火鍋撚 (染布房街) (已結業)

表妹約左放工一齊食火鍋，今次目的地係旺角嘅火鍋撚，聽個名都好深印象，膽粗粗訂定位，準時1930到達，直上一樓都坐左好多人，我地預先book位，二人位都幾寬鬆，店員介紹我地揀湯底，再叫我地自己用QR code落單，方便價錢清楚，食物選擇不少還可算半份，啱晒我地人少少食多幾款，服務好好。火鍋醬料提供，每個器具大大細細不一都好重身好有feel基本都齊全。湯底我地每人揀一款，我選左酸菜白肉湯，表妹揀左蜂巢豆腐白湯。送上時香氣濃濃。火鍋嘅主角必然係湯底，其次食物新鮮，咁就能滿足。我同表妹發現白湯內有鴨血，出奇好味。 酸菜白肉湯 酸性適中令胃口大開。掂飲品我自己推介甘桔檸檬蜜 一渣 $78味道可口飲落消暑又解熱氣，好濃郁嘅甘桔味道瑤柱乾貝滑 $87 真係有一絲絲瑤柱，有彈性口感豐厚。半份嘅蓮藕$30同水魷$37 御用手切肥牛大 $377 只需8秒灼即食不過太薄唔似手切，跟我食開好唔同口感。還有多款唔同牛肉揀嘅，下次試安格斯。鮮甜桂花蚌 $109就是喜愛它的爽脆，唔需要灼太耐，真係好鮮味。最後送上兩杯用上仿古時器皿，好得意又點驚喜，原來呢兩杯其實係白果腐竹糖水黎架。

火鍋撚打邊爐一定要試一品酸菜白肉鍋同埋祖傳秘製麻辣鍋👍🏼酸菜湯底夠酸，好有味，而麻辣湯內附有鴨血都好好味嫁！♡ 御用手切肥牛(大) $377 ♡ 超爽珊瑚蚌 (大) $109 ♡ 黃沙豬膶 (大) $61 ♡ 牛柏葉 (大) $73♡ 自己熬製嫩鴨血 $68♡ 五色丸丸拼盤 (大) $128♡ 手打靚蝦滑 (大) $90♡ 順德魚腐(大) $43火鍋爐比其他打邊爐店價錢比其他相對較貴，但勝在湯底出色，而家火鍋料有得叫半份，可以因人數而調節，咁就唔洗浪費啦🫶🏻

第一次食火鍋撚係兩年前左右係旺角分店食 個次係好好食 而且最印象深刻一定係腐竹沙冰 但個次我地好夜去所以最後叫左2、3渣就賣曬之後對上2、3個月去中環分店食 都好好食 腐竹沙冰good 而且任加鴨血豆腐（個麻辣火鍋)但今次真係極失望仲食到好嬲女燥其一係有樓上座 唔安排 安排我地坐下面 如果有booking有剩唔緊要嘅 但我地食第一批 今日第一枱客人 都安排我地坐樓下仲要坐最近門口 背後係得塊膠 仲要個出入口冇膠封住 成程都好熱 唔明點解咁早食5點都咁安排啦跟住原來分店有唔同 坐低叫湯底先知中環係每日有得免費加鴨血豆腐 呢到就環收錢 話得星期一先有… 可能有係menu食？不過睇唔到 算數 係唔知分店之間有唔同 有啲唔開心之後叫左最鐘意嘅腐竹沙冰 黎到 我地4個飲第一啖都係酸嘅 就同左waitress 講 佢拎隻碟仔試完同我地講冇酸 之後keep住講左都有5分鐘係咁話冇 但我試多次之後都係覺得有 雖然最後佢有waive呢渣飲品 但真係好老實 4個一齊飲第一啖一齊話好酸 仲要我3個朋友真係驚左唔再飲 唔知堅決話冇酸係咩意思 好似我地呃佢咁之後冇影相不過個「滑」又有條頭髮…仲有坐係呢個門口位

旺角地舖侍應姐姐好冇禮貌，我係1 樓嘟咗安心出行，同事話枱安排咗地舖，落到去，我唔知道地舖要再嘟過，佢大大聲話：2 間唔同舖，要再嘟過呢位姐姐講嘢冇尾音，個爐我想較細火，點知熄咗，佢加湯時好大聲話：你熄咗個爐呀？隔離檯叫好多野食，佢居然叫個客執下張枱啲位比佢擺嘢，真係都幾搞笑！另外食物都好失望，鱔片好細塊兼唔爽，羊肉片好薄好碎，水餃好細粒，水餃雲吞入面啲蝦都腥我之前係中環分店食過，食物質素同服務都高好多老實講，我唔介意價錢比一般火鍋店貴啲，不過如果以禁嘅質素同服務，真係好失望，唔會再幫襯，呢個價錢有好多其他火鍋店可以選擇

成日去打邊爐的份量比較大，但依間店就有半份/全份揀，情侶/朋友2-3人都可以叫來開心share🥳又可以叫多幾個火鍋料即炸魚片頭 (半份) $33一坐低就叫，肚餓必選😋蜂巢豆腐白湯鍋 $160 健康之選，未開始落材料前，可以先飲湯同埋食豆腐，飲第一啖湯嘅時候，就已經覺得好滋潤😍火鍋撚御用手切肥牛 (小) $275 薄如紙的肥牛，脂肪比例唔算均勻，味道不過不失必食響鈴卷 $58 推薦💯今日MVP，當小食蘸酸甜醬食，或者放入火鍋3秒後食得，脆卜卜👍🏻法式龍蝦湯爆漿牛丸 (半份) $59 牛丸包住龍蝦湯汁🦞，值得再食，幾有新鮮感另外仲叫左幾款手打雙重芝心丸 (半份) $49 蜂巢牛肚 (半份) $56 五彩鮮蔬籃 (半份) $57 有菜心🥬娃娃菜，蕃茄🍅粟米🌽雲耳竹蔗茅根紅蘿蔔馬蹄水 $78 腐竹雞蛋糖水沙冰每人送一客，口感細滑之餘甜度適中，而且真係同普通的腐竹雞蛋糖水味道一模一樣，為成餐飯作完整的結尾☺️

打邊爐最緊要個湯底，一直好想試下佢地個峰巢豆腐白湯鍋湯底落得好足料，用上中藥材熬製豆腐好滑，仲勁吸湯，湯底更有幾件滑嫩鴨血餐廳最貼心就係可以叫半份，就算兩個人食都可以試到好多食物 唔少得要手切牛肉，大大碟 夠晒兩個人食半份安格斯肥牛望落都油脂分布平均，牛肉味濃午餐肉菜甫餃，大大隻夠飽滿估唔到可以咁樣配塔!，味道幾有驚喜爽脆黑柏葉黑柏葉爽口又惹味最愛老油條，吸晒湯精華打邊爐最愛食皇帝菜新鮮爽甜腐竹雞蛋糖水沙冰口感細滑之餘甜度適中打邊爐必備解渴啤酒估唔到最後有腐竹雞蛋糖水沙冰送，打咭一流

見網上有人介紹蜂巢豆腐白湯鍋個樣幾得，而我哋又好鍾意食依款嘅火鍋，上星期搵忍唔住要去試下。豆腐鍋裡面都有幾多豆腐，重有少量嘅鴨血。兩個人唔洗點太多，大部份都係點左半份，極品安格斯肥牛（小)半份，油脂分佈均勻，入口嫰滑。老油條與豆腐鍋特別夾，而且半份個份量都幾多。點左一份嘅火鍋撚御用手切肥牛，色澤鮮明，灼8秒就可以袋得，入口一D都唔韌。爽脆黑栢葉半份，灼10秒就食得，口感爽脆。創意午餐肉菜甫餃半份，一碟4件，午餐肉味都幾濃，味道不錯。食皇帝菜減減油膩感。食火鍋邊少得洞庭烏冬，配上豆腐湯再加幾塊手切肥牛，勁滿足。點左一杯Hoegaarden和腐竹雞蛋糖水沙冰，沙冰口感幾正，爽到一個點。

終於等到月尾出糧幾個朋友約埋出旺角聚一聚其中朋友介紹去這間食打邊爐個名就成日聽 試過walkin都很滿預早一排打去訂 終於有機會留到位 係旺角近麥花臣 附近有很多餐廳沿樓梯到2樓全層 很大間火鍋店以四人座位為主 啡色木系設計全店燈光偏暗 每枱有射燈感覺很高級 又有情調 以QR code落單 食材選擇多除了海鮮和肉類很多種類和部位每款食材都差不多有得選全份/半份朋友介紹手切肥牛和招牌三秒響鈴必食還有自家製的魚滑和丸類難怪人氣滿滿 的確很用心製作 //蜂巢豆腐白湯鍋 $160//平時聽到豆腐湯底，感覺太淡又無味，但朋友介紹一定要叫，原來這邊是招牌湯底，食落豆腐味濃郁，也很清甜，不會淡味或太稀，令人十分驚喜！湯底已有蜂巢豆腐和鴨血，兩款都很吸湯，味道很搭配！ //火鍋撚御用手切肥牛 (小) $275//手切肥牛以薄切做法，牛肉油花均勻，不會太肥或太瘦，放落湯幾秒即食，肉味豐富又不會鞋口，店員更溫馨提示8秒便可，因為熟度剛好，食到嫩口的味道！ //手打雙重芝心丸 (半份) $49//身為芝士控必食，外層是墨丸口感，手打得彈牙，內層包著濃厚芝士，熱辣辣食仲有爆汁口感，很少地方可以食到，讚！ //

打邊爐最重要既係湯底同配料,依間火鍋店既湯底充滿台式風味,配料選擇好多仲有一份同半份選擇,咁就可以每樣都叫d試下❣️龍鳯鴛鴦鍋(以較高價錢+$30)我地揀左祖傳秘製麻辣鍋同蜂巢豆腐白湯鍋($160),鍋底入面有鴨血同蜂巢豆腐,麻辣鍋叫左小辣辣度岩岩好,雪白色既豆腐鍋加左d藥材熬製,好濃郁養生🤍響鈴卷($35/半份)記住浸3秒就ok!食落去仲係好脆身,特別既係佢配埋個甜酸醬,味道好夾又可以減輕油膩感☺️香蒜粒炸魚皮($59)好推薦一定要叫!新鮮炸起既魚皮上枱個時仲係熱辣辣,就咁食都好酥脆蒜香味好重!五色丸丸拼盤($128)有流心鹹蛋黃豬肉丸,手打雙重芝心丸,香菇貢丸,蝦丸,如果想款款丸都試到就可以叫拼盤,我自己最鍾意芝士丸,芝士味好濃口感彈牙手切肥牛($275/小)肥牛浸八秒就已經ok!肥牛紋理好靚,肉味濃郁!老油條($29/半份)娃娃菜($49/一份)紅薯寬粉($42)最後餐廳仲送左腐竹雞蛋沙冰,腐竹雞蛋味但係沙冰既質感好特別😍第一次飲依個組合,好解渴又吾會太甜,飲完即刻好想叫番一大杯飲🤣

香港打邊爐最愛就係去火鍋撚！味道好有台灣嘅風味，食物選擇都算多，而且每款湯底都好香濃好好味😋蜂巢豆腐白湯鍋x 秘製麻辣鍋 ($190)湯底可以揀雙拼，以較高嘅價錢為準～ 貪心嘅港人梗係揀兩個口味 ！ 有辣有唔辣，任君選擇✌🏻豆腐鍋味道香甜，感覺比較健康養顏，好養生！麻辣鍋相對重口味，我地揀咗小辣，剛剛好🫶🏻兩款湯底入邊除咗有蜂巢豆腐，仲有鴨血等等架～御用手切肥牛 ($275)細份適合2-3人分享，牛肉比較薄片，牛肉味道新濃，略嫌切得太細塊😹響鈴 ($35) / 老油條 ($29) / 順德魚腐 ($26) / 五色丸丸拼盤 ($128) 大部份嘅配料都可以揀全份或者半份，舖頭好貼心，啱晒我哋乜都想食嘅女仔，全部半份就可以嗌好多樣嘢食✌🏻 響鈴浸3秒就搞掂！ 新鮮炸起既響鈴完全無油溢味，好脆口，配埋甜酸醬好好味😻 五色丸拼盤入面有蝦丸/ 墨丸/ 貢丸/ 咸蛋黃牛丸 ～ 每款都新鮮彈牙 ，失望既係無比咸蛋黃爆醬牛丸驚艷到👉🏻👈🏻 反而覺得有啲太咸～另外仲嗌左娃娃菜同薯粉 ，兩者都係打邊爐必備既 🫶🏻 娃娃菜配豆腐湯 好鮮甜！食到最後仲送咗兩杯腐竹糖水沙冰，好解渴好好味喎！

唔係話佢唔好食，而係碟啲份量都好細。六個人迫埋一張卡座度，枱嘅設計係一頭一尾都係火鍋爐，即係話我哋六個人要叫兩個火鍋，如果唔係總有一邊嘅人冇得食，都唔緊要。一行六人四男兩女，叫嘅都係大路嘢，冇飲酒，飲咗兩咋沙冰，兩支烏龍茶，埋單每人$500，真係食唔飽。材料唔算差但亦唔算特別好，但係碟碟份糧都好似下午茶餐咁，真係有時一人一件就冇，只有不停咁添order。依家出街食飯食三四百蚊都好平常，但係以咁嘅環境收咁嘅價錢而俾咁嘅份量就有啲過分囉。Sorry掛住搶食，冇影到相😅

好耐冇同為食姊妹食火鍋燃，鐘意食嘅原因除左湯底正，食物有水準，最好就係分量有一份和半份，最啱我哋呢啲打邊爐食多啲唔同種類食物嘅人秋天開始進補，點左個媽媽滋補老火湯底，用料真係好有媽媽煲的老火湯，先呷一口湯，濃郁而清潤的湯，飲完一碗又一碗炸得香脆的響鈴，放入湯內淥一會，吸入湯嘅味道，好味，午餐肉炸得香脆，不放湯就咁食都很惹味捲到好似一朵玫瑰花嘅豬頸肉，肉質煙韌，肥瘦適中芝心豬肉丸，咬落流心芝士徐徐的流出來灑上辣椒粉的土豆片，食落微微的辣味，很惹味鵝腸新鮮，處理得好好，無腥味之餘，食落彈牙爽口牛肉色澤紅潤，食落有口感，牛味濃最後來一杯精緻的腐竹糖水沙冰，清新一下，又是滿足的一餐

今日同朋友嚟到旺角覓食，本身都未知食咩好，一見到有火鍋撚就入去啦。上次係西環個邊試過幾好食，又幾好坐，決定今日就黎旺角分店試試佢啦。佢下晝就開五點既，今日我地early dinner六點去到，所以上去時都冇咩人，然後店員有禮貌地放低醬料比我地。佢地既醬料款色好多，所以嗌個沙爹湯底就已經好夠，個湯底幾濃郁，我地後尾一路淥，D野食都好入味。我地仲嗌咗一客牛肉，一客羊肉，一份豬潤，同一客四色餃子拼。海鮮嗌咗桶蠔蟶子同鯇魚片。野食好快上到，牛肉同羊肉片都略薄，但味道搭夠，特別喺湯底吊味下，絕對夠你飲飽食醉！海鮮係呢到我既推介，蠔很大隻又好鮮甜，仲有ｄ海水味既after taste，正！同埋你見到ｄ海鮮都係清洗得幾乾淨先上碟的～鯇魚片比佢遜色，但都係水準之上！最開心既係呢間都一樣有甜品送！！So far覺得兩間d水準都幾唔錯，大家有機會嚟到就一定要試下！

向來都鍾意在火鍋撚打邊爐 首先我鍾意佢嘅湯底 夠濃味 打邊爐之前可以當湯飲 其次就係佢嘅食物夠新鮮 嘢食可以叫半份 咁就可以試多啲唔同款式嘅嘢環境暗暗的，裝修復古，猶如穿越古代一樣，在這裏用餐頗有氣氛，這店的冷氣十足，唔會食到成身汗，亦唔會成間店舖煙霧瀰漫 今日叫咗媽媽知煲老火湯鍋 火喉十足 湯底入面嘅肉都已經煲到骨肉分離 出曬味 唔覺得有味精 啖湯好甜 飲完覺得即刻成個人靚曬咁好嘅湯底梗係要叫響鈴 吸收湯底嘅精華食落有爆汁效果 佢嘅響鈴非常鬆化 浸一浸就食得鵝腸好新鮮 好脆口 沒有內臟騷味 清洗得夠乾淨餃類 皮薄餡靚 飽滿肥美 值得一食手打墨魚滑及墨魚丸很推介 超級彈牙又鮮味 口感非常紮實 真材實料牛肚彈性十足 煙韌有咬口 估唔到用嚟打邊爐幾好食喎兩個人打邊爐都可以好豐富 最開心係有得叫半份 可以食多啲唔同花款最後仲有腐竹雞蛋沙冰送添 個杯勁似賜毒酒 玩味十足 打卡拍照 very good

今日同朋友一齊去食飯，打算打邊爐，因為我哋兩個都唔係十分大食，所以選擇非放題嘅邊爐，最後嚟咗呢間火鍋撚！店舖幾有懷舊風味，好似去咗啲老客棧打邊爐咁，二人枱都好闊，坐得舒服服務態度亦都唔錯。首先揀湯底，我哋揀咗酸菜白肉鍋，出乎意料之外，湯底價錢唔算貴，但係入面嘅配料真係非常多，勁多酸菜同埋白肉，好抵食，酸味唔會太重。之後我哋嗌咗一對邊爐配料，包括海鮮類，有鴛鴦雙蚌、白鱔，珊瑚蚌同埋桂花蚌口感都幾爽，新鮮！最最最值得欣賞嘅係呢度丸類選擇好豐富，亦都可以揀半分或者一份，因為太多選擇啦所以我哋好多都想試最後各樣嗌咗半份，包括係龍蝦湯同埋黑松露爆漿牛丸，真係有爆漿效果！另外仲帶咗幾款蝦滑同墨魚滑，幾有特色，係自創，唔係周圍都食到，包括係瑤柱干貝滑、香菇貝鮑滑，值得一試。同埋仲有佢哋嘅滷水拼盤，用店舖名做菜式名，應該都係主打同埋招牌，果然質素都好好，滷過一轉之後已經夠晒入味，而且唔使烚好耐，牛筋超林口感好好！ 總括嚟講，呢間邊爐嘅質素都唔錯難怪有咁多間分店，遲啲應該越嚟越容易就可以食到。