拉麵凪 (已結業)

銅鑼灣有唔少拉麵店可以選擇，但唔係每一間都好食，有啲湯底太油，有啲麵質欠佳。而我在銅的拉麵首選就是這間拉麵凪，因為佢隱藏咗喺渣甸坊排檔後面，唔係特登去都未必會經過入去食。之前我已經食過幾次，每次都係食佢嘅招牌「豚骨」，湯底係濃郁的豬骨湯，而拉麵的硬度、湯的濃厚度等都有得揀，非常好味有保證👍，絕非其他拉麵店可媲美。其他恆常拉麵仲有「黑骨」、「赤骨」同「綠骨」，梗有一款啱你口味。最特別係佢有一款限定拉麵，一段時間後又會轉吓，之前試過有赤蝦拉麵、胡椒拉麵等等，全部都好好味😋，所以得閒都會睇吓佢IG呢排限定拉麵係咩。呢輪嘅限定係凪牛肉拌麵，勁鐘意食牛肉嘅我梗係要去試吓。首先剩係睇碗麵嘅擺位都已經夠晒靚。日本雞蛋加秘製拌麵汁撈落啲麵度非常好味道，有少少似食緊Carbonara的感覺。麵質彈牙有咬口，牛小排牛味濃郁又唔韌，加埋啲蔥同紫洋蔥一齊食令整體香味及口感更豐富。另外，呢度店員同老闆服務態度都非常好！不過要提提大家有時都要排隊等一陣先入都去食，仲有如果佢啲湯底賣晒就會早啲收鋪，所以想食就記住趁早！

Despite being hidden in a back alley, Ramen Nagi always has a long queue during weekends. Lucky me passing by on a weekday afternoon to take the last available seat!There are 4-5 types of ramen to choose from, including the seasonal specials. I had the basic tonkotsu ramen, which had a pork-bone broth slow cooked for long hours to extract the essence of pork. The soup was rich and delectable, loved how milky and melting it was in my mouth. 2 large pieces of pork were very tender. The flavored eg

仲有一間係最近期食過既撈麵係銅鑼灣nagi九月限定既凪牛肉拌麵nagi原本係豚王分家出黎由原日藉師傅生田智志係大坑創立20年休業一年之後再係銅鑼灣重開個位係黨鐵站F1出口轉入渣甸坊行到中後段既位置因為怕個限定比人食晒所以我都十二點幾去到雖然無人排隊但都岩岩好full左要等幾分鐘先有位餐廳係兩邊面壁座位神奇既係呢間凪可以完全唔擺隔板位同位既距離都有d迫除左限定之外都係基本果幾色拉麵其實我就真係無乜興趣只係見佢地每次個限定都幾吸引所以先黎再之前見過佢地個紅蝦拉麵都幾吸引不過就無試過咁今次我都係為左牛肉撈面而黎官網寫限定不分畫夜總之做到賣晒為止我估佢應該都預左唔少份量因為現場都見唔少人點檯面有自助冰水膠杯木筷大約等左十分鐘上麵可能食普通湯麵先會有圍裙我就乜都無收到既官網都有寫晒配料話係用自家製醬加美國小牛排日本雞蛋黃麵條係特製既中太麵有曲度仲好有咬口撈暈晒之後隻麵掛晒蛋汁仲有些少辣味配埋佢既醬味道一流不過牛小排只有薄薄既三塊連埋個麵份量有d少唔係幾夠喉一陣就已經清晒底仲有一樣係呢間凪好特別既事就係侍應會講好多野並唔係話熱情招呼而係好機械式咁介紹限定食完又會再問你好唔好食其實佢就唔係要求你比咩

經常見到唔同朋友post呢間拉麵店, 今次就啱時間路經就試試佢未到食飯時間唔洗排隊直入, 一坐低店員們就好熱情招呼同介紹, 不過熱情到有少少chur, 口罩未除手又未噴, 忙住安頓要尷尬地回應當日未有限定拉麵, 店員都叫大家留意FB / IG公佈, 少少hard sell不過係佢地本份嘅 2個人試咗2款拉麵同2款小食黑骨 - 重口味嘅我就叫咗黑蒜墨魚汁豚骨, 黑玉拌入黑蒜非常香口, 另加3辣炎之醬唔算好辣, 不過放係叉燒上面就會令到叉燒鹹咗D, 豌內有較細較厚嘅叉燒, 更有豬味綠骨 - 偷偷試一啖, 超級濃厚羅勒同芝士, 另加嘅溏心蛋都好好凪豚餃 - 加咗醋漬蘿蔔蓉, 唔洗加豉油, 味道剛好又唔油膩阿波尾雞翼 - 大大隻, 香甜燒汁搽滿外層脆皮, 香口但juicy鮮嫩嘅日本德島雞2個豌都清哂, 明啦冷氣較大, 如果湯頭熱D會更佳

好多朋友都話食拉麵一定要試下 拉麵凪（讀「休」），佢地嚟左銅鑼灣之後都無機會試過，咁啱路經附近一於去試試佢～ 佢嘅位置係喺好多小販檔賣野嘅渣甸坊（唔係好多小巴站嘅渣甸街），店內嘅位置唔算好多，主要都係「面壁」座，點餐同好多拉麵店都一樣喇， 畫紙仔，無咩特別古惑位嘅叫左 超濃厚黑骨 同埋 濃厚綠骨， 黑骨係黑蒜， 綠骨就係羅勒加芝士粉， 份量係似日本嘅份量，唔算好大， 如果大胃嘅朋友建議叫埋替玉，湯頭唔算好油，湯連麵 食晒成碗負擔其實ok 叫埋佢兩個小食：日式豚餃 同埋 阿波尾雞翼。 兩個小食都幾有驚喜， 餃子上面係蘿蔔蓉溝左醬油，唔洗點又可以降低油感，唔錯。 阿波尾雞翼係即炸， 留意上枱嘅時候係熱到食唔到同入面有油， 請小心。 味道都幾好， 甜醬油配芝麻有少少名古屋雞翼嘅感覺。其實如果食拉麵有返咁上下年資嘅朋友， 都一定覺得佢地拉麵嘅款式熟口熟面喇，原因大家可以上網搵下，好多報導都有講，所以對「老司機」嚟講驚喜就應該不大。同埋店內嘅冷氣都幾勁，令到碗麵好快就凍晒，呢樣野係的確有啲失色，特別對於我地呢啲「相機食先」嘅朋友要留意返

拉麵凪 #foodpaholiccc_causewaybay 一直都好想試嘅拉麵🤩，之前試過摸門釘🥲，當日嘅拉麵🍜已經賣完，提早收鋪。🍜豚骨 $91鹹度：普通； 濃厚度：普通；蒜泥：普通： 叉燒; 椰菜絲； 秘製炎之醬： 1辣；加糖心蛋$15湯底都夠濃郁，我會比較喜歡再濃啲，下次會試濃厚/超濃厚☺️ 另外我下次會揀不需要秘製炎之醬，因為飲湯時會有一啲‘搶喉’嘅感覺🥲。叉燒味道正常，幼麵麵條軟硬度適中，整體來講係一個above average嘅拉麵。🍜赤骨 $96鹹度：普通； 濃厚度：普通；蒜泥：勁多： 叉燒; ；蔥粒呢個我冇試到，因為貌似太辣啦🙈 不過勁多蒜泥係好似有一個雪糕球嘅蒜泥係你個拉麵上面，好誇張😳 朋友feedback 都係above average 的水準☺️✨🥟凪豚餃 $23推介🤩，煎得內脆內軟，入面嘅餡充滿肉汁🤤配合上面微酸嘅蘿蔔蓉，可以減低油膩感！！✨阿波尾雞翼 $33即叫即制，上到枱熱辣辣🤩 雞肉嫩滑，外皮微脆👍🏼環境：4/5環境整潔，排排坐嘅座位佈局。服務：4.2/5友善親切，殷勤。對食物有疑問，即刻問佢哋都會識得答，對食材了解👍🏼食物：4.1/5拉麵好食，小食有驚喜

本身我係慕名去食蝦拉麵，但係佢話果個係限定，已經冇賣了。咁唔緊要啦，我唯有食而家呢個限定，試吓都好，反正第一次來試這家店。我叫果個就係煙鴨胸闊條麵。都幾特別，我以為意大利先有闊條麵，乜原來拉麵都有。食落又幾好味，夠入味，又有些少煙靭口感。初初以為鴨胸冇驚喜，因為我自己成日網購鴨胸。原來佢果d好食過我網購果d好多，鮮甜d，嫩d。我另加了一客三隻餃，煎得幾好，有肉汁，上面嗰啲少酸蘿蔔蓉幾辟油，使吃落不覺好油。一共155元，好味嘅拉麵大約呢個價，可接受。

銅鑼灣隱蔽小巷拉麵店 繼續四圍搵良心店 見到wolipay 出現左 而我又未試過 鐘意食拉麵既我 呢次就試呢間 點知望住地圖 轉左幾圈都未搵到 因為佢個位真係幾隱蔽 店前比小販牌檔擋住.店內空間唔大 餐枱大小只係僅僅夠食拉麵夏天入到去 店員即刻提供冰水 (wow感動）而且店員主動 同你介紹店內唔同食物見你著白色衫 再主動提供埋圍裙俾你填紙落單 可以自己選擇 咸度 湯濃度 麵硬度等等方便滿足 唔同人個人口味 加分除此之外 仲有大廚推介選擇 （廚師幫你揀）最後叫左 ⭐️黑骨$96 同 ⭐️赤骨$96😋黑骨湯底係豬骨湯 加上炸蒜 黑蒜油 特製香料😋表面有由 墨魚汁黑蒜油特製黑醬 豬肉碎 製成一球‼️注意叉燒雖然好食 🥲但偏薄 同埋冇包糖心蛋‼️除此之外 佢哋有個秘製辣醬 落少少提鮮😋落多多都只係小辣 一啖湯 再加肉碎 一啖麵😋湯底濃郁有層次 好惹味 諗番起會想再食係近年 我最鐘意 而且覺得特別嘅拉麵世一個人表示已經食厭左普通豬骨湯.赤骨同樣惹味 偏甜 味道近似 但加左地獄辣湯搞到我好想試埋佢哋個綠湯.題外話有個小插曲 唔知係我哋填錯 定店員出錯嚟咗兩碗黑骨 但店員超級樂意幫我轉番赤骨店員服務超級

見網上討論區講話呢間銅鑼灣拉麵店嘅蝦湯拉麵好食，諗住一試究竟！😻😻點知特色拉麵得柚子拉麵，冇蝦湯😭一場嚟到都試吓佢嘅拉麵啦！我叫咗赤骨拉麵，湯頭濃而不膩，麵質彈牙爽口，不足之處係八點就賣晒糖心蛋🥹希望下一次食到，拉麵冇糖心蛋好似爭咁啲嘢😌

依間係我收藏起一段時間終於可以去試下～係大坑舊店重開～新址選係銅鑼灣～位置可能話係渣甸坊會易搵d((條街好多一檔檔野賣唔行車個條))🙂下午時間唔算多人好快就有位🥳🥳豚骨+溏心蛋+紫菜一上枱嘅時間望落個湯底好清～但飲落口感覺好濃厚～唔重味精(小編差唔多最尾先飲水)👍湯底用上西班牙豬骨烹調超過10個鐘頭～看似清淡無味～入口係香濃豚骨湯🤤麵條係幼身拉麵～落單填表有得揀軟硬度～小編比較喜歡食有咬口～以廚師亦達到要求👍叉燒厚薄適中～肉味唔濃但幾夾個湯～溏心蛋同紫菜小編覺得有小小貴～溏心蛋處理得唔錯·紫菜大塊到出哂碟😂—————————————————☻非專業食評·純個人口味☻—————————————————📍總結:會回頭再試埋其他骨先👍店員服務態度唔錯～埋單亦想聽下各位食客意見～以小編都推介大家黎試試～個湯底令我感受最大～看似清淡·食落香濃👍👍👍寫緊食評個陣都想食多碗🤭

見到網上有人提及呢間係銅鑼灣嘅拉麵店，二話不說衝去試下。 一入門員工就好熱情咁講解唔同味嘅分別，咁第一次去點都係試左最基本嘅^_^豚骨味濃、黑骨麻油味香。唯一不足嘅係本人比較鍾意粗身拉麵🤪

位於hysan對面的巷仔入面，一路行入去見到間日式裝修的店就係佢🤩，好鐘意呢啲日式裝修，入面吧枱多，因為時間算早所以唔洗排隊就入得。店員服務都幾好，會主動問下需唔需要介紹赤骨 - 因為本人非常鐘意味憎，所以揀左佢，湯底撈埋粒紅肉似辣味憎豬骨湯咁，幾好飲，面質較幼，面的軟硬度我揀左硬，食到中段都冇變淋變軟，控制得幾好黑骨 - 黑蒜油好香，見佢成份有墨魚汁但食唔到墨魚汁味，不過唔會染到啲牙黑色溏心蛋 -筷子篤入去啲蛋汁爆出黎，咸淡啱啱好，非常滿意

香港地舖租貴就係人都知，正正就係因為呢個原因迫使好多有料嘅餐廳因為負擔唔起昂貴鋪租而選擇落户橫街中🥺 今次要介紹嘅餐廳無論服務、質素及性價比都完全達到哂我哋嘅要求😎 我哋講緊邊間餐廳？就係銅鑼灣嘅拉麵凪見主廚 Nelson 個人肥嘟嘟，以為佢係做廚出身喇，近廚得食呀嘛😂 點知傾開計先知佢做體育記者出身，而且仲去過日本學煮拉麵添，份人對拉麵和烹調仲好有熱誠添🔥 仲要極大部份嘅食材因為未到佢要求而選擇自製，例如佢哋自己烹調嘅豚骨湯底，自己手打麵條，甚至乎係阿波尾雞翼嘅黑豉油汁都係自家製造！唔怪得知佢哋嘅湯底好有日本拉麵舖嘅味道🤤驚喜位係佢哋嘅服務真係好好，超細心！例如你叫黑蒜油拉麵， Nelson會問你需唔需要圍巾，唔好比黑蒜油整污糟你件衫。店員詳細介紹每一款產品，亦唔會hard sell，服務好過好多坊間嘅高檔日式餐廳👍🏻豚骨拉麵($91)：湯底有得俾你揀濃厚度、咸度、蒜泥等，今次我哋就揀咗超濃厚、濃和多蒜泥，而麵質我哋揀咗超硬。我哋覺得呢個組合幾好，飲得出湯底嘅鮮甜，同時蒜泥亦唔會搶哂豚骨嘅香！麵質彈牙又掛湯，揀超硬都無出現過未熟透嘅情況！塊叉燒都好正，係薄咗少少喇！辣柚子豚骨拉麵 (

話說👧🏻好鐘意食位於渣甸坊既三才魚蛋粉, 成日經過既時候都見到好多人係隔離間拉麵店到排隊, 👨🏻係拉麵控, 決定試試佢!- 豚骨拉麵 ($91)一定係試湯底先, 湯底好濃郁但係又唔會太鹹同油, 感覺岩岩好! 叉燒方面係用左西班牙豬整既, 肥瘦均勻同嫩滑, 麵條係幼麵, 掛麵效果都唔錯!- 赤骨拉麵 ($96)雖然望落紅當當, 但係其實食落唔會太辣, 睇返介紹, 赤骨既湯底係用豚骨湯做base 加上辣油, 大蒜和唐辛子. 所以除左辣味之外都仲食到豚骨湯既味道. 辣得有層次! - 凪豚餃 ($23)$23 得3隻, 食之前真係覺得有小小貴. 不過👧🏻係餃子控, 絕對唔會放過有得食餃子既機會! 一咬已經feel到同其他拉麵店既有唔同, 涵料非常豐富, 會食到有小小肥肉. 上邊加左D疑似天婦羅汁, 小小酸酸地,好fresh好好味, 對得住個價錢!

喺Hyson行出去向渣甸坊巷仔行入去.. 再行入去..Ramen Nagi就係巷仔既左手邊假日既下午茶時段 都full houseMenu 有原味豚王 黑王(黑蒜油) 赤王(辣) 綠王(芝士x Basil - fusion少少) 仲有限定(辣柚子)普通4款大概$90-100 限定好似大概$110-120我揀左黑王 少食d 朋友揀左赤王 麵條係幼身既 湯底可以揀濃厚程度 硬身度配料大概兩塊薄豬肉 黑木耳 蔥 紫菜糖心蛋另加錢另外試埋煎餃子🥟(1碟有3隻)大致上好有質素既 比香港大多數既拉麵店好食 同有心機服務都唔錯 見到客人未食晒都好緊張問係咪質素有問題Payment多過$200可以收卡 比較方便(好多拉麵店只收現金)去食當日比較熱 食食下會覺得店舖冷氣唔夠凍 一路食一路流汗💦 可以改善下就唔會食到身水身汗😅