探花 (已結業)

Nice yum cha place with modern dim sum available Their shrimp dumpling is in such a generous portionWith one cute little petite dumpling in the middle which is perfect for an igable shootThe shrimp they use is definitely not those frozen small shrimpsBut red big prawns with very strong umami and shrimp creamy flavourRadish puff May not look appealing but actually taste really crispy and moist at the insideRecommend to swallow while it’s still hot

同屋企人一齊食左哩間好似中菜 但又唔係傳統中菜嘅餐廳🙈 無諗過都幾好食🥰紅蝦多士 $78/2件個蝦多士好好食  叫完即做  所以夠脆夠熱🥰  配埋佢個個用蝦頭做嘅汁  特別惹味😋碧綠蟹肉羹金魚餃 $98/3件啲蝦餃整得好精緻  真係好似金魚咁  🤣  但係可惜個皮厚左少少 蝦有少少淡🙈 但整體上唔錯 配埋個蟹肉羹都幾好味松露片鵝肝腐皮卷 $44/2件同傳統嘅春卷唔同  用腐皮包個春捲🤣  咬落都幾脆同無平時食春卷個種油膩感 有松露濃厚嘅香味🤤 個人覺得幾有特色最後想講下佢地嘅服務態度好好 好有禮貌同貼心 會問下啲嘢食o唔ok 唔ok嘅話話可以幫我地加熱番☺️ 雖然價錢上係有少少貴🙈但整體上都係值得嘅

環境同個餐廳名好襯😙😙有花花位可以影相🌸坐係楓樹下既沙發位 打卡一流🌳🐽 鮑魚酥🥢 ($56/2)光澤既鮑魚上有少少金箔✨亦都煮得夠腍😋😋 下面既酥皮好酥脆😎🐽 松露片牛肝菌腐皮卷🍄 ($34/2)外面既腐皮炸得好香脆💥包住松露 牛肝菌 露荀等等口感十足🤩🤩🐽 紅蝦多士🦐 ($78)原隻紅蝦多士紅蝦新鮮🤪🤪配搭埋用蝦同蕃茄煮成既汁🦐🍅🐽 清炒萵荀🔪 ($98)切絲幼細🔪🔪清清地 好爽口😼😼🐽 薑蔥蝦籽撈麵🥣 ($108)份量好多既蝦籽撈麵🤣麵質較腍身🐽 紫雲淮山🏔️ ($78)淮山好爽脆💦以紅肉火龍果汁加工成紅紫色上面加左芝麻醬 好特別😗

探花環境裝修不錯，很適合打卡。一入坐會先選茶，有普洱、鐵觀音和雨前龍井，我們挑了雨前龍井。茶壺上會有茶葉和茶莊的小紙，是英記茶莊的茶葉。話梅車厘茄子 $58車厘茄用話梅汁醃製，一咬落去酸酸甜甜的話梅汁湧出嚟。但又不會太酸，同行朋友比較怕酸都表示下次要再叫，是一道很開胃的前菜。紅蝦多士 $78/2件紅蝦多士有驚喜。不要看他外貌和普通蝦多士沒什麼分別，其實咬落酥脆，食得出入邊一層層但又很厚實。多士的精粹在於伴碟的紅蝦汁。紅蝦汁用了蝦頭蝦膏，蝦味濃郁，好似咬緊個蝦頭，完全是畫龍點睛。豬潤燒賣 $52/2件豬潤燒賣，豬潤大大嚿，很足料。燒賣皮唔會好厚。值得一讚係探花的點心都是兩件起跳，啱晒兩個人去食。松露片牛肝菌腐皮卷 $44/2件腐皮卷會開半上。外面是脆脆鮮竹卷嘅外皮，入邊是滿滿的黑松露、牛肝菌、蘿蔔和冬菇碎，味道很強烈。紅米腸粉 $88/2條外面是用紅米造的腸粉皮，裏面有點像天婦羅炸蝦，不過用米網取代天婦羅炸蝦粉。蝦子琵琶豆腐 $168這碟外脆內軟，琵琶豆腐用了豆腐、冬菇、鯪魚肉、蝦米、蛋漿、蔥花等，外面鋪上了蝦子。碧綠蟹肉羹金魚餃 $98/3件金魚餃皮薄蝦鮮，而且好適合打卡。碧綠蟹肉羹則

同長輩食飯唔想下下去酒樓，所以轉為黎食西式既中菜。紅燒乳鴿，乳鴿用秘製調味料浸足一晚，味道特別，皮脆肉嫩。青森蘋果叉燒酥，青蘋果既賣相可愛，柄係朱古力黎，外皮鬆脆有清香蘋果味，裡面卻係傳統既叉燒餡!蝦籽琵琶豆腐，非常推介，嫩滑到融化係口入面，蝦子份量多亦香。無花果鵝肝咸水角，因為餡料有別一般咸水角，食落係完全唔油膩反而有fresh同水嫩既感覺!!梁溪脆鱔，份量多!非常脆口!西班牙紅蝦炒面，紅蝦大隻啖啖肉，醬汁由蝦頭蝦膏整成咸咸地既汁，配脆口既炒面，非常特別。話梅車厘茄子，清新酸酸甜甜，非常開胃。鹹蛋黃竹炭蘿蔔酥，外皮酥脆，蘿蔔絲清甜，鹹蛋黃碎令個酥好香又惹味！呢度都有得開中式茶，龍井、烏龍、鐵觀音，家人食完都覺得非常唔錯!店員全部都好有禮貌同埋親切，會介紹菜式，同埋添水好快。每道菜都係落足心機亦有創意，非常賞心悅目。地方環境都舒適同埋幾有情調，值得試試。

最近多左好多點心鋪銅鑼灣新開既探花 @ 就係其中一間日與夜都可以食到精緻既點心餐廳菜式特別之處係每道菜唔會用太多款食材有創意得黎取材同調味都健康一洗中菜俾人油膩同唔健康既感覺🍅話梅車厘茄子（青蛙推介🐸）酸甜冰涼又清爽非常開胃又健康黃色既車厘茄去左皮相當貼心🍠紫雲淮山新鮮既爽脆淮山用紅肉火龍果汁加工成紫色相當吸睛加上芝麻醬係好特別既創意料理🍤紅蝦多士採用原隻紅蝦香酥脆緻連醬汁都係用蝦煮成呢個位勁加分🦆麻辣鴨血（青蛙推介🐸）麻辣油好清無論色澤同味道都完完唔濁辣度唔算好強突出鴨血既香味墊底嘅萵筍口感爽脆🐧煙燻素鵝打卡之選煙燻香味十足而且顏色配搭繽紛鮮豔口感味道甚佳🐡碧綠蟹肉羹金魚餃（青蛙推介🐸）金魚仔背脊有金薄矜貴又可愛魚身主要由鮮蝦製成其口感爽脆係食得出既新鮮而菠菜湯就更有驚喜伴隨既蟹肉絲鮮味無比🥕咸蛋黄竹炭蘿蔔絲酥餅咸蛋黃味唔太重蘿蔔絲酥餅外皮酥香入面口感細緻雪白既幼絲蘿蔔同外面成強烈對比夠曬別緻🍍鳳梨櫻花蝦炒飯採用原個鮮鳳梨加上大量櫻花蝦，蛋白等配料相當足料而且炒飯係粉紅色㗎夠曬igable~

近排愛上咗一盅兩件嘅港式點心所以就四圍睇有冇啲特色點心店可以試下，但係食得多總係覺得開始無咩新意。今次嚟到銅鑼灣呢間探花，佢嘅點心同出面嘅點心好唔同，好有特色。 而且最重要係佢嘅裝修同傳統茶樓唔一樣，行簡約現代風，入到去嘅感覺比較似喺西餐廳飲high tea多過食中式點心。話梅車厘茄子，酸酸甜甜嘅話梅汁浸住已去皮嘅車厘茄， 車厘茄充滿著話梅味又juicy又好食， 仲好開胃。蝦腸粉，雖然度度地方食港式點心都會有蝦腸粉，但係佢嘅豉油應該係特製嘅，比普通豉油特別鮮甜，配新鮮嘅蝦十分好食。竹炭雪山叉燒包， 黑漆漆嘅叉燒包覆蓋住酥皮，外脆內軟，而且佢嘅叉燒餡，亦都整得好香。晶瑩蝦餃， 佢嘅蝦又大又新鮮， 蝦餃皮亦都好煙韌， 十分好食。鹹蛋黃竹炭蘿蔔絲酥餅， 同出面嘅蘿蔔酥 一樣，但係佢係用黑炭做嘅酥皮，配上鹹蛋粉，好好食，蘿蔔絲清甜配鹹蛋黃粉， 簡直一流。松露片牛肝菌腐皮卷， 露筍配牛肝菌加上炸到脆脆嘅腐皮， 口感一流。黑虎掌花素餃，作為素餃其實即係什菌餃， 充滿菇味， 口感好好。最欣賞係佢嘅灌湯餃，花蟹肉罐湯餃除咗有蟹肉碎仲有蟲草花， 湯亦十分鮮味。整體上水準十分唔錯。

銅鑼灣鬧市之中，有一家環境清幽，裝修似西餐廳嘅點心專門店，今日有朋友帶我嚟食一個特色優雅嘅點心午餐。茶係用英記茶莊嘅茶包，真正水滾茶靚，普洱茶好純，鐵觀音味道亦相當唔錯，茶葉高質素。作為一間以精緻點心做招牌嘅餐廳，餐牌做得相當精美，淨係見到相已經令人期待。松露腐皮卷腐皮好薄，新鮮炸起香脆，味道唔會太鹹，中間嘅露筍平衡了炸物嘅油膩感。鹹蛋黃竹炭蘿蔔絲酥餅靚酥餅做得鬆軟，入邊嘅蘿蔔絲份量好多，配上鹹蛋黃，味道原來都好夾，加上用心嘅擺盤，真係好欣賞廚師嘅用心。四川牛肝菌福花乾鍋$88微啦味道香濃嘅小窩，份量好多，福花煮得爽口，裏面有豬肉，味道好甜，肉質、味道及口感都係一流，好味。碧綠蟹肉羹金魚餃$88好似藝術品一樣嘅點心，三條可愛嘅小金魚，係碧綠湖水中暢泳，其實係金魚形狀嘅蝦餃，配上採用蟹肉更嘅傑作，味道同賣相都攞滿分，好靚啊！竹炭雪山叉燒包$42兩件我最喜歡嘅鹹甜配搭點三之一，個包做得好好味，裏面嘅叉燒醬汁唔會太多，叉燒肉質亦做得好。 黑松露珍珠雞$38兩件淡淡黑松露嘅香味，配上荷葉嘅清香，令到呢個珍珠雞味道昇華，並非一般食開嘅貨色呢。紅蝦多士$78兩件絕頂好味嘅多士，脆卜卜，配上秘製用蝦

除咗經典嘅粵菜同手工點心，仲用上超高質素嘅材料演繹新派中菜，菜單上不難見到西班牙紅蝦、日本黑豚肉同牛肝菌等矜貴食材 ✨水煮M7和牛肉眼 ( $298 ) 牛味濃郁，雖然嫩滑但絕對唔係用鬆肉粉乸過嘅口感 🌶碗中鋪滿乾辣椒同花椒，辣度頗高但層次十足，配料有坊間較少見嘅花生芽、木耳、萵筍同大量薯粉，舌尖麻痹嘅感覺慢慢堆疊，味道有大廚水準 已經 Encore 咗 👏🏻 粥水浸菜心 ( $98 ) 清甜淡雅，有順德菜嘅影子 🌿 餐廳裝潢古典中帶點少女心，餐具全部都係 Pastel 色系，適合帶屋企人慶祝節日，或者同朋友邊食邊傾偈 🌸食物環境有一定水準，預咗價錢都偏高，不過係值得一試嘅 🌻

今時今日唔少點心師傅發揮💫「創作力量同幻想」將傳統點心注入心思，咁摩登既創意點心位於今年先開業既銅鑼灣，史姐緊係帶呀娘黎嘆返一盅幾件啦🙂- 環境比我睇相既細，裝潢呈休閑現代風，中間仲有大大棵紅葉樹，，門口右邊係大型書架，就咁睇以為要去黎咖啡，但其實我係黎飲茶既⋯- 上菜速度好快，全部點心都係出晒煙熱焫焫，留意返有啲點心原來設定為兩件，由於我地三人，可額外加錢加件數，有此服務幾好。- 職員以年青人為主，勤快爽手亦有禮。- 選用粉嫩粉嫩茶具餐具，同環境又唔多相襯，雙木筷子殘到不行了都未捨得換，湯匙格格不入似食西餐。慶幸呀娘滿意是次午膳💫「無嚇佢一跳」ja🤣最得歡心排行榜：🥇松露片牛肝菌腐皮卷 $44/2pcs（好好食😚我好鍾意）🥈黑虎掌花素餃 $36/3pcs🥉紅蝦多士 $78/2pcs鹹蛋黃竹炭蘿蔔絲酥餅 $48/2pcs青森蘋果叉燒酥 $48/2pcs梁溪脆鱔 $68紫雲淮山 $78黑松露珍珠雞 $36/2pcs（排最尾唔係難食，只不過係普通野唔特別😆）

銅鑼灣見到間靚靚餐廳，個名叫探花！令我好好奇入去，餐廳入面好多花嘅怖置，好有格調！餐牌有點心及多款中菜，價錢中上。叫咗幾款：▶️前菜：話梅車厘茄$58車厘茄剥咗皮，用話梅汁浸左，酸酸甜甜，真係好似食緊話梅咁。做前菜一流！▶️椒鹽黑白豆腐$78黑白色幾特別，炸得好脆口，皮夠薄，豆腐夠滑！▶️梁溪脆鱔$68鱔非常幼身，甜甜地，脆卜卜，做小食好啱！▶️鮑魚酥$68/件賣相好靚！鮑魚好入味又夠林，面上有金箔，酥夠脆！▶️青森蘋果叉燒酥$48/2件整到成個蘋果樣咁，食落酥脆，叉燒餡調味剛好，蘋果唔算重。▶️拔絲咕嚕肉$158醬汁真係拔絲，咕嚕肉夠脆夠林，啖啖肉。有菠蘿🍍配料。▶️乾煸黑毛豬肉鬆芥蘭$98芥蘭爽口，黑毛豬肉鬆辣辣地，幾惹味！

揀餐廳同媽咪食飯，見呢間裝修幾靚同modern，可以坐得舒舒服服飲下茶， 呢度係用英記嘅茶葉已經加分，同埋佢嘅點心外型設計都幾有心思，望落全部都好精緻啱晒打卡!! 咁啱被安排坐喺紅葉樹下，係咁幫媽咪影相，佢好開心!! 食物基本上全部都好滿意，唔係得個樣食落都好味，特別鍾意青森蘋果叉燒酥，外型整到神似Mini版嘅靑森蘋果，蘋果味同叉燒係夾嘅，好食!! 今日食咗唔少蝦嘅菜式，蝦肉全部都新鮮同彈牙，食得出用料係唔錯，對得住個價錢!!-西班牙紅蝦水晶餃-紅米腸粉-長春卷另外叫左兩個素菜為主嘅點心都覺得好食!! -黑虎掌花素餃，素餃皮唔會過厚-松露牛肝菌腐皮卷，食到滿滿嘅松露味道大食嘅我哋最後仲叫咗椒鹽白飯魚同菠蘿櫻花蝦炒飯，個炒飯炒到粒粒分明，櫻花蝦多到滿瀉，加埋酸酸甜甜嘅菠蘿，呢個配搭好好!! 滿足又滿意嘅一餐!!

*探花* 睇佢裝修格局仲以為係西餐廳😆，其實係以中式為主調，配以較西化烹調同擺碟，製造出有創意嘅fusion菜；餐廳裝修好文青，周圍都係打卡位，就連餐牌都用上花朵圖案🌼🌷🌻做底色，感覺好華麗😄。坐底先叫兩壺中式茶，黎到個茶壺係西式，嘩，靚成咁，一黃、一粉紅，襯托埋張粉紅色梳化，少女味盡顯，即刻擺陣影相打卡攞like😆。飲左兩啖茶，連忙上openrice睇下呢間餐廳有咩推介😋。🥢紫雲淮山 - 淮山切成條狀，浸入紅菜頭汁，上碟再淋些少麻醬作調味，紫淮山入口爽爽地，黏黏地，又清甜，又新鮮，係好好嘅開胃前菜😋。🥢西班牙紅蝦水晶餃，一籠有兩食；一款將蝦放上濃濃蝦汁上邊，濃濃蝦汁味道勁似西式龍蝦湯，簡直將所有蝦嘅精華爆製而成，入口蝦鮮直衝喉嚨；一款製成水晶餃；皮薄且煙煙靭靱，口感一流👍🏻，主角紅蝦，爽口彈牙，非常鮮甜。🥢鮑魚酥 - 一啖放晒入口，酥皮好酥脆，鮑魚口感一流，成隻鮑魚都掛滿鮑汁。🥢松露牛肝菌腐皮卷 - 松露獨有香氣同牛肝菌嘅濃烈菇味互相係口腔內撞擊，味道互相交疊；露筍亦成亮點，脆綠青爽。🥢紅米腸粉 - 以紅菜頭汁將腸粉皮上色，顏色已先聲奪人攞滿分💯，入邊餡料，用米紙包住蝦粒再炸，蝦肉仍

呢日放工之後同屋企人去左同銅鑼灣呢間中菜館食dinner，佢走modern中菜既路線，環境非常好。打開餐牌，見到有好多好吸引既中菜。菜點左龍井，好清香。我地點左紅蝦多士，將啲龍蝦醬塗上多士食，又香又脆。另外點左西班牙紅蝦水晶餃，皮薄餡靚。呢個碧綠金魚餃都幾得意，望落去好似隻金魚喺綠色既水入面游水咁。仲有鮑魚酥，鮑魚細細隻，好精緻，上面仲有金箔啊！主食點左古法炒紅蝦新竹米粉，從簡單既菜式睇到師傅既功架！甜品就點左傳統既流沙煎堆仔，煙煙韌韌，好味。

今晚嚟到cwb 食dinner, 有訂位 和食特別餐，呢間餐廳成日行過，梗係無意欲入去食，今晚就試一次，睇吓咩feedback，入到去環境都算幾好，座位寬敞，侍應都招呼得幾好，我地叫左好多菜式，水煮魚係真係幾正，但要食得辣，奶皇流沙飽又係蛋黃係咁流出嚟💯🥂🍾️，咕嚕肉係啲汁黐埋啲肉，呢個係賣點😍😍🥂🍾️，鮑魚汁炒飯個汁最正，無點錯🤪🤪，蝦餃肉好爽好💯，要改善就係四人餐最後楊枝甘露得兩杯，最後經理送多兩杯比我地🤝🤝👍🏻