 賣相都是一般..味道都略普通..覺得有點中伏

探住响沙田嘅老人家之前想搵間餐廳醫下肚先，行行吓就行咗去呢間嘢到可能肚餓得制，諗都無諗就衝咗入去室內燈光柔和，但係都足夠，仲有室外同室內嘅座位比啲客人揀餐湯嘅意大利雜菜湯酸度啱啱好，食嘢之前飲可以開吓胃精選自家沙律除咗有最基本嘅生菜，仲有魚生同蟹籽，甚有日式風味日本菜方面嘅上級壽司盛合非常豐富，有海膽同帶子配黑松露，每一件都好鮮甜美味，好好食呀~再送上枱嚟就係呢碟，芝士完全融咗响啲肉醬上面，可以用薯角點嚟食，亦都可以點芥末酸忌廉，一次過有兩種唔同口味嘅食法~ 最啱花臣多多嘅我臭妹就叫咗個意粉，溫泉蛋半生熟，黑松露好香，同啲忌廉係最夾嘅，口感好rich，而且結合咗日式同西式，好食大食嘅我哋仲叫埋呢碟，挪威三文魚煮完之後依然好滑，露筍加埋牛油一齊煮口感仲豐富。

近年開咗愈來愈多間Fusion菜餐廳，响朋友嘅推薦下，我嚟到間位於沙田嘅餐廳，希望可以試到啲特別嘅菜式門面係西式嘅裝潢，但係入面有日式嘅餐牌同日式嘅菜單，可以見到設計者嘅心思。店入面非常光亮又乾淨，好舒服爆鍾意食蠔既我就立即叫左吉列炸生蠔！炸到好香口，而且仲好大粒好鮮甜，配埋明太籽沙律醬一齊食感覺上唔會太肥膩日式嘅和牛用嚟整西式嘅漢堡，入面嘅蛋係太陽蛋，半生熟，所以食落唔會乾，口感豐足之後送上枱既特選刺身單係個樣已經靚到唔知講咩好~海膽好香濃好滑，三文魚嘅油脂分佈好平均，啲蝦亦都好鮮甜阿妹就叫左個沙律，我以為係普通野，原來响番茄同生菜上面仲有魚生同蟹籽，而且無沙津醬，咁就健康得嚟又唔怕會肥啦~酸酸地幾開胃添~~呢度既檸檬茶都唔似其他餐廳咁淨係比幾塊檸檬你，好豪爽凍柚子蜜酸酸甜甜又開胃，味道好清新~~~~~~~

今晚朋友約去石門新場試好嘢， 石門站本身好陌生極少去， 可能喺工廠區和晚飯關係 這區很優靜 晚上八時來到朋友們已點了菜式 這兒有自家菜單還可以像私房菜 只要給一個價錢老闆 便可以為我們安排， 今晚老闆為我們安排了炸雞鎚 香脆肉嫩， 烤牛扒及羊㗎 肉汁豐富， 肉醬薯角 ，刺身拼盤 質素最好每款刺身都非常新鮮 今晚食得非常開懐。

首先! 之前有次泥食過早餐係不過不失，正正常常既，但今次經歷係非。常。差。先唔評論啲水有陣水喉水味(當我吹毛求疵)，好多想嗌既野都話供應商冇貨、沽清(當係咁啱得咁橋我想嗌既都賣哂)，最後叫左壽司同慢煮和牛。正路都係先上冷盤壽司(我估)是常識吧，但一泥係先上慢。煮。和。牛如下:慢煮但最快上唔緊要，你有你烹調方法可能好好味呢。但結果淨係個牛收我$188，唔係set dinner喎! 淨係呢幾舊牛喎! 又當你係靚牛，結果食落去，係。毫。無。特。別。架。:0) 要搵個讚位，有既，舊牛都真係嫩嫩地既。但絕對唔值$188! $108已經係可接受範圍內最盡。跟住就經典鳥:呢個辣蝦卷，不得了呀! 有兩舊係我夾左舊蝦出泥食所以賣相奇怪sor，但我夾第一舊個陣，一夾起，底下就係右下角pat辣醬，成件事係神級多醬，啲蝦唔熱，然後紫菜一泥已經林哂，入口就只有醬的辣味。另外仲有3件壽司就唔講了，比起呢個蝦卷算正常，但如果叫任何壽司或卷物或刺身類，去連鎖壽司店吧啦，頓時覺得元氣板長冇得頂。以下係賬單，比錢個刻係想發誓冇下次唔會再泥食:

收工之後直奔Explorer Fusion Restaurant，因為已經有朋友係度等緊，大家已經相識好多年，彼此之間都共同經歷過好多事情喇，所以希望係佢出國工作之前大家好好咁慶祝一下我去到嘅時候朋友已經點好咗beer，因為宜家咁嘅天氣飲翻杯涼茶有助於降火~鬼佬涼茶就最正喇！半杯落肚之後，大家都冷靜咗喇，講起以前嘅趣事，特別係爭食甜蝦嘅醜事，宜家三文魚、牡丹蝦、吞拿魚、甜蝦都擺晒係面前，大家都無好似之前咁，食落好鮮甜爽口，大家都食得好開心。飲得啤酒就當然要食埋枝豆~ 呢碟枝豆味道新鮮爽脆，味道仲好清甜添~~~而我覺得最好味嘅都係呢道慢煮澳洲和牛，因為肉質嫩滑，火候掌握得岩岩好，中途侍應好主動禮貌，因為個人原因問佢要咗幾次餐具，最尾我自己都唔好意思，不過侍應都全程理解同充滿笑容，服務態度十分好，最重要係件和牛確係堅好食

一年一年又一年，距離三十歲已經不遠，就在眼前，感謝老張陪我從21歲嘅青蔥歲月直到宜家，心中真系好深感觸，祈禱上帝讓我生命中嘅每一個人都可以健健康康，順風順水！今晚老張就同左我去位於沙田一廣場地下商鋪嘅Explorer Fusion Restaurant，位置都系好顯眼，而且都好易搵嘅，客人好多，排位大概用咗6min，Explorer Fusion Restaurant嘅menu都好simple，黑底白字，風格突顯。焗芝士肉醬薯角配芥末酸忌廉，物超所值，芝士好好味，食多咁多依然覺得好食，而且分量都岩岩好啫！其中薯角嘅分量就覺得過分嘅多，我同老張兩個人都無系好中意薯角嘅，所以真系出乎意料，無食又簡直系浪費食物同污染地球！而水牛城棒棒雞，就每一支都係有條大主心骨，周邊都喺炸雞，不過食完都無覺得熱氣，棒棒雞嫩滑香，味道都無得彈，老張都話下次可以繼續食棒棒雞啫！加埋個凱撒沙律配63度溫泉蛋就更覺完滿，當中既溫泉蛋確係好值得一試，介乎於生熟之間嘅特別狀態令到溫泉蛋嘅味道好鮮美，價錢又無貴！

末出發去曰本都忍不住食餐好。工作關係約朋友到石門吃飯。門囗和裝修都好有氣氛，裏面播住流行歌曲。前菜黎個温泉蛋沙律，醬汁香濃，温泉蛋滑滑的餐湯除了蕃茄加咗紅蘿白蓉，令味道更清甜我最欣賞呢盤壽司加拿大海膽味道鮮甜、所有材料都好新鮮松露溫泉蛋意粉上碟已經香氣撲鼻，其實係隔離桌上菜吸引了我才叫此味菜，味道方面比想像中清淡。黑毛豬係是曰推介菜式，應該用了慢煮方法，豬肉裏面係粉紅色。肉嫩有肉汁配上芥末醬減油膩感。最後太飽未能叫甜品。

幾難得星期六週末有時間俾我自己handle，真系太感激喇，自從結婚之後我都覺得自己除咗系一名合格嘅家庭婦女之外，無論系生活定系工作都十分之壓力大吖，先生今天話痛惜我，話俾我近日放大假，出去同老友玩下咁。都系訓到自然醒，然之後簡單洗漱咗就出發去Explorer Fusion Restaurant。食嘢之前我都會觀察下周圍嘅環境同衛生情況，見到大廳度乾淨俐落，侍應禮貌可愛，霎時間就加分咗無少。重點描述下我對特技刺身，其中內容十分之豐富，有三文魚腩、八爪魚、牡丹蝦、帶子、吞拿魚、海膽、甜蝦刺身，其中我認為牡丹蝦同吞拿魚是覺得最新鮮好味嘅，當然其他事物都系好好食嘅，一份裡面嘅吞拿魚全部系我自己食嘅，食咗幾件都無會覺得夠喉，味道 宜家仲好想食添！仲有就系飯後嘅綠茶紅豆蛋糕，綠茶味一般黎講都系我嘅最愛，偏愛一切綠茶味道嘅甜點，偏偏綠茶味道裡面又夾雜住紅豆嘅味道，令人口舌一新，口感清甜，觸感細膩不油膩，感覺食咗都無怕肥！

餐單上好多野都冇得叫！日本魚膽..冇...棒棒雞...冇....燒三文魚頭...有既....等半個鐘呵！%#¥不算難食...但不到水準囉！食完仲話（只收現金）！...不知所x! I

馬鞍山鉄路沿線的石門站，最近開了不少不同形式的食肆，中式、日式、港式、韓式和這間西日式 fusion的 Explorer, 今次就到這家餐廳探索美食。餐廳除了室內座位，門外還設有戶外餐座，最適合吸煙人仕。凱薩沙律配63度溫泉蛋（$68）沙律用了有機羅馬生菜、脆煙肉、麵包粒和巴馬臣芝士，其中的 63度溫泉蛋更是我的最愛，將半熟的雞蛋拌勻，令沙律更美味。忌廉蘑菇湯（$58）蘑菇湯的味道好濃馥，還吃到粒粒的磨菇，忌廉也很香濃。特選刺身-竹（$398）刺身拼盤包括吞拿魚中腩、活帶子、海膽、三文魚腩、牡丹蝦和油甘魚腩各兩件。帶子比起一般坊間吃到的爽甜，海膽是加拿大產，很軟綿很大片，牡丹蝦鮮甜，蝦頭還有蝦膏，其他魚腩更不用多說，只能用肥美去形容。慢煮挪威三文魚配牛油蘆荀（$128）慢煮西班牙黑毛豬（$188）廚師把兩碟慢煮菜式合二為一碟。三文魚皮煎得香脆，魚肉軟滑，內面還保留一點的生，令一件三文魚集合香脆，軟滑和鮮嫩。慢煮西班牙黑毛豬扒的肉質鮮美多汁，調味恰到好處。

友人今晩約了我去石門吃fusion菜，身為沙田友多年的我連石門的茶餐廳也沒去過，更何況是去吃石門的fusion菜呢！餐廳在石門馬鐵站附近，十分方便。環境有格調，裝修富有西式和日式色彩。精選自家沙律除了有新鮮爽口的沙律菜，牛油果和蕃茄，還有三文魚粒，八爪魚和帶子，份量十足。沙律醬汁酸酸的，很開胃唷！特選壽司盛盒的賣相倒真誇張！有吞拿魚腩，三文魚腩，油甘魚腩，吞拿肉，海膽，帶子，還有小壽司卷。厚切的魚生十分鮮甜，口感豐富。我最欣賞的是海膽壽司，鮮味無比卻毫無腥味，上面還放上我愛的脆卜卜魚籽。超高質壽司，是必叫之選！試試甘荀蕃茄湯，味道清新，喝完沒有很口渴的感覺。真材實料，十分健康。本身以為吉烈炸生蠔會很乾，但咬下卻相當鬆化，生蠔多汁嫩滑。配上明太籽沙律醬，脆卜卜的口感很特别新穎。薯條配茄汁會否太沒新意呢？所以我們一看到餐牌有焗芝士肉醬薯角，明知是極邪惡系列，但也把持不住點了。芝士味濃郁，肉醬薯角配上芥末酸忌廉很惹味。我點了黑松露忌廉汁意大利粉。意粉是餐廳自製的，所以彈牙煙韌。其實温泉蛋才是主角，蛋汁混進忌廉汁裡，很美味噢～慢煮挪威三文魚很juicy！以低溫的烹調方法保持魚肉嫩滑多汁，更不會

Happy friday的晚上，學完車便要醫下個肚。老友說happy friday當然要和我去吃好西。沙田從來不是我地頭，老友話上車先講啦。由上車到落車不足十分鐘路程便到了石門的Explorer fusion resturant。餐廳門外有大量車位，是一個聚腳的好地方，適合一眾車友hea下食個飯吹下水🚙🚕🚗餐廳位置於石門港鐵站附近，交通四通八達。餐廳有露天座位，下次可以帶埋狗仔來。吹下風喝下啤酒，人生一大樂事進入餐廳已看到壽司bar枱，西式裝修加上日式壽司bar枱，卻沒有一點違和感。餐廳還有生蠔提供，實在包羅萬有，任君選擇。牆上寫著當日廚師推介我倆都沒有idea，於是便請店員介紹一下點了幾款食物凱薩沙律加入63度烹調的温泉蛋，看似平凡，但煮出一隻好味的温泉蛋卻是一門學問。這裡的温泉蛋生熟程度洽好，簡單的配上沙律菜已非常yummy雜菌蘑菇湯，以多種菇類淆制而成，超濃厚菇味，且喝入口有粒粒蘑菇，十分滋味芝士味香濃，配上肉醬薯蓉來吃非常惹味。另外炸蠔不會炸到乾爭爭，咬下juicy到𣎴得了店員甫放下，當然相機先食📸📸📸爆丼材料豐富，包括有海擔、拖羅、油甘魚、三文魚腩、甜蝦、魚子、帆立貝等，超大

今日扮一下偽文青, 來到沙田文化博物館看一下「法國五月」的羅浮宮展, 順帶在這區找尋好西因為友人住在附近, 經她一番介紹下, 便來到這裡試一下了!位置方面其實算好找, 不過因為石門不常來這裡, 本身以為很遠的. 怎知道原來這麼易搵, 感覺自己有點像大鄉李的偽文青! 看似這家像是充滿著西洋氣式的西餐廳其實還有日本菜的, 在場也看到不少人叫自選丼等日本菜式, 但同朋友最後都是叫了幾款西式菜凱撒沙律配63度溫泉蛋以新鮮蔬菜撈上蛋汁同芝士粉, 十分清新, 沙律配上芝士粉真是一個很好的配搭!特別的是沙律還有撒上脆煙肉，吃落鹹鹹香香, 十分惹味!焗芝士肉醬薯角配芥末酸忌廉 看看圖就知道這個菜有幾足料! 薯角上層放滿肉醬, 而且芝士焗得焦脆的, 而且薯角脆卜卜, 富有充滿感~ 如果覺得味道想更多元化可以配上旁邊的芥末酸忌廉吉列炸生蠔配明太子沙律醬吉列炸生蠔好肥美, 炸粉厚薄適中的! 最重要是吉列炸生蠔唔會有咩奇怪味道, 入口甘香而且帶有鮮甜味道, 如果吃真一點其實還吃到有淡淡香油香, 一點也不油膩芝士忌廉蘑菇湯質感濃稠, 而且內有粒粒菇菌, 非常足料, 是用心菜式, 相當有驚喜慢煮澳洲和牛配薯菜肉味

從前馬鐵的石門站，就近多只是工業大廈，在筆者印象中幾乎沒有多少食肆，直至最近朋友介紹，説該區早已逐漸褪變，最近更有大型商場落成，各式食肆也相繼進駐，而其中的一間日式西餐更深得朋友歡心，推介筆者定要去品嘗一下。這間洋日Fusion料理餐廳，由兩位曾任職酒店的大廚主理，希望以酒店級數食材呈現自家的心思和創意，將傳統美食糅合新派處理手法，推陳出新，取長補短做成近年流行的融合菜。位於石門站旁邊的商場內一樓，有點似歐式酒吧的門面外觀，細節骨子裡又帶著日式風格，如日本風的坐地燈飾和天花燈籠吊燈，半開放式廚房上面還掛著日式料理般的木製魚類名牌，原來不止是菜式上的Fusion，就連裝飾裝修都貫徹著融合的風格。店內座位不算太多，枱與枱之間還算寬闊，環境揚逸著一片悠閒輕鬆的氣氛，坐得舒適自在。打開餐牌，發覺無論日式或西式的菜式種類也算多。除了洋風料理如沙律、生蠔、小食、餐湯，主菜外，還有日式壽司和刺身供應，讓客人可同時品嚐到兩國的風味，大膽得來意念亦不錯。有機蕃茄水牛芝士沙侓伴香草汁，嫩紅多汁的有機蕃茄片上面放了小塊Mozzarella Cheese和三文魚籽，配上翠綠的火箭菜及沙律菜，再灑上巴馬臣芝士粉