心鉄板燒

營業中

休息中

自己生日緊係要食餐好嘅慶祝下啦餐廳位於尖沙咀亞士厘道十八樓景觀開揚果仁沙律/煙三文魚配忌廉芝士/冰鎮梅漬蕃茄沙律簡單配搭杏仁腰果以及鮮紅莓汁整體清新輕盈；煙三文魚油潤鹹香搭配忌廉芝士軟滑香濃；冰鎮梅漬蕃茄冰涼消暑同時酸甜醒胃龍蝦湯鐵板燒特選二人套餐可以選擇松露蘑菇湯以及龍蝦湯兩款西式濃湯或者中日式花膠鯛魚濃湯花膠鯛魚濃湯花膠鯛魚濃湯色澤奶白個人認為相對龍蝦濃湯清淡鮮大虎蝦配蕃茄辣汁大虎蝦肉厚緊緻而且口感彈嫩同時蝦頭帶啲蝦膏夠哂甘香配搭搭蕃茄辣汁惹味刺激日本宮城蠔配櫻花蝦乾日本宮城蠔肉白嫩飽滿而且質感柔滑濃厚配搭櫻花蝦乾增加口感鵝肝配黑醋汁鵝肝肥大油厚脂肪甘香經過鐵板高溫煎封外層焦脆同時保持口感細嫩絲滑配搭紫蘇花以及黑醋汁可以消滯減膩日本A4伊藤和牛厚燒/美國牛肉薄燒日本伊藤和牛油脂豐腴油花細密建議配搭海鹽以及芥末減輕油膩感；美國牛肉薄燒肉味相對濃郁加上包裹牛蒡漬同芥末昆布調味同樣好正小女子炒飯小女子等同玉筋魚配搭豉油以及味醂同糖釘煮鹹甜香脆加埋高菜同埋洋蔥昆布炒飯真心勁掂炒什菜選用季節野菜包括芽菜椰菜以及冬菇甘荀快炒爽脆清甜焦糖香蕉配日式雪糕個人本身唔太鍾意香蕉嫌棄口感太過軟爛加咗焦糖

今日我同朋友光顧了尖沙咀的「心鉄板燒」，我們點了鐵板燒特選二人套餐，由廚師親自在鐵板爐上即時製作。松露蘑菇湯：松露豐富了整體湯的味道，而洋蔥及蘑菇切粒溶在湯內，簡直絕配。鵝肝配黑醋汁: 鵝肝很厚又香口，咬落去很多汁，加上黑醋汁，酸酸甜甜，絕對能中和鵝肝的油膩感，而且入口即溶，感覺很滿足。日本A4伊滕和牛厚燒、美國牛肉薄燒： 我要了五成熟，兩款牛看起來還不錯，而和牛口感相當不錯，表面雖有焦香感，但裡面肉汁很充沛，十分好吃。

今日同朋友聚舊，我們相約尖沙咀食鉄板燒lunch，他揀左亞士厘道17-19號，18樓的心鉄板燒，我都好期待，因為這棟大廈有好多好靚又食嘅餐廳，今日試下先。有商務午市套餐 二人前 $988+10%，不用多選就最好。季節沙律，蔬菜新鮮爽脆，裙邊爽嫩味道開胃。中南非活鮑魚（兩隻）擺盤有心思，鮑魚肉質爽嫩，個醬汁有特色，味道很夾。銀雪魚銀雪魚好厚身，表面十分香脆，配他他醬，意大利梅子乾，十分有特色。清酒煮蜆蜆好大隻，肥美肉嫩，湯清甜味美。A4伊藤和牛薄燒 （+$300）和牛好汁潤，肉味極香濃，一試難忘。炒飯、漬物、麵豉湯炒飯材料豐富，炒功了得，夠乾身粒粒分明。炒雜菜焦糖香蕉配日式雪糕下次再會來。

這間心鐵板燒地方細細，只有兩張鐵板燒枱，每張枱大約只可容納六個人，可邊食邊欣賞師傅的廚藝，有幸安排到窗口位的話，更有海景欣賞。經侍應介紹下，今晚便點選了特選二人套餐($2280)，平均每人千二蚊就有三道前菜，餐湯，六款的鐵板料理及甜品。豪一點更可追加龍蝦及鮑魚。三道前菜有果仁沙律，煙三文魚配忌廉芝士及冰鎮梅漬蕃茄，欣賞他們的餐具，食物的擺盤，令簡單的前菜都變得高級起來。餐湯選了松露蘑菇湯及花膠鯛魚濃湯。松露蘑菇湯充滿菇菌香味，濃杰適中，碟邊的黑色物是黑松露，食客可因應自己口味去添加，十分細心。花膠鯛魚濃湯相對比較淡味，奶白色的魚湯充滿鮮甜味，另有兩件花膠仔。大虎蝦配蕃茄辣汁，虎蝦大隻爽口彈牙，蝦頭盡是蝦膏。日本宮城蠔配櫻花蝦乾，蠔隻肥美多汁，有煎香的茄子墊底，配上炒香的蒜蓉及櫻花蝦乾，再灑上蔥花粒，賣相加分，香氣味道亦加分。鵝肝配黑醋汁，鵝肝厚薄適中，煎得外脆內軟，充滿鵝油香，入口是幼滑即溶，配上多士及黑醋汁可中和油膩感，還放了食用的紫花蘇，為賣相加分。肉類選了日本A4和牛厚燒跟美國牛肉薄燒，和牛燒得柔軟甘香，油花均勻，師傅只需用少少海鹽調味已足夠。而薄切的美國牛肉則卷著已用醬油醃製過

真的好久沒有吃鉄板燒了！週末中午便去了尖沙咀的心鉄板燒吃鉄板燒午餐！因為我們是walk-in的關係，今日不坐爐邊，所以如想坐爐邊邊吃邊看師傅的手勢，那就請預先訂座。「商務午市套餐 二人前 （$988+10%svc) 」*Business Lunch Course for 2 people*先送上《季節沙律》- 有車厘茄、蟹柳、沙律菜加上麻醬開胃，另外還有微辣煙韌的帶子裙邊。《中南非活鮑魚（兩隻）》配蛋黃柚子汁鮑魚即席由水缸取出，所以十分鮮嫩，入口嫩腍彈牙，配上柚子汁鮮味更出。《銀雪魚》- 魚皮香脆，魚肉嫩滑有肉汁，魚肉鮮甜，配他他醬更提味；另有意大利梅子乾酸酸甜甜醒胃。《清酒煮蜆》- 清酒湯香濃重酒香 是我杯茶，可以當湯飲。蜆兩大隻肉嫩鮮甜。肉類四選一： - 美國特級牛肉/牛肉薄燒 -神戶黑豚薄燒-A4伊藤和牛厚燒/薄燒 （+$300）我最後點了店員推介的》A4伊藤和牛/薄燒 （+$300）〉並要求燒至半成熟，牛肉嫩而無渣又油潤，中間包捲着牛蒡味很香甜，配上芥末及岩鹽特別提味。《炒飯、漬物、麵豉湯、炒雜菜》炒飯用料豐富，米飯粒粒分明有口感，不油膩。最後甜品有《焦糖香蕉配日式雪糕》，滿

今日朋友帶我去一間尖沙咀好出名嘅鉄板燒餐廳，依度有一個好靚嘅view,廚師好認真幫我地準備每一道菜。我地叫咗兩個套餐。一個係大蝦，帆立貝，比目魚餐大虎蝦肉質好彈牙，加埋個蕃茄辣汁，好好食。帆立貝配三文魚子，原來係咁match廚師好有心機將比目魚嘅魚皮同魚肉分開燒日本北海道蠔配櫻花蝦乾，櫻花蝦乾帶出咗蠔嘅鮮味A4伊藤和牛燒，和牛嘅油脂分布平均，入口即溶，好香！唔洗驚冇飯落肚唔夠飽，個套餐仲包一個炒飯。最後仲有抹茶同芝麻味嘅雪糕真係好滿足

今日同朋友去尖沙咀行街，行街前朋友話想食個豐富鐵板燒餐先，所以就去咗心鉄板燒食飽飽。叫咗個鐵板燒自選套餐有沙律🥗日本真蠔，好肥美A4伊藤和牛厚燒，未食都聞到陣陣燒和牛嘅香味另一個餐就揀咗午市套餐大蝦，帆立貝，比目魚套餐隻大蝦肉質好有彈性，好有口感，夠哂新鮮。比目魚燒得都好有水準，塊皮燒得卜卜脆，好香口！帆立貝好有心思，上面有幾粒三文魚子，好味😋炒飯都係即場炒出黎，夠哂火喉麵豉湯咁豐富嘅午餐當然唔少得甜品

前菜有三個盤：果仁沙律夠特別，原粒果仁口感豐富。煙三文魚配忌廉芝士餅乾，味道幾夾。冰鎮梅漬蕃茄，很爽口。花膠雕魚濃湯，清清地又幾鮮甜，2大塊花膠入口嫩滑，而且廚師一直把湯壺放在鐵板上，湯底夠熱好口特別好飲。中南非鮑魚配蛋黃柚子汁，新鮮鮑魚生猛而且大隻，很彈牙，蛋黃醬汁有質感。比目魚配舞茸菇酸汁，外皮煎得很脆，魚肉同樣是外脆內嫩，完美鎖住肉汁。北海道帆立貝配海膽醬，帆立貝很大隻，海膽醬味道濃郁，加上三文魚子，外相美觀而且很美味。它的美國西冷及神戶黑豚均有厚燒薄燒可供選擇，黑豚下單了厚燒，吃起來有嚼感。旁邊跟了一些蘋果蓉，搭着一起吃，去油膩感之餘味道唔錯。西冷牛決定和朋友分享一下🤣大廚細心方便我們，上枱時直接一人一半，西冷薄燒是夾着牛蒡昆布吃的，好特別。西冷牛厚燒特別有牛味，配合新鮮Wasabi一起吃，好好味。小女子炒飯，材料豐富，鹹淡適中，飯粒分明。配合季節炒什菜一起吃特別好味。甜品焦糖香蕉配日式雪糕，燒過嘅香蕉特別甜，配合芝麻味雪糕好正！

與日本通好友吃飯，鉄板燒是個不錯的選擇。這間日式餐館裝修樸實，有海鮮水族箱又有維港靚景，坐得舒服。我們坐了bar枱位置，全程可欣賞廚師顯技及聽其細心介紹菜式。先來個3小碟前菜開開胃，分別有果仁沙律、煙三文魚配忌廉芝士及冰鎮梅漬蕃茄。龍蝦湯用料十足，質感稠糊味道濃郁咸鮮分明。中南非鮑魚配蛋黃柚子汁配搭特別，鮑魚有半隻手掌般大，肉質較為厚身彈牙，牛油味香與柚子汁起了特別變化。比目魚配舞茸菇味道超水準，魚身面層燒得好脆，而魚身卻能保留大量魚汁，入口嫩滑無比，魚皮更燒得極級脆口，像薯片般卜卜脆，加點酸汁及紫蘇花更能提鮮不少，非常喜歡這道菜式😋北海道帆立貝配海膽醬，帶子接近全熟，中間有少許刺身口感，海膽醬味道濃烈，兩者配合鮮上加鮮。神戶黑豚薄燒，黑豚內卷著泡菜同燒，肉汁多得爆裂出來，蘋果肉少許甜酸的很美味，又可減輕油膩感。美國西冷薄燒，內有牛蒡漬及芥末昆布，牛味較重容易入口，加點芥末也能增加味道增次。小女子炒飯，名字很特別炒得很有鑊氣，粒粒米飯分明，銀魚仔添了點咸香感，好味！炒什菜有芽菜、椰菜及菇類，完全為炒飯加餸。甜品有焦糖香蕉配日式雪糕，香蕉微微燒香，面層有一片焦糖，開心果雪糕有碎粒有咬口，

朋友升職，當然要搵一間又靚又正嘅餐廳，好好地為佢慶祝一下啦。今次就搵咗一間食物高質景觀同樣優秀嘅日式鐵板燒，去品嚐一下美食坐喺高層嘅位置眺望尖沙咀美麗嘅夜景靜靜地享受一頓豪華嘅美食實在令人心曠神怡。因為師傅只係serve兩台嘅客人, 又唔會太逼又唔會太嘈。鐵板燒特選2人套餐，前菜，沙律，湯，小食，主菜，炒飯，甜品乜都包曬，所以黎呢度食記得記得唔好食咁飽先嚟呀。先嚟果仁沙律，煙三文魚配忌廉芝士，同埋冰鎮梅漬蕃茄。果仁沙律口感好特別，忌廉芝士好濃味好好食，三文魚新鮮。番茄味道特別好鮮甜。龍蝦湯好濃味，係非一般嘅龍蝦湯。飲得出係用好多蝦頭淆製，而且鹹甜度適中，確實一流。大虎蝦大大隻絕無欺場。啖啖肉之餘，蝦頭日大蝦膏，充滿鮮味。配埋蕃茄辣醬，非常惹味。日本宮崎蠔配櫻花蝦乾，櫻花蝦味味道出眾，但沒有蓋過蠔嘅鮮味。石蠔肉厚，口感層次非常豐富。鵝肝配黑醋汁，係非常邪惡嘅一道菜。鵝肝油脂豐厚，入口即溶，而且充滿油香。配上多士及黑醋汁，可解油膩。輪到主菜日本伊藤a4和牛厚燒及美國牛肉薄燒。兩款都好美味，薄燒牛肉好薄身，包住芥末木耳給牛蒡漬，口感層次非常高。和牛厚燒沒有花巧，油脂分佈非常好，入口即溶。小女

都好一段時間無食鐡板燒了，最後係尖沙咀搵到呢間心鉄板燒 ，見到都幾多好評就決定試下。入到去，室內景觀舒適，既可望窗外景又可觀賞廚師在鐵板前即煮的食品過程，我地簡左，鐵板燒特選二人套餐。🥗果仁沙律，煙三文魚配忌廉芝士，冰鎮梅漬蕃茄果仁配上新鮮沙律菜及醬汁，味道酸甜開胃，蕃茄入口冰涼，梅味微酸既味道令蕃茄更加清甜，三文魚配上芝士非常香濃。🥄花膠鯛魚濃湯啖啖魚味，底層有花膠，有滋潤感覺。🥢大虎蝦配蕃茄辣汁虎蝦常大隻，蝦肉爽口彈牙，配上蕃茄辣汁更好味。🥢日本宮城蠔配櫻花蝦乾表面上的櫻花蝦乾非常香口，令蠔鮮味更提升。🥢鵝肝配黑醋汁鵝肝外脆內軟，入口嫩滑甘香，配埋多士、黑醋同吃，減除油膩感。🥢日本A4伊滕和牛厚燒，美國牛肉薄燒和牛厚燒，牛味香濃，油脂甘香，亦可沾岩鹽或Wasabi另一風味。牛薄燒裡夾住牛蒡、芥末漬昆布，口感爽口，味道意外地夾。🥄小女子炒飯加上銀魚仔、蔥花、酸菜、雞蛋等，味道咸香，米飯炒得粒粒分明。🥢炒什菜🥄焦糖香蕉配日式雪糕香蕉配上糖係鐵板上煎，味道很不錯，配埋開心果味雪糕，滿足。

女師傳刀工手勢一流好好睇👩🏻‍🍳一定要request坐喺師傅前面吖🤩每個Lunch Set都附前菜、沙律、麵豉湯、炒飯、潰物、炒什菜😳🍤大蝦 帆立貝、比目魚 $248大蝦啖啖肉超爽口彈牙，蝦味超香肉汁喺裡面正丫！蝦頭有仲有膏，師傅細心咁問會唔會食埋？煎到黃金色嘅帆立貝配上牛油🦪表面撤上爆汁魚子，帆立貝食落好Juicy，味道鮮甜！🤩比目魚蒜得好香肉質嫩滑，將魚油鎖哂喺裡面，咬落去時魚油吱出嚟，魚皮煎得超級薄薄，食落好似薯片咁脆脆🥰🍗神戶黑豚薄燒配炒什菇 $188黑豚薄燒喺包住泡菜😂食落去黑豚油份吱哂出嚟，而中間嘅泡菜夠爽口🍎以蘋果蓉拌碟，鐘意有一啲瓜類解油膩感🍚炒飯時，師傅會問食唔食洋蔥同蔥，呢個位好細心！😳炒飯味道超香濃，粒粒分明唔會好乾身炒什菜喺芽菜最後仲有麵豉湯同解膩潰物🍢🍨最後雪糕揀咗開心果雪糕

安排嚴重失當！有無搞錯，約左星期六晚食飯，食期五晚上打去confirm menu。跟手收完線隔左5秒同我講話原來星期六唔開門。呢個咩玩法呀大佬？！都未夠，仲問我要唔要下個禮拜留枱俾我。我忍到唔鬧佢都算係咁。差到咁既安排，唔係諗住我仲會幫襯嘛dllm!!!!!!!!!!!點解推介菜式唔俾free text! 想推介大家去食飛機炒飯&飛機鐵板呀 !!!

鐵板燒都係我最愛嘅日本菜之一，佢嘅精髓在於採用新鮮嘅食材，及廚師嘅技巧🤩尖沙咀呢間主打日式鐵板燒餐廳，絕對不負所望。 食材夠新鮮，而廚師亦好似魔術師一樣，揮動魔術棒🔪，就能變出精緻又熱辣辣嘅美食餐廳仲有開陽靚景，可以一邊欣賞靚景一邊品嘗美食午市套餐好抵食，最平唔駛$200 一位，已經包括主菜、前菜、沙律、麵豉湯、炒飯、漬物、炒什菜、雪糕🍦，真係好豐富😋炒飯尤其出色，加咗雞蛋、蔬菜、蔥花等，米飯炒到金黃色，粒粒分明，非常好味大蝦🍤、帆立貝、比目魚（$248）三款係分開煎分開上， 先嚟大蝦🍤加配菜及秘製醬汁，大蝦多肉，而且肉質爽彈，醬汁令蝦肉更鮮甜。再上係煎得外脆內軟嘅比目魚，伴青瓜沙律。 最後嘅帆立貝煎得外面香口，入面保持嫩滑，有香濃牛油味，再加上晶凝通透，一咬即破嘅魚籽🤤神戶黑豚薄燒配炒什菇（$188）半肥瘦嘅黑豚肉，煎得微脆，肉味濃郁，油香滿溢，捲住酸酸辣辣泡菜， 配點蘋果粒製成嘅醬，令味道更有層次又減膩。大啡菇肉厚多汁煎得香口

鐡板燒都好耐沒有食過了，同老婆決定放工出去食好野，尖沙咀這個地方其實都有好多隱世上樓餐廳，之後搵到這間餐廳。在餐廳室內真不錯，可以坐在鐵板前望著廚師即煮的食品，又可以望到出面高層美景。鐵板燒特選二人套餐【前菜-果仁沙律、煙三文魚配忌廉芝士、冰鎮梅漬蕃茄】雖然簡單的前菜，但賣相非常吸精，食材非常新鮮。【花膠鯛魚濃湯】超鮮甜香濃的魚湯，飲完都有滋潤感覺，什麼時候飲都不二之選。【日本宮城蠔配櫻花蝦乾】宮城蠔煎得剛剛好，海水味濃，表面再加上櫻花蝦乾，提升鮮味至頂點。【鵝肝配黑醋汁】煎到表面脆脆金香的鵝肝，再配埋多士同黑醋，減除油膩感。【日本A4伊滕和牛厚燒 + 美國牛薄燒】和牛油花超吸引，煎和牛既時候，牛既香氣飛出來，入口即溶，加少少岩鹽或Wasabi又另一種風味。牛薄燒裡夾住牛蒡、芥末漬昆布一起食，爽口得來又夠牛的香味，不錯不錯。【小女子炒飯】這個炒飯比想像中出色，好有獲氣，米飯粒粒分明，不錯。【甜品-蜜瓜配日式雪糕】香甜的蜜瓜再配埋超濃開心果味的雪糕，超開心。