名人私房菜 (已搬遷) 新店位置

嚟到尖沙咀一間樓上私房菜，聽朋友介紹大約三百幾蚊一位，有多款海鮮菜色，約十幾個朋友就嚟試下， 餐廳就係漢口道一幢唐樓，入到餐廳裝修幾整齊，兩房一廳家庭式嘅感覺，牆身貼咗一啲餐廳食物相。房裏面有冷氣電視，環境舒服等齊人就食飯啦，今日一共有八個菜式，甜品及老火湯，就介紹幾多我特別鍾意嘅菜式比大家！先有大白菜豬肺湯，一大煲送上足夠12位用，材料豐富湯味濃郁，大家都知煲豬肺湯，清潔步驟繁複，要將豬肺洗乾淨，再煲三四個鐘，湯料有大量豬骨瘦肉胡蘿蔔，飲落有一啲膠質，非常甜美。菜單可以係訂枱嘅時候同老板傾傾，因為我哋人多， 每道菜都好有份量，食第一道菜避風塘炒蟹，蟹肉厚實鮮甜有肉汁，避風塘炸蒜辣椒唔會太辣掩蓋蟹嘅鮮，就好似去咗海邊嘅餐廳到食，蟹殼都被打開，令食客食得方便，我用蟹蓋載起惹味炸蒜，等陣可以伴飯食！荷葉蒜茸蒸蝦飯都十分吸引鏡頭，大蒸籠上面放咗荷葉，令飯粒增加獨特香味，上面更有差不多二十隻蝦肉及蔥粒，顏色上好鮮艷，蝦肉新鮮，廚師將蝦切開一半，去掉蝦腳食起嚟好方便，飯嘅份量好多，十二個人都夠哂食。鮮魚湯什菌，今日有八道菜，煎炒煮炸都有，其中一道魚湯配娃娃菜及什菌，清清地平衡一下，有魚湯更加哂分

首次嘗試私房菜既威力！一行5人，有獨立房間，私人空間好高！六餸一湯再加甜品！飽到上心口！豬肺湯！原煲上！好香！好有老火湯既味道！好足料！火候好足！我地飲到連湯料都食哂！湯源先係個精髓！炸蟹鉗！大大隻，熱辣辣！外表都已經咁吸引！一口咬落去好juice，好彈牙！配上佢地特別調製既醬汁！太夾啦！涼拌手撕雞！熱辣辣既天氣下有一道涼拌菜太爽啦！有好多配料！雞肉唔柴口，保留滑身同雞本身既味道！有大量生洋蔥！有少少辣更刺激！但有芒果中和辣味，口感好豐富！糖醋松子魚！色彩繽紛已吸引我既目光！對食魚有一家要求既我當然要細嘗啦！廚師細心將魚肉起骨再經油炸！令身邊既朋友都可以放心大口大口吃！魚肉油炸過亦保留魚本身既鮮味及水份！唔會厚粉！本身條魚新鮮！魚肉滑身！加上廚師調配既糖醋汁好夾！佢特別放左蘋果粒！連埋一齊食，口感好豐富！我地食到配料都無剩！鮑汁花膠扣鵝掌！貴野呀！花膠同鵝掌都炆到好淋！冬菇仲好大隻！最愛下面既生菜，吸引收啲汁！精華呀！胡椒蝦！蝦好新鮮！走過油既蝦可以連蝦彀一齊食！胡椒味入哂落啲蝦到！唔會得表面有味！仲有好多九層塔！可以就咁食或配埋蝦食！肉碎通菜！有啲似大排檔既啫啫通菜煲！好有鑊氣！味道

有同事生日一大班人約食飯，想俾佢一個家嘅感覺就決定book呢間名人私房菜！獨立房仲有埋電視同冷氣，地方好寛躺舒適！第一道係大白菜豬肺湯，係家的味道大白菜好清甜，加上豬肺，既滋潤又好味。真係好落足料！老闆會幫我地分湯同倒起d湯渣俾我地！一睇到d湯渣就知唔講得笑！仲足料過媽咪煲果d湯第二道係荷葉蒜蓉蒸蝦飯，好大桶！蝦好鮮甜，肉質唔會霉！而且飯有淡淡既荷葉香味，再撈埋秘製豉油好似食緊煲仔飯咁第三道係避風塘炒蟹太正啦！！香口惹味，啖啖肉！炸蒜粒好香脆，蟹肉鮮甜嫩滑第四道係鼓椒炒聖子王，好大隻呀！見到都流晒口水聖子皇好爽口鮮甜！超級惹味！一定要訂！第五道係鮮魚湯雜菌，裏面有起碼4種唔同嘅菌類，而且娃娃菜非常鮮甜，索晒魚湯嘅味！最後就係芒果布甸，整到成條魚咁好得意芒果味好香，甜度適中！加上花奶更加正

姨媽食個介紹我同媽咪佢哋一齊去食，話有住家飯味道又有高級中餐質素！第一次去樓上私房菜，感覺好得意餐廳會安排菜式，呢碟蟲草花水晶雞，嘩！估唔到咁大盆！有好多蟲草花，d雞肉好滑！！有雞香味同埋少少花雕酒嘅味道，一食就知係新鮮雞帶子花枝片西蘭花，味道清甜，帶子味道鮮甜，質感爽脆又有彈性，花枝片味道鮮美，營養價值高，有口感！西蘭花都唔會煮到太淋，清爽得來冇草青味！秘製豬手，好大碟呀真係！！豬手肥而不膩，好香口，表皮煙靭夠晒口感！ 豬手再點上秘製南乳醬汁就更加正！盤龍蟮，非常大條！聞到已經覺得好香，睇見已經想食！真係啖啖肉！好惹味！完全無腥味！老闆好好人，服務態度好好！一定要再黎試下佢其他菜式！

名人私房菜，久仰大名，有幾道菜色都非常出名，同事極力推介，兩星期前已經預早約定］而且訂埋菜單，呢兩個星期引頸以待，終於都等到今晚呢餐飯既來臨。餐廳位置方便，位於尖沙咀，屬於樓上舖，大街轉入小巷就搵到，餐廳好有家的感覺，一共有三間房，每間房只有一抬客人，私隱度極高！我地訂既菜單有:花雕蛋白蒸蟹一聞就聞到好濃郁既蟹味，加上花雕酒香，超香，蛋白非常滑溜，蟹既精華完全融入蛋白內，蛋白充滿蟹既鮮甜味，蟹鉗多肉，肉質彈牙，味道鮮甜，蟹蓋有好多蟹膏，蟹膏好香濃，好好味!鳯尾蝦外面炸得金黃香脆，外面個皮薄薄的，加上熱辣辣，又用新鮮蝦製成入面既蝦滑，非常鮮味同彈牙，醮上甜甜酸酸既辣醬，非常香口惹味！非一般的"糯米"雞唔好以為呢一個係平時茶樓食開既糯米雞，呢道菜係用原隻雞，之後去哂裏面既骨，再釀入糯米先烹調，雞既精華被糯米吸收哂，所以每一粒糯米都有好香既雞味，而且雞肉好滑，好多肉，切開隻雞後再洒上花生同蔥花，更增添味道，呢道菜非常特別，而且好好味，又用左好多功夫，實屬必點之列，一定要試!蘋果咕嚕肉你冇睇錯，我亦都冇寫錯，冇錯，係蘋果，一般餐廳通常都係波蘿整咕嚕肉，呢間私房菜用左蘋果整，用蘋果好清甜，唔會太

私房菜都分左間房黎 仲有電視睇添是日菜單1: 薑蔥炒蟹2: 黃金蝦3: 蒸海班4: 涼拌手撕雞5: 金銀蒜粉絲蒸扇貝6: 鮮魚湯什菌7: 大白菜豬肺湯8: 甜品豬肺湯 好正，真係家庭feel唔似落味精好味好鍾意食豬肺丫 好大隻鉗丫 薑蔥好味，不過我覺得可以再入味d就正啦 嘩。。。依個山我至愛，好fresh丫,我以為係木瓜原來係芒果 好好味，d粉皮好爽，加上雞絲同芒果好清新，成碟清。 扇貝，好香，熟度適中，有d油份浸住滑身d！ 條魚熟左少許，但出面邊食到依種魚丫，多數都係hea俾。加埋芫茜好鬼香。淨係個紅蘿蔔都贏晒 好脆炸得，成隻都食得。夠晒香口

呢間隱世既私房菜喺尖沙咀漢光大厦，喺漢口道同宜昌街交界，睇地址就話漢口道，但其實係入口係喺宜昌街，第一次去既朋友，呢個搵私房菜秘景既感覺真係出哂黎。首先黎個大白菜豬肺湯，湯水頭夠哂味道，跟埋碟湯渣令鐘意食湯渣既我lam哂嘴，太耐無食過豬肺喇，幾乎唔記得左豬肺既味道，呢度既豬肺做得好爽，唔錯，絕無謹有既幾舊喉嚨軟骨極脆，好彩在座無乜人識欣賞，無人同我爭唧。仲有紅蘿蔔，滾到淋 pat pat 既大白菜，呢推湯渣，點啲豉油，真係正到無朋友。花雕蛋白蒸蟹，一上枱已經夠哂氣勢啦，隻蟹雖則就唔係話好鮮，不過就夠哂大隻，啖啖肉，個蛋白蒸得勁滑，味道亦好好，夠哂酒味，正。金銀蒜粉絲蒸扇貝，基本野，廚師亦拿揑得好準確，蒜香味濃。糯米雞，呢個功夫菜，首先要將雞隻拆骨，再將炒好既糯米飯釀番入去隻雞身度，等啲糯米飯索哂啲雞味。糯米飯略濕身，味道美，個飯本身經已炒熟，唔需要焗得太耐，啲雞應該可以滑啲。鳳尾蝦，蝦膠打得彈牙，蝦膠所包裹住既蝦亦都夠大隻新鮮。鮮魚湯雜菌，有個菜間吓場，幾好丫，如果魚湯再濃啲就更加好喇。蘋果咕嚕肉，用蘋果代替菠蘿炒咕嚕肉都係第一次試，都幾特別，同埋原來都夾到喎，個人覺得可以用蘋果同菠蘿

帶爸媽去食飯，佢地都係比較實際，不太鐘意花巧，所以決定帶佢地食私房菜。有足料大白菜豬肺湯，老火湯夠晒甜，主婦媽媽都話幾滿意。有個冷盤手撕雞，賣相好吸引，特別之處係加左芒果，酸酸甜甜，夏天食佢岩晒，已要求爸媽番屋企去試整。蒸扇貝，粉絲吸咗扇貝嘅鮮味，正。跟住有蒸海星班，煮得岩岩好，魚肉嫩滑，重有好多蔥，好香，魚汁撈飯一流。之後上既係避風塘炒蟹，適量辣椒，蒜蓉炸得夠乾身，蟹夠晒大隻又多肉，海鮮最重要係新鮮，呢隻蟹肉都幾甜，唔錯。海蝦用豉油汁煮，好惹味，但爸媽認為可以再重味啲，我個人覺得已經好夠味。魚形芒果布甸，唔太甜，幾好，唔食花奶既要預早講定，爸爸今次有得睇冇得食。一家人食飽飽後，大家都覺得可以再encore。

公幹返黎 有種西餐恐懼症 朋友話不如試下家常小菜 岩曬我口味 因為平日冇湯水冇住家飯食 家常小菜最歡喜。佢預先訂左枱 呢間私房菜要四人以上先book得。大約$310 一位 可以同老闆傾菜單。上到去 真是好像返屋企咁 好簡單的一個單位 有兩間房 家的感覺 有鋪左膠枱布的餐桌 又電視機 感覺好新鮮 係我的第一次私房菜體驗。餐單朋友一早搞掂 我完全冇理會過。佢話六餸一湯 加一個甜品。。白菜豬肺湯。其實我好少飲豬肺湯 因為娘家話整豬肺湯好麻煩。有白菜 紅蘿蔔 豬肺 南北杏一齊煲 好甜 冇豬骨煲湯個種濃味和油膩 清清地 飲幾碗都唔滯。仲有湯渣俾我們食埋 豬肺好腍 轉眼間已經食曬。。蒸新鮮海班。我唔係魚的愛好者 因為一直怕腥。但是呢條班蒸起黎夠滑之餘 仲完全冇腥味 再加埋好多爆香過的蔥和甜豉油 我都食左唔少。。金銀蒜粉絲蒸扇貝。蒜頭好多 粉絲索曬d汁 好鬼香。扇貝都算大隻 稍為蒸過火了一點 但味道一流。。豉油皇海蝦。海蝦幾彈牙 算鮮甜。豉油汁好惹味。幾夠鑊氣。。避風塘炒蟹。蟹肉好鮮甜 肉質幾嫩。炸蒜 辣椒乾 芹菜炸到好香 送白飯一流。。涼拌手撕雞。驚喜之作。有芒果架噃。芒果好鮮甜 配上爽口粉皮 手

媽媽節快到 提早慶祝。平時媽咪做主婦 日日煮飯俾我們食 咁辛苦 今次決定帶佢去食朋友推介既家常私房菜 慰勞一下佢的辛勞。老闆預先同我們訂左菜單 媽咪過目左 就照老闆意思。～大白菜蘿蔔豬肺湯～好有媽媽煲湯既feel 媽媽話都幾老火 夠火喉 好清甜。湯渣分開上 配埋豉油俾我地食湯渣 好像媽媽一向既做法。豬肺好腍 又乾淨 差不多食曬。～涼拌芒果手撕雞～呢個真的好好食。我們一家都好鐘意。天氣開始熱 冷盤好適合 好大碟 有芒果 花生碎 雞絲 蔥 原來仲有粉皮 粉皮好煙韌 醬汁有少少wasabi配芝麻醬 雞絲仲有好香麻油味 正。食到停唔到口。～蒜蓉粉絲蒸扇貝～原本係果皮蒸鮑魚仔的 但老闆話今天街市的鮑魚都好細隻 所以改左蒸扇貝。證明老細對自己的食材有要求。炒香過既蒜頭 加埋索曬汁既粉絲 扇貝都唔會太細隻 幾鮮甜。～避風塘炒蟹～Super Yummy!!! 色香味俱全。炸蒜頭辣椒乾和蔥的香味撲味 隻肉蟹好大 蟹肉好鮮甜 肉質幾嫩 好入味。真是食完想encore個種。～豉油皇海蝦～老闆自己調過既豉油汁炒蝦碌 鐘意佢蝦頭蝦腳都剪走曬。海蝦幾新鮮 肉質彈牙 豉油汁微微帶甜 好味。～蒸海班～蒸海班的時間

第一次試私房菜，一定要記錄一下。這間私房菜是在一個三房的單位裡，大鄉里的我覺得好得意，如果喜歡吃環境的朋友不建議，但我是比較著重食物質素和性價比。我們四位被安排到一個房裡，靜靜地很有私人空間。我們點的是每位310元的套餐。首先上的是老火湯，大白菜豬肺湯，湯夠甜又足料，有屋企湯的感覺，果然是私房菜。之後上的是涼拌手撕雞，跟我想象中的手撕雞完全不同，因為通常的都是麻醬或麻辣味道，這裡用芒果、花生，粉皮和蔥絲作為配料，芒果夠熟很甜，拌著蔥絲吃非常香，酸酸甜甜很開胃，推介。蒜蓉粉絲蒸扇貝，新鮮，粉絲入味，時間可以掌握得更好，覺得有小小過火。清蒸海星班，煮得剛好，魚肉滑。避風塘炒蟹，推介。蟹大大隻，很多肉，肉質鮮甜，味道不會太辣，而且炸蒜粒很香，簡直連手指頭都想吃掉（愛用手吃東西的會懂的），哈哈。豉油海蝦，口感鮮爽，不錯。最後還是需要一點蔬菜，清炒芥蘭，屋企炒菜的味道，對我來說，菜新鮮已經足夠了。甜品是芒果布甸，不會太甜，如果可以加入鮮芒果會更好味道。Host比較靜但很有禮貌。我對這次私房菜初體驗非常滿意，310元有魚蝦蟹加老火湯，還有屋企的味道。私房菜是靠口碑生存，我願意推介這小店。

女友既朋友介紹呢間隱秘私房菜，印象中都係第一次以咁既格局同形式響香港食私房菜。感覺有少少似返大陸包房食飯，自成一角，嘈啲都唔怕，仲有電視睇，位置都闊落，背狼手袋等等都有充裕位放，甚至shopping 完有三五七袋野都夠位擺。好快已經上左個菜乾豬肺湯，仲好細心湯渣另上，好補呀，女友話潤肺，以形補形，哈哈。涼拌手撕雞，開胃菜一流，擺盆有心機，色彩繽紛。蒸海班，蒸得剛好，唔會老，難得友人愛吃魚頭，成條ko曬。金銀蒜粉絲蒸扇貝，大大隻，好抵錫。薑蔥炒蟹，一上枱嘩一聲，蟹鉗大大隻，非常吸引，味道亦好惹味，超正。黃金蝦，擺盤既花好有心思，蝦食得出蝦肉彈牙，最怕食到啲蝦肉霉霉淋淋咁，呢個絕對掂當。魚湯什菌，食到尾聲有個菜落一落肚，實在太好了。甜品係雪梨雪耳糖水，滋潤一下，滿足。

唔係朋友介紹都唔會識上黎，位於漢光大廈，雖然openrice 地址係寫漢口道，但其實大廈入口係響轉彎後既宜昌街，呢點就要留意啦！上到去，門口位是咁的。安排左間房仔，正呀喂，未食已經先感受到家的味道，電視汁撈飯！！上菜啦！先黎菜乾紅羅白豬肺湯補一補，湯渣另上，好耐無飲過啦，本人爸爸以前間唔時都會整架，依家就少左啦。不過要知道洗豬肺呢樣野真係好考耐性架。所以呢個真係心機湯水。再黎薑蔥炒蟹，一上菜望到對蟹鉗真係心心眼，啖啖肉，食落又唔會太咸，正！黃金蝦，好香口，好好味呀！本人好中意食黃金乜乜乜，另外好欣賞個伴碟，成朵花咁，靚靚。蒸海班，蒸得岩岩好，掂呀！涼拌手撕雞，賣相又係好靚，好多顏色咁，見到都胃口大開，食落又係好好味，仲食到有少少wasabi 味，正正子。粉絲蒸扇貝，蒜粒撈埋粉絲已經好好味。魚湯什菌，食到尾聲，有啲菜落下肚，即刻健康啲。最後仲有甜品食，雪梨雪耳南北杏糖水。因為啲雪耳整到好碎，所以食落比較杰身，正呀，好似煮溶左啲雪耳咁！飲完好滋潤。食完超滿足，捧住個肚走。

朋友話想試下食C房菜~~又想有個地方私人地方食~~就簡左E間~有DD難搵慨個地方~~同地下個閘要等人開~~E下麻煩少少~好舊式慨電梯~~~感覺有少少反到以前咁~~~個電梯門係要自己搵~~~~好耐冇見過~~門口~~~~一坐低就有得食架啦~~~(因為訂位果時講左食啦~~)豬肺白菜湯~~~好有家慨感覺!!!!冇味精~~飲完都唔會口干~~正湯渣會另上比你~~有豉油跟埋比你~~~(如果有指天椒跟埋就仲正)食湯渣點豉油~薑沖炒蚧~~~一拎到黎~果陣慨薑沖味就傳到你到~~~夠香~~~食落去蚧肉慨鮮甜味十足~~肉質冇散同梅~~~十分新鮮!E個好野丫E個~~芥辣手C雞粉皮!!!一拎到埋黎~~嘩左一聲~~勁大碟食落口雞仲有少少滑~D粉皮就大條左D~如果轉反用幼慨~食就好D~味道冇得輸~~芥辣個陣慨沖擊~好正!!!黃金虾~~~好耐冇見過甘旬花~~整得好靚~~E+好多地方都冇整~~太晒時間整啦~!!!!講反碟野先~~咸香味十足~~虾都好彈牙~好味到爆@~@結尾碗糖水都唔係HEA做 D雪耳切到一塊塊~唔係出面一大舊~ E下好細心~膠質出晒黎正!!!甜味都岩岩好~~唔會太甜~值得一食~~~

第一次食私房菜，由於心儀私房菜家的感覺，但又想吃平時在家不易吃到的菜式，就來這裡試試。事先我地叫老闆幫手安排菜單，一來老闆知道當時得令，另外又可保持神秘感。先來白菜豬肺湯，老闆話此湯降火和潤澤，味道清潤，感覺清新，尤其連豬肺吃，無苦味之餘，質地爽滑，老闆事前清洗功夫確做足。蛋白蒸蟹此味餸看似簡單，但食落就知考功夫。蛋白為主的蒸蛋，入口超滑，即溶咁濟。原來仲有花鵰酒味，令蟹汁甜味保留，但除去蟹腥味。蟹用料新鮮，蟹肉滑不溜手。蛋白與蟹的生熟程度掌握的剛剛好，令肉質不會老鞋。糯米雞原先以為老闆交行貨，私房菜食酒樓點心糯米雞？非也，真係一隻雞黎架。老闆話係原隻雞除去內臟，保留雞肉和皮，將糯米飯放入隻雞裡邊，再用荷葉包住隻雞黎煮。一打開荷葉，荷葉香味同埋糯米飯味飄晒出黎，由於糯米飯同雞吸收晒荷葉香，令人吃落不會有油利感，而雞肉也滑溜。能夠食到如此特別的私房菜式，這次搵食經驗確實不錯。