十三少 (已結業)

想食酸菜魚好耐，見到屋企附近開左間新餐廳，太開心啦，我地叫左個二人套餐，份量多好抵食啊。椒麻皮蛋椒香味重，蒜蓉夠多，皮蛋蛋黃流心，非常開胃。口水雞醬汁舖滿全碟，雞件非常嫩滑，唔會過老，味道亦唔會好辣。十三少酸菜魚主角酸菜魚可以選擇辣度，我地叫左小辣 非常非常大碟，魚肉無骨啖啖肉，酸菜加配料都好多，湯底酸酸辣辣，食哂都唔會覺得飽滯。紅糖糍粑加$28就有，一定要食，口感軟糯，煙煙韌韌，紅糖味道唔會好甜，必點之選。

今日約左媽媽lunch，佢超鍾意食辣野所以帶咗佢嚟十三少一試呢度嘅酸菜魚😇餐廳嘅裝修走中國風，裏面有唔少沙發卡位非常寬敞舒適。值得一讚嘅係每位員工都好有禮貌感覺親切，不停為我地加水😂👍🏻我地點左一個二人套餐: 📍前菜涼拌土豆絲🥔酸酸辣辣好開胃！酸中帶點辣，辣中透著麻。📍椒麻皮蛋 - 係透明黃心溏心皮蛋！我從來未食過咁特別嘅皮蛋。皮蛋用醋同蒜蓉調味，作為前菜非常之開胃📍麻辣滷豬手 - 炆得超級入味而且炆得好腍，好耐冇食過咁好食嘅豬手每一啖都係香麻辛辣好過癮！📍十三少酸菜魚 - 用咗新鮮魚湯去整，味道非常鮮甜。店員建議我地可以先品嘗湯頭。魚肉係採用淡水蘆魚，每一片都非常嫩滑而且食落冇骨啖啖魚肉！另外加入左萵筍、香菇、等嘅配菜索曬魚湯嘅味道，辣味唔算濃不過麻味就十足。📍紅糖糍粑 - 加錢點左呢個招牌甜點，口感好似食緊炸糯米糍😆 外脆內軟，配埋黑糖醬汁好味到停唔到口，再飽都可以成碟食哂！

十三少西環店裝修好特別，古香古色，很有古典味道。室內裝修精緻，墻上有幾金螞蟻，侍應會用一粒花生當筷子架，仿古氣氛十足。一坐低就有前菜蒜蓉拍黃瓜，很開胃。我哋涼茶揀左椒麻皮蛋，皮蛋黃呈深黃金色，糖心，同椒粒蒜蓉一起食，開胃美味。十三少酸菜魚，我哋嗌左走辣。店員介紹十三少酸菜魚，每日以新鮮魚熬製湯底，食之前先飲啖湯。湯底好鮮甜，鱸魚魚片嫩滑，鋪滿芝麻的一大盆，有酸菜，萵筍，雜菌，非常豐富。小菜揀左川味豬手，BB辣，唔食得辣既人都可以食，帶少少麻，有四川特色，同時佢又燜得夠爛，入味好食，骨膠原十足！紅糖糍粑 金黃香脆，煙靭彈牙，沾上紅糖醬一起吃，是必點菜式之一。

今日經過樓下見到堅尼地城新開左一間川菜‼️二人套餐只需$338 包一款自選涼菜+小菜、大大碗酸菜魚/水煮魚、 白飯x2 加錢仲可以有埋甜品🤩🔥▪️8/10▫️<< 椒麻皮蛋 >> 皮蛋晶瑩剔透✨ 醬汁好濃😋 加入大量蒜蓉、剁椒 非常惹味 食完勁開胃👍🏻▪️9/10▫️<< 十三少酸菜魚 >> 勁大碟😱‼️魚湯每日新鮮熬製🐟 湯底係奶白色嘅⚠️ 加入爆香過嘅花椒、萵筍、茶樹菇 花椒味重得來又好鮮甜 魚香味好重 好濃郁👍🏻 無骨魚片分量多 好鮮嫩 連湯飲一流🥰▪️8.5/10▫️ << 麻辣滷豬手 >> 豬手炆得超淋 放入口已經離晒骨😜 值得一讚係膠質非常豐富 基本上冇乜肉全部都係豬皮☺️ 麻辣汁微辣 而且非常入味 似係炆咗好耐 送飯食冇得頂😝▪️8.5/10▫️<< 紅糖糍粑 >> +$25 份量都係多🤣 糍粑表面炸到脆卜卜 咬落非常煙韌🤩 紅糖味道濃厚 有陣好獨特嘅味 食落少似黑糖 勁飽但都食唔停口😂😂總括而言 最後咁大碟酸菜魚比我哋兩個飲到一直湯都冇剩😂 因為真係超上癮 算係我喺香

簡單來講，無十二味咁辣，少咗啲椒，多返啲餸，多咗走辣選擇。裝修好似無乜點變，但張枱中間一隻好粗嘅腳，唔知點坐好，一係丫開對腳，一係就坐後啲要烏前食。今餐點咗麻婆豆腐，我覺得ok，但友人話白飯凍，可能個麻婆豆腐好熱，我撈住食又唔係好覺。

「十三少」位於西環堅尼地城山市街，以古建大宅佈局，自然樸素、清新典雅、充滿鄉土氣息，在此環境下享受一頓兩人套餐$338（已包括白飯小吃），賞心樂事😘😘主菜：十三少酸菜魚店員介紹十三少酸菜魚，每日以新鮮魚熬製湯底，食之前先飲啖湯，飲到湯底好鮮甜，酸辣適中，鱸魚魚片嫩滑，酸菜，萵筍，雞油菌一齊食，好滋味👍👍涼菜：涼拌土豆絲不辣，酸胞爽口😋小菜：我認為干乾煸四季豆是最好吃的。它口感脆嫩，味道鮮美👍紅糖糍粑 +$28金黃香脆、煙靭彈牙、沾上紅糖醬一起吃，必食四川甜點😋😋

正所謂：太陽底下無新事！最近最熱播的劇集「魷魚遊戲亅當中想表達的道理， 其實就是達爾文二百年前已經講過， 老生常談的 「物競天擇、適者生存亅理論！香港的餐廳，其實這兩年也是在面對一關又一關的「魷魚遊戲亅， 能夠生存下來，或能夠浴火重生的， 通常都是有一定水準或生存優勢的 。作為酸菜魚的die hard fans ，今日我就約了朋友來到堅尼地城， 試一試住附近同事介紹， 最近爆紅的酸菜魚新店「十三少酸菜魚亅，了解一下它究竟是什麼胡蘆賣什麼藥？ 竟然可以在逆市下連環過關 、不斷開新店？第一關：椒麻皮蛋 ＝＝＝》 過關這個皮蛋的賣相很漂亮， 它的蛋白位置是金黃色半透明的，配上橙紅色的椒麻油， 單單看樣子已經很討好，加分！ 吃落口 ， 它竟然是溏心的， 味道甘香中帶微辣 ，好味兼過關。。。第二關： 川式口水雞 ＝＝＝》 過關這個口水雞的辣度，來得要比皮蛋強烈。。。 紅油鋪著白白嫩滑的雞肉， 沾滿了芝麻和辣汁，一囗咬下去， 味道的層次感很豐富， 一開始沒有覺得很辣， 但是這個辣味是會「回甘亅的，會從喉嚨深處傳回舌尖， 讓人再三回味 。。。這招立時把這個口水雞美食的層次提高了不少！第三關： 十三少

去開西環，見到呢間酸菜魚，裝修好特別，好有古代感。我地好肚餓，決定要一個二人餐，可以揀一款小菜、涼菜、酸菜魚/水煮魚，同埋兩碗飯。佢仲有個紅糖糍粑，加$28就有，睇落好吸引。椒麻皮蛋我之前冇食過咁嘅皮蛋，係好似溏心蛋咁，外皮係好似水晶皮咁，好特別。中間仲有啲辣椒蒜蓉，食落有啲麻辣，好好食。川式口水雞份量好多，唔會好辣，但超級香，有好多芝麻。啲雞好滑，一啲都唔柴。十三少酸菜魚可以揀辣或者唔辣，除咗有大量嘅魚，仲有萵筍、菇同埋白蘿蔔。啲魚好滑，又冇骨，好新鮮。湯底都好重魚味，又唔會好辣或者好咸，可以撈飯食。白蘿蔔同埋啲菇吸晒啲湯，超入味。紅糖糍粑呢個作為甜品好完美，表面有好多黃豆粉，仲有紅糖水可以自己選擇沾幾多，食落唔會好甜，好煙韌。

今日早放學，係西環呢頭搵野食，見到呢間裝修好特別，非常古色古香。我地兩個人叫咗二人餐，有一個前菜、小食、酸菜魚，同埋兩碗飯，我地見個甜品好吸引，就加多28蚊要埋個甜品。呢度環境好靚，坐得又寬落，好舒服。同埋服務好好，會成日幫你refill水，同埋換碟。椒麻皮蛋賣相好靚，外層晶瑩剔透，而且係溏心皮蛋，食落好嫩滑，同埋有少少麻辣味，係一道幾開胃嘅前菜。川式口水雞見到大量嘅芝麻，配埋辣椒油，唔會好辣，但食落超香，係芝麻同埋辣椒嘅香味。 雞件好嫩， 雞皮爽滑，而且份量好多。十三少酸菜魚超大份，魚肉好多，配料仲有萵筍、蘿蔔同埋菇。魚非常新鮮、好滑，湯底唔會好咸，係每日用新鮮魚熬製，加埋酸菜好開胃，好適合撈飯食。紅糖糍粑食完辣野，當然要食番啲甜品滋潤下，糍粑係啱啱炸起，表面有好多黃豆粉，層層疊咁擺，賣相好吸引，紅糖又唔會太甜，好好食。

今次嚟咗一間位於西環嘅特色川菜餐廳，可以見到舖頭嘅裝潢非常之富有嘅傳統中國特色，吸引到唔少人光顧。我就試咗呢個幾抵食嘅二人套餐，售價$338 ，有涼菜、小菜、主菜。我揀咗椒麻皮蛋、酸菜魚、麻婆豆腐。椒麻皮蛋賣相晶瑩剔透，同一般見到嘅皮蛋顏色上有少少唔同，呢度嘅皮蛋外觀上更加吸引，似一件精緻嘅藝術品。酸菜魚大大煲，入面有好多口感非常嫩滑嘅魚肉，同埋切成薄片、刀功呈現得非常好嘅酸菜。唔單止味道好，份量亦都好夠食，攞嚟撈飯真係一流。麻婆豆腐嘅醬汁好濃稠，豆腐質地香滑，同樣係非常之適合攞嚟撈飯嘅菜式。

十三少西環堅尼地城山市街10-14號山市樓地下1-3號舖西環同香港站一帶好多食辣，聽聞是因為很多國內大學生，同學門會去懷念一下家鄉味。門口裝修好有被國古風川菜除了辣,酸亦是原素之一，叫左份抵食性價比高架二人餐$338椒麻皮蛋呢樣食物，因為我本身鏗意皮蛋，加埋辣汁麻香十足水煮魚一大盤，魚塊滑溜溜，湯中有中量紅椒同紅油，麻勁來自胡椒同八角等香料，勁得起勁卻又忍唔住不斷咁食。有薯粉芽菜同鍋筍片，令口感更多變麻婆豆腐非常下飯架，有豬肉碎，豆板醬加辣椒醬，濃香滋味，好吃的家常菜食完辣都少不了要來個甜的，$28紅糖糍粑，把米飯打成軟糯口感，表面煎到香脆，加上紅糖甘甜，有助令吞頭的麻辣感消除一些。

來到堅尼地城，見到間與別不同的装修，甚是吸引，一睇原來係『十三少』，咁就諗起酸菜魚，好，就來一趟『四川之旅』吧。『椒麻皮蛋』，皮蛋係好吸引的全黄色，不同平時食開的『灰黑色』食落口感差不多，再有椒麻酱汁的加持，勁開胃。『麻辣鹵豬手』，由於今日食飯的朋友係比較鍾意食辣，咁就來一碟麻辣鹵豬手，大大件，多多件，煲得好腍，腍得來就更加入味，平衡咗2人的食辣程度，中等辣度，好爽。『十三少酸菜魚』可以話呢間舖的招牌，keep住水準，要鮮有鮮(鮮魚熬的湯，食之前飲咗1碗先)，要辣有辣，要酸有酸。最後再來個好味嘅『紅糖糍粑』作結。食完做咩，做多D運動，行够1萬步，加油！！！

好似都有一段時間冇食川菜，前兩日就同朋友嚟咗呢間西環新開嘅十三少食川菜Lunch。滋味2人套餐$338呢個二人套餐都幾抵食，有白飯兩碗、涼菜三選一、主菜二選一同埋小菜二選一。涼拌土豆絲酸酸地辣辣地嘅涼拌土豆絲好開胃，作為開胃小菜一流。十三少酸菜魚好大盤酸菜魚，見到都呆左。酸菜湯底係每日新鮮熬起嘅，味道香濃，酸酸地，唔會好辣。魚嘅份量好多好滑嫩，食落唔腥。川味口水雞口水雞配上芝麻好香。雞皮爽脆，雞肉嘅雞味重，麻辣味夠但唔會過辣。紅糖糍粑+$28呢個必食，加$28就有得食好抵。糍粑炸得外層香脆，內裏軟糯，點埋微甜嘅紅糖醬汁好好食。

最近樓下嘅川菜餐廳重新裝修改名 一於去試吓去到見到同以前裝修差唔多 嘢食種類都差唔多 但係就多咗啲二人餐嘅選擇今次同男朋友叫咗個滋味二人套餐試吓$338呢個價錢包左涼菜 小菜主菜同埋兩碗白飯我哋選擇左椒麻皮蛋 你都見到賣相都唔錯而且食落去味道都幾好凍凍地辣辣地幾開胃㗎 主菜叫咗水煮魚🐟🌶嚟到都俾佢嘅份量嚇親 入邊有好多嘅魚肉同埋薯粉 基本上淨係食個水煮魚同薯粉都可能夠飽唔需要食白飯了 而且我哋叫咗辣味 所以魚肉同埋薯粉都好入味 最後小菜我哋清清地叫咗個乾煸四季豆雖然剩係得四季豆同肉碎但係覺得最驚喜就係呢碟菜 因為呢碟小菜吵得非常入味好惹味 食落去直頭有大排檔炒出黎嘅風味 用嚟送白飯真係可以好開胃總括嚟講試過咁多菜式覺得佢哋全部質素都OK味道幾好算係一間水準都keep到唔錯嘅川菜小菜餐廳 🍴以後都可以嚟試吓食夜晚晏晝

西環新開川菜，午市有二人餐($338)， 可以試到佢好幾款菜式 餐廳贈送蒜泥青瓜作前菜涼菜點了椒麻皮蛋， 由於點了小辣所以辣味唔強， 皮蛋口感軟彈，還可以主菜酸菜魚超級大的一碟，湯底用鮮魚煮成， 飲落除了有酸菜的酸香，還品嚐到魚的鮮味， 魚鮮、酸香、麻辣比例平均，是出色的湯底，魚片份量適中，都比較大片，有少骨小菜麻辣鹵豬手味道有驚喜，緊隨鹵水味道之後的是麻和辣， 三者味道並存， 豬手唔算很大件，但份量頗多，骨頭唔大，有皮有肉食加28蚊有甜品紅糖糍粑， 煙煙靭靭，味道正常