發哥粥底海鮮火鍋 (已結業)

最近新冠肺炎疫情稍為緩和 所以就同朋友出去聚一聚 男人之間嘅聚會點少得打邊爐呢 經過一番搜尋之後決定去顯徑邨嘅發哥火鍋嗰度食下海鮮 入到去裝修好似一間酒樓咁樣跟住就叫咗牛肉 豬肉 雞肉等等嘅肉類 全部都好新鮮 牛肉味好重 只係略嫌瘦咗啲 跟住就到海鮮大餐 叫咗幾隻鮑魚 好新鮮而且仲係識得郁嘅 跟住就叫左左口魚 睇相就知道條左口魚幾新鮮 魚眼非常之精靈 魚肉亦都好彈牙 鮮嫩無比 值得一讚沙白非常之有海水味 而且冇沙 扇貝亦都好新鮮 爽口彈牙今日就決定食好啲 叫咗一隻開邊龍蝦去打邊爐 呢隻龍蝦蝦膏亦都好多 而且肉係頂殼嘅 彈牙不在講 而且富有鮮龍蝦嘅味道 簡直令人一食上癮有朋友好鍾意食竹笙 所以就叫咗 呢個同出面食到幾多差唔多 冇乜特別墨魚滑整得幾爽脆 但係墨魚味略嫌淡咗少少

天氣凍凍地最適合打邊爐😋，去咗大圍依間火鍋店，喺個舊式屋村冬菇亭🍄入面，夠晒特別又幾有Feel，裡面全新裝修，坐得好舒服。我地點咗個「海蟹餐」（每位$248; 星期五、六、日、公眾假期前夕 ＋$10），套餐包括多種海鮮😋有好鮮甜嘅海蟹（每人半隻）、好大隻又彈牙嘅蟶子皇，仲有貴妃蚌、多寶魚、黃金蜆、海蝦🦐、蜆⋯海鮮超豐富，都算幾新鮮～個人最like 蟶子皇～套餐仲可以另選8款火鍋配料，另外仲有好足料嘅老火燉湯，仲有1人1隻 鮑魚，可選新鮮/冰鎮，我冰鎮鮑魚好入味又彈牙，都幾唔錯💗仲有好下火又清甜嘅竹蓆茅根水任飲，同埋罐裝汽水任飲⋯一路打邊爐🦀海鮮嘅精華一路入晒去粥底裡面🥳到最後食到7788，服務生仲會加D南瓜、粟米、芋頭粒粒同埋白飯入去個粥底，煮一陣就變成好鮮味嘅海鮮粥🤤食到好滿足。每人2百幾蚊落樓，真心抵食！不過要注意返，店內沒有洗手間，要出返去冬菇亭外面個Public Toilet,  嗰日好在都算乾淨～PS.＋茶芥 $15/ 每位、沒有加一

🦞龍蝦餐 $288一位，🦀海蟹餐 $248一位；星期五六日火鍋每位加$10；另外茶芥醬油每位$15；全日免加一。每位都有燉湯一盅，我飲嘅係螺頭姬松茸燉雞湯，夠火候得黎味濃且清澈，唔係hea 你架👍🏻。龍蝦餐同海蟹餐分別包半隻龍蝦同半隻蟹，另外仲包七款海鮮同安格斯牛肩肉，七款海鮮包括蟶子皇、貴妃蚌、多寶魚、黃金蜆、時令貝、海蝦🦐，第七款海鮮可選新鮮鮑魚或冰鎮鮑魚；蜆同貝類我收到沙白同帶子，鮑魚就揀左新鮮鮑魚。🤩最驚喜嘅係鮑魚，生猛新鮮唔在講，煮完肉質有彈性得黎又好易咬👍🏻，唔會硬掘掘或者食橡膠咁；貴妃蚌中等體形，非常飽滿鮮甜；海蝦都好新鮮，拮好左一串串又剪曬蝦鬚，煮起上黎好方便，夠曬貼心。蟶子皇就有少少失望，係就係大隻，但肉薄又唔算鮮甜。八款配料分別叫左西班牙豬腩肉、美國肥牛、鮮滑雞、自家製雲吞、海蝦海沙白炸魚皮自家製墨魚滑。🤤推介雲吞！皮薄餡靚好juicy，仲有少少甜味，應該係來自蔬菜嘅，呢個真係必點！美中不足係魚皮唔夠脆同埋有浸燶味，不過又好好比我地可以換第二款配菜(最後叫左唐生菜)。食曬主菜同配料就可以食粥啦，店員幫我地加左飯、粟米、南瓜同芋頭，時間關係我地唔㡳煮左好耐就食啦，粥底

友人突然好想打邊爐，跟佢嚟到大圍呢邊食粥底火鍋。我哋點咗龍蝦餐，侍應好快就先送上兩款開胃涼菜同埋一壺竹蔗水。竹蔗水飲落唔算好甜，幾健康。燉湯有成五、六款湯料好足料，飲落味道清甜滋潤。新鮮鮑魚煮幾分鐘就食得，肉質好結實，咬落彈牙好好味。主角龍蝦好新鮮仲有少少蝦膏，蝦肉爽口彈牙唔錯。多寶魚肉質比較淋，好滑溜。蟶子雖然熟咗卷埋一舊但其實好多肉，食落鮮甜，爽口彈牙。貴妃蚌肉質豐滿實淨，食落韌韌地有口感。海蝦夠新鮮彈牙。安格斯牛肩肉油脂分佈均勻，食落牛味好重。火鍋配料好多選擇，各款味道都合格有餘。最後食埋個海鮮粥，每啖吸收咗海鮮嘅甜味，味道天然。

近排天氣一凍就好想打邊爐，即晚約友人特登嚟大圍發哥食粥底海鮮火鍋。開胃小菜係花生同青瓜各一碟。除咗有多款汽水外，連竹蔗水都係任飲，清涼又解渴啱曬打邊爐。燉湯嘅湯料好足，有姬松茸、螺頭、雞腳等，好清甜好好飲。新鮮鮑魚上檯時仲識郁，咬落口感結實好爽口。我哋今次揀咗龍蝦餐，海鮮成盤一次過上好有份量。先試下龍蝦先，蝦肉肉質好爽脆，味道好鮮甜好好味！蟶子皇大大隻，咬落好爽口。多寶魚雖然有骨但好易食，魚肉好嫩滑。多款貝類都無沙好新鮮。海蝦每隻都用竹籤串起，方便剝殼好貼心。安格斯牛肩肉牛味好濃好鮮嫩。火鍋配料每檯都可以揀八款，份量啱啱好一定夠飽。最後可以叫伺應加粥底配料落湯底，啲粥吸咗多款海鮮嘅精華清甜又好飲。

見到食評都唔錯就過嚟試下，可能期望太大，所以有d失望～ 好耐冇去過顯徑啦，原來冬菇亭嗰度新裝修咗，呢一間發哥都係喺嗰度，裏面有火鍋有小菜食。一知道係食火鍋嘅，店員即刻拎咗一渣竹蔗茅根水（幾好，少甜）➕ 兩個小食（酸青瓜，花生）上枱。我哋揀咗兩個人都係蝦蟹餐 （HK$248@ + HK$10 星期五六日 + HK$15@ 茶芥醬油）🥢 汽水+竹蔗茅根水喺任飲嘅～跟餐每位有個燉湯～海鮮全部都放埋一碟餸上嚟（鮑魚另上），我哋睇清楚啲，發現就冇蝦嘅，要幾番追問下店員補番啲蝦畀我哋，另外佢張落單紙寫嘅貴妃蚌就變咗扇貝，黃金蜆就其實都係畀沙白👉👈 蟹就無蟹膏嘅（應該係藍花蟹）。。另外揀嘅8款火鍋料就正正常常啦，冇乜嘢好突出，質素同出去任食打邊爐嗰啲差唔多。。雞件望落去就dry d，唔係太吸睛嘅樣🙈食到最後，叫店員加埋粥底，粥底裏面有少許粟米粒南瓜粒芋頭粒。見食唔曬又唔想浪費(又就快10pm夠鐘無得繼續堂食)，就問店員，想俾錢要個外賣盒，2個店員話都唔得喎，話唔可以拎走‼️ 唔係好明點解  我哋又唔係任食，係自己畀咗錢嘅份量，都唔可以拎走，有啲奇怪。。。喺屋邨嚟講佢呢間嘅價錢唔算平，當然如果係住顯徑邨

天氣涼兩地又係打邊爐嘅時候，今日黎到顯徑站落車行幾分鐘就到嘅發哥粥底海鮮火鍋打邊爐。天氣咁凍叫返個羊腩煲暖下身，打邊爐之前店員會送上竹蓆茅根同埋燉湯，燉湯落足料好好飲，裏面有幾粒螺頭、仲有冬菇雞腳，燉湯味道濃郁，高質老火湯！個餐可以揀冰鎮鮑魚或者新鮮鮑魚，食海鮮梗係叫新鮮啦，隻鮑魚好新鮮，黎到仲郁吓郁吓想走咁款啊😂另外海鮮拼盤有聖子王、貴妃蚌、多寶魚、蜆類、貝類等等每款都好新鮮。安格斯牛肉，肉質同味道正常。八款配料，叫咗花膠、淮山、墨魚滑、蝦滑、響鈴、豬肉片等等。初頭以為唔夠食，但原來食食吓都好飽🤣🤣整體嘢食不錯價錢合理、員工服務都好好👍🏻

這次來到大圍顯徑邨的熟食亭，找到這個抵食的粥底海鮮火鍋！一坐下，店員便為我們送上小食和燉湯！小食是花生和麻辣青瓜，青瓜微辣爽口，花生香脆!燉湯是花膠響螺頭湯，非常清甜，感覺好滋潤！首先是揀遺要什麼套餐，有海鮮也有羊腩煲，見天氣有點冷，所以點了羊腩煲試試!羊腩煲2人份量剛剛好，唔會太多令到之後吃不下粥底火鍋！羊腩煲除了有羊腩，亦有馬蹄、筍、枝竹等，味道香濃，再加入響鈴卷和生菜一起吃，非常美味！海鮮拼盤，這個套餐也包有海鮮，有蟶子、貴妃蚌、多寶魚、黃金蜆和海蝦，海鮮都好新鮮，好鮮甜，放入粥底能夠帶出海鮮的鮮味!新鮮鮑魚，鮑魚非常新鮮，上枱時還是識郁的，好生猛，鮑魚亦好爽口鮮甜。火鍋配料可以揀8款，我們揀選了生菜、響鈴卷、日本黑豚肉、美國肥牛、竹笙、魚片頭、貢丸和墨魚滑！豚肉不會好肥，食落肉質鬆軟，墨魚滑爽口彈牙!打完邊爐可以請店員幫忙加粥底，粥底充滿海鮮的甜味，吃得非常滿足呢!這裡的飲品汽水和竹蔗水是任飲的，可以自行到雪櫃取!

今日去左大圍探朋友，晚飯時間去左附近既發哥粥底海鮮火鍋，位於顯徑邨地下3號亭，大圍行過去都好方便~餐廳環境寬敞，光線充足，大多做街坊生意，經理熱情好客。有海鮮餐又有羊腩煲揀，一個價錢仲包埋多款精選海鮮、八款火鍋配料同汽水任飲，勁抵。前菜有2小碟開胃涼菜，仲有時令燉湯，大大隻螺頭燉雞腳，鮮甜又滋補，岩哂秋冬飲用。古法枝竹羊腩煲香味濃郁，無羊膻味，羊腩軟腍入味，肉質細嫩，配以枝竹冬筍等烹調，沾上秘製腐乳醬，夠哂惹味。海鮮有新鮮鮑魚，厚肉爽身、爽順聖子皇、鮮美貴妃蚌、含豐富膠質多寶魚、彈牙海蝦等等。安格斯牛肩肉油花分佈多且均勻，口感滑嫩。火鍋配料推薦：日本黑豚肉鮮甜十足好有嚼勁、巨根蟹柳結實有韌性，好爽脆、滑牛肉肉質軟滑，鮮美入味。粥底火鍋最後可以加配南瓜粒、粟米粒等等，但已經太飽，實在食唔落，期待下次再食過~

呢個星期開始氣溫急降，想搵個舒服既地方打邊爐，以前不時回去顯徑村冬菇亭飲茶，宜家改成左幾間餐廳，其中呢間發哥火鍋有粥底海鮮火鍋套餐(＄288/人)，決定一試。坐低叫左龍蝦🦞餐，二人包一隻龍蝦🦞，一個海鮮拼盤，兩隻大鮑魚，一個餐前燉湯同八個配菜任選。海鮮全部味道都幾新鮮，鮑魚仲郁緊，燉湯口感清甜，而且好足料，配料細細份，不過食完成分都好飽，分量剛好，反而怕太多食唔曬。仲有飲品任飲，自家製竹蔗茅根幾好飲。酒樓黎講呢度地方闊落乾淨，而且揀酒樓都係想有得自己清潔餐具。姐姐既服務都唔錯，我地一開頭放左硯先，其中一粒好多沙，所以成個粥底都係沙，姐姐見倒即刻成煲幫我地換👍🏻 最後粥底煲完海鮮馬上飲一啖，超級正

估唔到屋企附近都有咁好食既粥底海鮮火鍋店！聽朋友介紹先知，原來向顯徑有間好足料又好食既海鮮火鍋店！.▪️龍蝦餐 $288/位一坐低，就送上一壺水自製嘅竹蔗水，啱晒打邊爐，清熱解毒～仲有兩款涼茶同一盅燉湯，唔係普通老火湯😏跟餐有新鮮/冰鎮鮑魚、聖子皇、貴妃蚌、多寶魚、黃金蜆、海蝦、時令貝、安格斯牛肩肉！每一台仲可以揀多八款火鍋配料！點左鮮腐竹、滑雞、包心丸、蟹柳、豬肉、油麥菜同蝦滑！.一開頭仲擔心唔夠食，但係上咗菜之後完全真係諗多咗😂因為啲份量其實唔少，而且份份都好新鮮！呢間鋪頭俾我覺得好溫馨，雖然唔係大集團式，但好多都係熟客，而且服務一流！平時打邊爐好多都係自己搞店，d姐姐見到你個碗滿咗，啲嘢清晒都會好主動幫你換！十分推介大家去食！👅

老公話見到呢間野好多人讚好，就話收工想試下。去到顯徑站再行多幾分鐘就到，都算易搵到，同埋見到裡面光猛又坐得舒舒服服，就一於試下啦。首先要揀主食食咩餐。睇張紙初時仲以為係講緊每位價錢，但原來係一個餐2個人食。有海鮮又有打邊爐，除開每人一百多少少，勁抵啦。揀完個餐就再揀埋旁邊8款配料 （初時貪心，諗緊點解唔係任食但原來2個人已經好夠飽）。BTW, 老公揀左海蟹餐。醬料的配搭基本要有既都有見汽水任飲…… 但我飲熱茶阿姐話呢個係師傅煲的，凍所以我冇飲。老公話唔錯，唔會好甜先黎個燉湯。有螺頭，雞腳…… 湯底清，睇得出一定係燉，而且飲完暖笠笠一來個粥底湯底見到勁稀，心諗唔係呀化，佢幾時先煲到變粥 跟住阿姐話原來食哂d餸就會比d飯同配料我地煲粥…… 嚇死寶寶海鮮新鮮呢個牛肩肉超好食…… 但得一碟豚肉都好食一定要食墨魚丸同蝦滑，唔係現成貨，係新鮮打，食得出鮮甜…… 但已經開始好飽最後阿姐會比埋d稀飯，粟米，甘筍粒同芋頭我地煲粥…… 好食…… 但已經飽到上太空未落返來#d阿姐態度非常好

✨✨回味指數 : 👅👅👅👅/5秋入冬，又到火鍋打邊爐既日子，今次嚟到呢間火鍋店，打邊爐前仲有老火湯飲，龍眼杞子雞腳湯🍵🍵好滋補😍✨套餐分為幾個，我哋訂咗龍蝦餐，睇住佢一碟碟新鮮既海鮮上，全部都勁生猛，啲鮑魚好似識跳舞咁，好趣致🤩🤩✨除咗main course 食海鮮之外，仲有自選火鍋配料，當然少不免響鈴，金菇，唔同種類嘅肉類，例如手工肥牛，日本黑豚肉，我最愛嘅貢丸同墨魚滑，用煮過海鮮嘅湯底去食呢啲配料，更加入味😋😋我個人認為分量十足，啱啱好，唔會浪費亦都唔會唔飽，附近嘅侍應都經常行埋泥問我哋仲有冇需要，服務好好👍🏼👍🏼👍🏼比個讚✅✅食 物 ⭐️⭐️⭐️⭐️環 境 ⭐️⭐️⭐️服 務 ⭐️⭐️⭐️⭐️性價比 ⭐️⭐️⭐️

最近天氣明顯轉涼左，最岩就係打邊爐啦！但係大家食黎食去既一係就雞煲，一係就普通既火鍋，甘岩朋友呢排係甘介紹粥底火鍋，而住既附近甘岩就有呢間粥底火鍋，梗係要黎試吓啦。一入到間鋪頭，店員好熱情甘招呼我地坐係靠窗既位置， 同埋介紹佢哋有咩好食。我地就揀左兩個龍蝦餐既粥底海鮮火鍋套餐黎食，價錢為（$288）一位，呢個餐除左有海鮮之外，仲包埋鮑魚，貴妃蚌，多寶魚，聖子，海蝦，黃金蜆，時令貝，安格斯牛肩肉，另外仲可以揀多八款火鍋配料同埋汽水，竹蔗水仼飲！首先講下啲海鮮先，呢度值得一讚既係呢到既蜆滾完之後完全好鮮甜，唔會食到任何沙石，見到佢哋係處理海鮮方面好小心同細心！呢七款海鮮都保留左佢哋原先既海水味，十分鮮甜， 好好味，而家份量十足，一啲都唔吝嗇，就算係貴價食材都好大方份份都好大份！另外仲有自選八款火鍋材料，最想同大家推介既係日本黑豚，呢個真係好好味，煮完啲肉完全唔會鞋，而且仲係好嫩滑同好重豬味，鍾意食豬既朋友一定要揀。另外滑牛都係必點之一，煮完之後好滑身，而且牛味重又新鮮，非常不錯！食到最後相信大家一定已經好飽，但最後一定要留肚，因為最精華既部分一定係個粥底，打完火鍋之後一定要叫店員擺埋啲粥同

最近去咗一間發哥粥底海鮮火鍋店😋而家有個新站直達顯徑好方便 好快就搵到嗰度有唔同嘅煲可以選擇 有龍蝦餐、海蟹餐大胃王海鮮套餐、古法枝竹羊腩煲我地三人揀咗龍蝦餐🦞 $288一位 一開始每人有一盅燉湯 有啲龍眼杞子螺頭雞腳 正😋廚房將好多款時令海鮮拼埋一齊上碟 估唔到咁大份！ 鮑魚超新鮮 不停郁 而龍蝦每人有半隻 肉質彈牙鮮甜🤤 其他海鮮好似蟶子呀蝦呀都好食 我比較鍾情沙白👍🏻👍🏻除咗海鮮 仲有安格斯牛肩肉 同自選8款火鍋配料 擺到成枱都滿哂😂 點咗肥牛、日本黑豚肉、手工貢丸、炸響鈴、唐山菜 仲有我同家姐都鍾意食嘅墨魚滑同蝦丸 係自家制㗎 推薦🤩 家姐略稍響炸油膩 唔係咁欣賞 我覺得還可以 ～