大一海鮮火鍋料理 (已搬遷) 新店位置

在食肆林立的尖沙咀開業沒多久的大一海鮮火鍋料理，是區內少有環境舒適又空間十足的火鍋店，有卡座及寬敞圓桌和多間貴賓房選擇。打邊爐最講究還是湯底及火鍋料選材，這裡的兩款招牌湯底「黑松露雜菌鍋」和「黃金雞翅鍋」。前者是一個素菜湯底，選用新鮮雜菇及意大利黑松露醬熬製而成，菌香洋溢而清鮮不膩。今天選擇了黑松露雜菌鍋，清清地😄。湯滾起後，先來啖湯，菇菌類清香入口清甜👍。多款醬料和前菜小食手切頂級新鮮本地肥牛 ，鲜嫩軟滑，牛脂不算多。本地黑毛豬，薄薄 一片輕輕灼一灼， 入口軟腍。自家手打四寶丸，新鮮彈牙。冰菜爽脆。皇帝菜翠緑鮮嫰。女王粉，據聞是自家配制，有點像水晶粉包着烏冬。煙煙韌韌的感覺，口感特別😄。

昨天的黑松露豪宴還在回味之時，估不到今晚又是黑松露...難到明天？我對黑松露的幽香氣味情有獨鍾，多享用幾晚也無防。火鍋店越開越多，佳因香港人實在太喜愛烚烚下。要生存隨了品質好之外就要有噱頭，好似今晚嚟間，我們點了黑松露什菌湯，真係第一次咋。湯底先滾後嚐，好清甜，黑松露的香散發出來，意外地ok 喎。還有不同種類菇菌，材料十足。本地肥牛肉賣相不錯，口感軟熟，不多肥膏。黑毛豬不一定外國的好，本地產的也不錯喔。雖然肉味不夠濃厚，勝在肉質軟嫩。四款丸類各有特色，夠爽彈有嚼勁。四寳餃特別在於皮薄餡多，口感層次豐富。冰菜和皇帝菜鮮嫰翠緑。醬料亦一絲不拘，乾淨俐落，多款供調配。總括環境，食物，服務都達到一定要求，值得推介。

食物唔錯，但偏貴，份量都公道但食食下，以為自己去咗水舞間，好夢幻新裝修，有缺陷，飲品汽水唔凍，dumpling 足料，唔錯，牛肉唔錯，如冇6折，預每人$400，叫5至6樣嘢

這天和幾個閨蜜相約尖沙咀晚飯，幾經商議後，選擇來到位於寶勒巷萬事昌廣場的大一火鍋。店內裝修高雅、整潔又明亮，侍應服務也很到位。魚池內有各類生猛游水海鮮。火鍋款色選擇頗多， 還有前菜、小食和多款飲料。經理向我們推薦了很受女士歡迎的湯底。清熱滋潤的杏汁豬肺湯，不但沒有豬肺的腥臊味，濃稠又有杏香。香濃黑松露和雜菌味道的黑松露雜菌湯。先來冷盤小吃冰鎮鮑魚，軟中帶靱又新鮮。三重縣醬油漬榮螺，爽中帶醬油香，入口便停不了。椒鹽粟米 想不到粟米可以做出如此惹味的小吃，粟米 香甜，椒鹽份量剛好不會過鹹。本地農場黑毛豬腩片豬肉味濃，肉質嫩滑。大魚下巴造型特別，魚肉滑而不覺腥。確是我這魚控的飛弗。鶴藪白菜翠綠新鮮。

星期一晚，約了中學同學吃火鍋，順便說說近況。所以，放工後到了尖沙咀。環境十分大，座位寬闊。在大眾點評購買了優惠，所以叫了不少食物。金湯雞花膠：湯底十分濃郁，必讚！個人十分喜歡，味道咸中帶時鮮味，十分濃味。職員告訴我們先行飲湯，然後才放火鍋配料。當中雞件數量很多，肉質嫩滑，大大舊，十分飽肚。另外，花膠同樣數量不少，有口感，配合湯底食用，味道很配合啊！小頂級新鮮牛切本地肥牛：小份量足夠二人食用有多，色澤為鮮紅而濃厚！焯後的肥牛，滲出不少肉汁，牛味其濃郁。而當中只是帶很少根，真的值得推薦！本地黑毛豬：不吃牛的朋友，不仿試試黑毛豬。師傅刀功了得，每一片也有相同的厚度。焯後的黑毛豬，肉質滑身，令我感到驚喜呢！同時，有少量肉汁滲透出來啊！鵝肝墨魚丸 x 爆汁和牛丸：十分新奇的做法！師傅將鵝肝瀼入墨魚丸，墨魚爽口彈牙，中間有鵝肝的香味。另外，和牛丸果然十分多汁，建議慢慢咬開，因汁太多，真的會爆，牛味濃郁。椒鹽粟米：又是令我十分驚喜的一道小菜。粟米再不是普通，而是用椒鹽。令整碟粟米十分惹味又香口，數量同樣眾多，咸咸地，不錯！冰菜：口感十分可愛，吃的時候感到爽口又清新！大大碟啊。青荀：又不錯的蔬果類，口

大一火鍋已經係第二次去食， 因為真係好好食一定要去食多次。首先係要食佢嘅刺身拼盤 ，刺身新鮮分量好多， 一大班人食啱曬 。刺身蝦好大隻， 蝦肉 鮮甜 彈牙， 蝦頭之後仲可以攞去炸，食埋入面嘅蝦膏 ，一款兩食。 帶子極度厚身， 夾起後好似完全將我對筷子完美地遮住咗。呢度嘅主菜當然就係湯底啦 ，呢個金湯雞翅鍋 入面勁多花膠同魚翅 ，我忍唔住飲咗三碗 ，感到自己食咗好多骨膠原落肚 。佢連煲湯啲雞都好嫩滑 ，又忍唔住食咗幾舊。基本上飲過湯都已經飽咗 。唔夠飲佢哋仲會加湯畀你飲到飽為止。呢度仲有我最鍾意食嘅冰菜同埋黑松露帶子餃 ， 冰菜唔係間間都有得食 ，帶子搞入面咬開蛋蛋帶子肉加埋黑松露味道一流。女富豪分係我真心推介俾大家 咁望落去有啲似好瞓 佢食落去感覺有啲似薯粉 咬落去好煙韌 建議配埋冬陰功湯食薯粉吸曬冬陰功湯嘅味 酸酸辣辣好醒胃。

打邊爐最重要就是湯底！今晚來到尖沙咀打邊爐，特意去朋友介紹的火鍋店，來一個惹味火鍋夜。冬蔭公湯底是每枱都點的湯底，我喝上一口，湯底濃香惹味，有輕微辣味，味道濃郁。本地手切肥牛，牛肉片片油脂平均，入口爽嫩牛味濃香。芝心黑松露墨魚丸拼咸蛋芯豬肉丸，特別口味的丸類是我最欣賞，粒粒爽口彈牙，咸蛋芯最是咸香惹味。芥末雲吞拼水餃。芥末口味是滋味，皮薄餡料足，粒粒手包是足料非常。我最愛吃水餃，吸收湯汁精華，每口滿足。

今日同左老豆食飯，兩仔爺好少機會兩個食飯，難得媽咪去左旅行，我就約左老豆出黎食飯。我地都好鐘意打邊爐，特意搵左尖沙咀一間火鍋店，朋友食過話好食，我地就去食個晚餐。冬蔭公湯底最滋味，驚喜湯底我地一邊食一邊讚！冬蔭公香濃咸香，加上微微辣味，入口超惹味！我地叫左本地手切肥牛，牛味濃香肥美，入口香嫩唔會鞋口！芥末雲吞拼水餃，雲吞有芥末香味好特別，皮薄而且餡料豐富，手包的確足料！芝心黑松露墨魚丸拼咸蛋芯豬肉丸，手打丸粒粒彈牙爽口，芝心中間味道咸香流心，加上松露香！咸蛋芯味道更是爸爸最愛。咸蛋黃龍蝦丸更是有陣陣蛋黃香。

內地同事來港工幹, 收工後大家相約一起晚飯, 原來他們在前一晚早決定到他們酒店附近的一間火鍋店打邊爐, 而且在"大眾點評"中還可以RMB362.9買到HK$550現金卷, 再提前一天預約就可以用到, 相當著數!餐廳設大量卡位, 坐得好舒服, 這裡除了主打火鍋, 還有一些熟食選擇。醬油費每位HK$18, 先自由混醬一下。我們點了【金湯雞翅湯】 HK$389湯底濃郁而不會過鹹, 雞件跟花膠份量都很多,雖然花膠膠質不算厚, 但索左個湯底, 亦非常好吃~ 【本地黑毛豬】 HK$119色澤粉嫩, 均為薄切, 稍為焯一下至剛剛熟, 入口肉質很滑 【頂級新鮮牛切本地肥牛】 HK$269 (小)鮮紅手切肥牛, 每片都切成有點點厚度, 帶些少牛脂, 肉味很重 【鵝肝墨魚丸 併 爆汁和牛丸】 HK$159兩款丸類都很彈牙, 鵝肝墨魚丸中有一小粒鵝肝, 整體吃起來帶少少鹹香, 不用點醬已經很好吃!而另一款爆汁和牛丸, 更是令我一試難忘! 一咬之下果然要小心爆汁, 牛丸中的一小個一小個空間都有豐富肉汁, 鮮甜無比! 【黑松露帶子餃 併 黑豬雲吞王】 HK$139這裡的餃類一看就知即叫即包, 很有誠意! 每隻都

今日有朋友搞左個飯聚齊齊去食好野聽聞呢間大一有冬陰功鍋底，我咁鐘意飲冬陰功湯當然要試下啦 前菜先黎個大盆魚生大蝦，元貝，象拔蚌，魚鮭，象拔蚌膽 全部都非常新鮮同大舊，聽聞佢地既海鮮係每日新鮮運到石頭花膠雞煲翅鍋 最岩所有女士養顏，佢地用左石頭鍋可以keep住個溫度唔會因為個電池鑪太熱而蒸發得快花膠好大條，堅有翅大家等陣見到呢單就會真心覺得好抵另一，我堅持要叫既湯底「冬陰功鍋」omg~~~真係極度正，無誇大誇張，因為係出面有好多冬陰功湯，一係就無味，一係就得個辣字原全無冬陰功應有既酸。佢呢個唔單只有冬陰功應有既辣，酸同檸檬葉味之外，做湯底住野打邊爐更令d食物既味道生色不少 小妹建議：大家食呢2個煲打邊爐前先可以當湯飲一碗先 之後再落餸煮老實講成餐飯，最貴就係個魚生，但真係值，但去除左個魚生，如果7個人去食，就有呢個水準都只係平均每人320有找絕對唔算貴放心，係食得飽大家🤣如果唔係我地成班女士為左唔太肥所以唔食宵夜時段，其實會仲平好多鍾意打邊爐既朋友仔，係時候去試下呢間以上開飯食評，只係本小姐個人食後感

今晚朋友介紹一間打邊爐，正！我係工作上有好多煩惱，要去舒緩下壓力先得，打邊爐就是不二之選！尖沙咀地鐵A2一出，直衝去寶勒巷🤩🤩一入去，感覺唔錯！乾淨企理，唔會迫迫夾夾既感覺，仲有大大個魚缸，D龍蝦&鮑儀向我招手！一坐底，餐牌都未打開，專業服務員就用最真誠既笑容向我介紹冬陰公湯底！我同朋友商量左3個鐘之後。決定！！！！ 好丫，就冬陰公湯底丫唔該！！！ 終於打開本menu勒！今次大鑊，九萬幾樣野食，有排諗😭 淨係湯底都有成16款！！！！ 勁！最後就點左：wasabi蝦丸，黑松露芝士丸，鵝肝墨魚丸，超級彈牙爆汁air max 牛丸！黑松露帶子餃！見大一大粒黑豬雲吞！手切肥牛！本地黑毛豬片！佢呢度竟然有冰菜😍😍另外，見佢鋪面咁乾淨企理，就一試佢D刺身，牡丹蝦刺身！點完料！個湯已經到！巧香呀😍熱誠既服務員見我裝到成個碗都係芫茜蔥，佢好自動咁去拎過隻碗比我，呢D咪專業既服務員囉！ 講返個湯，好足料，8隻蝦，隻隻都粗過我手指公，仲有大大隻蜆！一飲，就飲左兩碗，如果唔係餓上腦，我想飲哂成煲！一出場有Wasabi蝦丸，新野！出面好似未見過，wasabi味唔太搶，輕微刺激，激走工作煩惱🤣鵝肝墨魚丸：呢粒丸

平時和朋友一講打邊爐，就一定是去指定飯堂.但今次朋友同事極力推薦呢間.（朋友既同事都有去過指定飯堂的.還說呢間比指定飯堂還好)既然講到咁.我地就決定轉一轉場.湯底有很多選擇.最後簡左野菌黑松露湯鍋($168)..不得了..一上枱已飄來松露味..侍應細心提示一下.湯底滾左後先試一試湯底.唔好落配料住...湯底很濃野菌同松露味.正..由於十分喜歡食牛丸的關係.所以牛丸是必叫的..爆汁和牛丸($89)..牛丸很彈口還有肉汁..是好味的！但個人覺得沒有驚喜.因為和某雞煲店的牛丸一樣.黑松露帶子餃($129) - 很有驚喜..當然成舊餃都充滿松露味啦..意想不到是裡面有大大粒帶子.很鮮味啊😍😍女王粉 ($39) - 其實係比個名吸引.雖然都係唔知點解叫女皇粉.但呢個真係值一食..麵條煙煙靭靭吸滿湯汁..好好味珊瑚蚌($129)和桂花蚌($129) - 新鮮爽口而且份量也不少啊！

2018/04/25 Beauty 首先要給這家的湯底選擇拍下手 雖然價錢不便宜 但是有很多外面沒有而且還蠻誘人的湯底選擇我們叫的是黑松露野菌 等了約15分鐘就有很大一煲放滿野菌的湯底上桌了 聞起來沒有太重 但是每喝一口湯都有淡淡的黑松露味 香香的 份量剛好 這是beauty第一次吃牛胸爽 真的很爽😆 雖然白花花一盤 但吃在嘴裡卻不會覺得很油膩 不知道到底肥不肥🤔食材總體都很新鮮 就像水餃的內餡也很好吃和足料 環境算不錯 座位很寬敞 上次去是禮拜五晚上7點多 快到8點的時候也都滿座了 所以如果前去最好定位最後 還有很重要一點 這裡不限時喔👏🏼

今日心血來潮突然好想去打邊爐，於是問下朋友有無興趣去打邊邊，好彩佢好順得人唔想行太遠，就搵到附近有呢間一入門口，感覺好舒服，有啲日本feel我地坐底左，侍應特別為我地推介了冬陰公湯底，話係最近新推出的，見佢咁熱誠推介就點左呢個開頭以為會好普通既，但原來啲料都好足蝦都有成10隻，仲有蜆添酸辣味好平均，越飲越上癮啲火鍋料吸哂呢個冬陰公味......正呀本地黑毛豬肥瘦分佈好適中，咬落好嫩而且係薄切的，吸湯能力強黑松露帶子餃併鮮蝦雲吞餃子同雲吞都同樣大大粒架而且好足料，唔會只得肥豬肉，每粒都係好有口感，雲吞內的鮮蝦係原隻上的而餃子內全都是帶子同黑松露食到有少少爽口，應該有埋黑木耳呢啲丸都好有特色，有鵝肝墨魚丸、wasabi蝦丸、黑松露芝士墨魚丸、醬爆牛丸我特別喜歡黑松露芝士墨魚丸&鵝肝墨魚丸，一咬開，啲鵝肝汁就流出黎，好juicy黑松露芝士有拉絲的效果而wasabi蝦丸味道都好夾，有少少刺激味蕾，但又唔會好嗆女王粉煙煙韌韌既感覺，吸湯力好強，配上呢個冬陰公湯簡直perfect侍應特別提醒我地，只要打卡就可以有全單七折，七折之後只係$600咋超抵，每人都只係$300所以一定要打卡呀

返工返到攰一攰，收工食餐好既回一回氣，選擇咗一間第一次去既火鍋店,叫大一火鍋上到樓上鋪人客唔算好多，靜靜地，反而幾舒服，傾計都唔洗用咁大聲講野。火煱之前黎個頭盤醒一醒胃，叫左炸芥末蝦丸，雖然係炸，但內裏非常爽口彈牙，中間包左小小芥末，唔太辣但好醒胃。火煱點左個招牌湯底，叫花甲皇蟹鍋，上到枱打開煲蓋名乎其實既花甲皇，密密麻麻既花甲加兩隻大蟹，非常足料。呢啖頭湯，係服務員叫我地享用火鍋之前，必先要試一試，個湯非常鮮甜，因為用左大量花甲、蟹仲有好多菇菌配菜淆出黎，配搭非常出色。唔洗怕呢個湯會好腥，個湯底放左大量胡椒，所以完全無腥味。火煱配料叫左個牛魔王拼盤，有四款牛，包括有牛胸爽，本地手切肥牛，牛脷和安格斯牛肉粒，牛胸爽真係唔係好多地方有，食落牛味好重，而且好爽，係碟上面睇仲以為係牛既脂肪，原來都係肌肉既一部份。今晚驚喜之一，魚三角，其實係魚既下巴，一條魚得2舊，真係好好食，放入湯滾到熟，肉質仲係好鮮甜，好滑，真係值得一試黑松露餃同麻辣餃，入面有足料黑松露而且好香鵝肝墨魚丸拼牛筋丸，呢個牛筋丸好彈牙，少d牙力都好難食到，但不得不讚裏面好多內濕，牛味重呢個湯底點唔可以叫個粉吸收返d湯底精華，叫