鍋心粥底火鍋 (已搬遷) 新店位置

多人聚最適合相約打邊爐/食雞煲/食韓燒/掃放題，所以今次英國intern group相聚就提議試試新野，普通火鍋平時大家都試得多，但真心粥底火鍋是第一次試！滿心期待 幸好最後沒有令我失望，還喜出望外，個個都食好驚喜，大讚我這個Foodie做得好！😂😂😂（他們這樣對我說，我當下真的不知好嬲定好笑😚😅）鍋心粥底火鍋是供電話訂座的，醒目的我在confirm好大家的日期便打電話訂位，本來相約19:00，但訂座時才發現這裡只有三個時段可供選擇：1）18:00-20:302）20:30-23:303）23:30-03:00而且值得留意的是不可在時段的中間訂位入座‼️ 因此我們便訂20:30的那個時段入座。 店鋪面積不大，枱不多，建議大家先訂位入座------------------------------其實這裡的「遊戲規則」是： 三個時段都是同價$198一個人 包7款不同的海鮮（蟹、蝦、鮑魚、大蜆、花甲、皇蜆、魚）、三款蔬菜（栗米、南瓜、芋頭粒）和五款配料（在自選單中選出五款，我們點了魚皮餃、芝士獅子狗、蘿蔔、美國肥牛、西班牙黑毛豬腩片） 海鮮以人頭計，六人份量（大蝦每人分到兩隻、鮑魚

家人介紹呢間既好食又抵食既火鍋，今晚就我們一家人來食番餐。因為食早場, 一去到就有位, 雖然有兩層,店面都比較細，不過有卡位坐得好舒服。呢度分三個時段，都每段時間都好FULL, 所以book位都有D難度, 要早D打去預約, 真係都幾誇張！6:00pm-8:30pm8:30pm-11:00pm11pm-2:00am(聽聞零晨都要book位先有得食)頭盤有個salad都唔錯, 菜同瓜都好新鮮!!海鮮就有~~魚,蝦,蟹,鮑魚,大隻蜆,細隻蜆同,蛤(之後掛住食咩都無影~HAHA)另外有5款自選配料的D海鮮的確好鮮甜, 都好新鮮(YUMMY!!!~~)牆上有教大家先吃海鮮及每款煮既時間, 再加入自選配料, 最後才加入煮膽, 個粥底崶完成了,吸左海鲜既粥底有甜味，真的好好味!! 值得推介店舖用料新鮮, 份量足夠食得飽, 不會浪費, 每人都係$200, 真係好抵食 

早就有聽過「鍋心」粥底火鍋的大名，可惜次次太遲訂台食不到，今次終於食到喇！「鍋心」的粥底超抵食，主打的海鮮粥底每位只要＄198，而且還免・加・一！已包7款時令海鮮＋5款自選肉食／肉丸／蔬菜我當日的7款海鮮有肉蟹、多寶魚、鮑魚、蝦、花甲、北寄貝及蜆每樣都好新鮮只要跟著店員教我們的時間逐樣淥就不會過火，非常易上手第一樣食的是肉蟹，非常新鮮即使肉蟹已被切成2大塊才送上，它的神經還是在動的！！！而且非常多肉又甜好久沒有食這麼鮮味的蟹！然後的蝦同鮑魚同樣生猛新鮮那些蝦在下鍋後不斷爭扎跳出鍋簡直嚇得我們幾個女仔不斷尖叫蝦肉非常爽口彈牙，而鮑魚亦洗得非常乾淨鮑魚邊被刷得非常白滑，值得大讚！除了海鮮非常出色，它家的肥牛亦是一流每片厚薄切得適中，不會一淥就散，脂肪分佈又平均、入口即融而且分量唔少，平均一人有4-5塊淥完所有海鮮、肉類及配菜後，專業的店員就會幫忙先去油隔渣，再下粥膽令最後的海鮮粥不會過份油膩，十分細心由於吸收了所有海鮮肉類的精華，最後的粥非常鮮甜綿滑！好豐富又抵食的一餐～

說起粥底火鍋 大家會想起那一間店呢？一直以來 有一間佐敦私房菜一直都位居榜首但近年來有不少競爭對手加入其行列 令到我們都可以大飽口福由於前排見到美食節目介紹 就試一下新店吧佐敦「鍋心」是由大圍主店開的第二間分店全店熱賣粥底火鍋套餐 每位$198 醬料全包 免加一飲品另計 有汽水、酸梅湯、藍妹啤酒等包7款不同海鮮 5款其他自選配料及3款蔬菜 共15款有三個時段可以選擇有18-20:30 20:30-23 23-凌晨我和家人一行四人選擇了20:30時段 並準時入座一坐低 餐廳就會提供調味料給我們自由調配出個人口味的醬油有蒜蓉 炸蒜 蔥粒 和紅辣椒隨後就端上一客套餐已包的沙律給我們沙律有新鮮的青瓜、生菜、蕃茄、粟米等加了少許的芝麻醬令人很開胃到主角出場了一鍋用中國珍珠米煮 撈起了濃稠的米粒 剩下的粥水就是涮生料的粥底 用玫瑰煲防煲粥黐底聽說用粥水作火鍋的湯底 一方面是粥水沒有油鹽味精比較健康 可以突出食物的原汁原味另一方面是因為怕有米在過程中於黐底 在鍋底變焦 便浪費了整鍋湯底又怕有米令湯底越滾越濃稠 又要加水 沖淡了海鮮的鮮味不過其實吃粥底火鍋是有步驟的首先涮海鮮每日7款時令海鮮逐一送上

我朋友話不如去佐敦打粥底邊爐, 一聽名字"鍋心", 一 search 之下, 原來係大圍個間, 原來佢係佐敦開左分店, 即刻答應去試下! 分三段時間, 頭段係 6:00-8:30, 我地為免楝中段要等, 所以我地棟左頭段食, 個日一放工, 就即刻奔跑搭地鐵過佐敦....黎到剛剛好六點正, 我地發覺, 其實好多人都未開始打, 只係搵個個代表黎攞左抬先..., 但係眼所見都full 晒! 哩度叫法係, 一定係粥底, 包括當日新鮮的七款海鮮 (視乎老細個日見到咩新鮮就買咩), 仲可以自選五款配料, 所有分量係根據人頭俾既, 唔使驚唔夠食, 因為好足夠! 最後會加芋頭, 南瓜, 粟米, 煲粥食! 完成...一坐底就放底盤沙律..啲菜都好新鮮, 話要係 FB 打咭先送, 但係我地冇打咭都已經放底左 (不過送完即止!)之後會上一鍋粥水俾你一陣打邊爐..好清! (唔好睇佢而家咁清, 到最後食晒所有野, 個碗粥真係好味)今日海鮮包括七款:蟹係第一步放落粥到, 今日啲膏都算多, 好鮮!鮑魚好彈牙好淋, 唔細隻架!哩三款貝殼類我都唔識分, 我只知道又係好鮮甜, 但記住千祈唔好煮太耐, 記住一開口煮多一陣就

提前一個禮拜book咗位，是日晚間6點就開始排隊入店，人氣好足。坐定一陣會有沙律開胃。然後就開始滾粥水打邊爐。依次分別是海鮮、南瓜和芋頭、跟住是自選配料比如黑毛豬腩片等。海鮮新鮮度很夠，雞軟骨丸好鮮美，都想添多一份，不過其實成個set份量都不算少，食完最後一part是入粥膽，豬油渣和芫荽滾入粥底即刻香氣四溢，忍唔住食咗兩碗。粥底火鍋比之高湯鍋清淡許多，食完都不覺得膩，幾舒服。服務方面，雖然都很忙但隨叫隨應，老闆都態度好親切，用心炮製咁正的菜式。

打電話Book位都要7日後，估唔到咁受歡迎。$198 免加一，7樣海鮮，另外揀多5樣配料，好似一個set咁!全部食物都好新鮮上，海鮮包括鮑魚，活海蝦，膏蟹，大蜆，蜆皇，蜆仔同多寶魚，樣樣都活生生咁上，d蝦跳下跳下，要搵個碟蓋住!個鍋先用無米無味精粥水作湯底滾熟海鮮，都有次序，要食左貝殼類，再食鮑魚，然後蝦蟹，最後先食多寶魚。海鮮好鮮甜，滾熟都好好味。個粥水湯底已經有海鮮鮮甜味。服務很好，待應會介紹一下食法，不時留意你鍋湯底，加粥水。食完海鮮上粥底料，包括芋頭，南瓜，栗米同自選配料，我點左豚肉，農場雞件，雞軟骨丸，花膠，響鈴。雞軟骨丸係手打，招牌配料。入口彈牙，有軟骨口感。我推介花膠，可以一直煲到溶，粥底更甜。其他就無咩特別。食晒所有配料，芋頭，南瓜都溶係粥底，已經變成金黃色精華粥底。待應會攞出米膽，薑絲葱芫茜菜莆豬油渣，放落粥底一齊煲，一滾就食得!起初以為唔夠飽，到最後飽到嘔!起碼有五六碗，以粥底作結束，粥水吸收了所有海鮮的精華，個粥底好甜!

又係時候來個大學同學聚會。天氣有些少凍，一大班人食個粥底火鍋係一個唔錯既選擇。今次地點係佐敦鍋心粥底火鍋，一去到門口已經有好多人等位。唔一早Book就可能要去好夜先有位。聽同學講依到個食法很特別，要跟住Step 去做先好食。但對我黎講，點煮點食係我話事。依張係自選Menu頭兩樣係已經準備。時令海鮮係每日不同。今次有蛤公、鮑魚、魚蝦蟹同埋蚌。由於有2個爐，所以可以叫到10款配料。叫左: 雞骨丸、黑毛豬腩片、肥牛、貢丸、花膠仔、魚腐、魚片頭、王芽白菜、魚皮餃同埋響鈴。未食之前，送上一小盤沙律。麻醬略為不足，香味不足。食完沙律之後送上粥水作為火鍋湯底同埋為最後海鮮精華粥作準備。個煲可以放心，因為唔會有煲燶粥既情況出現，但都要時不時攪動一下個底。跟住主角陸續出場 !!!大大隻既蟹 !!! (完隻冇整碎蟹殼，原因係想鮮味保留蟹殼內)之後開始送上不同貝類海產，份量亦不少，好啱鍾意食海產既我。由於忙於品嚐，沒有影其他食材，先道歉。魚同蝦都唔錯，蝦係新鮮，好生猛，仲好好跳。食完海產，之後開始送上其他配料。依到好處係唔會好急好快咁一次過送晒所有配料，佢地會留意你地速度。其他配料冇咩特別，但我最鍾意係花膠

鍋心粥底火鍋真棒！忍不住要開account 讚讚他們，之前成日都想食，不過大圍個間好難訂到枱，而家係佐敦開左間分店，有幸係咁凍既天氣可以食到。座位寬敞、環境舒服，比大圍總店稍好味道品質也很好、海鮮夠新鮮，份量有多無少，粥底加芋頭、南瓜、粟米，味道愈食愈濃愈正，新店開張，老闆坐陣，老闆親力親為，如果我和朋友們都不知如何落手，唔知道先食咩海鮮，粥底火鍋、海鮮、5款火鍋料，只係$198 ，新張期間不用加一服務費，出面閒閒地食尼餐最少都要$450 鍋心。良心商店，好老闆，不過可以多一點員工訓練，不用老闆落手落腳遂枱去介紹丫。

已經訂位都要等左一陣先有位，無法啦，呢間餐廳分三個時段，6至830，830至11，11至3，無錯，係真係3am，而且最爆場既係830果場，所以去到中段‥‥‥服務態度真係差左少少，不過整體都ok，而且用粥底打邊爐都係第一次，正！先來每枱送上沙律頂住個胃先，之後就來左個粥水，慢慢煮熱去！然後上人頭計既海鮮，有幾多人就有幾多件，蟹、蝦（未死，重跳左我條裙上面！）、多寶魚、蜆、大蚌、鮑魚，邊食邊煮，令到個粥水底有海鮮鮮味同甜味，有時忍唔住都會飲佢d粥水，就係呢個位，俾老闆或waiter見到，就會叫住我地唔好飲晒佢，感覺係唔想添俾我地咁，但咁鮮甜既粥水，好難忍口~~~~每一款海鮮都好鮮甜，蟹又多肉，魚又滑，鮑魚又爻爽口彈牙，比我想像中要好味，因為我唔知因為湯底轉做粥底後會有咩既變化。食完海鮮，就會加入粟米、南瓜同芋頭再煮，送多五樣餸俾我地，就叫左黑毛豬梅頭肉、黑毛豬腩片、木耳、牛肉、雞肉，之後再另外叫雞骨丸、黑毛豬腩片、響鈴卷、魚皮蛟同黑牛柏葉，係呢個時候，時間差唔多2230，老闆都問我地食唔食得晒，感覺到好似逼我地交枱咁，同時又唔想加粥水俾我地，因為不停食，粥水都越來越少。最後，所有野都食晒之

天寒地凍最好不過是食火鍋，而粥底火鍋就更加溫暖，因為比一般湯底式火鍋温度較高，所以放生猛蝦時要特別小心，彈起的粥底會灼傷手！所以整晚都有人幫你放材料，幾“鍋心"！！基本上是指定套餐，然後自選幾款牛肉、雞、或蔬菜類，而當中最較特別有黑柏葉和花膠等選擇！這套餐有七款海鮮 : 鮑魚、蜆、花甲、蟹、蝦、多寶魚等。蜆和花甲固然鮮味，但最新鮮美味就是這個膏蟹，肉質結實多膏，使整鍋粥變得鮮甜無比！粥底是清香的米水煮成，但加入了多款海鮮、南瓜芋頭粒等之後，就變成金黄色的靚粥，因為最後會加入米粥和葱菜等配料，帶出粥的鮮甜味！這個是金多寶魚，很鮮甜，肉質幼滑而不散，而且一點也不腥，够新鮮！其實還有很生猛的海蝦和其他配料，而精華所在就是最後的金黃色粥底。可借相片上載不到！

同事去過大圍總店食過後讚不絕口，更提醒要兩星期前訂位！為左同爸爸慶祝生日，尾尾不敢怠慢，真係兩星期前訂左位！佢地分幾場，因為家中兩老唔鍾意太晏食晚飯，所以訂左6:00-8:30PM時段。當日下午仲收到確認電話，確認人數同時間，訂左位記得聽電話呀！我地6點去到，唔駛等就可以入座啦，因為早到嘅關係，我地仲可以揀位 ！今晚仲要幾十年來得4度嘅日子，食火鍋真係好正！$198(每位，無加一)包7款海鮮、粟米、芋頭、南瓜、同5款自選配料。有張紙俾客人劃(好似點心紙咁)，但店員冇俾我地，後來見到隔離枱有先問佢地攞 。我地揀左西班牙黑毛豬梅頭肉、美國肥牛、花膠仔、鮮淮山同埋黃芽白。無論海鮮定配料，佢地都會按人頭俾你，所以唔駛擔心唔夠分！一開始會有煲粥水當湯底，滾左之後就可以開始煮海鮮！海鮮係冇得揀，但一定係新鮮時令先會奉上~ 今晚有鮮蝦、羔蟹、鮑魚、黃金蚌、花甲、蜆同多寶魚。煮鮮蝦記得要夾住黎煮，因為啲蝦太新鮮，仲郁緊，所以唔夾實會飛蝦架  蝦肉鮮甜味美又大隻 (每人兩隻) ！羔蟹每人有半隻，好多蟹羔，肉質亦好鮮甜，連媽媽都讚好 ！之後再食左鮑魚(每人一隻)、黃金蚌(每人兩隻)、花甲(每人兩隻