楽壽司 (已結業)

同女朋友拍拖5周年紀念，梗係要同佢食好啲，所以一早訂定位同佢食佢最愛既日本料理，仲一早諗好晒食咩, 我呢個男友都算唔話得啦卦！女友之前同我提過話好想試喜之次，因為佢睇過雜誌介紹知道喜之次係非常矜貴既頂級魚，屬於魚中貴族，但因為太貴所以無食過，今晚慶祝周年紀念就一於食豪DD啦! 經備長碳40分鐘後，由於極新鮮，食落真仍然肥美，油脂勁豐富，肉質又細嫩， 翅邊仲有D半透明既膠質，備長炭味勁香。和牛炒飯炒得夠乾身爽口，油份唔多唔少，齋聞已經覺得超香，食落更係香口到無朋友，而且和牛份量都幾足，幾乎啖啖都食到。由兩款吞拿魚同海膽炮製而成的Shoku bomb，層層豐富，口感勁rich，入口即融，好難用言語形容果種滋味，淨係知道食完一件又想再食多一件。海膽天婦羅我地兩個都係第一次食，原來咁樣整法又幾過癮喎，仍然食得到海膽既鮮甜味，個炸漿好脆薄，咬落好鬆化，唔油膩，平日只食海膽刺身既女友都話呢種整法有新意。整體而言呢度出品好有質素同誠意，所以話「一分錢一分貨」係無錯既！

年年生日男朋友都會畀surprise我，今年都唔例外，帶咗我嚟呢間日式食府歎Omakase~ 由師傅發辦就最好，乜都唔洗諗，乖乖地坐喺度就會食到最時令嘅日本靚海鮮，呢個安排真係太好，食每道菜都係一個驚喜~以下呢幾樣就令我印象最深刻：→千葉縣‧地金目鯛配黃金三文魚子地金目鯛係千葉縣嘅野生海鮮名物，魚肉特別粉嫩，油脂雪白同分佈均勻。師傅將佢厚切，可以食得出果種滑口同肉質結實嘅口感，味道係魚味濃厚兼帶鮮甜，真係新鮮到好似啱啱上水咁~配埋通透金黃嘅三文魚子，有提鮮作用。→愛媛縣真鯛‧配鯛魚白子真鯛係日本人慶祝節日先會食嘅高級鯛魚，有“魚類之王”美譽，愛媛縣就盛產呢款魚，一年四季都食得到果份美味魚鮮同肉質細嫩~至於鯛魚白子就入口即化，鮮香味好吸引， 透明而且油潤豐腴嘅魚肉真係無得輸。→北海道鳥貝鳥貝個外型好得意，因為形狀似雀仔個頭而得名~佢嘅肉質好厚而細嫩，味道鮮美甘甜，口感爽脆非常獨特，第一次食對佢印象難忘~→深海池魚配烏魚子深海池魚比一般池魚更肥美、更爽滑、更鮮甜，厚切刺身完全可以食到果份清、甜、爽~烏魚子味道好特別，口感柔軟油潤，鹹得恰到好處，食完仲好有餘韻，令人回味無窮。→靜岡縣駿河灣活

呢個月公眾假期多，但無時間去旅行。。。 趁有紅日前夕就約埋個好姊妹去食番間朋友介紹好耐既日本餐廳【樂壽司】，準備享受一下 ~呢度環境好有東瀛氣氛，可以呃到自己係置身日本~ 坐低之後望下左望下右，睇下隔離枱食緊d咩好野，見到d菜式賣相都幾精緻，即刻心心眼，對呢餐「omakase」十分期待~首先黎既係係日本富山縣白梅貝，師傅見我地兩個對呢道菜好好奇，就主動介紹話白梅貝係春天至初夏季盛產，所以而家好當造。佢地用清蒸方式去處理，好處就係可以保留到鮮甜味，上菜前好有心思咁薄薄地塗一層刺身醬油，就好提鮮架喇~嘩，真係好fresh呀！第一件壽司既係鰆魚，原來春天既鰆魚，因為需要儲存蛋白質準備產卵，所以肉質特別甘甜肥美，睇得出師傅真係好有心專揀時令食材。輕燒過鰆魚既皮後，再係魚肉上放少少洋蔥絲同醬油，最能帶出果份鮮味，oishii~繼續出場既係日本長崎產針魚~呢個可以話係對鮮度要求極高既人既必食之選，本身魚肉夠晒新鮮，根本唔需要任何加工，直接做成刺身就最適合，食落肉質結實，味道清淡自然~第一件重頭戲壽司係薄切中吞拿魚腩，薄切後更帶出吞拿魚油脂香味，夾埋少少芥末漬食就可以完全食到果種鮮味~朋友係海膽狂迷

香港人真係有口福. 城中大大細細嘅日本料理店冇幾萬都有幾千.食完放題食居酒屋,食完壽司食串燒,食完懷石食廚師發辦...總有一樣適合你...生日咁重要嘅日子,一定要揀S嘅摯愛! search 到樂壽司有lunch omakase 當然要一探究竟店鋪位子雖然唔係銅鑼灣大街,但都幾易揾. 門口裝修好有日式風味,舒服大方人少可以入座吧檯位,聽師傅介紹每道菜, 順便睇下手勢 lunch menu好簡單 一早已有心水,所以一入座就order咗$980/head 嘅omakase. waitress細心詢問咗個人喜好.海膽豆腐+螺肉: 煮過的螺肉好彈牙, 無嗮任何調料, 食物新鮮已經係最好嘅味道; 海膽鮮甜同加入日本豉油嘅豆腐搭配的啱啱好 味蕾瞬間被打開 魚子toro蓉海膽+ X魚tataki:   怕流可以用紫菜包來食,但S覺得紫菜味太濃,都係齋食好d; 師傅真係有認真介紹,但明顯S無認真聽書.某種魚類既tataki 佐以特調醬汁同炸洋蔥,有dd咸,但好香口. 覺得味道太濃可以用楊梅清下口.和牛牛腩: 牛腩好嫩,每一口都感覺到濃濃嘅油脂味,好正!  冰菜蘋果蒟蒻xx根(XX根係一種植物嘅根部):

樂壽司位於與餐飲體驗絕不相配的大樓樓上。位於名字古怪的大腳板中心五樓，對於第一、兩次來的客人可能有點混亂；面對著三道空白的石板門，沒有任何端倪究竟哪一道門才是入口。極簡主義的設計絕對與樓下大堂誇張的燈光和長長的交通形成對比，但我們的確希望這種設計美學夠能延伸至室內.廚師為我們預備了大閘蟹三重奏──蟹肉豆腐、蟹腳及蟹肉沙津。大閘蟹保留出色的味道，特別是製成一小磚的凍豆腐後，但我們二人只是感恩地分享了一份。緊隨著浪接浪的味道沖擊，今次另一道清潔味蕾的菜式是紅蕃茄，是其中一道我們嚐過味道最豐富的蕃茄。

又來了楽壽司，每次吃完，都會非常滿足。今次偉師傅整了以下的壽司給我們吃。前菜豆腐沙律，這個不錯。左口魚，新鮮。深海池魚，好吃。赤貝，師傅拍了赤貝一下才給我們吃，果然拍了真的好味啲。甜蝦配燒蝦頭膏，師傅說今期甜蝦好靚，果然非常肥美，配了燒了的蝦頭膏，真的好美味喔！野生鰤魚，好吃的，但沒有太大印象。燒養鯖魚，這個也好吃。紫菜拖羅，另一美味的壽司。燒左囗魚邊，這個必吃。海膽呑拿魚腩三文魚子飯，本來個飯沒有海膽，我們略過海膽壽司，把海膽放在這個刺身飯。這裡的三文魚子很好吃，唔腥，讚!蒸蛋，份量適中，讚！麵豉湯，有蜆肉同魚肉，這個湯的魚肉比較腥，不放還好。藍莓雪糕，比較特別，不過奶味偏重，藍莓味不夠特出。又吃了滿足的一餐。

原本諗住book另一間Omakase,點知冇位，甘就上Openrice睇下我收藏左邊間就去試試喇，因為我收藏的都係我想去試，又或者係食過好味的！望落好似幾大甘，但食Omakase 梗係坐壽司bar啦，點知非常窄，坐得吾舒服炸芋片好好味👍🏻不過冇得添食 廣島蠔👍🏻肥，鮮👍🏻最愛最愛拖羅👍🏻👍🏻👍🏻肥肥雪魚條送酒一流👍🏻👍🏻我頭先介紹左好味嗰d，而家lee d都係一般般除左個馬糞海膽壽司係好味之外，其它亦都係麻麻地我覺得日本文化就係將食物變成藝術品，但lee度d生果同甜品放埋一齊，又擺到甘核突，影響食慾啦！我一向食Omakase 後面都會有一個侍應招呼全張枱的食客，可能情人節多人吧，原全冇人加茶🍵倒酒，同埋係香港師傅主理的，仲要經常行去㕑房拎食材，上菜亦比較慢，其實整體真係吾OK ，收費差不多1900一位，但食物同服務就吾太值！

好想好想食壽司，今日揀了銅鑼灣新興食廈《Zing!》入面的「楽壽司」。大廈地下電梯大堂有一個非常亮麗耀眼的大型水牌，全幢大廈都是時尚餐飲、酒吧、美容等等消費項目的商店集中地。電梯門一打開，就見到一個分隔用餐區與電梯大堂的屏風，拐過這個屏風就是一個安裝在地上的石山盆景，充滿和式風情。再仔細看看這個石山盆景，原來有一間和式小屋模型，掛有一幅橫扁《楽寿司》，旁邊有一隻招財貓。雖然並沒有擺明車馬，但一旦注意到這種佈局，心中馬上響起一句諺語：「司馬昭之心，路人皆見」。繞過這個盆景就是餐廳用餐區了。採用左右兩邊平衡對稱的室內設計，帶有一點 Art Deco 風格，再加上一條甬道、金黃的裝修主色、水晶吊燈，絕對是一間高級餐廳的裝修格局；只不過因為餐廳面積所限，全部變成迷你版。為了善用空間，短短的甬道兩旁設有卡座，末端是一個壽司吧。筆者不是大富人家，在香港甚少會捨得豪花金錢去正宗日本料理食晚飯或者 omakase，始終動輒要千幾二千大洋一位，一旦水準平平無奇就會花費不值。所以一定會先幫襯餐廳的午市套餐，測試一下水準如何，今次也沒有例外。寿司盛り合わせ（$388）只有九件壽司。近三、四年，即使撇除了最頂

結婚紀念日，加上近日工作異常忙碌，便決定來這裏吃一頓好的。只是在網上搜尋好食店，結果幸好沒有選錯。以高檔次的壽司店來說，這一家的價錢在預料之內，吃下去也物有所值，而更重要的是看得出選材和烹製的心思。吃完了十分滿足。以下是餐廰提供的三款 omakase 的中價位那一款。其實三款的價錢不是相差很遠 (約 $300)，但高價位的當晚主打好像是柑，我的敏感牙齒怕受不了，所以叫一個中價位的 "Sho"，輔以日本清酒。環境整體很舒適。服務態度也很好。呀！預約時宜選吧枱，師傅很用心介紹每一道菜和怎樣吃。以下是這個餐的大部分菜，還有兩三道沒有列出而已。

為慶祝成功拿到一單品牌的代理權生意 , 決定和我一起出生入死的partner (即我太座) 一起吃 omakase 慶祝 ~ 餐廳的門面裝修實在是極具心思 , 也帶有幾分禪意 ~ 餐廳的樓底超高 , 氣氛平和恬靜 , 燈光璀璨 ,雖則未達瑰麗堂皇的奢華境界 , 但也算是把餐廳打造成都市的深度藝術品了 ~ Menu ~ 我們點了 omakase 的 " 賞 SHO " $ 1550/位前菜。三款 ( 汁燒白子、富山灣白蝦、醬漬鮟鱇魚肝 ) 汁燒白子 : 口感滑溜柔軟 , 其味香甜清幽 , 其製法是以醬油浸漬 , 再經火炙及撒上柚子皮 ~ 富山灣白蝦 : 蝦肉富彈性及膠質感 , 入口淡然優雅 , 卻非常鮮甜細緻 , 鮮味留在口中久久不散 ~ 醬漬鮟鱇魚肝 : 魚肝味道既濃厚又不腥口 , 質感軟綿細滑 , 咬落無渣 , 越吃越滋味 ~刺身 (剝皮魚、山桃、秋刀魚刺身) 剝皮魚 : 以黃金色的小碗內盛著的 , 感覺豪華 , 製法是把剝皮魚肉切碎 , 再取其肝臟與魚肉混合 , 味道甘香豐盈 , 好吃得難以形容 ~山桃 : 以玻璃小杯盛著的 , 用來清清味蕾 ~ 秋刀魚刺身 : 肉質柔軟

Trying an exclusive menu via a booking platform. Super value at 1450 for what you would die for toro, uni and wagyu. Take a look at the humungous piece of toro and the uni dishes, you'd drool over.Fish, fresh.The menu, satisfyingly comprehensive. Hardly able to finish everything.The only complaint is the dessert, a shame that it gets slacked off at the end.

由 開始 至 結束 由 走出升降機 至 重返升降機 那數小時的光陰， 到現在這刻也未能忘懷。踏出 升降機 後身處如迷宮的入口，究竟那一道才是正門 ?懵懵懂懂的把大門找到了，門一開 ... 嘩，金碧輝煌喔 !被領到壽司吧檯前坐，看著師傅們用心工作的樣子，兼且放置在前方冷櫃內的海鮮們，我期待著晚餐的開始。 廣受食客歡迎的 廚師發辦 (omakase) 菜單，足以令食客每次光臨也可以吃到新意。 前菜。三款 越來越多人懂得欣賞〈 白子 〉，這款〖 汁燒白子 〗就是把魚的精巢放進醬油處浸漬，上檯前更輕輕的火炙及撒上柚子皮，一口吃下讓白子的濃稠液態封在嘴裏，隨即嚐出醬油的甜及柚子的清香，說實在白子並沒有濃郁的「 腥 」味道，若然你在想像那回事 ! 〖 醬漬鮟鱇魚肝 〗被弄暖了，它的口感與味道可以更為軟滑，淡淡的魚肝味道，不油膩也不腥口，越嗒越有餘韻。 晶瑩剔透的〖 富山灣白蝦 〗，不論是逐隻吃還是一堆的放進口裏吃，它的天然鮮蝦甜味及含膠黏口的本質，都是非常的有魅力。 再來便是刺身的開始，兩款都是秋季最肥美的刺身，相對都屬於重味道因此要靠置在中央，由玻璃小杯盛著的＜ 山桃 ＞洗擦味蕾後再出發 ( ＜

好耐都冇寫食皮，唔係冇野食，係好鬼忙，放工後都係返屋企深歸😪講返正題，10月時要清年假，所以有時間去同BB出去食野，今日就去左銅鑼灣食omakase，品嘗有藝術氣質的晚餐，今晚係我嘗過最正嘅一餐日式舖😜唔講咁多，介紹下今晚我地食乜先~😍今次圖多，size又大，最適合數據量仲有剩嘅人閱讀🌚，所有圖都係由上至下，左至由整齊排列好。▽▽▽▽▽▽▽▽前菜▽▽▽▽▽▽▽▽鮟康魚肝，質感細膩，略帶甘香油脂，十分嫩滑。白蝦，好好咬口，但唔韌，味到鮮美爽口。白子，即係鱈魚嘅精子，可能加上了墨魚汁，較想像中冇咁腥，但口感好脆脆的。剩係前菜都已經打開了我的胃口了▽▽▽▽▽▽▽▽秋刀魚▽▽▽▽▽▽▽▽秋刀魚的滋味，很想了解?🎤唔駛問周姐卵嘅，問我啦，口感豐富，鮮味十足。▽▽▽▽▽▽▽▽香箱蟹▽▽▽▽▽▽▽▽靚一靚咁嘅，把蟹肉，蟹膏，蟹子整齊地放喺蟹殼入面，就咁睇個賣相已經可以令你胃口大開，先試蟹膏，甘香味濃，加上蟹肉和蟹子一齊食，就係食蟹的上等滋味，點上一些蟹醋，食得出香箱蟹的原味所在👍👍👍▽▽▽▽▽吞拿魚刺身配仙人掌葉▽▽▽▽▽用大塊紫菜包住紫蘇葉咁大舊吞拿魚，我個口唔夠大入，所以都要細味品嘗，吞拿魚油香