太平飯店 (已結業)

朋友話北角有間打冷叫太平飯店大廚之前於米芝餐廳做,食物質素不錯,價錢又合理不過打冷一定要多人食先過癮睇過openrice食評又幾好咁所以決定約埋好友們一起來試試~打冷必叫當然是鵝三拼 $188我們揀了大腸,豬頸肉和鵝片鵝片嫩滑可口,厚薄適中,夠曬入味要一提既係太平飯店既秘制滷水汁比坊間的甜鹹淡適中,幽香入骨大腸真係必食!!!!滷水多層大腸,真係唔多地方有得食口感爽中帶軟,滷水越嚼越香糖心蛋 $28蛋黃膏腴味美,軟滑絕妙,充滿濃濃酒香~正!!蠔仔肉碎粥$42粥底充滿米香,一碗都幾多蠔仔花雕醉鵝肝 $68酒香於口中纏繞著啖落醇厚柔滑海蜇拚墨魚 $82老實說...海蜇不夠爽彈墨魚就不過不失啦本來想試火焰醉蝦...可惜賣曬見醉鮑魚一客只售$72/2隻都好似幾抵就試一下XD果然不負所望,驚喜一浪接一浪~鮑魚個size都唔細,仲要切埋片!!!鮑魚軟腍帶有酒香太平飯店除左打冷,仲可以叫小菜架金蒜腿娃娃菜 $48娃娃菜味道甘甜營養價值又髙,不錯~烏頭 $108Rossana本身唔食魚,所以無試到不過同行朋友話好好食,轉個頭就整條KO左黃金糖醋麵 $68通常糖醋麵都會煎到2邊乾身不過太平飯店的就煎一邊乾

平日晚上放工後到朋友工作的地方北角吃晚飯，地膽友人帶我到太平飯店吃飯，沒想到店中都有不少人…心想住在北角的人大部分應該也回家吃飯，而上班的都應該回家或到銅鑼灣等地方吃飯吧？所以都抱有幾大期望～最先點了個溏心蛋，這個有一點點酒香味，但也不會過份濃郁。不飲酒的我吃這個也沒有什麼問題～蛋黃質地軟棉棉似的，很容易入口～蛋的成熟度適中，所以也很彈口。因為好好食所以最後多點了一碟～之後點了個滷水拼盤，由於我唔食鵝，只試了豬大腸。這裡的多層豬大腸好特別，很有口感，吃過一塊後就會忍不住吃第2塊…滷水汁不會很膩,不過如果味道可以再濃一點就好了～由於本人很喜歡吃魚，就點了潮州凍烏頭了～凍烏頭有兩種醬一同送上(忘了拍照)，無論是白食凍烏頭還是點醬我也很喜歡～不過同行的一個友人本身不太喜歡吃魚的，吃了一點就好像很不enjoy似的了～這是唯一點了的菜類，在menu中很難才找到出來…個人很喜歡蒜味，這個比想像中還要好吃～蒜味跟娃娃菜的味道很夾。蠔仔肉碎粥也是推薦食品之一，蠔仔份量很多，而潮州粥的粥水也很有蠔的味道，味道控制得很好～這裡的醉鮑魚是我在其他地方吃不到的。鮑魚被切成很多小片再放回殼中，不用花時間慢慢撕鮑

6月頭一日又係去北角學葡萄牙文嘅日子，加上胖蕉來接我放學，所以決定係北角覓食，胖蕉一見到我就話好想打冷喎!咁就即刻開OPENRICE睇下邊度有得打冷啦!見呢間食評不錯就一試，我們點了滷水鵝片拼墨魚、糖醋麵，老闆送竟然送咗個無味精例湯比我們!飲得出老火湯兼料頭充足。門口寫住精品滷水果然無形容錯，賣相好靚!睇得出師傅刀功了得，至於味道方面，鵝肉嫩滑，滷水味道好香醇，墨魚片切得薄薄的，入口爽滑有口感。糖醋麵好少地方有得食，所以見到呢到有就叫嚟食，哈哈!真的無叫錯，麵煎得金黃兼脆香，加上沙糖及醋，味覺層次感再提升。整體嚟講食物質素都不錯。下次再嚟要試下其他野先!

當日純粹搵個地方食晏，估唔到搵到好野食　坐低嗌左碟滷水鵝片併豆腐飯，酒香塘心蛋 & 是日例湯........例湯係番茄豬骨薯仔湯，o岩哂我口咪...... hehe....未飲已經見到非常足料，味道似住家湯滷水鵝片、豆腐足量又好味，唔會太咸，正酒香塘心蛋帶淡淡洒香，易入口，一個人食兩隻都唔會膩食完非常滿足，要棒住個肚走......哈哈哈哈　 

本人一向不寫食評，也不太相信繕稿，但今次真的不吐不快。家住天后的我，久不久會和家人到北角用膳。身為潮州人，打冷是我們首選。近來我們常到北角和富道的XXX，因為味道正宗，開業才幾個月已打出名堂，經常要排隊。昨晚我們如常七點多到達但也要等位，於是家人提議到新開的太平飯店試試，據聞是前阿鴻小吃的廚師主理，看Openrice的食評也很好，決定一試。到達太平已八時，其門如市，差不多九成滿座，心想一定好吃吧。看看menu，價錢也不便宜，看到有幾款 gimmick的菜式，如糖心蛋，冰鎮鮑魚，火焰醉蝦等等，但我們還是鍾情潮州菜，於是點了凍烏頭魚，鵝片墨魚大腸三拼，蠔仔粥和糖醋麵。首先來凍烏頭，咦? 點解唔見舊大魚油? 雖知大魚油係凍烏頭靈魂，條魚滑唔滑就係靠舊魚油，試了一口已發覺唔妥，條魚蒸得太熟，魚肉唔滑仲有d鞋，最失敗係有泥味，這是不是潮州菜？點食?鵝片墨魚大腸三拼，擺碟跟阿鴻有八成相似，看看味道有沒有阿鴻的水準吧。首先試試滷水，好甜，係加咗好多糖嗰種甜，仲甜過阿鴻，唔係潮州滷水味道，香料味好重，似港式燒味滷水多啲。試一口鵝片，好淋，得個淋字，鵝香不夠，點埋甜嘅滷水根本食唔出鵝味。試大腸，太平用多

新派打冷，並飛一般叔父去的打冷店，環境舒適清潔，可以扶老攜帶！食物一樣，有新意有心思，保留潮式風格之餘有多款自創菜式，例如醉香溏心蛋，花雕醉鵝肝，冰鎮花雕鮑魚。冷盤選擇喜只得烏頭呢！我們因為怕鵝肝蛋固醇太高，點了溏心蛋及鮑魚。溏心蛋比平時拉麵店的更軟滑又有酒香，鮑魚爽翠入味。至於例牌打冷必食鵝片，又淋又軟，而且唔會過多肥糕，仲點係唔似一般老字號咁重口味，唔會過喊！另外，老公喜歡吃辣，點了口水雞，我心諗黎食打冷，仲乜叫口水雞？但出乎我意料的出色！店員推介我地試下例湯，聲稱無加味精。我們又試試，因為現在食店好少會有無加味精例湯，而且價錢不貴，當天係粉葛眉豆豬骨湯。嘩！個湯認真得，真係足料好味。北角區我食過其它老牌打冷，今次試過這太平飯店覺得菜式精緻，多選擇，美味，舒適，健康！抵讚！

尋晚放工約咗個好姊妹去食飯。於是我search下openrice想搵間新得來又有人食過讚好的，比我搵到呢間叫「太平飯店」-- 個名好型啊，比人列入茶餐廳類別，但一check比我發現d人PO d 相，嘩！有齊我同我好姊妹鍾意嘅 - 鵝片，溏心蛋，仲有凍蟹，仲有鮑魚？！點解叫佢做茶餐廳呢？咁我覺得兩個女仔都可以「麻乜」下啤一啤食下鹵味，就CAP d 相比好姊妹引下佢。就咁我地就去試咗。結果係：我好鍾意呢度！❤️❤️❤️一來到第一眼，嗯，的確係茶餐廳樣但裝修係新嘅同埋幾乾淨。但其實我嘅視線好快就比半開放廚房掛出嚟嘅食物深深吸引住，仲有我眼一掃，嘩，8點差唔多坐滿，d人個樣有d係街坊樣又有d係好似我咁係白領，個個好似食得津津有味，成檯美食，仲有外國啤酒嘅？！咁有張卡位剛走，我地就嗱嗱聲坐入去。唔知點解個刻我同姊妹情緒都好高漲，好似有錢人去咗泰國變成富豪咁，叫鮑魚，叫凍蟹，叫溏心蛋。我想話叫姊妹收手但我地見到檯檯都有叫呢度最出名嘅鹵水三拼，又搬個句出嚟：食埋呢餐先減喇😛。結果係樣樣都好好食！我以前只會係請屋企人食晚飯先會去d咩咩酒家仲要一早訂定懶巴閉，試完呢度發覺根本d食物係一樣囉🙈，我要大讚呢度d

朋友報刋也常提及這食館水準之高，前幾天卒之有時間品嚐。店舖裝修實而不華比較樸素，伙記都算殷切禮貌周周。當日一心一意來嚐試鹵水食物，其他的也不太在意。看餐牌價錢算大眾化，我們六個大人，點了8碟，品道有辣有不辣，尤其椒鹽瀨尿蝦好抵食，比西貢海鮮檔7折也不止。鹵雜錦很大碟，很滿足。還有鴨舌，很大只很滑兼入味，還有其他都好想食，如蠔仔粥。。。等唯有下次再試。

這天我去了開倉大敗家，之後去了北角交收，那位朋友是住在北角，我問她有什麼好吃就推薦了這家...之後跟其他朋友就一同來了這家餐廳了...我一看到餐牌有糖心蛋，立馬就說我要點它!!誰叫我喜歡吃蛋 XD看上去的蛋非常晶瑩剔透，蛋黃還是流心~~入口感受到淡淡的酒香，跟平日吃的糖心蛋的有點不同，不過都好吃的~火焰醉蝦遠遠就嗅到強烈的酒香，再加碟上的火焰，果真吸眼...不過火焰到檯之時已經非常微弱，過了一陣就熄火了~所以想拍到火焰就要加油XD熄火之後，我們可以享用醉蝦，雖然上檯時有濃郁的酒香，可是吃下蝦子時倒不是這麼重的酒味..蝦子的肉質是結實、彈牙的，而吃下口感明顯感受到豐富的肉汁，而且這個蝦子殼跟肉沒有糾纏在一起，非常易就可以分開了...鹵水三拼 (鵝片、墨魚、牛展)這兒的鹵水可以單點、自選雙拼還是三拼，我們挑了鵝片、墨魚、牛展，店家切鵝片很薄，吃下去時沒什麼嚼頭，但肉質是非常嫩滑的~墨魚的確彈牙有嚼頭的，但不知是不是鹵的時間不太足夠，味道就有點不夠...牛展則不是 Rain 的菜，沒太大的意見~比較可惜的是他們家的鹵汁是偏甜的，不是太對 Rain 的胃口...烏頭魚那天朋友意屬是大眼雞，因為

自少最愛吃潮州魚蛋粉的豬豬，對於潮州菜有一定的執着，潮州滷水菜式更是我喜歡極致的。最近在家附近發現了一間新開的潮州飯店，鄰近北角碼頭地點方便，於是就約朋友一起嘗試。首先出場的是醉香糖心蛋。酒香就不太感覺到，反而看到流心蛋黃，我們的心已經醉了。柔軟幼滑的蛋白配上半熟流心蛋黃，在口腔內流動着，感覺實在，讓人感到非常幸福。不得不稱讚接着進食的火焰醉虎蝦。錫紙碟上放了一些鹽和酒精，還點上了火。其實這只不過是一個 Gimmick，這和早已製作好的凍食虎蝦完全沒有直接關係。虎蝦清甜彈牙，肉汁豐富有口感，並非一般坊間的例牌貨色。凍大眼雞是經常進食的潮州打冷菜式之一，潮州凍烏頭魚還是第一次嘗試。烏頭的肉質沒有大眼雞那麼厚實，因此只有新鮮的烏頭才能成為凍食材。廚師小心的把烏頭片開一半，還把中央的一條長骨取去了。這窩心的做法，讓害怕挑魚骨骨豬豬也可以安心食用。鮮甜的烏頭配上特製的醬油及鹹麵豉醬，把味覺提升到另一層次。一間潮州飯店如果滷水做得好，生意一定能站穩腳。因此每到一間潮州飯店，豬豬一定會嘗試滷水鵝片這一道菜。這一碟滷水三拼(鵝片、牛展、墨魚)當中，鵝片做得最出色。鵝肉嫩滑，肥瘦均稱，而且滷水的鹹甜適

這處的醉心小吃不錯醉心冷鮑魚，冷凍後啲鮮鮑魚肉質收縮，水份減少，堅實得多，口感比一般蒸鮑好，加上酒醸，香順口感有彈性，東主預先切開細片，易於慢慢品嚐。醉香溏心蛋是令一絶，外表水潤色鮮，吃下酒香味濃，蛋黃流心郁香，美味美妙。

俠侶繼續於北角出巡，晚上走到渣華道，突然滷水香氣撲鼻，頓覺肚子有點餓，抬頭一看，有家飯店，玻璃窗外掛滿滷水食品。晚上七時，正是用餐良辰，二人共識，進門考察，果然滿是花椒八角之滷水香氣。主理似乎非常專一，是所滷水專門店，小食主菜皆是滷水食品，若你不愛滷水，對不起，定是找錯地點了！既來之，滷水三拼跟它拼一拼，膽固醇萬歲！滷水鵝件（有骨）、多層豬大腸拼墨魚 $168滷水汁香香濃郁味不鹹，別於一些西環老字號用鹽之過份。鵝件其實已起骨，肉嫩滋味；鵝皮薄身，皮下脂肪不多，鵝皮煙韌更顯滷水氛芳。魔鬼誘惑，多層豬大腸脂香豐膄，卻又並非肥膏滿瀉般邪惡，入口異常煙靱，需要耐心咀嚼方能把它幹掉，咀嚼期間可以慢慢嚐到滷水之滋味，怪不得是店主推介。鹵水墨魚片，爽脆薄片，不同的口感，但吸汁能力不及前者，作為第三拼轉轉口味無妨，還是滷水肉類討我們歡心。鹵水豆腐乃必有之配菜，想不到如此厚身大件，經過處理，外皮有靱度，內裡軟身，不及蒸豆腐的滑溜，身有洞穴，也許是在滷水內久煑了，一般皆是如此。配以白粥 $12，我認為是絕配，米飯的香而味淡，正如清洗味蕾。盛載之小碗特別，有個手挽位，拿著不會被熱粥燙到，設計有心思。潮州粥水

與男友到北角搵食，四處睇下有無新野試，見到有間餐廳食潮州菜裝修都幾靚，而且好少潮州菜有咁好地方又坐得舒服，仲要係北角地鐵站出口隔離，勁方便。呢間都幾多菜色選擇，有D我都未試過，唔似平時潮州打冷來來去去都係食果幾樣。我地總共叫六樣菜 - 冰鎮花雕鮑魚、花雕醉鵝肝、潮州凍烏頭、卥水鵝片、蠔仔肉碎粥、老火靚湯。冰鎮花雕鮑魚 - 我未見過潮州打冷有呢樣野食，所以好奇叫黎試下。一上桌擺盤都幾靚，但心諗成隻鮑魚都唔細，點食好呢~點知一夾，原來師傅已經切好晒一片片，但擺返好似原隻鮑魚咁，真係好好心機。再講味道簡直一流，花雕味不會過重，而且隻鮑魚完全入晒味，味道唔會流於表面，而且杞子又帶出花雕的香味，作為一道冷盤，簡直超水準。好吃到我停唔到口仲要偷埋男友果份黎食。花雕醉鵝肝 - 又係一樣未試過的潮州菜色。花雕味好突出但鵝肝口感稍硬。潮州凍烏頭 - 因為我地兩個都鐘意食魚，所以得兩條友都叫左條烏頭食。果然無叫錯，因為條魚真係超級好食，而且魚肉肉質非常嫩滑，條魚又肥又大條，仲勁多魚油，證明條魚夠晒肥美，好正~除左平時食開的豆醬，佢地仲有提供一隻酸酸甜甜的醬汁，D魚肉點埋呢個醬一齊食勁開胃，搞到我地兩個人都

說到大排檔、茶廳餐，大家會有很"佬" 的感覺嗎?! 可是近來朋友帶了我來北角的一家新派的精品鹵水店感覺很不同。話說，當年有一家在北角的滷水店亦是，自從它結束了營業，我再也找不回那種味道! 直到....今天的無心插柳來到了太平飯店，我找回了那份味道。沒想過位置這麼方便，就在北角地鐵A1出口右手第一間鋪就是了! 真真正正的地鐵口呀!鋪面以木系為主，主打是簡單、舒服的環境! 鋪面還掛滿滷味食品，基本上當你踏進門口，已嗅到那陣喚醒肚皮打鼓的滷水味! 午、晚飯時間經過，小點定力的都很難把握得住呀! ( 特別是減肥瘦身中的妳/你...)，哈哈! 我是12點多去的，坐了一會已滿滿客人了。這裡座位蠻舒服，位置亦很寬敞，值得一提的是，店員都很熱情，很主動加茶、介紹菜式!還為我送上一碗熱!♥青、紅蘿蔔玉米湯♥ 正宗老火湯，湯在中午時份是配餐送得，晚上只需加$6 (每天不同湯款)。 吃中菜有碗熱湯在旁完全是錦上添花的配搭，而一碗看似平凡或可能你不會重視的老火湯，往往是最能反映出餐廳的用心。 此青、紅蘿蔔玉米湯味什濃，喝得出是真材實料，有家的味道，而且絕無味精! 現在的食肆，很少用足料老火湯了，單是這個原因，

今日過海去到北角，見到地鐵口有間餐廳，鋪面好企理，同女友入去坐低舒舒服服食個晚飯（順便過一過冷河）聞到D鹵水好香，即刻叫左個鹵水鵝片、花雕鵝肝、花雕醉鮑魚、烏頭、蠔仔肉碎粥，仲有靚湯-粉葛赤小豆煲豬骨。先上花雕醉鮑魚，花雕酒同杞子嘅味道入晒每一片鮑魚裏面（鮑魚係原隻切片上）天氣熱辣辣啱晒食跟住上烏頭同靚湯，出品都好快烏頭無泥味同火水味（最鬼怕）仲夠晒肥，你睇出晒油飲返啖靚湯先，我最愛葛湯跟住上埋鵝片、鵝肝我當然係食鵝肝先啦！口感硬、鵝肝跟花雕酒起唔到「化學作用」哩碟鹵水鵝片嘅擺盤，我睇到一份廚師嘅執着，雖然我覺得鵝片偏瘦（我鍾意多D油份，因為比較香滑）但荳腐唔會有油益味，鹵水汁香濃，餸飯真係一流不過，今日天口㷫想食碗蠔仔肉碎粥蠔仔無乜沙，夠鮮，冬菜同唐芹夠惹味，為哩一餐畫上一個完美嘅句號。