名人私房菜 (已搬遷) 新店位置

今晚和家人來到呢間尖沙咀的私房菜餐廳，每枱客人都有獨立的房間，最啱和家人或朋友聚會。餐廳會因應客人數目而決定菜式，我地就相信廚師啦!花雕蛋白蒸鮑魚鮑魚大大隻，蛋白酒味濃郁，將看似簡單的家常菜變得不簡單蒸海班魚既新鮮又大條，很有家的味道鮮魚湯什菌魚湯香甜，配上娃娃菜和什菌，好fresh秘制豬手—推介!!豬皮脆卜卜的，調味有點像酒樓的蒸鳳爪，但啖啖肉金銀蒜粉絲蒸扇貝帶子好大粒，調味剛好，可帶出帶子的鮮味芒果布甸一上菜—哇!好可愛呀!鯉魚造型的布甸，設計很有心思，配上花奶，好正

朋友生日，當然由她選擇地方，佢話見食評唔錯，想試，我當然唔會 say NO 啦。早一個星期打嚟訂位，然後對方 WhatsApp 菜單比我，冇問題就落訂，佢都跟得幾好。當晚菜單：1. 花雕疍白蒸蟹唔錯，啲蛋滑同埋夠酒味 2. 黃金蝦一般，冇乜驚喜，但又唔算差 3. 蒸海班呢碟唔得，好奀 4. 蘋果咕嚕肉呢個好食，正 5. 鮮魚湯雜菌呢個最後嚟，剛好，因為夠清，而且湯底唔錯 6. 金銀蒜粉絲蒸扇貝好好食，加上夠熱 7. 糯米雞呢個好好食，隻雞好嫩，啲糯米飯正 ，不過要提一下，糯米飯要快食，唔好放太耐，因為放太耐會硬.8. 大白莱豬肺湯呢個又係唔錯，啲大白菜正 9. 甜品芒果布丁，唔錯，唔係太甜，夠滑 奉送汽水一罐整體唔錯，而且可能早訂，所以有房，不過佢嘅地方唔大，如果想訂房就要早啲 book.

本來滿心期待的上去，一開門就呆一呆，所謂大廳根本太細，放了兩張大檯，每張9人都很迫，有幾位仲要坐圓櫈，而且冷氣非常不足，未食已經一身汗，唸住環境唔掂，食物好都可以彌補下，點知一樣失望。最唔掂個大白菜豬肺湯，未夠火喉，清淡得過份。

前幾日同朋友聚舊，就同佢哋揀左去呢間私房菜。咁我哋去食之前就打電話去預約，咁預約嘅時候就順手落埋菜單，總共有一個湯、六個餸同一個甜品。蘿蔔煲豬肺湯個湯有濃郁嘅豬肺味，非常足料，加埋蘿蔔嘅清甜，完全將成個湯升華到另一個境界。順帶一提，個湯冇落味精，飲完完全唔覺口渴。鮮鮑魚蒸蛋碟蒸蛋非常嫩滑，蛋味香濃，配以鮮鮑魚嘅鮮味，令到成碟蛋不平凡。蒜蓉粉絲蒸帶子帶子非常新鮮，食落非常彈牙，配埋蒜蓉、豉油、粉絲，令到成碟菜式非常美味。重點係佢地啲帶子唔同一般酒樓，佢哋啲帶子肉係黐住個殻，證明係新鮮嘅，唔同酒樓咁重用個帶子殻然後擺隻急凍帶子落去。真心推介！清蒸石斑魚條魚非常新鮮，啲肉很滑溜，配埋一堆蔥同薑，令到成條魚一啲腥味都冇。黑椒炒大蝦大蝦有好多蝦膏，黑椒嘅份量恰到好處，啱啱好可以辟到腥味，同時又唔會蓋過蝦本身嘅鮮味！豬手豬手塊皮炸到卜卜脆，但係啲肉好軟林林，比起一般酒樓整嘅豬手好食一萬賠！上湯浸時蔬啲菜係廚師揀嘅合時蔬菜，所以非常新鮮，用埋上湯去煮，完全係可以將啲菜嘅鮮味帶出。兩者簡直係絕配！芒果布甸魚個甜品就係芒果布甸，但係佢係非一般嘅芒果布甸，因為佢地將芒果布甸整成一條魚咁，睇到嘅時候真係好似

老友話約係呢度食私房菜，好啦既然吹到雞，又講到私房菜唔係成日有機會食，當然賞面啦。一黎先飲碗豬肺湯先，一飲就知道係老火湯，仲要係足料果隻添，味道係相當甜又夠晒潤肺呀。第一道菜係糯米雞呀，將原隻雞用荷葉蒸，糯米將原隻雞既精華吸收晒，所以相當入味。至於雞肉夠彈牙，糯米又夠口感，唔錯。再黎係水蟹蒸蛋白，蛋白蒸到相當嫩滑，口感滑到入喉嚨，味道豐富，將水蟹果陣鮮味滲晒入去，仲有花鵰酒既獨特味道，令蛋白味道更鮮更好味。跟住碟海鮮係鼔汁蒸白鱔，白鱔相當肥美，令人愛不釋手，白鱔肉質更加係勁嫩滑，表面既脂肪與肉質混合，更覺鮮味，當然份鼔汁相當惹味呀。南乳炸豬手係今晚最後既餸，炸豬手陣皮相當脆口，豬手肉炸完都好夠滑溜，至於味道就充滿南乳味道，仲係相當入味添，惹味之選呀。

最近因為工作關係比較少返屋企食晚飯，今日同朋友相聚，佢地提議食私房菜，我立即同意！一黎自己未試過喺香港食私房菜，二黎又想食返啲「住家飯」。一去到呢間私房菜，感覺就好似去左個朋友屋企，樸素、温馨。餐廳俾客人既私隱度好高，幾乎每枱都自己一間房，傾計可以盡興啲！岩岩好肚餓既時候，野食就黎喇！一開始先有個老火靚湯 - 大白菜豬肺湯。老火湯好清甜，湯料亦好多，好適合返工攰既人滋潤一下。鮑魚蒸水蛋呢個配搭好特別，第一次見用鮑魚蒸水蛋，但味道出奇地夾！而且水蛋相信係有落酒去煮，食落啖啖酒香，好特別！胡椒蝦呢個菜一上，我地都覺得好驚喜，因為賣相好靚！每隻大蝦都煮得好入味，肉質好鮮嫩，味道偏辣，好惹味！！祕製豬手呢個真係好推薦！平時食豬手覺得麻煩因爲太大舊，但呢個係切好細細件咁去煮，好細心。而且豬手係外脆內軟，外面好香口，裡面既肉好腍，入口即溶！！好正！！大家都爭住食！如果朋友聚會想食得清淡啲、健康啲，呢間私房菜真係一個唔錯既選擇

私房菜--經常從電視中聽到這個名字，但還是第一次吃尖沙咀這間穩世私房菜餐廳，每枱客人都有獨立的房間，私穩度極高，所以比起酒樓的環境舒服很多，而且還有電視看呢!餐廳職員說，每次客人都要提早幾天訂位，而餐廳會因應客人數目而決定菜式，所以沒有特定的餐牌，但當然客人可以主動事先要求想吃什麼我們四人一起去，首先喝大白菜豬肺湯，職員也細心地把煲湯的材料奉上來，不會浪費第一道菜是花雕蛋白蒸鮑魚，鮑魚大大隻，很彈牙，蛋白出奇的酒味香濃，但又不會搶去蛋原有的香甜。一道看似簡單的家常菜加上師傅的獨創煮法，正!秘制豬手，豬皮脆卜卜的，看上來有點像酒樓的蒸鳳爪，但當然有更多肉和筋，所以啖啖滋味!蒸海班，魚十分新鮮，又大條，很有家的味道胡椒蝦，這個偏辣，我愛吃辣的朋友很喜歡這個，但不吃辣的要小心，可以剝殻後才吃鮮魚湯什菌，吃了肉當然要吃點菜滋潤下。魚湯很香甜，配上娃娃菜和什菌，感覺清新金銀蒜粉絲蒸扇貝，扇貝裏的帶子好大粒，粉絲也不會太咸，可以帶出帶子的鮮味最後甜品是芒果布甸，是鯉魚造型的布甸，設計很有心思，配上花奶，為我們這豐富的晚餐畫上完美的句號

呢日中學同學聚會，有人話食過呢間私房菜幾好味，有獨立房唔怕吵到其他人。咁就決定呢間啦！朋友話佢預先聯絡左店家，有傾過菜式嘅安排，每人$320，菜式同份量因應人數而定。難怪我當日去到連menu都無食左好多樣菜，以下係我比較心水的：大白菜豬肺湯， 好有媽媽煲嘅味道無味精嘅感覺，有好多湯渣可以食。豬肺唔腥，我食左好多花雕蛋白蒸鮑魚新鮮鮑幾爽口，蛋白既滑又香花雕味，酒精已揮發晒，但酒味仲係度，勁香粉絲蒸扇貝， 每人一隻扇貝，蒜味香，味道清淡又不失海鮮嘅鮮味蒸海班，超愛食魚嘅我食左半條好滑！唔多魚骨。蒸魚嘅蔥都不可放過胡椒蝦，呢碟令人又愛又恨！好惹味，但都幾辣，唔食得辣嘅朋友可能要同店家講聲。但配飯一流。秘制豬手，呢個係我食過嘅豬手入面數一數二高分！！ 佢皮係脆香，入面d肉係好淋好淋，大家爭住食。我忍唔住問店家點整，佢話都幾複雜，要風一風乾必點芒果布甸，幾有睇頭！ 如果有果肉就好啦整體菜式都唔錯！最正係獨立房又有電視，想傾咩都無人聽到！

舊同學飯聚,有人提議去名人私房菜,地點方便,同學介紹到即管試試佢，六人凖時到。地方有自己獨立房,一行六人說話大聲都不怕嘈到人。先來大白菜豬肺湯, 味道相當清甜, 明顯老火湯煲足幾粒鐘，湯渣用碟叧上可慢慢享用非常好, 用料都非常足，湯渣食得出個甜味。之後花雕蛋白蒸蟹, 蟹蒸得鮮甜，肉質剛剛好，蛋白就很滑很入味，花雕令蟹鮮甜味更出。再來豉汁蒸白鱔,豉汁非常惹味令人覺得好易入口，蒸得剛剛好既鱔肉就夠晒爽口，與鱔皮既膠質感相當夾。ㄧ人ㄧ隻蒜蓉粉絲蒸貴妃蚌，好正夠入味，蚌肉夠鮮甜，係新鮮海鮮既甜味，口感滑滑，粉絲吸收晒精華就更惹人喜愛。最後來過南乳炸豬手,豬手皮脆肉軟，南乳味不太濃，鹹味剛好，不自覺食多幾件，非常有水準的一餐，所以令大家相當滿意。

大家一齊黎食私房菜，當然期望食得有住家感覺既同時，又要有特色，食平時未必食到既餸。第一樣係阿媽老火湯，睇色水都知道夠晒老火，飲落味道夠出，蘿蔔豬肺味夠潤，飲唔到有味精添加。第一碟餸就係蒸貴妃蚌，用大量蒜蓉香蔥黎蒸，一啖咬落就知道味道新鮮，蚌既汁明顯係甜，蒜蓉蔥再加上鼔油更能帶出鮮味，口感香滑，由口腔直入胃部。豆豉蒸白鱔，一聞已經非常香好吸引，白鱔夠入味，滑滑既鱔皮包住更滑既鱔肉，始終中式白鱔係比鰻魚肉滑溜更多，肉質除左滑外，鱔肉充滿鮮味，最後食左五舊鱔肉。南乳炸豬手，嘩，一食就食到豬手充滿南乳味，相當入味呀，除左南乳夠香，仲同豬手肉味道相當夾。質感方面豬手炸得好香，皮就好脆，加上蒜粒令口感更豐富。飯後甜品有鯉魚一條，係呀外形係鯉魚，實際係芒果布甸黎架，口感非常滑呀，好比真鯉魚一樣線手架，滑溜既魚肉加上花奶就更滑，用呢個做形的確唔錯。

今晚一早約左私房菜，所以老媽子話唔煮飯，一早就去到預先book左既專人房，一家人係一間房度咁先夠舒服。私房菜又點少得住家湯，紅蘿蔔白菜豬肺湯，淨睇個樣已經好有住家感覺，味道清潤，連阿媽都讚好咁話，至於豬肺口感滑而彈，仲有精華入晒豬肺度添。第一道菜係蒸水蛋，係用水蟹黎蒸，所以蟹既精華落晒去蛋裡面，味道清而鮮甜，係海鮮既鮮味，仲有輕輕既酒味，呢陣味係花鵰味道呀，估唔到花鵰陣味可以辟除蟹既腥味，突顯蟹既鮮味呀。跟手黎左隻雞，係用荷葉黎包住既，打開之後係成隻雞，老闆幫我地切開隻雞，嘩原來裡面係糯米炒飯黎架，相當惹味喎，雞肉吸去荷葉既香，雞肉就相當嫩滑，糯米飯粒粒分明，口感綿綿，好味。最後係南乳豬手呀，炸既煮法令豬手外皮超級香脆，加埋果層脂肪與骨膠原既混合物，雖然邪惡但係就超級補皮膚，適合晒我媽媽呀。豬手肉好有南乳味道，與豬手相當夾，令人食完一舊又想食多舊。

黎得食私房菜，當然有所期望，想食平時係屋企未必食到既野，但又想有住家feel既食物，呢間私房菜似乎做到。先黎紅蘿蔔菜乾豬肺湯，一睇色水就知道係老火湯黎，紅蘿蔔菜乾煲到出晒味，加上豬肺就零舍滋潤，豬肺食落更加係彈牙爽滑，我鍾意。跟住黎豆鼔蒸白鱔，白鱔蒸既時間係剛剛好，食落除左超滑，仲食得出鱔肉既鮮甜味，雖知道鱔肉鮮起上黎比其他深海魚可以更鮮。豆鼔味濃而不咸，加上蔥花既香，食落真係香而鮮。跟住呢味係黑椒蝦碌，每隻蝦都炒到非常香，蝦殻脆香，蝦肉鮮而拌上黑椒粒，所以味道係非常惹味，個人認為比避風塘炒法更正。鍾意食豬手既朋友不容錯過啦，南乳豬手煮到非常香，豬手外皮煮到超脆，而且口感充滿骨膠原，而無論外皮或豬手肉都有香濃南乳味道，呢種煮法比普通炆豬手味道更吸引呀。

一大班人去食飯，最好就係食私房菜，有朋友介紹話呢道用料新鮮，咁當然值得一試。老細話先食糯米雞，我就覺得奇怪，糯米雞有乜咁特別，要黎到食私房菜，心裡有點不悅。點知上左菜，係名副其實既一隻雞，呢隻雞係用荷葉黎煮，所以雞肉有好清香荷葉味道。切開隻雞原來真係糯米飯，糯米除左有荷葉香之外仲有雞肉既鮮味，第一道菜已經有驚喜。黑椒金不換炒蝦呢一道菜非常之有星馬風味，好香嘅黑椒味， 金不換葉，完全滲透哂蝦入面，黑椒味更加提升左蝦嘅鮮味，互相輝影，呢一道菜非常之得！仲有係蒜蓉蒸貴妃蚌，蒸既時間剛剛好，所以貴妃蚌既質地夠滑溜，一吮就sir入喉嚨，香濃既蒜蓉味係我既至愛，加上粉絲蒸，索晒蒜蓉香同埋蚌汁，實在係嫌唔夠喉呀！

同事話一齊黎食私房菜，當然好啦，一大班人可以食好多味餸架喎。諗起都流口水。地點好近地鐵站，老細安排左一間房間俾我地，增加私隱度。頭盤係花鵰蟹蒸水蛋，水蛋口感相當滑，滑到直入喉嚨。花鵰味香而清，與蟹味夾，增強水蛋味道，清甜而帶點酒精味道。至於花蟹相當大隻，花鵰味滲入蟹肉，令鮮甜味更出。第二道係糯米雞，初頭我睇唔明，只係見到隻雞，原來一切開裡面就全部係糯米。糯米飯相當香，荷葉香加上雞肉味，令味道香上加香。雞肉滑嫩而且帶點荷葉香，夠清新。呢道菜食起上黎仲帶有驚喜添。蒜蓉蒸貴妃蚌，聞上黎都夠香，食落就更香，貴妃蚌蒸到剛剛熟，口感超滑，仲有海水清甜味，少量既蒜蓉成功襯托蚌既鮮甜味道，口感比扇貝更滑。最後有黑椒炒大蝦，炒到相當入味，黑椒味香濃，比避風塘炒法更新鮮，大蝦新鮮，黑椒味滲晒入蝦肉，令味道帶點辣，更惹味，佐酒一流。

一行12人的飯局, 位於一楝舊式住宅, 真的十分私房菜feel, 就像上了朋友家吃飯一樣, 被安排了一間像聯宜會的麻雀房給我們, 有點狹窄, 坐得不太舒服, 空氣也不太流通, 吃了12人餐有鷄有魚有花雕蒸蟹, 食物味道不錯, 特別是花雕蒸蟹, 做得十分出色, 食物的份量亦很足夠, 以$310一位的海鮮來說, 其實很抵食, 不過如果環境衛生和服務方面可以加以改善, 會吸引多很多人光顧, 而且自備酒水需付開瓶費, 以私房菜來說, 這個安排好像有點奇怪