信得過 (已結業)

"信得過" 原來就喺公司後面嗰條街, 之前都聽聞過同事讚過呢間嘢係好味, 但我都未有機會幫襯過.難得今日興之所至, 一個人去咗呢間食LUNCH 一入門口, 見個老細落手落腳招呼客人. 好快就安排咗我坐底, 咁多選擇, 食乜好呢 待應哥哥一擺個湯上枱, 就聞到好清香既杏仁味 公仔麵, 沒有任何花巧, 只係簡簡單單用湯上. 由於唔想公仔麵發涱, 所以先食咗呢個先, 湯就稍後先飲啦 公仔麵既湯好好飲, 果然係無落味精, 我連湯都飲晒 偷望到隔離枱, 原來佢都係連個湯底飲埋, 證明真係好飲 究竟呢碗招牌湯有咩乾坤呢 一飲, 濃淡得宜既杏仁(汁)味, 值得慢慢細意品嚐. 試下啲豬肺先, 外表白雪雪, 一咬, 原來滑嘟嘟添 驚喜呢!我喺其他食肆都飲過杏汁白肺湯, 但呢度令我印象最深就係滑嘟嘟既豬肺, 好似一入口就會即刻sir落喉嚨咁, 停都停唔切 因為小妹人工唔高 若以$43呢個價錢係合理既, 我都會返轉頭幫襯既

白灼豬雜拼盤，每例收$80不平宜，以白灼稱之實在「欺場」，因為豬心、粉腸、黃沙膶是用上湯灼熟，功夫多當然味道較豐潤一點。難得在平凡的豬心，質感爽柔，不會吃到處理不妥而出現的粗韌質感，值得一讚，而黃沙膶厚薄適中，爽而緊致外衣下是軟柔黏潤的軟芯，料佳而火候拿捏得宜，最後好吃得要追加多碗黃沙膶麵！

幫襯了「信得過」已有好幾次，它的「豬肺湯」，「豬潤麵」都是一絕。喜愛它的湯頭清甜，無味精，內臟無異味，這專吃豬什的專門店都算香港少見。是日路過，又入內吃碗「豬潤雲吞米」祭祭五臟廟。湯依舊鮮甜， 豬潤嫩滑；米粉是新竹米，幼細如絲，好吃。

其實一直都好喜歡食牛雜及豬雜，但又怕出面D餐廳洗的唔乾淨 (自己屋企一定唔會煮)，所以就比較少吃。之前睇雜誌，話呢間野是香港少數吃豬雜的好地點，所以就冒名一試。PS. "餐廳仲是無味精GA"我其實是"湯迷"，咩野湯水都中意，特別鍾情於 "杏汁豬肺湯"，所以即叫一碗。杏汁豬肺湯唔算話真是好濃，但豬肺有5-6件，足料，同時，味道唔錯，無怪味。飲完碗湯，仲叫了一碗"時菜黃沙豬潤米粉"醫肚。碗湯完全無味，可能是我飲左豬肺湯先啦，但豬潤就真是幾爽GE!!

謝斐道第二站便是飲湯、看上這裏的湯以有一段日子,今日資料收集下、選定目標在這條街尋食坐下毫不猶豫地選取杏汁花膠豬肺湯,一碗湯要溶合三種比較難煮功夫實不容易一啖到口,好濃濃的杏汁,好味..唔會太咸,味道剛好,但配在花膠上又有點兒蓋過花膠味豬肺跟之前食評者說法一樣,做得好好,冇了本身怪味,仲煑得我感過淋了一點最後要論花膠、比自己煮的感覺腥了點,口感不過淋,是有口感一種,全碗湯花膠+豬肺全程約有5-6件,因再有下場,所以沒有再加$要米粉希望下次再有機會試到其它招牌菜就好了。

「女人怕嫁錯郎，男人怕入錯行」，選了入這行，人家在節日放假慶祝，到了拆禮物日，而我則連續十五天沒有假放，想起明天終於可以放例假，喜不自禁，想趁工作空檔去吃碗豬潤麵來慶祝。這店在灣仔，是吃豬內臟的專門店，以黃沙潤馳名，雖然個人的膽固醇指數超超地，但愛吃鵝肝，雞肝，鴨肝，而豬肝也不放過，偶爾吃一次也無傷肝吧？下午五時多，太陽伯伯提早收工，街上北風凜洌，冷得我騰騰震，但無阻我要行幾條街去吃碗麵的決心，忽然想起兒時看過的一個香煙廣告，一個西部牛仔騎著馬，攀山涉水，走了不知幾多路，終於買了包煙，然後說：「I walk a mile for a Camel.」也許人老了都喜歡想起那些年。也許未到晚市，店內只得一檯客，一男兩女，粗言穢語，抒發著工作上的壓抑和不滿，無疑來吃東西是可以抒發不滿的情緒，但多少影響了其他人客，那就是在 Marketing 學中稱為 Customer B 的我，只好坐離開點便算。我點了黃沙豬潤麵，但聽店員說是一丁麵，倒不如試試不常吃的新竹米粉吧！一場來到，追加一碗杏汁白肺湯。先送來杏汁白肺湯，聞到我最愛的杏仁味，唯湯的溫度頗高，先放一會才喝，不久，豬潤米粉也送來了，賣相與深水

今日行下行下, 搵到呢間主打湯嘅小店, 見到佢有個招牌黃沙豬潤湯, 就叫左黎試, 怕唔夠飽仲加左$5 要埋米線。豬潤好彈好爽, 湯底又出奇地清, 唔會有血水嘅混濁, 而且無味精, 可以連湯食哂成碗米線。仲有加埋碟豉油點豬潤, 令到豬潤淨食都好好味。下次有機會都會再試其他野。

和朋友2 人祗試了三樣食物, 三樣都超水準杏汁白肺湯 - 嘩! 好好飲 豬肺洗得白白淨淨, 人口腍滑, 呷一口湯, 濃甜膠質重, 喝得出用了大量豬骨熬製, 比某些名店的杏汁白肺湯更出色好味, $38 一盅絕對超值.白灼黃沙豬潤 - 灼得僅熟的豬潤腍滑枌綿夠大塊, 不需任何花巧, 簡單白灼點豉油食已娙好正白胡椒水晶豬手 - 胡椒味夠濃, 豬手咸香爽滑, 連吃三件也不得滯膩, 連配菜的雞脾菇因吸收豬手精華都變得好味道此小店絕無改錯店名信得過, 希望水準能一直保持

可能店舖位於較不起眼的街道 , 所以晚飯時間去到都唔駛等位見到以豬雜為材的餐牌 , 樣樣都好吸引樣樣好想試花膠杏汁豬肺湯 (雲南米線) 杏汁味不濃 , 花膠夠軟滑 , 豬肺口感軟绵绵 , 米線就好似要配合其它材料太過淋豬心湯 (雲南米線) 豬心爽口無腥味 黃沙乳豬膶湯 (新竹米粉) 豬膶爽口嫩滑更勝豬肺 , 米粉半透明似粉絲都好好味 雖然份量不多不太飽 , 但係美味豬雜都幾滿足

又是只得十來分鐘的午餐時間，撲進去「信得過」，隨便的吃點東西。要碗豬潤湯麵，原來是用上出前一丁。出品跟深水埗維記的豬潤麵很不一樣，全無豬血和薑粒在內。先呷一口湯，清甜無比，完全沒有味精的蹤跡，一流！豬潤是採用真正靚的黃沙潤，爽滑又無筋，很不錯。或許是水準高的關係，吃完好像不太夠喉，想點更多東西吃卻沒有時間，無計。三十五蚊碗麵，不便宜，但有如此質素，我認為物有所值。

Arrived the restaurant @12:15 (make sure before lunch time and expect to leave before 1:00 pm). Their service was terrible, rude, no manner, kept pushing for orders (I understood they wanted the table back before 1:00 pm, but it is not the way to do business). We ordered 鮮元貝雲吞湯, 杏汁豬肺湯, 豬脆脆湯米線 and 白灼菜. First the 白灼菜 was overdone (what a waste). 杏汁豬肺湯 and 豬脆脆湯米線 is just so so (sorry the restaurant is over complimented). If you are fond of traditional 雲吞, you are at the wrong place, the mix o

白灼菜不難做, 但難精. 弄白灼內臟, 一係變災難, 一係變珍品. 在這裡吃了一次黃沙豬潤, 對豬潤從此改觀. 豬潤滑嫰, 據聞是乳豬潤, 用清湯燙熟, 太熟會變硬, 太生更加不行, 他們有辦法做到剛剛好. 又吃了一碟小豆豉, 菜牌上沒有的東西, 大概沒有人會把這東西當成菜. 未吃之前, 我一直說我不喜歡吃豆豉, 又硬又霉的東西, 用來炒肉還好, 怎可能直接吃. 在這裡試過後, 不敢再誹謗豆豉了. 白肺湯更加是絕活. 直到現在, 其實我也不吃豬肺, 除了在這裡. 這家店像變魔術, 將最廉便的材料, 變成精緻小菜. 很有 heart 的小店.

又是動用團購券的時候...信得過很久以前已來過, 買了這裡的花膠杏汁豬肺湯的團購券, 也正好試一試這款未試過的湯品。第一次吃是在一個滂沱大雨的午間, 一碗熱湯暖暖身是最好不過的了。花膠杏汁豬肺湯 (原價 $58) --> 店員簡稱其為「花肺湯」, 不太吉利的說。它以店家馳名的火朣 老雞湯為基底, 膠質豐富, 濃而不膩, 但總覺得比年前初次來吃這個湯底欠了一點點豐滿感 (可能現在的顧客口味清淡了也不定)。有一大塊外爽內黏的花膠, 充滿骨膠原, 是女士養顏的聖品。豬肺清潔做到足, 軟綿綿的, 也好吃。另加個白胡椒水晶豬手湯 ($35) 配新竹米粉 (+$5), 豬手骨比較多, 也許其重點在於其超爽彈的豬皮, 白胡椒的味道既在豬手中, 湯底也有胡椒的香辣, 什麼寒氣濕氣也全驅走了。而且用白胡椒粒浸豬手, 食味比一般的南乳豬手消鮮, 吃完也沒負擔。新竹米粉比廣東米粉透明一點, 爽口一些, 伴湯吃最佳。之後再用掉另外一張團購券來喝湯, 跟上次一樣, 料足味鮮, 不過這次拍的照好看一點就 Po 上來讓大家看看。吃的就選了鮮元貝雲吞湯 ($30), 湯底也是火朣老雞湯, 雲吞就是豬肉的,

這天誤打誤撞的來到這附近，路過這間「信得過」，依稀有點印象，記得曾有食友品評過這間以新鮮豬雜為賣點的小館子，評價不俗，老婆仔又胃口欠佳，於是臨時改變我們原定的計劃，放了先前訂座的另一家食店的飛機，改到這小館子幫襯，試試它的招牌出品。這館子位處的謝斐道相比起附近的駱克道和軒尼詩道，入夜後人流是較少的，到來這小館子吃東西的客人也不太多，所以仍有不少空座位。看看餐牌，這裡的食品確是頗有特色，主打的大多是以豬雜為材料的小吃和湯水，而在當中有幾樣是店中特別推介必食的食品，包括:「杏汁豬肺湯」、「白胡椒水晶豬手」、「白灼黃沙乳豬膶」、「愛心一品湯」等。這裡的豬雜款式是十分齊全的，無論豬膶、豬生腸、豬粉腸、豬腰、豬心、豬肺、豬肥腸以至豬脆脆都有。此外，還有口水雞、豬仔蝴蝶腩等小食，確是十分吸引。因為老婆仔不大有胃口，所以只是叫了兩款店中的招牌推介：「花膠杏汁豬肺湯」和「白胡椒水晶豬手」。「花膠杏汁豬肺湯」（$ 58）的豬肺大概有五、六件左右，每件都沖洗得十分乾淨，吃來爽滑而沒有異味，蘸些豉油來吃，不錯。花膠有兩件，雖不太厚，也不算太細件，口感軟滑，同樣不錯。至於最重要的湯，杏味雖不太多，都幾好飲。另

這食店真的要推介一下。龍少爺本身不好內臟，亦有味精敏感症。某日行過灣仔謝斐道見到這間小店，主打無味精鮮豬什，加上又見有少少肚餓，那就即管入去試下。怎知一試上癮，現在已變了龍少爺食堂！此店主打新鮮小豬，全店只用八個月大的本地乳豬，絕無哮喘藥，煮法無添加，只用最天然的烹調方法。黃沙豬潤麵($35) - 湯底用上金華火腿，老雞，豬骨煲五小時，一滴油都無，真的非常鮮甜。豬潤爽滑，顏色潔白亮麗，配上稻庭烏冬，好味到完全唔夠喉，要再安歌一碗淨豬潤！豬仔蝴蝶腩($55) - 小豬腩肉兩邊被筋膜包圍，配上花生、葱絲、薑絲、自製辣椒豉油，肉地腍滑，so lovely！花膠豬肉雲吞($30) - 上次試了自創帶子水餃，這次一於試同樣自家製的花膠雲吞。雲吞皮薄，涵料新鮮，乳豬肉亦全無"押"味，連湯亦一滴不漏飲哂！此店其他拿手小菜包括杏汁白肺湯，口水雞，白雲豬手，白灼豬粉腸及豬心等。本少爺通通試過，味道全部都是水準之上，價錢亦只是三、四十元一款，真係十個掂。店主星星哥，除了少年食神及一眾食家外，龍少爺都撐你！