爐炭燒

營業中

休息中

第一次去海洋公園唔係玩，而係食呢間Ginger Grill。夜晚去到樂園閘口，無左密麻麻既人群，欣賞寧靜清幽既環境，別有一番風味。步行去餐廳期間重睇到海洋館新激光show既rehearsal，先睹為快😎第一道菜係北海道帶子配柚子沙律雞肉串燒，帶子很新鮮，底面都烤得香脆，鎖住帶子內裡既鮮味。袖子沙律開胃爽口，雞肉串燒配埋沙爹汁好惹味，得1串點夠呀😆湯我揀左炭燒大蝦酸辣湯，大頭蝦多肉有膏，酸辣湯堅辣架，食唔到辣既朋友要預早叫少辣。主菜食炭燒西冷，睇相就知好食啦。5成熟，外脆肉質仍是鮮紅幼嫩，非常可口😋最後甜品係法式焦糖燉蛋。重點係個份量，竟然有成盤😱 鍾意食甜品既朋友大飽口福啦😋

第一次去，亦是最後一次...菜單上的食物看上去很吸引，價錢也適合，就點了午餐menu上的燒牛柳套餐，248港幣+10%服務費，海洋公園年卡可享受折扣優惠侍應服務水平參差，有些不錯，但有些就令人十分失望，完全不符合海洋公園一向創立的開心樂園的氛圍...套餐中的沙律看上去就令人失望，吃起來也沒有意外；燒牛柳燒至了全熟，難切難嚼難嚥；椰汁糕無特別；熱檸水在凍過室外的冷氣下很快成了凍檸水；唯有番茄湯令人滿意。總之，不會再去

餐廳裝修唔錯，環境比較乾淨。泰式小食拼盤: 拼盤用層架擺得好靚，蝦餅外層酥脆，蝦膠彈牙，點些泰式酸甜醬好好味！香茅青檸葉雞翼: 外層炸到脆卜卜，裡面D肉仲係好嫩滑，帶些微辣，很香口。冬蔭功湯：大大隻蝦，菇菌都好爽口，湯濃郁，味酸中帶辣，有香味之餘酸辣又恰到好處，令人開胃。主食叫左菠蘿海鮮炒飯，材料很豐富，整齊美觀，除了慣常有既菠蘿、海鮮之外，還有臘腸，味道不錯。蒜蓉炒椰菜苗。椰菜苗炒得有鑊氣，而且翠綠，食落清甜爽脆，而且充滿蒜香味。唯一唔好食就是肉碎生菜包, 肉碎炒到好硬, 生菜只有4片, 唔建議大家叫來食。食物的價錢海洋公園來計唔算貴，係正常遊客價，難怪可以吸引咁多人去光顧，下午1點半都要排左一陣隊先有位。整體食物有水準，都算係冇令我失望！

數數手指已經起碼5年無黎過海洋公園了今日襯住有免費飛入黎行左個圈一入場就見到呢間泰國菜😱😱wow竟然主題樂園都有泰菜食仲要價錢唔算貴！就決定晚餐晌度食6點左右黎到得一枱客都有d驚中伏不過算啦！決定左要試下我地無叫2人餐，散叫見出賣點係炭爐燒就叫左 燒豬頸肉 ，牛柳粒，燒鱺魚另外再叫左 炭燒大頭蝦酸辣湯， 泰式炒通菜，檸檬葉雞翼個炭燒大頭蝦酸辣湯幾好飲！配菜超多飲完食完已經飽左一大半個大頭蝦都好大隻不過可惜唔似燒，似炸🤷🏻‍♀️不過味道搭夠，算係咁啦！之後就到雞翼，通菜雞翼超脆，好味！通菜好大碟！抵食！到d燒物喇！第一個牛柳粒佢有問我要幾成熟我話5成，但個成品黎到有少少過熟佢配左個羅望子汁，酸酸地幾好味！根住就到豬頸肉3樣燒物最好食係呢個！最後個鱺魚，講真有少少失望同我expect有d出入味道，脆度都麻麻地🤷🏻‍♀️不過總括黎講今餐都幾好味嘅以主題公園黎講，咁嘅價錢算ok架喇！

食物質素高，服務態度好，，上菜有效率熱誠有禮大蝦金邊粉，大蝦新鮮又爽爽囗豬頸肉香噴噴，肉汁豐富小食拼盤精美好味椰菜苗鮮嫰可口雞翼香脆惹味，雞肉嫩滑多汁，外脆內軟

I thought this restaurant is a high class one but out of my expectation it is not at all. Waiters do not help to refill water, my 3-course meal is not in sequence and waiter do not remember what I’ve ordered. Tables were not clean and I’ve waited for quite a long time for each of my course. Special services were provided to customers who paid more so even though you hold your hands up for help, waiters ignore you.The meals are expensive and not worth at all although it is a two person meal for l

買左海洋公園年票，一有時間就帶公主入園。之前到海洋公園前都會預先食飽，因為經驗告訴我海洋公園餐廳又貴又唔好味。但是最近聽到其他媽媽話園內在間新開的泰式餐廳 【Ginger Grill 爐炭燒】評語相當不錯。今日玩完水就決定在這間 【Ginger Grill】享用午餐。在香港可以品嚐炭燒的餐廳非常少，【Ginger Grill】主打泰式菜而且標榜明火炭燒實在難得。餐廳中心有個小廚房，看到廚師製作食物。餐廳位於海洋公園內，裝潢設計以大自然園林為主題並採用木色主調，加上牆上有人手繪的花，讓食客恍如置身於園林中。作為主題公園的餐廳，地方寬敞可以容下不少食客，不過枱櫈比較簡單而且枱之間的距離不多。 餐廳有幾張圓枱比較舒適及私隱度高，今日筆者有幸可以坐在這些圓枱內！餐牌圖片精美， 在香港可以品嚐炭燒的餐廳非常少當然要試下炭燒菜式，而且備有多款自家新鮮調製的醬汁，真認真。午餐有沙律、湯、主菜、甜品及餐飲，大約二百元。其實幾豐富但四款主菜(船麵、炒飯、燒三文魚及燒牛柳)都不太吸引……原本打算叫份飽肚的飯，但餐牌中只有兩款飯而且定價 $168…… 貴為主題公園的餐廳，價格比較貴都不能避免，但 $168

我無諗過去海洋公園都有好野食，我依舊停留喺一百蚊一碗叉燒飯度。本來無乜期望，結果食物質素係好驚喜！叫咗個二人餐，因為我地係包場，所以仲有個8折，折左少每人都係$300，喺海洋公園呢個質素，算好抵。二人餐有椰子雞湯，帶子沙律，燒龍蝦，菠蘿炒飯，串燒拼盤同甜品拼盤。菠蘿炒飯，二個人份量剛好嘅，除咗菠蘿之外，仲有啲海鮮帶子同蝦，腰果同類似臘腸肉。炒得乾身，啲飯亦粒粒黃色，幾好食。大大隻燒龍蝦，以呢個價錢黎講真係好抵食，每人一隻喎！不過係燒得燶咗啲。好彩嘅係無影響啲肉味，仲有大大舊膏。帶子沙律係整粒帶子，連同一啲柚子，酸酸地嘅柚子好開胃！椰子雞湯，呢個勁推薦！好香椰子奶味，入面仲有啲雞肉同草菇。雞肉好滑，配合埋個湯底，少少甜。串燒就有豬牛雞各兩串，沙爹似係自己調味。串燒樣樣都好食唔勃。我最鍾意係雞肉串。最後係甜品拼盤，我重點想講中間嘅脆皮芒果糯米飯。本來嘅芒果糯米飯都好香好食。但食得多都會膩呀，反而啲脆皮能平衡口感，我地每人食左半個都唔滯。其實呢度食物質素係唔錯架。可惜係服務上有少少問題。首先係門口等位，我地嗰晚都夜了，其實得番我地同另一組嘅二人枱，然後有兩張四人枱吉出。但帶位嗰個完全唔識變通

難得同朋友嚟到海洋公園，本來諗住食海龍王餐廳，點知嗰日畀人book咗場，冇開到，所以就試咗呢一間。喺出面望入面，好舒服，冇乜人坐，感覺都好似好高級，睇左menu又覺得lunch set 價錢都可以接受，話曬都係樂園入面，預左要比外面貴少少。我同朋友都揀左lunch set 有齊沙律、湯、主菜、甜品同飲品。主菜我地2個都我哋揀咗泰式薑粒海鮮炒飯。泰式青木瓜沙律味道酸酸，好適合夏天食。泰式薑粒海鮮炒飯普普通通都好食，只係啲海鮮你唔好expect佢係好大粒、好好食嘅海鮮。椰汁千層糕menu係寫佢係椰汁千層糕，但係我唔係好肯定佢係咪班蘭糕，好好味，我朋友就覺得有d甜。我哋坐得好舒服，喺裡面坐咗差唔多三個鐘！！人老咗，坐低左見到出面咁熱就唔想郁。唔知入嚟做乜嘢，所以搞到之後玩唔曬！！整體嚟講，其實唔可以話非常平 ，但係我覺得唔可以同外面餐廳比較，因為始終係喺旅遊區裏面。 而且服務好好，環境都非常舒服乾淨，比起園區裏面其他餐廳，其實呢間性價比都算係唔錯，我個人非常推薦一家大細喺海洋公園玩到好攰想休息嘅時候，可以喺裏面坐下，因為真係好舒服。同埋有小朋友套餐，好靚好得意。PS但我都係最鍾意 海龍王餐廳

最近數月，海洋公園推出了不同的港人優惠，所以我家近期去海洋公園的次數也相對多了。三四月的限時優惠是香港限定「買大送細」，購買成人門票就送一張小童門票，我也把握機會來了一次，同時也發現了正在裝修的新餐廳Ginger Grill爐炭燒。上月再訪海洋公園，盡興了大半天，離開之時剛好路經Ginger Grill。小朋友肚子已餓，不想出市區才吃晚飯，最好當然是留在園裡吃，也順道試試這間新餐廳。餐廳既名Ginger Grill，顧名思義跟「薑」和「燒」有關。一進大門，就看到餐廳正中央的明火炭燒爐，人客可以選擇坐在吧檯邊吃邊欣賞廚師現烤食材，感受薑和燒的火花，很有外國風情。餐牌上不少食物都和薑有關，而第一樣吸引我的是這杯薑聚時刻雞尾酒。以波本威士忌、生薑、薑黃、梳打及糖醬調成，酒香中帶點辛辣，再配上一片輕炙檸檬，讓辛辣中再帶一點清新，和炭燒食物是絕配。為了照顧小朋友需要，餐廳特別提供兒童餐，吃完後有一枚硬幣，可在門口那部扭蛋機抽一個海洋生物小玩具。就因為這個原因，家長們應該不需細想，一定會為小朋友點一份兒童餐吧。共有五款泰式小吃的泰式小食拼盤，包括泰式春卷、蝦餅、香茅魚餅、泰式雞寶和班蘭葉包雞，另附

餐廳在入口附近，所以打算吃飽飽才展開旅程。價錢在園區內與其他餐廳相若，我叫了一個lunch set ，main course 要了泰式海鮮炒飯，包餐湯，沙律，甜點和飲品，大約2百元，未加一。怎料好失望，海鮮配料很小，而且炒飯好乾，飯粒好硬，味道很淡。。木瓜沙律味道也很淡，並沒有酸酸甜甜的味道，不是正宗的泰國菜。唯一可以說不錯的，就是蕃茄忌廉湯，蕃茄味濃，也有少許蕃茄蓉。整體來說，食物質素有待進步，可能是我不好彩掛。。

有時覺得好奇怪，香港交通越來越便捷，自己細路時，去沙田叫遠足，同樣地，以往去海洋公園可以話舟車勞頓，等車加塞車，真係人都癲。自從MTR通車，從金鐘到海洋公園只係一個站，方便到不得了，但每次同人講起，都話海洋公園好遠，真係唔好咁 out 啦！更何況6點半後入園用餐，跟本無須入場費，仲有，只要消費滿$500，大大個停車場比你用，連搵車位都唔使，超方便。餐廳與精品店比鄰，以大自然作主題，與海洋公園的理念緊扣，牆上壁畫是人手逐筆繪上，而牆身植物全是貨真價實，不單止要定期打理，仲要經常澆水，都幾花心力。由於餐廳設有吧檯，客人不想用餐，亦可摸住酒杯底傾下計。BEVERAGE飲品 OCEAN PARK X HONG KONG DIETITIANS ASSOCIATION MOCKTAIL 海洋公園 香港營養師協會無酒精雞尾酒 LEMONGRASS DELIGHT香茅蘆薈爽 Lemongrass, Guava, Apple and Aloe Vera 香茅、番石榴、蘋果及蘆薈（$88） 很有熱帶風情，香茅味恰好，絲毫沒有喧賓奪主，陣陣番石榴香氣，在炎夏中來上一杯真好。THE WARMEST

朋友由加拿大返港，其中一日就帶他來海洋公園。今年海洋公園十分積極想做好餐飲業，早前到過「海龍王餐廳」，竟然有陳國強師傅坐鎮。這次介紹的「爐炭燒」，是海洋公園新開的泰國餐廳，食物質素高，有驚喜。今次主要食甜品，沒有叫主菜。我平日好少食creme brulee，不過朋友就非常鐘意。燉蛋好嫩滑，內裡放有薑粒，又甜又開胃，配搭好特別，適合鍾意食薑的人。另外幾粒朱古力，外觀是朱古力，但內裡是一條間條，幾有趣。

食物質素太差燒雞差吾多$4xx一隻，但個味道and 肉質仲差個煲湯d渣...串燒同菠蘿炒飯係比較正常既一碟菠蘿特飲無味度..泰式小食拼盤d小食炸到乾晒 侍應有問無覆，埋單起碼用左半個鐘無下次lu

今年第二次去海洋公園，朋友一早book定今晚食呢間餐廳（我地大家都好鐘意食泰國菜😆）！最重要係啱行程，我地可以玩到6:00公園關門前去食野，咁樣可以玩盡d, 又可以食得盡興d! 其實book左7:00，不過湊住小朋友真係好多變數，6點我地已經可以入坐，可能今日星期四，閒日冇乜人，一去到就可以入坐，職員好好禮貌，而且非常細心，知道我地有小朋友，首先帶我地去放車仔區安頓好，同時佢地已經有staff喺另一邊安排好我地既坐位，並且放埋BB櫈，幾有效率，扺讚。呢間餐廳室內環境唔錯，好寬敞，座位舒服，我哋兩大一小，佢安排左一張四人方枱俾我哋。安頓落來就叫嘢食啦。我地叫左👇🏿飛天通菜，個staff好好，知我地有小朋友，提我地個菜有小小辣，建議我地走辣。菠蘿炒飯，外觀來講我好鐘意，因為個碟好靚😍食物來講，佢好足料，有蝦，帶子，青口等海鮮，而且都吾小，仲幾新鮮下，菠蘿好甜，一d都吾酸，味道啱啱好，吾會過咸同埋吾會油淋淋 ，冇乜味精味，所以呢個好讚。泰式串燒（豬，牛，雞），由於食咗一半先醒起未影相，所以得兩串🤣比較淡口味，但係如果食開清淡嘅人，就會覺得好好食，所以我都幾鍾意食，牛肉一啲都唔韌，雞同猪就吾係