瀧

營業中

休息中

老婆這一年迷上了omakase，常常到處嚐鮮。這次，她煞有其事地帶我到中環的瀧。我以為是陪她品嚐壽司刺身的一夜，充滿驚喜。原來她知道我對壽司刺身的興趣不大，特意帶我來這主打熟食的高級日本料理店，一嚐其廚師發板。舒適的環境坐下，看到眼前一個大炸鍋，就知道這個晚上能吃到美味的天婦羅。果然，餐廳主打天婦羅，每個廚師發板套餐都有天婦羅的環節。邊品嚐冰涼美味的水雲，邊看着大師傅準備食材，實在是一種享受。食店高級，自然對食材甚至食物的賣相有所要求。四種前菜，用上四種不同的方式演繹。烏魚子和蘿蔔切粒；白果成串；腐皮用小器皿盛載；鴨胸以芥末籽點綴。中間來一碗熱湯，帶微酸的梅子很開胃。這兒的店員都很貼心，上前來一一詢問食客的飲食喜好。他們特意安排了關東煮以取代刺身。關東煮的雞湯高湯味道很濃厚， 十分暖胃。四款食材當中牛筋令我印象最難忘，牛肉味很濃厚，有點像清湯腩。來到我最期待的天婦羅環節，打頭陣的是各種配料。很佩服他們用上三款不同的配料以點綴天賦。而蘿蔔蓉亦混和了兩種不同口感味道的蘿蔔。除了海膽汁不是我杯茶外，大蝦、目光魚和大蜆都很出色。新鮮即製的天婦羅就是香脆得來沒有油膩感的。清湯煮小蘿蔔，正好能為我

廚師發板日本料理，總令人想起各鮨店的刺身、壽司。然而，朋友約我去食特色廚師發板料理慶聖誕，原來係以熟食為主的Omakase。店名為「瀧」，非常有霸氣。大廚以做天婦羅起家，比較罕有。而店內以黑、白、藍色做主調，神秘又有風格。一坐低就令人感到好期待。店員非常親切有禮，服務好貼心。經詳細介紹後，我揀左「瀧」套餐。先來開胃菜，係我好鍾意的水雲醋。賣相是驚人的靚，內有生紫菜、水雲醋，仲有鮮水母。口感冰凍清新，少少酸令到我更開胃。頭盤擺碟好精緻，有四款食材。蘿蔔 脆爽清甜而明太子味道濃厚，配埋一齊的衝擊強烈又引人入勝。鴨胸本已是騷味濃似鵝肝，配芥末籽更惹味。生腐皮加上少少wasabi，質感有少少似豆腐。至於銀杏，係我食過最好食銀杏！聽師傅介紹返，原來製作並不簡單。以為汁物會係麵豉湯之際，原來係梅清湯。梅、紫蘇葉、紫菜，三者的味道出奇地十分夾。刺身有三款，剛剛好全部都係我好鍾意食的。深海池魚肉質較爽，味甜。獅魚就較軟，味鮮，有少少接近腥又唔係腥的魚味，好岩我口味。拖羅口感滑，魚油重。原來來自清森，無經急凍。只加少少Wasabi，甜甜地，油香又濃郁，好美味。戲肉係天婦羅。師傅會直接喺我哋面前炸，未食之

自從之前食過一次廚師發辦後，就愛上果種廚師幫你安排一切，以最新鮮食材配以精湛技巧炮製既連環驚喜。最近比我發現有間食天婦羅既廚師發辦，今日就同朋友去試下，睇下有無驚喜。晚市有三個唔同既set, 價錢有$880, $1180 同$1480 三種。我挑選既係中價位既「瀧」套餐。先付北海道海膽配上松葉蟹蟹膏及原條蟹腳肉。食時先伴勻鵪鶉蛋黃及其他材料，味道有陣陣甘香，又有蟹既鮮甜。口感滑溜又食到絲絲肉感。前菜擺盤好精緻既前菜，係好raw既石盤放上精緻小食，睇落有強烈對比。以角粉同杏仁整成既杏仁豆腐，內裡成份完全無豆。有好強既顆粒感，味道有少少焦香同wasabi味。水母剌身，酸酸地又有啲蔥味，口感好似食緊軟骨甘爽脆。愛知縣銀杏經炸過後， 口感煙韌，尾調略苦。鴨胸配芥末子，味道竟然似帶酒香既滷水。蠔噌醬清湯正方型呢個係好特別既蠔肉魚蛋，以蠔碎加魚肉整成，口感唔係彈牙，反而係入口即化。味道有好濃蠔味，再慢慢滲出魚既甜味，湯頭帶有芫茜同柚皮既清香。上刺身既碟係雪凍過既，盡顯店家既細心。刺身有獅魚、北寄貝, 同店員囑咐最後先食既拖羅，因為味道最為豐厚店員一上呢碟調味料，就知道最期待既天婦羅時間要開始喇。蘿

中環置地睇完每年算比較有聖誕氣氛的佈置，忽然想食天婦羅，搵到呢間。上到去有bar枱坐，可以同廚師有交流，又可以睇住佢整天婦羅，very good ! 我晚餐有三個選擇，我揀咗中間既，有一份主食，今日主食係鴨肉批同慢煮鴨肶！先黎個前菜，蟹肉蟹膏海膽鵪𪂹蛋！嘩！想點哦？完美配合，好食到無話可說！每一啖都係精華！再黎前菜四小碟，有鴨胸，湯葉(即係腐皮)，同銀杏埋豆腐，小妹認為湯葉做得相當之出色！香濃豆味！松茸清湯，清一清味蕾！然後到刺身三點盛，厚切，新鮮，不過不失喇！然後服務員介紹天婦羅既好朋友，鹽同埋天婦羅汁，配天婦羅汁既白蘿蔔蓉係亮點，白蘿蔔分別來自九洲同靜岡，一款有蘿蔔味，另一款帶甜，已調味，可以就咁食！入口果然清甜而且無渣！而鹽方面分別係綠茶鹽同粉紅色既海草鹽。主角出場！首先係活花竹蝦加蝦頭，蝦身結實鮮甜，蝦頭有膏，炸得卜卜脆！然後到魚仔，條魚仔好得意，炸完仲可以企係度(｡ì _ í｡)接住都係魚，但魚下面係椎茸，同埋海膽汁！天哦！點解天婦羅要配海膽汁哦？好邪惡哦！好食到一個點囉我想話！然後又到新奇既事物，天婦羅大蜆，連殼炸，加埋紫蘇葉，感覺相當有趣呢！然後就到我個主食，鴨肉批同慢煮

Book 咗瀧嘅omakase獎勵下自己，揀咗瀧嘅set睇menu大概知道有啲咩食，最期待就係睇下果日師傅揀咗啲咩新鮮當造嘢去俾我食首先先付就係水雲海蜇，個醋汁仲可以飲埋，酸味味好開胃之後前菜係新鮮日本腐皮，聞落已經好有豆香。自家制杏仁豆腐，師傅介紹係話完全用杏仁做，質感厚實，吞咗個杏仁味先出；法國鴨胸用咗芥末籽調味，加上燒香咗味道甘甜嘅白果，配搭幾好湯就係平實嘅酸梅清湯，清，甜，酸，啱啱好暖下個胃去食之後嘅嘢。刺身有鰤魚，中拖羅，拖羅同深海池魚，果種鮮味我都唔知點形容好主角天婦羅終於嚟，分別有大蝦，沙槌魚，紅衫魚配海膽同大蜆。大蝦同沙槌魚天婦羅大家都食慣，反而個大蜆幾特別，連殼炸仲有少少菇粒响底。合肴就係燒海鮮，簡簡單單唔使調味就可以帶出海鮮味食事係海班拉麵，個湯底好濃！用足料（原來係雞同豬骨）煲，唔怪之得食到個咀黏著晒啦最後有天婦羅鹿兒島安納芋，本身安納芋已經好甜，塊皮又燒到好脆，點埋白蘭地食，好新穎！甜品係富有柿同蜜蘋果，富有柿好好味，甜度好似食蜜瓜咁

食omakase，最開心就係所有嘢都係不時不食，師傅又會同你傾住計，介紹下啲食材咁今日試咗最貴嘅極set開胃菜有酢物水母水雲，上碟都幾精緻。前菜係腐皮，杏仁豆腐，鴨胸同燒白果，兩冷兩熱，燒白果幾得意，食落黏黏甜甜咁之後嘅係酸梅清湯，慢慢去為個胃預備之後嘅美食。刺身有赤貝，帶子同甜蝦，赤貝爽甜，帶子鮮味，甜蝦肉質厚實，有獨特嘅蝦香師傅好認真咁準備緊我個set既食材～放落去炸喇！！主角天婦羅有大蝦，賴尿蝦，松葉蟹腳同大蜆。大蝦頭炸到好脆口，松葉蟹腳就配埋海膽汁。師傅好細心，教我邊款天婦羅配咖喱鹽同海藻鹽，店家有自家製加咗醋嘅蘿蔔蓉，減低天婦嘅油膩感合肴就先食煮蘿蔔，作用係清清口腔。蘿蔔甘甜嫩腍，蘿蔔汁好清甜。點解要咁做？因為之後係炭燒Ａ５近江和牛牛柳同低溫煮宮崎牛肩。和牛肉油香重，入口即溶，食到呢一刻，已經好滿足。食事係拉麵（因為我唔食魚，如果唔係聽佢哋講係海班拉麵），個湯底原來係用雞同豬骨整成，完全係天然嘅鮮味。最後有炸安納芋，師傅教可以先點白蘭地咁食，鍾意可以再點埋糖，但係本身安納芋已經夠甜架啦。平時麻麻地食番薯，但係呢個真係超掂。最後送上甜品生果作結，飯後果清甜爽脆，非常好滿足

今天係識左好多年既老友生日正日，咁重要既日子都同我過，好啦，決定要食豪D，揀左佢最常食既日本菜，於是網上搵資料睇下邊度有新開無耐既餐廳，貪佢夠新鮮感，最後搜尋到呢間位於中環威靈頓街既樓上店，專門做特色既天婦羅。格局摩登時尚，呢度既裝潢係走高格調嘅路線，建議坐吧枱置，因為係半Open Kitchen 設計，可以欣賞到師傅做菜。 靚仔大廚位置面前有焦點位，一個金黃色半圓形既物體，原來係炸爐黎架，真係夠哂搶眼吸睛。聽大廚同幾位熟客仔介紹個女洗手間用左好多心機去諗點樣可以迎合女士們既需要，令本來都無需要既我都走去八下，洗手間係獨立一個空間，即同一時間只可以一位客人使用，檯面上放置了獨立包裝既溂口水，綿花捧，真係好貼心，內裡空間寬敞之餘，燈光暗淡，加上背景播放著和諧音樂，環境締造出完美的氣氛，令如廁成件事好愉快哈。入返正題，呢晚既MENU有三款選擇，店員會先介紹餐牌的分別，了解後我跟朋友就選擇揀左二款唔同既SET SHARE黎試，甘樣可以試多幾款，落左Order後，大廚都會好貼心咁問我地係有咩唔食既/食物敏感之類，原來聽大廚講呢度個個星期都唔同食材，主要睇廚師發板，今日食到聽日黎都未必食得返。我

呢一餐飯我係好樂意請嘅，原因係我轉到工，轉工呢啲野就好似食物咁，要睇時間。 睇時間食，睇時間轉，而家就係一個好嘅timing。 所以請兩位幫咗我好多嘅朋友食飯，佢地就揀咗呢間omakase 勒。其實我就鍾意坐bar枱，睇住啲師傅點整野食，其實都真係幾過癮嗱~ 俾大家睇下個餐牌先，其實轉工飯嚟講，我覺得呢個budget係ok嘅，所以我都由佢地叫，但我自己呢，就食咗《瀧》就算，因為《極》係A5和牛，我真係食唔到咁多野。等咗無幾耐就有頭盤勒，係一個好靚嘅松葉蟹殼裝住嘅松葉蟹肉、蟹肉麵豉同海膽，店員好貼心咁問我食唔食生嘅鵪鶉蛋，我驚咗一驚就話走咗佢，但其實我朋友同我講鵪鶉蛋先係精髓啊!  撈埋哂一齊食之後，味道一啲都唔腥，好豐郁嘅蟹肉味度，蟹肉麵豉亦有調味作用，一啲調味料都唔使落。跟住又係嘅開胃小吃，合桃豆腐 、啫喱酒糟、日本銀杏同日本水母。先講講個合桃豆腐 ，佢係無豆嘅成份 ， 混合咗啲葛粉，但入口嘅合桃好苦 ，加入wasabi一齊食之後真係別有風味啊；啫喱酒糟就比較酸甜煙韌，有好濃嘅酒味；日本銀杏呢，唔知係咪有一兩粒無挑個心，有啲苦，但落咗少少鹽咸咸地。呢個日本水母，應該係落咗柚子醋，酸酸

早前同個舊同學到蘭桂芳嘅FUMI食晏，先知原來佢喺日菜嘅粉絲，對日菜可謂情有獨鍾，無論刺身、壽司、燒肉、串燒、涮涮鍋……等等都無任歡迎。反而，天婦羅就比較少食，原因不外乎較「熱氣」，但做得好嘅天婦羅可以唔點熱熱，最近，食友就推介我位處威靈頓街一食廈之上嘅「瀧」（Tempura Taki），做天婦羅夠專門，亦甚有水準，故再次約舊同學聚一聚。不過，「瀧」晚市主要做廚師發板，定價唔便宜，所以，推介我哋嚟食晏，以質素而言，性價比高。門面有啲高傲嘅感覺，推門而入，裝修亦非走和風嘅木系暖色，反而，格局摩登，走高格調嘅色系。最搶眼莫過於入門口靠牆嘅巨龍彩繪，栩栩如生！吧枱喺搶手位，因為，可以欣賞到師傅做菜。而安坐後，第一時間送上熱毛巾，遞上餐牌讓客人慢慢點菜。午市以定食為主，大部分基本都已包冷鉢、先付、前菜、漬物、味噌湯、甜品，部份就再加入刺身，定價都喺二百頭到三百尾。呢度主打喺天婦羅，所以，舊同學就晌呢版揀咗特上天婦羅御饍。仲有一款午市套餐喺小弟嘅抵食推介，稱為午市特選二重奏，晌12款飯、烏冬、蕎麥麵……等任揀其中兩款，同樣，都包冷鉢、先付、前菜、漬物、味噌湯、甜品，定價只喺$198。初時，心想任

朋友從北京來到香港出差，想食日本菜，就帶左佢黎呢度，經理特地安排左我地坐係壽司吧台，可以觀賞埋製作過程。選了Kiwanis Omakase，前菜是松葉蟹蓋，滿滿的蟹膏再撈埋俺春蛋，口感好豐富好搭配刺身係我最愛既拖羅同深海池魚非常新鮮，油脂一d都唔膩黎到呢到都一定要試試天婦羅師傅介紹既食法係唔需要點天婦羅汁，點上少少海鹽，食佢既原味，的確更加食到食物本身既味道，而九洲靜岡磨成蓉既蘿蔔好清新，更加開胃主菜係西冷牛半熟既牛口感非常嫩，火氣剛剛好，保留住肉汁炸蕃薯這道本來很簡單既菜經師傅既巧思變到非常特別，師傅由我地一來到就準備把蕃薯生炸，連平時大家唔食既蕃薯皮都好好食，非常脆口，點上白蘭地，然後再點上糖粉，中和白蘭地既酒味，只留下酒香既食法非常特別，好出色！甜品用蜜柑同梨作為ending ,十分滿意既一餐，絕對會再同朋友來

一上到來 經理好親切地招待 還給我地選了個最好的位置 選了Taki omakase! 第一道上的菜是松葉蟹 滿滿都是蟹肉加左暗春蛋黃很特別呢。用葛粉做既豆付加埋核桃食好香核桃味 九洲水母好清脆 這道菜作為飯前前菜很開胃。厚厚的拖羅真的好正，一啲筋都冇！師傅切的部位是最好的！！鮮味十足入口溶化呢這里的天婦羅不配上一般的天婦羅汁 換上海鹽及咖哩粉點埋食 是我吃過最特別的天婦羅 點鹽或者檸檬汁食更加能食出炸天婦羅的香味，特別要稱讚一下姬小鯛天婦羅，真的不是哪里都有得食食下一道菜前不妨先吃吃九洲静岡羅白蓉 清清甜甜的味道 令在食下一道菜前更加開胃呢～海曼天婦羅用了日本拿獎既萬能蔥打成既汁 直接食不要加鹽食就得～ 濃郁既蔥味加上海曼天婦羅口感滿分！吃到的時候太激動了吧😋炸峴入面加左三葉同冬菇粒 十分有創意鴨脾焗得很香很嫩 鴨肉批的皮十分香脆 一d都不會淋 pat pat日本石斑雞湯拉麵是冬天新推出的 吾油膩 冇味精 雞湯捱得好出味！這里的炸蕃薯是師傅自創的 師傅說這個蕃薯要生炸30分鐘，香脆的甜蕃薯點上白蘭地同糖 這個吃法夠創意吧，又考妙地好夾～忍不住同師傅講這是我食過最出色既蕃薯～每樣料理都好

雖然已經結婚，不過偶爾也要一些小浪漫，適逢拍拖周年紀念的到來，便決定食個 Omakase 慶祝一番~一入門口，職員經已很熱情的招待，沿著開放式廚房行過，就帶到我們坐在店內中間的位置，四周充滿著日式的圖畫和擺設，仲播放著日本音樂，氣氛十足。原來在店內的盡處有個小房間，以便客人搞聚會，私隐度十足。前菜職員細心的介紹每個前菜，有 新鮮腐皮、芝麻豆腐、煙法國鴨胸 和 銀杏串。新鮮腐皮 超滑溜，而味道是淡淡的。芝麻豆腐 不是用黃豆製，所以口感並不會像平日食到的豆腐那般滑，反而突出了芝麻的香味。煙法國鴨胸 肉質煙韌，加上芥末籽醬調味，十分開胃。銀杏串 的口感是軟軟的，味道是甘甘地的。刺身這碟刺身三寶有 牡丹蝦、油甘魚腩及大吞拿魚腩。牡丹蝦 的口感彈牙得來，帶點點黏黏的感覺，確實是啖啖肉。油甘魚腩 的色澤非常通透，連埋花蕾一齊食，肉質柔嫩得來仲滲出陣陣花的幽香。大吞拿魚腩 很肥美，油花相當豐富。在進食天婦羅之前，放置了幾款不同的天婦羅配料。這裡不是用天婦羅汁，而是用兩款不同味道的海鹽和檸檬汁，加埋用兩款不同的蘿蔔磨成的蘿蔔蓉，來進食多款天婦羅。天婦羅頭炮先上 花竹蝦天婦羅、粟米仔天婦羅 和 沙鎚魚天

多年前，廸士尼有套卡通電影名叫 Ratatouille 有無睇過？故事講述老鼠也會做好菜，信念是 ＂人人可以當大廚！＂電影好看，這句說話亦很有意思！今時今日，食材方便，配料齊備，廚具先進，入廚不難，最緊要是有心！ 廚師的地位亦大大提升，名人雅士、電影明星也來當大廚，幕前幕後的繁星之中，究竟誰才是真正的大師呢？ 其實人人口味不同，並沒有固定的方程式，但我認為，若要見大師功架，已經不只是食物新鮮上乘及擺盆雅緻這些必備之因素，而是如何巧妙地、利用食材之特質、創意配合、產生奇妙的 chemistry、把食味提升至更上一層樓，方才是精髓！ 今晚來到一家開張只有數月的”瀧”，大師傅的影子若隱若現！用材特別，心思細膩，例如松葉蟹肉配北海道粟米凍湯、野生海鰻配萬能蔥汁、鹿兒島安納芋配 brandy，出奇的合拍，食材富特性、並無代替品，若非用上京都萬能蔥汁，辛蔥之味會蓋過魚香，若非用甜味高過糖的安納芋，做不成配白蘭地的甜點，經驗及心得，非比尋常！ “瀧”，單憑名字起聯想：巨龍在水中翻騰，突然冒起，定必氣勢澎湃，不同凡響！店方可在比喻油海中，師傅把天婦羅美食炸至香脆，從滾油中取出的一刻，油香撲鼻，金黃