廣麪子

營業中

休息中

今次專誠慕名而來因為聽朋友介紹有間開業50年麵店重點係朋友推薦話好好食尤其係切腩必食! 切腩雙拼麵第一次嚟每款餸都覺得好吸引咁 為咗試依度切腩而嚟當然就要嗌佢啦仲加埋牛丸之後聽到每枱都會叫切腩超香啖啖肉牛丸好爽口有彈性兩種牛都有好香濃牛味 加埋店舖祖傳自家製辣椒油辣椒油用十多款材料炮製超級香又惹味加落麵度之後令麵成個層次都提升咗 酥炸魚皮 店既魚皮、魚片日日新鮮炸今次一個人食唔到太多所以只叫住魚皮先不愧為新鮮炸魚皮超酥脆就好似薯片咁就算浸完湯都依然脆口好好味 蠔油菜 有菜心同生菜揀菜好鮮甜蠔油都比得好「蠔」氣! 仲加咗特飲(+$18就有)忌廉朱古力 朱古力味好濃忌廉好香甜軟滑但兩者溝埋又唔會太甜好膩超級推薦!!! 職員都好好人 

廣麪子筲箕灣「安利」開設的副線,在灣仔返工的我當然要一試,而灣仔店的餐牌和老店差不多切腩魚片撈粗 $64 一上檯見到個粗面撈到色水好靚,有光澤之餘又條條都上色,而切腩的肥瘦好均勻,肉質好軟,又不會鞋口,牛味香濃。另外,魚片香口,味道很好同行朋加點了一個三拼 $54魚蛋,墨丸和雲吞三拼,丸類彈牙而且味道濃郁,雲吞的蝦也是很大隻清湯沙腩 $190沙腩是有筋膜及脂肪包住的,肉汁香甜,配上湯底味道好清甜,入口一點油膩感也沒有。而且沙腩份量很多,每件也大大件,牛味好濃,味道品質絕對配得起個價錢。廣麪子📍灣仔大王東街2-4號安興大廈地舖

🍜牛腩粉可以話係港人摯愛、麻甩同地道既代表💁🏻‍♀️今日到老公帶我去灣仔一間牛腩麵好食沙崩腩🙆🏻‍♀️◻️淨清湯沙崩腩有兩層筋膜及脂肪包住，肉汁最甜，軟腍味香，肥瘦剛好◻️南乳豬手撈麵麵食已有傳統50年味道，滿滿膠質加上爽嫩肉質，不油膩又軟身的豬手◻️酥炸魚皮每日新鮮炸魚皮好酥脆，特別有口感，味道帶魚香鹹香，就咁食已經好好食，浸湯食就冇咁熱氣◻️淨魚蛋魚片魚味香濃而且超級彈牙，沾上祖傳自家製辣椒油，好惹味◻️鮮油奶多士多士中間夾住一片厚厚的牛油和煉奶，能夠吃出濃厚的牛油香味廣麪子📍灣仔大王東街2-4號安興大廈地舖

喺外賣平台 買咗筋腩雲吞撈粗外賣自取，撈粗要加＄14，完全唔值啲個價錢。我比咗＄14轉撈粗，原來係比＄14多咗啲豉油咁解！！！勁咸。啲粗麵，好大陣鹼水味。份量：啲麵極少！雲吞得三粒、牛筋嘅份量尚可。當我將啲都浸完落啲湯到簡直過晒火，啲湯深色到，真係好咸！！！食完要狂灌水。至於雲吞，超細隻，車仔麵檔嘅雲吞都比佢好食同大粒牛筋係夠晒淋嘅，但又係超咸！！！總結：真係未食過一間咁伏咁差嘅粉麵！！！

真心必食四寶切腩撈粗!!又到午飯時間，經過灣仔呢間前排新開嘅廣麪子，幾次行過門口都有人龍，就知道呢一間一定要搵一日嚟試一試!! 今日見有時間就諗住排吓隊啦，不過原來條隊都去得好快，排一陣都有位了！大熱天時，要嗌返杯鮮忌廉紅豆冰先得！紅豆夠足料啊，又夠大粒，收哂貨啦！跟住同朋友一個嗌咗切腩四寶撈粗，一個就四寶切腩湯麵！切腩真係好食，夠牛味，煮得夠腍！揀四寶切腩就啱晒，咁好味嘅牛唔可以錯過，仲可以試埋佢哋嘅雲吞，魚片頭，魚蛋，牛丸，正呀！撈粗麪嘅湯加左紫菜，值得一試呀！大家落單嘅時候，一齊見到隔籬枱嘅鮮牛油練奶多士，已經知道我哋都要嗌返份試吓架啦，烘得咁鬼靚，果然係好值得推介嘅！呢度真係好值得推介！

約咗朋友去灣仔食飯，search到呢間「廣麪子」，食完真係好有經典西灣河麵家味道，好想讚下呢間餐廳嘅食物質素😋最有驚喜嘅係切腩撈粗麵🍜 本身覺得粗麵會好超粗身，但見實物同圖示一樣，對我嚟講算幼身，加埋湯一齊撈，入口易咬而且有好清新嘅鹼水味🤤 而牛腩內質係非常鮮嫩入味又易咬，掂呀！我哋仲叫咗碗南乳豬手米粉，豬手醃過夠哂入味呀，伴埋清爽嘅米粉食正呀！另外，原條切魚片又係值得一讚👍🏻 聽職員講日日新鮮炸起，唔怪得食落去咁彈牙，而家非常之足料呢，切開嚟大大塊🍢我哋仲叫咗碟生菜、熱檸蜜同青檸特飲，咁熱嘅天氣飲杯青檸特飲消下暑🍹仲有紫菜湯係超好飲，面頭有一大疊紫菜，配埋湯底飲落好鮮甜，食完餐飯後完全唔覺得口乾，無味精先係重點，值得再嚟幫襯🍵

🍽️餐飲： 💮酥炸魚皮看起來小小一包， 慢慢覺得怎麼吃也吃不完🤣每片魚皮都很大，超級香脆，本身沒甚麼味道，沾附送的清湯，多了一點味，個人喜歡再加上清湯上的蔥花，再多一種香味💮切腩四寶撈粗一定要轉做崩沙腩！崩沙腩肉質柔軟，筋膜位彈牙，口感真的一級棒！還有魚片魚蛋牛丸雲吞，再加上自家製辣椒油，好滿足喔～粗麵有蠔油香味，帶有一點點的鹼水味，吃著吃著味道開始有點濃，可以沾一下附送的清湯🎄環境： 位置跟一般麵店一樣，都是比較窄，但裝潢很新，不決定是新開還是最近翻新過🎎服務：上菜快，而且得著重整潔，經常清潔出菜位，醬料、枱面都得乾淨㊗️結論：平日午餐時段真的超多人，不止堂食，外賣也不少，建議週末來用餐

今日同老婆👯‍♀️一齊放假，所以出咗港島區行街拍拖，第一站首先就係食個lunch先，我哋揀咗一間位於灣仔嘅麵店，因為聽講佢哋嘅崩沙腩好好食。我用咗唔同嘅角度去分析一下今次嘅餐飲體驗。酥炸魚皮 $26睇到Menu張相已經覺得好吸引，另外佢嘅炸魚皮都係每日新鮮現炸，所以叫咗個share食，份量相當十足，食極都仲有，另外炸魚皮真係炸得10分酥脆，一啲油益味都冇，食第一塊開始就會不停食食唔停口，讚！切腩四寶撈粗（轉沙腩）$72份量相當十足，裏面有沙腩，魚蛋魚片，牛丸，雲吞，特別想講佢個沙腩10分好食，橫膈膜嘅位置好煙靭爽口，沒有牛的雜味，牛腩處理得好好，食過一次之後係會想再食嘅。另外佢嘅牛丸魚蛋都相當好食，食落唔似出邊街買到嘅味道，似係自己做嘅。西多士 $28炸得相當好食，如果配個撈麵嘅話就剛剛好一鹹一甜，可以平衡一下味蕾。推介！凍消脂青檸 $18青檸檸好新鮮，飲完真係透心涼，而家仲做緊特價添，相當抵飲。凍鮮忌廉朱古力 $30甜甜地又有香濃嘅可可味，唔錯。另外，佢嘅自家製辣椒油都好正，聽職員講係祖傳嘅，同埋選用十多款材料炮製，值得一試。上餐速度：10分迅速店員態度：積極純熟店內環境：新淨企理付款

聽講係喺筲箕灣嗰度開過嚟，雲吞麵都係要食老字號，雖然係基本嘢，但係唔係間間都好好食，今次呢間就係少數好食的🚀🚀🚀切腩四寳湯粉(清湯腩，魚蛋，牛丸，雲吞)：這碗湯粉的清湯濃度適中，帶著豬肉的鮮美味道。豬肉腩煮得酥軟多汁，帶來濃郁的肉香。魚蛋有著彈性十足的口感，增添了豐富的口感層次。牛丸彈牙有嚼勁，散發出牛肉的濃郁風味。雲吞皮薄而滑嫩，內餡鮮美可口。雙併撈麵(南乳豬手，炆腩)：肉質軟嫩美味。炆腩肉香四溢，口感酥軟多汁。撈麵的麵條富有彈性，與豬手和炆腩的醬汁完美融合，帶來口感豐富的享受。特別講一下佢嘅辣椒油，配埋撈麵真係一流❤️❤️❤️酥炸魚皮：酥炸魚皮外脆內嫩，金黃酥脆的外層散發著誘人的香氣。浸落湯度亦都可以吸收湯嘅精華。即炸雲吞：內部的餡料鮮嫩多汁，口感豐富。即炸雲吞經過炸製後散發出誘人的香氣，帶來一種外酥內嫩的口感享受。^_^蠔油菜心：蠔油菜心清脆爽口，口感十分令人愉悅。蠔油醬汁帶有鹹香的味道，與菜心完美融合。

今日我響灣仔收工，老公都喺附近做嘢，又唔係好諗到食乜，一於上Openrice 碌下~ 見到啲食評店話呢間店係筲箕灣安利大排檔副線，眾所周知安利不嬲都係長龍店，唔排隊都唔使旨意有得食，加上我都好少去筲箕灣，見到呢間係副線，近近地又就腳，一於去試吓據我所知安利好似係出名魚蛋，所以我哋二話不說都嗌咗魚蛋試吓，除咗呢個之外我哋都冇乜諗頭想食乜，見店員力推佢哋嘅牛腩叫我哋要試吓，所以我哋一於叫返啲牛腩試吓~ 沙腩同切腩各自都嗌咗啲試下店員真係冇介紹錯，我哋試嘅切腩同埋沙腩都好香牛油味，肥瘦分明，所以怕肥可以咬走啲肥膏，啲肉一樣好滑，味道同質感的確唔錯~ 至於魚蛋反而冇我諗得咁特別，不過不失，所以建議大家嚟一定要叫牛腩，令人回味無窮

平時Melo都唔係咁鍾意食呢類型嘅粉面，但係呢間開咗喺屋企附近都一段日子，所以有個星期日行過就去咗試吓。叫咗佢嘅四寶撈粗，入邊有魚蛋魚片牛腩雲吞，魚蛋雲吞好食，啲蝦好彈牙，調味剛剛好，魚蛋魚味都幾突出，唔錯！但略嫌佢啲牛腩比較韌，太有咬口，我都係鍾意嗰啲炆到好腍嘅牛腩佢個面就煮得啱啱好，豉油撈埋唔會好鹹，我鍾意點咗佢嘅湯再食，個湯嘅大地魚味幾濃郁，我當沾麵咁樣食，好正！同行有人覺得好食，但我始終覺得普普通通。啲人話佢係筲箕灣安利，但聽聞安利嗰邊就話呢間唔係佢哋嘅分支。始終佢個價錢比較貴，可能我都係會去筲箕灣先再食

店名: 廣麪子 地址: 灣仔大王東街2-4號安興大廈地舖灣仔站B2出口，行5分鐘環境: 4/5價錢: 4/5味道: 4.5/5廣麪子係安利魚蛋粉麵新開嘅副線，一樣主打魚蛋、牛腩、撈粗等，完全還原經典西灣河麵家味道👅佢哋魚皮、魚片日日新鮮炸，今次黎到當然要試下🥰淨沙爽腩❤️❤️❤️❤️❤️$190牛魔王必叫之選‼️ 沙爽腩份量好足，牛味濃郁，腩位軟腍，肥瘦得宜，清湯煮唔會過於肥膩，超滿足😍切腩四實撈粗❤️❤️❤️❤️$72四寶有切腩、雲吞、魚蛋、魚片、墨丸、牛丸，一次過食哂所有嘢，大滿足，魚蛋、魚片魚味十足又彈牙，雲吞鮮甜，粗麵口感彈牙🥰鮮奶油多❤️❤️❤️❤️❤️$16烘底厚多士夠脆口，厚厚嘅鮮牛油🧈同香甜煉奶，冰凍嘅牛油配上微熱嘅多士，入口即化🥰好邪惡但必食‼️酥炸魚皮❤️❤️❤️❤️❤️$26魚皮比出邊嘅厚，炸至鬆脆，浸湯食又係另一種味道😍紫菜湯❤️❤️❤️❤️$20入口清甜，紫菜份量好足😆消脂青檸❤️❤️❤️❤️$18味道清爽，消滯一流🤩

今日來到灣仔食午餐，見好耐都無食牛腩麵，就嚟到位於利東街附近的廣麵子 。餐廳整體都乾淨整潔，店内座位都舒服，唯午市人多嘅時間會比較擠逼，見到好多人嗌外賣 。淨清湯崩沙腩（$190）水準一流，湯底味道好清甜，入口沒有絲毫味精。牛腩厚度十足，大大件，肉質腍滑又唔黏牙，食落牛味好濃郁。酥炸魚皮（$26） 魚皮用上黃鱔皮新鮮製作，入口超級脆卜卜，比起坊間的炸魚皮厚身，就咁食已經好好食，用嚟浸湯食都好夾。鮮奶油多士（$16） 厚厚的原切牛油夾在剛剛烘好嘅厚切多士內，再沾上一層煉奶，用料簡單，卻香口又美味 ，久唔久食一次真令人回味無窮 。切腩四寶撈粗麵（$72）如果你咩都想試下，就叫佢最出名的切腩四寶撈粗麵吧～入面有齊牛腩、雲吞、魚蛋、魚片、黑椒牛丸，而個撈粗麵的豉油色足夠，鹹甜鹹甜帶點豬油香，超正！味道幾十年不變，切腩帶少少肥油，夠腍又入味，配上各式各樣的丸類、雲吞等等，一次過大滿足 。

廣麵子 （28/3/2024）今日我在灣仔做運動，約咗個在灣仔區工作嘅朋友到附近食午餐，朋友介紹去一間麵食已有傳統50年味道嘅餐店，佢話店內有魚皮、魚片日日新鮮炸，又有祖傳自家製辣椒油，更暫定3個月內可加一元就可加崩沙腩吃，這間餐店叫廣麵子，位於灣仔大王東街2-4號安興大廈地舖，港鐵灣仔站B2出口，行幾分鐘就到，非常方便。門面裝修簡約，而店內裝修同樣簡潔整齊，很明亮和乾淨，地方都寬敞，亦令人坐得很舒適。食物款式都不少，有粉麵類、精美小食、三文治、飲品特飲，我們先叫人氣之選嘅切腩四寶撈粗，是豉油王撈粗麵，豉油色足夠亦帶有豬油香味，粗麵非常爽口，手切牛腩大大件，還帶有油脂和筋，每件牛腩肉都超入味，肥瘦分明，亦好有牛肉味，仲夾埋魚蛋、魚片、墨丸、黑椒牛丸、牛丸、雲吞，成個撈粗真係超好吃的，亦配上濃郁湯頭，清甜又美味，令人好滿足。再配上這間店的自家製辣椒油，真是超完美了，店員話此辣椒油用了十多款材料煮製，怪唔得香辣味超濃。店長推介嘅精美小食原條切魚片是必食的，清湯配菜心及香蔥，味道鮮美，炸魚片原條即切，大大片厚切魚片放滿晒成個碗，份量超多，味道魚味香濃而且超級彈牙，帶有淡淡的海鮮香氣，魚片每

🍜切腩雙併撈麵$64詢問店員可否選擇坑腩或崩沙腩佢話可以最終決定揀坑腩肉味濃d目測件件坑腩都靚肉質夠軟身肉味夠濃好好食👍👍👍另一個餸要左魚片感覺魚片都係店內的招牌菜魚片爽身魚片皮亦炸到剛剛好😋唔錯👍確實而家好少地方有得食撈麵所以有得揀我都會揀撈麵份量唔大唔細都係剛剛好麵檔另一個重點係要有靚辣椒油呢間望落都唔錯係靚辣椒油絕對滿足到想食辣的朋友加左碟油菜配腩汁$26新鮮嘅生菜好脆腩汁亦夠曬肉味正👍店內座位都舒服餐廳都乾淨整潔打理得算唔錯眼見都好多人嗌外賣其實個西多士同鮮油奶多士都好想試賣相非常吸引🤩但一個人食實在太evil唯有下次叫埋朋友同我一齊試同share總括而言，值得支持的麵檔🍜😄推介