蛇王二 (已結業)

今日落雨所以無咩人排隊，一嚟就即刻有位，正！呢度除咗蛇羹外，都有燉湯比唔食蛇嘅朋友。我今日揀燒味雙併餐，有蛇羹同一碟油菜。义燒略為乾咗少少，雞肉好滑，至於主角蛇羹無得頂呀！完全足料，個羹嘅肉絲，木耳絲，冬菇絲好足，湯羹唔會似果d打咗濃芡咁杰，無漿喉感覺，湯味清甜。凍冰冰食碗熱騰騰嘅蛇羹，再加上蛋散脆脆，檸檬葉，白菊花瓣，味道更加可口！大滿足嘅午餐呀！

身為九龍人的我，每次過海去銅鑼灣就好似“劉姥姥入大觀園”一樣，大多美食給我選擇。就如前天趁好天氣去港島徑行山，行完後坐巴士去銅鑼灣醫肚，左揀右揀之下去了很久沒去過的蛇王二。當時大約五時半左右沒太多人等位，很快就被伙計安排入坐了，甫坐下來看看餐牌便點了蛇羹餐，蛇餐有一碗蛇羹一碗脆皮潤腸飯及一碟蠔油生菜，價錢為102元相比去年來的時候為98元加幅算合理。很快三款食品送到枱上，蛇羹一定要趁熱吃否則會越來越稀像水一樣，熱騰騰的蛇羹很足料果然是一分錢一分貨，蛇肉分量比工X會搞的蛇羹宴多很多，所以味道特別濃郁及芳香。在邊燙咀邊吃之下終於把蛇羹喝光光，蛇羹份量算大碗，吃完已經飽了一半。好了，開始吃脆皮潤腸飯，脆扑扑的潤腸跟自己在家用電飯煲蒸的潤腸完全不一樣，咬下去就好似吃西方脆皮肉腸般似的爆開，加上潤腸的甘味及油香充斥口腔，配上絲苗白米實在是太美味了。至於蠔油生菜就普通了一些，與坊間的餐廳沒有分別。吃完蛇羹餐之後充滿力量又暖又飽又滿足。

今晚去咗蛇王二食飯，8點幾好多人，要排隊，不過好彩排左一陣，好快有位。去蛇王二應該係要食蛇羹，不過我今晚就無食，叫咗川貝海底椰燉湯同糯米飯，每次離e度都一定會飲燉湯，個湯啱晒依個天氣飲，滋陰清潤，又足料，又清又甜，趁熱要快d飲晒佢先，跟住糯米飯到左，加左條潤腸，糯米飯又香又煙靱，潤腸皮好脆好香，每次離都想食，糯米飯雖然吾算多料，不過都好好味。去蛇王二食飯，要有個心理準備，因為佢地好多人，坐得又迫，所以都好快食完，雖然坐得吾係好舒服，不過諗起佢好好味，都無所謂。

在香港，當季節一到秋冬，好多人就會想起 "秋風記，三蛇肥"。是次的秋日小宴會，大家都想起了秋天的童話，這秋天的童話雖沒有船頭尺，也沒有十三妹，但有一眾的銅鑼灣閒師工友及蛇。而我們最後決定來蛇一蛇王的地方，就是銅鑼灣的《蛇王二》。《蛇王二》，本身是一間食蛇的專門店，其實，也是一間食燒臘的好店，有時候，一個人來午餐，不會食蛇，會吃的，是叉燒飯。不過，是晚，我們就為為慶祝初冬，來一個以蛇為主的晚餐。上圖的餐牌是蛇湯，我們除了點特定的蛇套餐之外，這一盅燉梧州過山烏蛇，用料十足，蛇肉同其骨架，喜歡的也可以食埋。湯有適中的藥材味道，飲後的確是有小效用，因為，我感覺到渾身溫暖。食蛇，當然有蛇羹，而大多數的人來食蛇，都是以食蛇羹為主，所以，要介紹蛇宴 (或好多人喜歡用"讌")，蛇羹一定要提。這兒的蛇羹，味道絕對是濃香，而且蛇肉充足，香口，有蛇味，加一點胡椒再吃再飲，味道更惹人。《蛇王二》的另一個身份是燒臘店，我們叫的套餐，雖沒有燒，但有臘。臘的，有臘腸，但我們異口同聲地來一個味道更重的，膶腸飯。《蛇王二》的臘味也是出名的，而且全是自家製作的。是日的膶腸味道濃香，很濃的鴨肝香味，味道同汁亦完美地滲入飯內

蛇王二廳父輩講起話已經開左好幾十年喇，一間店可以開咁耐梗係有佢嘅原因，而一間餐廳嘅原因無非系因為好食啫。 燒臘拼盤首先上臺嘅，睇起身其實好養眼咯，首先顏色就系燒烤得好靚隻色，比較暗色，甘樣先系正宗燒臘吖嘛! 講翻味道，的確系有過人之處嘅，秘制蜜汁好正，淋系上邊必有一番風味啊，味道鹹甜混合，刺激味蕾。 關鍵系人地真系好抵食咯，價錢又唔過分，好正吖！蛇王五花羹真系令我打開眼界，點解咧，系因為真的是大大一碗，非常滿的一碗吖！價錢雖然比較高，但系睇落咁大一碗都值翻喇。蛇肉一直不是很敢食，但系味道都意外之岩我。

好多朋友都推薦呢家，不過，作為一個怕蛇如命的真正蛇王，我點會可能去食，不過被朋友拖咗來我都無鬼喇，點咗企地嘅潤腸飯，係度做嘢嘅阿姨熱情推薦，試試都好喇，沒想到真係超正，企地嘅腸唔似傳統嘅臘腸咁乾，可能係過咗一次油，將水分緊緊咁鎖咗係裡邊，食一啖就覺得好滋味吖，有臘腸風乾獨有嘅臘味，有不會太好，稍微有點油油地，不愧個潤字頭吖！朋友叫做菊花五蛇羹，賣相不錯，蛇肉絲絲分明，上面撒了些脆餅，菊花瓣，看起來很漂亮。我自己不敢食，不過被朋友塞咗一啖，一瞬間我眼都光咗，味道真係唔錯，相像中嘅腥吖，蛇嘅可怕吖咩都無咗，就係一道菜了，味道真好，裡面有D火腿絲，木耳絲，香菇之類的，好正好正，不愧係蛇王，承認喺比我蛇王喇、

今晚天寒地凍、細雨綿綿，又只得一個人食晚飯，在這寒冷的天氣，最適合食一些暖胃進補的湯羹。正所謂秋風起、三蛇肥，最普遍的秋冬進補湯品當然首推蛇羹。是晚來到銅鑼灣的唯一蛇羹專門店【蛇王二】，難得今天晚上門外沒有大排長龍，只等了十分鐘左右便可入座了。店內門頂大字標題：「本號經營蛇業六十餘年  老舖設於上環文咸東街一百二十七號」。其實，【蛇王二】已搬至銅鑼灣30年以上，如果此牌匾從搬舖已存在，則此店歷史已超過100年了！事實上，上環一帶一直是所有老字號蛇業的老舖原址，計有【蛇王二】、【葉林記】（已結業多年）、【蛇王林】【蛇王芬】（已搬遷至閣麟街）等，究其原因，上環是香港開埠初年的人流集中地、商業中心，因位置靠近海邊、多碼頭（百多年前尚未填海），附近又是海味藥材集散地南北行；很自然吸引各行各業進駐開業。其中，好像賣蛇這一類老行業，自然發跡於上環。回到正題，【蛇王二】的座位擠迫得有點過份，每張枱之間差不多完全沒有任何通道，即使樓面伙計亦只能在枱櫈之間的狹窄空隙穿梭於各張枱，而且每張枱的大小，也較一般茶餐廳的標準餐枱細小，實在坐得極不舒服。最大的好處就是可以引致客人盡快用餐完畢，加快客流量。小店雖細

銅鑼灣吃飯實在不便宜. 蛇王二算是"好食夾大件"!  燒肉叉燒飯+老鴨冬瓜燉湯 $70燒肉皮不算脆, 但挺香. 豬肉不會太膻, 但略嫌太咸叉燒較瘦, 對我來說剛好, 有肉汁, 外皮很香~老鴨冬瓜燉湯夠料, 值得加錢一試!整體都不錯, 可以常來~ 

在蛇王二首選食蛇，因昨晚已經吃了蛇王娟，今日路過銅鑼灣便想起飲燉湯。今次再飲《天麻燉魚頭》配雞飯，魚頭燉湯比上次淡口，但尚算可以。飯就依舊一般，因主打不是飯，不能要求太高。下次再到訪，可能只點燉湯或蛇了！

秋風起，三蛇肥。是晚七點幾來到銅鑼灣蛇王二老店，依然多人，好在咁啱有位唔洗等識食而家梗係食「蛇羹套餐」，有蛇羹、糯米飯同蠔油菜，今次加咗少少錢要埋老火燉湯。主角蛇羹，足料，好香藥材味，仲有好多蛇肉～食完成身大汗！糯米飯係配角，味道比較清（或者唔想味道搶主角吧），料唔算好多，不過飯都幾煙煙韌韌，也不錯足料嘅老火靚湯，清清哋好滿足～銅鑼灣，百一蚊，真材實料食到飽，呢間老店存在咗咁多年仍然有咁多客支持，一定有佢嘅原因嘅！

聽個名, 蛇王二就梗係食蛇出名啦~ 但係佢既燒味同燉湯都好唔錯架wor...平時因為友人係銅鑼灣度返工, 去探佢時都會順路買蛇王二既外賣一齊食~ 今次係我第一次堂食呢~ 今之我地叫左個叉燒飯同雞飯, 同埋一個什錦冬瓜宗同埋菜乾豬肺湯~ 叉燒飯 - 要做到好味既叉燒真係唔容易架, 以前好中意食灣仔既再興, 但而家D水準都跌哂LU. 呢度既叉燒都OK既~ 肥瘦適中, 有少少燶, 咁先好味~友人叫了雞飯, 佢話好味~ D雞幾滑~ 個湯都冇得頂, 夠火喉, 同平時送既例湯冇得比~

那天在銅鑼灣上完堂晚上10點左右,在銅鑼灣應該還有很多選擇,卻編編只想起未關的甜品鋪,正餐都未吃,當然想先吃飽飽的呢。跟同學,share一個餐再加多個湯,上了一整天班,當然需要一個正湯補補身子。朋友點了個冬瓜盅,非常足料.有冬瓜,冬菇,瑤柱夠火喉。油雞飯,每人一半都吃得飽飽,雞好滑,雞皮不敢吃太多..但味道太好,都清光了。飯的豉油落得剛剛好,不會太咸.因為我個人歡喜先吃飯再吃"送".准杞燉豬腦湯非常補,歡喜歡喜.豬腦不多人敢吃,我覺得好好味.還有好多雞腳.非常足料。

有時候冬季到蛇店吃番碗蛇羹，實在是可以令身體暖和，但是今時今日，卻一年四季都可以吃到蛇羹，無需等到冬天。隨著時代的轉變，在蛇店不再單單只吃蛇羹，其他的如燒臘和小菜，也有得吃吧。在下不是經常會到蛇店，偶而隨家人一起到蛇舖吃碗蛇羮。但當自己一個人去到，卻又不吃，反而在蛇鋪吃燒臘反而多了。就如今天到了銅鑼灣波斯富街的蛇王二，不吃蛇羹吃了個燒臘飯，可能因為天氣稍熱的情況下，不想吃得太燥熱吧。店子與傳統的蛇店不同看不到有放的櫃子，也可能放置在不起眼的地方。在問口位置有個燒臘的廚房。坐下來翻閱餐牌，多以袉羹為主題的套餐，也有獨立的燒味飯供應。來一客叉燒潤腸飯，叉燒以肥瘦相間，肥肉不多，吃下有著油脂的滋味，也有蜜味的相伴，廋叉燒部不嚡也不靭；潤腸皮脆而且豐膄，柔糯而富有咬口，是不錯的潤腸。沒點來蛇湯，卻點來汽水，為炎熱的天氣降降溫吧。

嚟到蛇王二，都吾一定係食蛇既～ 雖然佢地既菜式款式不多！但卻令人，久不久想去食！佢地大概有兩款出色的！就等我介紹返啦！［燒味飯 - 叉雞飯 ］通街都有得食既燒味飯！而食家門選擇既時候，就將會是看他們的質量！半肥瘦叉燒，燒得剛剛好！肉質美味而不韌！雞，好好地給了我至愛的雞髀既部分！更加美味了！［沙參老魚湯］本人是湯的愛好者！對於湯水的確有一定既要求！這碗湯，沒有味精，非常足料，飲得出真的是一中中燉出來的！感覺好保身！成個人暖哂！他們仲有很多湯款，下次會試下其他！冬天食蛇一流，夏天燒味飲湯美味！

原本想係大代食野，點知九點九已經收晒檔無野食，陰功豬。無緊要樓下大把野食，行過蛇王二有燉湯飲喎，最愛燉湯，即刻衝入去試試先！lucky lucky，剛好有張圓形細枱唔洗等位，枱櫈都放到密麻麻坐得唔多舒服。嘩！一個土炮香港友都無？個個都大陸咀臉，強國味濃厚既飯店！坐低發現後面有對香港情侶，都好啲，原來仲有地球人。今晚唔食蛇喇，我想飲燉湯，食燒味飯，有機會先試啦。睇睇完個 menu，點解得雞脾鴨脾呢？唔要內臟呀！我要食雞髀、雞髀、雞髀呀！蛇王二既銷售方法係推燉湯先，跟住燉湯加燒味飯幾錢，加蛇羹幾錢，good idea。唔同一般食肆先推飯、炒粉麵、小菜，之後先問加唔加湯。$72 蚊有燉湯有燒飯，價錢都好公道。切雞髀叉燒飯、乾瑤柱雜錦冬瓜盅，香噴噴喎！唔知味道如何，操完泰拳好肚餓呀！乾瑤柱雜錦冬瓜盅，賣相就唔錯，但掙啲火喉喎！有點似滾湯味，普通煲湯，味道好清，我記得係酒樓飲係勁濃勁鮮甜架。見啖湯唔係好燙咀又無咩煙咪一啖咬落舊冬瓜度囉！中伏勁熱，搞到起口腔水泡又甩皮，頂！乾瑤柱冬菇粒足料香甜，瘦肉就過乾鞋硬喇。整體都好飲既，只係無驚喜。切雞髀叉燒飯，主菜黎喇，真係擺得好靚好齊整，顏色有光澤又鮮明