鼎尚棋哥燒鵝湯館 (已結業)

今日放假，就同朋友一齊遠離繁囂，嚟到戲曲中心感受一下文化氣息。 呢度除咗有粵曲聽，有藝術紀念品賣，仲有幾間食肆，當中最出名嘅梗係鼎爺有份開嘅呢間啦。 有鼎爺嘅滋味燉湯，亦有棋哥嘅惹味荔枝柴燒鵝。裝潢好懷舊，門口已經有一道N年前feel嘅鐵閘。餐牌簡潔，餐紙有特色。先講燉湯，係鼎爺嘅私家配方，用料十足㗎。 【椰皇燉嫩雞】用咗原個椰皇去燉，一飲落去真係好清甜。 啖啖都係椰皇水同嫩雞肉，好好飲，好潤好清甜。 【杏汁花膠燉白肺湯】有唔少豬肺件，用料十足。想除左堂食仲可以外賣個湯返屋企慢慢嘆，可以用有個設計十分方便嘅外賣湯杯，有手抽，仲好似咖啡杯咁可以隨手飲用。 燒味叫左三款。【桂香切雞】啖啖肉，少脂肪，肉質彈牙夠嫩夠滑！仲好香雞味。【脆皮燒腩仔】外皮超鬆化，下面半肥瘦，瘦肉肥肉一層層相隔。 最特色係【荔枝柴燒鵝】唔會太肥，用荔枝柴嚟燒煙燻，果然多一份香味，比出面嘅燒臘店普通燒鵝好食好多。不得不提呢度嘅瀨粉，爽口彈牙，正！【郊外油菜】夠鮮嫩。仲叫左【港式奶茶】茶味奶味並重，夠晒香夠晒滑，仲喺鼎爺私房菜製造，即刻感覺高檔好多。

喺圓方行完街買完野，遠處見到起左唔係好耐嘅戲曲中心，於是行過去觀摩一下。行完一個圈就見到呢間燒味餐廳，原來係鼎爺有份開嘅，就入去試一試佢。其實一開始係比間餐廳嘅裝飾吸引嘅，成間餐廳都係用好懷舊嘅80年代風格裝修，同埋一路都播緊啲好得意嘅80年代舊歌，有種好似返返以前年代嘅感覺，好特別。餐廳主打係食燒味同埋燉湯。椰皇燉嫩雞：呢個湯應該係招牌燉湯嚟，因為見到有一幅大大張嘅宣傳單張，所以我哋都嗌咗。個燉湯真係成隻椰子咁燉，個湯真係好甜好甜，有好香嘅椰子味，加埋啲雞嘅甜味，真係飲唔停口～椰子同雞真係絕配！除左堂食燉湯，原來都有得外賣，仲要係用特製嘅外賣杯裝，咖啡杯般設計，方便攜帶同可隨手飲用，幾貼心。椰菜瑤柱海皇湯：朋友嗌咗呢個，見到個湯入面都好足料，我試咗一啖，個湯係屬於清淡類型，但清得來又有少少海味嘅味，有住家嘅感覺。荔枝柴燒鵝髀飯：燒鵝係用荔枝柴煙燻嘅，食落個味同普通燒鵝真係好大分別。成舊肉充滿好濃嘅煙熏味，陣煙熏味減低左燒鵝嘅肥膩感，燒鵝髀皮薄脆肉嫩，果然係餐廳主打，真心推薦！桂香切雞：除左食招牌燒鵝，呢到嘅雞都可以話係首選！雞味好濃，肉質夠嫩，層雞皮仲要係有少少爽脆㗎，配埋薑蔥，用嚟

鼎爺開嘅餐廳，位於戲曲中心入面，餐廳裝修充滿懷舊風味；而且播放着懷舊歌曲，另有一番風味。當然要試吓呢度主打嘅荔枝柴燒鵝，燒鵝味幾香，有柴燒過嘅香味，鵝味香，配飯一流。桂香切雞：雞皮金黃，而且雞肉嫩滑。有雞油香味，揀咗配瀨粉就唔會太油膩。脆皮燒腩肉，帶有燒肉鹹香，而且面上脆皮真係卜卜趣，好邪惡！賣相味道都唔錯。燉湯叫咗椰皇燉嫩雞，充滿椰皇香，而且帶點清清嘅雞味，非常滋潤。椰菜瑤柱海皇湯，充滿鮮味，非常足料。好鍾意呢度嘅燉湯夠火喉。呢度嘅燉湯仲可以外賣非常方便。仲叫咗呢度嘅奶茶同雞骨草，兩樣飲品都幾好飲，鍾意港式奶茶茶味夠濃。

今日爸媽結婚周年，同佢哋安排咗「特備節目」——聽戲曲同食好西。 鼎尚棋哥燒鵝湯館主打靚燒味同靚湯，位置喺柯士甸道戲曲中心入面。餐廳裝潢到好有老香港茶餐廳風味，背景播住粵語流行曲，爸媽聽住梅姐、阿Sam嘅名曲琅琅上口。 【椰皇燉嫩雞】用椰皇裝住，幾特別。聽職員講話係用兩個椰皇水加椰子肉加雞所燉，湯味道好香椰子味，但又不失雞味。雞肉仲保持嫩滑，裡面仲有椰肉，加倍鮮甜。 【椰菜瑤柱海皇湯】海皇湯就勁鮮味，湯料有椰菜、蠔豉、蝦乾、章魚、元貝等等，真材實料。 【桂香切雞】好嫩滑嘅雞肉，味道濃郁，仲有少少雞香。呢到嘅桂香雞品相對較高質，同出面嘅雞大有不同，特別有雞味，可能係加入左鼎爺嘅秘方！ 【秘製叉燒例牌】用「半肥瘦」叉燒，咬落去有蜜汁嘅甜香；脂肪嘅油香同叉燒肉香。口感軟腍，絕對係100分靚叉燒嚟。 叉燒同切雞燒味飯可配飯或瀨粉，我自己就鍾意瀨粉夠煙韌有咬口，個湯底仲要好夠味，好清甜。 【荔枝柴燒鵝】食燒鵝嚟講，鵝皮同鵝肉同樣重要。用荔枝柴燒出嚟嘅燒鵝，鵝皮好香脆，有皮下脂肪但唔會太肥，鵝皮鵝肉仲帶咗少少果香味同香烤味，真係同平時食嗰啲好唔同，正好多。阿媽一路食一路讚。 【郊外油菜】大碟鮮爽油菜

相信唔少香港人都認識鼎爺，特別近幾年佢更加進軍飲食界，今次佢更加再下一城，夥拍名廚攜手合作創立鼎尚棋哥燒鵝湯館。當中以鼎爺靚湯及棋哥燒鵝作為主打，真係令我相當期待。餐廳裝潢以老香港作為風格，當中更有手繪壁畫、懷舊海報，盡顯老香港的特式，相當有心思。餐牌內就有不少靚湯及不同燒味選擇，而且定價相當親民， 難得一嚟當然要試佢嘅鼎爺靚湯及棋哥燒鵝。荔枝柴燒鵝飯呢個燒鵝飯真係望見都流哂口水，而且燒鵝有啖啖煙熏香味很有特式，鵝皮亦很鬆化，鵝肉亦很繳，不錯。脆皮燒腩仔份量十足，而且燒腩仔外皮真係做到脆卜卜，而內裡則層次分明，入口軟腍無渣，相當抵食。桂香切雞瀨粉瀨粉爽滑彈牙相當出色，而切雞雞肉滑溜，食完相當滿足。椰皇燉嫩雞燉湯及杏汁花膠燉白肺燉湯椰皇燉嫩雞燉湯打開椰蓋時，陣陣椰香撲鼻，味道相當清甜，真係好似飲緊椰皇水一樣。而杏汁花膠燉白肺燉湯，味道濃郁，白肺軟腍相當出色。真係啱哂秋冬季節飲用。平時如果想飲湯品更可以選擇外賣，外賣杯裝更有手抽，相當方便。港式奶茶最後仲飲咗港式奶茶，原來呢個係餐廳將新鮮調製好嘅奶茶入樽雪凍，奶茶甘香，如果$28體驗一吓也不錯。

戲曲中心🏤喺文化傳承嘅瑰寶之地，裡面除左為世界級表演場地，仲有唔少宣揚港式飲食文化嘅食肆🥢。 今日帶左阿仔同婆婆參觀戲曲中心，到晚飯時間，去左🥣鼎尚棋哥燒鵝湯館，一嚐鼎爺炮製嘅「靚湯」和「燒味」。餐廳以懷舊主題設計，十分有舊陣時特色，🖼手繪壁畫、🧮復古算盤 、🔐懷舊鐵閘等等... 相信阿仔都未見過呢啲裝修😝。 一場黎到當然唔少得食燒鵝同飲靚湯原隻荔枝柴燒鵝脾飯：皮脆肉嫩啖啖肉玫瑰豉油雞瀨粉：色香味濃有雞味秘製叉燒：肥瘦均勻送飯一流郊外油菜：青蔥翠綠幼嫩可口 記得飲埋 阿爺靚湯 ，滿足一整天😋。椰皇燉嫩雞：椰味香濃雞味鮮椰菜瑤柱海皇湯：海味燉湯鮮味十足飲靚湯唔夠喉，仲可以🥡takeaway，外賣手抽+咖啡杯設計，擕帶方便又可隨時飲用！ 最後仲買攞左枝☕️港式奶茶同阿爺涼茶邊行邊飲，奶茶味濃香滑無渣，唔會死甜👍🏻。阿爺涼茶新鮮製造，清熱明目，岩晒阿仔飲！

成日係電視上見到鼎爺表演廚藝,今日就同朋友黎食下鼎爺同棋哥合作的野食,朋友食過話又有港式傳統味道同加上些新派飲食文化~位處戲曲中心,柯士甸MTR行去很快到都幾就腳,店內的佈置行老香港懷舊風情調氛圍,手繪壁畫、復古算盤、懷舊鐵閘,燈光溫和,墨水字很有力度型格,總體環境不錯,地方坐落舒服,平日中午晚上同事朋友家人聚餐,聊天聚會下是不錯的地方~.*椰皇燉嫩雞盅之前都飲過鼎爺私房菜中這道招牌靚湯,無添加調味, 原汁原味,每口陣陣濃郁的椰香,清甜可口, 相信所花的工夫時間不少,兩個椰皇水/椰子肉/雞一起燉,用料十足, 絕對係皇牌之選~ .*椰菜瑤柱海皇湯盅椰菜、瑤柱、冬菇及蠔豉蝦乾等海味燉湯，海鮮味濃厚~ .*荔枝柴燒鵝飯 連燒都用上荔枝柴煙燻燒出風味,鵝肉皮色油潤紅亮，皮香肉嫩，肉汁豐富,食落鵝肉嫩口而具脂香,店員話貨色係從千多隻鵝中挑選出最好的150隻鵝乸,質量有保證~ .*玫瑰豉油雞瀨粉 由内到外都有好有雞香味,肉嫩口感又香又滑 .*脆皮燒腩仔例牌呈金黃色，酥脆的豬皮，肥瘦兼備層次分明，味道不會過濃而且香嫩醇厚 .*郊外油菜郊外油菜的味道不錯，特别清口*外賣樽裝港式奶茶奶茶口感順滑,茶葉味

早幾日經過戲曲中心附近，正逢午餐時間，就行入去行吓搵食先😊發現有間餐館裝修以懷舊為主，懷舊鐵閘、海報、手繪壁畫、電話、算盤⋯好有特色🎉坐低叫咗碗荔枝柴燒鵝飯同玫瑰豉油雞瀬粉，再整碟燒腩仔🤤這店燒味做得相當有水準。燒鵝皮脆肉香嫩，油雞皮香肉滑、腩仔外皮脆卜卜，肉肥瘦相間😋😋😋👍呢度嘅燉湯，一定要試！點咗個椰皇燉嫩雞同川芎天麻燉雞湯。超足料製作🎉椰皇清甜雞味鮮，加入香茅令椰子味道提升，濃郁椰香，入口滋潤🤤川芎天麻燉雞湯～用烏雞燉川芎天麻不只能提高藥材的功效更令燉湯更鮮甜、更芳香👏🏻👏🏻👍臨走見到Poster有枝裝奶茶賣，即買枝拎走，茶味夠香濃順滑，有水準！

最近係戲曲中心，新開左間中式餐廳🍴聽講鼎爺有份開🙈一入去環境已經好有懷舊港式風味，算盤🧮、日曆造型嘅餐牌📅、壁畫都睇得出係有落心機🤩-呢度嘅湯品真係冇得彈，特別推介👉🏻椰皇燉嫩雞🐔，佢係原隻椰皇擺落去燉架，精華係曬裡面，飲落好鮮甜，d雞都竟然唔鞋✨仲有杏汁花膠燉白肺湯，豬肺就算燉完都好嫩滑，平時屋企少煲湯嘅我飲完覺得好滋潤😋如果外賣仲有靚靚外賣湯杯比你拎走，誠意滿滿✨棋哥嘅燒味都做得十分出色，特別係荔枝柴燒鵝飯，勁大隻燒鵝髀，d皮燒到又薄又脆，係我食過最好味嘅燒鵝啦🙈玫瑰豉油雞雞皮好嫩滑✨最後仲買埋佢個樽裝港式奶茶同阿爺涼茶tim，奶茶好香濃，紅茶味道較出☺️呢排食咁多熱氣野飲都要飲番杯阿爺涼茶解下毒😌認識香港🇭🇰要由食開始，呢度除左食物高質之餘，仲充滿香港特色！🥰

第一次到戲曲中心，位置鬧中帶靜，之後又多一個休憩好地方了。同朋友路經搵食，見到哩間餐廳，裝修幾有懷舊氣息，就想試試。整體來講，食物質素係喜出望外，雖然只是傳統既燒味款式，卻吃出用心既烹調。加上店員親切有禮，係一間高質的燒味餐廳。熏蹄拼海蜇熏蹄都幾大塊，同唔會似出面果D會散開。最特別既係點醬，一般係用醋來點，哩度係用自家製既醬汁，當中食到有蒜香 ，混合酸酸既味道，又特別又開胃。燒鵝飯燒鵝應該係店既皇牌食物，真係好好味，真正皮脆肉嫩。而且一入口，係有一種柴薰既香氣，無係出面食過。咬落去肉汁同肉香充滿口中，幸福感滿滿。而且燒鵝分量都多，同埋大大件，鋪好係飯上面，完全感受到師傅對製作既認真。仲有一樣好重要既野，就係飯汁唔會太多。因為我好怕係出面食燒味飯，最後師傅淋大大勺燒味汁落去，浸滿飯，又鹹又油膩。飯汁分量剛好，啱曬著重健康既朋友。油雞飯油雞飯亦都唔會油膩，而且哩隻唔係肥雞，啱曬我口味，，唔會油膩。雞肉嫩滑，雞皮係有少少爽脆既感覺，好特別既質感。椰皇燉嫩雞必食 ！實在係太清甜了，佢係用2個椰皇水來燉既。好潤口好清甜，有被驚艷到。湯渣中係有椰子肉同雞肉等，我都食曬。哩個都係皇牌，難怪係墻上有自

今日去咗戲曲中心參觀行到肚餓入去呢間新開嘅鼎尚棋哥燒鵝湯館入面係老香港裝修仲播住懷舊嘅廣東歌 原來間餐廳係由鼎爺同埋棋哥合作開有齊兩間店舖最出名嘅食物 椰皇燉嫩雞湯呢個湯真係好清甜用原個椰皇去燉入面仲有清甜嘅椰子肉呢個天氣飲真係好滋潤 椰菜瑤柱海皇湯入面用咗好多海味例如瑤柱蝦米蠔豉去燉呢個湯真係好鮮好滋味 燒味雙拼：脆皮燒腩仔&秘製叉燒脆皮燒腩仔層次分明脆皮十分鬆化加埋啲花生好好食叉燒係完美嘅半肥瘦而且好入味 荔枝柴燒鵝飯呢個燒鵝真係不得了一上枱就已經聞到好香嘅荔枝柴味而且燒鵝嘅皮燒到好鬆化下面嘅飯一樣好好味聽侍應哥哥講係用咗頂級越南嘅米食落去好有咬口 桂香切雞瀨粉切雞嫩滑瀨粉好出色，好爽口同彈牙 不得不提嘅係呢度嘅外賣支裝香滑凍奶茶茶味好香濃而且甜度啱啱好 臨走嘅時候見到有d好靚既外賣湯杯喺度設計特別，方便邊行邊飲成個咖啡杯咁可以加埋手抽，方便擕帶

鼎爺私房菜同歷史悠久的家族燒味店「棋哥燒鵝餐室」破天荒合作，喺西九龍戲曲中心開設左呢間「鼎尚棋哥燒鵝湯館」，以棋哥招牌燒鵝配鼎爺足料燉湯，令大家可以品嚐傳統港式滋味餐廳裝潢結合懷舊設計，除左有復古算盤同懷舊鐵閘外，牆邊仲有手繪壁畫同懷舊海報，非常經典，帶給客人不一樣的體驗有多款不同燒味或燒鵝套餐～燉湯款式多達六款，碗碗足料，各有不同功效。燒鵝和燉湯都係必試的餐廳主打椰皇燉嫩雞用原個椰皇呈上🥥一打開蓋有陣陣椰香飄出，湯底呈奶白色，燉湯好夠火候，帶有濃郁椰子鮮甜味同雞味，仲有唔少雞肉同椰肉，足料夠味椰菜瑤柱海皇湯呢個燉湯同樣好足料，裏面有唔少椰菜，仲有蝦乾、瑤柱、章魚、蠔豉等等，個湯好入味又夠鮮味，好好飲呢荔枝柴燒鵝配白飯燒鵝只用九十天左右出品，製作過程用上荔枝柴去燒燻，比較香口，外皮燒得好香脆，內裡肉質夠鬆嫩，非常高質瀨粉好大碗湯瀨粉，入口滑溜，夠晒飽肚玫瑰豉油雞豉油雞髀好肥美，啖啖肉，好Juicy，配埋秘製蔥油一齊食好香口呢秘製叉燒蜜汁叉燒份量夠多，肥瘦適中，肉質香軟，好入味！秘製蜜汁甜甜的，用黎送飯食就啱晒郊外油菜灼菜心好新鮮碧綠又爽脆，感覺健康港式奶茶絲襪奶茶用樽仔裝住，好有特色。

記得兩年前行過戲曲中心呢個位，果時都係起緊階段。事隔兩年，終於有機會可以黎，今次係睇《再生‧緣》。由於早到，所以決定同朋友先醫一醫個肚。見到有間食燒鵝嘅餐廳，朋友話呢間之前雜誌有介紹過，係鼎爺同棋哥嘅餐館，以鼎爺靚湯配上棋哥靚燒鵝聞名。所以我地決定去試下。門口懷舊鐵閘很有風味，像舊時雜貨店，但閘內不是老人店主與乾貨，而是新式的餐廳。原諒我是一個藝術人，對璧畫同埋懷舊海報情有獨鍾。我地兩個人，朋友話呢度出名係鵝、雞、椰皇燉嫩雞、杏汁白肺湯同埋奶茶。所以我地就索性每樣都叫啲試下。先來第一味椰皇燉嫩雞，個湯用一層紙封住，保持新鮮。打開時見到奶白色的椰汁湯，底部有嫩滑雞塊，個湯十分清甜，雞味與椰子味混合，味道不鹹，值得一試。飲完湯後就開始食頭盤秘製叉燒，以前食叉燒，大家中伏不外乎肥叉太肥膩，而瘦叉乾蹭蹭。 但呢間食店，佢叉燒肥瘦比例好，而且大塊，加上蜜汁，令瘦肉、肥膏同埋蜜汁一齊係口裡面，正。食完叉燒之後就黎左碟切雞配瀨粉，切雞一句，就係「嫩滑」。佢嘅瀨粉晶瑩剔透，有質感，硬度適中，不太稔。至於燒鵝髀飯，由於佢個餐牌寫明係用柴火煙熏，所以燒鵝隱約有一陣柴木嘅味，燒鵝肉質嫩厚，啖啖肉。朋友話，佢

相信大家對「鼎爺」這個名字一定不會感到陌生，鼎爺憑烹飪節目而爆紅，廚神形象深入民心。早前從報章上得知，鼎爺近日又有新搞作，繼之前大受歡迎的「鼎爺私房菜」及「鼎．會館」後，最近在戲曲中心又開設另一新餐廳「鼎尚棋哥燒鵝湯館」。據聞這間新店是由兩大名廚攜手合作，主打鼎爺靚湯及棋哥燒鵝。「靚湯」和「燒味」都是香港最傳統的普羅大眾美食，依家可以一次過品嘗，實在令人期待，所以趁今日 Happy Friday，就同老公兩口子嚟體驗下。其實我今趟都係第一次嚟戲曲中心，原來這裡除了可以欣賞粵劇外，還有文化禮品店和多間特色餐廳，絕對是個影相打卡好去處。至於今次到訪的「鼎尚棋哥燒鵝湯館」，裝潢極富心思，設計大玩懷舊風，以深木色門面、通花摺閘、水磨石地磚，配以牆上的手繪壁畫、懷舊海報、復古算盤等，一派老香港情懷。餐牌設計以舊式日曆為靈感，充滿懷舊氣氛。細看價目，原來燒味飯同燉湯，定價都幾親民， 最平 $78 已經有交易。食客可單點，亦可以選套餐。我哋揀咗兩個燉湯、荔枝柴燒鵝飯、桂香切雞瀨粉、一碟脆皮燒腩仔同郊外油菜。燉湯揀咗最多人推介的椰皇燉嫩雞 ($138) 同杏汁花膠燉白肺。前者湯品以原個椰皇奉上，誠意十

有睇開鼎爺廚房一定知道鼎爺除左打得同埋一股霸氣既磁埸，其實佢仲係對煮野食好有研究，早幾年佢就開左間「鼎爺私房菜」，結果聲名大噪，愈做愈大。近排就聽講佢同一位好出名既食燒鵝既品牌「棋哥燒鵝餐室」合作，聯手打造一間「鼎尚棋哥燒鵝湯館」。顧名思義，除左有主要有燒味外，仲有鼎爺私房菜既招牌椰皇燉嫩雞同多款滋補燉湯，可以話係雙劍合璧呀！餐廳開正係新開既西九「戲曲中心」，淨係個建築風格已經好吸晴，打返個靚卡就梗咖啦。餐廳設計亦好有懷舊氣息，主要擺放好多深色木系枱椅、水磨石地磚配搭七、八十年代經典金曲，相當有氣氛！👇📌鼎尚棋哥燉湯 -▪   杏汁花膠燉白肺湯 - $108(盅)▫   第一樣野必試既就係燉湯，提供既款式有成六款咁多，每樣都有唔同功效，我朋友就揀左呢個花膠白肺湯，湯底清徹，火候十足，表面呈現奶白色，飲起上黎嘴角仲有ｄ膠質感。當中配料都好足料，花膠厚身，杏仁味好濃，豬肺清甜，相當滋潤！▪   椰皇燉嫩雞 - $138(盅)▫   呢個椰皇不得了呀，主要用左椰子肉、雞肉及椰漿製成。聽Staff講每盅燉湯係用左兩個椰皇水，再加入香茅將成個椰子味帶出。唔怪得一入口椰子味咁濃厚啦，仲要係相當清甜