大大鑊 (已結業)

韓國燒烤, 韓國餐廳都食得多, 呢間係尖沙沮的韓國菜都幾得意同好玩一入到餐廳就見到每張枱都有個爐頭, 心諗又係韓燒….但見到個menu就知佢有D唔同芝士控的我揀左芝士辣雞, 佢仲可以加好多野, 原先我仲諗住加多D cheese 同年糕, 好彩男朋友叫我忍下手先一叫完就有個大大的pan 送黎, 真係大個我個頭好多倍忍唔住已經係咁影相之後OPPA侍應推住架好大車仔黎, 心諗好彩聽男朋友勸告無加野如果唔係咁大碟一定食唔晒入邊有好多配料同芝士, 雞肉佢真係好夠份量OPPA會幫你煮埋, 一路煮仲好勁咁好惹火搞到我大叫~~~ D 火熊熊丫真係完成後係勁拉絲ge~~~~拉到可以幾高真係個人技術wahahaaaa味道我覺得比一食到的雞肉辣,我男朋友食到噴火 hahahaaa勁辣的汁加上芝士真係好惹味, 因為辣辣地我又無覺得好漏WOR……最鍾意食佢D年糕丫!!!我覺得食呢個野最好揾3-4個朋友仔去食再叫其他小餸,如果唔係真係會好飽!

真係好難得遇到一班都鍾意食韓國嘢嘅朋友，一行7個人去食芝士炒雞。就係因為夠多人所以可以叫到幾樣嘢。食咗 芝士辣炒雞，炸雞 同炒豬肉。全部都幾好食架，所有呢啲大大鑊都會係你面前即刻煮， 所以記得問佢攞番條圍裙咁就唔怕整污糟。炒雞嘅過程都幾好睇，又炒，又火槍燒，由於係即場炒，所以你可以將你鍾意嘅口味同佢講，講真真係唔好怕辣，因為要食韓國口味嘅話，真係要辣先至過癮，連幫我哋炒嘅大媽都話唔辣邊過癮架。成份芝士炒雞，有一半係蔬菜，一半係雞，仲有好多芝士。味道係唔錯架，雞肉都好好味，記得要加年糕， 因為個啲醬，芝士，加埋年糕真係好好食。見到我哋個空鑊，都知有幾好食，不過由於我哋食得太乾淨，所以店員都唔建議我哋加炒飯，所以如果你係要加炒飯，咁你記得起碼留返1/3，但佢有料炒飯啦。炒豬肉就無影到相，因為成班餓鬼淨係掛住掃，不過我就覺得炒豬肉就一般般，因為係唔辣嘅，所以食落其實就係好似普通豉油蠔油炒豬肉咁，不過係偏甜，始終韓國人嘅口味唔係辣，就係甜。都好食嘅，不過唔特別囉。至於炸雞，我覺得都唔錯，唔會太辣，如果juicy 少少就好喇。件數都好多，7個人，每個人都食到兩三件。如果真係得兩個人食，真係一個芝

終於來食到大大鑊，第一次食辣炒雞是在韓國的春村辣炒雞。真係辣到無得輸，好正！大大鑊可以話係頭幾個將辣炒雞文化傳入香港的代表。當日和男朋友星期日六點半去到，不用等，但見在場很多人都要book位的。如果擔心都建議早少少打去BOOK左位先!點了芝士雞的，二人份量睇落真係好多! 有幾碟配菜但因為太餓已經食左, 大既都係枝豆, 薯仔沙津同泡菜。男朋友表示十分喜歡有大量的芝士。雞的辣度有普通小中大辣揀，如果唔太鍾意食辣可以揀普通。Oppa店員十分親切，專業地炒呀炒，到最後就會噴火, 雖然會比佢嚇親, 但至o岩影相。芝士拉絲力甚強。當切件的無骨雞塊點上濃濃的芝士真心正，辣辣地又幾香口, 加埋勁多配菜，尤其係蕃薯，都幾飽架！另外韓式的辣我覺得幾o岩香港人食, 因為食完都唔會話好難頂, 仲有D甜甜地!本身想點多個炒飯, 不過侍應姐姐話驚我地食唔完, 好在最後都冇叫到。至於唯一的伏點，就係唔好叫烏冬 ($20)，因為炒完無乜味，加上仲有少少雪味, 有少少怪。炒辣雞係要配拉麵的。而且見其他枱的客人點炒飯，oppa是會弄心心型，so sweet!

看到這個店舖名稱，大概沒有人會喜歡，有人喜歡大大鑊嗎？筆者酷愛韓國這個地方，慶幸這兩年也去兩次，韓國真是一個充滿美食的地方，只要耐心找一找好吃的就會在左右。很多旅遊書或博客都推介他們的一間食店「春川家辣炒雞扒」，筆者去了這兩次去韓國也有吃得到，這間店舖人流多而且價格非常便宜，是到韓國必吃，除了辣炒雞扒外，去韓國當然不能少的是炸雞及豬蹄都是必吃。回到香港最近尖沙咀開了一間大受好評的辣炒雞扒店，他就是「大大鑊」，「大大鑊」當然是指他們的鑊很大，並沒有其他意思，他們除辣炒雞扒外竟然還有炸雞及豬蹄賣，可以一次過滿足大家三個「思鄉」的願望。本來筆者並沒有抱著很大的期望，但卻出人意表。先來的是牛肉沙律。這個牛肉沙律並不突出甚至有一點格格不入，但沙律菜配上鮮橙醬卻出奇的好吃，不酸而且還帶一點清甜，令人非常開胃。 之後到主菜辣炒雞扒，做法跟韓國吃到的大致是一樣，先把所有食材包括雞扒、年糕、薯仔、椰菜，蘿蔔及金菇放在一起，把表面的辣醬和食材拌好，之後下芝士，再加上一點油然後用火槍燒好，途中會有火燒出來的效果，之後用鍋蓋蓋起來稍等一分鐘便可以。芝士熟度剛好伴上甚麼食材吃都好吃，辣醬惹味但略嫌不夠辣，菜爽口

芝士風味雞😜Marinated chicken galbi with cheese 真係大大鑊，雖然話係2人份量，但其實3個人食更岩🙈🙈 Order 左炒雞會有韓國oppa 問你食幾辣,然後親自幫你炒炒炒同加火😍😍🔥🔥🔥 （拍左片係ig, 有興趣可以去 hunger.food 睇)其間oppa 加左咖喱粉，芝麻油，芝麻等等材料落去炒。最後既雞真係幾香幾惹味😚😚 雖然叫小辣，但朋友話愈食愈覺得辣（我覺得唔太辣）除左雞仲有年糕,椰菜,蕃薯（大愛）,蘿蔔等材料。仲有6款前菜同味噌湯。食到有d膩再食口泡菜／青瓜都幾正😋😋整體都幾滿意，唯一有d可惜係cheese唔夠牽絲🙈食左大半份雞，我地加多左個炒飯，有紫菜，芝麻，蟹子等等，加埋d汁好惹味😝😝，亦都更加更加飽🙊 個雞砌💗 個炒飯又砌多次 💕 一日唔知要製做幾多個❤❤❤ ,唔怪得咁熟手😹😹 oppa 一邊砌💜 一邊提我地下次食呢間記得要預約😂 今次我地超好彩6點幾去咁岩walk in 攞左最後一張枱✌，但遲我地幾分鐘既人就無咁好彩，😯😯要等個幾鐘Ps呢度既 oppa 好nice，除左砌💗，仲會吹下水,主動問駛唔駛幫手影相😁 有機會會再encore

大班朋友又唔想成日打邊爐或者BBQ，韓國新式大大鑊就岩哂。 烤牛肉沙律 ($145)食咁多肉之前梗係食返個沙律清新下。沙律菜清新，牛肉嫩滑，醃過更惹味。 芝士風味雞 ($299 二人份量)韓國超流行既大鑊料理。將大過兩塊面既鐵鑊熱左之後，店員就會將椰菜、紅蘿蔔、蕃薯、年糕，當然仲有滑滑既雞脾肉，配上甜辣醬一齊炒，炒到材料林身之後，就將主角芝士倒係中間，等佢半溶就可以開動啦。雞肉肉質好滑溜，配埋甜辣醬，辣得惹味香口，仲有椰菜金菇炒得入味。年糕煮耐之後好軟糯，點上重奶香又夠鹹香既芝士，仲拉哂絲真係超邪惡。唔夠飽仲可以追加拉麵，炒飯等等，食完超級滿足又飽肚呢，岩哂一班人熱熱鬧鬧咁食。

今次大鑊了~個個去都食炒辣雞我就去左食SET LUNCH原來都幾抵食咼~一入去 一坐低店員即刻放低碗湯 好搞笑雖然樣貌一般 但幾好味咼又而韓國餐廳既小菜都有4款一啲都唔孤寒咼 餐牌好似把扇咁 放左起個鑊上面簡左一陣同朋友每人叫左一個飯 Chicken Galbi Fried Rice with Cheese $59 唔算太辣既飯其實飯既SIZE都幾大可惜相比起芝士份量太少了唔係好夠喉><Seafood Fried Rice $49 我覺得依個好味啲海鮮雖然細細粒同埋應該就唔係新鮮海鮮但個飯都叫有海觧味而且份量都唔細絕對對得住$49依個價錢~最後埋單$119以尖沙咀價錢都算幾抵食 希望下次有機會試下其他野~

Today is my date night therefore things were getting cheesy. We have come to one of the hyping Korean restaurants in Tsim Sha Tsui and it literally took us 10 mins to wait for a lift to come upstairs. During the opening promotion period. We could get two big glasses of slushie for free. They were blackcurrent and lemon flavour. However, I think the taste was way too sweeter than my likings. While we were waiting for our pot of cheesy chicken, we got to try some of their entrees including pickled

炒雞肉 烤牛肉沙律二人套餐 ($418/set*)吃過甜甜酸酸的牛肉沙律之後一大盤辣雞肉送到四款辣度中選了輕微小辣 唔會辣開頭吃得辛苦套餐包一個加料 我們選了年糕先起油鑊後下辣雞肉 年糕 拉麵和蔬菜爆香炒熟幾分鐘後將鑊中物分半 紅海中央落下兩色芝士之後蓋過蓋子等候一分鐘 需時不久的大大鑊練成雞肉趁熱卷上芝士夠濃香嫩滑 芝士幼而不漏年糕煙韌非粉得軟熟 不過的確比拉麵來得好吃芝士好快食曬原來唔係想像中咁多 可能要追加吧驚喜地還有蕃薯在內也夠粉腍香甜 鹹食也不錯我們加料選了炒飯等得耐會痴底 尤其是拉麵 而且有點韌不夠爽整體味道惹味香辣 不過有少少單一但尚不太乏味雖然有服務不過不太理會客人 服務就覺得一般 

多年前到過韓國旅行，十日多的旅程，來到一半時，已開始思鄉想回家，因為吃不慣太多燒烤，那時未有炸雞熱，但都真心燥熱左！近呢兩年韓風愈吹愈勁，間中都會拉大隊去吃吃韓燒，但我最深刻印象是新村炒辣雞，那個大大鑊竟然在香港未遇上！真奇怪！因為朋友說尖沙咀H8有新餐廳進駐，大概只聽到好大鑊，好啦！就睇下幾大鑊吧！入座先送上前菜，都是一般的菜式吧！我點了牛肉沙律，有兩條菜食下感覺得比較均衡，當然呢啲都係自己呃自己！牛肉唔會太熟太乾，入口時少量肉汁，伴著沙律菜食可打打底，聊勝於無吧！個鑊真心大，為左俾大家睇下有幾大，請同行幾位朋友借出玉手！大家請忽視細細的戒指吧！我想大家應該見唔到有閃！哈哈！我地點左風味芝士雞，一早已聽朋友講要留肚，佢話係二人份量，不過老實講加埋配料如麵年糕嗰啲，三位女生都可能食唔晒！點左食物就會有oppa 幫你即場煮，以下就係過程啦！先落油熱鑊，再加上不同的蔬菜同雞件同炒，炒到咁上下，Oppa 會放火，火光熊熊很是吸引！燒完之後會再炒一會，之後就會倒入大量的芝士粒，再把鍋蓋蓋好，等一下就食得了！一分鐘後開蓋！如紅海般的芝士海，分開了雞件及蔬菜，顏色係紅紅橙橙，樣子好像好辣！Oppa

最近成日見人介紹尖沙咀H8上有一間韓國餐廳,佢用一隻好大既鑊去煮野好似幾得意咁,於是去試下!餐廳好受歡迎呀,預先訂位都爆哂,結果要Book 9點先有位!下次想食都係早多幾日book位!!食韓國野點小得小食,不過呢度啲小食就一般般啦,都係至在比你係等待食物時食小小野烤半肉沙律沙律份量不少,上面既醬汁酸酸甜甜幾開胃牛肉幾腍,而且幾入味,仲配上不同既蔬菜同車厘茄,好fresh作為前菜係唔錯既芝士風味雞韓國oppa店員會係我地面前炒,先將所有材料倒哂落鑊將所有材料炒熟,並將大件既食材切細,方便入口炒到一半,店員叫我地退後,因為火要黎啦!最震撼的一刻店員用火槍燒一燒,火就升到勁高,火光紅紅,火維持左幾秒!火光過後,鑊內既食物都差不多熟透,我們追加左個韓式拉麵店員就係呢個時候炒埋個麵最後落埋芝士食得啦!辣度可以揀,少辣其實已經適合一般香港人口味裡面有超多芝士,可以為雞肉做出強勁既牽絲效果當然唔少得主菜雞肉啦,仲有菜,蕃薯,蘿蔔等,好豐富其實話就話2人份量,但其實3人share會更好,因為份量好多我地2人食到捧住個肚走

尼排新嘅韓式餐廳開唔停，食辣食芝士玩拉絲當然亦停不了！尖沙咀H8出名多潮食，尼間嘅特色係同你「炒大鑊」！店員（有你喜歡嘅Oppa）會喺你面前即場炒熟啲配料，鑊氣十足。個鑊有成3隻手掌咁長㗎，堅係大大鑊！一坐低無耐就有數款前菜端上 我地今次主鍋叫咗個芝士風味雞同炒烤豬肉，追加韓式拉麵、韓式年糕、芝士及特式炒飯，仲有2款沙律。先嚟兩個沙律，分別係烤牛肉沙律同甜味豬肉沙律。兩款沙律都做得好出色，沙律菜夠新鮮，牛肉同豬肉都嫩口惹味！我自己就比較喜歡甜豬肉多啲 跟住到Oppa出場炒大獲！先炒芝士風味雞，佢先把雞肉蔬菜同追加嘅年糕一齊炒到咁上下，然後就煮拉麵，最後放芝士喺鍋中間，落蓋焗一焗就可以開餐！拉麵彈牙，索晒啲醬汁好好味 雞肉略為唔夠滑，不過係好夠味。豬肉辣辣地甜甜地醃得好入味，戲肉梗係唔少得芝士啦！成個鑊中間都係芝士 仲試過可以拉絲拉到企起身高過個人㗎 超正呀！最後再加埋個炒飯，店員會提我地要留返部份配料同醬汁比佢用來炒飯。個飯絕對係全個鍋精華所在！整體味道唔錯，唔算太辣，我喜歡佢有一定份量嘅蔬菜一齊炒，唔使下下只係做食肉獸吖嘛。佢地有set係連沙律同一款配料，比你就咁散叫平幾十

早陣子試過韓國海鮮蒸籠，今次有朋友說有間店舖在尖沙咀開設，名字叫大大穫，覺得真的好有趣，就去看這個大大鑊究竟是怎麼一回事。一進入餐廳，便看到桌上有很多鑊，每個鑊真的很大，相對自己的手真的大很多，店舖亦很跟得上潮流，是用平板電腦做menu的，而餐廳是正宗韓國人主理。這裏的前菜有五小碟，還有一小碗的忌廉粟米湯，我們選擇了餐廳既招牌菜同一個沙律。首先到來是燒牛肉沙律，沙律分量相對兩個人是相當足夠，這個沙律很惹味，牛肉也燒得恰到好處，不會太乾，加上上面的沙津醬汁甜甜酸酸的，非常醒胃，一個不錯的前菜。跟著就是今晚的主角出場-芝士風味鷄，負責的韓國師傅一到來，就用溫度計為那個鑊測温度，看到適合的度數才添少許油，然後便將所有蔬菜和韓國年糕放入鑊中開始烹調，接著師傅便儘量騰空中間的位置放入已用韓國醬汁醃過的鷄肉，炒了一會兒後，便用火熗燒向那些食物，頓時面前一片火光紅紅，然後加上大量芝士，便將鑊蓋蓋上三、四分鐘，一掀起蓋便再灑上芝麻便完成這道美味的菜式。熱辣辣的鷄配上已溶化的芝士，既香且滑，對一些吃得辣的人來說，可能會略嫌辣味不夠，喜愛吃口感煙靱的朋友，就一定抗拒不了那些年糕。今夜大家的胃口非常好，便再

朋友生日，系 Openrice 找到呢間店，一於試一下！韓式炒牛肉，有侍應代炒，有椰菜同年糕，炒下炒下，仲放火燒一燒，牛肉一啲唔老好嫩！味道足唔使再加任何佐料！我地仲加咗芝士，芝士溶咗，伴住啲牛肉同菜一齊食，我個人好喜歡！因為芝士冇同其他材料炒在一起，一啖有芝士一啖冇，隨自己喜好！宮廷粉絲，好多料，仲有支鮮人參！不過我覺得其他材料太多，反而粉絲太少，雖然味道偏淡

早前在電視飲食節目見有介紹，芝士辣雞，用只巨大平鑊泡製，見幕前芝香四濺，已垂涎欲滴，得知香港有新店，馬上行動。餐廳名字直接了當，就叫Big Pan大大鑊，正宗韓國人主理，是過江龍。紅色似乎是韓國食肆喜用的色調，紅色的大平鑊就是店子的標誌，踏門即見。踏出電梯，即見招牌食品照片及紅色大鑊，轉身電梯是紅底白標誌的店名，四方牆壁皆有鑊氣。iPad menu 追上時尚，二佰多元一個鑊足夠二人分享，加個沙律亦實惠，我們四人正好選擇兩客沙律兩個鑊。韓式餐前小吃少不了，五小碟有新鮮辣辣泡菜丶泡青瓜丶不辣的青豆微酸及極酸蘿蔔，每人且有小碗粟米忌廉湯。主角馬上出場，韓式芝士風味雞鍋韓藉師傅走到我們桌前，堂前炒煮，先放材料，除了雞件外，還有椰菜丶韓國年糕丶紅蘿蔔及蔥類，雞肉預先以韓國醬汁醃過，顏色紅透，炒作一會兒後，用火槍猛火燒烤，然後再炒，加醬汁，堂前表演，最後才加上大量芝士，然後焗4分鐘，方才事成。芝士份量邪惡，黏稠煙靱，熱辣雞件黏著芝士來吃，既香亦滑，對我們來說，辣雞辣度不足，也許調至大部分港人口味，餡料包括煙靱的年糕，後悔沒有早早追加，因為炒完後再加已經太遲，誰知道大家胃口這樣好，唯有加個拉麵，其實