廣麪子

營業中

休息中

已經係第三次嚟食啦有時返工食嘢想食港式粉麵 又想坐得舒服啲 唔想又要搭枱又要好嘈 就會嚟呢間廣麵子裝修好新淨企理 又有卡位坐好舒服不過中午時間好多人排隊要食就早啲啦！嚟到必嗌切腩 有得自由搭配兩拼三拼四垪好多選擇食港式粉麵一定要食三濕一乾最鍾意呢度有得揀面底 可以唔使成日食油面鹼水麵我就食切腩魚片頭撈河粉 撈汁調味啱啱好唔會過鹹太重口味 呢個湯先係精粹! 次次都首先飲晒啲湯魚皮都係鮮炸 嚟到仲係脆卜卜好正驚喜嘅係菜有得揀腩汁 朔晒汁好味道

廣麪子係灣仔大王東街既粉麵小店，店內環境乾淨光猛，座位寬敞。放工同朋友晚餐，食到好滿足，不得不提及佢哋自家製辣椒油，非常惹味。淨清湯崩沙腩牛腩肉味好濃，清湯腩嘅煮法可以突出到呢個優點，最重要係食落有咬口得嚟但唔會太酥炸魚皮新鮮炸嘅魚皮真係好有誠意同好食好多，每塊都脆卜卜同埋熱，第一次食咁樣嘅炸魚皮。南乳豬手撈粗麵- 單併南乳豬手夠哂入味，炆到好淋嘅皮同肉可以入口即溶，撈麵嘅蠔油比較恰到好處，味道好好。魚蛋，魚片雲吞撈粗麵 -雙併魚片同魚蛋就正常發揮，但特別要講雲吞，皮薄餡靚，鐘意食雲吞嘅人試下鮮奶油多士呢度啲奶油多標榜原舊牛油，貨真架實，食落口好滿足，久唔久一次真係好滿足。

啱啱去咗間位於灣仔嘅粉麵小店，真係驚喜連連，相當推薦。🫶🏻首先，佢地嘅店舖同一般粉麵舖唔一樣，乾淨整潔，環境光猛，好多卡位，坐得好舒服。😍我試咗佢哋嘅「净清湯沙腩」，呢個係佢地嘅皇牌推薦，湯清清甜而唔會太膩，帶有少許牛腩香氣，沙腩滑嫩入味，咬落少少肥，真係好好食，成口都係油香同埋牛味，好正。🥩緊接住嘅係「四寶米粉」，米粉爽滑有咬勁，四寶包括魚蛋、牛丸、雲吞同牛腩，丸類新鮮彈牙，尤其係牛丸有爆汁口感，另外加咗紫菜，增添了鮮味。🍜我地亦都點左「鮮油奶多」，奶味濃郁，多士香脆，食落每啖都好香口，滋味滿滿。再飲杯「凍檸茶」，冰涼解渴，檸檬酸中帶甜。🍋店內另一特色係「酥炸魚皮」，外脆內嫩，油炸得剛好，唔會太油膩，食到停唔到口。另外，「魚蛋魚片」亦鮮甜彈牙。🐟

朋友係「安利大排檔」嘅粉絲，每次去東大街都會食返碗切腩撈粗。今日相約灣仔午膳，第一時間醒起大王東街呢間「廣麪子」。據知餐廳係筲箕灣「安利」開設嘅副線，店內裝潢簡約，年輕時尚。餐牌跟老店大同小異，招牌魚蛋魚片、切腩、炸魚皮、厚西多等，全部都可以喺呢度搵到。我哋點咗👇切腩雙拼撈粗 ($64)  切腩肥瘦度啱啱好，肉質軟腍，入口完全唔韌；魚片每日新鮮炸，片頭很有彈性，充滿魚肉嘅鮮味。麵條爽彈，加入秘製豉油及麻油撈勻，非常惹味，絕對係 no.1 人氣之選！．另外呢碗淨清湯沙腩 ($190)  水準亦一流，湯底味道好清甜，入口沒有絲毫味精。沙腩厚度十足，大大件，肉質腍滑又唔黏牙，食落牛味好濃郁。酥炸魚皮 ($26) 魚皮用上黃鱔皮每日新鮮即炸，入口脆卜卜，用嚟浸湯食啱晒。鮮奶油多士 ($16)  牛油夾喺剛剛烘起嘅厚切多士內，再沾上一層煉奶，入口外脆內鬆軟，香口又美味。西多士 ($28)  西多好厚身，外表呈金黃色，上檯時仍熱辣辣，面層放咗一塊牛油，吃起來香氣十足，再淋上糖漿，簡直係完美配搭。食完仲可以慢慢嘆埋杯香滑嘅熱奶茶 (+$8)  先走，非常寫意。今餐食得好滿足，食物真材實料，麵食保留咗

話說利東街普遍消費都幾貴🤣行過去隔離大王東街發現咗一家麵食店，意外發現幾好食😍1⃣️切腩四寶撈粗呢個真係好食！！！嗰個腩肉入口即溶嘅感覺，肥瘦分明，而且面底都冇糊之類，幾爽口，我睇咗一下餐牌下面腩肉都要賣成100幾，我仲系默默點呢個吧🤣畢竟多幾樣之余，面都超好食👍🏻2⃣️ 雙拼墨丸雲吞河主打粉面，湯河梗唔能少，一筷子下去，份量仲唔少啵，也系冇煲糊之類，粉面爽口，墨丸雲吞每樣各三，湯唔似味精水，就連平時主張光盤行動嘅我吃完呢碗都系扶牆走出門😆3⃣️酥炸魚皮真係處理好掂，冇腥味，表面乾身，冇沾上過多嘅粉，但係一啖落去咸度適中，呢個真嘅超抵贊！😍4⃣️鮮油奶多呢個我系真嘅冇惗到中間夾咗咁厚一塊黃油，畢竟以貌取人嘅我，一上嚟睇到平平無奇嘅外表仲以為中伏，但系一啖下去，中間奶醬配搭上黃油嘅冰冷，仲有烘過嘅多士，真係好好味🤤（甜食愛好者嘅好評）5⃣️西多士呢個黃油都系一大塊咁俾，仲有一大支蜂蜜隨便你加，中間松軟，融化後嘅黃油+蜜糖😍簡直係減肥路上嘅絆腳石🥲6⃣️鮮忌廉朱古力/鮮忌廉紅豆呢兩個不過不失啦，不過可惜套餐飲品唔能加錢配，所以都系單點嘅🤪畢竟難得過嚟一次，都唔想飲標配好耐冇試過扶牆走🤣畢竟港島份量沒惗到咁足，而且

今晚今晚去左灣仔搵朋友, 之後朋友說想吃麵, 便來了這間麵店吃晚餐.即炸雲吞 ($46):炸得非常脆口, 脆卜卜好正, 同埋入面蝦肉大大粒, 好彈牙, 好好食, 而且份量都多, 不錯.蠔油菜心 ($26): 幾好食, 食麵配菜心係最夾的了, 不錯.三併湯粉 ($52): 選了魚蛋魚片, 牛丸, 炆腩米粉魚蛋幾彈口, 魚片幾滑, 牛丸幾彈牙, 炆腩幾爽口, 幾好食.凍奶茶( $10), 跟餐加$10便有凍飲, 奶茶香滑, 好好飲.跟餐加$8要熱朱古力 :  幾好飲切腩四寶湯粉 ($68): 轉沙腩, 加紫菜 ($8):好多料, 沙腩好好食, 好滑, 牛丸, 魚蛋, 雲吞, 都好好味.四寶勝在可以吃很多款式,  豐富d.鮮油奶多士 ($16): 非常好吃!!!牛油好厚身好多, 加埋奶油好香甜, 非常好吃, 好正.埋單大約$200幾, 價錢很便宜, 抵食.

嚟一個快又有品質嘅粉麵午餐🍜可惜唔食得牛😮‍💨所以叫咗魚蛋米同雲吞墨丸米唔好以為哩間得牛先好食，其他食物都有水準👍魚蛋同炸魚片都有魚味，唔會係0魚成份嘅偽魚蛋同炸魚片墨丸係會食到有墨魚粒撈喺入面雲吞咬開一半，好容易就見到有蝦喺入面，咁先係本地嘅雲吞!睇裝炸魚皮個紙袋就會知佢一定係叫果時先炸，唔似一般粉麵檔一早整定長放/長掛喺度，要就夾幾塊出黎，而且佢個味道調製得幾好，唔會愈食愈咸愈口渴鍾意食辣嘅，一定要試佢個辣椒油🌶️食得出係自己製，唔會只係得辣油或豆瓣醬味魚蛋加辣椒油，一間粉麵檔嘅好壞絕對可以由哩兩個item判斷得出🌟杯消脂青檬都有驚喜🤩唔會係雪碧+青檬咁甜，飲到佢係自己梳打水+青檬+糖漿(唔知仲有無其他材料🤔)咁溝出嚟，平時唔飲汽水嘅人都會鍾意飲😆

今日午市過嚟見到好多打工仔，遊客喺門口排隊幫襯始終裏面面積唔大，所以唔可以容納太多人搭枱好常見，亦都係食魚蛋粉嘅一種文化另外可以試吓佢哋自家製嘅辣椒油唔食得辣嘅記得輕手啲，因為真係好辣如果有興趣可以買$120 1樽辣椒油雙併撈麵 （粗麵） $66墨魚丸 魚蛋魚片＋紫菜 （$8）撈粗麵食到索索聲 叫一份紫菜係因為落幾啖紫菜湯落去食仲好味酥炸魚皮 $26酥炸出嚟係幾脆，配一碗魚湯 始終 油炸食物比較熱氣 記得同朋友share一齊食見到有人叫兩包拎走消脂青檸 $30做唔做到消脂就唔敢講，不過酸酸甜甜糖分比較少係健康啲廣麪子 灣仔大王東街2-4號安興大廈地舖

今日嚟到灣仔搵嘢食，左穿右插係啲小街到搵到好野！灣仔大王東街，一條少少嘅食街，幾多食店，呢間店個招牌夠晒醒神，咁岩又係我最鍾意食嘅粉面，於是就入去食咗個晚餐。切腩湯河粉 轉沙腩 $48本身係切腩，可以轉做沙腩，沙腩口感煙靭軟糯，肥瘦分明，腩香味重，河粉靚，夾起唔會斷，仲有少少彈性😌魚蛋魚片撈粗麵 $52魚蛋爽口彈牙，魚片都好出色，好爽脆，原來老闆話呢到嘅魚片係每日新鮮炸嘅，怪唔知得咁爽口，撈粗麵條口感好正，爽口又帶點煙靭，食得辣嘅真係要試下呢個辣椒油，聽老闆講係自家製祖傳配方，用料講究，有十幾種食材，加埋落麵食更加惹味。蠔油菜 $26$26 加左個菜芯，菜芯新鮮嫩綠，爽口！什果賓治 $30回憶的味道🥹細個成日飲，7喜底超夠氣～ 餐跟熱檸水 +$8加紫菜湯 $20咁凍冰冰嘅天氣真係好想飲啲湯，加左$20就有大大碗紫菜湯，紫菜味超香～

喺附近返工經常會嚟灣仔呢幾條街覓食，次次經過都見到呢間粉麵舖大排長龍。喺灣仔呢個美食雲集嘅地方競爭都幾大，所以見到排隊嘅地方大多數都證明嗰間餐廳有一定嘅水準。食粉面雖則平，但最唔鍾意就係座位逼夾同埋噏耷，依間一眼望落去就好明亮，而且座位嘅間距相對舒適，唔使坐到好似同隔離貼住咁，最緊要係佢啲嘢食真材實料味道又好，而且以咁平嘅價錢係灣仔食飯，食完覺得絕對係灣仔hidden gem 💎 切腩四寶撈麵第一次嚟到緊係想咩都可以試吓，所以就叫咗招牌切腩四寶撈麵，入邊包括最出名嘅崩沙腩，仲有雲吞，魚片，魚蛋同埋牛丸。呢度寫住佢哋嘅魚皮，魚蛋同埋魚片都係每日新鮮即炸，一食落去係真係食得出鮮味。雲吞大大粒充滿蝦香。撈麵一睇色水就知唔錯，撈得入味之餘又爽口，最重要係唔會有我最驚嘅一大陣鹼水味，係我食過咁多間粉麵嘅高水準之作。炆腩湯米粉除咗崩沙腩之外呢度仲有切腩，相比起崩沙腩，炆腩嘅調味比較濃郁，煮得入味之餘肉質比較淋同埋軟熟。湯米仲有炆得好淋嘅牛筋，腩汁湯底配埋麵館自家製嘅辣椒油，經典嘅配撘好食到冇得挑剔。淨清湯沙腩因為崩沙腩太好食，所以我哋決定追加多碗淨腩。呢碗真係超正，大大碗全部都係肉，崩沙腩肉質軟嫩

呢間麵檔已經係50年老字號，總店開喺筲箕灣，魚皮魚片日日新鮮炸起，將傳統味道帶入呢間新店！舖頭光猛企理，而且座位之間夠闊落，卡位又多，坐得都幾舒服！菜單上面都係以切腩做主角，仲要可以自己揀牛腩或者崩沙腩，拼上自家製嘅配料，配料夠足料，好豐富！------------------------------🍜◖炆腩湯幼麵◗ $42幼麵麵質爽口彈牙，湯底有少少紅燒嘅味道，配上瘦牛腩同炆得超腍嘅牛筋，都幾足料，牛筋入口即溶咁，好食！🍝◖切腩四寶撈粗◗ $70所有切腩部位都可以免費轉崩沙腩，加底加$8，大碗夾抵食！四寶有雲吞、魚蛋、魚片同牛丸，魚片外脆又彈牙，粗麵用上豉油同蠔油撈出嚟，色水唔錯，幾鍾意佢鹼水味夠濃，但就略嫌口感未夠爽～🐂◖淨清湯切腩◗ $160試完佢個崩沙腩，唔夠喉叫多一碗淨食拎走，都幾大碗，而且冇用菜墊底，成碗都係實實在在嘅牛腩！崩沙腩連住筋膜部位，肥瘦適中，食落爽口又帶油香！🥬◖蠔油菜心◗ $26食港式嘅麵，梗係要配返碟菜，有生菜同菜心可以揀，軟腍程度啱啱好～🍋◖凍檸茶◗ $10🥤◖Zero◗ $10🌟 Encore指數：8.7/10

今日係灣仔附近行街，lunch就試咗一間50年老字號麵店，入到去見到啲港式嘅裝修，啲卡位又多，坐低唔會好逼。Staff姐姐幾熱情介紹招牌炸魚皮同撈四寶，佢哋嘅酥炸魚皮好脆，有啲魚香同鹹香，單食已經幾好味，而且浸湯又有另外嘅風味。切腩雲吞河粉都唔錯，雲吞大大粒（個人超鍾意），切腩好濃嘅牛味，口感幾彈牙！而朋友叫嘅切腩四寶撈粗麵，咩都有！不過佢個人口味轉左撈幼麵，配埋牛腩、雲吞、魚片頭、魚蛋同黑椒牛丸，超級豐富！乜嘢都試晒仲唔會太飽，食唔到其他嘢！仲有佢哋自家製嘅辣醬辣油，用咗十幾款材料整返嚟，好受歡迎㗎，鍾意食辣嘅朋友唔好錯過啊。個人覺得配麵食好夾，好惹味！最尾仲試咗啲鮮油奶多，啲厚多士香脆夾住鮮牛油同香甜嘅煉奶，成件事係好似甜品咁，好滿足

放工食埋嘢先返屋企，入咗呢間筲箕灣老字號麵店嘅分店，新式枱櫈，傳統風味。切腩四寶撈粗 $70參考過食評，呢度嘅粉麵份量好足，所以我哋嗌咗扣底，轉跟入味而爽脆嘅爽腩，爽腩軟腍入味，四寶有魚蛋丶魚片丶雲吞丶牛丸，魚製產品的確係好味啲切腩墨魚丸麵 $52 墨魚丸較厚實蠔油生菜 $26酥炸魚皮 $26聽聞係日日鮮炸，香口酥脆，件件均稱，一件接一件，唔覺得油膩鮮油奶多士 $16香脆厚切多士，1/2cm厚既鮮油，加埋練奶，必食！凍檸茶 $22凍檸樂 $22

一早聽聞灣仔有間好出名嘅牛腩同魚蛋粉專門店，放工就同同事去咗試吓，入到去環境乾淨，空間闊落，坐得幾舒服淨。✨✨首先，我哋點左清湯沙腩，一上枱嘅香氣令人胃口大開，沙腩燉得剛好，差d入口即化，肉質非常嫩滑，油脂恰到好處，配上精心熬煮嘅清湯，帶有淡淡的牛骨香氣，可以我食過最好食嘅牛腩，令人回味無窮。🍜🍖🥢接著，我地亦都點咗招牌魚蛋魚片米粉。魚蛋彈牙，魚片鮮嫩，米粉Q彈有嚼勁，湯底鮮美濃郁，充分吸收了魚蛋和魚片的鮮味，非常不錯。🍲🍜我哋仲點左小食，鮮油奶多香脆可口，外皮酥脆，內裡香軟，鮮奶味道香濃。另外，跟餐叫做杯凍奶茶，濃郁的紅茶香氣和香滑的奶香交織在一起。🥹🥹最後，因為魚片魚蛋實在太好食，我地仲叫多左一份原條切魚片，新鮮的魚片切得均勻薄嫩，好正。🐟🔪

今日11點到灣仔幫家姐湊一陣仔佢有啲嘢要做 一個鐘頭後見得返我同姨甥 兩個都仲未食早餐經過見到呢間咁早開咗食物種類又幾啱小朋友食所以決定入去～- - - - - - - - - - - - - - - - - - - - - - - -1. 切腩四寶河粉+熱檸水因為小朋友食得唔多所以叫咗一碗 諗住一人一半結果發現啲河粉都幾多最後姨甥都係食剩少少可見分量十足加埋富有鮮味湯底同埋足料四寶切腩、魚蛋魚片、牛丸、雲吞食落好有傳統50年古早風味切腩即係牛嘅隔膜部位口感比起一般牛肉更加實在肉味好濃 而又唔嚡雲吞飽滿多汁 鮮嫩香甜姨甥話最鍾意係魚蛋同魚片我諗係因為好爽口彈牙 好有咬口老闆話係日日鮮打 所以魚味十足2. 鮮油奶多士多士真係帶比我同姨甥驚喜麪包烘到金黃酥脆 用手拎起嗰陣有種覺得佢會脆到好易骨折嘅感覺XD中間夾住嗰塊係勁邪惡嘅牛油仲要淋埋煉奶上去牛油、煉奶好柔滑咁慢慢滑落真係忍唔住一上枱就要食啦姨甥食到超級開心成口都係濃厚嘅牛油香味帶有淡淡煉奶嘅甜味3. 鮮忌廉紅豆即係紅豆冰上面加咗忌廉好鍾意佢呢間唔會比一拃冰冰量恰到好處帶有微甜嘅紅豆亦好足料飲咗少少都仲有大半杯忌廉提升咗牛奶嘅香氣整體唔