奈良上釜 (已結業)

跟媽媽到銅鑼灣報旅行團，看了幾家都還未決定要到哪裡旅行，倒不如先醫飽個肚再繼續諗，因為都已經晚上8點多了。銅鑼灣覓食，喜歡到登龍街，因為各國美食都能在此找到。記得同事推介過奈良上釜的日式煲仔飯，既然有刺身以外的選擇，即是媽媽都有野食，於是便跟媽媽一試日式煲仔飯，到底有何特別之處呢。接近晚上9時，食客還是很多，等了約10分鐘就可入內。店的面積不大，所以抬櫈都放得蠻密，跟媽媽坐了在跟廚房的2人枱，也好，不用跟人搭枱又可以看到廚師們煮煲仔飯的場面。釜めし，即是日本一種傳統的鍋飯，通常一人份量，各自選擇喜歡的配料。其實都真的跟煲仔飯挺類似的，不過通常日本人就通常不再把飯放到碗裡，而是直接用鍋食的。媽媽選擇了鰻．釜めし($158)，而我則點了蟹盛($298)。由於枱的面積不大，所以餐廳先把主食以外的前菜送上。媽媽的鰻．釜めし有茶碗蒸﹑凍豆腐和漬物。茶碗蒸用料都很豐富，有冬菇﹑魚籽還有黑松露香味，而且蒸得很滑，加上日式高湯的香味，十分好食。鰻魚釜飯的鰻魚都挺多，每塊都很厚身，軟滑。肥美的鰻魚沒有什麼骨，表面塗上了鰻魚醬汁，令鰻魚更鮮甜好味。而我的蟹盛，除了主食蟹盛釜めし外，還有松葉蟹腳天婦羅﹑松葉

呢間專食釜飯嘅餐廳已經高倨OpenRice餐廳排行榜頭幾位一段時間，但次次經過都有人龍今日終於的起心肝，早少少收工，六點鬆啲就已經到咗，今次終於唔使排隊啦！屋囗有個大大個嘅釜飯，出哂煙的，實唔會認錯！入到餐廳，裝潢簡單，以木色為主調，頗有日式風格！餐牌有唔同嘅釜飯同蕎麥麵餐可以揀，而且每個餐仲包咗幾個前菜、茶碗蒸、味噌湯同水果，非常豐富！我地今晚就揀咗奈良七盛同埋蟹盛兩個餐。前菜打頭陣出現了。三款刺身好幾新鮮，而且是厚切的刺身，味道和口感都很不錯。漬物、凍豆腐和茶碗蒸賣相精緻，茶碗蒸尤其美味，蛋蒸得嫩滑無比，加上高湯調味，好正蟹盛的前菜有凍松葉蟹腳和松葉蟹腳天婦羅。凍蟹腳雖不是超級肥美，但蟹肉卻是很鮮味的，而且餐廳提供了輔助食蟹的工具，輕而易舉就能吃到鮮甜結實的蟹肉！蟹腳天婦羅是超讚的，啖啖肉，而且天婦羅炸得香脆乾身，一點也不覺油膩吃完前菜，主角就出場了。每個set都係好日式嘅presentation，整齊精美。個蟹釜飯俾成個蟹蓋遮住曬，睇落平平無奇揭開個蟹蓋之後就發現內有乾坤，除咗有顏色鮮艷卜卜脆嘅蟹子，最正係有勁多蟹肉同埋好多蟹膏食咗少少蟹膏，真係又咸又鮮味！之後將所有材料撈勻，就

冬天最喜歡食煲仔飯，食完又飽肚又溫暖。夏天煲仔飯癮起點算？原來日式都有煲仔飯，就是釜飯，除了釜飯外，還有刺身、水果，食完一定唔會成頭汗。6:30來到奈良上釜已經超多人，幸好朋友比我早到，可以預先拿位。點了個七盛釜飯，好豐富，有蟹肉、蝦、鮑魚、三文魚子、冬菇、白本菇、三菜，釜飯已包括蒸蛋及味噌湯，用海鮮做煲仔飯都是第一次食，感覺很新奇，這裡都應該是香港唯一一間的釜飯專間店。蒸蛋加了黑松露醬，未食已經聞到很香，在平淡中加了點綴。釜飯的飯底加了醬油，淡啡色的，有少少像雞湯的味道。朋友點了蟹盛釜飯，只見到她埋首不停食蟹。眼見都已經有凍蟹腳、天婦羅蟹腳，蒸蛋又有有蟹，釜飯內又有蟹肉、蟹膏及蟹子，總之就蟹、全部都係蟹。最後她都食不完整個飯，分了點給我試試，加了蟹膏的飯很香，都幾好味。

原本不經不覺我已經寫了超過100篇食評，到邁向100篇佳績一定要分享我之愛日本野😘。門面已深深吸引我，尤如身在大阪奈良。紅角的廟宇門匾真是signature!入面餐牌招牌以釜飯為主，每個餐配上漬物、前菜、煮物、茶碗蒸、刺身、味增湯及生果。蟹盛應該係餐廳王牌，餐配松葉蟹腳天婦羅、蟹腳冷物、漬物、蟹茶碗蒸、味增湯及生果。如果想經濟可以叫天婦羅蕎麥面百幾元有交易。我一定叫蟹盛（$298）是我之愛。松葉蟹天婦羅非常鮮甜及脆囗，外脆內軟多汁正。到泠物蟹腳食法有少少似潮州凍蟹感覺。點上酸酸地汁再加姜絲蓉更顕美味。到個蟹飯出現！嘩、嘩、嘩好期待！揭開過木蓋是一個蟹蓋飯。再揭開是大量蟹肉、蟹子、蟹膏再攪拌一起進食。由於器皿比較保溫，食到底到是熱烘烘及真的在底部有少許飯焦，這是我之愛,可為指甲留香。極上斧（$268）頭盤有三品刺身，非常鮮甜開胃。麻醬豆腐滑。熱食豆粕都入味。個黑松露蝦茶碗蒸又滑又嫰好美味。極上斧有蟹肉、鰻魚、嫰雞、菇及另上飛魚子。攪拌食更豐富我味蕾。我朋友十分滿意決定下次生日飲會帶他男友再光顧。

肥仔有福了，話說佢好喜歡食日本野，今日書展去唔成，去左銅鑼灣食近期好hit既奈良上釜。好日本格調既餐廳，可以坐到15-20台人左右。個杯又幾靚wor。蟹盛釜飯$298配松葉蟹腳天婦羅，松葉蟹脚冷物（熟），味噌湯，漬物，生果前菜已經好豐盛！！！刺身有蝦、油甘魚同拖羅，超肥美厚切，新鮮。要推係松葉蟹腳！殼係已經幫客人係背後開左口，篤出黎食就得架啦！仲有鮮甜既蟹汁！好少見既松葉蟹腳天婦羅。薄薄的炸粉，加上鮮嫩既蟹腳，同就咁食既松葉蟹腳有少少唔同，就係少左d汁但係多左份炸既感覺。蟹盛釜飯成個蟹殼，對眼仲要望住我，唔好話唔驚呀！一打開，入面有蟹籽、好大夠既蟹膏同勁多蟹肉！要拌勻一齊食，啖啖都係蟹肉！仲會有飯焦tim!味噌湯好清蒸蛋都有蟹腳，用上蒸既方式去煮，保留住蟹既鮮甜，仲有蛋既滑溜。奈良七盛釜飯$ 288（蟹肉，海蝦，鮑魚，三文魚子，冬菇，日本菇，三葉）前菜漬物，蘿蔔片同酸梅片，好開胃,日式麻醬豆腐，正常蒸蛋同蟹果個唔同，依個有蝦海膽冬菇蟹肉，會比蟹果個咸小小。蒸焗既飯後，飯粒會吸收左上面d材料既味道，雖然醬汁唔多，但都食到有鮮甜香味，仲會有飯焦tim! 蟹肉非常鮮甜，原隻海蝦大大隻，新鮮三

响 Times Square 買完嘢，來到登龍街揾食，當然係食日本菜吧~行過見到個鍋不斷噴煙，覺得好得意，所以就响呢家店晉餐。呢家店的環境比較細小，座位排得較密，所以大家都要坐得較親密了~原來呢度係食釜飯，款式可真不少~蟹盛老公選了這個蟹盛，淨係前菜都好豐盛，有蟹腳和天婦羅。蟹腳非常鮮味，而天婦羅炸得很香脆~主菜終於要來啦~ 一個大蟹蓋蓋住個飯，非常吸睛。打開蟹蓋，有蟹膏、蟹肉和蟹子鋪滿响個飯面，濃郁的蟹香留在口腔，帶出不同的口感層次，十分好味~三種盛釜飯而我呢個餐都唔弱架~ 前菜都有 5 碟咁多，我覺得最正係碟刺身同埋燉蛋，刺身是厚切而且味道鮮甜啖啖肉，而燉蛋鋪上魚子，跟蛋一齊食更顯香滑。而我呢個飯的配料頗多的，有海蝦、鰻魚、牡蠣、冬菇、白本菇、三葉，口感寧舍腍身可口。而飯本身都唔可以忽略，有唔少飯焦，又脆又香。

老婆大人超級鍾意食蟹，去日本食過釜飯佢都讃過釜飯夠健康亦好鮮味，早前係電視見到銅鑼灣介紹呢間奈良上釜已經好想帶老婆去食。上星期同事去食完同我地分享奈良上釜推出的蟹盛，非常吸引，所以我決定星期日晚偷偷帶老婆來食，俾個驚喜佢。😘我地今日係銅鑼灣行完街後，我就同老婆講要去登龍街食拉麵，其實係已經安排左去奈良上釜食釜飯。我地18:30到，當然已經左好多枱客人，之後到場的客人已經需要在門外排隊了。老婆入到餐廳見係食好多蟹的釜飯超級開心。😍我自己其實都好鍾意食蟹，我地點左一客蟹盛同一客奈良七盛釜SHARE。蟹盛釜飯係有超多蟹膏蟹肉同蟹籽，另配松葉蟹腳天婦羅、三隻松葉蟹腳、松葉蟹茶壺蒸、味噌湯、漬物同生果，每客$298。奈良七盛釜飯材料有蟹肉、海蝦、鮑魚、三文魚子、冬菇、白本菇同三葉，另配刺身、凍豆腐、茶壺蒸、味噌湯、漬物同生果，每客$288。奈良七盛釜飯配的刺身有蝦、油甘魚同拖羅，全部都好鮮甜。蝦肉夠彈牙，油甘魚同拖羅都係厚切，油分好夠入口啖啖魚油香。😋松葉蟹腳賣相已經滿分，殼亦已幫我地係背面開左，幫我地呢D呃LIKE一族考慮得相當周到。👍配松葉蟹腳的汁唔太酸，唔會搶左松葉蟹的鮮甜，背面開左一片殼

相信好多人都同我一樣好鍾意食蟹，我食蟹嘅程度係每個禮拜都會食一次，而我今次就揀咗奈良上釜，一嚟到見到都有唔少人排隊，好彩我一早已經book定位，坐低嗌咗個蟹盛，而朋友就order咗奈良七種盛釜。呢兩個餐都係有頭盤同主菜，兩款頭盤都做得相當精緻，兩個餐嘅水蛋都各有特色，入口水蛋好滑唔會蒸得太老。主菜方面打開木蓋，陣陣香氣飄出，出晒煙，夠晒熱辣辣，賣相又靚，影咗好多張相先捨得食，奈良七種盛釜係有鮑魚、蝦同埋蟹肉。蟹盛就係有蟹肉同埋蟹膏，蟹膏超香，將蟹肉同蟹膏撈埋飯一齊食，嘩真係冇得頂，勁好味。蟹盛係必食，推推推！

銅鑼灣的登龍街，雲集一眾優質的餐廳，經openrice 搜尋下發現有間餐廳頗多好評，決定去試一試。餐廳裝修頗有日式格調，走到盡頭的廚房可一覽廚師制作釜飯的過程。午飯時段有午餐供應，價錢比晚市更實惠。奈良七種盛蟹肉鮮甜，海蝦超大隻，鮑魚肉質彈牙有嚼勁，三文魚籽粒粒晶瑩剔透，送飯一流。麵豉湯湯清甜略帶甘香，很足料。海膽釜飯同事分了一點海膽讓我試試，海膽經烹調後仍鎖住其鮮味，可見餐廳的用心製作。記住保留收據，下次消費滿300可減30元。

呢排忽然間產生一種好鍾意食飯嘅感覺，好想餐餐都食飯嘅感覺，但係平時我就一啲都唔鍾意食飯，好鍾意食湯類嘅產品唔。知係咪因為去完日本之後好鍾意食佢啲飯，所以想餐餐食呢。香港主題以日本飯為主嘅地方唔多，所以今次就嚟咗呢一間專系食日本釜飯嘅地方試一試。套餐中除左飯之外仲有蒸蛋，魚生，漬物等等。唔同嘅飯配唔同的前菜。蟹盛係剛推出不久的產品， 前菜會有長腳蟹冷盤，天婦羅，面豉湯，蒸蛋。蟹腳肉好窩心的開了殼，只要篤一篤肉就出。終於到主角飯出現啦，佢啲蟹肉全部已經挑唒出嚟，份量非常之多，再加埋濃濃味道嘅蟹膏，同埋有口感嘅蟹籽粒粒，溝埋感覺好鮮，再加埋日本米嘅彈牙，配合簡直係一絕。另外就叫左一個三色釜飯，有鰻魚，生蠔，大蝦。呢一個好蝦好大隻，鰻魚有兩件，唔係經過燒，應該係蒸，口感完全唔同。生蠔就好鮮甜肥美。吃到尾嘅時候，仲會有飯焦。雖然唔同中式煲仔飯嘅飯蕉，但係硬硬脆脆甘，幾特別。

早前與朋友到銅鑼灣登龍街，吃飯發現這條街已不知不覺成為了食街，這天碰巧又來到這裏，決定隨意找一間 較多食客的餐廳試試。 這次我們就來到奈良上釜吃飯，這間餐廳主打日式丼飯，種類挺多，當中最吸引的可說是蟹盛丼飯，除此之外，這裏還有蕎麥麵餐吃。 我和好友二話不說就點了蟹盛釜飯來試，丼飯是以套餐形式點的，配有松葉蟹腳天婦羅、松葉蟹腳冷物(熟)、 味噌湯、漬物及水果。 先來葉蟹天婦羅， 送上來時是剛炸起的，熱辣辣，非常香脆，而且炸漿 非常薄身，一點都不厚重，蟹腳入口啖啖肉，不油膩，非常好吃。 再來松葉蟹腳冷物(熟)， 廚師貼心地將蟹腳剪開，吃時只需用上專用的小 鐵叉，把蟹肉挑出，再蘸點柚子醋，就可以享用， 柚子醋具有提鮮作用，蘸上後令蟹肉的鮮甜度大大提升，加上味道酸酸的，吃後非常醒胃。主角蟹盛釜飯出場了，釜飯是以小蓋子蓋著，店員告訴我們，吃時把內裏的材料攪勻，再掏出飯來吃， 之後再把蓋子蓋上，讓丼飯結出飯焦來。打開蓋子，先看到大大隻的蟹蓋，而下面則放有蟹膏及大量蟹肉，蟹膏及蟹肉相信經過調味，所以味道帶點鹹，配在白飯上，味道剛好，不過個人認為若白飯能加入上湯來煮，相信味道會更好。 已飯焦沒

我想試新的日本菜，見到此日本餐廳評分很高，而且我從未吃過釜飯，所以便去試試，怎料大失所望😔！我叫了一個奈良七盛釜飯$288，內有海蝦、蟹肉、鲍魚、三文魚子、冬菇等等，看似很豐富，但所有食物淡而無味，釜飯和平時吃的白飯並冇分別，而且以這個價錢吃此飯，一點也不值，如果他是$50 以下，我沒這麼生氣😡講真呀！近期流行的日本魚生丼，我也試過很多不同的丼飯，實在比這個釜飯好味得多！以免大家中招！決定要動筆講講自己食後感，也順便提醒大家！我自己真的唔會再吃下次！真的唔明為什麼有咁多人話好吃？🤔

今天中午和友人出外吃，去了這家另類日本餐廳。一般吃日本丼都是刺身多，這餐廳卻是熟食熱食。午市套餐牌少少兩頁，價位偏高呢。我和友人一人點了一個飯。等上菜的同時，研究起它的茶杯。杯上有金陵十二釵之圖。如此有中國古典韻味，竟然在和食店出現，真令人驚訝。上菜速度挺慢，等了半小時左右。終於端上一人一盤的釜飯餐。外觀都一樣。打開蓋才有不同。隨餐還有麵豉湯、三文魚子、開胃菜和一個空碗可盛飯吃。我點了鰻魚蟹肉雞肉飯。其實份量很少，餸菜的份量更少。鰻魚有鮮味而且入面，是比較滿意的配料。蟹肉本身就比較淡，再加上熱鍋，難吃出鮮味。雞肉就沒什麼特別啦。友人點了海鮮釜飯。鮑魚和蝦是很大隻。友人說味道都偏淡，不過口感是有的。至於其他配料和我鍋中的都一樣。它配菜還有另上的三文魚子，友人不吃全都給我。我就乾脆用這餸飯，比較有味道。飯的份量足夠，是配菜比較少。飯沒有什麼味道，感覺倒是清淡。再加上是熱食，比起刺身，的確是更健康了。我們都把飯吃得光光呢，只剩下硬硬的飯焦。

前幾日去左CWB呢年新開既日式餐廳到食飯呢間日本餐廳唔係食omakase 又唔係食拉麵而係香港好少有既 「釜飯」有D人覺得呢個釜飯好似香港既煲仔飯大大不同!!! 例如煲仔飯係先煲飯後放食材，而家釜飯就係將白米同食材一齊加熱煮成，所以釜飯喺加熱嘅過程中上面嘅食材嘅汁同精華都會悄悄地滲入飯裏面😍若果飯上加了海鮮，那種鮮甜都可以帶入飯裡！蟹盛釜飯 (  (HKD298)正如剛才所講，上面既松蟹肉經過左一同加熱後，蟹肉既鮮甜味都浸入係飯裡面！除左釜飯 之前仲有D前菜、天婦羅同長腳蟹!所以都幾抵啊