將軍拉麵 (已結業)

最近玩緊隻game關於開拉麵館, 攪到我日日想食拉麵. 咁啱行開旺角, 俾我搵到呢個將軍.我到達時, 麵店仲係準備中, 不過師傅都好好咁招呼我入座, 叫我响入面等. 餐牌有六個將軍選擇, 鹽(原味, 淡豬骨鹽湯), 醬(醬油豬骨湯), 噌(味噌豬骨湯), 蒜(蒜油豬骨湯), 金(咖哩豬骨湯), 雞(炒麵). 每款湯麵配料大同小異, 以日式拉麵館來講, 選擇都算多.我點了金將軍, 好久沒吃過咖哩湯麵, 唯一忍憂係湯底有機會好稠, 太黏, 容易覺膩. 不過點都要試過先可下判斷. 等候時, 師傅開始炒洋蔥, 蔥香撲鼻, 胃口大開.大概十五分鐘, 主角來了, 金黃色的湯底, 散發出洋蔥, 咖哩香味, 山盛京蔥絲, 紅紅的唐辛子絲, 賣相一流. 湯入口香而不辣, 掛於麵上而不稠, 仍然吃到豬骨湯的甜. 炒雞肉可能因時間關係, 偶爾有些雪氣, 調味適中, 有少少似串燒嘅味道. 麵係細麵, 硬度略高, 可以軟半點. 桌上有提供七味粉, 生蒜泥, 辛子高菜, 不過, 湯麵味道已足, 我並無添加. 一碗拉麵$84, 的確唔錯, 份量充足. 我將麵, 湯一概消滅.不過, 當天實在太熱, 因為食住湯麵, 涼

個日放低女友同老友去食野，我事先張揚話想食拉麵，老友就帶我由油麻地沿路行去旺角。其實當日有3個option，呢間、前啲果間，同埋有間排好長龍。(唔好意思完全唔記得名)，兩個男人食邊間都冇所謂，跟住咪入左"將軍"囉!地方細細，不過坐得唔太逼。menu選擇唔多，拉麵有6~7款左右，最有趣係款款都係「咩咩將軍」!!老友叫左噌將軍，我就叫左蒜將軍。麵一到，好勁嘅蒜味，湯底布滿蒜香，又不會太搶。而老友既噌將軍，對比我就清好多(竟然)。

幾日前⋯在openrice 排行榜看到有間拉麵店在頭三名位置,亦有非常高的評論,好奇心下, 就走去試試吧！大概7：30pm去到見到都需要排隊,但是需等10分鐘就已經入座⋯ 我看到餐牌只有五款拉麵，都各有特色,最後我選擇了金將軍😀其實這間小店的裝修同形態都同日本横店拉麵非常之相似,依我認知,日本人所開的拉麵店,在餐牌款式上也沒有太多選擇,因為他們想專注用心做好拉麵,不同在香港餐廳的模式,所以在這條街也十分突出 ！ 當這碗拉麵上菜時,味道是日本咖喱,很惹味而且很明顯面外層鋪滿的洋蔥是輕輕炒過,所以令味道更加濃郁,十分用心的地方是... 當細心地看看這碗拉麵的配菜時,是十分明顯把每樣食材特別去烹調過, 所以令食物層次更豐富本人亦有瀏到之前有些食家寫的食評,也看到說上菜時間太長,但以平心而論...其實他們可以很快出一個拉麵,亦可以將所有配料預先烹調...但是他們堅持即點即做,為求把最新鮮的拉麵給客人享用,這樣...為何我們不可以用少少的耐性去等待？這間將軍拉麵明顯是本地創作的小型食堂,當然

喜歡食拉麵既我, 見到Openrice 有新拉麵店又0甘多好評,於是就去試下啦~ 點知發現自己中伏......究竟係我味蕾有問題, 定還是我被店員玩弄??叫左個醬油將軍拉麵, 賣相不錯吧?飲第一啖湯, 有一點點怪味~再吃麵和配料~麵: 賣相很正常吧!但麵的質感是非常古怪, 糊作一團, 吃落口是半生熟的麵粉狀態。真的超古怪~ 不知道是否還未到晚市時間, 店員沒有待水滾就將煮麵。我只吃了2,3啖已經吃不下去了。筍: 明顯地"啤"水時間不足, 殘留著一大陣的怪味~ 所以影響到湯底都有怪味。雞蛋及木耳: 普通, 不過不失叉燒: 用火燒過的腩肉，不錯!今次的日本拉麵體驗, 似乎係我有生以來最可怕的一次。我只吃了幾啖, 然後離開...白白浪費了78蚊, 然後到附近吃碗魚蛋麵。我不知道為何這間店有那麼多好評啊~是我不幸運嗎?我已經沒有再嘗試這間店的勇氣~

呢間餐廳好落後，見個職員係咁拎住本簿望同埋寫野，電腦都冇部。廚房係咁出小食，唔出拉面，等左超奈，又未坐滿人，坐滿人咁點算?呢度拉面咩都冇得揀，全部由廚師控制，我叫左醬拉面，湯底還可，可以再濃一些，朋友的味噌湯底，就太鹹了，我吃了兩淡都覺咸。肉的肥瘦感好食，燒得亦好香，係成碗拉面的靈魂

三顧砵蘭街將軍早兩個月朋友D話最近砵蘭街有好嘢，佢話啲雞都幾正㗎，叫我一齊去試下，我心諗係真唔係呀？不過大家唔好心邪，佢係講緊響砵蘭街開咗幾個月嘅將軍拉麵。老闆不是日本人，好鍾意食拉麵，自己去日本試過數不盡之拉麵後，鑽研出不同湯底、配料及食材配合，繼而做出六款不同拉麵，分別有鹽將軍，醬將軍，噌將軍，蒜將軍，金將軍，雞將軍，我稱之為六壯士，我居然在兩星期內三顧將軍。2014-04-29(Tue)第一次是由朋友D帶我到將軍拉麵，因為到處都是叉燒拉麵，既然來到砵蘭街，當然要叫雞，因為不是自己填拉麵選擇，是直接向服務員點菜的，點了金將軍($84)金將軍是一碗雞拉麵配咖哩湯底，食拉麵通常都會先喝湯，湯底用上日式咖哩，再配上濃濃的豬骨湯，所以做出一個香濃惹味嘅咖哩湯底，不會太稠又不會太稀，相信是因為加咗煮淋嘅洋蔥，想食拉麵一刻，*服務員提醒要將雞蛋撈勻才食先好味，我左望右望都唔見有溏心蛋，在那呀？原來響啲蔥花、蔥絲下有一隻生雞蛋，於是撈勻後再飲多一啖湯，味道更覺豐富，再食一口麵，以本地製作算不錯，比曾很出名之豚王麵身粗少少，掛湯力也不錯，如果麵身可以再硬一點就更好，算合格，雞肉幾滑，不會太鞋。麻醬

在街上經過將軍拉麵店時，望見新開的店舖裝飾具有心思， 在店內，大部份裝修都是日式設計。 坐下後，雖然店舖空間不算大， 但有種令人舒服感覺。 當晚吃飯， 我同老公點了芥末馬鈴薯沙律， 麻醬凍蕃茄，芥末凍炸雞，醬油將軍拉麵和咖哩將軍拉麵。芥末馬拉薯沙律芥末味道調到剛剛適中， 不會太辣不會太嗆鼻， 伴軟軟林林的馬鈴薯和爽脆青瓜， 味道清新。 此外，沙律面上加了紫菜作點綴， 味道和視覺都十分滿足， 不會太單調。麻醬凍蕃茄夏日炎炎，前菜必定要試這個麻醬凍蕃茄。 酸酸甜甜的麻醬淋在冰涼又新鮮的蕃茄上，令人十分開胃，絕對是一道開胃菜。咖哩將軍拉麵湯底是日式咖哩煮汁， 咖哩味道濃厚，辣度適中，聞落去已經有陣陣香濃濃郁的咖哩味，十分惹味。  這個拉麵配料，有煎香左的雞肉， 雞肉肉質滑溜，柔韌度十足， 配搭了日本的乾蔥， 洋蔥等等配料，令味道更惹味。醬油將軍拉麵醬油湯底帶有咸咸甜甜的日式湯底，有點像麵豉湯，配了日式义燒，昆布，紫菜……加煙煙韌韌的拉麵一起， 令人回味無窮。芥末炸雞炸雞炸到金金黃黃， 外皮香脆， 雞肉又嫩滑， 如果喜歡芥末味道，可以沾少許芥末醬，令味道更具特別， 非常滋味。

因為今次真係一個差經驗 令我返到屋企即開acc寫我第一篇食評難得今日男朋友收早, 可以同佢去食飯隨便在openrice搵 見到呢間食拉麵 冇負評 亦都睇過其他人share話唔錯但冇諗過第一個負評會由我俾......我地大慨7點30去到 唔洗等就有兩個bar位坐因為我地都好肚餓睇咗陣menu就叫野食拉麵有幾種味道 有鹽, 味噌, 醬, 蒜味, 金拉麵等等 但佢唔同拉麵配料都會有啲唔同但基於呢個原因，有個客叫咗一款拉麵走蛋, 但個侍應就好混亂 不停問廚房邊個係走蛋...點解佢要將唔同味拉麵配唔同料..好似醬油味拉麵有蛋 但係鹽, 味噌係冇蛋配 所以最後我地分別叫咗醬味同蒜味將軍再加芥末炸雞全場滿座大約廿個人 我地等咗25分鐘以上一樣野都未黎 其間已經見到有兩枱人摧單好奇下了解佢地嘅運作 店面只有一位男侍應負責 先由男待應落單 佢唔會用任何紙張只係用口講俾一個女服務員知 女服務員就用本簿記低 再口講俾拉麵師傅 成晚就不停聽到拉麵師傅重覆咁問有幾多個醬油拉麵幾多個味噌拉麵等等等等 然後就到女服務員重覆咁答 到拉麵整好 就到男待應重覆問女服務員係邊張枱 女服務員全晚淨企係到對住本簿omg.. 我

  外國朋友來港旅行，千里昭昭來到沙田區找我，我諗住帶他食上海菜，但結果亂衝亂撞來到這間日本餐廳。待應生服務不錯，見到我們在門口等位，就立即帶我們入座，座位亦好舒適，先來蟹籽沙律，蟹籽好足料，味道不錯。再來一個刺身拼盤，有三文魚，帶子、牡丹蝦，吞拿魚，貌相很好，味道好新鮮。最後再吃一碗牛肉鳥冬，牛肉唔會太“UN”, 唯獨是鳥冬唔夠爽口，但整體算是不錯，每人約一百六十元，價錢合理。

老友又約食飯，不過今次食日本拉麵，這間不是甚麽日本過江龍，而是土產師傅本土製作，據聞質素不錯，大家便來支持下。店子小小，在旺角砵蘭街，座位不多，但地方頗骨子，也算寬趟。除主打拉麵外，還有些小食，麻醬凍豆腐，加了香味甚濃的芝麻醬，本是淡淡的凍豆腐也變得很好吃，清爽怡神。麻醬凍番茄，雪得冰凍的番茄，是夏天的消暑食品，肥大肉厚多汁，加了芝麻醬，將平凡的番茄味道變得豐盛，健康清爽，愛吃。也點了些熱小食，和風煎餃子，餃皮煙韌，包著菜和肉，味道不過不失。芥末炸雞，炸至金黃色，香脆外皮，不會太乾，點加了芥末的蛋黃醬，份外惹味。最令人疑惑的是叉燒生菜包，還以為有個包，包著叉燒和生菜吃，原來是生菜葉包塊日式叉燒吃，但味道真的不錯，叉燒用火鎗燒過，表面焦香，脂肪溶化，醬汁獨特，很正！拉麵有多款，分別是：鹽將軍，醬將軍，噌將軍，蒜將軍，金將軍，雞將軍。我試了蒜將軍，是豬骨湯底，加了大量切碎的蒜粒在內，香氣四溢，愛吃蒜的我，大滿足。這碗麵有半隻溏心蛋，木耳，筍和日式叉燒，半融狀態的溏心蛋做得有水準，蛋白嫩滑，湯底亦夠味，夠自然，麵條是扁方幼身，據說是店主多番測試後才揀選，掛湯度高，麵質也爽滑。此外，雞將軍是炒

自小就是個九龍, 新界人, 油尖旺地帶是經常會到的地方。不過以近年來說, 因種種原因, 油尖旺之中就只有旺角去得較少。可能是過了這個追夢與百無聊賴的年紀, 不到信和, 亦不諳MK Pop; 又可能是根本沒有什麽理由要到旺走走般。其實要到一個地方又何需多少理由呢?! 今天不是為朋友請食飯而來, 只很久沒來, 想來便來了!!朋友相約午餐來這拉麵店, 可能因它是近期區內新貴。又可能是厭倦了拉麵店百家爭鳴, 日本背景名店紛紛在港開上分店, 港人自開而對味道有要求的卻反而成為了一道清泉, 富有獨特“港味”。拉麵店位於旺角砵蘭街內, 開始近油麻地, 就在深仔記的旁邊。小店只簡單三數張小方檯, 加上一條小曲尺吧檯, 二十人也許算去到擠迫的地步了! 不過估計餐廳也只是希望小批量的做吧, 因他們每個拉麵與湯汁都是即叫即混煮的, 甚至連飲品都是慢慢的來, 甚有小店風味。麵店當然是主打拉麵吧! 而餐廳基本上都是以豬骨為湯底, 再調配不同的味道。湯類拉麵有鹽湯, 蒜, 味噌, 咖喱及醬油配合豬骨湯; 另外還有個炒拉麵和其他小食。教父朋友請食飯一向豪氣, 未食拉麵, 先來幾個前菜。芝麻醬凍豆腐, 麻醬味不霸度,

偶然經過龍蛇混集的煙火之地-砵蘭街，發現到一間頗和風既拉麵店叫將軍拉麵 ,就入去試下,反正想食拉麵!!但呢間野如果唔係去砵蘭街特登去揾，係唔會知個度有間拉麵店。上網揾一揾該店既資料發現唔係好多人去食過...剩係有一些報紙專欄介紹呢間由港人主理既拉麵店,咁唯有順住介紹試下佢既野食...人手拉開木門,鋪仔細細,座位15張都冇,因為近黃昏時段,食既人唔多,計埋我同1個同行,都係7個客人。我地選擇開放式廚房吧檯前坐低,吧檯上面擺左擺放了檸檬、菇、薯仔、洋蔥既食材，都可以當一個裝飾,叧外放左隻米芝蓮車胎人同擺放住播放座播電話入面既日本音樂。左邊都放左將軍擺設同歴史書,叫做回應下個店名啦~睇番Menu,所有拉麵既名字,都用將軍做名,提供鹽、醬油、味噌、蒜香、咖喱等口味,價錢最平七十幾,最貴都係九十蚊唔駛。小食有沙律,豆腐,煎餃子,炸雞之類，選擇唔會好多。最後我揀鹽將軍,同行揀左蒜將軍,另外叫左個芥末炸雞。等左一段時間,終於有得食啦~ 鹽將軍($76):材料有叉燒,木耳,紫菜,蔥,芝麻,仲有檸檬!!係日本一D鹽味拉麵請你食檸檬係唔出奇既~食拉麵要試下湯底先...用海鹽、配合豬骨湯，再透過檸檬既酸,

從朗豪坊向砵蘭街走，沿途看見不少黃色事業場所，走了兩、三條街就抵達將軍拉麵。拉麵店只有十多個座位，裝潢簡單，座位偏窄。拉麵有六款，包括鹽將軍、醬將軍、噌將軍、蒜將軍、金將軍和雞將軍。蒜將軍拉麵有大量香蒜、半隻溏心蛋、木耳、香蔥和豚肉义燒。蒜香味道濃郁，溏心蛋做到流心效果。薄身即燒的豚肉义燒肥瘦均稱，口感軟熟，醬汁香濃而不鹹，油香撲鼻。麵條較幼身，麵質像中華拉麵。噌將軍拉麵則沒附有溏心蛋，味噌湯底香濃而不鹹，配料多，义燒入口即溶。唯一缺點是麵條不能選擇軟硬度，這麵條較軟身。

7.5.2014要是說起砵蘭街, 大家不外乎只想起夜總會, 朗豪坊. 但原來, 有間拉麵店, 在去年靜悄悄地進駐了這裡, 這夜就和一班bloggers, 一齊走到砵蘭街, 看看這裡的拉麵如何. 小小的拉麵店, 座位只有十多個. 可能因為太細小了, 開放式廚房的油煙味也不自覺地吹向了食客, 令人有點不自在.餐牌上, 除了有食物的價錢, 也有一段文字介紹餐廳的源起. 原來, 這餐廳是由一些喜愛吃拉麵的人創立. 他們週遊列國, 吃了很多不同款式的拉麵, 最後, 就決定開一間拉麵店, 向大眾分享他們認為最好味的拉麵. 因此, 無論食材, 調味, 都是經他們精心挑選過的. 等待拉麵期間, 先來一杯荔枝味乳酸飲品. 雖然它的荔枝味不太濃, 但其甜甜酸酸的味道, 也令人十分開胃.這碗名為'金將軍'的拉麵, 的確是呈現金黃色的, 因為它的湯底結集了日式咖哩和豬骨湯嘛. 湯底厚而濃稠, 是有少少輕微的辣, 不吃辣的人也接受到. 可是, 它卻欠缺日式咖哩般的甜味, 倒是以香味搭救而已. 至於拉麵, 麵條並不是我們一般在坊間吃到的那種. 這種白色的麵條比較幼身, 質地也偏向軟淋. 它的吸汁能力強, 因此能夠

近年香港的拉麵店愈出愈多。有日本拉麵名店，有飲食連鎖店，亦有地道小店。偶爾發現了這家隱藏在旺角的「將軍拉麵」。由於舖面不大的關係，如果不是刻意去找，很容易就會擦身而過。跟很多拉麵店一樣，ＭＥＮＵ上只得幾種拉麵。我們一行二人，分別點了「鹽將軍」跟「蒜將軍」。「鹽將軍」的麵身比一般拉麵硬身。（假如是跟能夠選擇麵身的麵店比較，它是介乎＂適中＂與＂硬＂之間）湯底很特別，有數片檸檬，味道相對的淡，卻有種清清的感覺，不會覺得太油。叉燒口感不俗，味道適中，跟湯底很夾。它跟一般標榜正宗的日本拉麵不同，然而各樣材料配合在一齊，一點也不遜色。要注意的是店內位置、空間都不多。總括而言，這裡的拉麵很特別，值得再去試。