Sense Cafe (已搬遷) 新店位置

打工仔一族，黎到星期日，當然要放下急速嘅步伐，好好享受一下。天氣較炎熱，所以一步到，先要一杯荔枝沙冰。荔枝味道非常清新，果味濃郁，但甜味唔會太重，係清新解渴之選。接著要左一客炸洋蔥圈。熱辣辣上場，香氣撲鼻，點上沙津醬，滋味呈度更帶升一層次。以小食開胃之後，當然就係主菜時間，鵝肝澳洲和牛漢堡。鵝肝肥美而軟滑質感，教人相當難忘，而和牛肉香又由嫩滑，同樣叫人念念不忘，兩者配合起黎，已經係令人相當滿足，再加上烤熱的漢堡包夾在一起，口感豐盛，係質素相當高嘅漢堡包。最後要左一客玫瑰花瓣Mousse作甜品。面頭嘅泡泡賣相靚之外，亦帶點甜味。而Mousse帶有真正花香之外，亦食到真正嘅玫瑰花瓣，非常特別！而Mousse味道清甜，質感軟滑，呢度嘅甜品果然真係出色！

同事最近嚐過Sense的甜品後，都給予不錯的評價。正好煩惱相約友人在哪裡晚餐，所以決定今晚試試。這是期間限定的意粉款式。初次品嚐地中海紅蝦，鮮紅顏色非常吸睛，肉質較實但彈牙，而且鮮甜度高。青口肉質飽滿帶嚼勁，扁意粉均勻地掛上creamy的醬汁，很滋味。每次吃benedict都很期待刺穿水煮蛋後，看着蛋汁緩緩流下。帶點焦脆的包吸入蛋汁後，加上煙三文魚及蛋黄醬，味道不錯，不過吃完一塊後，已開始有飽滯的感覺。幸好沙律淋上酸甜的醋汁，更覺開胃。今晚的驚喜之作，非「灰白心太軟」莫屬。灰白心太軟即是分子雲呢拿及芝麻雪糕配抹茶心太軟。看餐牌介紹，分子加入負197度之液化氮即時炒成粒粒雪糕狀，配上剛出爐的流心心太軟，一冷一熱。建議食法的食法是雪糕配上心太軟一齊食，以免凍傷嘴。雲呢拿雪糕味道清淡，而芝麻雪糕的味道反而較濃。配上濃郁的抹茶心太軟，一冷一熱，很讚！這裡還有其他具特色的份子甜品，下次必定會再戰。

好耐無尋食啦!係佐敦睇完醫生就黎左呢間Cafe食Dinner!晚上七點幾，唔算太多人，搵個梳化位坐低啦！門口處睇以為主打西餐，當睇餐牌時，感覺甜品更豐富呢!黑板上寫了些Special Dishes，價錢都唔算貴。我就Order了這個牛油果奶昔，唔係度度有呢隻口味，最重要冰塊唔算多，飲落好舒服！唔會太甜，這個是清新健康之選啊！我點這個是Special Dishes來！疏乎厘焗飯第一次聽！感覺幾有創意啊！一般作為甜品的疏乎厘，都會撒滿糖。而這個咸食疏乎厘剛撒滿鹽，加了些少香草係面調調味。疏乎厘入面的焗飯，可以自選汁底，我就選擇了蘆筍蘑菇汁，感覺非常健康！仲加左芝士一起焗，食落有些煙UN感。另外，配上西冷一塊，SIZE確實細件左Ｄ，無話幾成熟，上枱時都有五六成熟的。甜品則叫了全份窩夫，近排窩夫癮很強，終於今晚得償所願啦！窩夫大大件，真係食一份窩夫都可以當晚餐啦！唔算太厚身，外脆內少綿啦！雪糕選擇了綠茶口味，配上甜甜的士多啤梨，另配果仁朱古力醬，但有點甜呢！整體上都不錯啊！過了九點全場滿座，很多人來吃甜品呢！這間應該較出名吃甜品吧！

上次gathering呢去左附近嘅火鍋店食完，經過呢一間cafe， 咁見到啲食物覺得都幾吸引 ，環境又舒適 ，就諗住會再返嚟幫襯嘅， 咁今日咁啱又喺附近就決定來度食喇。食物方面啦，既然係叫cafe嘅,就當然係以輕便啲嘅light food同埋西式化的食物為主。 例如有all day breakfast， 牛角包餐，waffles…… 其實真係好啱時下年青人去。 同埋唔知係唔係呢間餐廳新開張啦， 食完覺得啲食物都ok但係又唔算太多人咋喎， 都不失為一個傾計聚腳好地方~~消暑嘅飲品就最啱而家熱辣辣嘅天氣啦！ 平時好少飲凍飲嘅我都忍唔住來一杯藍莓奶酪。 出咗嚟成杯子紫紫地色咁好靚呀！味道方面 ，會taste到好清新嘅藍莓味， 味道好濃郁但係唔會太甜，我幾鍾意。食物方面， 我點了期間限定的龍蝦潛艇配龍蝦湯及 薯條~潛艇原來是牛角包。整個餐看起來都好豐富，有湯有包有一堆薯角，不過個牛角包就好似份量細件左啲，我原本以為叫得做潛艇應該會巨型些。還好牛角包用料都算足，有生菜、芒果和龍蝦肉，還有些醬汁咁。牛角包還keep到鬆化，醬汁混合了龍蝦肉也挺香挺鮮，夾了芒果又增加了口感的層次和清新了，不過，龍蝦肉

今晚收工之後同Amy去搵食，鬼屎咁熱，行下行下去左佐敦，個肚打晒鼓，見到有個西餐廳，叫SENSE CAFE，何謂SENSE??係感覺﹑意識﹑觀念，一於少理，    憑感覺去食啦!望望餐牌，食意粉，甜品等等，先嗌左兩個意粉。日式肉丸蕃茄煮扁意粉: 有4粒肉丸，一字型排開，其實唔知日式係咩，食落質感似宜X家X的肉丸，d肉搓得好實，唔易散開，肉味有d咸。扁意粉幾爽口，佢唔算好淋，蕃茄汁一般唔算好濃咋~伴碟仲有蓄茄仔食TIM!黑松露大蝦扇貝扁意粉: 比起蕃茄意粉，呢個意粉更加入味，黑松露汁好好味，初時食覺得佢幾淡味，但之後會feel到種與別不同既咸味，好似類似鹽既咸味，再加上黑松露有少少苦澀味，令個意粉好有特色。大蝦都OK，有兩隻，大隻，扇貝都有兩隻，肉有d un，比較難離殼，食起上黎有d狼狽，但味道OK的。甜品我叫雪糕焗脆格，Amy中意食香蕉，我地叫左香蕉加芒果醬。朱古力雪糕又滑又香濃，有濃郁既朱古力味。d脆格有d似吐司，但係更加脆！香蕉切成一片片，都幾多架！芒果醬酸酸甜甜，吊起左個味，正！食飽飽我地去左廟街聽人地唱歌，好聽過d現今歌手好多啦！ 人地...應該係憑感覺去唱的

星期六lunch time入黎，坐低落order時叫左個白汁煙肉長通粉，問落單哥哥（應該係老細卦）可唔可以轉意粉，佢話只可轉扁意粉，「我地全間cafe都無意粉架～」，哦，咁照要囉。上檯唔知點解變左茄汁肉丸扁意粉，我同同一個哥哥講：我要白汁煙肉長通粉喎，佢轉身拎張單同碟粉黎話：「落左肉丸意粉喎，你介唔介意？如果唔係要重新做過」我話我唔食肉丸喎。佢不滿轉身走開。我想話，個意粉$88，你呢間係cafe唔係茶餐廳或者大排檔，我唔係要碗$28嘅魚旦河，你落錯單反問我介唔介意？今時今日仲有咁嘅服務態度！仲有其實由我地坐低到落完單都無人俾杯水我地，問左兩次先有個女仔答話啲杯洗緊要消毒。哦，唔該哂。

上星期放工後與友人去了佐敦的Sense Café食飯, 友人愛在小店食嘢傾計, 所以這間店也是佢提議.店內最吸引我注意是掛在牆上的黑板, 除了寫上部份菜單資料外, 也畫了一些食物圖案.我先點了個熱玫瑰園果茶飲.味道不算好濃, 但入口有淡淡的玫瑰花香味. 另附有蜜糖, 加了一點蜜糖, 感覺又有點不同.主菜點了緬因洲龍蝦芝士梳乎厘焗飯配蘆筍蘑菇汁.我又想飲湯, 所以點了南瓜忌廉湯.店員先奉上湯.湯幾夠熱, 我好怕唔熱的湯, 因為對於我來講, 唔熱口感相差一大截, 好味程度即時大大降低.個湯質感幾幼滑, 稀杰程度適中, 南瓜味尚算濃郁.主菜上枱.已經被龍蝦吸引住, 不但全隻龍蝦, 而且都幾大隻.第一時間試下龍蝦肉, 肉質夠挺身, 夠新鮮, 而且夠爽口彈牙, 啖啖肉真係食得特別滋味.而梳乎厘好似一座雪山. 甜的梳乎厘食得多, 咸就相對較少食.帶咸的蛋白, 入口時感覺蛋白質感夠實在, 不會過稀.飯是配上蘆筍蘑菇汁, 味道相對較淡一點, 若汁多一點, 味道會更佳.這裡的甜品選擇相當多, 我地點了雜果法式窩夫(全份).客人可以從中選擇自已鍾意的醬汁, 雪糕.我地選了焦糖醬, 蜜糖脆脆雪糕.上枱時已被

Sense嘅分子雪糕料理都算係始祖，隨即有不少甜品店都加入分子雪糕嘅戰團。未食分子雪糕前，呢款招牌原味Tiramisu係必試，佢模仿盆栽嘅模樣，特別用上小盆，Tiramisu就好似變成泥土咁。啲餅濕濕地，有純香嘅咖啡味。一層一層嘅Tiramisu「泥土」係以蛋糕(唔似係手指餅乾)相隔，旁邊被mascarpone包住，口感好rich，又軟綿綿。濕潤嘅「泥土」上放上碎濕濕嘅果仁、燕麥，朱古力粉，仲放上一條薄荷葉，提升「盆栽」嘅像真程度，更加似食「泥」，夠玩味！到食分子雪糕嘞！呢個一上枱就不停冒煙，係乾冰起嘅作用嗎？分子雪糕真身都係雪糕，放到-197度嘅環境雪藏，凍到易碎，可以打碎成粒。呢杯石板街分子雪糕有黑朱古力、牛奶朱古力、白朱古力，等啲煙散咗先好食，咁樣無咁凍，朱古力較平時食果啲無咁甜，似有層冰封咗表面，要慢慢㗳啲朱古力味先會出。再加上細粒綿花糖、花生去增加唔同味道同層次感。啲綿花糖表面睇係原整嘅，但其實已經震到個心都碎咗，唔係平時食嘅軟綿綿質感，而係凍嘅、感覺碎咗。多兩吓會變軟，好有趣！好好玩！一冷一熱嘅組合甜品都係必點嘅，waffle加雪糕係我嘅最愛，今次試埋另一配搭分子雪糕加心

同朋友行開佐敦廟街附近時，又比我發現一間抵吃小店！地方唔算太大，但勝在坐得舒服！望望餐牌有好多選擇！但我又不是太肚餓，所以叫了個Sense all day breakfast $98內有煙肉、雞肉腸、豬肉腸、煙三文魚、茄汁焗豆大啡菇、芝士炒蛋同埋沙律分量剛剛好！芝士炒蛋炒得好滑！兩條肉腸都彈牙爽口！隻牛角麵包亦好軟熟！另外加了一份水牛城雞翼$42味道同平時吃開多汁酸辣嘅味道不同！原來為了配合不同人的口味廚師將醬汁改良！朋友叫了安格斯芝士漢堡$85大大個安格斯芝士漢堡，切開一半就想一啖入口，但個塊邊入口邊充滿肉汁嘅漢堡扒，真的一口放不下！漢堡入口時個個肉汁自動流出真係夠晒juicy!最後加多杯果仁布朗尼咖啡$38多奶香滑味，咖啡味道濃郁，上面重放了少量果仁布朗粒，口感十足！休閒在城中找個地方安靜一下，這裡確實不錯！

某日係尖沙咀返工夏日炎炎食飯時間想搵間食甜品飲杯凍野飲 消下暑係尖沙咀行到黎佐敦無意中發現間sense dessert cafe曾經聽過依個名 係咪之前元朗都有呢間?於是走入去試下裡面無輪位置 環境都比較開揚 而且光線充足 有戶外太陽光照射所以整體感覺上都比較舒服餐牌中除左甜品之外 仍有全日早餐以及飯麵選擇我自己就先試下呢個石板街味道雪糕就食得多石板街分子雪糕就未食過朱古力 花生 棉花糖 經過特別處理變身成為一粒粒好似石頭一樣 店員提示我要等一陣 等佢開始融化先入口口感特別 食冰感覺差不多夏天最好係食西瓜沙冰消暑但不幸已經售罄了所以另選擇熱情果沙冰 杯上面有薄荷葉襯托飲落口能感覺非常新鮮 入口棉棉 好Fresh入幾啖熱情果沙冰之後突然胃口大增即刻揀左黑松露大蝦扇貝扁意粉滿足個胃扇貝同大蝦體型略為比較細隻但勝在肉質彈牙 有足夠肉汁扁意粉比較沐唔易斷 整碟意粉充滿黑松露醬可想而知係用好多份量既黑松露去煮成食幾多次入口黑松露味道都唔會走失讚

一個人來到佐敦，甜品癮又發作，附近餐廳最吸引的竟然是Sense，就去吃個甜品，休息一下。焦糖香蕉咖啡。賣相非常吸引的飲品，焦糖香蕉燒香後掛在咖啡上，形成花的樣子。香蕉加上焦糖燒香，味道甜絲絲，非常有趣。咖啡濃香冰凍，甜味較苦味突出。朱古力心太軟。即叫即焗的心太軟是我最愛，輕輕一切流心度極高，朱古力醬香甜帶點甘苦，蛋糕半熟入口軟腍甜美，軟熟的蛋糕焗得相當出色，伴上朱古力雪糕，不易溶入口幼滑，帶點朱古力碎，口感更為豐富。

一個人在附近工作完，找個地方吃個下午茶。忙到午餐都未食，下午茶份量必須要豐富些。餐牌選擇多，我一眼就選中了蟹肉意粉。推介意粉之一。法國麵包蟹白酒煮意粉。濃濃蟹膏蟹肉，醬汁味道濃郁鮮甜，蟹膏帶出陣陣鮮味，蟹肉份量非常豐富。兩隻蟹鉗放在意粉上，賣相誘人，蟹肉爽嫩唔霉，鮮甜唔腥。意粉掛汁力高，濃厚味道鮮香味滿滿，配上露筍，口感的確豐富出色。另點上一客雞翼。蜜糖味道清甜不膩，熱辣辣外層焗得香口惹味。雞肉嫩滑不乾身，味道頗是滋味。

今日同朋友食飯，見依間cafe幾令就入左去～我地叫左egg benedict with smoked salmon一切開就見到啲蛋黃流曬出黎, 加埋煙三文魚同生菜，個蛋黄醬調得唔錯，但有點漏另外叫左一個安格斯芝士漢堡，入面既牛肉漢堡好厚好juicy，加埋塊蕃茄同醬汁，係好味既！熱辣辣既薯條都好脆，幾好味～而且好多！仲食唔唒添xd我地仲叫左杯野飲，依個叫晨曦，係水果茶，幾大幾抵飲，加左附上既糖漿好飲啲，酸酸甜甜又不失茶味, 朋友就叫左抹茶紅豆，抹茶味偏淡，較普通最後就係dessert time!叫左原味tiramisu，盆栽既外型好可愛，但真係有少少細....不過係好味既！雖然食落唔似不嬲既tiramisu，似咖啡mouse加左啲海綿蛋糕同脆脆，芝士糊溝左咖啡味，好香，上面既脆脆都好夾好好味，不過就冇左tiramisu特有既咖啡酒味～仲叫左石板街分子雪糕，上面既綿花糖因為好凍所以係脆既，幾特別，仲有冰既花生，都幾好味～至於下面既朱古力雪糕有啲似粒粒雪糕，有white chocolate同milk chocolate 兩隻，整體黎講唔錯，幾大杯但有啲漏～

大家還記得那個令不少人湧去試的盆栽甜品嗎？！現在講起可能沒什麼特別，但在那個時候這店可算是較早推出分子甜品的一員，小妹也曾去過元朗店潮聖過呢！.元朗店早早已搬到去佐敦了，環境比舊店寬敞，除了分子甜品，因應需求還有供應漢堡、意粉、小食和特別的梳乎厘焗飯等。.部份餐牌，店子的甜品款式最吸引小妹，款式多，賣相也不錯，最終點了兩款甜品都頗滿意的。.巴馬火腿班尼迪蛋伴沙律 $82好耐無食了，呢個水波蛋賣相夠晒'波'，但就係荷蘭醬不夠多，切開後蛋黃汁傾湧而出！底下的English Muffin 有煎過，所以咬落脆脆的滿香口，配埋咸香味十足的巴馬火腿，味道不錯啊。.芝士梳乎厘焗飯配日本薩摩赤雞肉 (松露牛肉汁）$138梳乎厘甜品就見得多，估唔到呢度有梳乎厘焗飯，梗係要叫黎試下！個飯製作需時，上檯時還滿注目的，飯上係一層白色像小山丘的梳乎厘。這賣相岩晒相機食先，如要影相就要快了，因為它會很快縮小的！.梳乎厘底下就係松露牛肉汁飯，還可看到有牽絲芝士，不過食落松露味欠奉，味道好似普通肉醬，滿失望的。.日本薩摩赤雞肉上面灑左點海鹽，咸白得宜，雞肉其實是雞扒，煎至皮脆肉嫩，味道還不錯。.芒果青檸乳酪雪糕 （包

早早已經聽聞這裡有一款食物，十分的特別，把甜品的梳乎里放在飯的上面一齊焗，一次過滿足你兩個願望。所以我也特意地來試一試這一款菜餚。豬扒梳乎里焗飯。豬扒分開地上，份量不算大，但煎香油份重。肉質較為結實而不硬，略帶少少的肉汁。焗飯方面，梳乎里焗起之後十分的高，先吃一口的感覺有點不太習慣。平時吃的總是甜甜的，咸的梳乎里還需要點時間接受。下面的芝士飯則非常惹味，用上了牛肝菌忌廉汁，飯中滿滿的是牛肝菌的味道，飯身軟淋惹味。可是我還是比較喜歡單單的焗豬扒飯，梳乎里還是另上作甜品吧。荔枝沙冰。在炎炎夏日飲上一杯沙冰簡直是天大的喜訊，荔枝味道香，甜而不膩，十分的清甜。冰磨得很幼細，像粉一般，口感十分舒服。