Lab 66 (已結業)

今日約左係旺角食晚餐，朋友話想食西餐，我就揀左呢間試試佢。Menu上嘅食物都幾有心思，同一般西餐廳嘅食物有啲唔同，因為唔算係全西餐，似fusion菜多啲。我地揀左1個頭盤，1個小食，1個主菜。芒果軟殼蟹卷見到好多人都有叫呢個菜，芒果份量少，味道亦都唔會搶左軟殼蟹嘅味道。由於軟殻蟹係油炸，配上生果同蔬菜，油膩感即時少左，感覺fresh左。加上少許沙律醬，整體感覺做得唔錯。煎蠔餅味道唔錯，料亦都唔少，建議用黎送飯，不過一夾起見到成個鐵板都係油，食油都覺得油左少少，呢點可以改善一下。芝士鰻魚飯好多芝士，啖啖飯都沾滿芝士，一啲都唔慳皮。鰻魚有2塊，2個人食就剛剛好，不過由於啖啖都有芝士，食完都真係有啲膩。總括黎講，呢間餐廳都有啲驚喜，而且菜式都有啲心思。呢個價錢對比旺角嘅餐廳黎講係貴少少嘅，不過可以一試。呢間餐廳都算係有情調嘅，不過好坐程度就一般啦。

今天在旺角遇到中學同學，很久沒有見面了，甘岩大家有時間，找間餐廳傾下計，周圍睇下，行到近球場，有個光管招牌好搶眼，叫Lab 66,時尚餐廳？入去試一試吧！餐廳有2層，我們被安排樓上用餐！椰汁菠蘿沙冰：好香椰香味，少許菠蘿味，甜度適中。芝士薯條：芝士香濃，薯條好脆，點茄汁或黑松露醬，更加好味，令人食不停口！😋原條芝士鰻魚鐵窩飯：鰻魚好香啊！鰻魚下面有勁多芝士，食時還可以拉絲，飯是用鐵窩煑，所以底部會有香噴噴的飯焦，鰻魚、芝士加埋飯一起食，真的勁好味！正👍香草醬燒豬軟骨：份量都好大，連伴碟的薯條也很多，豬軟骨又林又入味，真的連骨都食埋！😋

見到呢間餐廳望落去都幾舒服，就入去試下。Menu入面都勁多嘢食，經過店員介紹就叫咗呢幾款試下。水牛單骨雞翼呢味菜上碟配搭非常清新，有蔬菜有一個白色嘅醬汁，同埋一支支好似咕嚕肉咁嘅雞棒，佢本身個雞棒 咁味道已經好好食，酸酸甜甜。側邊有一個水牛芝士做嘅醬，溝埋落去食另有一番味道，不過我都鍾意用水牛芝士配一支支嘅青瓜。芒果軟殼蟹卷呢味菜好似我哋平時食開嘅卡巴，用烤餅包住啲餸，不過佢今次個配搭好夾好好食，食落去有清新嘅蔬菜，香甜嘅芒果加上軟軟地又脆脆地嘅軟殼蟹，同埋佢個醬汁包起嚟食真係好好味。帆立貝墨汁意粉意粉要煮得好食，面同個醬汁都好重要，廚師煮到個麵啱啱好，但係小小咬口，個面本身都帶有少少墨汁香。佢個汁做得有濃同傑溝埋落去配埋啲味道比較淡嘅海鮮，呢個意粉煮得好好味，重點系我錯以為碟中大大片嘅帶子係片鱈魚肉。朋友聚頭飲嘢少不免，簡單直接呢咗支1664先。整體嚟講都幾好食，服務有幾好，會再嚟。

今晚約咗幾個朋友聚聚舊，喺球場過嚟經過黑布街，四周都係食嘢嘅地方，見到呢間外表好似cafe，望入去已經好舒服嘅西餐廳，就試試佢啦。望入去舖仔細細，原來還有樓上雅座，一邊嘅裝飾好特別好似自己設計咁好有特色。先叫咗個柚子沙律，美味沙律淨係外型都已經好吸引，紅紅綠綠咁，一粒粒晶瑩嘅柚子肉，加上紅石榴 同埋啲沙律菜，顏色已經好吸引。面層同有少少花生碎同蒜蓉，加上啲柚子汁，食起上嚟非常清新。串燒拼盤上枱嘅時候，串燒切到好似一個小斜塔用梅花間竹嘅方法一層一層疊上去，好有立體感，佢有三種唔同嘅串燒，有雞肉啦，佢哋雞肉用七味粉燒燒到好似bbq咁好香，食落去啲雞肉都幾嫩滑。有牛肉啦牛肉帶有日本串燒嘅風味，啲牛肉燒到啱啱好一啲都唔韌。有羊肉啦，羊肉串帶有陣陣孜然粉嘅香味，已經好吸引。不酒的朋友叫左杯Green綠青綠色嘅果汁，呢到好分明咁見到兩層，面層好似泡泡咁，下層應該係果汁，就咁望落好似啤酒咁，一浸泡一陣啤酒，飲落去下面嗰層嘅果汁好甜，比較重嘅青蘋果同提子味，好好飲。然之後攪勻連埋啲泡泡一齊飲過，味道比較淡少少，但係多咗少少橙同奇異果嘅味道。

今日放工來到旺角同朋友行街，行到累累地就上網睇下旺角有咩好食。發現呢間Lab 66都好似幾多好評，但價錢又唔算好平，而且位置都唔係坐落於旺角既中心，咁點解都會咁多人去食呢？我決定要親身去探究一下。原來改名叫Lab 66係有原因，因為餐廳既裝修真係好似模仿緊一個實驗室咁樣，工業味濃。牆身上有類似水喉水管嘅裝飾，都幾特別。原來呢間餐廳既面積都幾大，係有兩層架，我六點幾過到黎，都未到最繁忙既晚飯時間，就已經坐到半滿了，睇來呢間店真係有佢既吸引力。食物唔算好多款，但都好清晰咁樣印晒係呢個紙板上面。食物有好多得意既配搭，例如芒果軟殼蟹卷、鴨肉饅頭等等，有好多我都幾有興趣架。不過兩個人試唔到咁多，今次試住兩樣先啦。Dark Choco $68首先叫咗一杯特飲，朱古力怪飲朱古力係理所當然既事lol上網睇既時候見到好多人叫呢杯嘢，我都已經立志一定要是黎試呢杯超級朱古力。果然真係滿到瀉，所以店員係杯下面都會連埋隻碟一齊俾你。滿滿既朱古力加埋上面厚厚既忌廉、朱古力醬、碎朱古力等等，好吸睛。飲落口有超濃既朱古力味，唔係好似出面啲朱古力加冰畀你，越飲越淡，最後變左水咁既味。濃濃既朱古力背後散發住淡淡既香蕉味，

和朋友閒逛波鞋街，游走大街小巷覓食，一幅光線明亮的招牌讓我們停步，是間裝修簡約時尚的餐廳，看餐牌提供的食物頗為多元化，所以入座品嚐安排好座位，我們點了兩份頭盤和一份主食先來的是芒果軟殼蟹卷酥脆的軟殻蟹配上香甜的芒果肉，夾雜著點點的沙律菜，口感清爽味道出眾串燒拼盤看上去較為乾身肉厚，入口卻出奇的嫩滑帶汁，吃完了才知道有兩串羊肉，竟然完全沒有羶味，反而醬汁不及傳統的沙嗲醬來得惹味香草醬燒豬軟骨份量足夠，較為特別用上豬軟骨，煮得非常腍滑入味，啖啖肉之餘連骨也可入口，有點像吃中式的义燒，卻沾著西式的香草醬，別具風味 吃得有點膩了，還好有杯雙檸梳打解解飽滯朋友卻獨愛近年流行的手工啤酒喜歡她帶點果香味道，清新易入口

旺角黑布街食市甜品店林立，都是揾食好地方。行到街頭就看見意間店舖門面裝修特別，店內亦有放置餐牌，食物種類款式算多，所以決定入去。餐廳裝修以工業風設計為主，感覺時尚型格。餐廳有地面及一樓坐位位置，座位較密。餐牌是食物相片為主，個人喜歡。因為可以清楚睇到食物形態，令食慾大增。同時餐牌亦有中英對照，方便不同客人點餐。價錢亦大眾化。鑊仔廣島蠔，蠔仔鮮甜，外層香脆。用鐵板上能保持温度，不錯。原條芝士鰻魚飯^_^絕對值得推介味道香口惹味，原本芝士加上鰻魚配搭一流。口感層次豐富，配上石窩能令食物保持温度，令飯變成飯焦，十分香口。慢煮安格斯牛扒，肉質嫩滑多汁，不錯。墨汁帶子意粉，味道香濃惹味，加上番茄檸檬配菜，顏色豐富，令人開胃。醬燒豬軟骨，推介。啖啖肉，味道微辣惹味^_^真的不錯最後當然要點甜品^_^Affagato是我最愛，咖啡加雪糕，絕對是不能錯過的配搭。

今晚同朋友係旺角球場睇完波, 行過隔離街睇有咩食, 再Search下openrice, 發現呢間餐廳食評唔錯, 所以就決定去呢度食dinner~ 呢間餐廳分為兩層, 每張檯與檯之間幾寬敞。Menu上好多款式都好吸引, 忍唔住點多幾款大家share食。【黑牛】HK$48呢款台式飲品已經好少可係Cafe可以飲到, chocolate 雪糕溝可樂, 解渴一流~【芒果軟殼蟹卷】HK$88除左台式飲品, 呢度更有墨西哥卷, 包住新鮮沙律菜、少少芒果肉同埋軟殼蟹, 軟殼蟹雖然脆, 但份量比較少。因為沙律菜比較多, 所以卷埋一齊食都食到入面既爽脆口感【芝士薯條】HK$48薯條份量多, 不過芝士比較少, 拉絲效果不太明顯【炸魷魚鬚】HK$68炸皮唔太厚, 即叫即炸, 唔算太油, 雖然呢隻炸漿炸起唔太脆, 不過魷魚鬚極之爽口, 而且份量幾多, 抵啊!【咸牛肉芝士吐司配薯條】HK$58薯條份量好多, 岩哂閒聊/送啤酒。而吐司烤得表面金黃, 咬落表面脆而內裡鬆軟, 吐司夾住咸牛肉, 牛肉比較少, 不過熱溶既芝士味很出, 依然食到包入面咸咸地既味道~【香草醬燒豬軟骨】HK$198汁醬味道類似中式既薑醋, 甜甜

行經黑布街找好西食，離遠已被這裡的工業風裝潢吸引，餐廳原來主打四地fusion,一行三人便決定試試。餐牌選擇眾多，款式分類鮮明，食材看似普通但不難發現，在配搭、煮法的設計上均發了不少心思及創意。今晚主要食了多款肉類款式，整體食物份量算多，肉類水準不俗，最值得推介的是香芒軟殻蟹卷，外軟內脆，配以爽口沙律菜，洋溢著多層豐富口感。綜合餐廳環境、服務態度、價錢和食物品質四大評分準則，推介指數有8分（ 10分為滿分）。先來串燒拼盤，牛雞羊三款齊全，肉件看似太乾身，但入口絕不鞋口，當中又以雞肉最出色，惟醬汁略嫌未夠香口。蜜糖柚子雞翼。雞翼斬半，炸得香脆，再淋上香味十足的柚子蜜糖，味道一試難忘。伴碟有青瓜條，可中和雞翼的油膩感。香芒軟殻蟹卷。外軟內脆，配以爽口沙律菜和特色醬汁，洋溢著多層豐富口感。美中不足的是卷內食物溫度不夠高，相隔一陣再食時已失去食物整體溫度。低溫慢煮安格斯肉眼扒。廚房幫我們決定牛扒的成熟度，牛扒相當具份量，厚實同時但又鬆軟煙靱。牛扒肉汁豐富，伴碟薯條亦炸得香脆,油溫處理得宜。

最近同韓國朋友去食飯，係香港盡量都唔食韓國嘢，揀返西餐。黑布街嗰邊好多野選擇，最尾都係揀咗呢間裝修幾有Rock feel？XD餐牌大大張，唔係太複雜。烤雞肉凱撒沙律$108凱撒沙律旁邊有香脆多士同埋紅番茄，是非常清新。菜亦特別爽口，中間的烤雞帶點熱力，而且口感嫩滑。卡邦尼意粉配溫泉蛋＄128意粉特別得人歡心，中間的蛋可以直接吃或者攪拌之後吃，攪拌之後吃特別鮮味。而且旁邊有些煙肉，增加鹹香口味，意粉亦煮得剛剛好，彈牙口感。最重要是卡邦尼味道適中，已經吸引所有人的食慾。香草醬燒豬軟骨＄198平日吃得多燒豬手，但是燒豬軟骨就第一次，個香草醬非常入味，而且豬軟骨亦煮得比較稔，味道香濃。旁邊也有一些薯條弄得香脆。Dark Chocolate$68大大杯整杯朱古力，兩個人分享就剛剛好了。一個人喝好像有點過分，因為味道都是比較甜的，朱古力味香濃而且也有Oreo曲奇。青蘋果提子沙冰＄32 這個又抵又好飲，真係超級提議，完全估唔到＄32有咁嘅質素，青蘋果同埋提子味都有，不過顏色就係紫色嘅，非常清新完全唔係平時喺葵涌廣場飲嘅化學味！

黑布街眾所周知不少食肆跟甜品店到底lab66何時開業？還是我太久沒踏足黑布街？經過時食客挺多，我跟朋友都想吃西餐就等一等吧還好沒有等很久就有位，被安排了到閣樓進餐上去很有點嚇一跳，因為很嘈，閣樓將所有食客的歡笑聲都困了在裡面有一枱客走了，另一枱4個女生突然都在玩電話下才沒那麼嘈感覺舒服多了menu前menu後，我還是比較喜歡看圖點菜一直問朋友11號是什麼來的？13號叫什麼名字？飲品我看到隔壁桌是很大的一杯，外表很吸引所以我們只點了2杯本來我是想喝黃色那杯pina colada不過試過覺得酒味很濃，朋友一定比我喜歡反而66 punch比較適合我，果品很濃~在外頭吃飯，還是要點一些有菜的食物我仍然點了我最覺得不會失手的凱撒沙律配雞排沙律是沒失手，不過我略嫌雞扒有點乾芒果軟殼蟹卷um..軟殼蟹佔不夠多，但芒果配紅毛狗牙，出奇的好吃，餐前小吃不但有纖維又開胃若果不是朋友說想試原條鰻魚芝士鍋飯我一定會選卡邦尼意粉配溫泉蛋但擇選這個不會後悔！鰻魚肥美到一個點！芝士濃厚配上飯，真是吃個不停咸牛肉芝士吐司配薯條份糧不少朋友覺得這樣咸牛肉配芝士沒有很鹹當然了，我選的這個配搭我挺喜歡薯條我愛點那個應該是黑

情人節雖已過，但不用等待情人節才過得甜甜蜜蜜，其實兩人關係好的話，不需舖張，日日都係情人節！所以今日就同米仔又去甜蜜下，我地就選黎呢間實驗室！柚子沙律新鮮的沙律菜，很爽脆，加上適量的酸甜沙律醬，很開胃，絶對係飯前小食的好選擇！不得不提的就是這個沙律加了新鮮的紅石榴粒，令整個沙律更健康、更有營養！蜜糖柚子雞翼一碟雞翼約有八件，每件雞翼沾滿蜜糖，炸得金金黃黃，脆卜卜，只看外觀，是增加了我們的食慾！雞翼是單骨的，方便進食，香脆熱辣辣的外皮沾有蜜糖的味道，咬開外皮，雞肉內還有肉汁，嫩滑的雞件與蜜糖互相配搭，非常可口！還有伴碟的新鮮青瓜，可以減去一點油膩，健康一點點！香草醬豬軟骨一份的豬軟骨，份量也不少！其實我一向對豬軟骨都麻麻地，但米仔就非常鐘意食，所以我大多都係食肉的部份，絶大部份的軟骨就留在碟上。。。雖然我不喜愛豬軟骨部份，但這個豬軟骨都較入味，軟骨部份腍身，整體的都有足夠的水份，醬汁的味道香濃，都值得品嚐！Pina Colada今日好想飲菠蘿的飲品，看到Drink List有Pina Colada，但我今日又唔掂得酒精，所以就問問職員可以走去酒精部份，太好了，如我所願！大大杯，雖然沒有酒

六點早收工入mk食飯一入門就坐低就見到隻好大嘅白武士 真係人咁大全程坐系佢隔離食首先叫左個海怪沙律有好多唔同嘅菜 雖然隻軟殼蟹唔係話好大 但好脆 都幾好味！另外我嗌左杯green（鮮榨提子青蘋果奇異果汁）酸酸地 幾開胃 嗌左1個頭盤1個小食串燒有羊肉 雞肉 同牛肉 味道唔會太重口味 個人最中意個雞肉 個醬就比較重花生醬味小食係蠔餅 煎到超脆 好香 熱辣辣咁上台 ！ 滋滋聲！雖然蠔唔多 但好香蠔味 食下食下就會有主菜就食左肉眼扒！係勁 大 塊！ 切嘅時候以為會難咬 但原來應該係我地逆紋切 入口好易咬！ 不錯不錯！ 下面就有啲菇 同蕃茄 ！ 勁飽呀真係！而且環境幾好 幾好坐！ 乾淨！ 服務不錯！

旺角，一個群雄各據的地方，餐廳、商店越開越高，想係咁嘈吵的地方，搵個寧靜啲的地方食吓嘢，休息吓，黑布街一帶會是首選。今日，就同朋友嚟咗Lab 66試一試佢哋嘅創意食品。柚子沙律，柚子沙律多數喺泰國餐廳見到，今次Lab 66就幫佢加鹽加醋，泰式的做法、西式的沙律菜、少見的紅石榴肉，幫柚子沙律換上全新的形象。沙律菜很新鮮，配上酸甜的汁料、柚子的香甜和紅石榴的酸，既有營養、又有味道。作為今天的見面禮，一啲都唔失禮。咸蛋炒魷魚鬚跟蒜蓉包，泰式的食法，配上港式的做法，成就呢道菜的誕生。平時，泰式咖哩配蒜蓉包食得多，今次係用咸蛋配蒜蓉包，又會點？？黃金炸魷魚就食得多，呢次係黃金煮魷魚，你又試過未？？魷魚口感整得剛剛好，爽口彈牙，再MATCH埋咸蛋的味道，相對咖哩，絕對可拼一日長短。香草醬豬軟骨，你冇睇錯，係豬軟骨，唔係RIB，千其唔好叫錯，否則會俾人笑。豬軟骨炆到“強”、“爆”、“勁”腍，相對豬肋骨，慳咗唔少牙力同手力。一咬落，香草味加上微辣，好吸引，口、手都有啲不愛控制。66 Punch，我其實都好鍾意點啲以餐廳命名的東西，呢杯就正正係Fruit Punch的宇宙超級無敵的加強版，啲生果多到以為

今日放工順便去接呀妹放學，行過黑布街 呀妹比門口個白兵吸引左入去一間叫Lab66 既餐廳。本身都無諗住出去食，但望下個餐牌又幾吸引餐廳分兩層，西式酒吧既設計黃黃燈光，木地板設計，非常之特別。我地叫左前菜，小食，主菜各一。前菜：（海怪沙拉）入面有隻炸軟殼蟹同沙拉 佢既醬係 半粒熱情果。味道好得意，又有炸野既香味又有熱情果酸酸甜甜再加埋沙拉菜 味道好夾！小食： （芝士豬頸肉）面頭有一層厚厚既芝士，下面就係淡淡肉既厚切豬頸肉，芝士可以拉到長長既絲，豬頸肉味道唔重再加埋淡芝士既味 食完一塊好快就想食埋第二塊 轉眼間一碟比肥妹一個人食左大半。主菜：低溫慢煮安格斯肉眼扒（10oz)，其實到上主菜已經飽左大半！但真係未試過水煮肉眼扒，味道無戰出嚟既牛扒咁香。但勝在夠淋！全塊都好似 4成談既靚扒一樣 淋溼溼 十級好食。小妹強烈推薦 食家到此一遊