坤記煲仔小菜 (已搬遷) 新店位置

夏天是否不能吃煲仔飯, 答案當然不是絕對, 但要數吃得過癮, 一定是天寒地涷的日子才能吃出那種滿足感!! 距離踏入夏季已經時日無多, 還不襯這乍暖還寒的日子來一頓美味窩心的煲仔飯的話, 那便要等今年的十一, 二月才可以大快朵頤了 星期日晚上乘著微涼的天氣, 一行四人來到煲仔飯老大哥"坤記"趕搭尾班車, 六點十分到達, 幸好還有位置, 大概到了六點半左右已經全部爆滿, 原來想法一致的朋友也真不少 除了蔬菜之外, 其他全部點了煲仔類, 慕求來過盡興已歸!!第一煲 : 滑雞煲仔飯加鴛鴦腸, 嘩~ 打開煲蓋, 鴛鴦腸的香氣立即乘機湧出; 滑雞雖然是配角但肉質夠嫩滑; 臘腸和膶腸夠香夠油脂; 煮得粒粒分明的白米飯吸收了雞油和雙腸的精華, 簡直是人間絕品, 大口大口吃掉了三碗, 當然飯焦也不會錯過!!第二煲 : 豉汁白鱔煲仔飯, 份量十足的白鱔超肥美, 肉質嫩滑彈牙, 若然能夠再多一點白鱔, 感覺會更加充實(超貪心的人) 豉汁混入了白飯中, 同樣美味非常, 又幹掉了三碗!! 開始有些擔心小胃納能否有空間放下其餘美食...第三煲 : 窩蛋牛肉片煲仔飯, 窩蛋已經熟透, 沒有絲毫蛋醬; 牛肉能吃出鮮

好耐冇食煲仔飯，突然想到這裏。大概九點零到，都滿哂咁滯，撘枱都冇所謂，叫咗粉絲雜菜煲同咸魚雞飯，雜菜煲好快到味道都算合格，因個飯要等七、八個字，留意到同枱有講普通話既人同日本人。個飯終於到，阿姐一開蓋啲咸魚香味已經傳到，仲係我最鐘意既梅香超正，雞、咸魚、飯焦、豉油，完美既配合。

落了order, 等了1.5小時, 吃了三個煲仔飯, 窩蛋牛肉是三個之中最快黎。坤記飯蕉就係無得彈, 牛肉好滑, d飯一粒粒好分明,第一次試田雞, 幾好食, 好爽口, d汁同d飯好夾三個人食左三個煲仔飯, 等得太耐, 檯檯叫左煲仔飯o既都係呆左咁等好耐如果速度可以進步下, 生意好d之餘, 食客都會開心d~

訂咗枱，都等好耐！入到去，叫咗兩個煲仔飯，叫時又冇講等咁耐，足足等成兩個鐘先有得食！一D都唔值得！仲要倒瀉野，攪到我朋友身上都有，都冇反應！煲仔飯普通！其他的都沒有特別！

知道位於西環「坤記」的煲仔飯獨霸一方，正因如此，週五晚捨棄位於桂香街的原店，改為德輔道西的新分店，只是位於寒冬之下，依然是其門如市的局面，幸好因為舖面較大，總算給我擠到一張位子坐下。最後點了一個白鱔雞飯加臘腸，侍者還叮囑我因為人多，需要稍等一會，這方面我是有心理準備的，只是.............除了馳名的炭爐煲仔飯之外，這裡的煲仔菜或小炒也弄得不錯，見人家的生炒骨、鯪魚球滾湯和火腩大鱔煲等，即是未曾吃到，也足以垂涏三尺，而餐館裡也放置電視，不知不覺之間，原來我由「醫家有喜」開始，看到大半集的「居家兵團」，雖然也有數個煲仔飯出現樓面，可惜不是要的那個。最後當我這個煲仔飯送上來時，已是一個小時零十分鐘的事，任你耐性怎樣再佳，進食的意慾不多不少也大打折扣，期間侍者問我要不要開蓋，沒為意應了一聲「好」之後，結果連蓋子也收走，這方面的效率倒是甚高。也實在太肚餓了，既然等了一大段時間，也不要再浪費時間，這煲飯大致來說還算熱燙的，飯質上略帶煙靭，只是以五十八元來說，其份量也是偏少。也下了少許醬油在飯內，那漆黑而帶點甜的味道，對於我的口味亦算對辦。配料有醃過的雞件、鱔片也有四至五件，再加上數片的切

舊舖太多人啦，都係去左新舖~~我朋友仍然要等，真係對佢唔住啦!!!我地叫左三個煲加三碟小菜椒鹽鮮魷: 味道一般既食落唔多新鮮咁蒜蓉芥蘭: 好味好嫩口，冇絲鯪魚球: 都係普通田雞鱔煲仔飯: 一流呀，鮮甜，o的飯蕉好多，食落口超脆臘味煲仔飯: 都係一流，全個煲都係臘味油香，當然飯蕉唔少得啦滑蛋牛肉煲仔飯: 好唔得law，個蛋全熟，冇晒蛋汁，牛肉又唔juicy下次一定要去舊店試下!!!!

今晚落大雨, 屋企人決定出去食飯, 唔煮飯....我地去左坤記, 因為細佬打左電話叫左人預留左位比我地, 所以我地孩車去到, 完全唔駛等, (但建議大家早D去等位, 撞正落雨先無咁多人等位, 當然仲有唔少人在門外等位..)...不過座位有D窄...唔係太舒服....坤記出名煲仔飯, 所以我地叫左兩個煲仔飯: 白鱔田雞煲仔飯, 臘腸滑雞煲仔飯,另外我地叫左煲招牌豬骨湯... 佢地的煲仔飯好味, 只係少少燶, 唔會太燶, 令飯焦入口味道唔錯...另外各種材料都配合得好好...只係略嫌份量少D...豬骨湯超好味, 落雨天, 少少凍, 飲幾碗豬骨湯, 成個人都暖哂...佢地的豬骨湯材料好足, 煮出來好有味道, 而且可能因為一大煲, 佢地會送一碟肥牛同埋一算生菜, 感覺健康D, 而且可以當打邊爐...埋單$300+, 都幾飽肚...

夏天也快完結了，雖然未算是吃煲仔飯的最佳時機，但好處是不用排隊等位，而且今時今日四季火鍋已是日常生活之一，又何妨四季煲仔飯？！ 新店比老店寬敞，坐得較舒服，冷氣也很充足。來「坤記」不點豬骨煲好像若有所失，煲得奶白色的豬骨湯味道香濃，胡椒味好像沒以前在舊店喝那麼強烈，不過也不打緊因為本人不是很愛胡椒味太強橫而蓋過其他食材味道，加上也非寒冬時候不用胡椒的辛辣來暖胃暖身。 豬骨煲附一碟生菜，湯內有五件碩大的豬筒骨，肉不多但附在骨上的肉已炆的酥軟，而且黏附了很多膠質豐富的軟骨組織，雖然吃來有點狼狽但實在好吃。 來「坤記」又不能不吃招牌煲仔飯（$42 - $48），點了兩客，一是白鱔排骨飯，一是滑雞飯。白鱔肉質肥嫩爽彈，排骨沒有梳打化但肉質鬆軟易嚼沒半點雪腥味。雞我沒吃，但老公說很嫩滑。 豬骨煲那麼一大鍋，吃了豬骨喝了兩碗湯後便可點生料打邊爐。我們點了肥牛和鱔片，肥牛又真的頗肥，肉味淡薄但不羶。鱔片的質素也是上佳，一樣的肥嫩爽彈。 看鄰檯的半隻雞樣子吸引，我們也照樣來一客，半隻沙薑雞 $90。雖然味道對我來說是偏濃了少許，但肉質有彈性而且富雞味，大家都十分讚賞，四個人一箸一箸的很快半隻雞便報銷了

街坊中菜館，提供火煱、小菜及煲仔飯等食品。香煎蠔餅：炸漿略厚及多，幸好口感未算過於肥膩。鮮蠔鮮味尚可，水準中等。豆腐魚雲湯：奶白色的魚雲湯，味道還算鮮甜。不過未知是否要去除腥味，湯中薑味亦頗重。西蘭花炒腰果蝦仁：同樣水準中等。腰果炒得香口。蝦仁口感爽滑，不過味道清淡。金銀蛋莧菜：OK。臘腸排骨煲仔飯：標榜以灰爐烹製，賣相討好。揭開煲蓋時還感受到那股熱力及香氣。臘腸肥瘦算恰宜，味道OK。排骨雖腍，但味道很鹹。至於飯本身，個人覺得乾了一點點。

第三次光顧這問坤記,她的煲仔飯的確出色,尤其豉油汁調得濃而不鹹.是晚打算試些其他菜式.見到牆上大示標貼'鼓椒炒蜆',想必是時令佳作,點知解直極度失望!D蜆極有可能是煲過湯之後再用來炒,解直淡而無味,完全吸收唔到本來味道唔錯的鼓汁,真是有生以未,未食過咁難吃的蜆. 咁都上得檯,對不起食物,也對不起顧客!!!就是這道菜,不得不把這次光顧評分為劣級!

老同事一年一度從上海到香港述職，行前交代要我幫她約齊老友們一同晚餐。早就久仰「坤記煲仔飯」大名，於是一行六人便於此聚餐、拜拜早年。週一下午打電話來預約時，本想訂七點鐘，接電話的小姐說擔心到時候給不了檯，因此希望我能夠早一點或晚一點。「點解？係full哂咩？」我說。「唔係。有D人六點鐘開始食，我唔知佢地要食到幾點鐘。唔可以要我係人地未食哂之前叫人地走、交檯俾你掛？」接電話的小姐有禮貌的說，「最好就係你book早D或者晏少少，唔好book七點。但係如果你真既要book七點都得既，只是你可能要等少少時間。」這樣的解釋相當合情合理，於是就將時間往前移一個小時，大家早點吃飯囉！接電話的小姐依然熱情的繼續解釋，「先生你知道我地既煲仔飯係即叫即整既咩？要等差唔多9個字，所以你都係早D來好D。」沒問題，我一向是很準時的，所以你請放心。大概5點55分抵達位於德輔道西的新舖，店內的燈光都未打開且店門是關上的，但店門已經站滿了人。6點整小小的門口一打開，街坊們便魚躍湧入，熟門熟路的自己找位置坐下。正想隨便抓一位阿姐來問問「陳生、6位係邊張檯」，結果發現檯面上的餐牌都貼著訂位者的姓名與電話，難怪街坊們自己都找

天寒地凍，少奶話要食羊腩煲，但坤記舊舖例必爆滿，唯有來新舖吧。兩口子，不能訂位，只可walk in，幸好7pm到達時尚有空位，但再遲半小時便要排隊等位啦。一坐下便叫了一個羊腩煲，送菜一碟，叫了一個白飯和一罐可樂和少奶share，又叫多一籃西羊菜。火窩煲身頗大，汁很多，最初以為羊肉不太多，但食下食下，咦？點解食極都有既？而且d羊肉幾乎件件都有皮，皮下又有層脂肪，肥都呢…不過我最鍾意就係咁，又冧又入味，唔肥又點會羶？唔羶又點叫做羊肉呀？結果食完呢餐，唔單只暖笠笠，仲飽到上心口。埋單$140，抵啦。不過呢度通常例必要搭枱，當晚我們的一張大枱，便坐左4 group，共11人，大家各有各食。我地呢d坤記熟客就見怪不怪。但當晚曾經有一對男女坐下來，阿姐擺好晒位比佢地，但無幾耐就粒聲唔出閃左，可能係唔鍾搭枱啦。不過走之前可唔可以同阿姐講聲先呢？等門口等緊位d人地可以快入座嘛。題外話1，之前在這裏試過煲仔飯，但飯焦烤得太燶，水準不及舊舖。當晚同枱的其中一group人的飯還可以，但另一group人都話飯焦太燶，食唔到，我都坐响旁邊都聞都d燶味。如彩我地無叫啫。要食水準穩定的黃金飯焦，都係返去舊好d。題外

I have never actually had "real" 煲仔飯 at an actual eatery specializing in it before, and have dreamed of trying it out since last winter; finally had a chance to dine at Kwan Kee to wrap up my winter break in Hong Kong.Found out on openrice that this eatery actually takes reservations, so I called in to reserve a table for 3 in advance. Was told we may need to "dap toi" = share a table with others, which I accepted.Arrived at about 7.15 and there was already 2 other parties waiting outside; the w

話說離開左香港成年，回歸香港後既第一個煲仔飯!!兼且仲係女朋友既最愛!! 由於食評講到坤記既煲仔飯係全香港最強!!所以特登黎試，同埋慶祝女朋友生日=]早一日已經打去皇后大道西個間舊鋪訂位，竟然要9點半！無位都算，問多兩句，佢D態度真係離晒譜!!!!!雖然間鋪出名，唔憂無客姐，禁既服務態度….....禁結果我最後黎左呢間舖!! 雖然打電話時態度偏差!!但一定比舊鋪好！而且入到去坐低，服務異常好喎!!有驚喜!!!!入正題！我叫左個白鱔滑雞煲！賣相一流，閃令令！白鱔上面既豆豉椒絲令成碟飯更靚!香味四溢，一打開，熱辣辣，即落豉油，更香！滑雞好滑，不過呢次食既雞略嫌太多骨！白鱔好爽，而且小骨，皮爽，肉嫩！豆豉香!!當然最緊要，個飯！粒粒飯都有油，係香既，軟硬剛好。飯焦成個底都係飯焦！但係完全無一粒係overcook，香脆！直情可以整起佢包裝拎去超市賣!! 哈哈最後，照鏡！ 因為每粒飯都好味!!女朋友就食左個油鴨排骨煲！佢對我油鴨似乎好滿意！排骨就無咩特別！佢食晒D送，食唔晒D飯。因為我地太早食飯掛= =我地仲食左個蒜蓉炒芥蘭！唔好食!!佢用both 炸蒜同新鮮蒜一齊炒！唔中意！唔香，又爽，得個硬

同友人食晚飯，一行四人~原先諗住去舊舖食嘅，但full booking，只好去次選嘅分店~分店環境係好過舊舖，但服務員嘅服務態度仲差過舊舖~我哋叫咗個豬骨煲及兩個煲仔飯~已經預咗啲煲仔飯會好耐先上~我哋食住個豬骨煲先啦~上次去舊舖食，食到一半，啲煲仔飯就有嘞~今次到我哋食完哂所有嘢都遲遲未到~嗰時我哋已經食咗九個字嘢了~所以吹下個男服務員啦，佢就大條道理話唔駛吹嘞，係要等下架嘞，未熟又點俾得你食呢！，咁都得~佢啲服務態度真係差！第一次就算啦，再等下啦~後未我聽友人話原來遲過我哋叫嘅客都有煲仔飯食嘞~我就開始嬲嬲哋~再吹多次個收銀，又話排緊隊……再check話第三四煲先到我哋~只好再等~到佢送埋嚟時，咁啱係個收銀上菜，我就話噃佢，問佢乜啲田雞要去捉架，依家先攞去"湯"？佢就又駁話要排隊，話其他客係早過我哋落單，後未我哋話噃佢隔離枱遲過我哋都可以有煲仔飯先，佢先死死氣話又冇攪錯，之後就走咗去了~一句唔好意思都唔同我哋講，真係太過份了~而且啲煲仔飯又唔好食，最特別係有啲飯焦吧~都係廟街啲好味啲~一來唔駛等咁耐，二來又唔駛受氣~最討厭係幫襯你，仲要俾面色啲客睇！唔想做生意未咪做囉！