影片
開飯介紹
以淺木色作主調的和風cafe，其旋轉樓梯、樹木等佈置充滿時尚感，而窗邊座位有海景相伴，配上精緻的和洋食品，氣氛相當寫意。
繼續閱讀
營業時間
今日營業
11:30 - 22:00
星期一至日
11:30 - 22:00
*最後落單9:O0PM
以上資料只供參考, 請與餐廳確認詳情
有關獎賞計劃
今日同朋友去咗一間環境好舒服的餐廳食下午茶，呢間係西日料理，門口外面有個扭蛋機，隔離有樓梯都可以打卡，近門口有幾張枱設計好似小書房咁，有幾幅畫，加上有個書櫃，望落去好舒服！呢度地方都好大，亦都有卡位坐，今日呢間下午生意好忙，非常之欣賞店員仍然保持住笑容👍🏻蔥油香菜唐揚炸雞：即叫即炸熱辣辣，賣相好靚，擺得好似一座山咁，上面再放勁多蔥超正，雞炸到好香脆，加埋啲蔥油食好夾，突然間諗起蔥油撈飯仲正😂若葉香氣牛油果蛋包飯：綠色的蛋包飯賣相已經好靚，店員會幫手在中間切開蛋包飯，超多蛋汁流出來，再淋上忌廉汁！開頭我以為裏面嘅係白飯，勻上去原來係藜麥飯，好有驚喜！而且再加上我最喜歡的牛油果，呢道菜真係健康又美味！蛋我覺得唔會太熟，煮得剛剛好，連埋啲飯一齊食，真係超滿足！日式咖喱牛肋肉烏冬：呢個係咖喱撈烏冬，有少少微辣，但係可以接受，好有日式咖喱傳統風味！而牛肋肉亦煮到好淋好入味！夏日海洋梳打：顏色好靚，好似海洋嘅顏色咁，加埋粒車厘子同cream，好充滿夏天嘅氣息！特濃花生咖啡 (凍) ：個底飲到有啲花生醬，鹹鹹哋，有啲海鹽咖啡風味。翠韻開心果甜品盛合：有一件開心果的蛋糕，少少cream,上面鋪滿有鹽味的開心果碎，食落去好鬆軟！另外有塊麻糬加慕絲，甜度我覺得剛剛好！仲有士多啤梨同哈密瓜做點綴！
繼續閱讀
晚上我跟朋友來到喫茶ちょうぼ吃晚餐。😁我留意到餐廳在6月份有以下優惠活動：- 扭蛋中藏著給爸爸的驚喜（6月2-30日）- 堂食惠顧滿$150即可夾一次；- 若與父親同行，可額外獲得多一次機會- 獎品包括送蛋包飯一客 / 飲品買一送一、全單八折卷一張，優惠也很吸引！！檯面長這樣的。😄menu也太美了吧 若葉香氣牛油果蛋包飯新鮮的牛油果搭配嫩滑的蛋包飯，令人垂涎。若葉的香氣在每一口中都能感受到，增添清新感。另外米飯的口感恰到好處。蔥油香菜唐揚炸雞唐揚炸雞外脆內嫩，蔥油的香氣與香菜的清新完美結合，調味恰到好處。炸酥脆軟殼蟹咖喱飯咖喱飯的亮點在於酥脆的軟殼蟹，軟殼蟹搭配濃郁的咖喱醬汁，口感層次豐富。咖喱的香氣撲鼻而來，很吸引！！和風紅豆冰鯛魚燒口感清爽，紅豆的甜味恰到好處，不僅解膩，為整個晚餐畫上完美的句號。熱鮮奶咖啡我朋友點了一杯熱鮮奶咖啡，香濃的咖啡與奶香交融，很搭！
繼續閱讀
推開喫茶ちょうぼ嘅木門，好似走咗入昭和但有小清新現今時代嘅喫茶店，復古吊燈灑落溫暖嘅光，淺木枱木凳同牆上牆身嘅畫海報好襯，星期五全場爆滿！✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫🥢躺下來的小熊與蕃茄蟹肉蛋包飯 💰132大廚將蛋煎成鬆軟&金黃，切開蛋漿蜂擁而出，用上白飯堆成瞓喺度小熊形狀，以腐皮、粟米、紫菜做五官蟹肉份量較少，特調嘅番茄醬的酸甜帶出蟹肉嘅鮮味，蛋下面飯係白飯底，比較乾身但用左珍珠米，不過係炒飯底會更好😌米飯吸晒啲醬汁，可以先睇吓小熊個得意樣，𠝹開蛋包幫熊仔蓋皮🤣先再一啖挖落去食🥢新綠開心果帶子意粉 💰138自家製嘅開心果醬用忌廉汁慢慢打成滑溜質地，掛滿彈牙嘅意粉，面頭有少量開心果碎，帶子比較熟有三粒算質地厚身，開心果味唔算濃得，份量略少，價錢上偏貴🥢翠韻開心果甜品拼盤 💰128好精緻嘅和洋菓子展覽，有鹹味開心果布丁，配上充滿堅果香嘅開心果醬，糯米片蓋住布丁，碟邊用藍莓🫐士多啤梨🍓圓球蜜瓜🍈伴碟，旁佈滿cereal 脆脆😋開心果布丁，質地好軟滑似mousse， 開心果醬中和咗布丁嘅鹹香提拉米蘇改用開心果奶油代替馬斯卡彭，中間夾住海綿質感嘅手指餅，開心果味幾濃郁，建議先食提拉米蘇，最後先食濃郁嘅布丁+開心果醬，感受味道嘅變化另外卡片寫有丸子，但我哋見唔到😳🥢和風紅豆冰鯛魚燒 💰58即叫即整，重現昭和喫茶店經典，面唧上忌廉，鯛魚燒外皮較厚身，內有紅豆餡，外層較硬，杯底係甜糯十勝紅豆，加鮮牛乳+用碎冰打至企身，整體較膩，反而cream 好軟滑冇冰粒同好重牛乳味幾好味🥢極濃花生咖啡💰58即沖深焙咖啡+牛奶調成latte, 面加入花生醬、花生碎，最後以漏斗紋朱古力醬裝飾，建議頭一啖唔好搞勻，先飲到花生醬香，再慢慢撈勻等花生味出嚟，杯邊嘅榛子朱古力醬令賣相加左啲分✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫✍🏻總評：加🔟服務費：✅👭🏻推薦指數：🌕🌕🌕🌕🌑👭🏻回頭指數：🌕🌕🌕🌕🌑👭🏻環境評分：🌕🌕🌕🌕🌘👭🏻服務評分：🌕🌕🌕🌕🌗✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫🚇 銅鑼灣站D1/D2出口行5分鐘 💰人均消費：$280
繼續閱讀
啱啱坐低細圓枱，見到窗邊有位，問可唔可以換位，侍應話等執好，以為要等佢哋通知，所以冇自己換位，之後就已經有人坐咗，不過換唔到都唔緊要嘅 唔係重點。之後就落單等上菜⭐️補充一點lunch set嗰個Menu好多嘢都冇 嗰日唔係星期六日 開心果提拉米蘇無 兩款(芒果，白桃）梳打都無 既然唔想俾人嗌咁不如唔好加落Menu😅意粉同飯首先嚟，嘢飲等到差唔多食完都未到，催左三次先至上到。另外套餐仲有甜品，亦都叫咗兩次先上，叫起嗰次侍應拎住個甜品周圍走，應該係唔知邊枱，我一嗌上甜品佢就刻俾咗嗰個我，咁都冇所謂嘅都一樣，但係另一個就又要等好耐再催先有。有留意其他枱好似都係差唔多食完個飯先上嘢飲，唔知係佢特色定係點？食物味道方面 新綠開心果意粉冇咩味而且好膩 唔飲嘢飲搞唔掂（若葉蛋包飯就有少少草味，唔好食，有個海洋梳打就係完全藥水味全部最好食嘅，就係個布甸😓唔知係點樣先可以催咁多次先上 叫侍應叫到煩（補充一點：我哋唔係隔一陣就催 都等咗幾耐先催 費事麻煩到人 而且我哋坐廚房邊位，所以都一直有留意住有冇出）最後仲找錯埋錢 價格亦都唔係平 無下次 極差嘅用餐體驗
繼續閱讀
上星期去咗一間 busket list 嘅日本餐廳，入到去超有昭和時代風格，卡位仲有海景若葉香氣牛油果蛋包飯 有厚切牛油果加厚厚蛋，店員會切開隻蛋，再淋上忌廉白汁，配上藜麥飯，滿滿蛋飯香，牛油果控必試！蔥油香菜唐揚炸雞份量十足，成座山咁高，炸雞外脆內嫩日式咖喱牛肋肉烏冬 (可揀刨芝士/朱古力) 今次揀咗芝士，咖喱濃郁，烏冬彈牙，牛肋肉入味夠軟嫩初夏清甜蜜瓜刨冰──日式刨冰配上鮮甜蜜瓜，啖啖透心涼，好食且甜度剛好，推介必試夏日甜品！飲品方面，熱極濃花生咖啡同凍朱古力曲奇黑咖啡，花生咖啡飲落似流質花生醬，感覺特別，而曲奇黑啡好creamy，同樣有花生碎係面，兩款特式咖啡都值得一試！#ChouboKissaten #喫茶ちょうぼ #喫茶店 #日式 #溫暖 #和室 #昭和 #和洋料理 #料理 #洋食 #洋食屋 #日式洋食 #蛋包飯 #刨冰 #Food #SandyFoodies #HKFoodie #Foodie #香港餐廳 #餐廳 #日本餐廳 #美食 #香港美食
繼續閱讀