海言どんぶり専門店

營業中

休息中

今次嚟到中環，同朋友煙花之前食咗兩款魚生飯，都係高質之選，用料新鮮，我同朋友都好滿意！套餐仲送茶碗蒸同埋湯！🟡海言廚師發辦魚生飯（特上）呢個發辦魚生飯可以話係一次味覺嘅享受，無論係魚生食材嘅新鮮度、切割手法，都唔錯！用料包括有池魚、依佐目、炙帆立貝、炙燒梭子魚、拖羅、同埋海膽。特別係炙燒過嘅帆立貝，帶有輕微嘅炭香，口感更加豐富。拖羅肥美而唔油膩，入口即化。海膽亦係其中一大亮點，鮮甜濃郁，一點都唔腥！🟢江戶前散壽司（特上）.醋飯酸甜適中，米粒分明，軟硬適中。飯同醋嘅比例非常講究，唔會過酸，亦唔會太甜，完美襯托出魚生本身嘅鮮味。壽司飯配上多款魚生，包括拖羅、帆立貝同其他新鮮海鮮。炙燒帆立貝特別值得一讚，表面輕輕燒過之後，口感豐富。拖羅嘅部分亦係軟滑細膩，好味道！

位於中環最好的日本餐廳之一，提供美味的套餐定食，絕對是中心地區的一顆隱藏「寶石」。食材鮮， 用心制作。 座置有限， 並且食材高度要求， walk-in 幾乎不不能。已經第三次品嚐， 值得推薦！

今日同朋友嚟咗中環威靈頓街嘅「海言どんぶり専門店」，真係超級滿足呀！😋 呢間餐廳雖然位於地庫，但係環境舒適乾淨，充滿日式簡約風格，坐喺吧枱仲可以欣賞師傅嘅精湛刀工添！🤩睇OpenRice啲食評，個個都大讚佢哋嘅魚生丼飯新鮮高質，果然名不虛傳！我哋叫咗兩個招牌菜：海言廚師發辦魚生飯 (特上) $430嘩！一上枱真係嘩咗一聲！😍 十幾款唔同嘅時令刺身，件件都油潤光澤，鋪滿成個飯面，好似一件藝術品咁！師傅仲好細心咁逐一介紹每款魚生，建議食嘅次序，真係好貼心！🥰 我最鍾意海膽，入口即溶，鮮甜creamy，真係人間美味！吞拿魚腩、油甘魚、鯛魚等等，全部都好新鮮，口感一流！👍🏻 醋飯份量啱啱好，酸酸甜甜，同魚生簡直係絕配！💯江戶前散壽司 (特上) $370呢個散壽司都非常出色！🍱 傳統嘅江戶前壽司，用咗醬油、醋等等醃製過嘅魚生，味道更加濃郁！除咗新鮮刺身之外，仲有腐皮、玉子、漬物等等，配搭豐富！加上特製嘅醋飯，口感層次豐富，令人一啖接一啖！🤤套餐仲包埋沙律🥗、茶碗蒸🍮同麵豉湯🥣，沙律菜新鮮爽脆，茶碗蒸滑溜可口，麵豉湯味道香濃，為呢餐畫上完美句號！💖總括嚟講，「海言どんぶり専門店」真係一間高質嘅

今日去食omakase魚生飯，真係好開心！環境好用左木系，睇落好舒服好日式。今日試咗兩個set，分別係海言廚師發板魚生丼同江湖前散壽司。首先上既係餐前開胃菜：係好精緻既沙律同茶碗蒸，蒸蛋好嫩滑，底下原來仲加左好多配料跟住就係主角黎啦！海言廚師發板魚生飯嘅外觀已經令我食指大動。色彩繽紛嘅魚生鋪滿喺熱乎乎嘅飯上，每一片魚肉都係厚切仲有新鮮海膽同飛魚籽，口感滑溜鮮甜。最令人印象深刻係個拖羅，勁厚油脂，咬落去勁震撼成個飯配上wasabi同少少醬油，整體味道更加豐富，真係令人一口接一口至於江湖前散壽司，呢道菜就更加特別。同一般魚生飯唔同既係，佢既飯真係壽司飯，有啲微微嘅醋酸味，唔單止味道好，擺盤都好靚，完美無瑕，真係令人驚喜。每一口都令人陶醉，感覺到日本料理嘅精髓。食飽飯最後仲附上湯品，完美作結！今日嘅omakase體驗絕對超出預期！無論係魚生丼定係壽司飯，都充滿驚喜，真係值得再嚟一次！如果你鍾意新鮮嘅海鮮，一定唔好錯過！

在這家餐廳的精緻海鮮丼讓我驚艷不已。這道料理的色彩繽紛，配料新鮮，散發著海洋的清香。魚片的質地柔嫩，每一口都能感受到海鮮的鮮甜，特別是鮭魚和鰤魚，令人難以忘懷。除了海鮮，底部的米飯也同樣出色，米粒粒分明，搭配著微微的醋味，讓整體口感更加豐富。裡面還有一些小菜，如黃瓜和魚卵，增加了不同的口感和風味。這道料理不僅讓人食指大動，更是一場視覺與味覺的盛宴。總體來說，這道海鮮丼不僅味道極佳，更是對食材的新鮮度與搭配的完美詮釋，讓我期待下次再來品嚐！

上年一人遊東京，吃過很多地道美味小店，而最近在中環就找到這家吃魚生飯的小店，還原日本味道！首先一道小小的樓梯往地牢行已經很有feel，東京很多這樣的小店，感覺瞬間時空轉移！沙律 茶碗蒸每個魚生飯都會附沙律、茶碗蒸及麵豉湯，首先沙律已經令我很讚嘆，我太喜歡這個沙律了，沙律菜很多款式，新鮮冰涼爽脆，充滿水份，還有車厘茄、南瓜、椰菜等，醬汁味道酸甜，真是大愛。茶碗蒸熱辣辣又超滑溜，有蟹柳、銀杏等，味道清香。海言廚師發辦魚生飯(特上)$430店家最signature的一個魚生飯，由廚師發辦選擇時令的海材作為材料，這晚的魚包括:鯖魚、秋刀魚、池魚、希靈魚、平政魚、吞拿魚、拖羅、三文魚子、火炙帶子、火炙右口魚邊、鮫魚、日本魷魚、海膽、蝦，十幾款之多最適合心多多的我，魚生都是omakase級數，魚肉都是柔軟而很有魚香，吃得出來的新鮮，最驚喜有我喜歡的秋刀魚，開始肥美了，三文魚子及海膽更是鮮甜孖寶，拖羅充滿油花，右口魚邊火炙過更突出魚香，及入口即融，真是令人十分滿足的魚生飯。江戶前散壽司(特上)$370有不少材料都和海言廚師發辦魚生飯很相似，不同的是它用上醋飯及加入紫菜絲調味，我更喜歡這個飯，另外，甜

星期六日中環都唔會好多人返工，喺中上環行非常舒服，晚飯時間突然想食日本野，經過見到海言，一間喺地庫隱蔽嘅小店，睇套餐牌好似唔錯，於是入去試吓。店員推介咗海言廚師發辦特上刺身飯和特上江戶前散壽司，我哋就叫咗每人一個試吓。兩款海鮮丼米飯底都唔同，刺身飯用上醋米飯而江户前散壽司，就更加配上少量紫菜，日本生薑，芝麻嘅飯底，突顯到餐廳對於米飯都非常用心，套餐仲會附上沙律茶碗蒸及櫻花蝦麵豉湯。廚師發辦刺身飯嘅刺身係用上時令食材，包括抽刀，鰤魚，新鮮希靈魚，金目鯛等等，質素非常高，比起其他動不動都過千元嘅廚師發辦更加高質。江户前散壽司就會用上傳統魚類食材，仲會有香港人俗稱嘅紅衫魚日本稱之為金線鯛，腐皮玉子燒等等。兩款刺身飯各有特色，呢個價錢食到咁高質嘅海鮮丼飯真係冇得輸，餐廳如果將佢轉為傳統廚師發辦，收費再貴幾級絕對冇問題，非常推薦。

出咗糧就係要闊佬啲，所以就帶另一半去食廚師發辦－嘅海鮮丼飯。個位置其實唔難搵，但係冇諗過內有乾坤，仲要行樓梯先落到去。舖頭唔係話好大，但係俾人感覺都係好舒服、好愜意。而店員嘅招待都令到我覺得好似自己置身喺日本咁樣，而且舖頭超級細心，會問定你有啲咩係會敏感或者唔食嘅，食完覺得係一餐超滿意嘅晚餐。‣ 海言廚師發辦魚生飯（特上） $430‼️超級推薦‼️雖然好誇張，但係真係會覺得自己好似喺一個魚生飯入邊食到春夏秋冬。一開始就食咗海膽同埋三文魚子先，因為啲熱辣辣嘅飯會影響佢嘅口感同埋味道，而順序落去就係食當造嘅秋刀魚、伊佐木同埋鯛魚，最後先食炙燒嘅魚生。雖然當造嘅魚食落去已經會令人覺得好舒服，但係食到最後覺得炙燒嘅都令到我覺得好震撼，係相當之有心機去處理，特別係左口魚，啲魚油真係迫晒出嚟。‣ 江戶前散壽司（特上） $370第一樣嘢一定要大讚係餐廳用唔同嘅調味去處理兩個丼飯，而江戶前就係用芝麻同薑蓉去營造返個便當感，食落口嘅時候就覺得滿滿嘅芝麻味。而兩個飯都一樣有拖羅，真係入口即溶，鍾意食拖羅嘅朋友一定唔可以錯過，超級肥美又新鮮。即使係平時都會食到嘅帶子同魷魚，炙燒完之後真係令人耳目一新。沙律前菜超

海言どんぶり専門店，一間主打鮨店おまかせ新鮮魚生丼飯的專門店。早於2022年，人氣店名已卷席おまかせ關注組，曾聽聞因booking爆滿而基本上只採用予約制，而J是日放工即興walkin到店的。是晚所見，均有予約制及walkin客，約7:30pm後小店開始全場滿座。除了刺身丼，餐牌上亦有提供熟食丼。例如： A4和牛燒肉飯、北海道帶廣豬肉飯店員們服務態度好又會主動頻密加茶，相比起部分高級鮨店會多一份勤快貼地感。🍱 定食包括： 沙律、茶碗蒸、麵豉湯沙律有南瓜、車厘茄、椰菜花、沙律菜、紫椰菜、粟米、苜蓿芽、藜麥，果醋拌有少許黑松露醬 茶碗蒸火喉控制得十分好！ 口感比豆腐花更加嫩滑，絕對是J食過最滑溜、最入口即溶的茶碗蒸麵豉湯是日供應：櫻花蝦昆布清湯🍱 海言廚師發辦魚生飯(特上) $430招牌おまかせ定食是日有海膽、三文魚籽、希靈魚、秋刀魚、沙甸魚、梭子魚、獅魚、池魚、醬油漬赤蝦、左口魚、燒帆立貝、魷魚、少許鮟鱇魚乾醬等等，配醋飯🍱 江戶前散壽司(特上) $370招牌江戸前定食走傳統風格，以方形漆盒裝著有海膽、三文魚籽、燒帆立貝、魷魚、鯛魚、腐皮、玉子、牛蒡醬油漬等等，配預先拌有芝麻、紫菜、薑蓉

二訪「海言どんぶり専門店」🩵令我再次回訪嘅魚生飯，今晚同朋友仔再相約食晚飯，上次黎已經被海言omakase魚生飯深深吸引，今次一樣都係order咗店家嘅兩款招牌，店員會先送上沙律同茶碗蒸，沙律菜配上椰菜絲、粟米、西蘭花、蕃茄仔、紅蘿蔔，色彩豐富口感清爽，蒸蛋嫩滑蛋上味濃，加入日式魚片、蟹柳、白果、枝豆等食材令口感更加豐富😋海言廚師發辦魚生飯（特上）師傅會用上時令的魚類去製作，有秋刀魚、鰤魚、希靈魚、白玫貝、甜蝦、大拖羅、醋鯖魚紫菜卷、三文魚籽、海膽等十多款魚生，每一款都各具特色，所謂不時不食，務求令食客食到最新鮮當造嘅食材，令每一部份嘅魚肉都能夠發揮得淋漓盡致，配上醋飯更為完美👍🏻江户前散壽司（特上）有別於前者，江户前散壽司就會用上傳統魚類去製作，另外會加有玉子同腐皮，而底下嘅醋飯則加入漬物芝麻作調味，更為美味😋店家亦可以免費添飯，我將海膽同三文魚籽製作成另一碗鮮甜嘅海膽丼，又別有一番風味🎏最後店員會送上櫻花蝦麵豉湯暖暖胃，完美而滿足嘅晚餐🩵📍海言どんぶり専門店 (中環)中環威靈頓街55號地庫人均消費：$400食物：⭐️⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️

海言廚師發辦魚生飯(特上) $430 💯餐廳招牌之一，由多達15,6款嘅食材堆砌而成嘅一碗丼飯，不只擺放整齊，甚至乎係精美到賞心悅目，唔捨得食🥹有肥美嘅拖羅、炙燒黑鯥、銀鱈魚、鰈魚邊；有秋季限定嘅秋刀、鯖魚棒；港人最愛嘅海膽同三文魚籽等，仲有各種各樣平時omakase先會食到嘅貴價魚種。江戶前散壽司(特上) $370 🤤每個set其實都跟咗沙律、茶碗蒸以及麵鼓湯，而江户前散壽司魚生上其實都大同小異，約有12款魚料，惟一比較唔同嘅係會用上醋飯腐皮蛋紫菜芝麻等令到飯底比較豐富原條秋刀魚啱seasonal嘅秋刀實在太新鮮肥美太好食，所以都encore咗條刺身嚟食，唔需要過多薑蔥調味，亦唔需要什麼酸汁鼓油，完全冇腥味質素唔會令人失望🥰

業至今一直都係人氣預約困難店🔥 次次都要早一個月book 今次係第四次到訪海言 超滿足🥰 食材處理新鮮 師傅非常專業🧑‍🍳 ⭐️ 由師傅挑選當日最時令既食材🥰🎣 所以每次到訪都可能食到唔同既新鮮食材😍 店員仲會用心為你逐一介紹每款食材🧑‍🍳⭐️ 見到師傅將食材處理得非常仔細 仔細嘅刀工 配合適當調味或者火炙 （螢光魷魚特別有驚喜 唔單止完全唔腥 仲有炙燒嘅香味🔥）⭐️ 壽司飯都係非常之重要嘅一環！壽司飯好唔好食會直接影響丼飯口感 呢度嘅壽司飯粒粒分離 口感煙靭 睇得出有認真花心機處理⭐️ 值得一提店員服務態度一流 超nice既店員好用心照顧每一位食客🥰食完已經期待下次再嚟😚

上網睇呢間Omakase性價比都幾高, 人址500內都食到高質廚師發辦, 一於同朋友入黎試下!海言廚師發辦魚生飯（特上）一開始先上沙律&茶碗蒸沙律菜新鮮, 酸酸地, 作為前菜一流!茶碗蒸蛋白好柔軟順滑, 水同蛋的比例拿捏得剛剛好!終於黎到今日的重頭戲, 魚生飯！經理講明主打時令季節, 有鯖魚、希靈魚、海膽、金目鯛、赤蝦等高質新鮮食材師傅講明先吃海膽, 因為好快溶, 有別於其他omakase餐廳將海膽放在最後建議先把刺物吃完, 再吃半熟食而個人點評, 拖羅&赤蝦最為出色!拖羅超級肥美, 入口即溶, 整個口腔都充滿油脂香!江戶前散壽司（特上） 刺身大致同廚師發辦魚生飯差不多都係主打傳統路線本身用左醋飯, 再放左漬物係入面, 令飯的口感更為特別!腐皮反而令我大開眼界, 因為咬落去甜甜地好juicy!而店員講明可以免費添飯, 由於本身飯的份量唔係多, 作為飯桶的我, 最適合不過！！櫻花蝦清湯到最後以湯作為結尾, 飲落去好清甜, 完全無任何味精暖暖地好順滑, 為呢餐飯畫上完美句號!

.中環· 超高質日本時令Omakase丼.海言どんぶり専門店📍中環威靈頓街55號地庫.➰中區一向是中西匯聚的美食天堂，今日恰巧放假，與朋友一聚共享美食，今日到訪的這間餐廳位於地庫，前身是一間筆者非常喜歡的日式炸豬扒店，現如今已轉變刺身丼飯餐廳，餐廳名氣亦非常不錯，網上預約亦長期滿座，有興趣的朋友緊記預先訂座。.餐廳以木系為主調，柔和燈光配合居酒屋的裝潢予人感覺非常舒適，半放開式的吧枱設計亦可以欣賞師傅即席處理食材的功架，亦有座位可與朋友促膝長談。.❀海言廚師發辦魚生飯（特上）💲430 ⭐️4.3/5⭐️當然要一試以餐廳命名的招牌特上廚師發辦魚生飯，落單後師傅即席製作，每款丼飯亦配有沙律﹑茶碗蒸及味噌湯，丼飯以當季日本時令刺身食材作賣點，上菜後店員有逐一介紹不同刺身種類，最搶眼的莫過於日本海膽﹑三文魚子﹑三款拖羅等。丼飯配料包羅萬有，刺身食材亦各自有經過灸燒﹑𠝹花﹑醃漬等一一處理，務求發揮出食材最出色的滋味。.❀江戶前散壽司 (特上) 💲370 ⭐️4.3/5⭐️同樣有各色各樣的時令刺身，以長方形盒狀盛載，還原江戶前散壽司的美感，飯底更以芝麻，醋漬處理，更為可口，每啖飯配合新鮮刺身的美味，體會到

香港其實都有好多地方食日本丼飯，但係要講用心製作嘅話就唔太容易搵到，有時大家都着重大件抵食，忽略咗個魚生本身嘅質素。呢間小店門口細細，如果喺威靈頓街入嘅話要向下落兩層，舖頭細細，但係非常整潔企理。我哋點咗一個廚師發辦魚生飯同埋一個江戶前散壽司，兩個都係特上，想試吓啲高級魚生。因為係定食嘅關係，首先會上一個沙律同埋茶碗蒸，沙律比我想像之中精美好多，裏面有南瓜、粟米、西蘭花同埋其他蔬菜，七彩顏色，加一個酸甜醋汁，超級開胃。蒸蛋就正常發揮。食完之後記得要有啲耐性，因為全部都係師傅即刻整，唔好諗住自己嚟食快餐。兩個飯攞上嚟嘅時候都幾驚艷嘅，因為真係用料豐富，店員細心講解江戶前其實係一啲比較傳統嘅魚生，廚師發辦嗰個就會比較時令，仲提醒我哋要順時針咁樣食啲魚生，幾有趣。刺身質素非常高，全部都好新鮮，我最喜歡大拖羅、海膽、同埋燒帶子。其實佢啲配菜都好好食，例如係甜豆腐皮同埋燒玉子，牛蒡漬物都好入味。重點要講江戶前嘅飯唔係普通壽司醋飯，而係混合咗昆布有調味嘅壽司飯，基本上你食晒成碗都唔需要加一滴豉油，亦唔會搶走個魚味。如果唔想食咁貴，唔一定叫特上嘅，我見到其他客人食嘅款式都好精美，以佢呢個價錢食到呢個